രോഗബാധിതരായി രാജ്യത്തെ വിവിധ ആശുപത്രികളിലും വീടുകളിലും ക്വാറന്റീനില്‍ കഴിയുന്നവരുടെ എണ്ണം 6664 ആയി കുറഞ്ഞു. ഇതില്‍ 793 പേരുടെ സ്ഥിതി ഗുരുതരമാണ്. ഇവര്‍ തീവ്രപരിചരണ വിഭാഗത്തിലാണ്.

24 മണിക്കൂറിനിടെ രാജ്യത്ത് പുതിയ കോവിഡ് കേസുകള്‍ ഏറ്റവും കൂടുതല്‍ റിപ്പോര്‍ട്ട് ചെയ്തത് റിയാദിലാണ്, 76. ഹാഇല്‍ 30, മദീന 28, ദമ്മാം 15, ത്വാഇഫ് 11, ജിദ്ദ 11, ജിദ്ദ 11, ബുറൈദ 7, ഉനൈസ 6, മക്ക 6, യദമഅ 6, അഖീഖ് 5, ഖുന്‍ഫുദ 5, തബൂക്ക് 5, യാംബു 4 എന്നിങ്ങനെയാണ് പ്രധാന നഗരങ്ങളില്‍ പുതുതായി രേഖപ്പെടുത്തിയ കൊവിഡ് രോഗികളുടെ എണ്ണം.

ഇതോടെ രാജ്യത്തെ ആകെ കോവിഡ് രോഗികളുടെ എണ്ണം 1,10,039 ആയി. രോഗമുക്തി നേടിയവര്‍ ഒരു ലക്ഷം കഴിഞ്ഞു. 1,01,650 പേരാണ് രോഗമുക്തി നേടിയത്. 450 മരണങ്ങളാണ് ഇതുവരെ റിപ്പോര്‍ട്ട് ചെയ്തത്. നിലവില്‍ 7,930 പേര്‍ ചികിത്സയില്‍ കഴിയുന്നു.

പുതുതായി 103,000 പേര്‍ക്ക് കൂടി കോവിഡ് പരിശോധന നടത്തി. രാജ്യത്ത് ഇതുവരെ ആകെ 11.2 ദശലക്ഷത്തിലേറെ പേര്‍ക്ക് കോവിഡ് പരിശോധന നടത്തിയിട്ടുണ്ട്. ജനസംഖ്യയേക്കാളേറെ കോവിഡ് പരിശോധന നടത്തിയ ആദ്യ രാജ്യമാണ് യുഎഇ.