പ്രതികളെന്ന് സംശയിക്കുന്ന 125 പേര്‍ക്ക് നോട്ടീസ് നല്‍കിയിട്ടുണ്ട്. ഇവര്‍ ഇപ്പോള്‍ പൊലീസ് നിരീക്ഷണത്തിലാണ്. കോഴിക്കോട് ജില്ലയിലാണ് ഏറ്റവും കൂടുതല്‍ കേസുകള്‍ സിറ്റി മേഖലയില്‍ 43യും റൂറല്‍ മേഖലയില്‍ 24ഉം ഉള്‍പ്പെടെ 67 കേസുകള്‍. 35 പേരെയാണ് ഇവിടെ അറസ്റ്റ് ചെയ്തത്.

കേസുകളില്‍ ഭൂരിഭാഗവും ക്രിപ്‌റ്റോകറന്‍സി, ഓണ്‍ലൈന്‍ ട്രേഡിങ് തട്ടിപ്പുകള്‍ എന്നിവയുമായി ബന്ധപ്പെട്ടതാണ്. ആകെ കണ്ടെത്തിയ തട്ടിപ്പുകളില്‍ 34.8 ശതമാനം ഓണ്‍ലൈന്‍ ട്രേഡിങ് രംഗത്താണെന്ന് എ.ഡി.ജി.പി എസ്. ശ്രീജിത്ത് വാര്‍ത്താസമ്മേളനത്തില്‍ അറിയിച്ചു.

തട്ടിപ്പ് സംഘങ്ങള്‍ ‘മ്യൂള്‍ അക്കൗണ്ടുകള്‍’ (വാടകയ്ക്ക് എടുത്ത ബാങ്ക് അക്കൗണ്ടുകള്‍) ഉപയോഗിച്ചാണ് പണം കൈമാറ്റം നടത്തിയത്. രാജ്യവ്യാപകമായ സൈബര്‍ കുറ്റകൃത്യങ്ങളില്‍ പങ്കാളികളായി പണം പിന്‍വലിച്ചവരും അക്കൗണ്ട് വാടകയ്ക്ക് നല്‍കിയവരും കമ്മീഷന്‍ വാങ്ങിയവരുമാണ് അറസ്റ്റിലായത്.

പോലീസ് നിരീക്ഷണത്തിലുള്ളവരില്‍ സംശയാസ്പദമായി ചെക്കുകള്‍ ഉപയോഗിച്ച് പണം പിന്‍വലിച്ചവര്‍: 2,683 പേര്‍, എ.ടി.എം വഴി പണം പിന്‍വലിച്ചവര്‍: 361 പേര്‍, അക്കൗണ്ട് വാടകയ്ക്ക് നല്‍കിയവര്‍: 665 പേര്‍. തുടര്‍ അന്വേഷണത്തില്‍ തെളിവുകള്‍ ലഭിക്കുകയാണെങ്കില്‍ ഇവരെയും അറസ്റ്റ് ചെയ്യുമെന്ന് പൊലീസ് അറിയിച്ചു.

അറസ്റ്റിലായവരില്‍ സൈബര്‍ തട്ടിപ്പുകളുടെ പ്രധാന സൂത്രധാരന്മാരും സഹപ്രതികളും ഉള്‍പ്പെടുന്നു.

തങ്ങളുടെ അറിവില്ലാതെ അക്കൗണ്ട് തട്ടിപ്പിന് ഉപയോഗിക്കപ്പെട്ടവരെയും ഹവാല ഇടപാടുകള്‍ വഴി പണം ലഭിച്ചവരെയും നേരിട്ടുള്ള കുറ്റബന്ധമില്ലെന്ന് കണ്ടെത്തിയതിനാല്‍ 125 പേര്‍ക്ക് മാത്രം നോട്ടീസ് നല്‍കി.

ഓപറേഷന്‍ വ്യാഴാഴ്ച രാവിലെ ആറുമുതല്‍ സംസ്ഥാനത്തുടനീളം നടന്നു. സൈബര്‍ ഓപ്പറേഷന്‍ വിഭാഗം, റേഞ്ച് ഡി.ഐ.ജിമാര്‍, ജില്ല പൊലീസ് മേധാവിമാര്‍ എന്നിവരുടെ മേല്‍നോട്ടത്തിലായിരുന്നു റെയ്ഡുകള്‍.

മൂന്ന് മാസം നീണ്ട തയ്യാറെടുപ്പിനൊടുവിലാണ് ഓപറേഷന്‍ ആരംഭിച്ചത്. പരാതികള്‍ ലഭിക്കാന്‍ കാത്തിരിയ്ക്കാതെ, നാഷണല്‍ സൈബര്‍ ക്രൈം പോര്‍ട്ടലില്‍ നിന്നുള്ള ഡാറ്റ വിശകലനം ചെയ്ത് പ്രതികളിലേക്കെത്തുകയായിരുന്നു പൊലീസ്. പ്രതികളുടെ സമൂഹമാധ്യമ അക്കൗണ്ടുകളും സാമ്പത്തിക ഇടപാടുകളും വിശദമായി പരിശോധിച്ചാണ് തട്ടിപ്പുകളുടെ ശൃംഖല പൊളിച്ചത്.

‘ബെംഗളൂരുവിലുള്ള നിങ്ങളുടെ കാര്‍ അപകടത്തില്‍പ്പെട്ടിരിക്കുകയാണ്. ഞങ്ങള്‍ ആവശ്യപ്പെടുന്ന രേഖകള്‍ നല്‍കണം’ എഴുപത്തിയഞ്ചുകാരന് വന്ന സന്ദേശം ഇങ്ങനെയായിരുന്നു. ബംഗളൂരു ട്രാഫിക് പൊലീസെന്ന വ്യാജേന പൊലീസ് യൂണിഫോം ധരിച്ച ഒരാളാണ് എഴുപത്തിയഞ്ചുകാരനോട് വിഡിയോയില്‍ സംസാരിച്ചത്.

തനിക്ക് ബെംഗളൂരുവില്‍ വാഹനമില്ലെന്ന് പറഞ്ഞെങ്കിലും ആധാര്‍ രേഖകള്‍ നല്‍കാന്‍ തട്ടിപ്പുകാര്‍ ആവശ്യപ്പെട്ടു. ഇതോടെ ആധാര്‍ ഉപയോഗിച്ച് വലിയ തട്ടിപ്പു നടന്നതായി പറഞ്ഞ് വയോധികന്റെ അക്കൗണ്ടില്‍ നിന്ന് പണം കൈമാറാന്‍ ആവശ്യപ്പെട്ടു. പണം കൈമാറിയതോടെ തട്ടിപ്പുകാര്‍ മുങ്ങിയെന്നാണ് പരാതിയില്‍ പറയുന്നത്.

നവംബര്‍ 22നാണ് ആദ്യം തട്ടിപ്പ് സംഘത്തിലെ ഒരു സ്ത്രി വാട്‌സ്ആപ്പ് വഴി വയോധികനെ ബന്ധപ്പെടുന്നത്. ബെംഗളൂരു ട്രാഫിക് പൊലീസില്‍ നിന്നാണെന്നാണ് പറഞ്ഞായിരുന്നു കോള്‍ വന്നത്. ഉടന്‍ തന്നെ തന്റെ മുതിര്‍ന്ന ഉദ്യോഗസ്ഥന്‍ വിളിക്കും എന്നുമറിയിച്ചു. തുടര്‍ന്ന് മുതിര്‍ന്ന ട്രാഫിക് പൊലീസ് ഉദ്യോഗസ്ഥന്റെ വേഷത്തിലെത്തിയ തട്ടിപ്പുകാരന്‍ താന്‍ ജയാനഗര്‍ പൊലീസ് സ്‌റ്റേഷനില്‍ നിന്നാണെന്നു വയോധികനോട് വെളിപ്പെടുത്തി. ബെംഗളൂരുവില്‍ അദ്ദേഹത്തിന്റെ പേരില്‍ എടുത്തിട്ടുള്ള കാര്‍ ഗുരുതരമായ അപകടത്തില്‍പ്പെട്ടെന്നും രേഖകള്‍ പരിശോധിക്കാന്‍ ആധാര്‍ കാര്‍ഡ് വിവരങ്ങള്‍ നല്‍കാനും ആവശ്യപ്പെട്ടു.

ആധാര്‍ പരിശോധിച്ച ശേഷമായിരുന്നു അടുത്ത ഭീഷണി. ആധാര്‍ നമ്പര്‍ ഉപയോഗിച്ച് വിദേശത്ത് വലിയ തോതില്‍ തട്ടിപ്പു നടന്നിട്ടുണ്ടെന്നായിരുന്നു പൊലീസ് വേഷത്തിലെത്തിയ തട്ടിപ്പുകാരന്‍ പറഞ്ഞത്. വയോധികന്‍ ഇത് നിഷേധിച്ചെങ്കിലും എത്രയും വേഗം അക്കൗണ്ടിലുള്ള പണം റിസര്‍വ് ബാങ്കിന് പരിശോധിക്കാനായി തങ്ങള്‍ പറയുന്ന അക്കൗണ്ടുകളിലേക്ക് മാറ്റാന്‍ ആവശ്യപ്പെട്ടു. വിവിധ സംസ്ഥാനങ്ങളിലുള്ള ബാങ്ക് അക്കൗണ്ടുകളിലേക്ക് അദ്ദേഹം പണം കൈമാറി. പണം തിരികെ ആവശ്യപ്പെട്ട് വിളിക്കാന്‍ തുടങ്ങിയതോടെ തട്ടിപ്പുസംഘം മുങ്ങുകയായിരുന്നു.

ഏറനാട് താലൂക്കില്‍ കാവന്നൂർ പഞ്ചായത്ത് ഒന്നാം വാർഡില്‍ ഏലിയാപറമ്ബില്‍ ഷമീർ പൂന്തല (38), കാവന്നൂർ ഏഴാം വാർഡില്‍ വാക്കാലൂർ കിഴക്കേത്തല കടവിടനടുത്ത് അടക്കണ്ടിയില്‍ അബ്ദുല്‍ വാജിദ് (23), 12ാം വാർഡില്‍ പൂന്തല വീട്ടില്‍ ഹാരിസ് (ചെറിയോൻ 35) എന്നിവരാണ് അറസ്റ്റിലായത്.

ഓണ്‍ലൈൻ ട്രേഡിങ്ങിന്റെ പേരില്‍ കബളിപ്പിച്ചു തട്ടിയെടുത്ത തുക തട്ടിപ്പു സംഘത്തിനു വേണ്ടി ബാങ്ക് അക്കൗണ്ടില്‍ നിന്നു പിൻവലിക്കാനാണ് ഇവർ സഹായിച്ചതെന്നു ജില്ലാ ക്രൈംബ്രാഞ്ച് ഉദ്യോഗസ്ഥർ അറിയിച്ചു. തട്ടിപ്പിനിരയായവർ നാഷനല്‍ സൈബർ ക്രൈം റിപ്പോർട്ടിങ് പോർട്ടലില്‍ രജിസ്റ്റർ ചെയ്യുന്നതിനു തൊട്ടുപിന്നാലെ, ഈ പണം എത്തിച്ചേർന്ന ബാങ്ക് അക്കൗണ്ട് മരവിപ്പിക്കും. അങ്ങനെ ചെയ്യണമെന്നാണു നിയമം. ഇങ്ങനെ അക്കൗണ്ട് മരവിപ്പിക്കുന്നതിനു മുൻപേ അതു മറ്റു ചിലരുടെ അക്കൗണ്ടുകളിലേക്കു കൈമാറുകയാണു തട്ടിപ്പുകാർ ചെയ്യുക. ഇപ്പോള്‍ അറസ്റ്റിലായവരുടെ അക്കൗണ്ടുകളാണ് ഇതിനായി ഉപയോഗിച്ചത്.

ഇതു മനസ്സിലാക്കി പൊലീസ് എത്തിയപ്പോഴേക്കും കമ്മിഷൻ കൈപ്പറ്റി അവർ ഇതു പിൻവലിച്ചു കുഴല്‍പ്പണ സംഘങ്ങള്‍ക്കു കൈമാറി. അവർ വഴിയാണു തട്ടിപ്പുകാർ പണം കൈപ്പറ്റിയിരുന്നത്. പിൻവലിക്കുന്ന പണം ബെംഗളൂരുവില്‍ ഐടി മേഖലയില്‍ ജോലി ചെയ്യുന്ന കൊടുവള്ളി സ്വദേശി ഷുഹൈബിന് എത്തിക്കാനും ഇവരോടു നിർദ്ദേശിച്ചിരുന്നു. സ്ഥിരമായി വിദേശ യാത്ര നടത്തുന്നയാളാണു ഷുഹൈബ് എന്നു കണ്ടെത്തി. ഇയാള്‍ വിദേശത്തേക്കു കടക്കാതിരിക്കാൻ ക്രൈംബ്രാഞ്ച് നടപടി സ്വീകരിച്ചു. വൻ റാക്കറ്റിലെ കണ്ണികള്‍ മാത്രമാണ് അറസ്റ്റിലായതെന്നും ഇവരെ വിശദമായി ചോദ്യം ചെയ്യുമെന്നും ജില്ലാ ക്രൈംബ്രാഞ്ച് ഡിവൈഎസ്‌പി അറിയിച്ചു.

മാന്നാർ സ്വദേശിയും വിദേശസർവീസിനു ശേഷം നാട്ടിലെത്തി വിശ്രമജീവിതം നയിക്കുന്നയാളാണു തട്ടിപ്പിനിരയായത്. ഡിസംബർ മുതല്‍ ജനുവരി 20 വരെ 32 ഇടപാടുകളിലായി 2.67 കോടി രൂപയാണ് ഇദ്ദേഹത്തില്‍ നിന്നു തട്ടിയെടുത്തത്. ഓണ്‍ലൈൻ ട്രേഡിങ്ങിനു ക്ഷണിച്ചു ടെലിഗ്രാം ആപ്പില്‍ വന്ന സന്ദേശത്തില്‍ വിശ്വസിച്ചാണു തുക നിക്ഷേപിച്ചത്.

എംപ്ലോയീസ് പ്രൊവിഡന്റ് ഫണ്ട് ഓര്‍ഗനൈസേഷനില്‍ നിന്നാണ് വിളിക്കുന്നതെന്ന് അവകാശപ്പെട്ടാണ് പരാതിക്കാരിയ്ക്ക് ആദ്യം ഒരു ഫോണ്‍കോള്‍ ലഭിക്കുന്നത്. ഒരു യുവതിയാണ് വിളിച്ചതെന്ന് അവര്‍ പൊലീസിനോട് പറഞ്ഞു.ഇവരുടെ ഭര്‍ത്താവ് നേരത്തെ ജോലി ചെയ്തിരുന്ന കമ്പനിയുടെ പേരും പാന്‍ കാര്‍ഡ് നമ്പറും റിട്ടയര്‍മെന്റ് വിശദാംശങ്ങളും നല്‍കിയാണ് തട്ടിപ്പ് സംഘം പരാതിക്കാരിയെ വിശ്വസിപ്പിച്ചതെന്ന് പോലീസ് വ്യക്തമാക്കി.

തന്റെ ഭര്‍ത്താവിന്റെ കമ്പനി പ്രൊവിഡന്റ് ഫണ്ടില്‍ 4 ലക്ഷം രൂപ നിക്ഷേപിച്ചിട്ടുണ്ട് എന്നും അത് 20 വര്‍ഷത്തിനു ശേഷം ഇപ്പോള്‍ പതിനൊന്ന് കോടി രൂപയായിട്ടുണ്ടെന്നും പറഞ്ഞാണ് വിളിച്ചവര്‍ ഇവരെ തെറ്റിദ്ധരിപ്പിച്ചത്. തുടര്‍ന്ന് ഈ തുക ലഭിക്കാനായി ടിഡിഎസ്, ജിഎസ്ടി, ആദായനികുതി എന്നിവയ്ക്കുള്ള തുക അടയ്ക്കാനും പണം കൈമാറാനും ആവശ്യപ്പെട്ടു.അങ്ങനെ ഒരു സ്വകാര്യ ബാങ്കിലെ അക്കൗണ്ട് വഴിയാണ് തട്ടിപ്പ് സംഘം നല്‍കിയ അക്കൗണ്ടിലേക്ക് ദമ്പതികള്‍ പണം കൈമാറിയത്.

എന്നാല്‍ ഈ അക്കൗണ്ടിലെ മുഴുവന്‍ പണവും നഷ്ടമായതിനെ തുടര്‍ന്ന് ദമ്പതികള്‍ പൊലീസില്‍ പരാതി നല്‍കുകയായിരുന്നു. ഇവരുടെ അക്കൗണ്ടില്‍ ഉണ്ടായിരുന്നത് 4 കോടി രൂപയായിരുന്നു. അക്കൗണ്ടിലെ പണം മുഴുവന്‍ പിന്‍വലിക്കാനായി ഏകദേശം പന്ത്രണ്ടോളം ബാങ്ക് അക്കൗണ്ടുകള്‍ തട്ടിപ്പ് സംഘം ഉപയോഗിച്ചതായും പോലീസ് പറയുന്നു.അതേസമയം പണം കൈമാറി 4 മാസത്തിനുശേഷമാണ് ദമ്പതികളുടെ ബാങ്ക് അക്കൗണ്ടിലെ പണം മുഴുവനായി നഷ്ടമാകുന്നത്.

തുടര്‍ന്ന് ഇക്കാര്യം അന്ന് വിളിച്ചവരെ അറിയിച്ചെങ്കിലും ഉടന്‍തന്നെ മറ്റൊരാള്‍ തങ്ങളെ വിളിച്ച് ഭീഷണിപ്പെടുത്തുകയാണ് ചെയ്തതെന്നും ദമ്പതികള്‍ പരാതിയില്‍ പറഞ്ഞു. ഇവര്‍ അടച്ച തുക മരവിപ്പിക്കുമെന്നും ഐടി വകുപ്പ് ഉദ്യോഗസ്ഥര്‍ അന്വേഷണത്തിനായി വീട്ടില്‍ എത്തുമെന്നുമായിരുന്നു ഭീഷണി എന്നും പോലീസ് കൂട്ടിച്ചേര്‍ത്തു.