ഖത്തറിലെത്തിയ ശേഷം സ്ലാറ്റ്‌കോ ഡാലിച്ചിന്റെ സംഘം തോറ്റിട്ടില്ല എന്നത് സവിശേഷതയാണ്. ബെല്‍ജിയം, കനഡ, മൊറോക്കോ എന്നിവരുടെ ഗ്രൂപ്പില്‍ നിന്നും രണ്ട് സമനിലയും ഒരു വിജയവും സ്വന്തമാക്കിയായിരുന്നു ക്രൊയേഷ്യയുടെ വരവ്. അവസാന പോരാട്ടത്തില്‍ ജപ്പാനെതിരെ ഒരു ഗോള്‍ ലീഡ് വഴങ്ങിയ ശേഷം തിരികെയെത്തി. ഷൂട്ടൗട്ട് മികവ് ക്വാര്‍ട്ടര്‍ ടിക്കറ്റും നല്‍കി. ലുക്കാ മോഡ്രിച്ച് എന്ന പോരാളിയാണ് ടീമിന്റെ ആത്മവിശ്വാസം. ലോകകപ്പില്‍ പതിവ് ഫോമില്‍ തന്നെയാണ് റയല്‍ മാഡ്രിഡ് താരം. നായകന്‍ എന്ന നിലയില്‍ നാല് വര്‍ഷം മുമ്പ് സ്വന്തം രാജ്യത്തിന് രണ്ടാം സ്ഥാനം സമ്മാനിക്കുകയും അതിന് ശേഷം യൂറോപ്യന്‍ ഫുട്‌ബോളിലെ നിരവധി വലിയ പുരസ്‌കാരങ്ങള്‍ സ്വന്തമാക്കുകയും ചെയ്ത മോഡ്രിച്ചിന്റെ ഇടപെടലുകള്‍ അപാരമാണ്. അവിശ്രമ പോരാളി. എപ്പോഴും എവിടെയും പന്തിനൊപ്പം. പക്ഷേ മാര്‍ക്കിഞ്ഞസ് ഉള്‍പ്പെടുന്ന ബ്രസീല്‍ ഡിഫന്‍സിനെ മറികടക്കല്‍ എളുപ്പമാവില്ല. ലോകകപ്പില്‍ അപ്രതീക്ഷിതമായി കാമറൂണിനോട് പരാജയപ്പെട്ടുവെങ്കില്‍ പോലും ബ്രസീല്‍ ഡിഫന്‍സ് കാര്യമായി ചോദ്യം ചെയ്യപ്പെട്ടിട്ടില്ല. ഗോള്‍കീപ്പര്‍ അലിസണ്‍ ബെക്കറിനും ഇത് വരെ വെല്ലുവിളിയുണ്ടായിരുന്നില്ല.

കോച്ച് ടിറ്റേ ഇന്നലെ പരിശീലനത്തിന് ശേഷം മാധ്യമ പ്രവര്‍ത്തകരെ കണ്ടിരുന്നു. ആത്മവിശ്വാസത്തിലാണ് അദ്ദേഹം. മുന്‍നിരയില്‍ വിനീഷ്യസ് ജൂനിയര്‍, നെയ്മര്‍ എന്നിവര്‍ക്കൊപ്പം ആദ്യ ഇലവനിലെ മൂന്നാമന്‍ ആരായിരിക്കുമെന്ന ചോദ്യമുണ്ട്. കാസിമിറോയും ഫ്രെഡുമെല്ലാമുള്ള മധ്യനിരയുടെ ഭാവനാ സമ്പത്തും ടീമിന്റെ മുതല്‍ക്കൂട്ടാണ്. ആദ്യ പകുതിയില്‍ തന്നെ ഒന്നിലധികം ഗോളുകള്‍ നേടി ലീഡ് നേടുക എന്നതാണ് ടിറ്റേയുടെ പ്ലാന്‍. കൊറിയക്കെതിരായ മല്‍സരത്തില്‍ ഈ ടാക്റ്റിക്‌സ് ഫലപ്രദമായിരുന്നു.

രണ്ടാം പകുതിയില്‍ കൊറിയക്കാര്‍ തിരികെ വരാന്‍ ശ്രമിച്ചുവെങ്കിലും വലിയ ഗോള്‍ഭാരം അവരെ മാനസികമായി തളര്‍ത്തിയിരുന്നു. വിംഗുകള്‍ കയറി വന്നുള്ള ബ്രസീല്‍ ആക്രമണത്തെ ചെറുക്കാന്‍ 90 മിനുട്ട് ഊര്‍ജ്ജം മാത്രം പോര എന്നുള്ള സത്യം ലുക്കാ മോഡ്രിച്ച് അംഗീകരിക്കുന്നു. പക്ഷേ അദ്ദേഹം പറയുന്നത് പതിവ് ഫുട്‌ബോള്‍ തന്നെ കളിക്കുമെന്നാണ്. മത്സരം രാത്രി 8.30.ക്രൊയേഷ്യക്ക് ഇതുവരെ ബ്രസീലിനെ തോല്‍പിക്കാനായിട്ടില്ല. നാലു തവണ ഇരു ടീമുകളും മുഖാമുഖം വന്നപ്പോള്‍ മൂന്ന് തവണയും ബ്രസീലിനായിരുന്നു വിജയം. ഒരു മത്സരം സമനിലയില്‍ അവസാനിച്ചു.

ന്യൂഡല്‍ഹി: കഴിഞ്ഞ വര്‍ഷം റഷ്യയില്‍ നടന്ന ലോകകപ്പ് ഫുട്‌ബോളില്‍ ഫൈനലിസ്റ്റുകളായ ക്രൊയേഷ്യയുമായി ഇന്ത്യ സൗഹൃദ മത്സരം കളിച്ചേക്കുമെന്ന് സൂചന. അഖിലേന്ത്യാ ഫുട്‌ബോള്‍ ഫെഡറേഷനും, ക്രൊയേഷ്യന്‍ ഫുട്‌ബോള്‍ ഫെഡറേഷനും തമ്മില്‍ ഇതുസംബന്ധിച്ച പ്രാഥമിക ചര്‍ച്ചകള്‍ നടത്തി.

അടുത്ത വര്‍ഷം മാര്‍ച്ചില്‍ മത്സരം നടത്താനാണ് ആലോചന. ക്രൊയേഷ്യന്‍ ഫെഡറേഷന്‍ അധ്യക്ഷനും ഇതിഹാസ താരവുമായ ഡേവര്‍ സൂക്കറിന്റെ നേതൃത്വത്തിലുള്ള സംഘം നവംബര്‍ 27ന് ഇന്ത്യ സന്ദര്‍ശിക്കുമെന്നും അഖിലേന്ത്യാ ഫുട്‌ബോള്‍ ഫെഡറേഷന്‍ ജനറല്‍ സെക്രട്ടറി കുശാല്‍ ദാസ് അറിയിച്ചു.

യൂത്ത് ഡെവലപ്‌മെന്റ് പദ്ധതികളെക്കുറിച്ചുള്ള പ്രാഥമിക ചര്‍ച്ചകള്‍ക്കായി കുശാല്‍ ദാസ് ക്രൊയേഷ്യന്‍ തലസ്ഥാനമായ സാഗ്രെബ് സന്ദര്‍ശിച്ചിരുന്നു. സൗഹൃദ മത്സരവും ചര്‍ച്ചയില്‍ വിഷയമായതായി ദാസ് വ്യക്തമാക്കി. എന്നാല്‍ സൂക്കറിന്റെ സന്ദര്‍ശശേഷം നവംബറില്‍ മാത്രമെ ഇക്കാര്യത്തില്‍ കൂടുതല്‍ വ്യക്തത വരുള്ളുവെന്നും ദാസ് പറഞ്ഞു.

മാര്‍ച്ച് 23നും 31നും ഇടയ്ക്ക് ക്രൊയേഷ്യയുമായി സൗഹൃദ മത്സരം കളിക്കാനാണ് ഇന്ത്യയുടെ ദേശീയ ടീം പരിശീലകനും ക്രൊയേഷ്യന്‍ താരവുമായിരുന്ന ഇഗോര്‍ സ്റ്റിമാച്ച് ശ്രമിക്കുന്നത്. മാര്‍ച്ച് 26ന് ഇന്ത്യക്ക് ഖത്തറുമായി ലോകകപ്പ് യോഗ്യതാ മത്സരം കളിക്കേണ്ടതുണ്ട്. നിലവില്‍ ലോക റാങ്കിംഗില്‍ ക്രൊയേഷ്യ എട്ടാം സ്ഥാനത്തും ഇന്ത്യ 104ാം സ്ഥാനത്തുമാണ്.

പോര്‍ച്ചുഗല്‍ സൂപ്പര്‍ താരം ക്രിസ്റ്റ്യാനോ റൊണാള്‍ഡോയെയയും ഈജിപ്തിന്റെ മുഹമ്മദ് സലായെയും പിന്തള്ളിയാണു മോഡ്രിച്ചിന്റെ പുരസ്‌കാര നേട്ടം. മികച്ച വനിതാ താരമായി ബ്രസീലിന്റെ മാര്‍ത്ത തെരഞ്ഞെടുക്കപ്പെട്ടു. ബ്രസീലിനായും ഓര്‍ലാന്‍ഡോ പ്രൈഡിനായും പുറത്തെടുത്ത പ്രകടനമാണ് മാര്‍ത്തയുടെ മികവ്. ഈജിപ്ഷ്യന്‍ താരം മുഹമ്മദ് സലായ്ക്കാണ് മികച്ച ഗോള്‍ നേടിയതിനുള്ള പുരസ്‌കാരം. മികച്ച ഗോള്‍ കീപ്പറായി ബെല്‍ജിയത്തിന്റെ തിബോ കാര്‍ട്ടോ തെരഞ്ഞെടുക്കപ്പെട്ടു.

#FIFAFootballAwards Voting Breakdown

How close was it? See how the votes ranked for the top ten in #TheBest FIFA Men’s Player, Women’s Player, Men’s Coach and Women’s Coach.

https://t.co/EtuZXMSLZp pic.twitter.com/SayENU5Jaj

— #TheBest (@FIFAcom) September 24, 2018

ഫ്രാന്‍സിന് 2018 ലോകകപ്പ് നേടിക്കൊടുത്ത ദിദിയെ ദഷാം മികച്ച പരിശീലകനുള്ള പുരസ്‌കാരം കരസ്ഥമാക്കി. ഫ്രാന്‍സിന്റെ തന്നെ റെയ്‌നോള്‍ഡ് പെഡ്രോസ് ആണ് മികച്ച വനിതാ ടീം പരിശീലകനുള്ള പുരസ്‌കാരം നേടിയത്. പെറു ആരാധകര്‍ക്കാണ് ഏറ്റവും മികച്ച ഫാന്‍സിനുള്ള പുരസ്‌കാരം. ജര്‍മന്‍ താരം ലെനാര്‍ട്ട് തൈയ്ക്ക് ഫെയര്‍പ്ലെ പുരസ്‌കാരം ലഭിച്ചു.

റാകിറ്റിച്ചും ലൂക്കാ മോദ്രിച്ചും നയിക്കുന്ന മധ്യനിരയെ ലക്ഷ്യം വെച്ചുകൊണ്ട് ഇംഗ്ലണ്ടിന് പ്രത്യേക പദ്ധതികളുണ്ടായിരുന്നതിനാല്‍ ആദ്യപകുതിയില്‍ ഇരുവര്‍ക്കും കാര്യമായ പ്രകടനം കാഴ്ചവെക്കാനായില്ല. എന്നാല്‍, ടീമിന്റെ നിര്‍ണായകമായ സമനില ഗോളിന് ചരടുവലിച്ചത് റാകിറ്റിച്ചും ഗോളടിക്കാന്‍ പാകത്തില്‍ പെരിസിച്ചിന് ക്രോസ് നല്‍കിയത് വിര്‍സാല്‍കോയുമാണ്.
മോദ്രിച്ചിനെ ഇംഗ്ലീഷ് മധ്യനിര പൂട്ടിയതിനാല്‍ മൈതാനത്തിന്റെ ഇടതുഭാഗത്തു കൂടിയാണ് ക്രൊയേഷ്യ ആക്രമണം നയിച്ചിരുന്നത്. ഈ ഭാഗത്താണ് റാകിറ്റിച്ച് നിലയുറപ്പിച്ചിരുന്നതും. എന്നാല്‍, ഇതുവഴിയുള്ള ആക്രമണങ്ങളുടെ മുനയൊടിക്കും വിധമായിരുന്നു ഇംഗ്ലണ്ടിന്റെ പ്രതിരോധ വിന്യാസം. ഇടതുവശത്തുനിന്ന് ബോക്‌സിലേക്ക് ക്രൊയേഷ്യന്‍ താരങ്ങള്‍ നല്‍കിയ ക്രോസുകളൊക്കെ ഇംഗ്ലണ്ടുകാര്‍ തുടര്‍ച്ചയായി വിഫലമാക്കി.

അതിനിടെയാണ് 65-ാം മിനുട്ടില്‍ റാകിറ്റിച്ച് വ്യത്യസ്തമായ രീതിയില്‍ ചിന്തിച്ചത്. ബോക്‌സിനു മധ്യത്തിലായി പന്തുകിട്ടിയ താരം ഇടതുവശത്തേക്കോ മുന്നിലേക്കോ നല്‍കുന്നതിനു പകരം പന്ത് വലതുഭാഗത്ത് ത്രോലൈനിന് സമീപം നില്‍ക്കുകയായിരുന്ന വിര്‍സാല്‍കോക്ക് നല്‍കി.

അതുവരെ ഇവാന്‍ പെരിസിച്ചിനെ നോട്ടമിട്ടിരുന്ന ഇംഗ്ലണ്ട് ഡിഫന്റര്‍മാരുടെ ശ്രദ്ധ അതോടെ അങ്ങോട്ടു തിരിഞ്ഞു. സമയം കളയാതെ വിര്‍സാല്‍കോ ബോക്‌സിലേക്കു ക്രോസ് നല്‍കിയപ്പോള്‍ സ്വതന്ത്രനായി ഓടിക്കയറാനും പന്ത് വലയിലേക്ക് തട്ടാനും പെരിസിച്ചിനു കഴിഞ്ഞു. പെരിസിച്ചിന്റെ ഫിനിഷിങിനൊപ്പം റാകിറ്റിച്ചിന്റെ ബുദ്ധിയും വിര്‍സാല്‍കോയുടെ കൃത്യതയും സമ്മേളിച്ച ആ ഗോള്‍ മത്സരഗതി ക്രൊയേഷ്യക്ക് അനുകൂലമാക്കി. എക്‌സ്ട്രാ ടൈമില്‍ വിര്‍സാല്‍ക്കോ ജോണ്‍ സ്‌റ്റോണ്‍സിന്റെ ഹെഡ്ഡര്‍ ഗോള്‍ലൈനില്‍ നിന്ന് ക്ലിയര്‍ ചെയ്യുകയും ചെയ്തു.

ഗോള്‍കീപ്പര്‍ സുബാസിച്ചും പരിക്കിന്റെ പിടിയിലായിരുന്നെങ്കിലും മത്സരത്തിന്റെ തലേന്ന് അദ്ദേഹം ആരോഗ്യം പ്രഖ്യാപിച്ചിരുന്നു. എന്നാല്‍ റാകിറ്റിച്ചിന്റെയും വിര്‍സാല്‍കോയുടെയും കാര്യത്തില്‍ അതായിരുന്നില്ല സ്ഥിതി. നിര്‍ണായക ഘട്ടത്തില്‍ സന്നദ്ധത കാണിച്ച ഇരുവരും ടീമിന്റെ കന്നി ഫൈനലിലേക്കുള്ള യാത്രയില്‍ സുപ്രധാന പങ്കുവഹിച്ചു.