current bill – Chandrika Daily

കുടിശ്ശിക ഉടൻ തീർക്കുമെന്ന് കലക്ടർ; എറണാകുളം കലക്ടറേറ്റിലെ വൈദ്യുതി ബന്ധം പുനഃസ്ഥാപിച്ചു

webdesk14 — Wed, 21 Feb 2024 12:41:53 +0000

എറണാകുളം കലക്ടറേറ്റിലെ വൈദ്യുതി ബന്ധം കെഎസ്ഇബി പുനഃസ്ഥാപിച്ചു. ഉടൻ ബില്ല് അടയ്ക്കാമെന്ന ജില്ലാ കലക്ടറുടെ ഉറപ്പിലാണ് കെഎസ്ഇബിയുടെ നടപടി. വൈദ്യുതി ബില്ലിൽ ഭീമമായ കുടിശ്ശിക വരുത്തിയതോടെയാണ് ഇന്നലെ കലക്ടറേറ്റിലെ വൈദ്യുതി ബന്ധം വിച്ഛേദിച്ചത്.

57.95 ലക്ഷം രൂപയാണ് വൈദ്യുതി ബില്ല് ഇനത്തിൽ ജില്ലാ ഭരണകൂടം അടയ്ക്കാനുണ്ടായിരുന്നത്. കുടിശ്ശിക ഉടൻ അടയ്ക്കാമെന്ന് കലക്ടർ കെഎസ്ഇബി ചെയർമാന് ഉറപ്പ് നൽകി. ഇതിന് പിന്നാലെയാണ് ഉദ്യോഗസ്ഥരെത്തി ഊരിയ ഫ്യൂസ് പുനഃസ്ഥാപിച്ചത്.

30 ഓഫീസുകളുടെ വൈദ്യുതിയാണ് ചൊവ്വാഴ്ച വിച്ഛേദിച്ചത്. ഇതിൽ രണ്ട് ഓഫീസുകൾ കുടിശ്ശിക തീർത്തതോടെ വൈദ്യുതി നേരത്തെ പുനഃസ്ഥാപിച്ചു. എന്നാൽ മറ്റ് ഓഫീസുകൾ വൈദ്യുതി ഇല്ലാതെയാണ് ഇന്നലെ ഉച്ചയ്ക്ക് ശേഷം പ്രവർത്തിച്ചിരുന്നത്.

വൈദ്യുതി സർച്ചാർജ് ഒരുപൈസ കൂട്ടി; ഓഗസ്റ്റിൽ നൽകേണ്ടത് 19 പൈസ

webdesk14 — Wed, 26 Jul 2023 02:30:34 +0000

വൈദ്യൂതി സര്‍ച്ചാര്‍ജ് ഒരു പൈസ കൂട്ടി പുതിയ ഉത്തരവ്. ഓഗസ്റ്റ് മുതല്‍ ഒരു യൂണിറ്റിന് വൈദ്യൂതിയ്ക്ക് 19 പൈസയായിരിക്കും. വൈദ്യുതി ബോര്‍ഡ് സര്‍ച്ചാര്‍ജില്‍ ഒരു പൈസ കൂട്ടിയതുകൊണ്ടാണ് വര്‍ധന. ജൂലൈയില്‍ 18 പൈസയായിരുന്നു ഈടാക്കിയിരുന്നത്.

മാസംതോറും സ്വമേധയാ സര്‍ച്ചാര്‍ജ് തീരുമാനിക്കാനുള്ള അധികാരം ഉപയോഗിച്ച് ജനങ്ങള്‍ക്ക് മേല്‍ വൈദ്യുതി ബില്ലെന്ന പേരിലും വലിയ ഭാരമാണ് ഇതുമൂലം ഉണ്ടാകുന്നത്. ഓഗസ്റ്റില്‍ യൂണിറ്റിന് 10 പൈസ സര്‍ച്ചാര്‍ജ് ഈടാക്കാന്‍ വൈദ്യുതി ബോര്‍ഡ് ചൊവ്വാഴ്ച വിജ്ഞാപനമിറക്കി. റെഗുലേറ്ററി കമ്മിഷന്‍ നിശ്ചയിച്ച ഒമ്പതുപൈസ സര്‍ച്ചാര്‍ജ് നിലവിലുണ്ട്. ഇതു രണ്ടും ചേര്‍ന്നാണ് 19 പൈസ.

17,044 രൂപ വൈദ്യുതി ബില്‍; രണ്ടുമുറി വീട്ടിലെ വൈദ്യുതിബന്ധം വിച്ഛേദിച്ച് വൈദ്യുതി ബോര്‍ഡ്

webdesk14 — Wed, 22 Mar 2023 02:31:34 +0000

പിന്നാലെ വീട്ടിലേക്കുള്ള വൈദ്യുതിബന്ധം വിച്ഛേദിച്ച് വൈദ്യുതി ബോര്‍ഡ്. രണ്ടുമുറി വീടിന് വൈദ്യുതി ബില്‍ 17,044 രൂപ. പെരിങ്ങര പഞ്ചായത്തിലെ 12ാം വാര്‍ഡില്‍ ആലഞ്ചേരില്‍ വീട്ടില്‍ വിജയനും കുടുംബവുമാണ് ബോര്‍ഡിന്റെ മണിപ്പുഴ സെക്ഷന്‍ നല്‍കിയ ബില്ലിലും നടപടിയിലും വലഞ്ഞത്. വയോധികയും ഹൃദ്രോഗിയുമായ മാതാവും വിജയനും ഭാര്യയും വിദ്യാര്‍ഥികളായ രണ്ടു മക്കളുമാണ് ഈ വീട്ടില്‍ താമസിക്കുന്നത്.

രണ്ട് എല്‍.ഇ.ഡി ബള്‍ബും രണ്ട് ഫാനും മാത്രമെ ഈ ചെറിയ വീട്ടില്‍ ആകെ പ്രവര്‍ത്തിക്കുന്നത്. വിജയന്റെ ജ്യേഷ്ഠസഹോദരന്‍ രമേശിന്റെ പേരിലാണ് കണക്ഷന്‍ എടുത്തിരിക്കുന്നത്. പ്രതിമാസം 500 രൂപയില്‍ താഴെ മാത്രമായിരുന്നു ബില്‍. രണ്ടാഴ്ച മുമ്പാണ് 17,044 രൂപയുടെ ബില്‍ വന്നത്. ഇതേ തുടര്‍ന്ന് വിജയന്‍ കാവുംഭാഗത്തെ ഇലക്ട്രിക്കല്‍ സെക്ഷന്‍ ഓഫിസില്‍ പരാതി നല്‍കി. അംഗീകൃത ഇലക്ട്രീഷ്യനെക്കൊണ്ട് വീട്ടിലെ വയറിങ് പരിശോധിപ്പിച്ച് മീറ്ററിന്റെ ചിത്രവും പകര്‍ത്തി നല്‍കാന്‍ ഉദ്യോഗസ്ഥര്‍ നിര്‍ദേശിച്ചു. വീട് പരിശോധിച്ച ഇലക്ട്രീഷ്യന്‍ വയറിങ് തകരാറുകള്‍ ഇല്ലെന്ന് അറിയിക്കുകയും ചെയ്തു.

രണ്ട് ദിവസത്തിനകം ഉദ്യോഗസ്ഥര്‍ എത്തി വിജയന്റെ വീട്ടില്‍ സ്ഥാപിച്ചിരുന്ന മീറ്റര്‍ കൂടാതെ മറ്റൊരു മീറ്റര്‍ കൂടി സ്ഥാപിച്ചു. രണ്ട് ദിവസത്തിനു ശേഷം വീണ്ടും എത്തിയ ഉദ്യോഗസ്ഥര്‍ പഴയ മീറ്ററിന് തകരാറില്ലെന്ന് അറിയിച്ച ശേഷം പുതുതായി സ്ഥാപിച്ച മീറ്റര്‍ തിരികെയെടുത്ത്. ഇതിന് പിന്നാലെയാണ് ചൊവ്വാഴ്ച രാവിലെ ഒമ്പതോടെ രണ്ട് ലൈന്‍മാന്‍മാര്‍ എത്തി വൈദ്യുതി വിച്ഛേദിച്ചത്. മാതാവിന്റെ ആരോഗ്യനില മോശമാണെന്നും മക്കളുടെ പരീക്ഷാക്കാലംകൂടി പരിഗണിച്ച് വൈദ്യുതിബന്ധം വിച്ഛേദിക്കരുത് എന്ന് പറഞ്ഞിട്ടും ഉദ്യോഗസ്ഥര്‍ യാതൊരു പരിഗണനയും നല്‍കിയില്ലെന്ന് വിജയന്‍ പറഞ്ഞു.

ഉപഭോക്താവിനെ ഷോക്കടിപ്പിച്ച് കറണ്ട് ബില്ല്; അടക്കേണ്ടത് 128 കോടി

Test User — Sun, 21 Jul 2019 07:23:26 +0000

വിച്ഛേദിച്ച വൈദ്യുതി ബന്ധം പുനഃസ്ഥാപിക്കാന്‍ 128 കോടി രൂപയുടെ കുടിശ്ശിക തുക അടയ്ക്കാന്‍ വൈദ്യുതി ബോര്‍ഡിന്റെ നിര്‍ദേശം. യുപി ഹപുറിലെ ചമ്രി ഗ്രാമവാസിയായ ഷമിമിനാണ് ഭീമമായ തുകയുടെ ബില്‍ നല്‍കി വൈദ്യുതി ബോര്‍ഡ് ഞെട്ടിച്ചിരിക്കുന്നത്. 128,45,95,444 രൂപയുടെ ബില്ലാണ് ഷമിമിന് ലഭിച്ചത്. ബില്‍ അടച്ചാല്‍ മാത്രമേ വീട്ടിലെ വൈദ്യുതി ബന്ധം പുനഃസ്ഥാപിക്കാനാവൂ എന്നാണ് അധികൃതരുടെ വാദം.

പ്രദേശത്തെ മൊത്തം വൈദ്യുതി ബില്ലാണ് തനിക്ക് നല്‍കിയതെന്ന് ഷമിം പറയുന്നു. തന്റെ എല്ലാ സമ്പാദ്യവും നല്‍കിയാലും ബില്‍ അടയ്ക്കാന്‍ കഴിയില്ലെന്ന് ഷമിം ആവര്‍ത്തിക്കുന്നു.
എന്നാല്‍,സാങ്കേതിക പിഴവായിരിക്കാമെന്നാണ് വൈദ്യുതി വകുപ്പിലെ എന്‍ജിനീയറായ രാംചരണ്‍ പറയുന്നത്.