csk – Chandrika Daily https://www.chandrikadaily.com Mon, 10 Nov 2025 08:49:41 +0000 en-US hourly 1 https://wordpress.org/?v=5.8.12 https://www.chandrikadaily.com/wp-content/uploads/2020/08/chandrika-fav.jpeg csk – Chandrika Daily https://www.chandrikadaily.com 32 32 സഞ്ജു സാംസണ്‍ ചെന്നൈയിലേക്ക്; ട്രേഡ് ചര്‍ച്ചകള്‍ ചൂടുപിടിക്കുമ്പോള്‍ സിഎസ്‌കെയുടെ ഔദ്യോഗിക പ്രഖ്യാപനം https://www.chandrikadaily.com/csk-official-announcement-as-sanju-samson-to-chennai-trade-talks-heat-up.html https://www.chandrikadaily.com/csk-official-announcement-as-sanju-samson-to-chennai-trade-talks-heat-up.html#respond Mon, 10 Nov 2025 08:49:41 +0000 https://www.chandrikadaily.com/?p=362895 ഇന്ത്യന്‍ പ്രീമിയര്‍ ലീഗില്‍ (ഐപിഎല്‍) സഞ്ജു സാംസണ്‍ ചെന്നൈ സൂപ്പര്‍ കിംഗ്‌സിലേക്ക് ചേക്കേറുമെന്ന വാര്‍ത്തകള്‍ ശക്തമാകുകയാണ്. ഐപിഎല്‍ താരലേലത്തിന് മുമ്പ് ട്രേഡിലൂടെ രാജസ്ഥാന്‍ റോയല്‍സിന്റെ ക്യാപ്റ്റനായ സഞ്ജുവിനെ ടീമിലെത്തിക്കാനാണ് ചെന്നൈയുടെ നീക്കം.

സഞ്ജുവിനെ വിട്ടുനല്‍കണമെങ്കില്‍ രവീന്ദ്ര ജഡേജയെ നല്‍കണമെന്ന് രാജസ്ഥാന്‍ ആവശ്യപ്പെട്ടിരുന്നു. ഇതിന് സിഎസ്‌കെ സമ്മതിച്ചുവെന്നും ജഡേജയെ രാജസ്ഥാനിലേക്ക് മാറ്റുമെന്നുമുള്ള അഭ്യൂഹങ്ങള്‍ കഴിഞ്ഞ ദിവസങ്ങളിലുണ്ടായിരുന്നു.

ഇതിനെ തുടര്‍ന്ന് സഞ്ജുവിന്റെ ട്രേഡിനെ കുറിച്ച് ഔദ്യോഗികമായി പ്രതികരിച്ചിരിക്കുകയാണ് ചെന്നൈ സൂപ്പര്‍ കിംഗ്‌സ്. ‘സഞ്ജുവില്‍ ഞങ്ങള്‍ക്ക് താല്‍പര്യമുണ്ട്. ട്രേഡിങ് വിന്‍ഡോയില്‍ സഞ്ജുവിനെ സ്വന്തമാക്കാന്‍ ഞങ്ങള്‍ ശ്രമിക്കുന്നു. രാജസ്ഥാന്‍ റോയല്‍സിന്റെ തീരുമാനം കാത്തിരിക്കുകയാണ്. അടുത്ത സീസണില്‍ സഞ്ജു സിഎസ്‌കെയ്ക്ക് വേണ്ടി കളിക്കുമെന്ന് പ്രതീക്ഷിക്കുന്നു,’ എന്ന് സിഎസ്‌കെ അധികൃതരെ ഉദ്ധരിച്ച് പിടിഐ റിപ്പോര്‍ട്ട് ചെയ്യുന്നു.

അതേസമയം, സഞ്ജുവിനെ വിട്ടുനല്‍കണമെങ്കില്‍ ജഡേജയ്‌ക്കൊപ്പം ഡെവാള്‍ഡ് ബ്രെവിസിനെയും ആവശ്യപ്പെട്ടിട്ടുണ്ടെന്നാണ് റിപ്പോര്‍ട്ട്. എന്നാല്‍ ജഡേജയ്‌ക്കൊപ്പം സാം കരണിനെ നല്‍കാമെന്നതാണ് ചെന്നൈയുടെ വാഗ്ദാനം. ഈ നിര്‍ദേശം രാജസ്ഥാന്‍ നിരസിച്ചതോടെ ചര്‍ച്ചകള്‍ അനിശ്ചിതത്വത്തിലേക്ക് നീങ്ങുകയാണ്.

ട്രേഡ് വിന്‍ഡോ അവസാനിക്കാനിരിക്കുന്ന സാഹചര്യത്തില്‍ സഞ്ജുവിന്റെ ഭാവി സംബന്ധിച്ച തീരുമാനം അടുത്ത ദിവസങ്ങളില്‍ പുറത്തുവരാനാണ് സാധ്യത.

 

]]> https://www.chandrikadaily.com/csk-official-announcement-as-sanju-samson-to-chennai-trade-talks-heat-up.html/feed 0 സഞ്ജുവിന് വേണ്ടി കൊല്‍ക്കത്തയുടെ വമ്പന്‍ നീക്കം; സിഎസ്‌കെയ്ക്കും വെല്ലുവിളി https://www.chandrikadaily.com/kolkatas-big-move-for-sanju-csk-also-faces-a-challenge.html https://www.chandrikadaily.com/kolkatas-big-move-for-sanju-csk-also-faces-a-challenge.html#respond Sat, 16 Aug 2025 06:37:47 +0000 https://www.chandrikadaily.com/?p=350537 രാജസ്ഥാന്‍ റോയല്‍സില്‍ നിന്ന് സഞ്ജു സാംസണ്‍ മാറിപ്പോകുമെന്ന ചര്‍ച്ചകള്‍ക്കിടെ, താരത്തെ സ്വന്തമാക്കാന്‍ കൊല്‍ക്കത്ത നൈറ്റ് റൈഡേഴ്സ് വലിയ ഓഫറുമായി എത്തിയതായി ദേശീയ മാധ്യമങ്ങള്‍ റിപ്പോര്‍ട്ട് ചെയ്തു. സഞ്ജുവിന് പകരം യുവ താരങ്ങളായ അങ്ക്രിഷ് രഘുവംശിയെയോ രമന്‍ദീപ് സിംഗിനെയോ കെകെആര്‍ രാജസ്ഥാനിന് ഓഫര്‍ ചെയ്യാന്‍ തയ്യാറാണ്. കഴിഞ്ഞ സീസണില്‍ കെകെആറിനായി ശ്രദ്ധേയമായ പ്രകടനം കാഴ്ചവെച്ചതാണ് രഘുവംശി. അതേസമയം, നിലനിര്‍ത്തിയ ആറു താരങ്ങളില്‍ ഒരാളായിരുന്ന രമന്‍ദീപ് സിങ് ഇന്ത്യക്കുവേണ്ടിയും അരങ്ങേറ്റം കുറിച്ചിരുന്നു.

ഇന്ത്യന്‍ വിക്കറ്റ് കീപ്പര്‍-ബാറ്ററും, നേതൃത്വ ശേഷിയുമുള്ള താരമായതിനാല്‍ സഞ്ജു സാംസണ്‍ കെകെആറിന് ഏറെ പ്രധാനപ്പെട്ട ഓപ്ഷനാകും. കൂടാതെ ഓപ്പണിങ് ബാറ്ററായി ഇന്ത്യന്‍ ഓപ്ഷന്‍ ലഭ്യമാകുന്നതും ടീമിന് വലിയ ശക്തിയാകും.

നേരത്തെ ക്രിക്ക്ബസ് റിപ്പോര്‍ട്ട് ചെയ്തതുപോലെ, സഞ്ജുവിനെ നേടുന്നതിനായി രാജസ്ഥാന്‍ റോയല്‍സ്, സിഎസ്‌കെയില്‍ നിന്ന് രവീന്ദ്ര ജഡേജയെയോ, ക്യാപ്റ്റന്‍ ഋതുരാജ് ഗെയ്ക്വാടിനെയോ, ശിവം ദുബെയെയോ ആവശ്യപ്പെട്ടിരുന്നു. എന്നാല്‍ സിഎസ്‌കെ അത് നിരസിച്ചു.

 

]]> https://www.chandrikadaily.com/kolkatas-big-move-for-sanju-csk-also-faces-a-challenge.html/feed 0 ഷെയ്ന്‍ വാട്‌സണ്‍ വിരമിച്ചു; വിട പറയുന്നത് കുട്ടി ക്രിക്കറ്റിലെ ഇതിഹാസം https://www.chandrikadaily.com/shane-watson-to-retire-from-all-forms-of-cricket.html https://www.chandrikadaily.com/shane-watson-to-retire-from-all-forms-of-cricket.html#respond Mon, 02 Nov 2020 14:28:19 +0000 https://www.chandrikadaily.com/?p=165640 ദുബൈ: മുന്‍ ഓസീസ് ഓള്‍ റൗണ്ടറും ചെന്നൈ സൂപ്പര്‍ കിങ്‌സ് താരവുമായ ഷെയ്ന്‍ വാട്‌സണ്‍ ക്രിക്കറ്റിന്റെ എല്ലാ ഫോര്‍മാറ്റുകളില്‍ നിന്നും വിരമിച്ചു. ചെന്നൈ ഐപിഎല്ലിന്റെ ഈ സീസണില്‍ നിന്ന് പുറത്തായതിന് പിന്നാലെയാണ് വാട്‌സണ്‍ വിരമിക്കല്‍ പ്രഖ്യാപിച്ചത്. 2016ല്‍ അന്താരാഷ്ട്ര ക്രിക്കറ്റില്‍ നിന്നു വിരമിച്ച വാട്‌സണ്‍ ഫ്രാഞ്ചൈസി ടൂര്‍ണമെന്റില്‍ മാത്രമാണ് ജഴ്‌സിയണിഞ്ഞിരുന്നത്.

ഓസീസ് താരം മുന്‍ താരം ടോം മൂഡിയാണ് വിരമിക്കല്‍ സാമൂഹിക മാധ്യമങ്ങളിലൂടെ അറിയിച്ചത്. വാട്‌സണ്‍ ഔദ്യോഗികമായി ഇക്കാര്യത്തില്‍ പ്രതികരിച്ചിട്ടില്ല.

ഇന്ത്യന്‍ പ്രീമിയര്‍ ലീഗിലെ ഐക്കണ്‍ താരങ്ങളില്‍ ഒരാളായ വാട്‌സണ്‍ ഇതുവരെ 3874 റണ്‍സ് അടിച്ചു കൂട്ടിയിട്ടുണ്ട്. 92 വിക്കറ്റുകളും സ്വന്തമാക്കി. 2008ല്‍ ഐപിഎല്ലിന്റെ ആദ്യ എഡിഷനില്‍ രാജസ്ഥാന്‍ റോയല്‍സ് താരമായിരുന്നു ഇദ്ദേഹം. ഏഴു വര്‍ഷം രാജസ്ഥാനില്‍ കഴിഞ്ഞ ശേഷം ബംഗളൂരുവിലെത്തി. അവിടെ നിന്ന് ചെന്നൈയിലും.

2018ല്‍ ചെന്നൈ കിരീടം നേടിയ വേളയില്‍ ചെന്നൈയുടെ നെടുന്തൂണായിരുന്നു വാട്‌സണ്‍. ഫൈനലില്‍ ഹൈദരാബാദിനെതിരെ 57 പന്തില്‍ നിന്ന് 117 റണ്‍സാണ് ഓസീസ് താരം അടിച്ചു കൂട്ടിയിരുന്നത്. ഈ സീസണില്‍ 299 റണ്‍സാണ് നേടിയത്.

]]> https://www.chandrikadaily.com/shane-watson-to-retire-from-all-forms-of-cricket.html/feed 0 ചെന്നൈ സൂപ്പര്‍ഫാസ്റ്റ്; വാട്ട്‌സന്റെ സെഞ്ച്വറിയില്‍ കിരീടം ചെന്നൈക്ക് https://www.chandrikadaily.com/ipl-2018-shane-watson-smashes-ton-against-sunrisers-hyderabad-to-propel-chennai-super-kings-to-third-title.html https://www.chandrikadaily.com/ipl-2018-shane-watson-smashes-ton-against-sunrisers-hyderabad-to-propel-chennai-super-kings-to-third-title.html#respond Sun, 27 May 2018 19:11:50 +0000 http://www.chandrikadaily.com/?p=87438 മുംബൈ: മഹേന്ദ്രസിംഗ് ധോണിയും ചെന്നൈ സൂപ്പര്‍ കിംഗ്‌സും തുടര്‍ന്ന അശ്വമേഥത്തില്‍ സണ്‍റൈസേഴ്‌സ് ഹൈദരാബാദ് ഒരിക്കല്‍ കൂടി ചാമ്പലായി. ചാമ്പ്യന്‍ഷിപ്പില്‍ ഇരു ടീമുകളും മുഖാമുഖം വന്ന നാലാം മല്‍സരത്തിലും തകര്‍പ്പന്‍ ജയം നേടി ചെന്നൈ ഐ.പി.എല്‍ പതിനൊന്നാം എപ്പിസോഡില്‍ രാജാക്കന്മാരായി. സെഞ്ച്വറി പ്രകടനം നടത്തിയ ഓസ്‌ട്രേലിയക്കാരന്‍ ഓപ്പണര്‍ ഷെയിന്‍ വാട്ട്‌സണാണ് കളിയിലെ കേമന്‍. ആദ്യം ബാറ്റ് ചെയ്ത ഹൈദരാബാദ് 178 റണ്‍സ് നേടിയപ്പോള്‍ വാട്ട്‌സണ്‍ കത്തിയ മറുപടിയില്‍ ചെന്നൈ കസറി.

ആധികാരികമായ ബാറ്റിംഗാണ് തുടക്കത്തില്‍ ഹൈദരാബാദ് നടത്തിയത്. ഫൈനലിന്റെ സമ്മര്‍ദ്ദം ആരും പ്രകടിപ്പിച്ചില്ല. വാംഖഡെയിലെ ചെറിയ മൈതാനത്ത് വലിയ സ്‌ക്കോര്‍ എളുപ്പമാണെന്ന സത്യം മനസ്സിലാക്കിയും കൂറ്റന്‍ ഷോട്ടുകള്‍ക്ക് പിറകെ പോവാതെയുള്ള നിലപാടില്‍ 178 റണ്‍സാണ് ഹൈദരാബാദ് നേടിയത്. ഇതില്‍ കാര്യമായ സംഭാവന രണ്ട് പേരുടേതായിരുന്നു. 47 റണ്‍സ് നേടിയ ക്യാപ്റ്റന്‍ കെയിന്‍ വില്ല്യംസണിന്റേതും 45 റണ്‍സ് നേടിയ യൂസഫ് പത്താന്റേതും. ആറ് ബൗളര്‍മാരെയാണ് മഹേന്ദ്രസിംഗ് ധോണി പരീക്ഷിച്ചത്. ആരും കാര്യമായി തല്ല് വാങ്ങിയതുമില്ല. നാലോവറില്‍ 46 റണ്‍സ് നല്‍കിയ വിന്‍ഡീസുകാരന്‍ ഡ്വിന്‍ ബ്രാവോയാണ് ധാരാളിയായത്.

ഗോസ്വാമിയും ശിഖര്‍ ധവാനുമാണ് ഇന്നിംഗ്‌സിന് തുടക്കമിട്ടത്. സ്‌ക്കോര്‍ബോര്‍ഡില്‍ 13 റണ്‍സ് മാത്രമുള്ളപ്പോള്‍ ഇല്ലാത്ത റണ്ണിനോടി ഗോസ്വാമി സ്വന്തം വിക്കറ്റ് വലിച്ചെറിഞ്ഞു. വാംഖഡെയിലെ കാണികള്‍ക്ക് മുംബൈ ഇന്ത്യന്‍സ് കളിക്കാത്തത് കൊണ്ട് തന്നെ ആവേശക്കുറവുണ്ടായിരുന്നു. ഈ ആവേശക്കുറവ് ബാറ്റ്‌സ്മാന്മാരെയും ബാധിച്ചത് പോലെ തോന്നി. ധവാനും വില്ല്യംസണും ഒത്തു ചേര്‍ന്നപ്പോള്‍ പക്വമായ ബാറ്റിംഗായിരുന്നു. ലോക ക്രിക്കറ്റിലെ രണ്ട് സീനിയര്‍ താരങ്ങള്‍. മോശം പന്തുകളെ തെരഞ്ഞ് പിടിച്ച് ശിക്ഷിക്കാന്‍ വില്ല്യംസണ്‍ താല്‍പ്പര്യമെടുത്തപ്പോള്‍ റണ്‍നിരക്ക് ഉയര്‍ത്താന്‍ സിംഗിളുകളും ഡബിളുകളും ധവാന്‍ ആയുധമാക്കി. ഒമ്പതാം ഓവറില്‍ ധവാന്‍ വീണു. 25 പന്തില്‍ രണ്ട് ബൗണ്ടറിയും ഒരു സിക്‌സറുമായി വലിയ ഇന്നിംഗ്‌സിനുള്ള ഒരുക്കത്തില്‍ രവീന്ദു ജഡേജയുടെ സ്പിന്‍ ധവാന്റെ പ്രതിരോധം തകര്‍ത്തു. ബംഗ്ലാദേശുകാരന്‍ ഷാക്കിബ് അല്‍ ഹസനായിരുന്നു നായകന് കൂട്ടായി വന്നത്. ബാറ്റിംഗില്‍ ഇത് വരെ വലിയ സംഭാവന നല്‍കാന്‍ കഴിയാതിരുന്ന ഷാക്കിബ് ഇന്നലെ പക്ഷേ അവസരോചിതമായി കളിച്ചു. രണ്ട് പേരും ചേര്‍ന്ന് സ്‌ക്കോര്‍ 100 കടത്തിയതിന് പിറകെ ചെന്നൈ ആഗ്രഹിച്ച വിക്കറ്റ് വീണു. ശര്‍മയെ കൂറ്റനടിക്കാനുള്ള ശ്രമത്തില്‍ വില്ല്യംസണ് പിഴച്ചു. ധോണി എളുപ്പത്തില്‍ സ്റ്റംമ്പ് ചെയ്തു. പിന്നെയുളള ദൗത്യം ഷാക്കിബും യൂസഫുമായിരുന്നു. രണ്ട് അനുഭവസമ്പന്നരും ചേര്‍ന്ന് സ്‌ക്കോര്‍ 133 ല്‍ എത്തിച്ചപ്പോള്‍ ഷാക്കിബിന്റെ മിന്നും ഷോട്ട് സുരേഷ് റൈനയുടെ കരങ്ങളിലെത്തി. കഴിഞ്ഞ മല്‍സരത്തില്‍ കൂറ്റനടികല്‍ പായിച്ച ഹുദ കേവലം മൂന്ന് റണ്‍സ് സമ്പാദ്യത്തില്‍ പുറത്തായതിന് ശേഷമെത്തിയ വിന്‍ഡീസുകാരന്‍ ബ്രാത്ത്‌വെയിറ്റ് 11 പന്തില്‍ പുറത്താവാതെ 21 റണ്‍സ് നേടി. യൂസഫിന്റേതായിരുന്നു അതിവേഗ ഇന്നിംഗ്‌സ്. 25 പന്തില്‍ പുറത്താവാതെ 45 റണ്‍സ്. രണ്ട് കൂറ്റന്‍ സിക്‌സറുകളും.

മറുപടി ബാറ്റിംഗില്‍ ചെന്നൈയുടെ തുടക്കം ടെസ്റ്റ് ശൈലിയിലായിരുന്നു. ഭുവനേശ്വര്‍ കുമാര്‍ എറിഞ്ഞ ആദ്യ ഓവര്‍ മെയ്ഡന്‍. ഫാന്‍ ഡുപ്ലസിയും ഷെയിന്‍ വാട്ട്‌സണും അനങ്ങാനുള്ള സാതന്ത്ര്യം കൊടുത്തില്ല ഭുവനേശ്വര്‍. സന്ദീപ് ശര്‍മ എറിഞ്ഞ അടുത്ത ഓവറില്‍ പിറന്നത് നാല് റണ്‍സ്. നാലാം ഓവറില്‍ സ്‌ക്കോര്‍ 16 ല്‍ ഡൂപ്ലസി പുറത്താവുകയയും ചെയ്തതോടെ സമ്മര്‍ദ്ദമായി. തുടര്‍ന്നായിരുന്നു റൈനക്കൊപ്പം വാട്ടസണ്‍ ആക്രമണം തുടങ്ങിയത്. അതോടെ ഹൈദരാബാദിന് കഷ്ടകാലമായി. റാഷിദ് ഖാന്‍ ഒഴികെ എല്ലാവരും കണക്കിന് വാങ്ങി. മോശം പന്തുകള്‍ എല്ലാവരും തുടര്‍ച്ചയായി എറിയുകയും ചെയ്തു. സന്ദീപ് ശര്‍മ്മ എറിഞ്ഞ ഇന്നിംഗ്‌സിലെ പതിമൂന്നാം ഓവറില്‍ വാട്ട്‌സണ്‍ തുടര്‍ച്ചയായി മൂന്ന് സിക്‌സറുകളാണ് പായിച്ചത്.

]]> https://www.chandrikadaily.com/ipl-2018-shane-watson-smashes-ton-against-sunrisers-hyderabad-to-propel-chennai-super-kings-to-third-title.html/feed 0 കത്തിക്കയറി വാട്‌സണ്‍; ചെന്നൈ വിജയ പ്രതീക്ഷയില്‍ https://www.chandrikadaily.com/live-cricket-score-ipl-2018-final-chennai-super-kings-vs-sunrisers-hyderabad.html https://www.chandrikadaily.com/live-cricket-score-ipl-2018-final-chennai-super-kings-vs-sunrisers-hyderabad.html#respond Sun, 27 May 2018 16:44:20 +0000 http://www.chandrikadaily.com/?p=87422 മുംബൈ: അര്‍ധസെഞ്ചുറിയും കടന്ന് കത്തിക്കയറുന്ന ഷെയ്ന്‍ വാട്‌സണ്‍ന്റെ കരുത്തില്‍ സണ്‍റൈസേഴ്‌സ് ഹൈദരാബാദിനെതിരെ ചെന്നൈ വിജയ പ്രതീക്ഷയില്‍. 33 പന്തുകളില്‍ നിന്നാണു വാട്‌സണ്‍ സീസണിലെ നാലാം അര്‍ധസെഞ്ചുറി കുറിച്ചത്. ശക്തമായ പിന്തുണയുമായി സുരേഷ് റെയ്‌നയും പിന്തുണയുമായി ഒപ്പം.


ആദ്യം ബാറ്റ് ചെയ്ത ഹൈദരാബാദ് ആധികാരികമായ ബാറ്റിംഗാണ് നടത്തിയത്. ഫൈനലിന്റെ സമ്മര്‍ദ്ദം ആരും പ്രകടിപ്പിച്ചില്ല. വാംഖഡെയിലെ ചെറിയ മൈതാനത്ത് വലിയ സ്‌ക്കോര്‍ എളുപ്പമാണെന്ന സത്യം മനസ്സിലാക്കിയും കൂറ്റന്‍ ഷോട്ടുകള്‍ക്ക് പിറകെ പോവാതെ 178 റണ്‍സ് നേടിയത്.

മറുപടി ബാറ്റിംഗില്‍ ചെന്നൈയുടെ തുടക്കം ടെസ്റ്റ് ശൈലിയിലായിരുന്നു. ഭുവനേശ്വര്‍ കുമാര്‍ എംറിഞ്ഞ ആദ്യ ഓവര്‍ മെയ്ഡന്‍. ഫാന്‍ ഡുപ്ലസിും ഷെയിന്‍ വാട്ട്‌സലണും അനങ്ങാനുള്ള സ്വാതന്ത്ര്യം കൊടുത്തില്ല ഭുവനേശ്വര്‍. സന്ദീപ് ശര്‍മ എറിഞ്ഞ അടുത്ത ഓവറില്‍ പിറന്നത് നാല് റണ്‍സ് മാത്രം. നാലാം ഓവറില്‍ സ്‌ക്കോര്‍ 16 ല്‍ ഡൂപ്ലസി പുറത്താവുകയും ചെയ്തു. എന്നാല്‍ റൈനക്കൊപ്പം ചേര്‍ന്ന് ഒരു സമ്മര്‍ദ്ദവും കൂടാതെ തുടര്‍ന്നങ്ങോട്ട് വാട്‌സണ്‍ന്റെ ആക്രമണമാണ് വാംഖഡെ കണ്ടെത്.

]]> https://www.chandrikadaily.com/live-cricket-score-ipl-2018-final-chennai-super-kings-vs-sunrisers-hyderabad.html/feed 0 ഐ.പി.എല്‍ ചാമ്പ്യന്‍മാരെ ഇന്നറിയാം; തിരിച്ചുവരവ് ഗംഭീരമാക്കാന്‍ ചെന്നൈ, കരുത്തറിയിക്കാന്‍ ഹൈദരബാദ് https://www.chandrikadaily.com/ipl-2018-csk-will-take-srh-final-match.html https://www.chandrikadaily.com/ipl-2018-csk-will-take-srh-final-match.html#respond Sun, 27 May 2018 10:35:19 +0000 http://www.chandrikadaily.com/?p=87377 മുംബൈ: തന്ത്രശാലികളായ രണ്ട് നായകന്മാര്‍-മഹേന്ദ്രസിംഗ് ധോണിയും കെയിന്‍ വില്ല്യംസണും. അടിപൊളി ബാറ്റിംഗിന്റെ വക്താക്കളായി ചെന്നൈ സംഘത്തില്‍ ഷെയിന്‍ വാട്ട്‌സണും ഡ്വിന്‍ ബ്രാവോയും സുരേഷ് റൈനയും നായകന്‍ മഹിയും. ഹൈദാരാബാദിന്റെ കൂറ്റനടിക്കാരായി ശിഖര്‍ ധവാനും യൂസഫ് പത്താനും കാര്‍ലോസ് ബ്രാത്ത്‌വെയിറ്റും. വിശ്വസ്ത ബാറ്റ്‌സ്മാനായി ചെന്നൈക്ക് ഫാന്‍ ഡൂപ്ലസിയും ഹൈദരാബാദിന് നായകന്‍ കെയിന്‍ വില്ല്യംസണും. ഓള്‍റൗണ്ടര്‍ പട്ടികയില്‍ ചൈന്നെക്ക് ബ്രാവോയും വാട്ട്‌സണും രവീന്ദു ജഡേജയും. ഹൈദരാബാദിന് ബ്രാത്ത്‌വെയിറ്റും ഷാക്കിബ് അല്‍ഹസനും റാഷിദ് ഖാനും. ബൗളിംഗിന് ചുക്കാന്‍ പിടിക്കുന്നവരാവട്ടെ ഹൈദരാബാദ് നിരയില്‍ ഭുവനേശ്വര്‍ കുമാര്‍, റാഷിദ് ഖാന്‍, സന്ദീപ് ശര്‍മ, ബ്രാത്ത്‌വെയിറ്റ്, സിദ്ധാര്‍ത്ഥ് കൗള്‍. ചെന്നൈ അണിയില്‍ കേദാര്‍ യാദവ്, ശ്രാദ്ധൂല്‍ ഠാക്കൂര്‍, ഹര്‍ഭജന്‍ സിംഗ്, ഇംറാന്‍ താഹിര്‍ എന്നിവര്‍….. ബലവാന്മാരുടെ ഈ പട ഇന്ന് പരസ്പരം ഇറങ്ങുമ്പോള്‍ ആരുടെ സംഘം ജയിക്കും…?

മുംബൈ വാംഖഡെ സ്‌റ്റേഡിയമാണ് വേദി. ചെറിയ ബൗണ്ടറികള്‍-വലിയ സ്‌ക്കോറിന് സാധ്യതയുണ്ട്. പക്ഷേ മല്‍സരം ഏഴ് മണിക്ക് നടക്കുന്നതിനാല്‍ രണ്ടാമത് ബൗള്‍ ചെയ്യുമ്പോള്‍ ഈര്‍പ്പം വലിയ തടസ്സമാവും. പന്ത് ബൗളര്‍മാരുടെ കൈകളില്‍ കൃത്യമായി നില്‍ക്കില്ല. അതിനാല്‍ ടോസ് നിര്‍ണായകമാവും, നാണയഭാഗ്യം ലഭിക്കുന്നവര്‍ ആദ്യം ബൗള്‍ ചെയ്യാനാണ് സാധ്യത. രണ്ട് ടീമുകളും ചാമ്പ്യന്‍ഷിപ്പിന്റെ പ്രാഥമിക റൗണ്ടില്‍ ഒമ്പത് മല്‍സരങ്ങള്‍ ജയിച്ചവരാണ്. റണ്‍റേറ്റിന്റെ കാര്യത്തില്‍ ഹൈദരാബാദിന് ചെറിയ മേല്‍ക്കോയ്മ ഉണ്ടായിരുന്നു എന്ന് മാത്രം. സാധ്യതാപ്പട്ടികയില്‍ അല്‍പ്പം മുന്നില്‍ മഹിയുടെ ചെന്നൈയാണ്. നായകന്‍ തന്നെ അതിന് പ്രധാന കാരണം. ഏത് പ്രതിസന്ധി ഘട്ടത്തിലും ശക്തനായി കളിക്കുന്ന നായകനുള്ളപ്പോള്‍ ടീമിനാകെ അതൊരു ഉണര്‍വാണ്.

 

ഈ സീസണില്‍ മൂന്ന് വട്ടം ചെന്നൈയും ഹൈദരാബാദും മുഖാമുഖം വന്നപ്പോള്‍ മൂന്ന് തവണയും ജയിച്ചത് ചെന്നൈയായിരുന്നു. പ്ലേ ഓഫിലെ ആദ്യ മല്‍സരത്തില്‍ ഹൈദരാബാദിനെതിരെ ടീം തോറ്റു എന്നുറപ്പിച്ച ഘട്ടത്തില്‍ വിശ്വസ്തനായി ബാറ്റ് വീശി ഡുപ്ലസി, അനുഭവസമ്പന്നരായ ഡ്വിന്‍ ബ്രാവോ, സുരേഷ് റൈന, രവീന്ദു ജഡേജ, റായിഡു, ഹര്‍ഭജന്‍സിംഗ് തുടങ്ങിയവരെല്ലാമാണ് ചെന്നൈയുടെ കരുത്ത്. അത്യാവശ്യ ബാറ്റിംഗ് വിലാസം എല്ലാവര്‍ക്കുമുണ്ട് താനും. ഹൈരബാദിന്റെ പ്ലസ് അവരുടെ ആഴമുള്ള ബൗളിംഗാണ്. ഇന്ത്യന്‍ സീമര്‍ ഭുവനേശ്വര്‍ കുമാര്‍, സിദ്ധാര്‍ത്ഥ് കൗള്‍, സന്ദീപ് ശര്‍മ, ബ്രാത്ത്‌വെയിറ്റ് എന്നീ നാല് സീമര്‍മാരും ഉഗ്രരൂപിയായി റാഷിദ് ഖാന്‍ എന്ന സ്പിന്നറും ഓള്‍റൗണ്ട് മികവുള്ള ഷാക്കിബ് അല്‍ ഹസനും ചേരുമ്പോള്‍ ഏത് ചെറിയ ടോട്ടല്‍ പോലും പ്രതിരോധിക്കാന്‍ കരുത്ത് കാട്ടുന്നുണ്ട് ഹൈദരാബാദ്. അതവര്‍ പലവട്ടം തെളിയിച്ചിട്ടുമുണ്ട്.

 

കഴിഞ്ഞ ദിവസം കൊല്‍ക്കത്തക്കെതിരായ രണ്ടാം എലിമിനേറ്ററില്‍ ബൗളിംഗ് കരുത്തായിരുന്നു ടീമിന് ഊര്‍ജ്ജമായത്. ഫീല്‍ഡിംഗില്‍ രണ്ട് പേരും തുല്യരാണ്. അസാധാരണായ ക്യാച്ചുകള്‍ എടുക്കുന്നവരാണ് ബ്രാവോയും വില്ല്യംസണുമെല്ലാം.ഇന്ന് രാത്രി ഏഴിനാണ് ഫൈനല്‍ പോരാട്ടം ആരംഭിക്കുന്നത്. എട്ട് തവണ സ്വന്തം ടീമിനെ കലാശപ്പോരാട്ടത്തിനൊരുക്കിയ നായകനാണ് മഹി. വില്ല്യംസണ് കന്നി ഫൈനലും. വാംഖഡെയില്‍ ചെന്നൈ-ഹൈദരാബാദ് ഫാന്‍സ് നിറയുമ്പോള്‍ പോരാട്ടം കിടിലനാവും. മഴയുടെ ചെറിയ ഭീഷണി പക്ഷേ കലാശപ്പോരാട്ടത്തിനുണ്ടെന്നാണ് കാലാവസ്ഥാ പ്രവചനം.

]]> https://www.chandrikadaily.com/ipl-2018-csk-will-take-srh-final-match.html/feed 0 ധോണി കരുത്തില്‍ ബംഗ്ലൂരുവിനെ തകര്‍ത്ത് ചെന്നൈ https://www.chandrikadaily.com/dhoni-hits-fifty-and-csk-beat-rcb.html https://www.chandrikadaily.com/dhoni-hits-fifty-and-csk-beat-rcb.html#respond Wed, 25 Apr 2018 18:39:22 +0000 http://www.chandrikadaily.com/?p=82042 ബംഗളൂരു: പ്രതീക്ഷിച്ച പോലെ തന്നെ. വിരാത് കോലിയും മഹേന്ദ്രസിംഗ് ധോണിയും നേര്‍ക്കുനേര്‍ വന്നപ്പോള്‍ കിടിലനങ്കം. ആദ്യം ബാറ്റ് ചെയ്ത ബംാഗ്ലൂര്‍ എട്ട് വിക്കറ്റിന് 205 റണ്‍സ് നേടിയപ്പോള്‍ അതേ നാണയത്തില്‍ തിരിച്ചടിച്ച ചെന്നൈ അവസാന ഓവറില്‍ അവിസ്മരണീയ ജയം സ്വന്തമാക്കി. മുന്നില്‍ നിന്ന് പട നയിച്ച ധോണിയാണ് സിക്‌സറിലൂടെ അഞ്ച് വിക്കറ്റ് വിജയം ഉറപ്പാക്കിയത്.

 

34 പന്തില്‍ നായകന്‍ പുറത്താവാതെ 70 റണ്‍സ് നേടി. 82 റണ്‍സ് നേടിയ റായിഡുവാണ് ടോപ് സ്‌ക്കോറര്‍. ബാംഗ്ലൂര്‍ നിരയില്‍ കോലിക്ക് മിന്നാന്‍ കഴിഞ്ഞില്ല. ഓപ്പണറായി വന്ന് 15 പന്തില്‍ 18 റണ്‍സുമായി നായകന്‍ വേഗം മടങ്ങിയെങ്കിലും മൂന്ന് പേര്‍ കിടിലന്‍ പ്രകടനം നടത്തി. ഓപ്പണര്‍ ക്വിന്റണ്‍ ഡി കോക്ക് 37 പന്തില്‍ 53 റണ്‍സ് നേടിയപ്പോള്‍ എബി ഡി വില്ലിയേഴ്‌സ് ഒരിക്കല്‍ കൂടി കരുത്തറിയിച്ചു. 30 പന്തില്‍ 68 റണ്‍സ്. എട്ട് തട്ടുപൊളിപ്പന്‍ സിക്‌സറുകള്‍. വാലറ്റത്തില്‍ മന്‍ദീപ് സിംഗ് 17 പന്തില്‍ മൂന്ന് സിക്‌സറുള്‍പ്പെടെ 32 റണ്‍സ് നേടി. നാല് പന്തില്‍ 13 റണ്‍സ് നേടിയ വാഷിംഗ്ടണ്‍ സുന്ദറും പ്രകടനം കേമമാക്കിയതിനെ തുടര്‍ന്നാണ് സ്‌ക്കോര്‍ 200 കടന്നത്.

 

]]> https://www.chandrikadaily.com/dhoni-hits-fifty-and-csk-beat-rcb.html/feed 0