രാവിലെ എട്ടുമണിക്ക് കോടതി കേസ് പരിഗണിച്ചെങ്കിലും മറ്റൊരു ദിവസത്തേക്ക് മാറ്റുകയായിരുന്നു. കേസ് പരിഗണിക്കുന്ന പുതിയ തീയതി ലഭിച്ചിട്ടില്ലെന്ന് റഹീം സഹായ സമിതി അറിയിച്ചു. ഒന്നര കോടി സൗദി റിയാല്‍ (34 കോടിയിലേറെ ഇന്ത്യന്‍ രൂപ) ദിയാധനം നല്‍കുകയും കോടതി വധശിക്ഷ ഒഴിവാക്കുകയും ചെയ്‌തെങ്കിലും പബ്ലിക് റൈറ്റ് പ്രകാരമുള്ള കേസില്‍ തീര്‍പ്പുണ്ടാവാത്തതിനാല്‍ മോചന കാര്യത്തില്‍ അനിശ്ചിതത്വം തുടര്‍ന്നിരുന്നു.

ഇതിനുവേണ്ടിയുള്ള ആദ്യ സിറ്റിങ് ഒക്‌ടോബര്‍ 21നാണ് നടന്നത്. എന്നാല്‍ ബഞ്ച് മാറിയെന്നും വധശിക്ഷ ഒഴിവാക്കിയ ബഞ്ച് തന്നെയാണ് മോചന കാര്യത്തിലും തീരുമാനമെടുക്കേണ്ടതെന്നും അറിയിച്ച് കോടതി കേസ് മാറ്റിവെക്കുകയായിരുന്നു.

കൊമേഴ്‌സ് – 61, ഹ്യുമാനിറ്റീസ് – 59 എന്നിങ്ങനെ ബാച്ചുകള്‍ അനുവദിക്കുമെന്ന് നിയമസഭയില്‍ വിദ്യാഭ്യാസ മന്ത്രി വി.ശിവന്‍കുട്ടി പ്രഖ്യാപിച്ചത് ഒഴിച്ചുനിറുത്തിയാല്‍ ബാച്ച് അനുവദിക്കുന്ന നടപടികളിലേക്ക് കടന്നിട്ടില്ല.

മന്ത്രിസഭാ യോഗം ചേര്‍ന്ന് തീരുമാനമെടുത്ത് ഉത്തരവായി പുറത്തിറങ്ങണം. ഇത് ഹയര്‍സെക്കന്‍ഡറി ഡയറക്ടറേറ്റിന് കൈമാറിയ ശേഷമേ സ്‌കൂളുകളുടെ അന്തിമ ലിസ്റ്റ് തയ്യാറാക്കൂ. പ്ലസ് വണ്‍ സീറ്റ് ക്ഷാമം പരിഹരിക്കാന്‍ വിദ്യാഭ്യാസ വകുപ്പ് നിയോഗിച്ച രണ്ടംഗ സമിതി സ്‌കൂളുകളുടെ ലിസ്റ്റടക്കം ഉള്‍പ്പെടുത്തിയുള്ള റിപ്പോര്‍ട്ടാണ് സര്‍ക്കാരിലേക്ക് സമര്‍പ്പിച്ചത്.

ക്ലാസ് നടത്തുന്നതിന് കെട്ടിട സൗകര്യമുള്ള സ്‌കൂളുകള്‍ക്കാണ് അന്തിമ ലിസ്റ്റില്‍ മുന്‍ഗണന ലഭിക്കുകയെന്നാണ് വിവരം. പഠന സൗകര്യങ്ങള്‍ ഒരുക്കാന്‍ തദ്ദേശ സ്ഥാപനങ്ങളുടെയും പി.ടി.എയുടെയും പിന്തുണ വിദ്യാഭ്യാസ വകുപ്പ് തേടിയിട്ടുണ്ട്. സ്‌കൂളുകളുടെ പട്ടികവേഗത്തില്‍ പ്രഖ്യാപിക്കണമെന്ന ആവശ്യമാണ് പ്രധാനാദ്ധ്യാപകര്‍ ഉയര്‍ത്തുന്നത്. ക്ലാസുകള്‍ തുടങ്ങാന്‍ വീണ്ടും വൈകുന്ന സ്ഥിതിയാവും. സൗകര്യങ്ങള്‍ കുറവുള്ള സ്‌കൂളുകളില്‍ അധിക ബാച്ച് അനുവദിച്ചാല്‍ സമയബന്ധിതമായി ഇവ ഒരുക്കുക വെല്ലുവിളിയാവും.

നിലവില്‍ ജില്ലയില്‍ സര്‍ക്കാര്‍ മേഖലയില്‍ 168 സയന്‍സ് ബാച്ചുകളും 122 ഹ്യുമാനിറ്റീസ് ബാച്ചും 162 കൊമേഴ്‌സ് ബാച്ചുകളുമാണുള്ളത്. പുതുതായി അനുവദിച്ച ബാച്ചുകളില്‍ സയന്‍സ് ഉള്‍പ്പെടാത്തത് വിദ്യാര്‍ത്ഥികളെ നിരാശരാക്കിയിട്ടുണ്ട്. മികച്ച മാര്‍ക്കോടെ വിജയിച്ച വിദ്യാര്‍ത്ഥികളില്‍ പലരും സയന്‍സ് ലഭിക്കാത്തതിനാല്‍ ഹ്യുമാനിറ്റീസ്, കൊമേഴ്‌സ് ഗ്രൂപ്പുകളില്‍ പ്രവേശനം നേടി.

അധിക ബാച്ചില്‍ സയന്‍സ് അനുവദിക്കുമ്പോള്‍ അവയിലേക്ക് മാറാമെന്ന പ്രതീക്ഷയിലായിരുന്നു. സയന്‍സ് ബാച്ചിന് ലാബ് അടക്കമുള്ള സൗകര്യങ്ങള്‍ വേണ്ടിവരും. ഇത് വേഗത്തില്‍ ഒരുക്കുക പ്രായോഗികമല്ല എന്നതാണ് സര്‍ക്കാരിനെ പിന്നോട്ടുവലിച്ചത്.

ഈ സാഹചര്യത്തിൽ ട്രഷറിയിലേക്ക് പണമെത്തിക്കാൻ തിരക്കിട്ട നീക്കം നടത്തുന്നുണ്ട്. പണമെത്തിക്കാൻ പൊതുമേഖലാ സ്ഥാപനങ്ങൾക്ക് നിർദ്ദേശം നൽകി. ലാഭവിഹിതവും നീക്കിയിരിപ്പും ട്രഷറിയിൽ നിക്ഷേപിക്കണം. പ്രതിഷേധം കടുപ്പിച്ച് ജീവനക്കാർ രംഗത്തെത്തിയിട്ടുണ്ട്. ശമ്പളം വൈകുന്നതിൽ സർക്കാർ ജീവനക്കാർക്ക് പ്രതിഷേധം ഉണ്ട്. സർക്കാരിന്റെ കെടുകാര്യസ്ഥതയാണ് ശമ്പളം വൈകാൻ കാരണമെന്ന് സെക്രട്ടേറിയറ്റ് ആക്ഷൻ കൗൺസിൽ കുറ്റപ്പെടുത്തി. സംഭവത്തിൽ പ്രതിഷേധ പ്രകടനം നടത്താനും തീരുമാനമായി.

സംസ്ഥാന സർക്കാർ ജീവനക്കാരുടെ ശമ്പളം മുടങ്ങിയത് ധനപ്രതിസന്ധിയെ തുടർന്നെന്ന് വിവരമുണ്ട്. സാങ്കേതിക പ്രശ്നമെന്ന് പറയുന്ന ട്രഷറി വകുപ്പും ധനവകുപ്പും കൂടുതൽ വിശദീകരണത്തിന് തയ്യാറായിട്ടില്ല. ജീവനക്കാരുടെ എംപ്ലോയീസ് ട്രഷറി സേവിങ്സ് ബാങ്ക് അക്കൗണ്ടുകളിൽ ശമ്പളം പ്രതിഫലിക്കുന്നുണ്ടെങ്കിലും ബാങ്ക് വഴിയോ ഓൺലൈനായോ പണം പിൻവലിക്കാൻ കഴിയുന്നില്ല.

ശമ്പളം ക്രഡിറ്റ് ചെയ്തെന്ന് വരുത്തി വിമർശനം ഒഴിവാക്കാനുള്ള സർക്കാർ തന്ത്രമാണ് ഇതെന്നാണ് ആരോപണം. ആഭ്യന്തരം, റവന്യു, ട്രഷറി, ജിഎസ്‌ടി വകുപ്പുകളിലും സെക്രട്ടേറിയേറ്റിലുമായി ഏകദേശം 97000 പേർക്കാണ് മാസത്തിലെ ആദ്യ ദിനം ശമ്പളം കിട്ടേണ്ടിയിരുന്നത്.

ഞായറാഴ്ച വൈകീട്ട് ആറുമണിക്ക് പോകേണ്ട വിമാനമാണ് അനിശ്ചിതമായി നീളുന്നത്.

എട്ടരയോടെ ബഹളം വെച്ച യാഗ്രക്കാർക്ക് ഭക്ഷണം നൽകി ആശ്വസിപ്പിച്ചുവെങ്കിലും വീണ്ടും ബഹളം തുടങ്ങുകയായിരുന്നു.

തിങ്കളാഴ്ച കാലത്ത് ജോലിയിൽ പ്രവേശിക്കേണ്ടവരും നിരവധി സ്ത്രീകളും കുട്ടികളും ഉൾപ്പെടെ നിരവധി യാത്രക്കാരാണ് വ്യക്തമായ യാത്രാ സമയം അറിയാതെ പ്രയാസപ്പെടുന്നത്.

യുഎഇയിലെ നിയമ നടപടികള്‍ (ഡെത്ത് സര്‍ട്ടിഫിക്കറ്റ്, റിപ്പോര്‍ട്ടുകള്‍ തുടങ്ങിയവ) പൂര്‍ത്തീകരിച്ചു കഴിഞ്ഞാല്‍ എംബാമിംഗ് കൂടി കഴിഞ്ഞ് തൊട്ടടുത്ത സമയത്തെ എയര്‍ലൈനില്‍ നിന്നും അപ്രൂവലെടുത്ത് കയറ്റി വിടുന്ന പ്രക്രിയയാണിപ്പോള്‍ കേന്ദ്ര സര്‍ക്കാറിന്റെ പുതിയ നിയമം കാരണം അനിശ്ചിതമായി വൈകുന്നത്.

എംബാമിംഗ് സര്‍ട്ടിഫിക്കറ്റ് കേന്ദ്ര സര്‍ക്കാരിന്റെ പോര്‍ട്ടലില്‍ അപ്‌ലോഡ് ചെയ്ത ശേഷം മാത്രമേ ഡല്‍ഹിയില്‍ നിന്നുള്ള അപ്രൂവല്‍ ലഭിക്കൂ. ഇത് ലഭിക്കുന്നത് വരെ എയര്‍ലൈന്‍ ടിക്കറ്റ് എടുക്കാനാത്ത സ്ഥിതിയുണ്ട്. ഇതിന്റെ ഏറ്റവുമൊടുവിലത്തെ ഉദാഹരണമായിരുന്നു പുതുവര്‍ഷ ദിനത്തില്‍ മരിച്ച തൃശ്ശൂര്‍ കൊടുങ്ങല്ലൂര്‍ ആല സ്വദേശി അര്‍ഷാദിന്റെ മൃതദേഹം അയക്കുമ്പോഴുണ്ടായ കാലതാമസം.

പുതുര്‍ഷാവധിയായിരുന്നിട്ടും യുഎഇ ഗവണ്‍മെന്റിന്റെ ഭാഗത്ത് നിന്നും എല്ലാവിധ നിയമ നടപടികളും സാമൂഹിക പ്രവര്‍ത്തകരുടെ നേതൃത്വത്തില്‍ പൂര്‍ത്തീകരിച്ച് അന്നത്തെ ദിവസം തന്നെ ഫ്‌ളൈറ്റ് സൗകര്യം വരെ ക്‌ളിയര്‍ ചെയ്തിട്ട് പോലും ഡല്‍ഹിയില്‍ നിന്നുള്ള പുതിയ അപ്രൂവല്‍ കിട്ടാന്‍ താമസമുണ്ടായി. പിറ്റേ ദിവസം വൈകുന്നേരാണ് മൃതദേഹം നാട്ടിലെത്തിക്കാന്‍ കഴിഞ്ഞത്.

പ്രവാസികളുടെ അപ്രതീക്ഷിത മരണങ്ങളില്‍ കുടുംബാംഗങ്ങള്‍ക്ക് ആശ്വാസം പകരാന്‍ മുന്‍കൈയെടുക്കേണ്ട സര്‍ക്കാറുകളാണ് നിയമ നടപടികളുടെ നൂലാമാലകളിലൂടെ ഇത്തരം അനിശ്ചിതാവസ്ഥ കൊണ്ടുവന്നിട്ടുള്ളതെന്നും ബന്ധുക്കളെ മാനസികമായി കൂടുതല്‍ തളര്‍ത്തുന്ന ഈ പുതിയ വ്യവസ്ഥ എടുത്തു കളയണമെന്നും പ്രവാസി ഇന്ത്യ യുഎഇ ആവശ്യപ്പെട്ടു.

ഈ നടപടിക്രമം ഒഴിവാക്കിയതായി കേന്ദ്ര വിദേശ കാര്യ സഹ മന്ത്രി വി മുരളീധരന്‍ പ്രസ്താവിച്ചിരുന്നുവെങ്കിലും ഇപ്പോഴും കാലതാമസം തുടരുകയാണ്. മന്ത്രി മുരളീധരനു പുറമെ, കേരള മുഖ്യമന്ത്രി, എംപിമാരായ രാഹുല്‍ ഗാന്ധി, ശശി തരൂര്‍, യുഎഇയിലെ ഇന്ത്യന്‍ അംബാസഡര്‍, നോര്‍ക റൂട്‌സ് ്രപിന്‍സിപ്പല്‍ സെക്രട്ടറി തുടങ്ങിയവര്‍ക്ക് പ്രവാസി ഇന്ത്യ ഇതുസംബന്ധിച്ച് നിവേദനങ്ങള്‍ സമര്‍പ്പിച്ചു.

സെപ്റ്റംബർ 19-ന് പ്രീ ക്വാളിഫിക്കേഷൻ ടെൻഡറും ഒക്ടോബർ 11-ന് അന്തിമ ടെൻഡറും ഉറപ്പിക്കുന്ന രീതിയിലാണ് തുടക്കത്തിൽ നടപടികളെടുത്തത്. പ്രീ ക്വാളിഫിക്കേഷൻ ടെൻഡറിൽ തുടക്കത്തിൽ ആരും പങ്കെടുത്തില്ല.

ഇതോടെ സെപ്റ്റംബർ 19-ന് ആദ്യഘട്ട ടെൻഡർ ഉറപ്പിക്കാനായില്ല. പിന്നീട് നാലു കമ്പനികൾ വന്നു. എങ്കിലും ഇതുവരെയും സാങ്കേതിക നടപടികളും പരിശോധനകളും പൂർത്തിയാക്കി അന്തിമ ടെൻഡർ ഉറപ്പിച്ചിട്ടില്ല.

റൺവേയുടെ രണ്ടറ്റങ്ങളിലുമുള്ള റെസ 90 മീറ്ററിൽനിന്ന് 240 മീറ്ററാക്കുന്നതാണ് പ്രധാന പ്രവൃത്തി. ഇതിനായി സംസ്ഥാനസർക്കാർ 12.5 ഏക്കർ ഭൂമി ഏറ്റെടുത്ത് നൽകിയിട്ടുണ്ട്. 19 മാസമാണ് റെസ നിർമാണത്തിന് സമയം അനുവദിച്ചിരിക്കുന്നത്. ഒരു മൺസൂൺ പൂർണമായും മറ്റൊരു മൺസൂണിന്റെ പകുതിയും മൂന്ന് മാസം അധികവുമാണ് കാലാവധി നിശ്ചയിച്ചത്.

നിലവിലെ റൺവേക്ക് സമമായി മണ്ണിട്ടുയർത്തിയാണ് റെസ നിർമിക്കേണ്ടത്. 2020 ഓഗസ്റ്റിലുണ്ടായ വിമാനാപകടത്തെത്തുടർന്ന് കരിപ്പൂരിൽ വലിയ വിമാനങ്ങൾക്കുള്ള വിലക്ക് തുടരുകയാണ്. വ്യോമഗതാഗത സുരക്ഷ ഉറപ്പാക്കുന്നതിനൊപ്പം വലിയ വിമാനങ്ങളുടെ തിരിച്ചുവരവും റെസ വിപുലീകരണത്തിലൂടെ ലക്ഷ്യമിടുന്നു.

ടേബിൾ ടോപ്പ് വിമാനത്താവളമായ കരിപ്പൂരിൽ റെസ നിർമിക്കുന്നതിന് നിലവിലെ റൺവേ നിരപ്പിൽ മണ്ണിട്ടുയർത്തണം. പദ്ധതി ആരംഭിച്ചാൽപ്പോലും നിർദിഷ്ട സമയത്തിനുള്ളിൽ പൂർത്തീകരിക്കുകയെന്നത് വെല്ലുവിളിയാണ്.

മുൻ വർഷങ്ങളിൽ ഹജ്ജ് മടക്ക യാത്ര പൂർത്തിയായി രണ്ട് രണ്ടര മാസത്തിനുള്ളിൽ അടുത്ത ഹജ്ജ് തീർഥാടനത്തിന്റെ നടപടികൾ തുടങ്ങാറുണ്ട്. കഴിഞ്ഞവർഷം ഏറെ വൈകിയാണ് അപേക്ഷ സ്വീകരിക്കാൻ തുടങ്ങിയത്. ഹജ്ജ് നയം പ്രഖ്യാപിക്കുന്നതിലുള്ള കാലതാമസമാണ് കഴിഞ്ഞ വർഷം നടപടികൾ വൈകിച്ചത്.

കഴിഞ്ഞ ഓഗസ്റ്റ് ആദ്യ വാരത്തോടെ ഹജ്ജ് തീർഥാടകരുടെ മടക്കയാത്ര പൂർത്തിയായിരുന്നു. 19,524 പേരാണ് കഴിഞ്ഞവർഷം കേരളത്തിൽനിന്ന് അപേക്ഷിച്ചത്. ഇതിൽ 11,252 പേർക്ക് അവസരം ലഭിച്ചു.

ഈ വർഷം രാജ്യത്തിന്റെ ക്വാട്ട രണ്ടു ലക്ഷമാകുമെന്ന പ്രതീക്ഷയുണ്ട്. ക്വാട്ട വർധിച്ചാൽ 1000 സീറ്റോളം കേരളത്തിന് അധികം ലഭിക്കും.

സംസ്ഥാന ഹജ്ജ് കമ്മിറ്റി ഹജ്ജ് അപേക്ഷ സ്വീകരിക്കുന്നതിനുള്ള മുന്നൊരുക്കങ്ങൾ തുടങ്ങിയിട്ടുണ്ട്. അപേക്ഷകരെ സഹായിക്കുന്നതിന് ട്രെയിനർമാരെ തിരഞ്ഞെടുക്കുന്നതിനുള്ള അഭിമുഖം അടുത്തയാഴ്ച നടക്കും.

ഹജ്ജ് തീർഥാടനത്തിൽ കേന്ദ്ര ഹജ്ജ് കമ്മിറ്റിയുടെ പിടി അയയുന്നതായി ആക്ഷേപമുണ്ട്. നേരത്തെ കേന്ദ്രത്തിൽ ഹജ്ജ് കമ്മിറ്റിയും വിദേശകാര്യ മന്ത്രാലയവുമായിരുന്നു നടപടികൾക്ക് നേതൃത്വം നൽകിയിരുന്നത്. ഇപ്പോൾ ന്യൂനപക്ഷകാര്യ മന്ത്രാലയമാണ് നേതൃത്വം നൽകുന്നത്.

ട്രെയിനുകള്‍ വൈകിയതിന് മറ്റ് കാരണങ്ങള്‍ ഉണ്ട്. കനത്ത മഴയും കൊച്ചുവേളി പിറ്റ് ലൈനില്‍ വെള്ളം കയറിയതും ട്രെയിനുകള്‍ വൈകാന്‍ കാരണമായി.

തിരുവനന്തപുരം-കൊല്ലം, തിരുവനന്തപുരം-നാഗര്‍കോവില്‍ സെക്ഷനുകളില്‍ മണ്ണിടിച്ചിലുണ്ടായതും ട്രെയിനുകള്‍ വൈകുന്നത് കാരണമായി. വന്ദേ ഭാരത് മൂലം വേണാട് അടക്കം മൂന്ന് ട്രെയിനുകള്‍ വേഗത കൂട്ടുകയാണ് ചെയ്തതെന്നും റെയില്‍വേ വിശദീകരിച്ചു.