ഓസ്‌ട്രേലിയയെയും അഫ്ഗാനിസ്ഥാനെയും പാകിസ്ഥാനെയും തകര്‍ത്ത് ഏറെ ആത്മവിശ്വാസത്തിലാണ് ഇന്ത്യന്‍ ടീം. ബാറ്റിങ്ങിലും ബൗളിങ്ങിലും മിന്നും പ്രകടനമാണ് ഇന്ത്യ കാഴ്ച വെയ്ക്കുന്നത്. ചാമ്പ്യന്‍മാരായ ഇംഗ്ലണ്ടിനെ അഫ്ഗാനും ദക്ഷിണാഫ്രിക്കയെ നെതര്‍ലന്‍ഡ്‌സും അട്ടിമറിച്ചതിന്റെ പശ്ചാത്തലത്തില്‍ കരുതലോടെയാണ് ഇന്ത്യ ഇറങ്ങുന്നത്.

ബംഗ്ലാദേശിനോട് അടുത്തിടെ 3 മത്സരങ്ങളില്‍ തോറ്റതും മനസ്സിലുണ്ട്. ഏഷ്യാ കപ്പിലും കഴിഞ്ഞ ഡിസംബറില്‍ രണ്ടുതവണയും ബംഗ്ലാദേശിനോട് അടിയറവ് പറഞ്ഞിരുന്നു. ക്യാപ്റ്റന്‍ രോഹിത് ഫോം വീണ്ടെടുത്തതാണ് ഇന്ത്യന്‍ ടീമിന് പ്രതീക്ഷ നല്‍കുന്നത്. വിരാട് കോഹ്‌ലിയും മികച്ച ഫോമിലാണ്.

കെഎല്‍ രാഹുല്‍, ശ്രേയസ് അയ്യര്‍ എന്നിവരും തിളങ്ങി കഴിഞ്ഞ മാച്ചുകളില്‍ തിളങ്ങി. പ്രധാന ബാറ്റര്‍മാരെല്ലാം അര്‍ദ്ധസെഞ്ചുറി നേടി. ഡെങ്കിപ്പനി മാറി തിരിച്ചെത്തിയ ഓപ്പണര്‍ ശുഭ്മാന്‍ ഗില്‍ പാകിസ്ഥാനെതിരെ കൂടുതല്‍ റണ്‍സെടുക്കാന്‍ സാധിച്ചിരുന്നില്ല. ഈ വര്‍ഷം ഏകദിനത്തില്‍ 5 സെഞ്ചുറി അടിച്ച ഗില്ലിന്റെ ബാറ്റ് കൂടി റണ്‍ കണ്ടെത്തിയാല്‍ പിന്നെ തിരിഞ്ഞുനോക്കേണ്ടതില്ല. റണ്ണൊഴുകുന്ന പിച്ചില്‍ രോഹിതിന്റെ നേതൃത്വത്തില്‍ സിക്‌സറുകള്‍ പ്രവഹിക്കുമെന്നാണ് പ്രതീക്ഷ.

ജസ്പ്രീത് ബുമ്രയും മുഹമ്മദ് സിറാജും ചേര്‍ന്ന പേസ് സഖ്യവും രവീന്ദ്ര ജഡേജകുല്‍ദീപ് യാദവ് സ്പിന്‍ കൂട്ടുകെട്ടുമാണ് വിജയരസത്തിലെ പ്രധാന ചേരുവ. ഇടക്കാല ബൗളര്‍മാരായി ഹാര്‍ദിക് പാണ്ഡ്യയും ശാര്‍ദുല്‍ ഠാക്കൂറുമുണ്ട്. ദ്യകളിയില്‍ അഫ്ഗാനെ തകര്‍ത്ത ബംഗ്ലാദേശിന് പിന്നീട് തിരിച്ചടിയായിരുന്നു. ഇംഗ്ലണ്ടിനോടും ന്യൂസിലന്‍ഡിനോടും തോറ്റു.

ചെന്നൈയിലെ ചിദംബരം സ്‌റ്റേഡിയത്തില്‍ ടോസ് നേടിയ അഫ്ഗാനിസ്ഥാന്‍ കിവീസിനെ ബാറ്റിങ്ങിനയച്ചു. ഡെവോണ്‍ കോണ്‍വേ 20, വില്‍ യങ്ങ് 54, രച്ചിന്‍ രവീന്ദ്ര 32, ഡാരല്‍ മിച്ചല്‍ ഒന്ന് എന്നിവര്‍ മടങ്ങുമ്പോള്‍ ന്യുസിലന്‍ഡ് നേടിയത് 4 വിക്കറ്റിന് 110 റണ്‍സ് മാത്രം. അഞ്ചാം വിക്കറ്റില്‍ ടോം ലതാമും ഗ്ലെന്‍ ഫിലിപ്‌സും ഒന്നിച്ചതോടെ സ്‌കോര്‍ബോര്‍ഡ് മുന്നോട്ടുനീങ്ങി. ഇരുവരെയും പുറത്താക്കാന്‍ ലഭിച്ച അവസരങ്ങള്‍ അഫ്ഗാന്‍ ഫീല്‍ഡര്‍മാര്‍ നഷ്ടപ്പെടുത്തി.

48ാം ഓവറിലെ ആദ്യ പന്തില്‍ ഗ്ലെന്‍ ഫിലിപ്‌സ് പുറത്താകുമ്പോള്‍ കിവീസ് സ്‌കോര്‍ 254ല്‍ എത്തിയിരുന്നു. 80 പന്തില്‍ 4 വീതം ഫോറും സിക്‌സും സഹിതം ഫിലിപ്‌സ് 71 റണ്‍സെടുത്തു. ടോം ലതാം 74 പന്തില്‍ 68 റണ്‍സെടുത്ത് പുറത്തായി. അവസാന ഓവറുകളില്‍ മാര്‍ക് ചാപ്മാന്‍ പുറത്താകാതെ പൊരുതി നേടിയ 25 റണ്‍സ് കൂടിയായതോടെ കിവീസ് ഭേദപ്പെട്ട സ്‌കോറിലെത്തി.

മറുപടി ബാറ്റിംഗിനിറങ്ങിയ അഫ്ഗാനിസ്ഥാന്‍ നിരുപാധികം കീഴടങ്ങി. കഴിഞ്ഞ മത്സരത്തില്‍ മുന്‍ ചാമ്പ്യന്‍മാരായ ഇംഗ്ലണ്ടിനോട് കളിച്ച അഫ്ഗാന്റെ നിഴല്‍ മാത്രമായിരുന്നു ഇന്ന് കളത്തില്‍ കണ്ടത്. അഫ്ഗാന്‍ ഓപ്പണര്‍മാരെ പുറത്താക്കി ട്രെന്റ് ബോള്‍ട്ട് വിക്കറ്റ് വേട്ടയ്ക്ക് തുടക്കമിട്ടു. മിച്ചല്‍ സാന്ററും ലോക്കി ഫെര്‍ഗൂസനും 3 വീതം വിക്കറ്റുകള്‍ പങ്കിട്ടു. ഓരോ വിക്കറ്റുകള്‍ വീഴ്ത്തി രച്ചിന്‍ രവീന്ദ്രയും മാറ്റ് ഹെന്റിയും പട്ടിക പൂര്‍ത്തിയാക്കി. തുടര്‍ച്ചയായ നാലാം വിജയത്തോടെ ന്യുസിലന്‍ഡ് പോയിന്റ് ടേബിളില്‍ ഒന്നാമതെത്തി.