Deewali – Chandrika Daily

ദീപാവലിക്ക് വീട് വൃത്തിയാക്കി; മാലിന്യ കൂട്ടത്തില്‍ പെട്ട 4 ലക്ഷം രൂപയുടെ സ്വര്‍ണാഭരണം തിരിച്ചു കിട്ടി

webdesk17 — Thu, 31 Oct 2024 10:30:19 +0000

ദീപാവലി പ്രമാണിച്ച് വീട് വൃത്തിയാക്കുന്നതിനിടെ നാല് ലക്ഷം രൂപയുടെ സ്വര്‍ണാഭരണം മാലിന്യ കൂട്ടത്തില്‍ പെട്ടു. മാലിന്യ ട്രക്കിലേക്ക് എറിഞ്ഞെന്ന് അമളി മനസിലാക്കിയ കുടുംബം മുന്‍സിപ്പല്‍ കോര്‍പറേഷനെ സമീപിക്കുകയായിരുന്നു. രാജസ്ഥാനിലെ ഭില്വാര സ്വദേശി ചിരാഗ് ശര്‍മയാണ് മുന്‍സിപ്പല്‍ കോര്‍പറേഷനെ സമീപിച്ചത്.

ദീപാവലി ആഘോഷങ്ങളുടെ ഭാഗമായി വീട് വൃത്തിയാക്കുന്നതിനിടെ സ്വര്‍ണ്ണാഭരണങ്ങള്‍ സുരക്ഷിതമായി ഒരു കവറിലാക്കി മാറ്റിവെച്ചിരുന്നു. എന്നാല്‍ ഇതിനിടെ മാലിന്യം ശേഖരിക്കാന്‍ ട്രക്ക് എത്തിയതോടെ ധൃതിയില്‍ മാലിന്യങ്ങള്‍ക്കൊപ്പം സ്വര്‍ണം സൂക്ഷിച്ച കവറും ട്രക്കിലേക്ക് എറിഞ്ഞു. ഏറെ നേരം കഴിഞ്ഞാണ് ഇകാര്യം ചിരാഗ് തിരിച്ചറിയുന്നത്. ഉടനെ മുന്‍സിപ്പല്‍ കോര്‍പറേഷന്‍ മേയറെ വിളിച്ച് വിവരമറിയിച്ചു.

മേയര്‍ അറിയിച്ചതിനെ തുടര്‍ന്ന് മാലിന്യം തള്ളുന്ന ട്രക്ക് ഡ്രൈവറെ ബന്ധപ്പെടുകയും ട്രക്ക് പോയ വഴി പിന്തുടരുകയും ചെയ്തതായി വാര്‍ഡ് നമ്പര്‍ 27 സൂപ്പര്‍വൈസര്‍ പറഞ്ഞു. കുറച്ച് നേരം ഇത് നിരീക്ഷിച്ചതിന് ശേഷമാണ് മാലിന്യ കൂമ്പാരത്തില്‍ മാലിന്യം ഇറക്കിയതായി കണ്ടെത്തിയത്. തുടര്‍ന്ന് അവര്‍ സ്ഥലത്തെത്തി. വലിയ മാലിന്യക്കൂമ്പാരത്തിനിടയില്‍ നഷ്ടപ്പെട്ട സ്വര്‍ണം കണ്ടെത്തി. തുടര്‍ന്ന് അത് കുടുംബത്തിന് തിരികെ നല്‍കി.

ദീപാവലി ആഘോഷം മൂലം ഡല്‍ഹിയില്‍ വായുമലിനീകരണ തോത് ഗുരുതര വിഭാഗത്തില്‍

webdesk17 — Thu, 31 Oct 2024 08:43:23 +0000

ഡല്‍ഹിയില്‍ ദീപാവലി ആഘോഷം മൂലം വായുമലിനീകരണ തോത് ഗുരുതര വിഭാഗത്തില്‍. 419 ആണ് വായുഗുണനിലവാര സൂചിക. നിരോധനം മറികടന്ന് പടക്കം പൊട്ടിച്ചതിന് ഡല്‍ഹിയില്‍ 19 പേരെ അറസ്റ്റ് ചെയ്തു.

ഡല്‍ഹിയില്‍ വായുമലിനീകരണം നിലനില്‍ക്കുന്ന സാഹചര്യത്തില്‍ പടക്കം പൊട്ടിച്ച് ദീപാവലി കൂടെ ആഘോഷിച്ചതോടെ വായു ഗുണനിലവാരം ഗുരുതര വിഭാഗത്തിലേക്കെത്തുകയായിരുന്നു. പടക്കം പൊട്ടിക്കരുതെന്ന് സര്‍ക്കാര്‍ കര്‍ശന നിര്‍ദേശം നല്‍കുകിയിരുന്നു. പൊലീസിന്റെ പ്രത്യേക പരിശോധന ഉണ്ടായിരുന്നെകിലും ദീപീാവലിയുടെ ഭാഗമായി ഇന്നലെ രാത്രി പടക്കവും പൊട്ടിച്ചു.

ഹരിയാന, ഉത്തര്‍പ്രദേശ് അതിര്‍ത്തികളില്‍ നിന്നാണ് പടക്കം എത്തിക്കുന്നത്.

സുപ്രീം കോടതി ഇടപെടലിനെ തുടര്‍ന്ന് 2017ല്‍ ആദ്യമായി പടക്ക നിരോധനം നടപ്പിലാക്കിയിരുന്നു. 2020 മുതല്‍ എല്ലാ ശൈത്യകാലത്തും പടക്കങ്ങള്‍ക്കു വിലക്ക് ഏര്‍പ്പെടുത്തുന്നുണ്ട്.

അതേസമയം മലിനീകരം കുറയ്ക്കുന്നതിനുവേണ്ടി കൃത്രിമ മഴ പെയ്യിക്കാന്‍ ആവശ്യപ്പെട്ടിട്ടും കേന്ദ്രസര്‍ക്കാര്‍ നടപടി സ്വീകരിക്കുന്നില്ലെന്ന് ഡല്‍ഹി സര്‍ക്കാര്‍ ആരോപിച്ചു.

ദീപാവലി ആഘോഷത്തില്‍ ഷാരൂഖിനൊപ്പം ചുവടു വെച്ച് രണ്‍ബീര്‍

chandrika — Sat, 21 Oct 2017 07:26:28 +0000

ഷാരൂഖ് ഖാനും രണ്‍ബീര്‍ കപൂറും ഒരുമിച്ച ഡാന്‍സ് ചെയ്യുന്ന വീഡിയോ സമൂഹ മാധ്യമങ്ങളില്‍ വൈറലാവുന്നു. ദീപാവലി ആഘോഷത്തിനിടയിലായിരുന്നു ഒരു ഹിന്ദി സിനിമയുടെ ഗാനത്തിന് ഇരുവരും ചുവടു വെച്ചത്. കഭി ഖുശി കഭി ഗം എന്ന ചിത്രത്തിലെ ബോലെ ചുദിയ ബോലെ കങ്കണ എന്ന ഗാനത്തിലാണ് ഇരുവരും ചുവടുവച്ചത്. ഷാറൂഖ് ഖാന്‍ ചുവടു വെച്ചു തുടങ്ങിയപ്പോള്‍ രണ്‍ബീര്‍ അനുകരിക്കുകയായിരുന്നു.

https://youtu.be/sS_UvSBtfec

തന്റെ വിശ്വാസത്തെ ആരും ചോദ്യം ചെയ്യേണ്ട, ദീപാവലി ആഘോഷത്തെ ന്യായീകരിച്ച യോഗി

chandrika — Thu, 19 Oct 2017 14:36:53 +0000

അയോധ്യ: തനിക്ക് തന്റേതായ വിശ്വാസമുണ്ടെന്നും അതില്‍ ആരും ഇടപെടരുതെന്നും യു പി മുഖ്യമന്ത്രി യോഗി ആദിത്യനാഥ്. അയോധ്യയില്‍ ദീപാവലി ആഘോഷിച്ചതിനെ തുടര്‍ന്ന് ഉയര്‍ന്നു വന്ന പ്രതിപക്ഷത്തിന്റെ വിമര്‍ശനങ്ങള്‍ക്കെതിരെ പ്രതികരിക്കുകയായിരുന്നു അദ്ദേഹം.
ഇത് തന്റെ വ്യക്തിപരമായ കാര്യമാണ് ഇതില്‍ ഇടപെടാന്‍ പ്രതിപക്ഷത്തിന് എങ്ങനെയാണ് സാധിക്കുക- അദ്ദേഹം പറഞ്ഞു. ദീപാവലിയോടനുബന്ധിച്ച് ധാരാളം വിശ്വാസികള്‍ എത്തുന്ന സ്ഥലമാണ് അയോധ്യ. അവിടെയെത്തുന്നവര്‍ക്ക് സ്വഛ് ഭാരത് മിഷന്റെ ഭാഗമായി അടിസ്ഥാന സൗകര്യങ്ങളും സുരക്ഷാപ്രവര്‍ത്തനങ്ങളും വിലയിരുത്താനാണ് അയോധ്യയിലെത്തിയതെന്നും അദ്ദേഹം പറഞ്ഞു. ഇതിനു പുറമെ ഒരു മുഖ്യമന്ത്രിയെന്ന നിലയില്‍ സംസ്ഥാനത്തെ എല്ലായിടത്തും സന്ദര്‍ശനം നടത്തുകയെന്നത് തന്റെ കടമയാണെന്നും അദ്ദേഹം കൂട്ടിച്ചേര്‍ത്തു.
താജ്മഹല്‍ ഇന്ത്യന്‍ സംസ്‌കാരത്തിന് കളങ്കമാണെന്ന ബിജെപി എംഎല്‍എ സംഗീത് സോം കഴിഞ്ഞ ദിവസം പ്രഖ്യാപിച്ചിരുന്നു. എന്നാല്‍ താജ് മഹല്‍ ഇന്ത്യയുടെ പ്രധാന ടൂറിസ്റ്റ് കേന്ദ്രമാണെന്നും അതിന്റെ വികസന കാര്യങ്ങള്‍ക്ക് കൂടുതല്‍ പ്രാധാന്യം നല്‍കുമെന്നും യോഗി അറിയിച്ചു.