covid +ve – Chandrika Daily

മൂന്ന് വര്‍ഷത്തിന് ശേഷം സംസ്ഥാനത്തെ പ്രതിദിന കോവിഡ് കേസ് പൂജ്യത്തില്‍ :രാജ്യത്ത് ആകെ 50 ല്‍ താഴെ

webdesk15 — Sat, 08 Jul 2023 02:34:08 +0000

കോവിഡ് മരണങ്ങളും ഭീതിയും വിട്ടൊഴിയുകയാണെന്ന സൂചന നൽകി കോവിഡ് കണക്കുകൾ. മൂന്ന് വര്‍ഷത്തിന് ശേഷം സംസ്ഥാനത്തെ പ്രതിദിന കോവിഡ് കേസ് പൂജ്യത്തില്‍ എത്തി.ഈ മാസം അഞ്ചാം തിയതിയിലെ കണക്കുകള്‍ പുറത്തുവന്നപ്പോഴാണ് കോവിഡ് കേസുകള്‍ പൂജ്യത്തിലെത്തിയത്. ഈ മാസം ഒന്നാം തിയതി 12 പേര്‍ക്കും രണ്ടാം തിയതി മൂന്ന് പേര്‍ക്കും മൂന്നാം തിയതി ഏഴ് പേര്‍ക്കും നാലാം തിയതി ഒരാള്‍ക്കുമായിരുന്നു കോവിഡ് കേസുകള്‍ റിപ്പോര്‍ട്ട് ചെയ്തിരുന്നത്.രാജ്യത്ത് ഇപ്പോള്‍ ആകെ 50ല്‍ താഴെ കോവിഡ് കേസുകള്‍ മാത്രമാണ് സ്ഥിരീകരിക്കുന്നത്. അഞ്ചാം തിയതി രാജ്യത്താകെ രേഖപ്പെടുത്തിയത് 45 പ്രതിദിന കോവിഡ് കേസുകള്‍ മാത്രമാണെന്ന് കേന്ദ്ര ആരോഗ്യ മന്ത്രാലയം അറിയിച്ചു.

കോവിഡിനെതിരെ മികച്ച പ്രകടനം കാഴ്ചവെച്ചത് ദക്ഷിണേന്ത്യൻ സംസ്ഥാനങ്ങളെന്ന് നീതി ആയോഗ് റിപ്പോർട്ട്

webdesk15 — Fri, 26 May 2023 07:28:17 +0000

2020-21 വർഷങ്ങളിൽ കോവിഡിനെതിരെ മികച്ച പ്രകടനം കാഴ്ച വെച്ച സംസ്ഥാനങ്ങളിൽ കേരളവും തമിഴ്‌നാടും തെലുങ്കാനയും മുന്നിലെന്ന് നീതി ആയോഗിന്റെ വാർഷിക സൂചികാ റിപ്പോർട്ട് .വലിയ സംസ്ഥാനങ്ങളിൽ ഈ മൂന്ന് ദക്ഷിണേന്ത്യൻ സംസ്ഥാനങ്ങളാണ് പട്ടികയിൽ മുന്നിൽ. ചെറിയ സംസ്ഥാങ്ങളിൽ ത്രിപുരയാണ് ഒന്നാം സ്ഥാനത്ത്.കേന്ദ്ര ആരോഗ്യ മന്ത്രാലയത്തിന്റെയും ലോക ബാങ്കിന്റെയും സഹകരണത്തോടെയാണ് നീതി ആയോഗ് റിപ്പോർട്ട് തയ്യാറാക്കിയത്.വലിയ സംസ്ഥാനങ്ങൾ, ചെറിയ സംസ്ഥാനങ്ങൾ, യൂനിയൻ ടെറിട്ടറീസ് എന്നീ വിഭാഗങ്ങളിലാണ് പട്ടിക.

രാജ്യത്തെ കോവിഡ് വ്യാപനം ; 13,773 രോഗികളുമായി കേരളം മുന്നിൽ

webdesk15 — Thu, 27 Apr 2023 06:12:43 +0000

ഇന്ന് രാവിലെ 8 മണിയുടെ കണക്കുകൾ പ്രകാരം, 13,773 കോവിഡ് രോഗികളുമായി കേരളം രാജ്യത്ത് ഏറ്റവും കൂടുതൽ കേസുകൾ ഉള്ള സംസ്ഥാനമായി മാറിയിരിക്കുന്നതായി റിപ്പോർട്ടുകൾ. കഴിഞ്ഞ 24 മണിക്കൂറിൽ 9,355 പുതിയ കേസുകൾ രാജ്യത്ത് റിപ്പോർട്ട്ചെയ്തു .രാജ്യത്ത് നിലവിൽ 57,410 പേരാണ് ചികിത്സയിലുള്ളത്.പ്രതിദിന പോസിറ്റിവിറ്റി നിരക്ക് 4.08%. കഴിഞ്ഞ 24 മണിക്കൂറിൽ 2,29,175 പരിശോധനകൾ നടത്തി രോഗമുക്തി നിരക്ക് ഇപ്പോൾ 98.69% ആണ്.

സംസ്ഥാനത്ത് ടിപിആർ അപകടകരമായ നിലയിൽ കോവിഡ് സമൂഹ വ്യാപന സൂചന

webdesk15 — Sun, 23 Apr 2023 03:59:17 +0000

കോവിഡ് സ്ഥിരീകരണ നിരക്കിൽ കേരളം അപകടകരമായ നിലയിലെന്ന് മുന്നറിയിപ്പ് സംസ്ഥാനത്തെ മുഴുവൻ ജില്ലകളിലും ടി.പി.ആർ 20 ന് മുകളിലാണ്.28 .25 ശതമാനമാണ് സംസ്ഥാനത്തെ ടി.പി.ആർ നിരക്ക്. കൂടുതൽ എറണാകുളം ജില്ലയിലാണ് .ലോകാരോഗ്യ സംഘടനയുടെ അഭിപ്രായപ്രകാരം ടിപിആർ 10 ശതമാനത്തിന് മുകളിലാണെങ്കിൽ സമൂഹ വ്യാപന സൂചനയായാണ് കരുതുക.സംസ്ഥാനത്തെ ഗുരുതര സാഹചര്യം കണക്കിലെടുത്ത് ജാഗ്രതയും മുൻകരുതൽ നടപടിയും ആവശ്യമാണെന്ന് കേന്ദ്ര ആരോഗ്യ മന്ത്രാലയം നിർദ്ദേശം നൽകിയിട്ടുണ്ട്.

കോവിഡ് ; രാജ്യത്ത് ഒരു ദിവസത്തിനിടെ രോഗം സ്ഥിരീകരിച്ചത് 11692 പേർക്ക്

webdesk15 — Fri, 21 Apr 2023 08:17:21 +0000

രാജ്യത്ത് കോവിഡ് ആശങ്ക തുടരുന്നതിനിടയിൽ ഇന്നലെ 11692 പേർക്കാണ് കൊവിഡ് സ്ഥിരീകരിച്ചു. കഴിഞ്ഞ ദിവസത്തെ കണക്കിനേക്കാൾ നേരിയ കുറവാണ് ഇന്ന് രേഖപ്പെടുത്തിയത്. അതേസമയം, പോസിറ്റീവിറ്റി നിരക്ക് അഞ്ച് ശതമാനത്തിന് മുകളിൽ തന്നെ തുടരുകയാണ്. നിലവില്‍ 66,170 പേര്‍ക്കാണ് രാജ്യത്ത് രോഗബാധയുള്ളത്. കോവിഡ് വ്യാപനത്തിന് പിന്നാലെ ദില്ലിയിലെ കോടതികളിൽ മാസ്ക് നിർബന്ധമാക്കി.

കേരളത്തിൽ കോവിഡ് അഡിമിഷന്‍ കേസുകള്‍ ചെറുതായി കൂടുന്നുണ്ടെന്ന് ആരോഗ്യമന്ത്രി; ജില്ലാകളക്ടര്‍മാരുടെ യോഗം ചേര്‍ന്നു

webdesk15 — Thu, 20 Apr 2023 09:16:05 +0000

സംസ്ഥാനത്ത് കോവിഡ് കേസുകള്‍ ചെറുതായി കൂടുന്നതിനാല്‍ കെയര്‍ ഹോമിലുള്ളവരെ പ്രത്യേകം ശ്രദ്ധിക്കണമെന്ന് ആരോഗ്യ വകുപ്പ് മന്ത്രി വീണാ ജോര്‍ജ് പറഞ്ഞു.കോവിഡ് സ്ഥിതി വിലയിരുത്തുന്നതിന് ചേര്‍ന്ന ആരോഗ്യ വകുപ്പിന്റേയും ജില്ലാകളക്ടര്‍മാരുടേയും യോഗത്തില്‍ സംസാരിക്കുകയായിരുന്നു മന്ത്രി.
ജില്ലകള്‍ സജ്ജമാണെന്ന് കളക്ടര്‍മാര്‍ അറിയിച്ചു. എല്ലാ ജില്ലകളും സര്‍ജ് പ്ലാന്‍ തയ്യാറാക്കിയിട്ടുണ്ട്. സംസ്ഥാനത്ത് ഇന്നലെ 2484 കോവിഡ് കേസുകളാണ് റിപ്പോര്‍ട്ട് ചെയ്തത്. എറണാകുളം, തിരുവനന്തപുരം, കോട്ടയം ജില്ലകളിലാണ് കോവിഡ് കേസുകള്‍ കൂടുതല്‍. അഡിമിഷന്‍ കേസുകള്‍ ചെറുതായി കൂടുന്നുണ്ട് എങ്കിലും ആകെ രോഗികളില്‍ 0.9 ശതമാനം പേര്‍ക്ക് മാത്രമാണ് ഓക്‌സിജന്‍ കിടക്കകളും 1 ശതമാനം പേര്‍ക്ക് മാത്രമാണ് ഐസിയു കിടക്കകളും വേണ്ടി വന്നിട്ടുള്ളതെന്നും മന്ത്രി അറിയിച്ചു.

രാജ്യത്ത് കോവിഡ് ബാധിതരുടെ എണ്ണം വീണ്ടും പതിനായിരം കടന്നു

webdesk15 — Wed, 19 Apr 2023 05:57:10 +0000

രാജ്യത്ത് പ്രതിദിന കോവിദഃ രോഗികളുടെ എണ്ണം വീണ്ടും വർദ്ധിച്ചു.24 മണിക്കൂറിനിടെ 10,542 പേര്‍ക്ക് കോവിഡ് ബാധിച്ചതായി കേന്ദ്ര ആരോഗ്യമന്ത്രാലയം അറിയിച്ചു. ഇതോടെ നിലവില്‍ ചികിത്സയിലുള്ളവരുടെ എണ്ണം 63,562 ആയി ഉയര്‍ന്നു.

രാജ്യത്ത് കുതിച്ചുയർന്ന് കൊവിഡ്; 24 മണിക്കൂറിനിടെ 10,093 പുതിയ കൊവിഡ് കേസുകൾ

webdesk15 — Sun, 16 Apr 2023 08:46:05 +0000

രാജ്യത്ത് കൊവിഡ് കേസുകൾ കുതിച്ചുയരുന്നു. പുതിയതായി 10,093 പേർക്ക് രോഗം സ്ഥിരീകരിച്ചു. 57,000 സജീവ കേസുകളുണ്ടെന്നാണ് കേന്ദ്ര ആരോഗ്യ മന്ത്രാലയത്തിന്റെ കണക്ക്. 5.61 ശതമാനം ആണ് പോസിറ്റിവിറ്റി നിരക്ക്.നിലവിലെ കൊവിഡ് കേസുകള്‍ക്ക് കാരണമായ എക്‌സ് ബി ബി.1.16 എന്ന ഒമിക്രോണ്‍ ഉപവകഭേദത്തിന് വാക്‌സിന്‍ ഫലപ്രദമാണെന്ന് ആരോഗ്യ വകുപ്പ് അറിയിച്ചു. നിലവില്‍ ചില സ്ഥലങ്ങളില്‍ മാത്രമാണ് കൊവിഡ് കേസുകള്‍ ഉയരുന്നത്. അണുബാധ കൂടിയാലും ആശുപത്രി വാസത്തിന്റെ നിരക്ക് കുറവായിരിക്കും എന്നാണ് വിലയിരുത്തുന്നത്.

കോവിഡിനെ പ്രതിരോധിക്കാന്‍ രക്തസമ്മര്‍ദവും പ്രമേഹവുമുള്ളവര്‍ മാസ്‌ക് ധരിക്കണം

webdesk15 — Thu, 13 Apr 2023 05:05:12 +0000

രക്തസമ്മര്‍ദം പ്രമേഹം തുടങ്ങിയ ജീവിതശൈലീ രോഗങ്ങളുള്ളവര്‍ കോവിഡിനെ പ്രതിരോധിക്കാന്‍ മാസ്‌ക് ധരിക്കണമെന്ന് ആരോഗ്യ വകുപ്പ് നിർദ്ദേശം സംസ്ഥാനത്തെ കോവിഡ് സാഹചര്യം ആരോഗ്യ വകുപ്പ് സൂക്ഷ്മതയോടെയും ജാഗ്രതയോടെയും വിലയിരുത്തുന്നുണ്ട് .കോവിഡ് രോഗികളുടെ എണ്ണം ചെറുതായി കൂടുന്നെങ്കിലും ആശങ്ക വേണ്ടെന്നും ആരോഗ്യവകുപ്പ് അറിയിച്ചു. പ്രായമായവര്‍, കുട്ടികള്‍, ഗര്‍ഭിണികള്‍, പ്രമേഹം, രക്താതിമര്‍ദം തുടങ്ങിയ ജീവിതശൈലീ രോഗങ്ങളുള്ളവര്‍ എന്നിവര്‍ക്ക് കരുതല്‍ ആവശ്യമാണ്. അതിനാല്‍ ഈ വിഭാഗക്കാര്‍ മാസ്‌ക് ധരിക്കണമെന്നും നിർദ്ദേശമുണ്ട്.

പോസിറ്റിവിറ്റി നിരക്ക് 6 ശതമാനത്തിന് മുകളിൽ; രാജ്യത്ത്‌ ഒരു ദിവസത്തിനിടെ 5580 പേർക്ക് കോവിഡ് സ്ഥിരീകരിച്ചു

webdesk15 — Mon, 10 Apr 2023 06:54:02 +0000

രാജ്യത്ത് കൊവിഡ് പോസിറ്റിവിറ്റി നിരക്ക് 6 ശതമാനത്തിന് മുകളിലെത്തി. കഴിഞ്ഞ ദിവസത്തെ റിപ്പോർട്ട് അനുസരിച്ച് പ്രതിദിന പോസിറ്റിവിറ്റി നിരക്ക 6.91 ശതമാനമായി ഉയർന്നു. ലോകാരോഗ്യ സംഘടനയുടെ മാനദണ്ഡം പ്രകാരം പോസിറ്റിവിറ്റി നിരക്ക് അഞ്ച് ശതമാനത്തിന് മുകളിലായാൽ കൊവിഡ് വ്യാപനം രൂക്ഷമാണെന്നാണ് വിലയിരുത്തുക. ഇന്നലെ 5580 പേർക്ക് കൊവിഡ് സ്ഥിരീകരിച്ചു.

ദില്ലിയിലും മഹാരാഷ്ട്രയിലും കേരളത്തിലും പ്രതിദിന കൊവിഡ് കേസുകൾ വീണ്ടും കൂടി. മഹാരാഷ്ട്രയിൽ കേസുകൾ 900 കടന്നു. ദില്ലിയിൽ ഒരു ദിവസത്തിനിടയിൽ കൊവിഡ് സ്ഥിരീകരിച്ചത് 733 പേർക്കാണ്. പോസിറ്റീവിറ്റി നിരക്ക് 20% ആയി ഉയർന്നു. ആകെ രോഗികളിൽ 32 ശതമാനത്തിൽ ഒമിക്രോൺ ഉപവകഭേദമായ എക്സ്ബിബിവൺവൺസിക്സ് കണ്ടെത്തിയതായി ലാബുകളുടെ കൂട്ടായ്മയായ ഇൻസകോഗ് അറിയിച്ചു.