കാണിക്കയിടാനും മറ്റും ഈ നോട്ടുകള്‍ ഉപയോഗിക്കരുതെന്ന് ക്ഷേത്രഭാരവാഹികള്‍ ഭക്തജനങ്ങള്‍ക്ക് നിര്‍ദേശവും നല്‍കിയിട്ടുണ്ട്. ഇതുസംബന്ധിച്ച ബോര്‍ഡുകളും ക്ഷേത്ര-ഹോട്ടല്‍ പരിസരങ്ങളില്‍ സ്ഥാപിച്ചിട്ടുണ്ട്. നോട്ടു പിന്‍വലിക്കണമെന്നാവശ്യപ്പെട്ട് ഹൈന്ദവ സംഘടനകളുടെ കൂട്ടായ്മയായ ഹിന്ദു ഫോറം ഓഫ് ബ്രിട്ടന്‍ (എ്ച്ച്എഫ്ബി) ബാങ്ക് ഓഫ് ഇംഗ്ലണ്ടിനോട് ആവശ്യപ്പെട്ടു.

ചുളിവീഴാത്തതും നനവു പറ്റാത്തതുമായ പുതിയ അഞ്ച് പൗണ്ട് കഴിഞ്ഞ സെപ്തംബറിലാണ് ബാങ്ക് ഓഫ് ഇംഗ്ലണ്ട് പുറത്തിറക്കിയത്. ഒരു ഭാഗത്ത് എലിസബത്ത് രാജ്ഞിയുടെയും മറുവശത്ത് മുന്‍ പ്രധാനമന്ത്രി വിന്‍സ്റ്റണ്‍ ചര്‍ച്ചിലിന്റെയും ചിത്രമാണ് നോട്ടില്‍ ആലേഖനം ചെയ്തിട്ടുള്ളത്. എന്നാല്‍ മിനുസം നല്‍കാനും നനവ് പിടിക്കാതിരിക്കാനും നേര്‍ത്ത പാട മൃഗക്കൊഴുപ്പുകൊണ്ട് ഉണ്ടാക്കിയതാണെന്നാണ് ആക്ഷേപം.