Delhi: Fire broke out at the office of Ministry of Social Justice and Empowerment in Pandit Deendayal Antyodaya Bhawan, at CGO Complex, today; 24 fire tenders present at the spot. #Delhi pic.twitter.com/epcfEpr7eN

— ANI (@ANI) March 6, 2019

ഡല്‍ഹിയിലെ ലോധി റോഡില്‍ സ്ഥിതി ചെയ്യുന്ന 11 നില സിജിഒ കോംപ്ലക്‌സിലാണ് തീപ്പടര്‍ന്നത്. മിക്ക കേന്ദ്ര സര്‍ക്കാര്‍ ഓഫീസുകളും പ്രവര്‍ത്തിക്കുന്നത്. ജീവനക്കാര്‍ എത്തുന്നതിന് മുമ്പ് തീപിടുത്തമുണ്ടായതിനാല്‍ ആളപായമില്ല എന്നാണ് വിവരം.

ഉപാധ്യായ ഞങ്ങള്‍ക്ക് പ്രചോദനം നല്‍കിയ നേതാവ് തന്നെയാണ്. അദ്ദേഹത്തിന്റെ പ്രതിമ സ്ഥാപിക്കുന്നതിനെ ഞാന്‍ പിന്തുണക്കുന്നു. എന്നാല്‍ മുന്‍സിപ്പല്‍ കോര്‍പറേഷന്‍ ഓഫീസ് കോമ്പൗണ്ടിലല്ല നഗരത്തിനകത്താണ് അദ്ദേഹത്തിന്റെ പ്രതിമ സ്ഥാപിക്കേണ്ടത്-മേയര്‍ നവീന്‍ കുമാര്‍ ജെയ്ന്‍ പറഞ്ഞു.

കഴിഞ്ഞ മാസം ആഗ്ര എം.എല്‍.എ ജഗന്‍ പ്രസാദ് ഗാര്‍ഗ് അഞ്ച് തവണയാണ് അംബേദ്കര്‍ പ്രതിമ മാറ്റി ദീനദയാലിന്റെ പ്രതിമ സ്ഥാപിക്കണം എന്നാവശ്യപ്പെട്ട് മുഖ്യമന്ത്രി യോഗി ആദിത്യനാഥിന് കത്തെഴുതിയത്. പ്രതിമ മാറ്റുമ്പോള്‍ ക്രമസമാധാന പ്രശ്‌നമുണ്ടാവുന്നതിനെ കുറിച്ച് ജാഗ്രത പാലിക്കണമെന്നാവശ്യപ്പെട്ട് ആഗ്ര മജിസ്‌ട്രേറ്റിനും ആഗ്ര എസ്.പിക്കും സാംസ്‌കാരിക വകുപ്പ് ഡെപ്യൂട്ടി ഡയരക്ടര്‍ കത്തയച്ചിരുന്നു.

തിരൂരങ്ങാടി: ആര്‍.എസ്.എസ് താത്വികാചാര്യന്‍ ദീന്‍ദയാല്‍ ഉപാധ്യയുടെ ജന്മശതാബ്ദി ആഘോഷിക്കാന്‍ സ്‌കൂളുകള്‍ക്ക് നിര്‍ദ്ധേശം നല്‍കിയ സര്‍ക്കാര്‍ നടപടി ആശങ്കാജനകമാണെന്ന് മുന്‍വിദ്യഭ്യാസ വകുപ്പ് മന്ത്രി പി.കെ അബ്ദുറബ്ബ് എം.എല്‍.എ പറഞ്ഞു. വിദ്യഭ്യാസ രംഗം കാവിവല്‍ക്കരിക്കപ്പെടുന്നത് ദൂരവ്യാപക പ്രത്യാകാതമുണ്ടാക്കുന്ന കാര്യമാണ്. കേന്ദ്രത്തിന്റെ ഇത്തരം നയങ്ങള്‍ക്ക് സംസ്ഥാന സര്‍ക്കാര്‍ കൂട്ട് നില്‍ക്കുന്നത് അംഗീകരിക്കാനാകില്ല. കേന്ദ്ര മാനവ വിഭവ ശേഷി വകുപ്പിന്റെ അര്‍ധ ഔദ്യോഗിക സര്‍ക്കുലര്‍ സ്വീകരിക്കാനും തള്ളാനും സംസ്ഥാന സര്‍ക്കാറിന് കഴിയും. എന്നാല്‍ അത് അതെ പടി അംഗീകരിച്ച് എല്ലാ സ്‌കൂളുകളിലേക്ക് അയച്ചത് കൊടുത്തത് ശരിയായില്ല. ഇത് പിന്‍വലിക്കാന്‍ സര്‍ക്കാര്‍ തെയ്യാറാകണം.
മോഡി സര്‍ക്കാറിന്റെ വര്‍ഗ്ഗീയ ഫാസിസ്റ്റ് നയങ്ങള്‍ എല്ലാ മേഖലകളിലും അടിച്ചേല്‍പ്പിക്കുന്നതിന്റെ ഭാഗമായി വിദ്യഭ്യാസ പാഠ്യപദ്ധതി പരിഷ്‌കരണവും നടത്താന്‍ പോകുന്നതായിട്ടാണ് മനസ്സിലാകുന്നത്. അതിന്റെ ആദ്യ പടിയാണ് ഈ വിവാദ സര്‍ക്കുലറെന്ന് സംശയിക്കേണ്ടിയിരിക്കുന്നു. കഴിഞ്ഞ യു.ഡി.എഫ് സര്‍ക്കാറിന്റെ കാലത്ത് വിദ്യാര്‍ത്ഥികളുടെ ചോദ്യ പേപ്പറില്‍ ചോദ്യം അവസാനിച്ചു എന്ന് കാണിക്കാന്‍ ഒരു ചിഹ്നം ചേര്‍ത്തത് ചന്ദ്രകലയായതിന്റെ പേരില്‍ വലിയ ആരോപണങ്ങളാണ് ഉയര്‍ത്തിയത്. ചന്ദ്രകല എന്നത് ചോദ്യപേപ്പറുകളില്‍ സിമ്പലുകളായി കൊടുക്കാന്‍ സര്‍ക്കാര്‍ അംഗീകരിച്ച ചിഹ്നമായിട്ട് പോലും ഇടത് പക്ഷവും മാധ്യമങ്ങളും സംഭവം പെരുപ്പിച്ച് കാണിച്ച് വ്യക്തിഹത്യ വരെ നടത്തി. ചന്ദ്രകല കണ്ടപ്പോള്‍ ഹാലിളകിയ അന്നത്തെ സി.പി.എമ്മുള്‍പ്പെടെയുള്ള പ്രതിപക്ഷ കക്ഷികളെയും മാധ്യമങ്ങളെയും ഇന്ന് ഈ വിഷയത്തില്‍ കാണുന്നില്ല. അത് കൊണ്ട് തന്നെ അന്നത്തെ വിമര്‍ശനത്തിന്റെ ലക്ഷ്യമെന്തായിരുന്നുവെന്ന് വ്യക്തമാക്കുന്നതാണ് ഇന്നത്തെ മൗനം.
സംസ്ഥാനതത്തെ വിദ്യാര്‍ത്ഥികളെ മൊത്തം ബാധിക്കുന്ന ഈ വിവാദ സര്‍ക്കുലറിനെതിരെ ഉയരുന്ന പ്രതിഷേധങ്ങള്‍ മാധ്യമങ്ങളും സര്‍ക്കാറും ലഘൂകരിച്ച് കാണിക്കുകയാണ്. വിഷയത്തിന്റെ ഗൗരവം മനസ്സിലാക്കി വിദ്യഭ്യാസം മന്ത്രി ഉണര്‍ന്ന് പ്രവര്‍ത്തിക്കണമെന്നും അബ്ദുറബ്ബ് ആവശ്യപ്പെട്ടു

വിദ്യാഭ്യാസ രംഗം കാവിവല്‍ക്കരിക്കാനുള്ള സംഘ്പരിവാര്‍ ശ്രമങ്ങള്‍ക്ക് കുടപിടിച്ച് ഇടത് സര്‍ക്കാര്‍. ജനസംഘം സ്ഥാപകനേതാവും ആര്‍.എസ്.എസ് താത്വികാചാര്യനുമായിരുന്ന ദീന്‍ ദയാല്‍ ഉപാധ്യായയുടെ ജന്മശതാബ്ദി ആഘോഷിക്കാന്‍ സംസ്ഥാനത്തെ സ്‌കൂളുകള്‍ക്ക് നിര്‍ദേശം നല്‍കിയാണ് ഇടത് സര്‍ക്കാര്‍ സംഘ്പരിവാര്‍ അജണ്ടക്ക് കൂട്ടുനില്‍ക്കുന്നത്.
ദീന്‍ദയാല്‍ ഉപാധ്യയുടെ ജന്മശതാബ്ദി സ്‌കൂളുകളില്‍ ആഘോഷിക്കാന്‍ എല്ലാ സ്‌കൂളുകളിലെ പ്രഥമ അധ്യാപകര്‍ക്കും ഉപജില്ലാ വിദ്യാഭ്യാസ ഓഫീസര്‍മാര്‍ക്കും വിദ്യാഭ്യാസ ഉപഡയരക്ടര്‍മാക്കും നിര്‍ദേശം നല്‍കികൊണ്ടുള്ള പൊതു വിദ്യാഭ്യാസ ഡയരക്ടറുടെ സര്‍ക്കുലറാണ് വിവാദമായത്. ദീന്‍ദയാല്‍ ഉപാധ്യായയുടെ ജീവിതത്തെ ആസ്പദമാക്കി കലാപരിപാടികളും ദേശഭക്തി ഗാനങ്ങള്‍ ഉള്‍പ്പെടെയുള്ള കലാപരിപാടികള്‍ സംഘടിപ്പിക്കാനാണ് നിര്‍ദേശം.
കേന്ദ്രമാനവ വിഭവ ശേഷി മന്ത്രാലയത്തിന്റെ നിര്‍ദേശപ്രകാരമാണ് സര്‍ക്കുലര്‍ ഇറക്കിയതെന്ന് പൊതുവിദ്യഭ്യാസ ഡയരക്ടറുടെ വിശദീകരണം. വിദ്യാഭ്യാസ മന്ത്രിയുടെയും സര്‍ക്കാറിന്റെയും അനുമതിയോടെയാണ് സര്‍ക്കുലറെന്നും വിശീദീകരിക്കുന്നുണ്ട്. കഴിഞ്ഞ ആഗസ്റ്റിലാണ് കേന്ദ്ര മാനവ വിഭവ ശേഷി സെക്രട്ടറി അനില്‍ സ്വരൂപ് പൊതു വിദ്യാഭ്യാസസെക്രട്ടറി ഉഷടൈറ്റസിന് പണ്ഡിറ്റ് ദീന്‍ദയാല്‍ ഉപാധ്യായയുടെ ജന്മദിനം സ്‌കൂളുകളില്‍ ആഘോഷിക്കണമെന്ന് നിര്‍ദേശം നല്‍കിയത്. തുടര്‍ന്ന് നടപടി ക്രമങ്ങളും മറ്റും വിവരിച്ചുകൊണ്ടുള്ള നിര്‍ദേശം ഉഷടൈറ്റസ് പൊതു വിദ്യാഭ്യസ ഡയരക്ടര്‍ക്ക് കൈമാറുകയായിരുന്നു. ഇതുപ്രകാരമാണ് സംഘ പരിവാര്‍ ആശയങ്ങള്‍ കുട്ടികളില്‍ അടിച്ചേല്‍പ്പിക്കാന്‍ ലക്ഷ്യമിട്ടുള്ള സര്‍ക്കുലര്‍ പൊതു വിദ്യാഭ്യാസ ഡയരക്ടര്‍ ഇറക്കിയത്.
യു.പി ക്ലാസുകളിലും സെക്കന്ററി തലത്തിലും നടത്തേണ്ട പ്രവര്‍ത്തനങ്ങളുടെ മാര്‍ഗരേഖയും സര്‍ക്കുലറിനൊപ്പമുണ്ട്. ദീന്‍ ദയാല്‍ ഉപാധ്യായയുടെ ജീവിതവും ആശയങ്ങളും ഉള്‍കൊള്ളിച്ചാണ് പരിപാടികള്‍ നടത്തേണ്ടത്. യു.പി തലത്തില്‍, അദ്ദേഹത്തിന്റെ ജീവതമോ ആശയമോ വര്‍ണിച്ചു കൊണ്ടുള്ള പദ്യം ചൊല്ലല്‍, ദേശഭക്തി ഗാനം തുടങ്ങിയ സംഘടിപ്പിക്കണം. അസംബ്ലിക്കിടയില്‍ അദ്ദേഹത്തിന്റെ പ്രചോദനാത്മകമായ ജീവിത കഥ അവതരിപ്പിക്കുകയും വേണം. സെക്കന്ററി തലത്തില്‍ ദീന്‍ ദയാല്‍ ഉപാധ്യായയുടെ ആശയങ്ങളുമായി ബന്ധപ്പെട്ട് ചര്‍ച്ചകള്‍ സംഘടിപ്പിക്കണം. അദ്ദേഹത്തിന്റെ പേരിലുള്ള വിവിധ പദ്ധതികളേക്കുറിച്ച് ഉപന്യസിക്കണമെന്നും മാര്‍ഗരേഖയില്‍ പറയുന്നു. ആഘോഷത്തിന് പ്രധാനാധ്യാപകര്‍ വേണ്ട നടപടിയെടുക്കണമെന്നും പരിപാടികളില്‍ എല്ലാ കുട്ടികളും പങ്കെടുക്കുന്നുവെന്ന് ഉറപ്പുവരുത്തണമെന്നും സര്‍ക്കുലറില്‍ നിര്‍ദേശിച്ചിട്ടുണ്ട്.
ബി.ജെ.പിയുടെയും ആര്‍.എസ്.എസിന്റെയും ഈ വര്‍ഷത്തെ പ്രഖ്യാപിത അജണ്ടകളിലൊന്നാണ് ദിന്‍ ദയാല്‍ ഉപാധ്യായ ജന്മശതാബ്ദി ആഘോഷം. സെപ്തംബറിലായിരുന്നു ദീന്‍ ദയാല്‍ ഉപാധ്യായയുടെ ജന്‍മദിനം. കേന്ദ്രസര്‍ക്കാര്‍ വിപുലമായ പരിപാടികള്‍ ഇതുമായി ബന്ധപ്പെട്ട് സംഘടിപ്പിച്ചിരുന്നു. ഇതിനു പിന്നാലെയാണ് ജന്മശതാബ്ദി ആഘോഷിക്കണമെന്ന നിര്‍ദേശം കേന്ദ്രമാനവ വിഭവ ശേഷി മന്ത്രാലയം സംസ്ഥാന സര്‍ക്കാറിനും നല്‍കിയത്. ഇതിന്റെ പിന്നിലെ രാഷ്ട്രീയം പോലും നോക്കാതെ, നിര്‍ദേശം അപ്പടി അനുസരിച്ച് കേന്ദ്ര സര്‍ക്കാറിനോടുള്ള വിധേയത്വം അരക്കിട്ടുറപ്പിക്കുകയായിരുന്നു വിദ്യാഭ്യാസ വകുപ്പ്.

അതേസമയം വിഷയത്തില്‍ പിണറായി സര്‍ക്കാറിനെതിരെ വന്‍ വിമര്‍ശനമാണ് സോഷ്യല്‍മീഡിയയില്‍ ഉയരുന്നത്.

“മിസ്റ്റർ പിണറായി, എന്ന് മുതലാണ് ഇയാൾ നിങ്ങൾക്ക് ഇത്രമാത്രം പ്രിയങ്കരനായ ഒരു നേതാവായത്?. എല്‍.ഡി.എഫ് സര്‍ക്കാറിനെതിരെ രൂക്ഷപ്രതികരണവുമായി ബഷീര്‍ വള്ളിക്കുന്ന്….

ബഷീര്‍ വള്ളിക്കുന്നിന്റെ ഫെയ്‌സ്ബുക് പോസ്റ്റിന്റെ പൂര്‍ണ്ണരൂപം

ദീന്‍ദയാല്‍ ഉപാധ്യായുടെ ജന്മശതാബ്ദി ആഘോഷിക്കാന്‍ കേരള വിദ്യാഭ്യാസ വകുപ്പ് പുറത്തിറക്കിയ സർക്കുലർ കണ്ടു.

മിസ്റ്റർ പിണറായി, എന്ന് മുതലാണ് ഇയാൾ നിങ്ങൾക്ക് ഇത്രമാത്രം പ്രിയങ്കരനായ ഒരു നേതാവായത്?.
ഭാരതീയ ജനസംഘത്തിന്റെ സ്ഥാപകൻ എന്നതിൽ കവിഞ്ഞ എന്ത് സാമൂഹ്യ രാഷ്ട്രീയ പ്രാധാന്യമാണ് ഉപാധ്യായക്കുള്ളത്. കേരളീയരുടെ കുട്ടികളൊക്കെ അയാളുടെ ജന്മദിനം ആഘോഷിക്കാൻ മാത്രം ഈ രാജ്യത്തിന് അദ്ദേഹം എന്താണ് ചെയ്തത്. ഇന്ത്യൻ സ്വാതന്ത്ര്യ സമരത്തിൽ ഒരു മുദ്രാവാക്യം വിളിച്ചെങ്കിലും കൂടെ കൂടിയിട്ടുണ്ടോ ഇയാൾ?.
ഇല്ലല്ലോ..
മറിച്ച് ജനാധിപത്യത്തേയും സോഷ്യലിസത്തേയും ആശയപരമായി തള്ളിപ്പറഞ്ഞിട്ടുണ്ട്. അതാണോ അയാളിൽ നിങ്ങൾ കാണുന്ന മഹത്വം? പറയണം മിസ്റ്റർ..
രാഷ്ട്രപതി സ്ഥാനം ഏറ്റെടുത്ത ശേഷം രാംനാഥ് കോവിന്ദ് നടത്തിയ പ്രസംഗത്തില്‍ മഹാത്മാ ഗാന്ധിയോടൊപ്പം ഇയാളുടെ പേര് പരാമർശിച്ചിരുന്നു. സ്വാതന്ത്ര ഇന്ത്യയുടെ ശില്പിയും പ്രഥമ പ്രധാനമന്ത്രിയുമായ നെഹ്രുവിന്റെ പേര് ഒഴിവാക്കിക്കൊണ്ടാണ് രാഷ്ട്രപതി ദീന്‍ദയാല്‍ ഉപാധ്യയുടെ കീർത്തനം ചൊല്ലിയത്. അതവരുടെ രാഷ്ട്രീയമാണെന്ന് മനസ്സിലാക്കാം. പക്ഷേ, താങ്കളുടെ രാഷ്ട്രീയമെന്താണ്?. താങ്കളുടെ വിദ്യാഭ്യാസ മന്ത്രിയുടെ രാഷ്ട്രീയമെന്താണ്?.
ഗോഡ്സേയുടെ ജന്മദിനം ആഘോഷിക്കണമെന്ന് കേന്ദ്രത്തിൽ നിന്ന് ഒരു ഇണ്ടാസ് വന്നാൽ താങ്കളും താങ്കളുടെ വിദ്യാഭ്യാസ മന്ത്രിയും അതിനടിയിലും ഒപ്പിട്ട് സ്‌കൂളുകളിലേക്ക് അയക്കുമോ?. അറിയാൻ താത്പര്യമുണ്ട്..