മറ്റെല്ലാ നാഴികകല്ല് പോലെയാണ് ഈ നേട്ടവും എന്നാണ് തോന്നുക. എന്നാല്‍ ഇതിന് എത്രമാത്രം പരിശ്രമിച്ചിട്ടുണ്ടെന്ന് തനിക്ക് മാത്രമെ അറിയികയുള്ളൂ എന്നായിരുന്നു റൊണാള്‍ഡോ മത്സര ശേഷം പറഞ്ഞത്. ‘900 ഗോള്‍ നേട്ടം മറ്റെല്ലാ നാഴികകല്ല് പോലെ തന്നെ തോന്നും. എന്നാല്‍ ഇതിന് പിന്നിലെ കഠിന പ്രയത്‌നം എനിക്ക് മാത്രമെ അറിയുകയുള്ളൂ. 900 ഗോള്‍ നേടാന്‍ എല്ലാ ദിവസവും എത്ര മാത്രം കഷ്ടപ്പെട്ടിട്ടുണ്ട് എന്ന് എനിക്ക് അറിയാം. എന്റെ കരിയറിലെ തന്നെ അതുല്യമായ ഒരു നേട്ടമാണ് ഇത്. ഞാന്‍ റെക്കോര്‍ഡ് തകര്‍ക്കാറില്ല റെക്കോഡാണ് എന്നെ വേട്ടയാടുന്നത്,’ റൊണാള്‍ഡോ പറഞ്ഞു.

പോര്‍ച്ചുഗലിനായി 131 ഗോള്‍ നേടിയ റോണോ ക്ലബ് തലത്തില്‍ റയല്‍ മാഡ്രിഡിനായി 450ഉം മാഞ്ചസ്റ്റര്‍ യുനൈറ്റഡിനായി 145ഉം യുവന്റസിനായി 101ഉം അല്‍നസ്‌റിനായി 68ഉം ഗോളുകളാണ് അടിച്ചുകൂട്ടിയത്. റൊണാള്‍ഡോയുടെ തൊട്ടുപിന്നില്‍ ഗോള്‍വേട്ടയില്‍ രണ്ടാമതുള്ളത് അര്‍ജന്റീനയുടെ ഇതിഹാസ താരം ലയണല്‍ മെസ്സിയാണ്. ഔദ്യോഗിക മത്സരങ്ങളില്‍ നിന്നും 838 ഗോളാണ് മെസ്സിയുടെ അക്കൗണ്ടിലുള്ളത്. റൊണാള്‍ഡോക്ക് പുറമെ ഡിയോഗോ ഡലോട്ട് ഗോളും സെല്‍ഫ് ഗോളും നേടിയ മത്സരത്തില്‍ പോര്‍ച്ചുഗല്‍ 2-1നാണ് ക്രൊയോഷ്യക്തെതിരെ വിജയിച്ചത്.

ക്രിസ്റ്റ്യാനോ റൊണാള്‍ഡോക്കെതിരെ ലൈംഗിക ആരോപണം
വിഷയം പോലീസിലേക്ക് എത്താതിരിക്കാന്‍ പല തവണ റോണോ നഷ്ടപരിഹാരം നല്‍കാന്‍ ശ്രമിച്ചുവെന്നും മയോര്‍ഗ പറയുന്നു. റൊണാള്‍ഡോയുടെ അഭിഭാഷകന്‍ പരാതി നിഷേധിക്കുകയും വാര്‍ത്ത ആദ്യം റിപ്പോര്‍ട്ട് ചെയ്ത ജര്‍മ്മന്‍ മാധ്യമത്തിനെതിരെ നിയമ നടപടികള്‍ക്ക് മുതിരുമെന്നും പറഞ്ഞു.

ഹോട്ടല്‍ ജീവനക്കാരന് ടിപ്പ് നല്‍കിയത് എത്രയാണെന്നോ? 17,850 പൗണ്ട് (ഏകദേശം 16 ലക്ഷം രൂപ). റഷ്യന്‍ ലോകകപ്പിനു ശേഷം കാമുകി ജോര്‍ജിനയും കുടുംബത്തിനുമൊപ്പം അവധി ആഘോഷിക്കാന്‍ എത്തിയപ്പോഴാണ് റൊണാള്‍ഡോ ഹോട്ടല്‍ ജീവനക്കാരനെ ഞെട്ടിച്ചത്.

ഗ്രീസിലെ കോസ്റ്റ നവറീനോ റിസോര്‍ട്ടിലായിരുന്നു റൊണാള്‍ഡോയുടെയുടെ കുടുംബത്തിന്റെയും അവധി ആഘോഷം. രണ്ടാഴ്ചത്തോളം റിസോര്‍ട്ടില്‍ അവധി ചെലവഴിച്ച റൊണാള്‍ഡോക്ക് അവിടുത്തെ സൗകര്യങ്ങളും ഭക്ഷണരീതിയും ജീവനക്കാരുടെ സേവനങ്ങളും ഏറെ ഇഷ്ടപ്പെട്ടു. റിസോര്‍ട്ടിലെ ജീവനക്കാരുടെ സ്വീകരണവും പെരുമാറ്റവും തന്നെ ഏറെ ആകര്‍ഷിച്ചതായി ക്രിസ്റ്റിയാനോ പറഞ്ഞു. ചെക്ക് ഔട്ട് ചെയ്യുമ്പോള്‍ റിസോര്‍ട്ട് മാനേജറെ വിളിച്ച് ടിപ്പ് കൈമാറുകയായിരുന്നു.

ജീവനക്കാര്‍ക്കെല്ലാം തുക വീതിച്ചു നല്‍കാന്‍ ആവശ്യപ്പെട്ട് അദ്ദേഹം മടങ്ങുകയായിരുന്നു.
ഗ്രീസിലെ മിസ്സിസിനയിലാണ് കോസ്റ്റ നവറീനോ റിസോര്‍ട്ട്. റിസോര്‍ട്ടിനുള്ളില്‍ രണ്ട് ആഢംബര ഹോട്ടലുകളുണ്ട്. ഈ റിസോര്‍ട്ടിന്റെ കിഴക്കു ഭാഗത്തു കൂടി നോക്കിയാല്‍ മെഡിറ്ററേനിയന്‍ സമുദ്രവും കാണാനാകും.
845 കോടി രൂപക്കാണ് ക്രിസ്റ്റ്യാനോ റയല്‍ മാഡ്രിഡ് വിട്ട് യുവന്റിസിലെത്തിയത്. ഉറുഗ്വയോട് 2-1ന് പരാജയപ്പെട്ട് ലോകകപ്പില്‍ നിന്ന് പോര്‍ച്യുഗല്‍ പുറത്തായതിനു പിന്നാലെയാണ് റൊണാള്‍ഡോ ഗ്രീസിലെത്തിയത്.

കളിയുടെ പതിനാലാം മിനുട്ടില്‍ സ്പാനിഷ് താരം ഇനാകി വില്ല്യംസ് മനോഹരമായ ചിപ്പ് ഗോളിലൂടെ ബില്‍ബാവോയെ മുന്നിലെത്തിച്ചു. കളിയില്‍ മേധാവിത്വം പുലര്‍ത്തിയെങ്കിലും ഗോള്‍ മാത്രം റയലിന് അകന്നു നിന്നു. 66 ശതമാനം ബോള്‍ പൊസിഷനുണ്ടായിരുന്ന റയല്‍ 29 ഷോട്ടുകളാണ് ഗോള്‍ മുഖം ലക്ഷ്യമാ്ക്കി അടിച്ചത്. ഒടുവില്‍ സ്‌കോറിങില്‍ മികച്ച ഫോം തുടരുന്ന പോര്‍ച്ചുഗീസ് നായകന്‍ ക്രിസ്റ്റിയാനോ റൊണാള്‍ഡോയിലൂടെ റയല്‍ സമനില ഗോള്‍ നേടുകയായിരുന്നു. കഴിഞ്ഞ 16 കളികളില്‍ നിന്നായി ക്രിസ്റ്റ്യാനോയുടെ 26-ാം ഗോളാണിത്. ലീഗ് ഗോള്‍ഡന്‍ ബൂട്ടിനായുള്ള പോരാട്ടത്തില്‍ 24 ഗോളോടെ ബാര്‍സിലോണ താരം മെസ്സിക്കു (29 ഗോള്‍) പിന്നില്‍ രണ്ടാമതാണ് ക്രിസറ്റിയാനോ. 33 കളില്‍ 68 പോയന്റുള്ള റയല്‍ ടേബിളില്‍ മൂന്നാം സ്ഥാനത്താണ്. ബാര്‍സലോണ (83 പോയന്റ്) അത്‌ലറ്റിക്കോ മാഡ്രിഡ് (71) എന്നിവരാണ് യഥാക്രമം ഒന്നും രണ്ടും സ്ഥാനങ്ങളില്‍.

ചാമ്പ്യന്‍സ്‌ലീഗ് ട്രോഫിയുമായി മലേഷ്യന്‍ പര്യടനം നടത്തുന്നതിനിടയിലാണ് മെസ്സിയാണോ ക്രിസ്റ്റ്യനോയാണോ മികച്ചവനെന്ന ചോദ്യം ലോകകപ്പ് ജേതാവ് റൊണാള്‍ഡീഞ്ഞോക്ക് മുന്നിലെത്തിയത്. തന്നെ സംബന്ധിച്ചിടത്തോളം മെസ്സിയാണ് കേമന്‍ റൊണാള്‍ഡീഞ്ഞോ പറഞ്ഞു. മെസ്സിക്കൊപ്പം ഒരിക്കല്‍ക്കൂടി കളിക്കാന്‍ തനിക്ക് ആഗ്രഹമുണ്ട്. ബാര്‍സലോണ ഞാനും മെസ്സിയും ഒരുമിച്ചു കളിക്കുമ്പോള്‍ അവന്‍ ചെറുപ്പുമായിരുന്നു. അവനൊപ്പം കളിച്ച് എനിക്ക് മതിയായിട്ടില്ല, അദ്ദേഹം കൂട്ടിച്ചേര്‍ത്തു.

നടപ്പു സീസണില്‍ ചാമ്പ്യന്‍സ് ലീഗ് ആരും നേടുമെന്ന ചോദ്യത്തിന് എല്ലാം മികച്ച ടീമുകളാണെന്നും ആര് നേടുമെന്നും പ്രവചിക്കാനാകില്ലയെന്നും മുന്‍ ബാര്‍സലോണ താരം കൂടിയായ റൊണാള്‍ഡീഞ്ഞോ പറഞ്ഞു. തന്റെ കരിയറില്‍ ഒരുപാട് ഡിഫന്റര്‍മാരെ നേരിട്ടുണ്ടെങ്കിലും ഇറ്റലിയുടെ എ.സി മിലാന്‍ താരം പൗളോ മല്‍ദീനിയാണ് എക്കാലത്തെയും മികച്ച പ്രതിരോധ കളിക്കാരനെന്നും മുപ്പതിയൊമ്പതുകാരന്‍ അഭിപ്രായപ്പെട്ടു.

2002 ബ്രസീല്‍ ലോകകപ്പ് ജേതാക്കളായ ടീമില്‍ അംഗമായിരുന്നു റൊണാള്‍ഡീഞ്ഞോ. ബാര്‍സലോണയിലെ മികച്ച പ്രകടത്തിന് ഫിഫ ബാലണ്‍ ഡി ഓര്‍ പുരസ്‌കാരം രണ്ടുവട്ടം താരത്തെ തേടിയെത്തിയിട്ടുണ്ട്.

സീസണിലെ അഞ്ചാം തോല്‍വിക്കൊപ്പം ലീഗിലെ രണ്ടാം സ്ഥാനക്കാരായ അത്‌ലറ്റികോ മാഡ്രിഡിന് അരികിലെത്താനുള്ള അവസരവും പാഴായി. സൂപ്പര്‍ താരം കൃസ്റ്റിയാനോ റൊണാള്‍ഡോക്ക് വിശ്രമം അനുവദിച്ചപ്പോള്‍ മുന്‍നിരയില്‍ ജെറാത്ത് ബെയിലും ഇസ്‌ക്കോയും തുടര്‍ച്ചയായി അവസരങ്ങള്‍ പാഴാക്കിയതാണ് ടീമിന് തലവേദനയായത്.

ലീഗില്‍ എസ്പാനിയോളിനെതിരെ തുടര്‍ച്ചയായി പതിനൊന്ന് വിജയം സ്വന്തമാക്കിയവരാണ് റയല്‍. ഇത്തവണ പക്ഷേ ആര്‍.സി.ഡി.ഇ സ്‌റ്റേഡിയത്തില്‍ അവസരങ്ങള്‍ പാഴാക്കുന്നതില്‍ എല്ലാവരും മല്‍സരിക്കുന്ന കാഴ്ച്ചയായിരുന്നു. രണ്ട് തവണ എസ്പാനിയോളുകാര്‍ റയലിന്റെ വലയില്‍ പന്ത് എത്തിച്ചിരുന്നു. പക്ഷേ രണ്ട് തവണയും റഫറിയുടെ വിസില്‍ റയലിനെ തുണച്ചു. എന്നാല്‍ ഇഞ്ച്വറി ടൈമില്‍ ജെറാര്‍ഡ് മോറിനോ എസ്പാനിയോളിന് ആഘോഷദിനം സമ്മാനിച്ച് പന്ത് വലയിലാക്കി.

അവസരവാദിയായ കൃസ്റ്റിയാനോ ഇല്ലെങ്കില്‍ റയലിന് ഗോള്‍ സ്‌ക്കോര്‍ ചെയ്യാന്‍ കഴിയില്ല എന്നതിനുള്ള മറ്റൊരു തെളിവ് കൂടിയായി ഈ പരാജയം. എല്ലാ പരാജയങ്ങളിലും താരങ്ങള്‍ക്കൊപ്പം നില്‍ക്കാറുള്ള ഹെഡ് കോച്ച് സൈനുദ്ദീന്‍ സിദാന്‍ ഇന്നലെ തന്റെ നിരാശ പരസ്യമായി പ്രകടിപ്പിക്കുകയും ചെയ്തു. യുവേഫ ചാമ്പ്യന്‍സ് ലീഗ് പ്രി ക്വാര്‍ട്ടര്‍ രണ്ടാം പാദത്തില്‍ മാര്‍ച്ച് 7ന് പാരിസില്‍ പി.എസ്.ജിയുമായി നിര്‍ണായക മല്‍സരം കളിക്കാനിരിക്കെയാണ് ടീമിനെ ഉലച്ച അപ്രതീക്ഷിത പരാജയം.

ആധുനിക ഫുട്‌ബോള്‍ യുഗത്തിലെ ഏറ്റവും മികച്ച ഫുട്‌ബോളര്‍ ക്രിസ്റ്റിയാനോ റൊണാള്‍ഡോ-ലയണല്‍ മെസ്സി ഇവരില്‍ ആരെന്ന ചൂടേറിയ ചര്‍ച്ച തുടരുകയാണ്. എന്നാല്‍ യൂറോപ്പിലെ ഏറ്റവും ഗ്ലാമര്‍ ടൂര്‍ണമെന്റായ ചാമ്പ്യന്‍സ് ലീഗില്‍ മെസ്സിയെക്കാള്‍ മികച്ചവന്‍ നിലവിലെ ലോകഫുട്‌ബോളര്‍ ക്രിസ്റ്റ്യാനോ റൊണാള്‍ഡോയാണെന്നാണ് കണക്കുകള്‍ സൂചിപ്പിക്കുന്നത്.

ആഭ്യന്തര ലീഗില്‍ മോശം ഫോം തുടരുമ്പോഴും ചാമ്പ്യന്‍സ് ലീഗില്‍ ക്രിസ്റ്റ്യാനോയുടെ കുതിപ്പിന് അവസാനമില്ല എന്നു കാണിക്കുന്നതായിരുന്നു പാരീസ് സെന്റ് ജെര്‍മനു എതിരായ അവസാന മത്സരം. ഫുട്‌ബോള്‍ വിദ്ഗധരും മറ്റു പ്രമുഖരും പി.എസ്.ജി വിജയിക്കുമെന്നു പ്രവചനം നടത്തിയപ്പോള്‍ ഇരട്ട ഗോളുമായി തിളങ്ങി റയല്‍ മാഡ്രിഡിന് ആദ്യപാദ 3-1ന്റെ തകര്‍പ്പന്‍ വിജയം സമ്മാനിക്കാനായി പോര്‍ച്ചുഗീസ് താരത്തിന്. ഇതോടെ ചാമ്പ്യന്‍സ് ലീഗില്‍ ഒരു ടീമിനായി 100 ഗോളുകള്‍ അടിച്ചുകൂടിയ ആദ്യതാരമെന്ന റെക്കോര്‍ഡ് ഉള്‍പ്പെടെ ഒരുപിടി റെക്കോര്‍ഡുകളാണ് മുപ്പതിമൂന്നുക്കാരന്‍ കഴിഞ്ഞ ദിവസം സ്വന്തം പേരിലാക്കിയത്.

ചാമ്പ്യന്‍സ് ലീഗില്‍ ക്രിസ്റ്റ്യാനോയുടെ പ്രധാപ്പെട്ട റെക്കോര്‍ഡുകള്‍

1. ചാമ്പ്യന്‍സ് ലീഗില്‍ ഏറ്റവും കൂടുതല്‍ ഗോള്‍ നേടുന്ന താരം 118 ഗോളുകള്‍, (റയല്‍              മാഡ്രിഡ് 101 , മാഞ്ചസ്റ്റര്‍ യുണൈറ്റഡ് 15)

2. ചാമ്പ്യന്‍സ് ലീഗില്‍ ഒരു ടീമിനായി ഏറ്റവും കൂടുതല്‍ ഗോള്‍ നേടുന്ന താരം ( റയല്‍                മാഡ്രിഡ് 101)

3. ചാമ്പ്യന്‍സ് ലീഗില്‍ 100 ഗോള്‍ നേടുന്ന ആദ്യ-ഏക താരം ( റയല്‍ മാഡ്രിഡ് 85,                      മാ.യുണൈറ്റഡ് 15)

4. ചാമ്പ്യന്‍സ് ലീഗില്‍ ഒരു ക്ലബിനായി 100 ഗോള്‍ നേടുന്ന ആദ്യ താരം ( റയല്‍ മാഡ്രിഡ് 101)

5. ചാമ്പ്യന്‍സ് ലീഗ് ചരിത്രത്തില്‍ ഏറ്റവും കൂടുതല്‍ തലണ ടോപ് സ്‌കോററായി ഫിനീഷ്              ചെയ്യുന്ന താരം ( ആറു സീസണ്‍)

6. ചാമ്പ്യന്‍സ് ലീഗ് സീസണില്‍ ഏറ്റവും കൂടുതല്‍ തലണ 10പ്ലസ് ഗോള്‍ നേടുന്ന താരം (            ആറു തവണ)

7.ചാമ്പ്യന്‍സ് ലീഗ് ഗ്രൂപ്പ് ഘട്ടത്തില്‍ ഏറ്റവും കൂടുതല്‍ ഗോള്‍ നേടുന്ന താരം (11 ഗോളുകള്‍,         2015-16 സീസണ്‍ )

8. ചാമ്പ്യന്‍സ് ലീഗ് ഒരു സീസണില്‍ ഏറ്റവും കൂടുതല്‍ ഗോള്‍ നേടുന്ന താരം (17 ഗോളുകള്‍        2013-14 സീസണ്‍ )

9. ചാമ്പ്യന്‍സ് ലീഗ് ഗ്രൂപ്പ് ഘട്ടത്തില്‍ എല്ലാ മത്സരങ്ങളിലും ഗോള്‍ നേടുന്ന താരം ( ആറു              മത്സരം ഒമ്പതു ഗോളുകള്‍ 2017-18 സീസണ്‍ )

10. തുടരെ രണ്ടു ചാമ്പ്യന്‍സ് ലീഗ് ഫൈനലില്‍ ഗോളടിക്കുന്ന താരം (2015-16, 2016-17              സീസണുകള്‍ )

11. ഒരു ചാമ്പ്യന്‍സ് സീസണില്‍ മൂന്നു ഹാട്രിക് നേടുന്ന ആദ്യ-ഏക താരം (2015-16 സീസണ്‍)

12. ചാമ്പ്യന്‍സ് ലീഗ് രണ്ടു സീസണുകളില്‍ 15പ്ലസ് ഗോള്‍ നേടുന്ന ആദ്യ-ഏക താരം (2012-         13, 2015-16 സീസണ്‍ )

ചാമ്പ്യന്‍സ് ലീഗില്‍ നിലവില്‍ ടോപ് സ്‌കോററായ ക്രിസ്റ്റിയനോ കളിയുടെ 12-ാം മിനുട്ടില്‍ ബൊറൂസിയ വലകുലുക്കിയാണ് വീണ്ടും ചരിത്രത്തിലിടം നേടുന്നത്. കളിയില്‍ രണ്ടിനെതിരെ മൂന്നു ഗോളുമായി റയല്‍ മാഡ്രിഡ് ജയിച്ചു അവസാന പതിനാറില്‍ ഗ്രൂപ്പില്‍ ഇടംനേടി. ഗ്രൂപ്പില്‍ ഇംഗ്ലീഷ് ക്ലബ് ടോട്ടന്‍ഹാം ഹോട്ട്‌സ്പറിനു താഴെ രണ്ടാം സ്ഥാനക്കാരായാണ് റയല്‍ പ്രീ ക്വാട്ടറില്‍ പ്രവേശിച്ചത്. ചാന്വ്യന്‍ ലീഗില്‍ ഗ്രൂപ്പ്് ഘട്ടത്തില്‍ മാത്രം ഒമ്പതു ഗോളാണ് നേടിയത്.

ഒമ്പതാം മിനുട്ടില്‍ കരീം ബെന്‍സീമയാണ് റയലിനെ മുന്നിലെത്തിച്ചത്. ക്രിസ്റ്റ്യാനോയുടെ ഹെഡര്‍ പോസിറ്റിനു തട്ടി മടങ്ങി ബെന്‍സീമക്ക് ലഭിച്ചു. പന്ത് ലഭിച്ച ബെന്‍സീമ
അനായാസം ഗോള്‍ നേടുകയായിരുന്നു. 18-ാം മിനുട്ടില്‍ ഡീഗോ റോലാന്‍ മലാഗയെ ഒപ്പമെത്തിച്ചു. ഇരുപതിയെന്നാം മിനുട്ടില്‍ കാസമിറോ വീണ്ടും റയലിന് മുന്നിലെത്തിച്ചു. എന്നാല്‍ 58-ാം മിനുട്ടില്‍ ലോങ് ഷോട്ടിലൂടെ ഗോണ്‍സലാസോ കാസ്‌ട്രോ റയല്‍ വലകുലുക്കി വീണ്ടും ഒപ്പമെത്തി. 76-ാം മിനുട്ടില്‍ ലൂക്കാ മോഡ്രിചിനെ ഫൗള്‍ ചെയ്തതിന് റയലിന് അനൂകുല പെനാല്‍ട്ടി ലഭിച്ചു. എന്നാല്‍ ക്രിസ്റ്റ്യനോ എടുത്ത കിക്ക്മലാഗയുടെ റോബര്‍ട്ടോ ജിമെന്‍സ് സേവ് ചെയ്‌തെങ്കിലും റീബൗണ്ട് വന്ന പന്ത് ലക്ഷ്യത്തിലെത്തിച്ച് റൊണാള്‍ഡോ ജയം റയലിന് സമ്മാനിക്കുകയായിരുന്നു. നടപ്പു സീസണില്‍ ക്രിസ്റ്റ്യാനോയുടെ രണ്ടാം ലീഗ് ഗോളാണിത്. ജയത്തോടെ ബാര്‍സയുമായി പോയിന്റ് അകലം ഏഴായി ചുരുക്കാന്‍ ഇതോടെ റയലിനായി.

ലീഗിലെ മറ്റൊരു മത്സരത്തില്‍ ഫ്രഞ്ച് താരങ്ങളായ ഗ്രീസ്മാന്റെയും കെവിന്‍ ഗാമിറോയുടെയും ഡബിളില്‍ അത്‌ലറ്റിക്കോ മാഡ്രിഡ് എതിരില്ലാത്ത അഞ്ചു ഗോളുകള്‍ക്ക് ലെവന്റയെ തുരത്തി പോയിന്റ് ടേബിളില്‍ മൂന്നാം സ്ഥാനത്തെത്തി.

സൈപ്രസ് : ചാമ്പ്യന്‍സ് ലീഗ് ഗ്രൂപ്പ് പോരില്‍ സൈപ്രസ് ക്ലബായ അപോയലിനെ എതിരില്ലാത്ത ആറു ഗോളിന് മുക്കി നിലവിലെ ജേതാക്കളായ റയല്‍ മാഡ്രിഡ്  നോക്കൗട്ട് റൗണ്ടില്‍ പ്രവേശിച്ചു. ലാലീഗില്‍ കഴിഞ്ഞവാരം അത്‌ലറ്റിക്കോ മാഡ്രിഡുമായി ഗോള്‍ രഹിത സമനിലി പിരിഞ്ഞതിന്റെ അമര്‍ഷം റയല്‍ അപോയലിനെതിരെ തീര്‍ക്കുകയായിരുന്നു. ഗ്രൂപ്പിലെ ഗ്ലാമര്‍ പോരാട്ടത്തില്‍ ഇംഗ്ലീഷ് ക്ലബ് ടോട്ടന്‍ഹാം ഒന്നിനെതിരെ രണ്ടു ഗോളുകള്‍ക്ക ബൊറുസിയ ഡോട്ട്മുണ്ടിനെ പരാജയപ്പെടുത്തി.

23-ാം മിനുട്ടില്‍  കെറേഷ്യന്‍ താരം ലുക്കാ മോഡ്രിച്ചാണ് ഗോള്‍വേട്ടയ്ക്ക് തുടക്കമിട്ടത്. കരിം ബെന്‍സീമ 39-ാം മിനുട്ടില്‍ ലീഡ് രണ്ടാക്കി. രണ്ടു മിനുട്ടുനിടെ പ്രതിരോധ താരം നാചോ വീണ്ടും വല കുലുക്കി. ആദ്യ പകുതിയുടെ അവസാന നിമിഷം വീണ്ടും ലക്ഷ്യം കണ്ടു ബെന്‍സീമ തന്റെ ഗോള്‍ നേട്ടം രണ്ടാക്കി. ബെന്‍സീമയുടെ രണ്ടാം ഗോളിന് വഴിയൊരുക്കിയത് ക്രിസ്റ്റിയാനോയായിരുന്നു. രണ്ടാം പകുതിയുടെ തുടക്കത്തില്‍ ഇരട്ട ഗോളുകള്‍ നേടി (49,54 മിനുട്ടുകളില്‍ )ലോക ഫുട്‌ബോളര്‍ ക്രിസ്റ്റിയാനോ റയല്‍ ഗോള്‍പട്ടിക പൂര്‍ത്തിയാക്കി.
അപോയലിനെതിരെ ഇരട്ട ഗോളുകള്‍ പ്രകടനം ലോകഫുട്‌ബോളര്‍ ക്രിസ്റ്റിയാനോ റൊണാള്‍ഡോക്ക് മൂന്നു റെക്കോര്‍ഡുകള്‍ സ്വന്തമാക്കാന്‍ സഹായിച്ചു. ഒരു കലണ്ടര്‍ വര്‍ഷം ഏറ്റവും കൂടുതല്‍ ഗോള്‍ നേടുന്ന താരമെന്ന (18) സ്വന്തം റെക്കോര്‍ഡ് തിരുത്തി. 16 ഗോളായിരുന്നു പഴയ റെക്കോര്‍ഡ്. ചാമ്പ്യന്‍ ലീഗില്‍ ഒരു ടീമിനായി ഏറ്റവും കൂടുതല്‍ ഗോള്‍ (98) നേടുന്ന താരം, ചാമ്പ്യന്‍സ് ലീഗില്‍ ഏറ്റവും കൂടുതല്‍ അസിസ്റ്റു (32 അസിസ്റ്റ്) നേടുന്ന എന്നിവയാണ് ക്രിസ്റ്റ്യാനോ ഇന്നലെ സ്വന്തമാക്കിയത്. ഒരു ടീമിനായി ഏറ്റവും കൂടുതല്‍ ഗോള്‍ നേടുന്ന താരമെന്ന ഖ്യാതി ബാര്‍സലോണയുടെ ലയണല്‍ മെസ്സിയില്‍ നിന്നും കൂടുതല്‍ അസിസ്റ്റുകളുടെ റെക്കോര്‍ഡ് തന്റെ മുന്‍ ക്ലബ് മാഞ്ചസ്റ്റര്‍ യുണെറ്റഡില്‍ സഹതാരമായ റയാന്‍ ഗിഗ്‌സില്‍ നിന്നുമാണ് നിവലിലെ ലോകഫുട്‌ബോളര്‍ വാങ്ങിയത്.

ബൊറൂസിയക്കെതിരെ ഒരുഗോള്‍ ലീഡ് വഴങ്ങിയ ശേഷമാണ് ടോട്ടന്‍ഹാം ജയിച്ചു കയറിയത്. ഹാരി കെയന്‍ (49-ാം മിനുട്ട്), സണ്‍ ഹ്യൂങ് മിന്‍ (76-ാം മിനുട്ട്) എന്നിവരാണ് ടോട്ടന്‍ഹാമിന്റെ സ്‌കോറര്‍മാര്‍ . ഔബമെയാങിന്റെ വകയായിരുന്നു ബെറൂസിയയുടെ ഗോള്‍. തോല്‍വിയോടെ ബൊറൂസിയ ചാമ്പ്യന്‍സ് ലീഗില്‍ നിന്നും പുറത്തായി.