Cutout – Chandrika Daily

ലോകകപ്പ്: കട്ടൗട്ട് നീക്കം ചെയ്യാന്‍ നിര്‍ദേശം

Test User — Tue, 20 Dec 2022 13:39:10 +0000

മലപ്പുറം ജില്ലയിലെ എല്ലാ തദ്ദേശ ഭരണ സ്ഥാപന പരിധിയിലും ആരാധകര്‍ സ്ഥാപിച്ച ഹോര്‍ഡിംഗുകളും ബോര്‍ഡുകളും കട്ടൗട്ടുകളും മാറ്റാന്‍ നിര്‍ദേശം. ഫിഫ ലോകകപ്പ് ഫുട്‌ബോളിനോടനുബന്ധിച്ച് വിവിധ രാജ്യങ്ങളുടെയും ഫുട്‌ബോള്‍ താരങ്ങളുടേയും ആരാധകര്‍ സ്ഥാപിച്ച ഫുട്‌ബോള്‍ താരങ്ങളുടേയും ടീമുകളുടേയും കൂറ്റന്‍ ഹോര്‍ഡിംഗുകളും ബോര്‍ഡുകളും കട്ടൗട്ടുകളും അടിയന്തിരമായി എടുത്തു മാറ്റണമെന്ന് പഞ്ചായത്ത് ഡെപ്യൂട്ടി ഡയറക്ടര്‍ ഷാജി ജോസഫ് ചെറുകരക്കുന്നേല്‍ അഭ്യര്‍ത്ഥിച്ചത്.

ഗ്രാമ പഞ്ചായത്ത് സെക്രട്ടറിമാരുടെ ഓണ്‍ലൈന്‍ യോഗത്തിലാണ് ഇതുസംബന്ധിച്ച തീരുമാനമെടുത്തത്. നീക്കം ചെയ്യുന്നതിനാവശ്യമായ നടപടി സ്വീകരിക്കുന്നതിനും ആയതിന് ബന്ധപ്പെട്ട സ്‌റ്റേഷന്‍ ഹൗസ് ഓഫീസര്‍മാരുടെ സേവനം ഉറപ്പു വരുത്തുന്നതിനും ഗ്രാമ പഞ്ചായത്ത് സെക്രട്ടറിമാര്‍ക്ക് നിര്‍ദേശം നല്‍കിയിട്ടുണ്ട്. ഹോര്‍ഡിംഗുകളും ബോര്‍ഡുകളും സ്ഥാപിച്ച വ്യക്തികളും സംഘടനകളും അടിയന്തിരമായി സ്വന്തം ചെലവില്‍ എടുത്തുമാറ്റി സര്‍ക്കാര്‍ മാര്‍ഗ്ഗ നിര്‍ദേശ പ്രകാമുള്ള മാലിന്യ സംസ്‌കരണം നടത്തണം. ഇതിനായി ബന്ധപ്പെട്ട വ്യക്തികളുടെയും കഌുകളുടെയും യുവജന സംഘടനകളുടേയും പ്രതിനിധികളുടെയും സഹകരണം ഉണ്ടാകണമെന്നും ഡെപ്യൂട്ടി ഡയറക്ടര്‍അഭ്യര്‍ത്ഥിച്ചു. അതുവഴി നമ്മുടെ ഭൂമിയും പരിസ്ഥിതിയും സംരക്ഷിക്കുന്നതിന് സ്‌പോര്‍ട്‌സ്മാന്‍ സ്പിരിറ്റോടു കൂടി മറ്റു ജില്ലകള്‍ക്ക് മാതൃകയാവുന്ന പ്രവര്‍ത്തനം ജില്ലയിലെ ജനങ്ങളുടെ ഭാഗത്ത് നിന്നും ഉണ്ടാകണം.

കട്ടൗട്ട് ഉയര്‍ത്തുന്നതിനിടെ വൈദ്യുതി ലൈനില്‍ നിന്ന് ഷോക്കേറ്റ് 4 പേര്‍ക്ക് പരിക്ക്; ഒരാള്‍ ഐസിയുവില്‍

Test User — Mon, 28 Nov 2022 10:21:41 +0000

ലോകകപ്പ് ആഘോഷത്തിന്റെ ഭാഗമായി പോര്‍ച്ചുഗല്‍ താരം ക്രിസ്റ്റ്യാനോ റോണാള്‍ഡോയുടെ കട്ടൗട്ട് ഉയര്‍ത്തുന്നതിനിടെ വൈദ്യുതി ലൈനില്‍ ഷോക്കേറ്റ് അപകടമുണ്ടായത്.

പാലക്കാട് മേലാമുറിയിലായിരുന്നു സംഭവം. അപകടത്തില്‍ നാല് പേര്‍ക്ക് പരിക്കേറ്റു. ഇവരെ പാലക്കാട് ജില്ലാ ആശുപത്രിയില്‍ പ്രവേശിപ്പിച്ചു. പരിക്ക് ഗുരുതരമായ ഒരാളെ ഐസിയുവിലേക്ക് മാറ്റിയിട്ടുണ്ട്. കട്ടൗട്ട് കെട്ടി ഉയര്‍ത്തുന്നതിനിടെ വൈദ്യുതി ലൈനില്‍ നിന്ന് നേരിട്ട് ഷോക്കേല്‍ക്കുകയായിരുന്നു. നിലവില്‍ എല്ലാവരുടെയും ആരോഗ്യനില തൃപ്തികരമാണ്.

പുള്ളാവൂരിലെ കട്ടൗട്ട് ചിത്രം പങ്കുവെച്ച് ഫിഫയും

Test User — Tue, 08 Nov 2022 13:09:40 +0000

പുള്ളാവൂര്‍ പുഴയില്‍ ഫുട്ബാള്‍ പ്രേമികള്‍ സ്ഥാപിച്ച കൂറ്റന്‍ കട്ടൗട്ട് ചിത്രം പങ്കുവെച്ച് അന്തര്‍ദേശീയ ഫുട്ബാള്‍ ഫെഡറേഷന്‍. ട്വിറ്ററിലൂടെയാണ് ഫിഫ ചിത്രം പങ്കുവെച്ചത്. ‘ഫിഫ ലോകകപ്പ് ജ്വരത്തില്‍ കേരളം’ എന്ന അടിക്കുറിപ്പോടെ പങ്കുവെച്ച ചിത്രം നിമിഷങ്ങള്‍കുള്ളില്‍ തന്നെ സമൂഹമാധ്യമങ്ങളില്‍ വൈറലായി. നേരത്തെ അന്തര്‍ദേശീയ മാധ്യമങ്ങളും പുള്ളാവൂര്‍ കട്ടൗട്ട് വാര്‍ത്തയാക്കിയിരുന്നു.

https://twitter.com/FIFAcom/status/1589922192162426881

അര്‍ജന്റീന താരം മെസ്സി, ബ്രസീല്‍ നായകന്‍ നെയ്മര്‍, പോര്‍ച്ചുഗല്‍ ഇതിഹാസം ക്രിസ്റ്റിയാനോ എന്നിവരുടെ കട്ടൗട്ടുകളാണ് പുള്ളാവൂര്‍ പുഴയില്‍ ആരാധകര്‍ ഉയര്‍ത്തിയത്. ഇതിനെ തുടര്‍ന്ന് കഴിഞ്ഞ ദിവസം വിവാദം ഉയര്‍ന്നെങ്കിലും നാട്ടുകാരുടെ ആവേശത്തില്‍ വിവാദം മുങ്ങിപ്പോയി.

പുള്ളാവൂരിലെ കട്ടൗട്ടുകള്‍ മാറ്റാന്‍ പഞ്ചായത്ത് നിര്‍ദേശം

Test User — Sat, 05 Nov 2022 13:04:54 +0000

കോഴിക്കോട്: പുള്ളാവൂരിലെ ചെറുപുഴയില്‍ ഫാന്‍സുകാര്‍ സ്ഥാപിച്ച മെസിയുടെയും നെയ്മറിന്റെയും കട്ടൗട്ടുകള്‍ എടുത്ത് മാറ്റണമെന്ന് ചാത്തമംഗലം പഞ്ചായത്ത്. പുഴ മലിനീകരം ചൂണ്ടിക്കാട്ടി നല്‍കിയ പരാതിയിലാണ് പഞ്ചായത്തിന്റെ നിര്‍ദേശം. അഭിഭാഷകനായ ശ്രീജിത്ത് പെരുമനയാണ് പരാതിക്കാരന്‍.

ഖത്തര്‍ വേള്‍ഡ് കപ്പിന് മുന്നോടിയായി അര്‍ജന്റീന ഫാന്‍സും ബ്രസീല്‍ ഫാന്‍സും വെച്ച കട്ടൗട്ടുകള്‍ ആഗോള ശ്രദ്ധപിടിച്ചുപറ്റിയിരുന്നു.

തമിഴ്‌നാട്ടില്‍ താരങ്ങളും രാഷ്ട്രീയക്കാരും നിലത്തിറങ്ങും; ജീവിച്ചിരിക്കുന്നവരുടെ കട്ടൗട്ടുകള്‍ക്കും ബാനറുകള്‍ക്കും നിരോധനം

ചന്ദ്രിക വെബ് ഡെസ്‌ക്‌ — Thu, 26 Oct 2017 05:54:18 +0000

ചെന്നൈ : തമിഴ്‌നാട്ടില്‍ ജീവിച്ചിരിക്കുന്നവരുടെ ചിത്രങ്ങള്‍ ബാനറുകളിലും കട്ട്ഔട്ടുകളിലും ഉപയോഗിക്കുന്നതിന് നിരോധനം. മദ്രാസ് ഹൈക്കോടതിയാണ് ചൊവ്വാഴ്ച ഇതുസംബന്ധിച്ച ഉത്തരവിറക്കിയത്. നഗരവും പരിസരങ്ങളും വൃത്തിയായി സംരക്ഷിക്കുന്നതില്‍ ശ്രദ്ധചെലുത്തണമെന്നു അധികാരികളോട് പറഞ്ഞ കോടതി ഇത്തരം അനാവശ്യബാനറുകളും കട്ടൗട്ടുകളും ചുമര്‍ചിത്രങ്ങളും നീക്കാന്‍ ചെയ്യാന്‍ ആവശ്യമായ നടപടികള്‍ സ്വീകരിക്കണമെന്നും നിര്‍ദേശിച്ചു.

രാഷ്ട്രീയക്കാരുടേയും സിനിമതാരങ്ങളുടേയും കട്ടൗട്ടുകളും കൂറ്റന്‍ ബാനറുകളും സ്ഥിരം കാഴ്ചയാണെന്നിരിക്കെയാണ് കോടതിയുടെ പുതിയ തീരുമാനം.

ജീവിച്ചിരിക്കുന്നവരുടെ ചിത്രങ്ങള്‍ ഫഌകസ്, സൈന്‍ ബോര്‍ഡ്, ബാനറുകള്‍ തുടങ്ങിയവയില്‍ ഉപയോഗിക്കരുതെന്നും നിലവിലുള്ളവ നീക്കം ചെയ്തുവെന്ന് ഉറപ്പുവരുത്തണമെന്നും ജസ്റ്റിസ് എസ്.വൈദ്യനാഥന്റെ ഉത്തരവില്‍ പറയുന്നു. കൂടാതെ, ശുചിത്വമുള്ള പരിസരമെരുക്കുന്നതിനായി 1959-ലെ തമിഴനാട് പ്രിവന്‍ഷന്‍ ഓഫ് ഡിസ്ഫിഗ്വര്‍മെന്റ് ആക്ട് പുനഃപരിശോധിക്കാനും, അവശ്യമായ മാറ്റങ്ങള്‍ കൈക്കൊള്ളാനും കോടിതി ചീഫ് സെക്രട്ടറിയോട് നിര്‍ദ്ദേശിച്ചു.

തമിഴ്‌നാട് സ്വദേശിനി ബി തിരുലോചന കുമാരി, തന്റെ വീട്ടിലേക്കുള്ള വഴിയില്‍ നിന്ന് ഇത്തരം ബാനറുകള്‍ നീക്കംചെയ്യണമെന്ന് അഭ്യര്‍ത്ഥിച്ച് നല്‍കിയ ഹരിജിയിലാണ് കോടതി നടപടി. നേരത്തെ പരാതിയുമായി പൊലീസിനെ സമീപിച്ചെങ്കിലും അതു സ്വീകരിക്കാതെ തന്നെ ഭീക്ഷണിപ്പെടുത്തുകയാണുണ്ടായതെന്ന് തിരുലോചന പറയുന്നു.

പുതിയ ഉത്തരവിനോട് പരസ്യകമ്പനികള്‍ ഇതുവരെ പ്രതികരിച്ചിട്ടില്ല. എന്നാല്‍ ജനങ്ങന്‍ സോഷ്യല്‍മീഡിയകളില്‍ അനുകൂല നിലപാടുമായാണ് രംഗത്തെത്തിയത്.