മുസ്തഫാബാദിൽ നിന്നും പുതുതായി തെരഞ്ഞെടുക്കപ്പെട്ട ബിഷ്ത്, എംഎൽഎ ആയാലുടനെ തന്റെ മണ്ഡലത്തിന്റെ പേര് ശിവ പുരി എന്നോ ശിവ വിഹാർ എന്നോ പുനർനാമകരണം ചെയ്യുമെന്ന് പ്രചാരണത്തിനിടെ പ്രഖ്യാപിച്ചിരുന്നു. തുടർന്ന്, ആം ആദ്മി സ്ഥാനാർഥിയായ അദീൽ അഹമ്മദിനെ പരാജയപ്പെടുത്തി ബിഷ്ത് നിയമസഭയിലെത്തുകയും ചെയ്തു. ഇതോടെയാണ് പേരുമാറ്റ നീക്കം ആരംഭിച്ചത്.

“മുസ്തഫാബാദ് എന്ന പേര് ശിവ് പുരി അല്ലെങ്കിൽ ശിവ് വിഹാർ എന്നാക്കി മാറ്റുമെന്ന് മുമ്പ് പറഞ്ഞിട്ടുണ്ട്. രാഷ്ട്രീയ പാർട്ടികൾ മുസ്തഫാബാദ് എന്ന പേര് നിലനിർത്താൻ നിർബന്ധിക്കുന്നത് എന്തുകൊണ്ടാണെന്ന് എനിക്ക് മനസിലാകുന്നില്ല. ഹിന്ദുക്കൾ കൂടുതലായി അധിവസിക്കുന്ന ഒരു പ്രദേശത്തിന് ശിവ് പുരി അല്ലെങ്കിൽ ശിവ് വിഹാർ എന്ന് പേരിടാൻ കഴിയാത്തത് എന്തുകൊണ്ട്? ‘മുസ്തഫ’ എന്ന പേര് ആളുകളെ ബുദ്ധിമുട്ടിക്കുന്നു, അത് മാറ്റണം. അത് ഞാൻ ഉറപ്പാക്കും”- ബിഷ്ത് പറഞ്ഞു.

2020ൽ ദേശീയ തലസ്ഥാനത്ത് നടന്ന വർഗീയ കലാപത്തിൽ ഏറ്റവും കൂടുതൽ നാശനഷ്ടങ്ങൾ സംഭവിച്ച പ്രദേശങ്ങളിലൊന്നായിരുന്നു വടക്കുകിഴക്കൻ ഡൽഹിയിൽ സ്ഥിതി ചെയ്യുന്ന മുസ്തഫാബാദ്. ബിഷ്തിന്റെ പ്രമേയം നിയമസഭയിൽ ചർച്ച ചെയ്യപ്പെടുമെങ്കിലും, ഔദ്യോഗിക നാമമാറ്റത്തിന് ഇന്ത്യൻ തെരഞ്ഞെടുപ്പ് കമ്മീഷന്റെ അനുമതി ആവശ്യമാണ്.

തെക്കുപടിഞ്ഞാറൻ ഡൽഹിയിലെ നജഫ്ഗഢിന്റെ പേര് നഹർഗഢ് എന്ന് പുനർനാമകരണം ചെയ്യണമെന്നാവശ്യപ്പെട്ട് ബിജെപി എംഎൽഎ നീലം പഹൽവാൻ കഴിഞ്ഞമാസം രം​ഗത്തെത്തിയിരുന്നു. ഇതിനിടെ, ഡൽഹിയിലെ റോഡിന്റെ പേര് ബിജെപി എംപിയും മന്ത്രിയും സ്വന്തം ഇഷ്ടത്തിന് മാറ്റിയിരുന്നു. തുഗ്ലക് ലെയ്നിന്റെ പേരാണ് മാറ്റിയത്.

കേന്ദ്ര സഹമന്ത്രി കിഷന്‍ പാല്‍ ഗുജറും രാജ്യസഭാ എംപി ദിനേശ് ശര്‍മയുമാണ് വീടിന് മുന്നിലെ റോഡിന്റെ പേര് മാറ്റിയെഴുതിയത്. ഔദ്യോഗിക വസതിക്ക് മുന്നില്‍ വീടിന്റെ പേര് വച്ച ബോര്‍ഡില്‍ തുഗ്ലക് ലെയ്നിന് പകരം സ്വാമി വിവേകാനന്ദ മാര്‍ഗ് എന്ന് എഴുതിച്ചേർക്കുകയായിരുന്നു. ഇതു കൂടാതെ, മുഹമ്മദ്പുരിനെ മാധവ്പുരം എന്നാക്കണമെന്ന ആവശ്യവും ബിജെപി നേതാക്കൾ ഉന്നയിച്ചിട്ടുണ്ട്.

സിഎജി റിപ്പോര്‍ട്ടിനെതിരെ പ്രതിഷേധിച്ചതിനാണ് പ്രതിപക്ഷ എംഎല്‍എമാരെ സസ്‌പെന്‍ഡ് ചെയ്തത്. വന്‍ പ്രതിപക്ഷ ബഹളത്തിനിടയിലാണ് നിയമസഭയില്‍ മുഖ്യമന്ത്രി രേഖാ ഗുപ്ത സിഎജി റിപ്പോര്‍ട്ട് അവതരിപ്പിച്ചത്. ലൈസന്‍സ് നല്‍കുന്ന പ്രക്രിയയില്‍ നിയമ ലംഘനങ്ങള്‍ നടന്നിരുന്നു. നയം രൂപീകരിക്കുന്നതിനുള്ള മാറ്റങ്ങള്‍ നിര്‍ദ്ദേശിക്കാന്‍ രൂപീകരിച്ച വിദഗ്ധ സമിതിയുടെ ശിപാര്‍ശകള്‍ അന്നത്തെ ഉപമുഖ്യമന്ത്രിയും എക്‌സൈസ് മന്ത്രിയുമായിരുന്ന മനീഷ് സിസോദിയ അവഗണിച്ചതായും സിഎജി റിപ്പോര്‍ട്ടില്‍ പറയുന്നു.

ലൈസന്‍സ് ഫീസ് ഇനത്തില്‍ എക്‌സൈസ് വകുപ്പിന് ഏകദേശം 890.15 കോടി രൂപയുടെ നഷ്ടമുണ്ടായി. മദ്യശാലകള്‍ തുറക്കുന്നതിന് സമയബന്ധിതമായി അനുമതി ലഭിക്കാത്തതിനാല്‍ ഇപ്പോള്‍ റദ്ദാക്കിയ മദ്യനയം 941.53 കോടി രൂപയുടെ വരുമാന നഷ്ടമുണ്ടാക്കി. കോവിഡ് നിയന്ത്രണങ്ങളുടെ പേരില്‍ ലൈസന്‍സികള്‍ക്ക് ക്രമരഹിതമായ ഇളവുകള്‍ നല്‍കിയതുവഴി 144 കോടി രൂപയുടെ വരുമാന നഷ്ടമുണ്ടാക്കിയെന്നും പറയുന്നു.

മുഖ്യമന്ത്രിയുടെ ഓഫീസില്‍ നിന്ന് അംബേദ്കറിന്റെയും ഭഗത് സിംഗിന്റെയും ചിത്രങ്ങള്‍ മാറ്റിയതിനെതിരെയുള്ള റിപ്പോര്‍ട്ടിനെച്ചൊല്ലിയുള്ള ബഹളത്തെത്തുടര്‍ന്നുമാണ് പ്രതിപക്ഷ നേതാവ് അതിഷി ഉള്‍പ്പെടെയുള്ള എംഎല്‍എമാരെ സസ്‌പെന്‍ഡ് ചെയ്തത്. ബി.ആര്‍ അംബേദ്കറുടെ പൈതൃകത്തെ ബിജെപി ഇല്ലാതാക്കാന്‍ ശ്രമിക്കുന്നുവെന്ന് അതിഷി പറഞ്ഞു.

ആം ആദ്മി എം.എല്‍.എമാരുടെ വാട്‌സ്ആപ്പ് ഗ്രൂപ്പില്‍ നിന്ന് അല്‍ക ലംബയെ നീക്കം ചെയ്തതിരുന്നു. ഇതിന് പിന്നാലെ ട്വിറ്ററിലൂടെയായിരുന്നു എംഎല്‍എയുടെ പ്രതികരണം.

2013 में आप के साथ शुरू हुआ मेरा सफ़र 2020 में समाप्त हो जायेगा।
मेरी शुभकामनाएं पार्टी के समर्पित क्रांतिकारी ज़मीनी कार्यकर्ताओं के साथ हमेशा रहेगीं, आशा करती हूं आप दिल्ली में एक मजबूत विकल्प बने रहेगें।
आप के साथ पिछले 6साल यादगार रहगें-
आप से बहुत कुछ सीखने को मिला।
आभार।

— Alka Lamba (@LambaAlka) May 25, 2019

ഇപ്പോഴത്തെ സാഹചര്യത്തില്‍ എ.എ.പിയില്‍ പ്രവര്‍ത്തിക്കാന്‍ ബുദ്ധിമുട്ടാണെന്ന് അല്‍ക പരസ്യമായി വിമര്‍ശനമുന്നയിച്ചിരുന്നു. എം.എല്‍.എമാരുടെ യോഗത്തിലേക്ക് തന്നെ ക്ഷണിക്കാറില്ലെന്നും മുഖ്യമന്ത്രി അരവിന്ദ് കെജ്‌രിവാള്‍ തന്റെ ട്വിറ്ററില്‍ പിന്തുടരുന്നത് അവസാനിപ്പിച്ചെന്നും അവര്‍ ആരോപിക്കുകയും ചെയ്തു. യൂത്ത് കോണ്‍ഗ്രസ് നേതാവായിരുന്ന അല്‍ക ലംബ കോണ്‍ഗ്രസിലേക്ക് തന്നെ തിരിച്ചുപോവാനാണ് സാധ്യത.

അതേസമയം ബിജെപിക്കെതിരെ ഗുരുതര ആരോപണവുമായി ഡല്‍ഹി മുഖ്യമന്ത്രിയും പാര്‍ട്ടി നേതാവുമായ അരവിന്ദ് കെജ്‌രിവാള്‍ രംഗത്തെത്തി.
പാര്‍ട്ടി എംഎല്‍എമാരെ ബിജെപി വിലയ്‌ക്കെടുക്കുന്നുവെന്ന് കെജ്‌രിവാള്‍ ആരോപിച്ചു. ആരോപണത്തിനു തൊട്ടു പിന്നാലെയാണ് ആപ്പ് എംഎല്‍എ ബിജെപിയില്‍ ചേര്‍ന്നത്. മെയ് 12ന് ഡല്‍ഹിയിലെ ഏഴ് ലോക്‌സഭാ സീറ്റുകളിലേക്ക് തെരഞ്ഞെടുപ്പ് നടക്കാനിരിക്കെയാണ് എഎപി എംഎല്‍എയുടെ കൂടുമാറ്റം. പാര്‍ട്ടി മാറാന്‍ തങ്ങളുടെ എംഎല്‍എമാര്‍ക്ക് ബിജെപി 10 കോടി രൂപ വാഗ്ദാനം ചെയ്തതായി എഎപി നേതാവ് മനീഷ് സിസോദിയ നേരത്തെ ആരോപിച്ചിരുന്നു.

പ്രതിപക്ഷ പാര്‍ട്ടികള്‍ ഭരിക്കുന്ന സര്‍ക്കാരിനെ അട്ടിമറിക്കാന്‍ എംഎല്‍എമാരെ വിലയ്ക്കു വാങ്ങാറുണ്ടോ എന്ന് കെജരിവാള്‍ ചോദിച്ചു. ഇതാണോ ജനാധിപത്യത്തെപ്പറ്റിയുള്ള നിങ്ങളുടെ നിര്‍വചനം. എംഎല്‍എമാരെ വിലക്കെടുക്കാന്‍ എവിടെ നിന്നാണ് നിങ്ങള്‍ക്ക് ഇത്രയും പണം ലഭിക്കുന്നത്. ഞങ്ങളുടെ എംഎല്‍എമാരെ വിലക്കെടുക്കാന്‍ നിങ്ങള്‍ നിരവധി തവണ ശ്രമിച്ചു. അതത്ര എളുപ്പമല്ല. കെജരിവാള്‍ ട്വീറ്റ് ചെയ്തു. ആം ആദ്മി പാര്‍ട്ടിയുടെ നേതാക്കളെ വിലയ്‌ക്കെടുക്കാന്‍ കഴിയില്ലെന്നായിരുന്നു കെജ്‌രിവാളിന്റെ ട്വീറ്റ്.

ഈ ട്വീറ്റിന് പിന്നാലെയാണ് അനില്‍ ബാജ്‌പേയി ബിജെപി ക്യാമ്പിലെത്തിയത്.

2015 മാര്‍ച്ചിലാണ് എം.എല്‍.എമാരെ പ്രതിഫലം പറ്റുന്ന പാര്‍ലമെന്ററി പാര്‍ട്ടി സെക്രട്ടറിമാരായി നിയോഗിച്ചത്. ഇതിനെതിരെ പ്രതിപക്ഷവും ഒരു അഭിഭാഷകനുമാണ് തെരഞ്ഞെടുപ്പ് കമ്മീഷനെ സമീപിക്കുകയായിരുന്നു. തുടര്‍ന്ന് തെരഞ്ഞെടുപ്പ് കമ്മീഷന്‍ ഇവരെ അയോഗ്യരാക്കാനുള്ള ശുപാര്‍ശ രാഷ്ട്രപതി രാംനാഥ് കോവിന്ദിന് അയക്കുകയും രാഷ്ട്രപതി അംഗീകരിക്കുകയുമായിരുന്നു. ഇതിനെതിരെ ആപ്പ് സര്‍ക്കാര്‍ കോടതിയില്‍ ഹര്‍ജി സമര്‍പ്പിക്കുകയായിരുന്നു.

തിരക്കിട്ട് ഇരട്ടപ്പദവി വിഷയത്തില്‍ എം.എല്‍.എമാരെ അയോഗ്യരാക്കിയ സംഭവം ആം ആദ്മി സര്‍ക്കാരിനെ നിരന്തരം ആക്രമിക്കുന്ന മോദി സര്‍ക്കാറിന്റ നടപടിയുടെ ഭാഗമായിരുന്നു എന്നാണ് പരക്കെ ആക്ഷേപം . ബി.ജെ.പി ഭരിക്കുന്ന പല സംസ്ഥാനങ്ങളിലും സമാനരീതിയില്‍ എം.എല്‍.എമാര്‍ ഇരട്ടപ്പദവി വഹിക്കുമ്പോഴും അതിനെതിരെ നടപടിയെടുക്കാന്‍ ഇതുവരെ തെരഞ്ഞെടുപ്പ് കമ്മീഷന്‍ തയ്യാറായിട്ടില്ല. തെരഞ്ഞെടുപ്പ് കമ്മീഷന്റെ ഈ ഇരട്ടത്താപ്പ് ദേശീയതലത്തില്‍ വലിയ വാര്‍ത്തയായിരുന്നു.

വിധി അറിഞ്ഞ ശേഷം സത്യം ജയിച്ചെന്നും ഡല്‍ഹിയുടെ ജനങ്ങളുടെ വിജയമാണ് കോടതി വിധിയെന്നും ഡല്‍ഹി മുഖ്യമന്ത്രി അരവിന്ദ് കെജരിവാള്‍ പ്രതികരിച്ചു. 70 അംഗ നിയമസഭയില്‍ 66 പേരുടെ ഭൂരിപക്ഷമാണ് ആം ആദ്മിക്കുള്ളത്. ഇതില്‍ ഇരുപത് പേരെയായിരുന്നു ഇരട്ടപ്പദവിയുടെ പേരില്‍ തെരഞ്ഞെടുപ്പ് കമ്മീഷന്‍ അയോഗ്യരാക്കി ഉത്തരവിട്ടത്.

ന്യൂഡല്‍ഹി: ടിപ്പു സുല്‍ത്താന്റെ ചിത്രം ഡല്‍ഹി നിയമസഭയില്‍ സ്ഥാപിക്കാനുള്ള ആം ആദ്മി പാര്‍ട്ടി നീക്കത്തിനെതിരെ ബി.ജെ.പി രംഗത്ത്. ഡല്‍ഹിയിലെ 70 നിയമസഭാ മണ്ഡലങ്ങളെ പ്രതിനിധീകരിച്ച് രാഷ്ട്ര നിര്‍മാണത്തിന് നേതൃത്വം നല്‍കിയവരും സ്വാതന്ത്ര്യ സമര സേനാനികളും ഉള്‍പ്പെടെ 70 പേരുടെ ചിത്രങ്ങളാണ് നിയമസഭയില്‍ സ്ഥാപിക്കുന്നത്.

സ്വാതന്ത്ര്യ സമര സേനാനികളായ ഭഗത് സിങ്, ബിര്‍സ മുണ്ട, സുബാഷ് ചന്ദ്ര ബോസ് തുടങ്ങിയവരുടെ ചിത്രങ്ങളാണ് പ്രദര്‍ശിപ്പിക്കുന്നത്. എന്നാല്‍, ഇക്കൂട്ടത്തില്‍ ടിപ്പുവിന്റെ ചിത്രം ഉള്‍പ്പെടുത്തിയതാണ് ബി.ജെ.പി എം.എല്‍.എമാരെ ചൊടിപ്പിച്ചത്.

ഡല്‍ഹിയുടെ ചരിത്രത്തില്‍ എന്തെങ്കിലും സംഭവനയും നല്‍കിയിട്ടുള്ള ആളാണോ ടിപ്പു സുല്‍ത്താനെന്നും വിവാദ നേതാവായ ഒരാളുടെ ചിത്രം സ്ഥാപിക്കുന്നതിന്റെ ആവശ്യകത എന്താണെന്നായിരുന്നു ബി.ജെ.പി എം.എല്‍.എ മജീന്ദര്‍ സിങ് സിര്‍സയുടെ ചോദ്യം. എന്നാല്‍ തിരിച്ചടിച്ച എ.എ.പി, സ്വാതന്ത്ര്യ വേണ്ടി ത്യാഗം സഹിച്ച ഏതെങ്കിലും നേതാക്കള്‍ നിങ്ങളുടെ പാര്‍ട്ടിയില്‍ ഉണ്ടോയെന്നും ബി.ജെ.പി-ആര്‍.എസ.്എസ് നേതാക്കള്‍ ആരെങ്കിലും സ്വതന്ത്ര്യത്തിന് വേണ്ടി ത്യാഗം സഹിച്ചിട്ടുണ്ടെങ്കില്‍ അവരുടെ പേര് നിര്‍ദേശിമെന്നും പരിഹസിച്ചു.

ഇന്ത്യന്‍ ഭരണഘടനയുടെ 144ാം പേജില്‍ ടിപ്പു സുല്‍ത്താന്റെ ചിത്രം നല്‍കിയിട്ടുണ്ടെന്നും ബി.ജെ.പി അനാവശ്യ വിവാദങ്ങള്‍ സൃഷ്ടിക്കുകയാണെന്ന് സ്പീക്കര്‍ റാം നിവാസ് ഗോയല്‍ കുറ്റപ്പെടുത്തി. അതേസമയം ബി.ജെ.പി-ആര്‍.എസ.്എസ് നേതാക്കള്‍ ആരെങ്കിലും സ്വതന്ത്ര്യത്തിന് വേണ്ടി ത്യാഗം സഹിച്ചിട്ടുണ്ടെങ്കില്‍ അവരുടെ പേര് നിര്‍ദേശിക്കാന്‍ ബി.ജെ.പിയോട് ആവശ്യപ്പെട്ടെങ്കിലും ഇതുവരെ ആരും മുന്നോട്ട് വന്നിട്ടില്ലെന്ന് എ.എ.പി എം.എല്‍.എ സൗരഭ് ഭര്‍ദ്വാജ് അറിയിച്ചു.