കോവിഡ് ചികിത്സാ വിവരങ്ങൾ, വാക്സിനേഷൻ വിശദാംശങ്ങൾ എന്നിവ അടക്കം 81 കോടി ഇന്ത്യക്കാരുടെ വ്യക്തി വിവരങ്ങള്‍ ഡാര്‍ക്ക് വെബ്ബില്‍ വില്‍പ്പനയ്ക്ക് വെച്ചു എന്ന് നേരത്തെ കണ്ടെത്തിയിരുന്നു. ഒക്ടോബറിൽ ഇത് സംബന്ധിച്ച വിവരങ്ങൾ പുറത്തുവന്നതിന് പിന്നാലെ ഡൽഹി പൊലീസ് സ്വമേധയാ കേസെടുത്തു. നാല് പേരെ അറസ്റ്റ് ചെയ്തു. പത്ത് ദിവസം മുൻപാണ് പ്രതികളെ അറസ്റ്റ് ചെയ്തത്.

ഫോണ്‍ അറ്റൻഡ് ചെയ്യുന്ന ആളുടെ മുഖം സ്‌ക്രീന്‍ റെക്കോർഡ് ചെയ്‌തെടുത്തതിനുശേഷം മുഖം കൂടി ഉൾപ്പെടുത്തി നഗ്ന വീഡിയോ തയ്യാറാക്കി പണം ആവശ്യപ്പെടുകയാണ് ഇവരുടെ രീതി. തുടർന്ന് മെസേജുകളിലൂടെയും കോളുകളിലൂടെയും ഭീഷണി വരും. ചോദിച്ച പണം നൽകിയില്ലെങ്കിൽ നിങ്ങളുടെ വ്യാജ വീഡിയോ ഇന്റർനെറ്റിൽ അപ്ലോഡ് ചെയ്യുമെന്നാവും അടുത്ത ഭീഷണി. സുഹൃത്തുക്കൾക്കും ബന്ധുക്കൾക്കും ഈ വീഡിയോ അയച്ചു കൊടുക്കുമെന്ന് ഭീഷണിപ്പെടുത്തിയും പണം ആവശ്യപ്പെടും. മാനഹാനി ഭയന്ന് പലരും ആദ്യം പണം നൽകുമെങ്കിലും കള്ളൻമാർ തട്ടിപ്പ് വീണ്ടും തുടരും. രണ്ടാം ഘട്ടത്തിൽ കൂടുതൽ പണമാവശ്യപ്പെടും. ഇത്തരത്തിൽ നിരവധി പരാതികൾ ലഭിക്കുന്നുണ്ടെന്നാണ് പൊലീസ് പറയുന്നത്.

കഴിഞ്ഞ ജൂലൈയിൽ ആർട്ടിഫിഷ്യൽ ഇന്റലിജെൻസിന്റെ സഹായത്തോടെ വ്യാജ വീ‌ഡിയോ കോൾ നിർമ്മിച്ച് കോഴിക്കോട് പാലാഴി സ്വദേശിയുടെ 40000 രൂപ തട്ടിയെടുത്തിരുന്നു. ആർട്ടിഫിഷ്യൽ ഇന്റലിജെൻസ് ഉപയോഗിച്ച് കേരളത്തിൽ നടന്ന ആദ്യ തട്ടിപ്പും കൂടിയായിരുന്നു ഇത്. അടുത്ത ബന്ധുവിന്റെ ആശുപത്രി ആവശ്യത്തിനെന്ന പേരിലായിരുന്നു കള്ളൻമാർ പണം ആവശ്യപ്പെട്ടത്. സെെബർ പൊലീസിന്റെ അന്വേഷണത്തിൽ പണം മഹാരാഷ്ട്രയിലെ രത്നാകർ ബാങ്കിലുണ്ടെന്ന് കണ്ടെത്തുകയും പണം പിന്നീട് കണ്ടത്തുകയും ചെയ്തു.

സമൂഹമാധ്യമങ്ങളിലൂടെയും മറ്റും വീഡിയോ പ്രചരിപ്പിക്കുമെന്ന് ഭീഷണി വരുന്നതോടെ ഭൂരിഭാഗം പേരും തട്ടിപ്പിന് വഴങ്ങുന്ന സ്ഥിതിയാണ്.സമൂഹ മാധ്യമങ്ങളിലൂടെ നമ്മുടെ വിവരങ്ങൾ നേരത്തെ തന്നെ കൈവശപ്പെടുത്തിയിട്ടാകും സംഘങ്ങൾ തട്ടിപ്പ് നടത്തുക.അതുകൊണ്ട് തന്നെ ഇത്തരം അക്കൗണ്ടുകൾ ബ്ലോക്ക് ചെയ്തത് കൊണ്ടോ, സ്വന്തം അക്കൗണ്ട് ഡി ആക്ടിവേറ്റ് ചെയ്തത് കൊണ്ടോ ഫലം ഇല്ല.

കഴിഞ്ഞ ദിവസമാണ് കോഴിക്കോട് സാമൂതിരി ഹയര്‍ സെക്കന്‍ഡറി സ്‌കൂള്‍ വിദ്യാര്‍ത്ഥി ആദിനാഥ് (16) ജീവനൊടുക്കിയത്. ലാപ്പ്‌ടോപ്പില്‍ സിനിമ കാണുന്നതിനിടെയാണ് 33900 രൂപ ആവശ്യപ്പെട്ട് സന്ദേശമെത്തിയത്. ആറ് മണിക്കൂറിനുള്ളില്‍ പണം നല്‍കണമെന്നായിരുന്നു ആവശ്യം. നാഷണല്‍ െ്രെകം റെക്കോര്‍ഡ്‌സ് ബ്യൂറോയോട് സാമ്യമുള്ള സൈറ്റ് ഉപയോഗിച്ചാണ് ഹാക്കര്‍ പണം ആവശ്യപ്പെട്ടത്.

അമേരിക്കയിലെ ടെക്‌സാസില്‍ ഡോക്ടറാണെന്നു പറഞ്ഞാണു കൂറ്റനാട്ടെ കോളജ് അധ്യാപകനുമായി ഇയാള്‍ ഫേസ്ബുക്കിലൂടെ സൗഹൃദം സ്ഥാപിച്ചത്. ഇന്ത്യ മുഴുവന്‍ യാത്ര ചെയ്യണമെന്നും കേരളത്തില്‍ താമസിക്കണമെന്നും ഇതിനായി ഒരുനാള്‍ ‘സര്‍പ്രൈസായി’ വരുമെന്നും പറഞ്ഞു. ഇതിനിടെ ഡല്‍ഹി എയര്‍പോര്‍ട്ടില്‍ നിന്നാണെന്നു പറഞ്ഞു കൂറ്റനാട് സ്വദേശിക്കു ഫോണ്‍ വന്നു. ഏകദേശം രണ്ടുകോടി ഇന്ത്യന്‍ രൂപ മതിപ്പുള്ള ഡോളറുമായി താങ്കളുടെ അമേരിക്കക്കാരന്‍ സുഹൃത്ത് ഇവിടെയുണ്ടെന്നും ഡോളര്‍ കൊണ്ടുവന്നതിനാല്‍ ഫൈന്‍, നികുതി എന്നിങ്ങനെ വിവിധ ആവശ്യങ്ങള്‍ക്ക് 21 ലക്ഷത്തോളംരൂപ ആവശ്യമുണ്ടെന്ന് പറഞ്ഞ് തുക ഓണ്‍ലൈനായി തട്ടിയെടുത്തു. സുഹൃത്തിനു വേണ്ടി കയ്യിലുള്ളതും കടം വാങ്ങിയും കൂറ്റനാട് സ്വദേശി പണം അയച്ചു.

കസ്റ്റംസ് ഡ്യൂട്ടി, ജിഎസ്ടി, ക്ലിയറന്‍സ് ഫീസ് എന്നു മാത്രമല്ല ആന്റി ടെററിസ്റ്റ് ഫീസ് എന്ന പേരില്‍വരെ 21.65 ലക്ഷം രൂപ അയച്ചപ്പോഴാണു കൂറ്റനാട് സ്വദേശിക്കു കബളിക്കപ്പെട്ടതായി മനസ്സിലായത്. ഇതോടെ, സൈബര്‍ പോലീസില്‍ പരാതി നല്‍കി. തുടര്‍ന്നു നടത്തിയ പരിശോധനയില്‍ ഇയാള്‍ ന്യൂഡല്‍ഹിയിലെ നൈബ് സെറായ് പോലീസ് സ്റ്റേഷന്‍ പരിധിയില്‍ ഉണ്ടെന്നു മനസ്സിലാക്കി. അവിടെ ഒരു വീട്ടില്‍ ഒരു സ്ത്രീക്കൊപ്പം താമസിച്ചിരുന്ന ഇയാളെ ഡല്‍ഹി പോലീസിന്റെ സഹായത്തോടെ സാഹസികമായി കീഴടക്കുകയായിരുന്നു. സര്‍ക്കിള്‍ ഇന്‍സ്‌പെക്ടര്‍ എ.ഐ.പ്രതാപ്, എഎസ്‌ഐ യു.അബ്ദുല്‍ സലാം, സിവില്‍ പോലീസ് ഓഫിസര്‍മാരായ എം.മനേഷ്, ജി.അനൂപ് എന്നിവരാണ് ഡല്‍ഹിയിലെത്തി പ്രതികളെ അറസ്റ്റ് ചെയ്തത്.