ആദ്യം ലഹരി കേസ് ആണെന്ന രീതിയില്‍ തള്ളി പോകേണ്ട കേസാണ് ഇപ്പോള്‍ പോസ്റ്റുമോര്‍ട്ടം റിപ്പോര്‍ട്ട് പുറത്തുവരുമ്പോള്‍ ക്രൂരമായ മര്‍ദ്ദനത്തിലാണ് ഇയാള്‍ മരിച്ചത് എന്ന കാര്യം പുറത്തുവരുന്നത്. പോസ്റ്റുമോട്ടത്തില്‍ മര്‍ദ്ദനത്തിന്റെ ക്രൂരത വ്യക്തമാകുന്നുണ്ട്. അറസ്റ്റ് രേഖപ്പെടുത്തിയതിലും നിഗൂഢതയുണ്ട്. ഇത് ലക്ഷണമൊത്ത കസ്റ്റഡി കൊലപാതകമാണ്.കേസ് സിബിഐക്ക് വിട്ടതുകൊണ്ട് മാത്രം കാര്യമില്ല. ഉത്തരവാദികളായ പൊലീസ് ഓഫീസര്‍മാര്‍ അവിടെത്തന്നെ ഇരിക്കുകയാണ്. ഇതില്‍ കൃത്യമായ നടപടി വേണം- പി കെ കുഞ്ഞാലിക്കുട്ടി കൂട്ടിച്ചേര്‍ത്തു.

കേസില്‍ കൂടുതല്‍ തെളിവുകള്‍ കൂട്ടിച്ചേര്‍ക്കണമെന്ന് സഞ്ജീവ് ഭട്ട് സുപ്രീം കോടതിയില്‍ നല്‍കിയ ഹര്‍ജിയില്‍ വിധി വരുന്നതിന് മുന്‍പേ ഹൈക്കോടി വാദം ആരംഭിച്ചത് ചോദ്യം ചെയ്താണ് ഹര്‍ജി. കസ്റ്റഡി മരണവുമായി ബന്ധപ്പെട്ട 2019 ജൂലൈയിലാണ് ജാംനഗര്‍ സെഷന്‍സ് കോടതി സഞ്ജീവ് ഭട്ടിനെ ജീവപര്യന്തം തടവിന് വിധിച്ചിരുന്നു . പൊലീസ് അതിക്രമത്തെ തുടര്‍ന്നല്ല പ്രഭുദാസ് കൊല്ലപ്പെട്ടതെന്ന ഡോക്ടറുടെ വെളിപ്പെടുത്തല്‍ തെളിവായി കൂട്ടിച്ചേര്‍ക്കണം എന്നു ചൂണ്ടിക്കാട്ടി സഞ്ജീവ് ഭട്ട് വിചാരണ കോടതിയില്‍ ഹര്‍ജി നല്‍കിയിരുന്നെങ്കിലും കോടതി നിരസിച്ചിരുന്നു.

ഈ ആവശ്യം ഗുജറാത്ത് ഹൈക്കോടതിയും തള്ളിയതോടെയാണ് സഞ്ജീവ് ഭട്ട് സുപ്രീംകോടതിയെ സമീപിച്ചത്.

ഷെഫീക്കിന്റെ തലയുടെ മുന്‍ഭാഗത്ത് ഇടതു കണ്ണിന് മുകളില്‍ പരുക്കുണ്ട്. ശരീരത്തില്‍ മറ്റു ഭാഗങ്ങളില്‍ പരുക്കുകള്‍ ഇല്ല. മരണത്തിലേക്ക് നയിച്ച ക്ഷതം വീഴ്ച മൂലമോ മര്‍ദനം മൂലമോ എന്ന് സ്ഥിരീകരിക്കാന്‍ ആയിട്ടില്ല. ശാസ്ത്രീയ പരിശോധനാഫലം ലഭ്യമായാല്‍ മാത്രമേ ഇക്കാര്യത്തില്‍ വ്യക്തത കൈവരൂ. ഉദയംപേരൂര്‍ പൊലീസിന്റെ കസ്റ്റഡിയിലിരിക്കെ ഷെഫീക്കിന് ക്രൂരമര്‍ദനം ഏറ്റെന്ന് ബന്ധുക്കള്‍ പറയുന്നുണ്ട്. ഇതാണ് ഷെഫീഖിന്റെ മരണത്തിലേക്ക് നയിച്ചത്.

ഉദയംപേരൂരില്‍ ഒറ്റയ്ക്ക് താമസിച്ചിരുന്ന വയോധികയില്‍ നിന്ന് പണം തട്ടിയെന്ന കേസില്‍ തിങ്കളാഴ്ചയാണ് ഷെഫീക്ക് അറസ്റ്റിലായത്. റിമാന്‍ഡില്‍ കഴിയവെ ആശുപത്രിയിലെത്തിച്ച ഷെഫീക്ക് ഇന്നലെ വൈകിട്ട് മരിച്ചു. ഷെഫീഖിന്റെ കസ്റ്റഡി മരണത്തില്‍ പ്രാഥമിക അന്വേഷണം പൂര്‍ത്തിയായെന്ന് മധ്യമേഖല ജയില്‍ ഡിഐജി സാം തങ്കയ്യന്‍ പ്രതികരിച്ചു.

തൃശൂര്‍ : സംസ്ഥാനത്ത് വീണ്ടും കസ്റ്റഡി മരണം. തൃശൂര്‍ പാവറട്ടിയില്‍ എക്‌സൈസ് സ്‌പെഷ്യല്‍ സ്‌ക്വാഡ് അറസ്റ്റ് ചെയ്ത യുവാവാണ് കസ്റ്റഡിയില്‍ ഇരിക്കെ മരണമടഞ്ഞത്. മലപ്പുറം തിരൂര്‍ സ്വദേശി രഞ്ജിത് കുമാര്‍ ആണ് മരിച്ചത്. 35 വയസായിരുന്നു. രണ്ട് കിലോ കഞ്ചാവുമായി ഗുരുവായൂര്‍ ബസ്സ്റ്റാന്റില്‍ നിന്നാണ് ഇയാളെ കസ്റ്റഡിയില്‍ എടുത്തത്. രഞ്ജിത് കുമാറിന്റെ പേരില്‍ തിരൂരിലും കേസുണ്ട്. ഈ കേസില്‍ ജാമ്യത്തിലായിരുന്നു.

ഗുരുവായൂരില്‍ നിന്ന് തൃശൂരിലേക്ക് കൊണ്ടു പോകുന്നതിനിടെ വഴിമധ്യേയാണ് മരണം സംഭവിച്ചത്. പാവറട്ടിയിലെ സ്വകാര്യ ആസ്പത്രിയിലേക്ക് എത്തിക്കുമ്പോഴേക്കും മരണം സംഭവിച്ചിരുന്നു. പാവറട്ടി പൊലീസ് സ്ഥലത്തെത്തി. ഗുരുവായൂര്‍ എ.സി.പി ബിജു ഭാസ്‌ക്കറിന്റെ നേതൃത്വത്തിലുള്ള സംഘം ആസ്പത്രിയില്‍ എത്തി പ്രാഥമിക പരിശോധന നടത്തി.

കൊച്ചി: നെടുങ്കണ്ടം കസ്റ്റഡി മരണത്തിലെ എല്ലാവശങ്ങളും സമഗ്രമായി അന്വേഷണിക്കുമെന്ന് ജുഡീഷ്യല്‍ കമ്മീഷനായി സര്‍ക്കാര്‍ നിശ്ചയിച്ച മുന്‍ ഹൈക്കോടതി ജഡ്ജി ജസ്റ്റിസ് കെ.നാരായണക്കുറുപ്പ് മാധ്യമപ്രവര്‍ത്തകരോട് പറഞ്ഞു. പരിഗണനാവിഷയങ്ങള്‍ മന്ത്രിസഭ തീരുമാനിച്ചതായാണ് വിവരം. രേഖാമൂലം അറിയിപ്പു കിട്ടിയാലുടന്‍ തുടര്‍നടപടികളിലേക്ക് കടക്കും. രണ്ടുദിവസത്തിനുള്ളില്‍ നെടുങ്കണ്ടം പൊലീസ് സ്‌റ്റേഷന്‍ സന്ദര്‍ശിക്കും. എറണാകുളം മറൈന്‍്രൈഡവിലെ ജിസിഡിഎ ബില്‍ഡിങില്‍ പുറ്റിങ്ങല്‍ കമീഷന്‍ പ്രവര്‍ത്തിച്ചിരുന്ന ഓഫീസിലാകും കമ്മീഷന്റെ പ്രവര്‍ത്തനം. പ്രദേശവാസികളുടെ മൊഴിയെടുക്കാന്‍ നെടുങ്കണ്ടത്തോ പരിസരത്തോ സൗകര്യപ്രദമായ സ്ഥലത്ത് സിറ്റിങ് നടത്തും. ആറുമാസത്തിനുള്ളില്‍ തന്നെ റിപ്പോര്‍ട്ട് സമര്‍പ്പിക്കാനാകുമെന്നാണ് പ്രതീക്ഷയെന്നും അദ്ദേഹം പറഞ്ഞു.