ഫുട്‌ബോളില്‍ ഏറ്റവും കൂടുതല്‍ ഗോള്‍ സ്വന്തമാക്കിയ താരമെന്ന റെക്കോര്‍ഡും ഇദ്ദേഹത്തിനാണ്. 123 തവണയാണ് അദ്ദേഹം പോര്‍ച്ചുഗലിനായി വലകുലുക്കിയത്.

ജര്‍മ്മന്‍ ക്ലബ്ബായ ബയേണ്‍ മ്യൂണിക് റൊണാള്‍ഡോയ്ക്ക് വേണ്ടി വല വിരിച്ചിട്ടുണ്ട്. ജര്‍മ്മന്‍ ബിസിനസുകാരന്‍ മാര്‍ക്‌സ് ഷോണിന്റെ പിന്തുണയോടെ റൊണാള്‍ഡോയെ ജര്‍മ്മനിയില്‍ എത്തിക്കാനാണ് നീക്കം. എന്നാല്‍ ക്ലബ്ബ് ഇതിനോട് ഇതുവരെ പ്രതികരിച്ചിട്ടില്ല. മാഞ്ചസ്റ്റര്‍ യുണൈറ്റഡ് വിട്ടാണ് താരം നിലവില്‍ അല്‍നാസര്‍ വേണ്ടി കളിക്കുന്നത്. താരം റയല്‍ മാഡ്രിഡിലേക്ക് പോകുമെന്നും അഭ്യൂഹങ്ങള്‍ ഉണ്ടായിരുന്നു.

ക്ലബിന്റെ ബ്രാന്‍ഡ് അംബാസിഡര്‍ റോള്‍ സി.ആറിന് നല്‍കാമെന്ന വാഗ്ദാനം നല്‍കിയിരിക്കുന്നത് മറ്റാരുമല്ല-റയലിന്റെ പ്രസിഡണ്ട് ഫ്‌ളോറന്റിനോ പെരസാണ്. കളിക്കാരനായല്ല ക്ഷണം. പ്രമോട്ടറായാണ്. ഈ ഓഫര്‍ സി.ആര്‍ സ്വീകരിക്കാന്‍ സാധ്യത കുറവാണ്. നാല്‍പ്പത് വയസ് വരെ സജീവ ഫുട്‌ബോളില്‍ തുടരുമെന്ന് അദ്ദേഹം പലവട്ടം വ്യക്തമാക്കിയതാണ്. സഊദി പ്രോ ലീഗില്‍ അല്‍ നസറിനായി കളിക്കുന്ന സി.ആര്‍ പക്ഷേ അവിടെ ഭദ്രമായ നിലയില്ലല്ല. കഴിഞ്ഞ ദിവസം നടന്ന മല്‍സരത്തില്‍ അല്‍ ഖലീജ് ക്ലബിനോട് അല്‍ നസര്‍ 1-1 സമനില വഴങ്ങിയതോടെ ഒന്നാം സ്ഥാനത്തുള്ള അല്‍ ഹിലാലിനേക്കാള്‍ അഞ്ച് പോയിന്റ് പിറകിലാണ് അല്‍ നസര്‍. ക്ലബിനായി 13 മല്‍സരങ്ങള്‍ കളിച്ച സി.ആര്‍ പന്ത്രണ്ട് ഗോളുകളും അടിച്ചിട്ടുണ്ട്.

1,113.06 കോടിയാണ് നിലവില്‍ അദ്ദേഹത്തിന്റെ വരുമാനം. മെസി തൊട്ട് പിറകിലുണ്ട്. പി.എസ്.ജിക്കാരന്‍ അവസാന 12 മല്‍സരങ്ങളില്‍ സമ്പാദിച്ചത് 1,063.82 കോടി. കളിക്കളത്തില്‍ ഇരുവരും തമ്മിലുള്ള മല്‍സരം വിഖ്യാതമാണ്. അവിടെ മെസിയാണ് ഒന്നാമനായി നില്‍ക്കുന്നത്. ഖത്തറില്‍ പോയ വര്‍ഷം സമാപിച്ച ലോകകപ്പില്‍ അര്‍ജന്റീന ഒന്നാമത് വന്നതോട് കൂടി മെസി ലോക ഫുട്‌ബോളിലെ മുഴുവന്‍ കിരീടങ്ങളും സ്വന്തമാക്കുന്ന താരമായി മാറിയപ്പോള്‍ ആ വലിയ കിരീടത്തില്‍ റൊണാള്‍ഡോ പിറകിലായി. സ്വന്തം രാജ്യത്തിന് വന്‍കരാ കിരീടം റൊണാള്‍ഡോ സമ്മാനിച്ചിരുന്നു. ഈ നേട്ടം മെസിക്കുമുണ്ട്.

വരുമാനത്തില്‍ പോര്‍ച്ചുഗീസ് താരത്തിന് വലിയ നേട്ടം സമ്മാനിച്ചത് സഊദി ഓഫറാണ്. ലോക റെക്കോര്‍ഡ് പ്രതിഫലത്തിനാണ് അല്‍ നസര്‍ സൂപ്പര്‍ താരത്തെ സ്വന്തമാക്കിയത്. ഇംഗ്ലീഷ് പ്രീമിയര്‍ ലീഗ് ക്ലബായ മാഞ്ചസ്റ്റര്‍ യുനൈറ്റഡിനായി കളിക്കവെയായിരുന്നു കോച്ചിനെതിരെ നടത്തിയ വിവാദ പരാമര്‍ശത്തില്‍ അദ്ദേഹം പുറത്താവുന്നതും ഖത്തര്‍ ലോകകപ്പിന് ശേഷം സഊദിയിലെത്തുന്നതും. തുടക്കത്തില്‍ റൊണാള്‍ഡോക്ക് സഊദി താല്‍പ്പര്യമുണ്ടായിരുന്നില്ല. യൂറോപ്പിലെ മുന്‍നിര ക്ലബുകള്‍ക്കായി കളിക്കാനായിരുന്നു താല്‍പ്പര്യം. എന്നാല്‍ സി.ആറിന്റെ വന്‍ പ്രതിഫലം താങ്ങാന്‍ സാമ്പത്തികമായി കരുത്തരായിരുന്നില്ല പ്രീമിയര്‍ ലീഗ് ക്ലബായ ചെല്‍സി ഉള്‍പ്പെടെയുള്ളവര്‍. ഫോര്‍ബ്‌സിന്റെ സമ്പന്ന പട്ടികയില്‍ ബോക്‌സിംഗ് താരം സാനിലോ അല്‍വാരസ്, ബാസ്‌ക്കറ്റ് ബോള്‍ താരം ലിബ്രോണ്‍ ജെയിംസ്, ഗോള്‍ഫ് താരങ്ങളായ ഡസ്റ്റിന്‍ ജോണ്‍സണ്‍, ഫില്‍ മിക്കല്‍സണ്‍ എന്നിവരുമുണ്ട്. വിരമിച്ച ടെന്നിസ് സൂപ്പര്‍ താരം റോജര്‍ ഫെഡ്‌റര്‍ക്കും ആദ്യ പത്തില്‍ സ്ഥാനമുണ്ട്.

അല്‍ നസര്‍ ഇത് സംബന്ധമായി കരാറില്‍ വ്യവസ്ഥകള്‍ വെച്ചതായും പാശ്ചാത്യ മാധ്യമങ്ങള്‍ പറഞ്ഞിരുന്നു. ക്ലബിന്റെ മല്‍സരങ്ങളാണ് കരാറിലെ പ്രധാന വ്യവസ്ഥ. മറ്റ് കാര്യങ്ങളൊന്നും കരാര്‍ വ്യവസ്ഥകളില്‍ ഇല്ലെന്നും അല്‍ നസര്‍ ഔദ്യോഗികമായി വ്യക്തമാക്കി. 2030 ലെ ഫിഫ ലോകകപ്പിന് ആതിഥേയത്വം വഹിക്കാന്‍ സഊദി ശ്രമങ്ങള്‍ ആരംഭിച്ചിട്ടുണ്ട്.

ഇതോടെ ആരാധകന്റെ മൊബൈല്‍ ഫോണ്‍ തകര്‍ത്ത സംഭവത്തില്‍ ലഭിച്ച വിലക്ക് കൂടി കഴിഞ്ഞ് ജനുവരി 22ന് താരത്തിന് അല്‍ നസ്‌റിന് വേണ്ടി കളത്തിലിറങ്ങാം. ആരാധകര്‍ കാത്തിരുന്ന അരങ്ങേറ്റം ഉണ്ടായില്ലെങ്കിലും അല്‍ നസ്‌റിന്റെ ഗോളിന് കൈയടിച്ച് സൂപ്പര്‍ താരം ക്രിസ്റ്റ്യാനൊ റൊണാള്‍ഡോ. എന്നാല്‍ ജിംനേഷ്യത്തില്‍ വ്യായാമം ചെയ്യുന്നതിനിടെ അല്‍ നസ്‌റിന്റെ മത്സരം ടെലിവിഷനിലൂടെ കണ്ട റൊണാള്‍ഡോ തന്റെ പുതിയ ടീമിന്റെ രണ്ടാം ഗോളിനെ കൈയടിച്ചാണ് വരവേറ്റത്. ഈ സമയം സൈക്ലിംഗ് വ്യായാമം നടത്തുതായിരുന്നു റൊണാള്‍ഡോ. അല്‍ തായിയെ എതിരില്ലാത്ത രണ്ട് ഗോളിനാണ് അല്‍ നസ്ര് തോല്‍പ്പിച്ചത്. ബ്രസീലിയന്‍ താരം ടാലിസ്‌കയാണ് അല്‍ നസ്‌റിന്റെ രണ്ട് ഗോളുകളും നേടിയത്. 42ാമത്തെയും 47ാമത്തെയും മിനിറ്റുകളിലായിരുന്നു ടാലിസ്‌കയുടെ ഗോളുകള്‍. ജയത്തോടെ സൗദി പ്രോ ലീഗീല്‍ ഒന്നാം സ്ഥാനത്ത് ലീഡുയര്‍ത്തുകയും ചെയ്തു. നിലവില്‍ 12 കളികളില്‍ 29 പോയന്റുമായാണ് അല്‍ നസ്ര്‍ ഒന്നാം സ്ഥാനത്ത് തുടരുന്നത്.

“പുതിയ തലമുറയുടെ ഫുട്ബോളിനോടുള്ള കാഴ്ചപ്പാട് മാറ്റാന്‍ ഞാന്‍ ആഗ്രഹിക്കുന്നു. എനിക്ക് യൂറോപ്പില്‍ നിന്നും, ബ്രസീല്‍, അമേരിക്ക, പോര്‍ച്ചുഗല്‍ തുടങ്ങിയ രാജ്യങ്ങളിലും അവസരമുണ്ടായിരുന്നു. പക്ഷെ ഞാന്‍ വാക്കു നല്‍കിയത് അല്‍ നസറിന് മാത്രമായിരുന്നു. എനിക്ക് എന്താണ് വേണ്ടത് വേണ്ടാത്തതെന്ന് കൃത്യമായി അറിയാം,” ക്രിസ്റ്റ്യാനോ വ്യക്തമാക്കി.

“ഇന്ന് മത്സരങ്ങള്‍ വിജയിക്കുകയെന്നത് എളുപ്പമുള്ള ഒരു കാര്യമല്ല. ഫുട്ബോളിന്റെ വളര്‍ച്ച വ്യത്യസ്തമാണ്. മിഡില്‍ ഈസ്റ്റിലേക്ക് വന്നതുകൊണ്ട് എന്റെ കരിയര്‍ അവസാനിക്കുകയല്ല. ഈ ലീഗ് എത്രത്തോളം കഠിനമാണെന്ന് അറിയാം. ഞാന്‍ ഒരുപാട് കളികള്‍ കണ്ടിരുന്നു,” അദ്ദേഹം കൂട്ടിച്ചേര്‍ത്തു.താരത്തിന്റെ വരവ് സൗദി അറേബ്യന്‍ ലീഗിന് വലിയ ചുവടുവയ്പാണെന്ന് അല്‍ നസര്‍ പരിശീലകന്‍ റൂഡി ഗാര്‍ഷ്യ പറഞ്ഞു. “ക്രിസ്റ്റ്യാനോയെ പോലുള്ള ഇതിഹാസ താരങ്ങളെ പരിശീലിപ്പിക്കാനാണ് ഏറ്റവും എളുപ്പമെന്ന് ഞാന്‍ ജീവിതത്തില്‍ മനസിലാക്കിയിട്ടുണ്ട്. കാരണം നമ്മള്‍ ഒന്നും പഠിപ്പിക്കേണ്ട ആവശ്യം വരുന്നില്ല,” റൂഡി പറഞ്ഞു.

ഒമ്പത് തവണ ലീഗ് ചാമ്പ്യന്‍മാരായതിനൊപ്പം രാജ്യത്തെ നോക്കൗട്ട് ചാമ്പ്യന്‍ഷിപ്പായ കിംഗ്‌സ് കപ്പില്‍ ആറ് തവണയും അല്‍ നസര്‍ ചാമ്പ്യന്‍മാരായി. 1990ലാണ് ഏറ്റവും ഒടുവില്‍ കിംഗ്‌സ് കപ്പ് നേടിയത്. ഏഷ്യയിലെ പ്രീമിയര്‍ ക്ലബ്ബ് ചാമ്പ്യന്‍ഷിപ്പായ എഎഫ്‌സി ചാമ്പ്യന്‍സ് ലീഗില്‍ 1995ല്‍ ജപ്പാനീസ് ക്ലബ്ബായ ഇഹ്‌വ ചുന്‍മക്ക് പിന്നില്‍ റണ്ണേഴ്‌സ് അപ്പായതാണ് മറ്റൊരു നേട്ടം. എട്ട് വിദേശ കളിക്കാരെയാണ് എസ്.പി.എല്‍ ക്ലബ്ബുകള്‍ക്ക് ടീമിലെടുക്കാനാവുക. ഇതില്‍ ഏഴ് പേരെ വരെ പ്ലേയിംഗ് ഇലവനില്‍ കളിപ്പിക്കാന്‍ കഴിയും. 1977 മുതല്‍ 1998വരെ അല്‍ നസറിനായി കളിച്ച സഊദി സ്‌ട്രൈക്കര്‍ മജീദ് അബ്ദുള്ളയാണ് ടീമിന്റെ എക്കാലത്തെയും ടോപ് സ്‌കോറര്‍. 189 ഗോളുകളാണ് മജീദ് ടീമിനായി അടിച്ചുകൂട്ടിയത്.

റൊണാള്‍ഡോക്ക് ഒപ്പം അല്‍നസറില്‍ പന്ത് തട്ടാന്‍ ആരൊക്കെ ഉണ്ടാവുമെന്നതാണ് ആരാധകരുടെ ആകാംക്ഷ. അതില്‍ എടുത്തുപറയേണ്ട പേര് കാമറൂണ്‍ നായകന്‍ വിന്‍സന്റ് അബൂബക്കറിന്റേതാണ്. ഖത്തര്‍ ലോകകപ്പില്‍ സെര്‍ബിയക്കെതിരെ മികച്ച പ്രകടനം പുറത്തെടുത്ത വിന്‍സന്റ് അബൂബക്കര്‍ ഗ്രൂപ്പ് ഘട്ടത്തിലെ അവസാന മത്സരത്തില്‍ ബ്രസീലിനെ ഞെട്ടിച്ച് അവസാന മിനിറ്റില്‍ ടീമിന്റെ വിജയഗോള്‍ നേടിയിരുന്നു. കൊളംബിയന്‍ ഗോള്‍ കീപ്പറായ ഡേവിഡ് ഒസ്പിന ആണ് മറ്റൊരു പ്രധാന വിദേശ താരം. ആഴ്‌സണലിനും നാപോളിക്കും കളിച്ച ശേഷമാണ് ഒസ്പിന അല്‍ നസറിലെത്തിയത്. ബ്രസീലിയന്‍ താരങ്ങളായ ടാലിസ്‌ക, ലൂയിസ് ഗുസ്താവോ, സ്പാനിഷ് താരം ആല്‍വാരോ ഗോണ്‍സോലോസ്, അര്‍ജന്റീനിയന്‍ താരം പിറ്റി മാര്‍ട്ടിനെസ്, ഉസ്‌ബെക് താരം ജലാലുദ്ദീന്‍ മാഷാറിപ്പോവ് എന്നിവരാണ് ടീമിലെ മറ്റ് പ്രധാന വിദേശ താരങ്ങള്‍. അതേ സമയം ലോകകപ്പിന് തൊട്ടുമുമ്പ് മാഞ്ചസ്റ്റര്‍ യുണൈറ്റഡുമായുള്ള കരാര്‍ അവസാനിപ്പിച്ച് ഫ്രീ ഏജന്റായിരുന്ന റൊണാള്‍ഡോ ലോകകപ്പിന് ശേഷം എവിടെ പന്തു തട്ടുമെന്നതായിരുന്നു ആരാധകരുടെ ആകാംക്ഷ. ഒടുവില്‍ ആകാംക്ഷ അവസാനിപ്പിച്ച് പുതുവര്‍ഷത്തലേന്ന് റൊണാള്‍ഡോ അല്‍നസറുമായി രണ്ടര വര്‍ഷത്തെ കരാറൊപ്പിട്ടത്. എന്നാല്‍ അല്‍നസറുമായി കരാറൊപ്പിടുന്നതിന് തൊട്ടു മുമ്പ് വരെ തന്റെ പഴയ ക്ലബ്ബായ റയല്‍ മാഡ്രിഡില്‍ നിന്നുള്ള വിളി റൊണാള്‍ഡോ പ്രതീക്ഷിച്ചിരുന്നതായി സ്പാനിഷ് മാധ്യമമായ മാര്‍ക്ക റിപ്പോര്‍ട്ട് ചെയ്തു. എന്നാല്‍ ഫ്രീ ഏജന്റായി 40 ദിവസം കഴിഞ്ഞിട്ടും പ്രതീക്ഷിച്ച വിളി എത്തായതോടെയാണ് റൊണാള്‍ഡോ അല്‍നസറുമായി കരാറൊപ്പിട്ടതെന്നാണ് റിപ്പോര്‍ട്ട്. ലോകകപ്പില്‍ പോര്‍ച്ചുഗല്‍ ക്വാര്‍ട്ടറില്‍ പുറത്തായതിന് പിന്നാലെ ക്രിസ്റ്റ്യാനൊ റൊണാള്‍ഡോ റയലിന്റെ മൈതാനത്ത് മകനൊപ്പം പരിശീലനം നടത്തിയത് താരം വീണ്ടും റയലിലേക്ക് പോകുമെന്ന അഭ്യൂഹങ്ങള്‍ക്ക് കാരണമായിരുന്നു. എന്നാല്‍ റയലില്‍ നിന്ന് അനുകൂല പ്രതികരണം ഉണ്ടാവാഞ്ഞതോടെയാണ് അല്‍നസര്‍ മുന്നോട്ടുവെച്ച ഓഫര്‍ സ്വീകരിക്കാന്‍ റൊണാള്‍ഡോ തയാറായത് എന്നാണ് റിപ്പോര്‍ട്ടുകള്‍ പറയുന്നത്. മുമ്പ് പല അഭിമുഖങ്ങളിലും 40 വയസ് കഴിയുമ്പോള്‍ റയലിന്റെ ഹോം ഗ്രൗണ്ടായ സാന്റയാഗോ ബെര്‍ണബ്യൂവിലായിരിക്കും താന്‍ ബൂട്ടഴിക്കുകയെന്ന് റൊണാള്‍ഡോ തന്നെ പറഞ്ഞിട്ടുണ്ട്.

ചാമ്പ്യന്‍സ് ലീഗില്‍ കളിക്കണമെങ്കിലും മാഡ്രിഡില്‍ തിരിച്ചെത്തുക എന്നതായിരുന്നു റൊണാള്‍ഡോയ്ക്ക് മുന്നിലെ വഴി. റയലിനായി 438 കളികളില്‍ 450 ഗോളുകളാണ് റൊണാള്‍ഡോ അടിച്ചു കൂട്ടിയത്. രണ്ട് ലീഗ് കിരീടങ്ങളും ചാമ്പ്യന്‍സ് ലീഗും കോപ ഡെല്‍റേയുമെല്ലാം റൊണോ റയലിനൊപ്പം സ്വന്തമാക്കിയിരുന്നു. റയലില്‍ നിന്ന് ഇറ്റാലിയന്‍ ക്ലബ്ബായ യുവന്റസിലേക്ക് പോയ റൊണാള്‍ഡോ അവിടെ മൂന്ന് സീസണുകളില്‍ കളിച്ചു പിന്നീട് തന്റെ പഴയ തട്ടകമായ മാഞ്ചസ്റ്റര്‍ യുണൈറ്റഡില്‍ തിരിച്ചെത്തിയെങ്കിലും അവിടെ ഒരു സീസണ്‍ പോലും പൂര്‍ത്തിയാക്കാനായില്ല.

ലിയോ മെസിയെ ഇത്തരത്തില്‍ അര്‍ജന്റീന ബെഞ്ചിലിരുത്തില്ല. നെയ്മറെ ബ്രസീലോ, എംബാപ്പേയെ ഫ്രാന്‍സോ ഇരുത്തില്ല. അവരുടെ സാന്നിധ്യം മൈതാനം ആഗ്രഹിക്കുന്നത് പല തരത്തിലാണ്. സൂപ്പര്‍ താരങ്ങള്‍ മൈതാനത്ത് വരുമ്പോള്‍ പ്രതിയോഗികള്‍ സ്വാഭാവികമായും പതറും. സി.ആര്‍ തുടക്കം മുതല്‍ കളിച്ചിരുന്നെങ്കില്‍ മൊറോക്കോയുടെ ഗെയിം പ്ലാന്‍ മാറുമായിരുന്നു.

അദ്ദേഹത്തെ മാത്രം ജാഗ്രതയോടെ ശ്രദ്ധിക്കാന്‍ ഒരു ഡിഫന്‍ഡര്‍ നിയോഗിക്കപ്പെടും. അത്തരത്തില്‍ വരുമ്പോള്‍ ഗോണ്‍സാലോ റാമോസ് ഉള്‍പ്പെടുന്ന മറ്റ് മുന്‍നിരക്കാര്‍ക്ക് അവസരങ്ങള്‍ കൈവരും. മെസിയെ പ്രതിയോഗികള്‍ മാര്‍ക്ക് ചെയ്യുമ്പോള്‍ മറ്റ് അര്‍ജന്റീനക്കാര്‍ക്ക് അവസരങ്ങള്‍ ലഭിക്കുന്നത് പോലെ. അവസരവാദിയാണ് സി.ആര്‍. ഏത് ആങ്കിളില്‍ നിന്നും അദ്ദേഹം ഗോള്‍ നേടും. ഫ്രീകിക്കുകളും കോര്‍ണര്‍ കിക്കുകളും സുന്ദരമായി പായിക്കും. ഇത്തരത്തില്‍ ഒരു മികച്ച താരം ബെഞ്ചില്‍. അനുഭവസമ്പത്ത് വലിയ ഘടകമാണ്. വലിയ മല്‍സരങ്ങളുടെ മനസ് അറിഞ്ഞ് തന്നെ കളിക്കാനാവും. ഇതെല്ലാം കളഞ്ഞുകുളിക്കപ്പെട്ടു.

പോര്‍ച്ചുഗല്‍ ടീമിന് ലോകകപ്പിന്റെ രണ്ടാം ഘട്ടത്തില്‍ എന്താണ് സംഭവിച്ചത് എന്ന് വ്യക്തമല്ല. പ്രാഥമിക റൗണ്ടില്‍ റൊണാള്‍ഡോയെ കേന്ദ്രീകരിച്ചായിരുന്നു കാര്യങ്ങള്‍. പക്ഷേ നോക്കൗട്ടിലേക്ക് വന്നപ്പോള്‍ കഥ മാറി. അദ്ദേഹത്തിന് പകരക്കാരനായി കളിച്ച റാമോസ് മികച്ച യുവതാരമാണ്. ഹാട്രിക്ക് സ്‌ക്കോര്‍ ചെയ്യാന്‍ അദ്ദേഹത്തിനായി. സ്വിറ്റ്‌സര്‍ലന്‍ഡിനെ പോലെ ഒരു പ്രതിയോഗിക്കെതിരെ കടന്നാക്രമണം നടത്തിയതിലുൂടെ ലഭിച്ച നേട്ടമായിരുന്നു അത്. മൊറോക്കോ സ്വിറ്റ്‌സര്‍ലന്‍ഡായിരുന്നില്ല. അവരുടെ ഡിഫന്‍സ് അതിശക്തമായിരുന്നു. അഷ്‌റഫ് ഹക്കീമി നയിക്കുന്ന പ്രതിരോധ മികവില്‍ തന്നെയാണ് ടീം സെമിയിലെത്തിനില്‍ക്കുന്നത്. ആ ഡിഫന്‍സ് കീറിമുറിക്കുക എളുപ്പമല്ലെന്ന് മനസിലാക്കി തന്നെ തന്ത്രപരമായി റൊണാള്‍ഡോയെ കളിപ്പിക്കാനുള്ള തീരുമാനമായിരുന്നു കോച്ച് ഫെര്‍ണാണ്ടോ സാന്‍ഡോസില്‍ നിന്നും പ്രതീക്ഷിച്ചത്. അതിന് പകരം അദ്ദേഹം വിജയ സംഘമെന്ന മുദ്ര കുത്തി സ്വിറ്റ്‌സര്‍ലന്‍ഡിനെതിരെ കളിച്ചവരെ തന്നെ ആദ്യ ഇലവനില്‍ പരീക്ഷിച്ചു. റാമോസിന് ഒന്നും ചെയ്യാനായില്ല.

വളരെ വൈകി സി.ആറിനെ രംഗത്തിറക്കിയപ്പോഴാകട്ടെ മൊറോക്കോ മല്‍സരത്തില്‍ മാനസിക മുന്‍ത്തൂക്കം കൈവരിച്ചിരുന്നു.സ.ആറിനോട് പോര്‍ച്ചുഗല്‍ ഇത് ചെയ്യരുതായിരുന്നു എന്ന് ലോകം ഉച്ചത്തില്‍ പറയുന്നു. അത് കേവലമായ താരാരാധനയില്‍ നിന്നല്ല. അദ്ദേഹത്തിന്റെ മികവ് കണ്ടതില്‍ നിന്നാണ്.

അവസാന ലോകകപ്പില്‍ കളിക്കുന്ന ഒരു 37 കാരനെ ഇത്തരത്തില്‍ വേട്ടയാടിയവര്‍ ആരായാലും അത് സാരമായി ബാധിക്കാന്‍ പോവുന്നത് സാന്‍ഡോസ് എന്ന കോച്ചിനെ തന്നെയാണ്. ഒരു പരിശീലകന്‍ മികച്ച പരിശീലകനാവുന്നത് ടീം വിജയിക്കുമ്പോഴാണ്. ടീമിന്റെ വലിയ വിജയങ്ങള്‍ക്ക് ഇത് വരെ കോച്ചിനെ സഹായിച്ചത് മറ്റാരുമായിരുന്നില്ല. യൂറോപ്യന്‍ കിരീടം പോര്‍ച്ചുഗല്‍ നേടയത് സി.ആര്‍ മികവിലായിരുന്നു. സമീപകാലത്തെ വിജയങ്ങളെല്ലാം അത്തരത്തില്‍ തന്നെ. എന്നിട്ടും ചരിത്രം ഓര്‍മപ്പെടുത്തുന്ന ഒരു ചാമ്പ്യന്‍ഷിപ്പില്‍ കണ്ണ് തുടച്ച് മഹാനായ താരം മടങ്ങുമ്പോള്‍ അത് മറക്കാനാവാത്ത ഫുട്‌ബോള്‍ വേദനയായി മാറുന്നു.

മൊറോക്കോ അവസാന എട്ടിലെ അല്‍ഭുത പ്രതിനിധികളാണ്. സ്‌പെയിന്‍ ജയിക്കുമെന്നാണ് എല്ലാവരും കരുതിയത്. പക്ഷേ ഷൂട്ടൗട്ടില്‍ ലൂയിസ് എന്‍ട്രിക്കയുടെ ടീം ഞെട്ടി. ഹക്കിം സിയാച്ചിയും അഷറഫ് ഹക്കീമിയും ഗോള്‍കീപ്പര്‍ ബോനെയുമെല്ലാം താരങ്ങളായി. ആ ടീമിനൊപ്പമാണ് ഇന്ന് അറബ് ലോകം. മണലാരണ്യത്തില്‍ ആദ്യമായി നടക്കുന്ന ലോകകപ്പാണ്. അവിടെയാണ് അറേബ്യന്‍ കരുത്ത് പ്രകടിപ്പിച്ച് ഒരു ടീം ക്വാര്‍ട്ടര്‍ കളിക്കുന്നത്. ഖത്തറിലുള്ളവരെല്ലാം മൊറോക്കോയെ പിന്തുണക്കുമ്പോള്‍ താര ബലമാണ് പോര്‍ച്ചുഗീസ് കരുത്ത്. ദക്ഷിണ കൊറിയയെ നിഷ്പ്രയാസം തകര്‍ത്തവര്‍. ഗോണ്‍സാലോ റാമോസ് എന്ന യുവ ഹാട്രിക്ക് വീരന്‍.

ബ്രൂണോ ഫെര്‍ണാണ്ടസും പെപെയുമെല്ലാം കരുത്തര്‍. സി.ആര്‍ ഇല്ലെങ്കിലും നോ പ്രോബ്ലം എന്ന് വിശ്വസിക്കാന്‍ തുടങ്ങിയിരിക്കുന്നു അവര്‍.ഇന്ന് സി.ആര്‍ ആദ്യ ഇലവനില്‍ ഉണ്ടാവുമോ എന്നുറപ്പില്ല. ടിം മാനേജ്‌മെന്റ് നീക്കങ്ങളില്‍ അസ്വസ്ഥനാണ് സൂപ്പര്‍ താരം. പക്ഷേ നിര്‍ണായമായ മല്‍സരമായതിനാല്‍ ഒരു പരീക്ഷണത്തിന് കോച്ച് സാന്‍ഡോസ് മുതിരാന്‍ സാധ്യതയില്ല. മൊറോക്കോ ക്യാമ്പില്‍ ഇത്തരം പ്രശ്‌നങ്ങള്‍ ഒന്നുമില്ല. രാജ്യം എന്ന വലിയ വികാരത്തില്‍ സഞ്ചരിക്കുന്നവരാണ് അവര്‍. ഖത്തറിലെത്തിയതിന് ശേഷം തോല്‍വിയില്ല. ആത്മവിശ്വാസത്തിന്റെ വലിയ ട്രാക്കിലാണ് അവരുടെ സഞ്ചാരം. മല്‍സരം രാത്രി 8.30ന്.