അതേസമയം, വിജയദശമി ദിനത്തില്‍ ദസറ ആശംസകളുമായി മുന്‍ കോണ്‍ഗ്രസ് രാഹുല്‍ ഗാന്ധി രംഗത്തെത്തി. തിന്മക്കുമേല്‍ നന്മയുടെ ആത്യന്തിക വിജയം ഒരു സാര്‍വത്രിക സത്യമാണെന്നായിരുന്നു രാഹുലിന്റെ ട്വീറ്റ്. ആ സത്യത്തിലുള്ള നമ്മുടെ വിശ്വാസം സ്ഥിരീകരിക്കുകയും ആഘോഷിക്കുകയുമാണ് നമ്മള്‍ ഇന്ന്. ദസറയുടെ സന്തോഷകരമായ വേളയില്‍ നിങ്ങള്‍ ഓരോരുത്തര്‍ക്കും എന്റെ ആശംസകളും നേരുന്നു, രാഹുല്‍ ട്വീറ്റ് ചെയ്തു.

അജ്ഞതയെ അകറ്റി അറിവിന്റെ വെളിച്ചം പകരുന്ന വിദ്യാരംഭം കുറിക്കുന്ന വിജയദശമി ദിന (ദസറ) ആഘോഷത്തില്‍ രാജ്യം. സ്ത്രീ ശക്തി പ്രതീകമായ നവരാത്രി ആഘോഷങ്ങള്‍ക്ക് പിന്നാലെയാണ് അജ്ഞതയെ അകറ്റി അറിവിന്റെ വെളിച്ചം പകരുന്ന സുദിനം. വിവിധ മേഖലകളിലായി വ്യത്യസ്ത ദൈവങ്ങളിലൂടേയും ആചാരങ്ങളോടേയമായി ഈ ദിവസത്തില്‍ നിരവധി കുരുന്നുകള്‍ തട്ടത്തില്‍ വെച്ച അറിവിന്റെ ഹരിശ്രീ കുറിക്കുന്നു.

നവരാത്രി ആഘോവിദ്യാദേവതയായ സരസ്വതിയും അധര്‍മ്മത്തെ തകര്‍ത്ത് ധര്‍മ്മം പുനസ്ഥാപിക്കുന്ന ശക്തി സ്വരൂപിണിയായ ദുര്‍ഗ്ഗയും രാവണനെ തോല്‍പ്പിക്കുന്ന രാമനേയും ഐശ്വര്യദായിനിയായ മഹാലക്ഷ്മിയും ഒരുമിച്ചു ആരാധിക്കപ്പെടുന്ന ദിനമാണ് വിജയദശമി.

കേരളത്തില്‍ വിദ്യാരംഭം, തമിഴ്‌നാട്ടില്‍ കൊലുവെപ്പ്, കര്‍ണാടകയില്‍ ദസറ, ഉത്തരഭാരതത്തില്‍ രാമലീല, ബംഗാളില്‍ ദുര്‍ഗാ പൂജ, അസമില്‍ കുമാരീ പൂജ എന്നിങ്ങനെ വ്യത്യസ്തങ്ങളായ ചടങ്ങുകളാണ് രാജ്യത്തുടനീളം.

നവരാത്രി ആഘോവിദ്യാദേവതയായ സരസ്വതിയും അധര്‍മ്മത്തെ തകര്‍ത്ത് ധര്‍മ്മം പുനസ്ഥാപിക്കുന്ന ശക്തി സ്വരൂപിണിയായ ദുര്‍ഗ്ഗയും രാവണനെ തോല്‍പ്പിക്കുന്ന രാമനേയും ഐശ്വര്യദായിനിയായ മഹാലക്ഷ്മിയും ഒരുമിച്ചു ആരാധിക്കപ്പെടുന്ന ദിനമാണ് വിജയദശമി.

കേരളത്തില്‍ വിദ്യാരംഭം, തമിഴ്‌നാട്ടില്‍ കൊലുവെപ്പ്, കര്‍ണാടകയില്‍ ദസറ, ഉത്തരഭാരതത്തില്‍ രാമലീല, ബംഗാളില്‍ ദുര്‍ഗാ പൂജ, അസമില്‍ കുമാരീ പൂജ എന്നിങ്ങനെ വ്യത്യസ്തങ്ങളായ ചടങ്ങുകളാണ് രാജ്യത്തുടനീളം.

വിജയദശമി ദിനത്തില്‍ പ്രധാനമന്ത്രി നരേന്ദ്രമോദിയും രാഷ്ട്രപതി രാം നാഥ് ഗോവിന്ദും ജനങ്ങള്‍ക്ക് ആശംസകള്‍ നേര്‍ന്നു. വിജയദശമി ദിവസം എല്ലാവര്‍ക്കും നന്മയും ഐശ്വര്യവും ഉണ്ടാവട്ടെയെന്നും രാജ്യത്തെ എല്ലാ പൗരന്‍മാര്‍ക്കും വിജയദശമി ആശംസകള്‍ നേരുന്നുവെന്നുമാണ് പ്രധാനമന്ത്രി ട്വീറ്റ് ചെയ്തത്.

ദസറയുടെ സന്തോഷകരമായ അവസരത്തില്‍ നിങ്ങള്‍ ഓരോരുത്തര്‍ക്കും എന്റെ ആശംസകളും ആശംസകളും.തിന്മയ്ക്ക് മേല്‍ നന്മ വിജയം കൈവരിച്ച വിജയദശമി നാളില്‍ എല്ലാ പൗരന്‍മാര്‍ക്കും ആശംസകള്‍ അറിയിക്കുന്നതായി രാഷ്ട്രപതി ട്വീറ്റ് ചെയ്തു. രാജ്യത്തിനും ലോകത്തിനും സമാധാനവും ഐക്യവും ഉണ്ടാവട്ടെയെന്നും അദ്ദേഹം പറഞ്ഞു. ശ്രീരാമന്‍ സത്യം പുണ്യം ജ്ഞാനം എന്നീ ഗുണങ്ങളെ പ്രതിനിധീകരിക്കുന്നുവെന്നും അതിനാല്‍ ശ്രീരാമന്‍ നല്‍കുന്ന സ്‌നേഹത്തിന്റെയും സാഹോദര്യത്തിന്റെയും സാര്‍വത്രിക സന്ദേശം എല്ലാവരും ഉള്‍ക്കൊള്ളണമെന്നും രാഷ്ട്രപതി ട്വീറ്റില്‍ കുറിച്ചു.

മൈസൂര്‍: മൈസൂര്‍ ദസറയെ നെഞ്ചേറ്റി നാടും നഗരവും. പ്രശസ്തമായ മൈസൂര്‍ കൊട്ടാരം, മൈസൂര്‍ വൃന്ദാവനം, ശ്രീരംഗപട്ടണം, ടിപ്പു സുല്‍ത്താന്‍ കോട്ട, ചാമുണ്ഡിക്കുന്ന് തുടങ്ങിയ പ്രദേശങ്ങള്‍ ഉള്‍പ്പെടെ നഗര ഗ്രാമ വ്യത്യാസമില്ലാതെ വൈദ്യുത ദീപാലങ്കരങ്ങളാല്‍ പ്രഭാപൂരിതമാണ്. എല്ലാ ദിവസവും വൈകീട്ട് 6 മണി മുതല്‍ ഇന്ത്യയിലെ പ്രശസ്തരായ കലാകാരന്‍മാരും സംഗീതഞ്ജരും നര്‍ത്തകരും അണിനിരക്കുന്ന വിവിധ കലാസാംസ്‌കാരിക പരിപാടികള്‍ കാണാന്‍ അഭൂതപൂര്‍വ്വമായ ജനത്തിരക്കാണനുഭവപ്പെടുന്നത്. ഇന്ത്യയിലെ വിവിധ സംസ്ഥാനങ്ങള്‍ക്ക് പുറമെ വിദേശ രാജ്യങ്ങളില്‍ നിന്നും ദസറ ആഘോഷത്തിന് ആളുകളെത്തുന്നുണ്ട്. ദസറ ദിവസങ്ങളില്‍ സസ്യാഹാരമായ ‘ബാത്ത്’ വീടുകളില്‍ പ്രത്യേകമായി ഉണ്ടാക്കുന്നു. 29ന് നടക്കുന്ന സാംസ്‌കാരിക ഘോഷയാത്ര (ദസറ)യോടെ ആഘോഷങ്ങള്‍ക്ക് പരിസമാപ്തിയാകും.