കടല്‍ത്തീര ഗ്രാമങ്ങളായ കാലന്‍ഗ്യൂട്ട്, കാന്‍ഡോലിം എന്നിവിടങ്ങളില്‍ വഴിതെറ്റിയ കന്നുകാലികള്‍ ‘മാംസാഹാരികളായി’ മാറി. തെരവ് മാലിന്യങ്ങളില്‍ നിന്നും ലഭിക്കുന്ന മാംസ അവശിഷ്ടങ്ങളും വറുത്ത മത്സ്യവുമൊക്കെയാണ് പശുക്കളുടെ പ്രിയപ്പെട്ട ഭക്ഷണം. ഇത്തരം പശുക്കള്‍ ഇപ്പോള്‍ സസ്യഭക്ഷണം കഴിക്കാന്‍ തയ്യാറായില്ല. ഇത്തരത്തില്‍ അലഞ്ഞുനടക്കുന്ന പശുക്കള്‍ റോഡില്‍ അപകടങ്ങള്‍ സൃഷ്ടിക്കുന്നതായും കണ്ടെത്തിയിട്ടുണ്ട്്്, മന്ത്രി പറഞ്ഞു.

എന്നാല്‍, മാംസഭുക്കുകളായി മാറിയ കന്നുകാലികളെ തിരികെ സസ്യഭുക്കുകളാക്കി മാറ്റിയെടുക്കാന്‍ മൃഗഡോക്ടര്‍മാരെ നിയോഗിച്ചതായും മന്ത്രി പറഞ്ഞു. കാലന്‍ഗ്യൂട്ട് ഭാഗത്ത് അലഞ്ഞു തിരിഞ്ഞു നടക്കുന്ന 76 പശുക്കളെ ചികിത്സക്കായി ഗോശാലയിലേയ്ക്ക് മാറ്റിപ്പാര്‍പ്പിച്ചതായും അഞ്ച് ദിവസത്തെ പഥ്യ ചികിത്സക്ക് ശേഷം മാത്രമേ ഇവയെ തിരിച്ച് സസ്യഭുക്കുകളാക്കുവാന്‍ സാധിക്കൂ എന്നും മന്ത്രി കൂട്ടിച്ചേര്‍ത്തു.

ന്യൂഡല്‍ഹി: കേന്ദ്ര സര്‍ക്കാര്‍ അവതരിപ്പിച്ച ബജറ്റില്‍ ഉള്‍പ്പെടുത്തിയ ദേശീയ ഗോ സുരക്ഷാ കമ്മീഷന്‍ എന്ന പശു സുരക്ഷാ നടപടിയെ സ്വാഗതം ചെയ്ത് ആര്‍എസ്എസ്. കൂടുതല്‍ ജനിതക ഗുണമുള്ള കന്നുകാലി ഇനങ്ങളെ ഉത്പാദിപ്പിക്കാനായി രൂപീകരിച്ച രാഷ്ട്രീയ കാമധേനു ആയോഗ് മികച്ച പദ്ധതിയാണെന്ന് ആര്‍എസ്എസ് ഗോ സേവാ പ്രമുഖ് അജിത് മഹാപത്ര പറഞ്ഞു.

പശുവിനായി ദേശീയ കമ്മീഷനെ നിയോഗിച്ച നടപടിയെ സ്വാഗതം ചെയ്യുന്നു. എന്നാല്‍ നാടന്‍ പശുക്കളെയാണോ ഉദ്ദേശിച്ചതെന്ന കാര്യത്തില്‍ വ്യക്തതയുണ്ടാകണം. ദേശീയ കമ്മീഷനെക്കുറിച്ച് കൂടുതല്‍ കാര്യങ്ങള്‍ പുറത്ത് വന്നിട്ടില്ലെങ്കിലും പശുക്കളുടെ പ്രാധാന്യത്തെയും സുരക്ഷയെയും ലക്ഷ്യമാക്കി ഒരു ഏജന്‍സി ഉണ്ടാകേണ്ടത് അത്യാവശ്യമാണ്. മഹാപത്ര വ്യക്തമാക്കി. ഗ്രാമങ്ങളുടെ വികസനത്തിലും കൃഷിയിലും പശുക്കള്‍ക്ക് പ്രാധാന്യമുണ്ട്. പാല്‍, നെയ്യ്, വെണ്ണ, ചാണകം, മൂത്രം എന്നിവ നല്‍കുന്നു. കര്‍ഷകര്‍ക്ക് ഏറെ ഉപകാരപ്രദമായ ഉത്പന്നങ്ങളാണിവ എന്നും മഹാപത്ര വിശദീകരിച്ചു.

മോഹന്‍ ഭഗവത്, ആര്‍ എസ് സുദര്‍ശന്‍ എന്നീ നേതാക്കള്‍ പശുസംരക്ഷണത്തിനായി അഭിപ്രായങ്ങള്‍ പറഞ്ഞിട്ടുണ്ട്. പശുസംരക്ഷണത്തെക്കുറിച്ച് കര്‍ഷകര്‍ക്ക് ബോധവത്കരണം നടത്തേണ്ടത് അത്യാവശ്യമാണ്. ഒരു ഗ്രാമത്തിലെ അഞ്ച് ശതമാനം ആളുകളെങ്കിലും വീടുകളില്‍ പശുക്കളെ വളര്‍ത്തണം. ഈ വര്‍ഷം ആര്‍എസ് എസിന്റെ ഗോസേവാ സെല്‍ ചാണകത്തിന്റെയും പശുമൂത്രത്തിന്റെയും ഗുണങ്ങളെക്കുറിച്ച് ജനങ്ങളില്‍ അവബോധം സൃഷ്ടിക്കുന്നതിനായി ക്ഷേത്രങ്ങളും മഠങ്ങളും സന്ദര്‍ശിച്ചിരുന്നു. ഗോ ജപ മഹായാഗവും നടത്തിയിരുന്നതായി അജിത് മഹാപത്ര വ്യക്തമാക്കി.

ബിജെപി നേതാവ് ഹരീഷ് വര്‍മയുടെ ഗോശാലയിലെ പശുക്കളാണ് ചത്തത്. അതേസമയം 27 പശുക്കള്‍ മാത്രമാണ് പട്ടിണി മൂലം ചത്തതെന്നാണ് ഔദ്യോഗികമായ കണക്ക്.
എന്നാല്‍ ബിജെപി നേതാവിനെതിരെ ആരോപണവുമായി സമീപവാസികള്‍ എത്തി. ഗോശാലായിലെ 200ല്‍ അധികം പശുക്കള്‍ ചത്തതായും ഭക്ഷണവും മരുന്നും ലഭിക്കാത്തതാണ് കൂട്ടമരണത്തിന് കാരണമെന്നും സമീപവാസികള്‍ ആരോപിച്ചു. കഴിഞ്ഞ ദിവസങ്ങളില്‍ ഗോശാലയ്ക്കു സമീപം മണ്ണുമാന്തി യന്ത്രങ്ങള്‍ പ്രവര്‍ത്തിച്ചതായും ഗ്രാമവാസികള്‍ മാധ്യമങ്ങളെ അറിയിച്ചു.

മധ്യപ്രദേശില്‍ ബെതുല്‍ ജില്ലയിലെ ദുലാരിയ ഗ്രാമത്തില്‍ നാലു യുവാക്കളും മര്‍ദ്ദനത്തിനിരയായി. ഇവിടെയും മര്‍ദ്ദനമേറ്റ യുവാക്കളെയാണ് പൊലീസ് അറസ്റ്റ് ചെയ്തത്. കഴിഞ്ഞയാഴ്ച നടന്ന സംഭവത്തിന്റെ ദൃശ്യം ഇന്നലെയാണ് പുറത്തുവന്നത്. യുവാക്കളുടെ കൈകള്‍ പിന്നില്‍ കെട്ടിയ ശേഷം വടികൊണ്ടും കമ്പികൊണ്ടും തല്ലിച്ചതക്കുകയായിരുന്നു. ഈസമയം ഒരു പൊലീസുകാരന്‍ സ്ഥലത്തുണ്ടായിരുന്നെങ്കിലും അക്രമികളെ തടഞ്ഞില്ല. മര്‍ദ്ദനമേറ്റ യുവാക്കള്‍ സമീപ ജില്ലയായ രഹട്ഗാവില്‍ നിന്നുള്ളവരാണെന്ന് പൊലീസ് പറഞ്ഞു. ഇവരിപ്പോള്‍ റിമാന്റിലാണ്. ആക്രമികള്‍ക്കെതിരെ കേസെടുത്തിട്ടുണ്ടെന്നും ഇവര്‍ ഒളിവിലാണെന്നുമാണ് പൊലീസ് ഭാഷ്യം.

സ്വന്തം രാജ്യത്തിന്റെ സംസ്‌കാരത്തെ കുറിച്ച് പഠിക്കാത്തതാണ് നരേന്ദ്രമോദിയുടെ ഏറ്റവും വലിയ പോരായ്മ. അദ്ദേഹം മറ്റ് രാജ്യങ്ങളില്‍ സഞ്ചരിച്ച് അവരുടെ സംസ്‌കാരം പഠിച്ച് സ്വന്തമായി പേരെടുക്കാന്‍ ശ്രമിക്കുകയാണ്. ഭരണഘടനക്ക് അതീതനായി പ്രവര്‍ത്തിക്കുന്നതാണ് അദ്ദേഹത്തിന്റെ ശൈലി. ഭരണഘടനക്കുള്ളില്‍ നിന്ന് പ്രവര്‍ത്തിക്കുകയാണ് വേണ്ടത്. ദലിത്- ന്യൂനപക്ഷ വേട്ടയില്‍ ആഹ്ലാദം കൊള്ളുന്ന ഭരണകൂട വിഭാഗീയതക്കെതിരെ രാജ്യത്തെ സമാധാന കാംക്ഷികള്‍ സംഘടിക്കുകയാണ്. ആഹാരത്തിന്റെ കാര്യത്തിലും ഫാസിസം കടന്നുകയറുന്നത് അംഗീകരിക്കാനാവില്ല.
ബ്രീട്ടീഷുകാര്‍ ഇന്ത്യയെ ഭൂമിശാസ്ത്രപരമായാണ് വെട്ടിമുറിച്ചത്. എന്നാലിപ്പോള്‍ ശാരീരികമായി വെട്ടിമുറിക്കുകയാണ്. രാജ്യം ഗുരുതരമായ സ്ഥിതിവിശേഷത്തിലേക്ക് നീങ്ങുമ്പോള്‍ മുസ്‌ലിം ലീഗും രാജ്യത്തെ മതേതരകക്ഷികളും ഇതിനെതിരെ ശക്തമായ നിലപാട് സ്വീകരിക്കേണ്ട ഘട്ടമാണിത്. അതിന് തുടക്കമെന്ന നിലയിലാണ് മുസ്‌ലിംലീഗ് പ്രതിഷേധ സംഗമമെന്നും അദ്ദേഹം പറഞ്ഞു.
മുസ്‌ലിംലീഗ് ദേശീയ ജനറല്‍ സെക്രട്ടറി പി.കെ കുഞ്ഞാലിക്കുട്ടി എം.പി അധ്യക്ഷത വഹിച്ചു. ഇ.ടി മുഹമ്മദ് ബഷീര്‍ എം.പി, സംസ്ഥാന ജനറല്‍ സെക്രട്ടറി കെ.പി.എ മജീദ്, ലത്തിന്‍ അതിരൂപതാ ആര്‍ച്ച് ബിഷപ്പ് ഡോ. സൂസൈപാക്യം, ശശിതരൂര്‍ എം.പി, വി.കെ ഇബ്രാഹിം കുഞ്ഞ്, കെ.പി.എം.എസ് വര്‍ക്കിംഗ് പ്രസിഡന്റ് ടി.എ വേണു, കവി മുരുകന്‍ കാട്ടാക്കട, പി.കെ ഫിറോസ്, ഇസ്ഹാഖ് കുരുക്കള്‍, ബീമാപള്ളി റഷീദ്, തോന്നക്കല്‍ ജമാല്‍, എ. യൂനിസ് കുഞ്ഞ് തുടങ്ങിയവര്‍ പ്രസംഗിച്ചു. പുളിമൂട് ജംഗ്ഷനില്‍ നിന്നാരംഭിച്ച പ്രതിഷേധ പ്രകടനത്തില്‍ നൂറുകണക്കിന് മുസ്‌ലിംലീഗ് പ്രവര്‍ത്തകര്‍ അണിനിരന്നു. തലസ്ഥാനത്തെ വിവിധ മത, സാമൂഹിക, സാംസ്‌കാരിക നേതാക്കളുടെ സാന്നിധ്യം കൊണ്ട് സംഗമം ശ്രദ്ധേയമായി. രാജ്യത്തൊട്ടാകെ ദലിതുകളും ന്യൂനപക്ഷങ്ങളും അകാരണമായി വേട്ടയാടപ്പെടുന്നതിന്റെ ഫാസിസ്റ്റ് രാഷ്ട്രീയമുഖം തുറന്നുകാട്ടിയാണ് നേതാക്കള്‍ സദസിനെ അഭിസംബോധന ചെയ്തത്. രാജ്യത്തെ മര്‍ദ്ദിത ജനതയോടൊപ്പം നില്‍ക്കാന്‍ മുന്നിട്ടിറങ്ങുന്ന പ്രസ്ഥാനങ്ങള്‍ക്ക് നേതൃത്വം നല്‍കാന്‍ മുസ്‌ലിം ലീഗ് മുന്‍നിരയിലുണ്ടാകുമെന്ന് ഇ.ടി മുഹമ്മദ് ബഷീര്‍ എം.പി സ്വാഗത പ്രസംഗത്തില്‍ പറഞ്ഞത് സദസ് കൈയ്യടിയോടെയാണ് സ്വീകരിച്ചത്. വിവിധ മേഖലകളിലെ പ്രമുഖരുടെ സാന്നിധ്യത്തില്‍ ദലിത്-ന്യൂനപക്ഷ വിഭാഗങ്ങള്‍ക്കെതിരായ ഫാസിസ്റ്റ് രാഷ്ട്രീയം വിശദമായി ചര്‍ച്ച ചെയ്യപ്പെട്ടു.

പതിനഞ്ചുലക്ഷം കന്നുകാലികള്‍ പ്രതിവര്‍ഷം കേരളത്തിലേക്ക് വരുന്നുണ്ട്. തെക്കന്‍സംസ്ഥാനങ്ങളായ തമിഴ്‌നാട്, കര്‍ണാടക, ആ്്ന്ധ്രപ്രദേശ്. തെലുങ്കാന, ഒഡീഷ എന്നിവിടങ്ങളില്‍ നിന്നാണ് ഇവയെത്തുന്നത്. രണ്ടരലക്ഷം ടണ്‍ മാട്ടിറച്ചി കേരളത്തില്‍ പ്രതിവര്‍ഷം വിറ്റഴിക്കുന്നുവെന്നും ഇതിന് 6552 കോടി രൂപവിലവരുമെന്നും മുഖ്യമന്ത്രിതന്നെ പറയുന്നു. കേരളത്തില്‍ ഈ മേഖലയില്‍ പണിയെടുക്കുന്നവരുടെ എണ്ണം പതിനഞ്ചുലക്ഷത്തോളമാണ്. ഇതിനുപുറമെയാണ് ഹോട്ടലുകളിലും മറ്റുമുള്ളവര്‍. കഴിഞ്ഞ 27ന് കുഴല്‍മന്ദത്തും ജൂണ്‍ഒന്നിന് വാണിയംകുളത്തും നടന്ന പതിവുകാലിച്ചന്തകളില്‍ കാലികളുടെ വന്‍കുറവാണ് അനുഭവപ്പെട്ടിരിക്കുന്നത്. എഴുപത് ലോഡുകള്‍ വരുന്നിടത്ത് വാണിയംകുളത്ത് എത്തിയത് പതിനെട്ട് ലോഡാണ്. കച്ചവടമാകട്ടെ ഒന്നരക്കോടിയില്‍ നിന്ന് പതിനഞ്ചുലക്ഷമായി. നൂറ്റാണ്ടുകള്‍ പഴക്കമുള്ള ചന്ത നിര്‍ത്താനൊരുങ്ങുകയാണ് കരാറുകാര്‍. പാലക്കാട് ജില്ലയിലെ പത്തോളം കാലിച്ചന്തകളിലായി പ്രതിവാരം നാല്‍പതുകോടി രൂപയുടെ കാലിക്കച്ചവടമാണ് നടക്കുന്നത്. ഇത് പൊടുന്നനെ ഇടിഞ്ഞത് വ്യാപാരികളെയും ഹോട്ടലുകാരെയും ഇടനിലക്കാരെയും ദുരിതത്തിലാക്കിയിരിക്കയാണ്. ഏഷ്യയിലെതന്നെ ഏറ്റവും വലിയ കാലിച്ചന്തയായ പൊള്ളാച്ചിയില്‍ മലയാളികളടക്കം ആയിരക്കണക്കിന് വ്യാപാരികളാണ് ആഴ്ചയില്‍ എത്തുന്നത്. മലയാളിയെ സംബന്ധിച്ചിടത്തോളം അവന്റെ ആരോഗ്യത്തിന്റെ മുഖ്യഘടകങ്ങളിലൊന്നാണ് കാളയുടെയും പോത്തിന്റെയും എരുമയുടെയും മറ്റും ഇറച്ചി. പശുക്കളെ സാധാരണയായി ആരും കശാപ്പിന് നല്‍കാറില്ലെന്നുമാത്രമല്ല, അവയെ പാലിനുവേണ്ടിയാണ് പ്രധാനമായും വളര്‍ത്തുന്നത്. അതേസമയം കറവവറ്റിയാല്‍ പതിനായിരം രൂപയിലധികം കിട്ടുമെന്നതിനാല്‍ കാലിവളര്‍ത്തലിലെ നഷ്ടം ഇതുകൊണ്ടാണ് കര്‍ഷകര്‍ നികത്തുന്നത്. ഇതിനിടയിലാണ് കാലികളുടെ വരവ് തടഞ്ഞുകൊണ്ട് സംഘപരിവാര്‍ പ്രവര്‍ത്തകര്‍ കാലിക്കടത്ത് തടയുന്നത്. കഴിഞ്ഞവര്‍ഷം കോയമ്പത്തൂരിലും മറ്റും പീഡനത്തിന്റെ പേരില്‍ ഇതേ ശക്തികള്‍ കാലിക്കടത്ത് തടഞ്ഞതിനാല്‍ കോടികളുടെ കച്ചവടമാണ് മുടങ്ങിയത്. ഇത്തവണയും സമാനമായ സ്ഥിതിവിശേഷമാണ് സംജാതമായിട്ടുള്ളത്. കര്‍ഷകര്‍ കാലികളെ ഭാവി ഭയന്ന് വിറ്റുതീര്‍ക്കാനും ശ്രമിക്കുന്നതായാണ് വിവരം. ഇങ്ങനെ പോയാല്‍ കാലികളും കാലിച്ചന്തകളും നാട്ടിലില്ലാതെയാകും. ഇതിലൂടെ വരുമാനം കണ്ടെത്തുന്ന ലക്ഷക്കണക്കിന് പാവങ്ങളുടെയും സാധാരണക്കാരുടെയും ജീവിതം വഴിമുട്ടുകയും അവരുടെ കുടുംബങ്ങള്‍ പട്ടിണിയിലാകുകയും ചെയ്യും. ഇപ്പോള്‍തന്നെ ബീഫിന്റെ വില 250ല്‍ നിന്ന് 300 രൂപവരെയെത്തിക്കഴിഞ്ഞു. നൂറില്‍താഴെയുണ്ടായിരുന്ന കോഴിവിലയും അമ്പതുശതമാനം വര്‍ധിച്ചു.
ദളിതര്‍, മുസ്്‌ലിംകള്‍ എന്നിവരാണ് പ്രധാനമായും ഈ രംഗത്ത് കച്ചവടത്തിലേര്‍പ്പെട്ടിരിക്കുന്നത്. ഇവര്‍ക്കുനേരെ നിലവില്‍തന്നെ കാവിശക്തികള്‍ മര്‍ദനവും കൊലപാതകവുമൊക്കെയായി രംഗത്തുണ്ട്. ഇന്ത്യയില്‍ ബീഫ് കയറ്റുമതി ചെയ്യുന്നത് മുപ്പതിനായിരം കോടിക്കുമുകളിലാണ്. അല്‍കബീര്‍ പോലുള്ള കയറ്റുമതിസ്ഥാപനങ്ങള്‍ക്കുചുക്കാന്‍പിടിക്കുന്നതാകട്ടെ ബി.ജെ.പി നേതാക്കളും. രാജ്യത്ത് മാസം ഭക്ഷിക്കുന്നവര്‍ 71 ശതമാനമാണ്. ഇവരെയാണ് സര്‍ക്കാരും സംഘ്പരിവാരവും ചേര്‍ന്ന് അച്ചടക്കം അടിച്ചേല്‍പിക്കുന്നത്. ഹിന്ദുമതത്തെ കൂട്ടുപിടിച്ച് പശുവിനെ ഗോമാതാവാക്കിയാണ് സംഘശക്തികള്‍ ഇതുചെയ്യുന്നതെങ്കില്‍ മനുഷ്യരെ പച്ചക്കുകൊല്ലുന്നവരാണ് ഇതേ കാലിസംരക്ഷകരെന്നതാണ് ഏറെ വൈരുധ്യം. മുഹമ്മദ് അഖ്‌ലാഖ്, പെഹ്്‌ലൂഖാന്‍ തുടങ്ങി എത്രപേരെയാണ് ഇക്കൂട്ടര്‍ ഗോസംരക്ഷണത്തിന്റെ മറവില്‍ തല്ലിക്കൊന്നത്. പെരുന്നാള്‍ ദിനത്തില്‍ ബിരിയാണിയിലെ ഇറച്ചി തിരഞ്ഞ് മുസ്‌ലിം കുടുംബങ്ങളെ പട്ടിണിക്കിട്ടവരാണിവര്‍. ആര്‍.എസ്.എസ് നാഗ്പൂരിലെടുത്ത ഗോസംരക്ഷണ തീരുമാനമാണിതെന്ന് ഏതുകുട്ടിക്കും മനസ്സിലാകുന്നതാണ്. അതിന് ഒരു ജനാധിപത്യസര്‍ക്കാര്‍ മൃഗീയഭൂരിപക്ഷം ഉപയോഗിച്ച് നിന്നുകൊടുക്കുന്നുവെന്ന് മാത്രമേയുള്ളൂ.
ഹിന്ദുമുന്നണിക്കാര്‍ ചെയതതുപോലുള്ള കാലിക്കടത്ത് തടയല്‍ വരുംനാളുകളില്‍ തുടരുമെന്നുതന്നെയാണ് പ്രതീക്ഷിക്കേണ്ടത്. പ്രസ്താവനകളും യോഗവും എന്നതിലുപരി വടക്കേഇന്ത്യയുടെ അവസ്ഥയിലേക്ക് കാര്യങ്ങള്‍ ചെന്നെത്താതിരിക്കാന്‍ കേരളസര്‍ക്കാര്‍ കര്‍ശനജാഗ്രതപാലിക്കണം. കാലിച്ചന്തകളിലേക്കുള്ള ഗതാഗതം സുഗമമാക്കുകയും അവിടെ മുന്‍കാലത്തെപോലെ കച്ചവടം ഉറപ്പുവരുത്തുകയും ചെയ്യാന്‍ പൊലീസും ജില്ലാ ഭരണകൂടങ്ങളും സഹായം നല്‍കണം. പുറത്ത് പച്ചക്കറിയിസം പറയുകയും അകത്ത് ഇറച്ചിക്കറി വിളമ്പുകയും ചെയ്യുന്ന സംഘപരിവാരത്തിന്റെ രാഷ്ട്രീയഅജണ്ടക്ക് അരുനിന്നുകൊടുക്കലാകരുത് സര്‍ക്കാരിന്റെ ജോലി. നോട്ടുനിരോധനം പോലെ മറ്റൊരു മണ്ടത്തരമായി മാറുംമുമ്പ് ഹിന്ദുത്വവര്‍ഗീയതയുടെ കുല്‍സിതനീക്കത്തിനെതിരെ അതിശക്തമായ നടപടികളാണ് സംസ്ഥാനസര്‍ക്കാരുകളുടെ ഭാഗത്തുനിന്ന് ഉണ്ടാകേണ്ടത്.

സ്ഥാനങ്ങള്‍ ലഭിക്കാന്‍ താമസം നേരിടുന്നത് സംബന്ധിച്ച പരാതികള്‍ അമിത് ഷായെ ബോധിപ്പിച്ച ഘടക കക്ഷി നേതാക്കള്‍ ഇനിയും ഇത് നീട്ടിക്കൊണ്ടുപോകുന്നതില്‍ അര്‍ഥമില്ലെന്നും ബോര്‍ഡ് കോര്‍പറേഷന്‍ സ്ഥാനങ്ങള്‍ ലഭിക്കുന്നത് സംബന്ധിച്ച് പാര്‍ട്ടി യോഗങ്ങളില്‍ നേതാക്കളും അണികളും ചോദിക്കുമ്പോള്‍ മറുപടി പറയാന്‍ കഴിയുന്നില്ലെന്നും പറഞ്ഞു. ഒന്നുകില്‍ തരും അല്ലെങ്കില്‍ ഇല്ല എന്നു തീര്‍ത്തു പറയുക അതല്ലാതെ വാഗ്ദാനങ്ങളില്‍ മാത്രം കാര്യമില്ലെന്നും ഇവര്‍ ചൂണ്ടിക്കാട്ടി. ഇക്കാര്യത്തില്‍ ഉടന്‍ തീരുമാനമെടുക്കാമെന്നും ഡല്‍ഹിയില്‍ എത്തിയതിനു ശേഷം എല്ലാം ശരിയാക്കാമെന്നുമായിരുന്നു അമിത്ഷായുടെ മറുപടി.
സംസ്ഥാന സര്‍ക്കാരിനെതിരെ ഇനി എന്‍ഡിഎ എന്ന പേരില്‍ മാത്രം പ്രക്ഷോഭം നടത്താനും അമിത് ഷായുടെ നേതൃത്വത്തില്‍ നടന്ന യോഗത്തില്‍ ധാരണയിലെത്തി. ഘടകക്ഷികള്‍ ഒരോരുത്തരും പ്രത്യേകം രീതിയില്‍ പ്രക്ഷോഭം നടത്തുന്നതിനേക്കാള്‍ നല്ലത് എന്‍ഡിഎ എന്ന പേരില്‍ നടത്തുന്നതാണ് ഉചിതമെന്ന വിലയിരുത്തലിനെ തുടര്‍ന്നാണ് ഇത്തരത്തില്‍ തീരുമാനത്തിലെത്തിയത്.കേരളത്തില്‍ മൂന്നു വട്ടമായി നടത്തിയ സര്‍വേയില്‍ ലോക്‌സഭ തിരഞ്ഞെടുപ്പില്‍ 13 സീറ്റുകള്‍ ലഭിക്കുമെന്നാണ് വിലയിരുത്തലെന്ന് അമിത് ഷാ യോഗത്തില്‍ അറിയിച്ചു. ബീഫ് നിരോധിച്ചെന്ന രീതിയിലുള്ള പ്രചാരണം അടിസ്ഥാന രഹിതമാണ്. ഇതിന്റെ സത്യാവസ്ഥ ജനങ്ങളെ ബോധ്യപെടുത്താന്‍ വീടുകള്‍ തോറും കയറി ഇറങ്ങി പ്രചാരണം നടത്തണമെന്നും അമിത് ഷാ യോഗത്തില്‍ നിര്‍ദേശിച്ചു. മറ്റു സംസ്ഥാനങ്ങളിലെ മുന്‍ അനുഭവത്തിന്റെ പശ്ചാത്തലത്തില്‍ കേരളത്തിലും തെരഞ്ഞെടുപ്പില്‍ എന്‍ഡിഎക്ക് വിജിയിക്കാന്‍ കഴിയും. 15 ശതമാനം വോട്ടു നേടാന്‍ കഴിഞ്ഞിട്ടുളള സംസ്ഥാനങ്ങളില്‍ അടുത്ത തെരഞ്ഞെടുപ്പില്‍ അധികാരത്തിലെത്തിയ ചരിത്രമുണ്ട്. അത് കേരളത്തിലും നടപ്പിലാകും. ത്രിപുരയില്‍ കമ്യൂണിസ്റ്റ് പാര്‍ട്ടിയുടെ കാലം കഴിയുകയാണ്. അടുത്ത തെരഞ്ഞെടുപ്പില്‍ അവര്‍ പരാജയപ്പെടും. കോണ്‍ഗ്രസിനും ഇനി ഇന്ത്യയില്‍ സ്ഥാനമുണ്ടാകില്ലെന്ന് പറഞ്ഞ അമിത് ഷാ കേരളത്തില്‍ എന്‍ഡിഎ വിപുലീകരിക്കണമെന്ന നിര്‍ദേശവും യോഗത്തില്‍ മുന്നോട്ടു വെച്ചു. ക്രിസ്ത്യന്‍ മതമേലധ്യക്ഷന്‍മാരുമായും വൈകിട്ട് അമിത്ഷാ ചര്‍ച്ച നടത്തി.