കൈപിടിച്ചു നടത്തിയ പിതാവിന്റെ വേർപാടിൽ അവസാന നിമിഷം ഒപ്പം നിൽക്കാനാവാതെ പോയ വിഷമം കടിച്ചമർത്തി കളിക്കളത്തിലിറങ്ങിയ, വംശീയാധിക്ഷേപമേറ്റ് മറ്റൊരു നാട്ടിൽ കുറെയധികം മനുഷ്യരുടെ മുന്നിൽ അപഹസിക്കപ്പെട്ട, ദേശീയ ഗാനം ആലപിക്കുമ്പോൾ ഓർമ്മകളിൽ വിതുമ്പി പോകുന്ന, കൈവിട്ടുപോവുമായിരുന്ന ഗാബ ടെസ്റ്റിൽ ടീം ഇന്ത്യയെ മത്സരത്തിലേക്ക് തിരിച്ചെത്തിച്ച ഇന്ത്യൻ ക്രിക്കറ്റ് താരം മുഹമ്മദ് സിറാജിനെക്കുറിച്ച് ഇന്ത്യക്കാർ നിർബന്ധമായും അറിയേണ്ട നിരവധി കാര്യങ്ങളുണ്ട്.

ഹൈദരാബാദിലെ തെരുവിൽ വളരെ പാവപ്പെട്ട കുടുബത്തിൽ ജനിച്ച, ഓട്ടോറിക്ഷ തൊഴിലാളിയായിരുന്ന മുഹമ്മദ് ഖൈസിന്റെ മകൻ ഇന്ന് ലോകത്തിലെ ഏറ്റവും മികച്ച ബാറ്റ്‌സ്മാൻമാരെ പവലിയനിലേക്ക് മടക്കിയക്കുമ്പോൾ പിന്നിട്ട നാൾവഴികൾ നൽകിയ ഓർമ്മകളിൽ നിറയുന്നതത്രയും ത്രസിപ്പിക്കുന്ന പോരാട്ടത്തിന്റെ കഥകളാണ്.

ഒരുപക്ഷേ, ഇന്ത്യയുടെ മുൻനിര പേസ് ബൗളർമാർക്ക് പരിക്കേറ്റില്ലായിരുന്നുവെങ്കിൽ ഈ പരമ്പരയിൽ ടീമിലിടം കിട്ടാൻ പോലും സാധ്യതയില്ലാത്ത താരമാണ് കളിയവസാനിക്കാൻ നേരം രാജ്യത്തിന്റെ രക്ഷക്കെത്തിയത്.

ജസ്പ്രീത് ബുമ്ര, മുഹമ്മദ് ഷമി, ഉമേഷ് യാദവ്, ഇഷാന്ത് ശർമ, ഭുവനേശ്വർ കുമാർ തുടങ്ങിയ പ്രമുഖ താരങ്ങൾക്ക് പരുക്കേറ്റതോടെ ഓസ്‌ട്രേലിയൻ മണ്ണിൽ ഇന്ത്യൻ ടീമിന്റെ പേസ് വിഭാഗത്തെ നയിക്കുന്ന സിറാജ്, ഓസീസിന്റെ രണ്ടാം ഇന്നിങ്‌സിലാണ് അഞ്ച് വിക്കറ്റ് നേട്ടവുമായാണ് കരുത്തുകാട്ടിയത്. 19.5 ഓവറിൽ 73 റൺസ് വഴങ്ങിയായിരുന്നു സിറാജിന്റെ അഞ്ച് വിക്കറ്റ് നേട്ടം. ഇതോടെ ഓസീസിന്റെ രണ്ടാം ഇന്നിങ്‌സ് സ്‌കോർ 294 റൺസിൽ ഒതുങ്ങുകയും ചെയ്തു. ഈ പര്യടനത്തിൽ ഒരു ഇന്ത്യൻ ബോളർ അഞ്ച് വിക്കറ്റ് നേട്ടം കൈവരിക്കുന്നതും ഇതാദ്യമാണ്.

2015 ൽ രഞ്ജി ട്രോഫി ക്രിക്കറ്റിലായിരുന്ന സിറാജിന്റെ അരങ്ങേറ്റം. 2015-16 സീസൺ രഞ്ജിയിൽ ഹൈദരാബാദിനു വേണ്ടി 41 വിക്കറ്റുകൾ നേടി ഏറ്റവും കൂടുതൽ വിക്കറ്റ് നേടിയ താരമായി. അതുവഴി 2017 ൽ ഇന്ത്യൻ പ്രീമിയർ ലീഗിൽ സൺറൈസ് ഹൈദരാബാദ് ടീമിൽ ഇടം കണ്ടെത്തി. 2018ൽ വിജയ് ഹസാരെ ക്രിക്കറ്റ് ടൂർണമെന്റിൽ ഏറ്റവും കൂടുതൽ വിക്കറ്റുകൾ. 2018 ൽ ഇന്ത്യൻ നായകൻ കോലിയുടെ ബാംഗ്ലൂർ റോയൽ ചടഞ്ചേഴ്‌സ് ടീമിലൂടെ വീണ്ടും ഐ.പി.എല്ലിൽ. എപ്പോഴും തണലേകിയ നായകൻ കോഹ്‌ലിയുടെ പിന്തുണയിൽ 2020ലെ ഇന്ത്യൻ പ്രീമിയർ ലീഗിൽ ആർക്കും നേടാനാകാത്ത റെക്കോർഡ് നേട്ടവും സിറാജിന്റെ പേരിലെഴുതപ്പെട്ടു. ബൗളർമാരുടെ ശവപ്പറമ്പായിരുന്ന 2020ലെ ഇന്ത്യൻ പ്രീമിയർ ലീഗിൽ തുടർച്ചായി രണ്ടു മെയ്ഡൻ ഓവറുകൾ എറിഞ്ഞ റെക്കോഡ് സിറാജിന്റെ പേരിൽ കുറിക്കപ്പെട്ടു.

ഒടുവിൽ ഇന്ത്യയുടെ ഓസീസ് പര്യടനത്തിലുള്ള ഇന്ത്യൻ സംഘത്തിൽ സിറാജും ഉൾപ്പെട്ടു. ഇതിനിടെ സ്വപ്‌നം കാണാൻ പഠിപ്പിച്ച പിതാവിന്റെ മരണം. പക്ഷേ, പിതാവിന്റെ സ്വപ്‌നം സഫലമാക്കാൻ നാട്ടിലേക്ക് പോകാതെ ടീമിന്റെ കൂടെ തുടർന്നു.

ഓസ്‌ട്രേലിയൽ മണ്ണിൽ നടന്ന സന്നാഹ മത്സരത്തിൽ ബുംമ്രയുടെ അടികൊണ്ടു പരിക്കേറ്റ ഓസീസ് ബാറ്റ്‌സ്മാന് കൈതാങ്ങായി നോൺ സ്ര്‌ടൈക്കിംഗ് എൻഡിൽ നിന്നും ബാറ്റ് വലിച്ചെറിഞ്ഞ് ഓടിവന്നത് ക്രിക്കറ്റ് പ്രേമികളുടെ മനസ്സിലേക്ക് സിറാജെന്ന ഇന്ത്യൻ പേസർക്കുള്ള ഇരിപ്പിടം ഇട്ടുകൊണ്ടായിരുന്നു.

ആദ്യ ടെസ്റ്റിൽ മുഹമ്മദ് ഷമിക്ക് പരിക്കേറ്റതിനെത്തുടർന്ന് രണ്ടാം ടെസ്റ്റിൽ അരങ്ങേറ്റം. ആ ടെസ്റ്റിൽ തന്നെ ഉമേഷിനും പരിക്ക് പറ്റി പുറത്തായി. മൂന്നാം ടെസ്റ്റിൽ ബുംമ്രയുടെ കൂടെ ഓപ്പണിങ് ബോളർ. നാലാം ടെസ്റ്റിൽ പരിക്കേറ്റ് ബുമ്രയും പുറത്തേക്ക്. അപ്പോഴേക്കും ഇന്ത്യയുടെ ഒന്നാം നമ്പർ ബൗളറായി സിറാജ് മാറുകയായിരുന്നു.

മത്സരത്തിനിടെ വംശീയധിക്ഷേപം കൊണ്ട് കാണികൾ പരിഹസിച്ച സിറാജ് പരമ്പര കഴിയും മുന്നേ ഓസീസ് മണ്ണിൽ ആദ്യത്തെ അഞ്ചു വിക്കറ്റ് നേട്ടം സ്വന്തമാക്കുകയും ചെയ്തു. കൂറ്റൻ സ്‌കോറിലേക്ക് പോകുമായിരുന്ന ഓസീസ് ബാറ്റിങ് നിരയെ പിച്ചിചീന്തിയ ഓവറുകൾ. ഒരു ഓവറിൽ തന്നെ ഏറ്റവും അപകടകാരിയായ ലബുഷെയറിനെയും വൈഡിനെയും പുറത്താക്കിയതിന് പുറമെ തകർപ്പൻ ഫോമിലുള്ള സ്മിത്തിനെയും പുറത്താക്കിയ ഡെലിവറികൾ കൊണ്ട് ഓസ്‌ട്രേലിയൻ ഫാൻസിന് മറുപടി നൽകുകയായിരുന്നു അവൻ.

അയാളുടെ സ്വപ്‌നങ്ങൾ ഇന്ന് ഇന്ത്യയുടേത് കൂടിയാണ്. അത് തെളിയിക്കുന്നുണ്ട് മുൻ ഇന്ത്യൻ ഓപ്പണർ സേവാഗിന്റെ ഇന്നത്തെ ട്വീറ്റ്: ‘നമ്മുടെ കൊച്ചുപയ്യൻ ഈ പര്യടനത്തിലൂടെ വളർന്ന് വലിയ ആളായിരിക്കുന്നു. അരങ്ങേറ്റ പരമ്പരയിൽത്തന്നെ ഇന്ത്യൻ ആക്രമണത്തിന്റെ നേതൃത്വം ലഭിച്ച സിറാജ് മുന്നിൽനിന്ന് തന്നെ നയിച്ചു. ഈ പരമ്പരയിൽ പുതുമുഖ താരങ്ങൾ ഇന്ത്യയ്ക്കായി പുറത്തെടുത്ത പ്രകടനം കാലങ്ങളോളം എല്ലാവരുടെയും ഓർമയിൽ ശേഷിക്കും. ഇനി ട്രോഫി കൂടി നിലനിർത്തിയാൽ എല്ലാം ശുഭം’ സേവാഗ് കുറിച്ചു.

ബ്രിസ്‌ബെൻ: വൻതകർച്ചയിലേക്കെന്ന് തോന്നിച്ച ഒന്നാം ഇന്നിംഗ്‌സ് ബാറ്റിംഗിൽ വാലറ്റക്കാരുടെ കരുത്തിൽ ഇന്ത്യ അവിശ്വസനീയമായി മത്സരത്തിലേക്ക് തിരിച്ചുവരുന്നു. ആസ്‌ട്രേലിക്കെതിരെയുള്ള നാലാം ടെസ്റ്റിൽ ഇന്ത്യയുടെ ആദ്യ ഇന്നിംഗ്‌സിൽ മത്സരത്തിന്റെ രണ്ടാം ദിനം ആറിന് 186 എന്ന നിലയിൽ നിന്നും സെഞ്ച്വറി കൂട്ടുകെട്ടുമായി ആദ്യ രാജ്യാന്തര ടെസ്റ്റ് മത്സരം കളിക്കുന്ന വാഷിംഗ്ടൺ സുന്ദറും ശ്രാദ്ധുൽ ാക്കൂറും ഏഴാം വിക്കറ്റലിൽ നേടിയ റെക്കോഡ് കൂട്ടുകെട്ടാണ് വൻതകർച്ചിൽ നിന്ന് ഇന്ത്യയെ കരകയറ്റിയ്ത്. ടീം സ്‌കോർ 309ലെത്തിച്ചാണ് ഈ സഖ്യം വഴിപിരിഞ്ഞത്. ഏഴാം വിക്കറ്റിൽ 121 റൺസ് നേടി ശർദുൽ താക്കൂറും വാഷിംഗ്ടൺ സുന്ദറും ചേർത്തു. ശ്രാദ്ധുൽ 67ഉം വാഷിംഗ്ടൺ സുന്ദർ 62ഉം റൺസസെടുത്തു. ഇരുവരും തങ്ങളുടെ കന്നി ടെസ്റ്റ് അർദ്ധസെഞ്ച്വറികളാണ് ആസ്‌ട്രേലിയക്കെതിരെ നേടിയത്. വാലറ്റത്ത് നിന്ന് കാര്യമായ ചെറുത്ത് നിൽപ് ഉയരാഞ്ഞതോടെ ടീം സ്‌കോർ 336ൽ ഒതുങ്ങുകയായിരുന്നു. ഒന്നാം ഇന്നിംഗ്‌സിൽ ആസ്‌ട്രേലി 369 റൺസെടുത്തിരുന്നു. സ്ഥിരം ക്യാപ്റ്റൻ വിരാട് കോലിയും അഞ്ച് മുൻനിര ബൗളർമാരുമില്ലാതെ ഗാബയിൽ അവസാന സെ്റ്റിനിറങ്ങിയ ഇന്ത്യക്ക് മത്സരം സമരനിലയിൽ അവസാനിപ്പിക്കാനായാൽ പരമ്പര നഷ്ടപ്പെടില്ല.

മത്സരത്തിനിടെ ഒരു ഓസ്ട്രേലിയന്‍ താരം ” ടേക് ദാറ്റ്, ഒസാമ” എന്ന് തന്നോട് പറഞ്ഞതായാണ് മോയിന്‍ അലി വെളിപ്പെടുത്തിയിരിക്കുന്നത്. കാര്‍ഡിഫില്‍ നടന്ന ആദ്യ ടെസ്റ്റിനിടെയാണ് സംഭവം. മത്സരത്തില്‍ 77 റണ്‍സും, 5 വിക്കറ്റും നേടി മോയിന്‍ അലി മികച്ച പ്രകടനം നടത്തിയിരുന്നു. പരമ്പര ഇംഗ്ലണ്ട് 3-2ന് സ്വന്തമാക്കുകയും ചെയ്തിരുന്നു. ഈ പരാമര്‍ശം തന്നെ ഏറെ വിഷമിപ്പിച്ചെന്നും ചില സഹകളിക്കാരോടും ഇംഗ്ലണ്ട് കോച്ച് ട്രെവര്‍ ബെയിലിസിനോടും  സംഭവം പറഞ്ഞിരുന്നു.

ഇംഗ്ലണ്ട് കോച്ച് ട്രെവര്‍ ബെയിലിസ് ഇത് അന്നത്തെ ഓസ്ട്രേലിയന്‍ കോച്ചായ ഡാരന്‍ ലേമാനൊട് പറഞ്ഞിരുന്നു. എന്നാല്‍ ലേമാന്‍ താരത്തിനോട് വിശദീകരണം തേടിയപ്പോള്‍ താരം ഇത് നിഷേധിക്കുകയായിരുന്നു എന്ന് അലി പറയുന്നു.

അതേസമയം സംഭവം ഗൗരമായി കാണുന്നുവെന്നും കളികളത്തിലെ ഇത്തരം പെരുമാറ്റം ഒരിക്കലും ന്യായീകരിക്കാനാവില്ലയെന്നും തങ്ങളുടെ രാജ്യത്തിനെ പ്രതിനിധീകരിച്ച് കളിക്കുന്നവര്‍ രാജ്യത്തിന്റെ മൂല്യങ്ങള്‍ ഉയര്‍ത്തിപ്പിടിക്കേണ്ടവരാണെന്നും അത്തരം കളിക്കാരിയില്‍ നിന്നും ഇത്തരം പെരുമാറ്റം ഉണ്ടായിട്ടുണ്ടെങ്കില്‍ നടപടി സ്വീകരിക്കുമെന്നും ക്രിക്കറ്റ് ഓസ്്‌ട്രേലിയ വക്താവ് അറിയിച്ചു. സംഭവത്തില്‍ അന്വേഷണത്തിന് ഉത്തരവിട്ടിട്ടുണ്ട, സംഭവത്തില്‍ ഇംഗ്ലണ്ട് ക്രിക്കറ്റ് ബോര്‍ഡിന്റെ വിശദീകരണം തേടുമെന്നും ക്രിക്കറ്റ് ഓസ്്‌ട്രേലിയ വക്താവ് വ്യക്തമാക്കി.

എതിരാളികളെ മാനസികമായി തളര്‍ത്താന്‍ ഏതറ്റം വരേയും പോകുന്നവരാണ് ഓസ്‌ട്രേലിയന്‍ ക്രിക്കറ്റ് താരങ്ങള്‍. പലപ്പോഴും ഇത് പരിധി വിടാറുമുണ്ട്. എന്നാല്‍ മോയിന്‍ അലിയുടെ പുതിയ വെളിപ്പെടുത്തല്‍ ക്രിക്കറ്റ് ലോകത്ത് ചൂടേറിയ ചര്‍ച്ചയ്ക്ക് വഴിയൊരുക്കിയിരിക്കുകയാണ്. നേരത്തെ ദക്ഷിണാഫ്രിക്കന്‍ താരം ഹാഷിം അംലയെ ഭീകരവാദി എന്ന വിളിച്ചതിന് ടിവി കമന്റേറ്റര്‍ ഡീന്‍ ജോണ്‍സിന് ജോലി നഷ്ടമായിരുന്നു. ഓസ്‌ട്രേലിയന്‍ മുന്‍ ടെസ്റ്റ് ബാറ്റ്‌സ്മാനായ ഡീന്‍ ജോണ്‍സ് വിരമിച്ച ശേഷം ടിവി കമന്റേറ്ററായി പ്രവര്‍ത്തിച്ചു വരികയായിരുന്നു.

കോഴിക്കോട്: നടക്കാവ് ഗവ:ഗേള്‍സ് എച്ച്.എസ്.എസിലെ കൗമാര ഫുട്‌ബോള്‍ താരങ്ങള്‍ക്ക് ജീവിതത്തിലെ അനര്‍ഘനിമിഷങ്ങള്‍ സമ്മാനിച്ചാണ് വ്യാഴാഴ്ച ദിനം കടന്നുപോയത്. ലോക ക്രിക്കറ്റിലെ എക്കാലത്തേയും മികച്ച ഫാസ്റ്റ് ബൗളര്‍ ബ്രെറ്റ്‌ലീയ്‌ക്കൊപ്പം പന്ത്തട്ടാനുള്ള ഭാഗ്യമാണ് വിദ്യാര്‍ത്ഥിനികള്‍ക്ക് ലഭിച്ചത്. ക്രിക്കറ്റിനൊപ്പം ഫുട്‌ബോളും തനിക്ക് അനായാസം വഴങ്ങുമെന്ന് തെളിയിച്ച ഓസീസ് ക്രിക്കറ്റര്‍, നടക്കാവിലെ ഗ്രൗണ്ടില്‍ ഗോളിയായും ഗോളടിച്ചും തിളങ്ങി. ചുറ്റുംകൂടിയ ആരാധകരുടെ കൈയടിയ്ക്ക് നടുവിലൂടെ ഗോള്‍പോസ്റ്റില്‍ നിലയുറപ്പിച്ച ലീ, നടക്കാവ് സ്‌കൂളിലെ കൊച്ചുമിടുക്കികള്‍ ഉതിര്‍ത്ത ഓരോ പെനാല്‍റ്റി ഷോട്ടും കൈകൊണ്ടും കാലുകൊണ്ടും തട്ടിയകറ്റി. ഗോള്‍വലചലിപ്പിക്കാന്‍ വിദ്യാര്‍ത്ഥികള്‍ മാറിമാറി കിക്കെടുത്തെങ്കിലും വിട്ടുകൊടുക്കാന്‍ മുന്‍ ഓസീസ് താരം തയാറായില്ല. ഒടുവില്‍ ടീമിലെ ഏറ്റവും ജൂനിയര്‍ താരത്തിന്റെ ഉയര്‍ത്തിയടിച്ച ഷോട്ടില്‍ ലീയുടെ പ്രതിരോധം പാളി.പത്ത് ഷോട്ട് ഉതിര്‍ത്തതില്‍ മൂന്ന് ഗോള്‍നേടാനായതിന്റെ ആശ്വാസത്തിലായിരുന്നു കായികാധ്യാപിക ഫൗസിയയുടെ കുട്ടികള്‍. ഗോളിയുടെ ഗ്ലൗസ് ഊരിമാറ്റി പെനാല്‍റ്റി സ്‌പോട്ടിലെത്തിയ ബ്രെറ്റ്‌ലീ കിടിലന്‍ഷോട്ടുകള്‍ ഉതിര്‍ത്തും കളംനിറഞ്ഞു.
കൗമാരതാരങ്ങളോട് സംവദിക്കാന്‍ സമയം കണ്ടെത്തിയ ബ്രെറ്റ്‌ലീ അവര്‍ക്കൊപ്പം സെല്‍ഫിയെടുക്കാനും മറന്നില്ല. പ്രിസം പദ്ധതി നടപ്പിലാക്കിയ നടക്കാവ് സ്‌കൂളിലെ അക്കാദമിക്, കായിക സൗകര്യങ്ങള്‍ അദ്ദേഹം നടന്നുകണ്ടു. തുടര്‍ന്ന് ലീഡര്‍ഷിപ്പും സ്‌പോര്‍ട്‌സും എന്ന വിഷയത്തില്‍ ബ്രെറ്റ് ലീയും ഫൈസല്‍ ആന്‍ഡ് ഷബാന ഫൗണ്ടേഷന്‍ ചെയര്‍മാന്‍ ഫൈസല്‍ കൊട്ടിക്കൊള്ളോനും ഫയര്‍സൈഡ് ചാറ്റ് നടത്തി. പന്ത്ചുരണ്ടല്‍ വിവാദത്തില്‍ ഓസീസ് ടീമിനെയൊക്കാതെ ആക്ഷേപിക്കുന്നത് ശരിയല്ലെന്ന് ബ്രെറ്റ്‌ലീ പറഞ്ഞു. ഏതാനുംചിലര്‍ ചെയ്ത തെറ്റിന് ലക്ഷക്കണക്കിനുള്ള ഓസീസുകാരെ ക്രൂഷിക്കരുത്. കായികരംഗവും വ്യവസായവും തമ്മിലുള്ള കിടമത്സരങ്ങള്‍ക്കിടെ ഇത്തരം സംഭവങ്ങളുണ്ടാകും. ഇതുപോലെയുള്ള തെറ്റായ പ്രവണതകകള്‍ മാറ്റിവെച്ച് ഭാവിയെ കുറിച്ച് ചിന്തിക്കാമെന്നും ബ്രെറ്റ്‌ലീ പറഞ്ഞു.
ഒരിക്കലും നിശ്ചയദാര്‍ഢ്യം കൈവിടരുതെന്ന പാഠമാണ് തന്റെ വിജയത്തിന് പിന്നിലെന്ന് ബ്രെറ്റ്‌ലീ അഭിപ്രായപ്പെട്ടു. ക്രിക്കറ്റ് ലോകത്തുനിന്ന് വിരമിച്ച ശേഷം കമന്റേറ്ററായി തുടരുന്നതില്‍ ആഹ്ലാദം കണ്ടെത്തുന്നതായി അദ്ദേഹം കൂട്ടിചേര്‍ത്തു.
ഫൈസല്‍ ആന്‍ഡ് ഷബാന ഫൗണ്ടേഷന്‍ ചെയര്‍മാന്‍ ഫൈസല്‍ കൊട്ടിക്കൊള്ളോന്‍, കെഫ് ഹോള്‍ഡിംഗ്‌സ് പ്രൊജക്റ്റ് മാനേജര്‍ സോഫിയ ഫൈസല്‍, കെഫ് ഹോള്‍ഡിംഗ്‌സ് സിഇഒ റിച്ചാര്‍ഡ് പാറ്റ്ല്‍, സ്‌കൂള്‍ പ്രിന്‍സിപ്പല്‍ ജലൂഷ് കെ. എന്നിവര്‍ സംബന്ധിച്ചു.

പന്ത് ചുരണ്ടല്‍ വിവാദത്തെക്കുറിച്ച് വിശദീകരിക്കാനായി വിളിച്ചുചേര്‍ത്ത വാര്‍ത്താസമ്മേളനത്തില്‍ സ്റ്റീവ് സ്മിത്ത് പൊട്ടിക്കരഞ്ഞിരുന്നു. സംഭവിച്ചതിന്റെയെല്ലാം ഉത്തരവാദിത്തം തനിക്കാണെന്നും എല്ലാത്തിനും മാപ്പ് പറയുന്നുവെന്നും സ്മിത്ത് പറഞ്ഞിരുന്നു. എന്റെ എല്ലാ ടീം അംഗങ്ങളോടും ആരാധകരോടും ക്രിക്കറ്റിനെ സ്‌നേഹിക്കുന്ന ലോകമെമ്പാടുമുള്ള ആരാധകരോടും മാപ്പു പറയുന്നു. സംഭവിച്ചതിന്റെയെല്ലാം ഉത്തരാവാദിത്തം എനിക്കാണ്. എന്റെ നേതൃത്വത്തിന് തെറ്റുപറ്റി. ചെയ്ത തെറ്റിന് പ്രായശ്ചിത്തമായി എന്തും ചെയ്യാന്‍ തയാറാണെന്നും വ്യക്തമാക്കിയശേഷമാണ് സ്മിത്ത് പൊട്ടിക്കരഞ്ഞത്.

Steve Smith’s Father Peter Smith Dumps His Cricket Kit pic.twitter.com/O7WArgbEZT

— Desi Stuffs (@DesiStuffs) March 31, 2018

‘ഇതില്‍ നിന്ന് എന്തുപഠിച്ചു എന്ന് ചോദിച്ചാല്‍, ഇത് മറ്റുള്ളവര്‍ക്കും ഒരു പാഠമാണ്. ഒരു തെറ്റ് ചെയ്തുപോയി. അതിന്റെ അനന്തരഫലം അനുഭവിക്കുന്നു. ചെയ്തുപോയ കാര്യങ്ങള്‍ ജീവിതാവസാനം വരെ എന്നെ വേട്ടയാടുമെന്നറിയാം. കാലം എല്ലാം മായ്ക്കുമെന്നും. മികച്ച കളിയിലൂടെ നഷ്ടമായ പ്രതിച്ഛായ തിരിച്ചുപിടിക്കാന്‍ ശ്രമിക്കും. ക്രിക്കറ്റ് എന്റെ ജീവിതമാണ്. അത് അതുപോലെ തുടരും. എല്ലാത്തിനും മാപ്പ്. ഞാന്‍ ശരിക്കും തകര്‍ന്നുപോയി. എന്റെ കുടുംബാംഗങ്ങളെപ്പോലും ഞാന്‍ നാണംകെടുത്തി’. അമ്മ കരഞ്ഞുപോയൊന്നും സ്മിത്ത് പറഞ്ഞു.

പന്തില്‍ കൃത്രിമം കാണിച്ച ബാന്‍ക്രോഫ്റ്റിന് മാച്ച് ഫീയുടെ 75 ശതമാനം പിഴയും മൂന്ന് ഡീ മെരിറ്റ് പോയിന്റും ഐ.സി.സി ചുമത്തിയിട്ടുണ്ട്. വിവാദത്തെ തുടര്‍ന്ന് ഓസീസ് വൈസ് ക്യാപ്റ്റന്‍ ഡേവിഡ് വാര്‍ണറും രാജിവെച്ചിരുന്നു.

പന്തില്‍ കൃത്രിമം കാട്ടിയതിനെ തുടര്‍ന്ന് ഓസ്‌ട്രേലിയന്‍ താരത്തിനെതിരെ വ്യാപക പ്രതിഷേധമുയര്‍ന്നിരുന്നു. രാജ്യത്തിന് അപമാനമുണ്ടാക്കിയ സംഭവത്തിന് ഉത്തരവാദികളായവര്‍ക്കെതിരെ നടപടിയെടുക്കാന്‍ സര്‍ക്കാര്‍ ക്രിക്കറ്റ് ഓസ്‌ട്രേലിയയോട് ആവശ്യപ്പെട്ടിരുന്നു. ഇതിനെ തുടര്‍ന്നാണ് സ്മിത്ത് രാജിവെച്ചത്.

വാര്‍ത്തയോട് പ്രതികരിച്ച ഓസ്‌ട്രേലിയന്‍ പ്രധാനമന്ത്രി മാല്‍ക്കം ടേണ്‍ബുള്‍ ‘സംഭവം ഞെട്ടിപ്പിക്കുന്നതും അസ്വസ്ഥതയുളവാക്കുന്നതാണെന്നും’ പ്രതികരിച്ചു. ഓസ്‌ട്രേലിയന്‍ സ്‌പോര്‍ട് കമ്മീഷണര്‍ ജോണ്‍ വെയ്‌ലി കായിക ഇനത്തിലെ ഏത് വഞ്ചനയെയും അപലിപ്പിക്കുന്നതായും പറഞ്ഞു. രാജ്യത്തെ പ്രതിനിധീകരിക്കുന്ന കായിക താരങ്ങള്‍ സത്യസന്ധത ഉയര്‍ത്തിപ്പിടിക്കേണ്ടതുണ്ടെന്നും വെയ്‌ലി പറഞ്ഞു.

രണ്ടാം ഇന്നിംഗ്‌സില്‍ ദക്ഷിണാഫ്രിക്ക ബാറ്റ് ചെയ്ത് കൊണ്ടിരിക്കുമ്പോഴാണ് ബെന്‍ക്രോഫ്റ്റ് പന്തില്‍ ക്ൃത്രിമം കാണിച്ചത്.മത്സരം പുരോഗമിക്കുന്നതിനിടെ ആരും കാണാതെ തന്റെ പാന്റിന്റെ പോക്കറ്റില്‍ നിന്നും എടുത്ത മഞ്ഞനിറത്തിലുള്ള വസ്തു കൊണ്ട് പന്തില്‍ ഉരക്കുകയായിരുന്നു. ഇതിനു ശേഷം വസ്തു പോക്കറ്റില്‍ തിരികെ വെച്ചു. എന്നാല്‍ ഇതിന്റെ ദൃശ്യങ്ങള്‍ ടി.വി ക്യാമറകള്‍ പകര്‍ത്തിയിരുന്നു. തുടര്‍ന്ന് ബാന്‍ക്രാഫ്റ്റ് പന്തില്‍ കൃത്രിമം കാണിക്കുന്ന ദൃശ്യങ്ങള്‍ ടിവി ക്യാമറകള്‍ എടുത്തു കാട്ടിയതോടെ അപകടം മനസ്സിലാക്കിയ താരം പോക്കറ്റില്‍ നിന്ന് വസ്തു എടുത്ത് പാന്റിനുള്ളിലേക്കിട്ടു. ഇതോടെ അംപയര്‍മാര്‍ താരത്തെ വിളിക്കുകയും പരിശോധിക്കുകയും ചെയ്തു.പിന്നീട് ഇത് താരം തുറന്നു സമ്മതിക്കുകയും ചെയ്തിരുന്നു. പന്തില്‍ കൃത്രിമം കാട്ടുന്നതിന്റെ ദൃശ്യങ്ങള്‍ ക്യാമറയില്‍ വ്യക്തമായതോടെയാണ് ‘ബോള്‍ ടാംപറിങ്ങ്’ വിവാദം ഉയര്‍ന്നുവന്നത്. ക്യാമറയില്‍ ദൃശ്യങ്ങള്‍ പതിഞ്ഞതോടെ സംഭവം നിരസിക്കുവാനുള്ള അവസരം ഓസ്‌ട്രേലിയയ്ക്ക് നഷ്ടമായതോടെ കുറ്റം സമ്മതിക്കുകയായിരുന്നെന്നാണ് വിലയിരുത്തപ്പെടുന്നത്.

സ്‌പോര്‍ട്‌സ് കമ്മീഷന്‍ നായകന്റെ നടപടിക്കെതിരെ രംഗത്തെത്തിയതോടെ നായകനും പരിശീലകനുമെതിരെ കര്‍ശന നടപടിയ്ക്ക് സാധ്യത തെളിഞ്ഞിരിക്കുകയാണ്. നേരത്തെ വിഷയത്തില്‍ പ്രതികരിച്ച സ്മിത്ത് ടീമിലെ മുതിര്‍ന്ന താരങ്ങള്‍ക്ക് ഇതറിയാമായിരുന്നെന്ന് വെളിപ്പെടുത്തിയിരുന്നു. ഇതാണ് കമ്മീഷന്‍ കടുത്ത നടപടിയിലേക്ക് നീങ്ങാന്‍ കാരണമായത്.

അതേസമയം നായകന്‍ സ്മിത്തിന്റെ പ്രതികരണം ഇത് ടീം ടാക്ടിക്‌സിന്റെ ഭാഗമായിരുന്നു എന്നാണ്. ബാന്‍ക്രോഫ്ട് കുറ്റം സമ്മതിച്ചതോടെ മാച്ച് ഒഫീഷ്യല്‍സ് താരത്തിനുമേല്‍ കുറ്റം ചുമത്തിയിരുന്നു. ഈ സാഹചര്യത്തിലാണ് വാര്‍ത്താസമ്മേളനത്തില്‍ സ്മിത്ത് ന്യായീകരണവുമായെത്തിയത്. ഇതിന്റെ പേരില്‍ താന്‍ ഓസീസ് നായകസ്ഥാനം രാജിവെക്കാന്‍ ഉദ്ദേശിക്കുന്നില്ലെന്നായിരുന്നു സ്മിത്തിന്റെ പ്രതികരണം. എന്നാല്‍ വിഷയത്തില്‍ ഓസ്്‌ട്രേലിയന്‍ ഭരണകൂടം ഇടപെടത്തോടെ സ്മിത്തിന്റെ തൊപ്പി ഉടന്‍ തെറിക്കുമെന്നാണ് വിലയിരുത്തല്‍

മത്സരത്തിന്റെ രണ്ടാം ഇന്നിംഗ്‌സില്‍ ദക്ഷിണാഫ്രിക്ക ബാറ്റ് ചെയ്ത് കൊണ്ടിരിക്കുമ്പോഴാണ് സംഭവം. ഇതിന്റെ വിഡീയോ സമൂഹമാധ്യമങ്ങളില്‍ വൈറലാണ് ഇപ്പോള്‍. താരത്തിന്റെ നടപടിക്കെതിരെ മുന്‍ ഓസ്‌ട്രേലിയന്‍ ഇതിഹാസ താരം ഷെയ്ന്‍ വോണ്‍ രംഗത്തെത്തി. പന്തില്‍ കൃത്രിമം കാണിക്കുന്നത് ആരായാലും അംഗീകരിക്കാനാവില്ല. ബാന്‍ക്രാഫ്റ്റ് പന്തില്‍ കൃത്രിമം കാണിച്ചിട്ടുണ്ടോ എന്നുള്ളത് രണ്ടാമത്തെ കാര്യമാണ്. ഒരു കളിക്കാരനെ സംബന്ധിച്ചിടത്തോളം ഇത്തരം സംശയകരമായ സാഹചര്യം സൃഷ്ടിക്കുകയെന്നത് പോലും പാടില്ല. അയാള്‍ അത്തരമൊരു സാഹചര്യമുണ്ടാക്കി. വോണ്‍ പ്രതികരിച്ചു.

ആദ്യ ഇന്നിങ്‌സില്‍ 311 റണ്‍സിന് ആതിഥേയര്‍ പുറകത്തായപ്പോള്‍ മറുപടി ബാറ്റിങിനിറങ്ങിയ ഓസീസ് 255 റണ്‍സേ നേടാനായുള്ളൂ. 56 റണ്‍സിന്റെ ഒ്ന്നാം ഇന്നിങ്‌സ് ലീഡു സ്വന്തമാക്കിയ ദക്ഷിണാഫ്രിക്ക മൂന്നാം ഒടുവില്‍ വിവരം ലഭിക്കുമ്പോള്‍ അഞ്ചു വിക്കറ്റ് നഷ്ടത്തില്‍ 207 റണ്‍സുണ്ട്. 48 റണ്‍സുമായി എബി ഡിവില്ലേഴ്്‌സ് ക്രീസിലുണ്ട്. ദക്ഷിണാഫ്രിക്കയ്‌ക്കെതിരെ ഒന്നാമിന്നിംഗ്‌സില്‍ 77 റണ്‍സെടുത്ത ബാന്‍ക്രോഫ്റ്റാണ് ഓസ്‌ട്രേലിയയുടെ ടോപ് സ്‌കോറര്‍.

#ProteaFire #SAvAUS first it was Cummings who ball tampered now Bancroft ,my word ..Cricket Australia pic.twitter.com/FMt79A3Cai

— Thabiso (@therealThabiso7) March 24, 2018

Uh oh @cbancroft4 #SAvAUS pic.twitter.com/mfeKQLFeoz

— Laurie Reid (@Laurie_Reid1) March 24, 2018

244 എന്ന കൂറ്റന്‍ വിജയലക്ഷ്യം പിന്തുടര്‍ന്ന ഓസ്‌ട്രേലിയക്ക് വേണ്ടി നായകന്‍ ഡേവിഡ് വാര്‍ണറും ഡാര്‍സി ഷോര്‍ട്ടും ചേര്‍ന്ന് മിന്നുന്ന തുടക്കമാണ് സമ്മാനിച്ചത്. ഒന്നാം വിക്കറ്റില്‍ ഇരുവരും 51 പന്തില്‍ നിന്നായി 121 റണ്‍സ് അടിച്ചെടുത്തു. ഒടുവില്‍ 59 റണ്‍സു നേടിയ ക്യാപ്റ്റന്‍ ഡേവിഡ് വാര്‍ണറെ സോദി ക്ലീന്‍ ബൗള്‍ണ്ടാക്കി പുറത്താക്കുകയായിരുന്നു. പിന്നീട് ക്രീസിലെത്തിയ മാക്‌സ്‌വെല്ലും (14 പന്തില്‍ 31), ആരോണ്‍ ഫിഞ്ച് ( പുറത്താകാതെ 14 പന്തില്‍ 36) മികച്ച തുടക്കം മുതലാക്കി ബാറ്റ് വീശിയതോടെ ഏഴു പന്തും അഞ്ചു വിക്കറ്റും ബാക്കി നില്‍ക്കെ ജയം സ്വന്തമാക്കുകയായിരുന്നു.44 പന്തില്‍ 76 റണ്‍സ് നേടിയപ്പോള്‍ ഡാര്‍സി ഷോര്‍ട്ടാണ് ഓസീസ് നിരയിലെ ടോപ് സ്‌കോറര്‍.

നേരത്തെ മാര്‍ട്ടിന്‍ ഗുപ്തിലിന്റെ തകര്‍പ്പന്‍ സെഞ്ചുറിയുടേയും കോളിന്‍ മണ്‍ റോയുടെ അര്‍ധ സെഞ്ചുറിയുടേയും വരുത്തി ലായിരുന്നു ന്യൂസിലന്‍ഡ് കൂറ്റന്‍ സ്‌കോര്‍ പടുത്തുയര്‍ത്തിയത്. 54 പന്തില്‍ ആറു ഫോറും ഒമ്പതു സിക്‌സും പറത്തിയാണ് ഗപ്റ്റില്‍ ടി-20യിലെ മൂന്നാം സെഞ്ച്വറിയാണ് പൂര്‍ത്തിയാക്കിയത്. കൂടാതെ ടി-20യില്‍ ഏറ്റവും കൂടുതല്‍ റണ്‍നേടുന്ന താരമെന്ന റെക്കോര്‍ഡ് മുന്‍ ന്യൂസിലാന്റ് താരം ബ്രണ്ടന്‍ മക്കല്ലത്തിനെ പിന്നിലാക്കി സ്വന്തപേരിലാക്കാനും ഗ്പ്റ്റിലാനായി. 2188 റണ്‍സാണ് ഗപ്റ്റിലിന്റെ നേട്ടം. 2140 റണ്‍സുമായി മക്കല്ലം രണ്ടാമതും 1956 റണ്‍സുളള ഇന്ത്യന്‍ നായകന്‍ വിരാട് കോഹ്‌ലി മൂന്നാമതുമാണു നിലവില്‍. ആറു വീതം ഫോറും സിക്‌സും അടിച്ച മണ്‍റോ 33 പന്തില്‍ 76 റണ്‍സുമായാണ് മടങ്ങിയത്.

ICYMI: Martin Guptill now holds the record for most T20I runshttps://t.co/5rcypKjm3h #NZvAUS #record pic.twitter.com/mHwDwXnvbB

— ESPNcricinfo (@ESPNcricinfo) February 16, 2018

ടൂര്‍ണമെന്റില്‍ കളിച്ച നാല് മത്സരങ്ങളും വിജയിച്ച ഓസ്‌ട്രേലിയയാണ് നിലവില്‍ പോയിന്റ് പട്ടികയില്‍ ഒന്നാമത്. ന്യൂസിലന്‍ഡ് രണ്ടാമതും, ഇംഗ്ലണ്ട് അവസാന സ്ഥാനത്തുമാണ്.