കര്‍ണാടകയില്‍ സര്‍ക്കാര്‍ രൂപികരണവുമായി ബന്ധപ്പെട്ട് നാടകീയത തുടരുന്നു. ബി.ജെ.പിയെ സര്‍ക്കാറുണ്ടാക്കാന്‍ ക്ഷണിച്ച ഗവര്‍ണ്ണറുടെ നടപടിക്കെതിരെ കോണ്‍ഗ്രസ് പാര്‍ട്ടി നേതാക്കള്‍ നല്‍കിയ ഹര്‍ജി ചീഫ് ജസ്റ്റിസ് ദീപക് മിശ്രയെ ഇന്നു രാത്രി തന്നെ പരിഗണിക്കുമോയെന്നതില്‍ അനിശ്ചിതത്വം തുടരുന്നു. ഇതുമായി ബന്ധപ്പെട്ട് ഒരു പ്രതികരണവും വന്നിട്ടില്ല. അതേസമയം ഹര്‍ജി പരിഗണിക്കുകയാണെങ്കില്‍ അത് ജുഡിഷ്യറിയുടെ ചരിത്രത്തില്‍ അപൂര്‍വ്വങ്ങളില്‍ അപൂര്‍വ്വമായിരുക്കും. നേരത്തെ മുംബൈ സ്‌ഫോടന കേസുമായി ബന്ധപ്പെട്ട് യാക്കൂബ് മേമനെ തൂക്കിലേറ്റുന്നതുമായി ബന്ധപ്പെട്ടുള്ള സുപ്രധാന തീരുമാനം സുപ്രീം കോടതി എടുത്തത് രാത്രി വൈകിയായിരുന്നു.

ബി.ജെ.പിയെ സര്‍ക്കാറുണ്ടാക്കാന്‍ ക്ഷണിച്ച ഗവര്‍ണ്ണറുടെ നടപടിക്കെതിരെയാണ് കോണ്‍ഗ്രസ് പാര്‍ട്ടി നേതാക്കളും ജെ.ഡി.എസ് നേതാക്കളും ചീഫ് ജസ്റ്റിസ് ദീപക് മിശ്രയെ കണ്ടത്. രാത്രി വൈകി ചീഫ് ജസ്റ്റിസിനെ കണ്ട പാര്‍ട്ടി നേതാക്കള്‍ ഹര്‍ജി അടിയന്തരമായി കേള്‍ക്കണമെന്ന് ആവശ്യപ്പെട്ടു. ഇതാദ്യമായാണ് രാഷ്ട്രീയ വിഷയുമായി ബന്ധപ്പെട്ട ഒരു കേസ് രാത്രി ചീഫ് ജസ്റ്റിസിന് പരിഗണിക്കേണ്ടി വരുന്നത്. ചീഫ് ജസ്റ്റിസിന്റെ വസതിയിലാണ് കോണ്‍ഗ്രസ്-ജെ.ഡി.എസിന്റെ സംയുക്ത ഹര്‍ജി ദീപക് മിശ്രക്ക് നല്‍കിയത്.

സംഭവുമായി ബന്ധപ്പെട്ട് പൊലീസ് ചീഫ് ജസ്റ്റിസ്റ്റിന്റെ വസതിയിലേക്കുള്ള റോഡ് ബാരികേഡുകള്‍ വെച്ച് തടഞ്ഞു. കടുത്ത സുരക്ഷയാണ് ഇവിടെ ഒരുക്കിയിരിക്കുന്നത്. മാധ്യമ പ്രവര്‍ത്തകര്‍ക്കും ഇവിടേക്ക് ഇപ്പോള്‍ പ്രവേശനം നിഷേധിച്ചിരിക്കുകയാണെന്നാണ് റിപ്പോര്‍ട്ടുകള്‍ പറയുന്നത്. ഗവര്‍ണറുടെ നീക്കത്തിനെതിരെ സ്റ്റേ വാങ്ങി നാളെ ബി.എസ് യെദ്യൂരപ്പയുടെ സത്യപ്രതിജ്ഞാ ചടങ്ങ് ഏത് വിധേനയും തടയാമെന്ന പ്രതീക്ഷയിലാണ് കോണ്‍ഗ്രസും ജെ.ഡി.എസ്സും. അതേസമയം നാളെ നടക്കാനുള്ള സത്യപ്രതിജ്ഞാ ചടങ്ങിന് ഒരുക്കത്തിലാണ്.

നാളെ രാവിലെ ഒമ്പത് മണിക്കാണ് സത്യപ്രതിജ്ഞാ ചടങ്ങ് നിശ്ചയിച്ചിരിക്കുന്നത്. കോടതി സമയം രാവിലെ 10.30ന് ആരംഭിക്കുമെന്നിരിക്കെ ഇതിനു മുമ്പ് സത്യപ്രതിജ്ഞാ ചടങ്ങ് നടത്താമെന്ന പ്രതീക്ഷയിലാണ് ബി.ജെ.പി. അതുക്കൊണ്ടു തന്നെയാണ് ആദ്യം 12 മണിക്ക് നിശ്ചയിച്ചിരുന്ന ചടങ്ങ് ഒമ്പതിലേക്ക് മാറ്റിയത്.

ജോസഫിനെ സുപ്രീം കോടതി ജഡ്ജിയാക്കാനുള്ള കൊളീജിയം ശിപാര്‍ശ കഴിഞ്ഞ മാസം കേന്ദ്രം മടക്കിയിരുന്നു. ശിപാര്‍ശ മടക്കാന്‍ കേന്ദ്രത്തിന് അധികാരമുണ്ടെന്ന നിലപാടാണ് ചീഫ് ജസ്റ്റീസ് ദീപക് മിശ്ര പ്രകടിപ്പിച്ചിരുന്നത്. എന്നാല്‍ ജസ്റ്റീസ് ജോസഫിന്റെ പേര് വീണ്ടും കേന്ദ്രത്തിന് അയക്കണമെന്ന് കൊളീജിയം അംഗമായ ജസ്റ്റീസ് ജെ.ചെലമേശ്വര്‍ ഉറച്ച നിലപാട് സ്വീകരിച്ചിരുന്നു. ഇതിനിടെയാണ് കൊളീജിയം യോഗം ചേര്‍ന്നിരുന്നതും ജോസഫിന്റെ പേര് വീണ്ടും അയക്കാന്‍ തീരുമാനമായതും.

തെലങ്കാന, രാജസ്ഥാന്‍, കൊല്‍ക്കത്ത ഹൈക്കോടതിയിലെ ജഡ്ജിമാരേക്കൂടി സുപ്രീംകോടതി ജഡ്ജിമാരായി ഉയര്‍ത്തുന്ന വിഷയവും കൊളീജിയം ഇന്നു ചര്‍ച്ച ചെയ്തു. അതേസമയം ഈ ജഡ്ജിമാരുടെ പേരിനൊപ്പം കെ.എം ജോസഫിന്റെ പേര് ചേര്‍ക്കണോ അതോ പ്രത്യേകമായി മറ്റൊരു ശുപാര്‍ശയായി കെ.എം. ജോസഫിന്റെ പേര് നല്‍കണോ എന്ന കാര്യത്തില്‍ ഇന്നു ചേര്‍ന്ന യോഗത്തില്‍ തീരുമാനമെടുക്കാനായില്ല.

ജസ്റ്റിസ് ചെലമേശ്വറിന്റെ ബെഞ്ചിലായിരുന്നു കഴിഞ്ഞ ദിവസം കോണ്‍ഗ്രസ് എം.പിമാര്‍ ഹരജി നല്‍കിയത്. നിങ്ങള്‍ ചീഫ് ജസ്റ്റിസിന്റെ ബെഞ്ചിലാണ് ഹരജി നല്‍കേണ്ടത് എന്ന് ചെലമേശ്വര്‍ പറഞ്ഞപ്പോള്‍ ഇത് അദ്ദേഹം കക്ഷിയായ ഹരജിയാണെന്നും അതിനാല്‍ രണ്ടാമത്തെ മുതിര്‍ന്ന ജഡ്ജിയായ അങ്ങ് പരിഗണിക്കണമെന്നും കബില്‍ സിബലും പ്രശാന്ത് ഭൂഷണും കോടതിയെ അറിയിച്ചു. എങ്കില്‍ നാളെ ഓര്‍മ്മിപ്പിക്കൂ എന്നായിരുന്നു ചെലമേശ്വറിന്റെ മറുപടി.

ചെലമേശ്വര്‍ ഹരജി പരിഗണിക്കുന്നത് തടയാന്‍ തന്ത്രങ്ങള്‍ മെനഞ്ഞ ദീപക് മിശ്ര രാത്രി തന്നെ തന്റെ വിശ്വസ്തനായ ജസ്റ്റിസ് സിക്രിയുടെ നേതൃത്വത്തില്‍ തിരക്കിട്ട് അഞ്ചംഗ ഭരണഘടനാ ബെഞ്ച് രൂപീകരിച്ച് ഹരജി ചെലമേശ്വറിന്റെ ബെഞ്ചില്‍ നിന്ന് മാറ്റുകയായിരുന്നു. ഭരണഘടനാ ബെഞ്ച് ഹരജി പരിഗണിച്ചപ്പോഴായിരുന്നു നാടകീയ രംഗങ്ങള്‍ അരങ്ങേറിയത്.

ചീഫ് ജസ്റ്റിസ് ദീപക് മിശ്രയുടെ തന്ത്രങ്ങള്‍ക്ക് ഭരണഘടനയുടെ 145 (3) കൊണ്ട് കപില്‍ സിബല്‍ മറുപടി നല്‍കിയപ്പോള്‍ അഞ്ചംഗ ഭരണഘടനാ ബെഞ്ച് ഒന്നാകെ മറുപടിയില്ലാതെ വെള്ളം കുടിച്ചു. കോടതിക്ക് മുമ്പാകെ ഇനിയും എത്താത്ത ഒരു ഹരജി എങ്ങിനെ അഞ്ചംഗ ഭരണഘടനാ ബെഞ്ചിന് വിടുമെന്ന ചോദ്യത്തിന് അര മണിക്കൂര്‍ ആലോചിച്ചിട്ടും അഞ്ച് ജഡ്ജിമാര്‍ക്കും മറുപടി പറയാനായില്ല.

ഇതിനിടയില്‍ ലളിതമായ ഒരേ ഒരു ആവശ്യമേ സിബല്‍ ഉന്നയിച്ചുള്ളൂ. കോടതി ലിസ്റ്റ് പോലും ചെയ്യാത്ത തങ്ങളുടെ ഹരജി അഞ്ചംഗ ബെഞ്ചിലേക്ക് മാറ്റി ദീപക് മിശ്ര പുറപ്പെടുവിച്ച ഉത്തരവിന്റെ ഒരു കോപ്പി നല്‍കണം. ചീഫ് ജസ്റ്റിസിന്റെ കളിയറിയുന്ന, അദ്ദേഹത്തിന് ഇഷ്ടപ്പെട്ട ബെഞ്ച്, ഉത്തരവ് നല്‍കുമെന്നോ നല്‍കില്ലെന്നോ പറയാനാകാതെ വിഷമവൃത്തത്തിലായി. താങ്കള്‍ കേസ് വാദിച്ചു തുടങ്ങിക്കോളൂ, അക്കാര്യത്തില്‍ ഞങ്ങള്‍ ആലോചിച്ച് തീരുമാനം പറയാമെന്നായി ബെഞ്ചിനെ നയിക്കുന്ന സിക്രി. ഉത്തരവിന്റെ കോപ്പി നല്‍കുമോ ഇല്ലേ എന്ന് പറഞ്ഞേ മതിയാകൂ എന്ന് നിലപാടില്‍ കബില്‍ സിബല്‍ ഉറച്ച് നിന്നതോടെ ജഡ്ജിമാര്‍ മറുപടിയില്ലാതെ കുഴങ്ങി. കോപ്പി നല്‍കാതെ വാദം തുടങ്ങാന്‍ സാധ്യമല്ലെന്ന് വ്യക്തമാക്കിയ സിബല്‍ ഹരജി പിന്‍വലിക്കുന്നതായി കോടതിയെ അറിയിച്ചു. തുടര്‍ന്ന് ഹരജി പിന്‍വലിച്ചതിനാല്‍ തുടര്‍നടപടികള്‍ അവസാനിപ്പിച്ചതായി കോടതി പ്രഖ്യാപിക്കുകയായിരുന്നു.

ഹര്‍ജി ജസ്റ്റിസ് ചെലമേശ്വറിന്റെ ശ്രദ്ധയില്‍ പെടുത്താനായിരുന്നു കോണ്‍ഗ്രസ് നീക്കം. ഇത് തടയാനാണ് തിരക്കിട്ട നീക്കത്തിലൂടെ ഹര്‍ജി ഭരണഘടനാ ബെഞ്ചിന് വിട്ടത്. കഴിഞ്ഞ ദിവസം മുതിര്‍ന്ന അഭിഭാഷകരായ കബില്‍ സിബലും പ്രശാന്ത് ഭൂഷണും ഹര്‍ജി ചെലമേശ്വറിന്റെ ശ്രദ്ധയില്‍ പെടുത്തിയപ്പോള്‍ നാളെ വരൂ എന്നായിരുന്നു അദ്ദേഹം പറഞ്ഞത്.

ഗുരുതരമായ ഭരണഘടനാ പ്രശ്‌നമായിട്ട് പോലും യാതൊരു ചര്‍ച്ചയുമില്ലാതെ ഹര്‍ജി തള്ളിയ ഉപരാഷ്ട്രപതിയുടെ നടപടിക്കെതിരെ രാജ്യസഭാ എം.പിമാരായ പ്രതാപ് സിങ് ബജ്വ, അമീ ഹര്‍ഷദ് റായ് യജ്‌നിക് എന്നിവരാണ് സുപ്രീം കോടതിയെ സമീപിച്ചത്. രാജ്യസഭാ ചട്ടങ്ങള്‍ ലംഘിച്ചാണ് നോട്ടീസ് നല്‍കിയതെന്ന് പറഞ്ഞാണ് ഉപരാഷ്ട്രപതി നോട്ടീസ് തള്ളിയത്.

മെഡിക്കല്‍ കോഴക്കേസില്‍ ചീഫ് ജസ്റ്റിസിന്റെ പേര് പരാമര്‍ശിക്കുന്നതടക്കം അഞ്ച് പ്രധാന വിഷയങ്ങള്‍ ചൂണ്ടിക്കാട്ടിയാണ് പ്രതിപക്ഷം നോട്ടീസ് നല്‍കിയിരുന്നത്. തനിക്കെതിരെ തന്നെയുള്ള കേസ് പരിഗണിച്ച് വിധി പറഞ്ഞതിലൂടെ അധികാരദുര്‍വിനിയോഗം, മാസ്റ്റര്‍ ഓഫ് റോസ്റ്റര്‍ അധികാരത്തിന്റെ ദുര്‍വിനിയോഗം, ഭൂമി വാങ്ങാനായി തെറ്റായി സത്യവാങ്മൂലം നല്‍കല്‍, ചീഫ് ജസ്റ്റിസിനെതിരേയുള്ള ഹര്‍ജി സ്വയം കേള്‍ക്കുന്നതിനായി മെമ്മോ തിയ്യതി തിരുത്തല്‍ തുടങ്ങിയ ആരോപണങ്ങളും ചീഫ് ജസ്റ്റിസിനെതിരെ ഉയര്‍ന്നിരുന്നു.

സുപ്രീംകോടതിയിലെ പ്രശ്‌നങ്ങളും ഭാവിയും ചര്‍ച്ച ചെയ്യണമെന്നാണ് ആവശ്യം. ഇംപീച്ച്‌മെന്റ് വിവാദത്തിന്റേയും കൂടി പശ്ചാത്തലത്തിലാണ് കത്ത് അയച്ചത്. സുപ്രീംകോടതിയിലെ മുഴുവന്‍ ജഡ്ജിമാരുടെയും യോഗമാണ് ഫുള്‍ കോര്‍ട്ട്. ജുഡീഷ്യറിയുടെ സ്വാതന്ത്ര്യം അടിയറ വെക്കപ്പെടുന്ന സാഹചര്യം ചര്‍ച്ചചെയ്യാന്‍ മുഴുവന്‍ ജഡ്ജിമാരുടെയും യോഗം (ഫുള്‍ കോര്‍ട്ട്) വിളിക്കണമെന്ന് ജസ്റ്റിസ് ജസ്തി ചെലമേശ്വര്‍ ആവശ്യപ്പെട്ടിരുന്നു. ഇതിനായി ചീഫ് ജസ്റ്റിസ് ദീപക് മിശ്രയ്ക്ക് അദ്ദേഹം മുമ്പ് കത്ത് അയച്ചിരുന്നു. ജുഡീഷ്യറിയില്‍ കേന്ദ്ര സര്‍ക്കാര്‍ അവിഹിതമായി ഇടപെടുന്നുവെന്നും കൊളീജിയം തീരുമാനങ്ങള്‍ അവഗണിക്കുന്നുവെന്നുമായിരുന്നു ചെലമേശ്വറിന്റെ ആരോപണം.അന്ന് കത്തിന്റെ പകര്‍പ്പ് സുപ്രീം കോടതിയിലെ മറ്റ് 22 ജഡ്ജിമാര്‍ക്കും അദ്ദേഹം ലഭ്യമാക്കിയിരുന്നു.

കഴിഞ്ഞ ജനുവരി 12നു ചീഫ് ജസ്റ്റിസ് ദീപക് മിശ്രയ്‌ക്കെതിരെ പത്രസമ്മേളനം നടത്തി അധികാര ദുര്‍വിനിയോഗ ആരോപണമുന്നയിച്ച നാലു സുപ്രീം കോടതി ജഡ്ജിമാരിലൊരാളാണ് ജസ്റ്റിസ് ചെലമേശ്വര്‍.

ചീഫ് ജസ്റ്റിസിനെതിരായ ഇംപീച്ച്‌മെന്റ് പ്രമേയം രാജ്യസഭാ അധ്യക്ഷന്‍ തള്ളിയതിന് പിന്നാലെയാണ് ഫുള്‍ കോര്‍ട്ട് വിളിക്കണമെന്ന ആവശ്യവുമായി ജഡ്ജിമാര്‍ കത്ത് നല്‍കിയിരിക്കുന്നത്. സുപ്രീം കോടതിയുടെ പ്രവര്‍ത്തനത്തില്‍ എല്ലാ ജഡ്ജിമാരുടേയും ഇടപെടല്‍ വേണമെന്നാവശ്യപ്പെട്ട് ഈ ജഡ്ജിമാര്‍ മുമ്പ് രണ്ട് തവണ ചീഫ് ജസ്റ്റിസിന് കത്ത് നല്‍കിയിരുന്നുവെങ്കിലും അതിനോട് പ്രതികരിക്കാന്‍ ചീഫ് ജസ്റ്റിസ് തയ്യാറായിരുന്നില്ല.

ഒക്ടോബറില്‍ ദീപക് മിശ്ര വിരമിച്ചാല്‍ ചീഫ് ജസ്റ്റിസ് ആവേണ്ട ജഡ്ജിയാണ് ജസ്റ്റിസ് രഞ്ജന്‍ ഗോഗോയ്. അതിനിടെ ഗോഗോയ് ചീഫ് ജസ്റ്റിസാവുന്നത് തടയാന്‍ മോദി സര്‍ക്കാര്‍ പെന്‍ഷന്‍ പ്രായം വര്‍ധിപ്പിച്ച് ദീപക് മിശ്രക്ക് കാലാവധി നീട്ടി നല്‍കാന്‍ ശ്രമം നടത്തുന്നതായും സൂചനയുണ്ട്.

ദീപക് മിശ്രയ്‌ക്കെതിരെ ഇംപീച്‌മെന്റനോട്ടീസില്‍ ചിദംബരം ഒപ്പിടാതിരുന്നത് സുപ്രീം കോടതിയില്‍ ചിദംബരത്തിന് തീര്‍ക്കാന്‍ കേസുകള്‍ ഒരുപാടുള്ളതിനാലാണെന്നും അദ്ദേഹത്തോട് ഒപ്പിടാന്‍ ഞങ്ങള്‍ ആവശ്യപ്പെട്ടിട്ടില്ലെന്നും രാജ്യസഭാ ചെയര്‍മാന്‍ വെങയ്യ നായിഡിനുവിന് ഇംപീച്ച്‌മെന്റ് നോട്ടീസ് തീരുമാനമെടുക്കാനാവില്ലെന്നും കബില്‍ സിബില്‍ മാധ്യമങ്ങളോട് പറഞ്ഞു. അതേസമയം ദീപക് മിശ്രക്കെതിരായ ഇംപീച്‌മെന്റ് നോട്ടീസ് അദ്ദേഹത്തിനെതിരായ ആരോപണങ്ങളില്‍ മതിയായ തെളിവില്ലെന്ന് പറഞ്ഞ് ഉപരാഷ്ട്രപതി തള്ളി.

ഇന്ന് മുതല്‍ ദീപക് മിശ്ര വിരമിക്കുന്നത് വരെ ഞാന്‍ കോടതിയില്‍ ഹാജരാവില്ല. അതെന്റെ ജോലിയുടെ അന്തസിന് ചേര്‍ന്നതല്ല. രാജ്യസഭാ ചെയര്‍മാന്‍ വെങയ്യ നായിഡിനുവിന് ഇംപീച്ച്‌മെന്റ് നോട്ടീസ് തീരുമാനമെടുക്കാനാവില്ല. അദ്ദേഹത്തിന് അതിന്റെ നടപടിക്രമങ്ങള്‍ നിശ്ചയിക്കാന്‍ മാത്രമേ അധികാരമുള്ളൂ. ആവശ്യമായത്രയും അംഗങ്ങളുടെ ഒപ്പുണ്ടെങ്കില്‍ അദ്ദേഹം വിഷയം ജഡ്ജിമാരടങ്ങിയ കമ്മിറ്റിക്ക് വിടണം. അദ്ദഹത്തിനത് തള്ളാന്‍ അധികാരമില്ല. കബില്‍ സിബില്‍ മാധ്യമങ്ങളോട് പറഞ്ഞു.

കോണ്‍ഗ്രസ് നേതാവ് ഗുലാം നബി ആസാദിന്റെ നേതൃത്വത്തില്‍ വെള്ളിയാഴ്ചയാണ് പ്രതിപക്ഷ നേതാക്കള്‍ സുപ്രീംകോടതി ചീഫ് ജസ്റ്റിസ് ദീപക് മിശ്രയ്‌ക്കെതിരെ ഇംപീച്‌മെന്റ് നോട്ടിസ് നല്‍കിയത്. അതേസമയം നോട്ടീസ് ചീഫ് ജസ്റ്റിസ് ദീപക് മിശ്രക്കെതിരായ ഇംപീച്ച്‌മെന്റ് നോട്ടീസ് രാജ്യസഭാ ചെയര്‍മാന്‍ വെങ്കയ്യ നായിഡുതള്ളി. ദീപക് മിശ്രക്കെതിരായ ആരോപണങ്ങള്‍ക്ക് തെളിവില്ല എന്നും എം.പിമാര്‍ രാജ്യസഭാ ചട്ടങ്ങള്‍ ലംഘിച്ചെന്നും ചൂണ്ടിക്കാട്ടിയാണ് നോട്ടീസ് തള്ളിയത്. ഇംപീച്ച്‌മെന്റ് നോട്ടീസ് നല്‍കിയതിനു ശേഷം ഇതു സംബന്ധിച്ച് മാധ്യമങ്ങളോട് എം.പിമാര്‍ പൊതു ചര്‍ച്ച ചെയ്‌തെന്നും ഇതു ചട്ടലംഘനമാണെന്നും വെങ്കയ നായിഡു വ്യക്തമാക്കി. അതേസമയം നടപടിക്കെതിരെ കോടതിയെ സമീപി്ക്കുമെന്ന് പ്രതിപക്ഷ പാര്‍ട്ടികള്‍ അറിയിച്ചു. ഇന്നത്തെ സുപ്രീം കോടതി നടപടികള്‍ തുടങ്ങും മുമ്പാണ് ഉപരാഷ്ട്രപതി നോട്ടീസ് തള്ളിയത്

ജസ്റ്റിസ് ലോയ കേസില്‍ സ്വതന്ത്ര അന്വേഷണം വേണ്ടെന്ന ദീപക് മിശ്ര അധ്യക്ഷനായ ബെഞ്ചിന്റെ വിധിയോടെയാണ് ഇംപീച്ച്‌മെന്റ നടപടികള്‍ വേഗത്തിലാക്കിയത്. കോണ്‍ഗ്രസ്, ആര്‍.ജെ.ഡി, എന്‍.സി.പി, സി.പി.ഐ.എം, സി.പി.ഐ, സമാജ് വാദി പാര്‍ട്ടി, ബി.എസ്.പി. എന്നീ പാര്‍ട്ടികളാണ് നോട്ടീസില്‍ ഒപ്പുവെച്ചത്.

കോണ്‍ഗ്രസ് നേതാവ് ഗുലാം നബി ആസാദിന്റെ നേതൃത്വത്തില്‍ വെള്ളിയാഴ്ചയാണ് പ്രതിപക്ഷ നേതാക്കള്‍ സുപ്രീംകോടതി ചീഫ് ജസ്റ്റിസ് ദീപക് മിശ്രയ്‌ക്കെതിരെ ഇംപീച്‌മെന്റ് നോട്ടിസ് നല്‍കിയത്. അതേസമയം നോട്ടീസ് രാജ്യസഭാ ചെയര്‍മാന്‍ വെങ്കയ്യ നായിഡു തള്ളുകയാണെങ്കില്‍ കോടതിയെ സമീപിക്കുമെന്ന് കോണ്‍ഗ്രസ് നേരത്തെ വ്യക്തമാക്കിയിരുന്നു. രാജ്യസഭാ ചെയര്‍മാന്‍ നായിഡു നോട്ടീസ് അംഗീകരിക്കുന്നില്ലെങ്കില്‍ ജുഡീഷ്യല്‍ റിവ്യൂവിനായി ശ്രമിക്കുമെന്നാണ് കോണ്‍ഗ്രസ് നേതാക്കള്‍ അറിയിച്ചത്. ചീഫ് ജസ്റ്റിസിനെ പ്രതിരോധിക്കാന്‍ ഭരണ കക്ഷിയായ ബി.ജെ.പി എന്തിനാണ് രംഗത്തെത്തിയതെന്നും കോണ്‍ഗ്രസ് ചോദിച്ചിരുന്നു.

ഇംപീച്ച്‌മെന്റ് നടപടികള്‍ക്കായി പാര്‍ട്ടികള്‍ ശ്രമം തുടങ്ങിയതോടെ ജുഡീഷ്യല്‍ ഡ്യൂട്ടിയില്‍ നിന്നും ധാര്‍മികതയുടെ പേരില്‍ ചീഫ് ജസ്റ്റിസ് മാറി നില്‍ക്കണമെന്ന സമ്മര്‍ദ്ദ തന്ത്രവും കോണ്‍ഗ്രസ് പ്രയോഗിക്കുന്നുണ്ട്. ഇംപീച്ച്‌മെന്റ് നോട്ടീസിന്‍മേല്‍ രാജ്യസഭാ ചെയര്‍മാന്റെ തീരുമാനം ഉടന്‍ ഉണ്ടാവുമെന്നാണ് കോണ്‍ഗ്രസ് പ്രതീക്ഷിക്കുന്നത്. ആരോപണങ്ങളില്‍ നിന്നും മുക്തമാകുന്നത് വരെ ചീഫ് ജസ്റ്റിസ് കോടതി നടപടികളില്‍ നിന്നും സ്വയം വിട്ടു നില്‍ക്കണമെന്നാണ് കോണ്‍ഗ്രസിന്റെ ആവശ്യം. ചീഫ് ജസ്റ്റിസിനെ പ്രതിരോധിക്കാന്‍ ഭരണ കക്ഷിയായ ബി.ജെ.പി രംഗത്തെത്തിയതിനെയും കോണ്‍ഗ്രസ് വിമര്‍ശിച്ചു.

ജുഡീഷ്യല്‍ സംവിധാനത്തിന്റെ സ്വതന്ത്ര ചുമതലക്കാരനാവേണ്ട ചീഫ് ജസ്റ്റിസിന്റെ പദവിയുമായി ബി.ജെ.പി ഒത്തു പോവുകയാണെന്നും നീതിന്യായ സംവിധാനത്തിന്റെ സ്വാതന്ത്ര്യത്തിനെതിരായ പ്രവര്‍ത്തനമാണ് ഇതുവഴി ബി.ജെ.പി ചെയ്യുന്നതെന്നും കോണ്‍ഗ്രസ് ആരോപിച്ചു. തന്റെ ഓഫീസിനെ രാഷ്ട്രീയ വല്‍ക്കരിക്കരുതെന്ന് ചീഫ് ജസ്റ്റിസ് തന്നെ ബി.ജെ.പിയോട് പറയണമെന്നും കോണ്‍ഗ്രസ് നേതാവ് രണ്‍ദീപ് സിങ് സുര്‍ജേവാല പറഞ്ഞു. ചീഫ് ജസ്റ്റിസ് ഒരു പാര്‍ട്ടിയിലും പെട്ട ആളല്ല. പിന്നെ എന്തു കൊണ്ട് അദ്ദേഹത്തെ മാത്രം പ്രതിരോധിക്കാന്‍ ബി.ജെ.പി മന്ത്രിമാരും നേതാക്കളും രംഗത്തു വരുന്നെന്നും സുര്‍ജേവാല ചോദിച്ചു. ചീഫ് ജസ്റ്റിസ് എപ്പോഴും സംശയത്തിന് അതീതനാവണം.

ചീഫ് ജസ്റ്റിസിന്റെ പ്രവര്‍ത്തനം സംശയകരമാണെങ്കില്‍ അദ്ദേഹം സ്വയം വിട്ടു നില്‍ക്കുകയാണ് വേണ്ടത.് ‘സീസറുടെ ഭാര്യ സംശയത്തിന് അതീതയാവണം’. അതിനാല്‍ തന്നെ ഇക്കാര്യം ചീഫ് ജസ്റ്റിസിന്റെ തന്നെ പരിഗണനക്കു വിടുകയാണെന്നും അദ്ദേഹം കൂട്ടിച്ചേര്‍ത്തു. രാജ്യം മുഴുവനും ചീഫ് ജസ്റ്റിസിന്റെ ഉത്തരത്തിനായി കാത്തിരിക്കുകയാണ്. അദ്ദേഹം സ്വമേധയാ തനിക്കെതിരായ അന്വേഷണം പ്രഖ്യാപിക്കുമെന്നാണ് കരുതുന്നതെന്ന് കോണ്‍ഗ്രസ് നേതാവും രാജ്യസഭാ എം.പിയുമായ വിവേക് തന്‍ക പറഞ്ഞു.

ജഡ്ജിമാരുടെ വിശ്വാസ്യത വലിയ ആദരവോടെയാണ് രാജ്യത്തെ പൗരന്‍മാര്‍ നോക്കിക്കാണുന്നത്. എന്തെങ്കിലും നേരിയ സംശയം ഉണ്ടെങ്കില്‍ പോലും അത് നിവാരണം ചെയ്യേണ്ടത് പാര്‍ലമെന്റിന്റെ കടമയാണെന്നും രാജ്യസഭാംഗവും മുതിര്‍ന്ന അഭിഭാഷകനുമായ കെ.ടി.എസ് തുളസി പറഞ്ഞു. കടുത്ത ദുഖത്തോടു കൂടിയാണ് എം.പിമാരായ തങ്ങള്‍ ഈ ജോലി ചെയ്യുന്നത്. പക്ഷേ ഇത് രാജ്യത്തിന്റെ ജനാധിപത്യത്തിനും രാജ്യത്തിനും വേണ്ടിയാണെന്നും അല്ലാത്ത പക്ഷം അത് സുപ്രീം കോടതിയുടെ നാശത്തിന് വഴിവെക്കുമെന്നും അദ്ദേഹം കൂട്ടിച്ചേര്‍ത്തു. കോണ്‍ഗ്രസിന്റെ നേതൃത്വത്തില്‍ ഏഴ് പ്രതിപക്ഷ പാര്‍ട്ടികള്‍ കഴിഞ്ഞ ആഴ്ചയാണ് സുപ്രീം കോടതി ചീഫ് ജസ്റ്റിസിനെതിരെ ഇംപീച്ച്‌മെന്റ് നോട്ടീസ് നല്‍കിയത്.