സ്ഥാപനത്തിന്റെ തന്നെ ഗോശാലയില്‍ നിന്ന് ശേഖരിച്ച ഗോമൂത്രവും ചാണകവും ഉപയോഗിച്ചാണ് സോപ്പ്, ഫെയ്‌സ്പാക്ക്, ചന്ദനത്തിരികള്‍ തുടങ്ങിയവ നിര്‍മിച്ചതെന്ന് കമ്പനി അവകാശപ്പെടുന്നു. 90 പശുക്കളും പശുക്കിടാങ്ങളുമുള്ള ഗോശാലയില്‍ പത്ത് ജീവനക്കാരാണുള്ളത്.

പ്രാദേശിക തലത്തില്‍ കൂടുതല്‍ തൊഴിലവസരങ്ങള്‍ സൃഷ്ടിക്കുന്നതിന്റെ ഭാഗമായാണ് ഓണ്‍ലൈന്‍ വില്‍പനയിലേക്ക് കടക്കുന്നതെന്ന് സ്ഥാപനത്തിന്റെ വക്താവ് അരുണ്‍ കുമാര്‍ പറഞ്ഞു. ഗോമൂത്രം കൂടുതലായി അടങ്ങിയ കാമധേനു ശ്രേണിയിലുള്ള ഉല്‍പന്നങ്ങള്‍ അടുത്തമാസത്തോടെ ആമസോണില്‍ ലഭ്യമാകുമെന്ന് സ്ഥാപനത്തിന്റെ ഡെപ്യൂട്ടി സെക്രട്ടറി മനീഷ് ഗുപ്ത പറഞ്ഞു.