Delhi CM Arvind Kejriwal: On all DTC buses, cluster buses and metro trains women will be allowed to travel free of cost so that they have a safe travel experience and can access modes of transport which they were not able to, due to high prices. pic.twitter.com/KVqEWDIJAS

— ANI (@ANI) June 3, 2019

അതേസമയം അടുത്ത വര്‍ഷം നടക്കാനിരിക്കുന്ന നിയമസഭാ തെരഞ്ഞെടുപ്പ് മുന്നില്‍ കണ്ടാണ് ജനകീയ പ്രഖ്യാപനങ്ങള്‍ക്ക് എ.എ.പി സര്‍ക്കാര്‍ ഒരുങ്ങുന്നതെന്നാണ് സൂചന. ലോക്‌സഭാ തെരഞ്ഞെടുപ്പില്‍ നേരിട്ട കനത്ത തിരിച്ചടിയും പുതിയ തീരുമാനങ്ങള്‍ക്ക് പിന്നിലുണ്ടെന്നാണ് വിവരം.

പുതിയ പദ്ധതി തലസ്ഥാന നഗരിയെ വീര്‍പ്പുമുട്ടിക്കുന്ന ഗതാഗതക്കുരുക്കിന് വലിയ തോതില്‍ ആശ്വാസം പകരുമെന്നും കണക്കുകൂട്ടുന്നത്. അന്തരീക്ഷ മലിനീകരണത്തിന്റെ തോത് കുറച്ചുകൊണ്ടുവരാനും ഇത് സഹായിക്കുമെന്നാണ് കരുതുന്നു. ഗതാഗതക്കുരുക്കിന് പരിഹാരമായി നേരത്തെ ഒറ്റ, ഇരട്ട ട്രാഫിക് പരിഷ്‌കാരവുമായി ഡല്‍ഹി സര്‍ക്കാര്‍ രംഗത്തെത്തിയിരുന്നെങ്കിലും പിന്നീട് പലവിധ ഇളവുകള്‍ പ്രഖ്യാപിക്കേണ്ടി വന്നതോടെ ഉദ്ദേശിച്ച ഫലം ലഭിക്കാതെ പോയിരുന്നു.
ഗതാഗത വകുപ്പ് മന്ത്രി കൈലാഷ് ഗെഹ്്‌ലോട്ട് ഇതുസംബന്ധിച്ച് വിവിധ വകുപ്പു മേധാവികളുമായി ചര്‍ച്ചകള്‍ നടത്തി വരികയാണ്. ഗാര്‍ഹിക വൈദ്യുതി കണക്ഷനുകളുടെ ഫിക്‌സഡ് ചാര്‍ജ് വെട്ടിക്കുറക്കുന്ന കാര്യവും സര്‍ക്കാര്‍ പരിഗണനയിലാണ്. ഇതുസംബന്ധിച്ച ഔദ്യോഗിക പ്രഖ്യാപനങ്ങള്‍ ഇന്നുണ്ടാകുമെന്നാണ് സൂചന.

അതേസമയം സൗജന്യ യാത്രാ പദ്ധതി എളുപ്പത്തില്‍ നടപ്പാക്കാന്‍ കഴിയില്ലെന്നാണ് സര്‍ക്കാര്‍ വൃത്തങ്ങള്‍ നല്‍കുന്ന സൂചന. ഡല്‍ഹി ട്രാന്‍സ്‌പോര്‍ട്ട് കോര്‍പ്പറേഷന്റെ നിയന്ത്രണം പൂര്‍ണമായി സംസ്ഥാന സര്‍ക്കാറിനായതിനാല്‍ പൊതുമേഖലാ ബസ്സുകളിലെ സൗജന്യ യാത്രാ പദ്ധതി എളുപ്പത്തില്‍ നടപ്പാക്കാന്‍ കഴിയും. അതേസമയം ഡല്‍ഹി മെട്രോയില്‍ കേന്ദ്ര സര്‍ക്കാറിനും സംസ്ഥാന സര്‍ക്കാറിനും 50:50 സാമ്പത്തിക പങ്കാളിത്തമാണുള്ളത്. അതുകൊണ്ടുതന്നെ കേന്ദ്ര സര്‍ക്കാറിന്റെ അനുമതി കൂടി ഉണ്ടെങ്കില്‍ മാത്രമേ സൗജന്യ യാത്രാ പദ്ധതി നടപ്പാക്കാനാകൂ. നിലവിലെ രാഷ്ട്രീയ സാഹചര്യത്തില്‍ കേന്ദ്രം ഇതിന് തയ്യാറാകുമെന്ന് കരുതുന്നില്ല. മാത്രമല്ല, ഡല്‍ഹി മെട്രോ നാലാംഘട്ട വികസന പ്രവര്‍ത്തനങ്ങളുടെ കാര്യത്തില്‍ ഉള്‍പ്പെടെ കേന്ദ്രവും സംസ്ഥാനവും രണ്ടു തട്ടിലാണ്. സൗജന്യ യാത്രാ പദ്ധതി പ്രഖ്യാപിക്കുകയും കേന്ദ്രം ഇതിന് ഉടക്കുവെക്കുകയും ചെയ്താല്‍ നിയമസഭാ തെരഞ്ഞെടുപ്പില്‍ അതിനെ രാഷ്ട്രീയമായി ഉപയോഗപ്പെടുത്താനാവുമെന്ന കണക്കുകൂട്ടലിലാണ് എ.എ.പി നേതൃത്വം. അതുകൊണ്ടുതന്നെ കേന്ദ്രത്തിന്റെ അനുമതിക്ക് കാത്തുനില്‍ക്കാതെ പദ്ധതി പ്രഖ്യാപിക്കാനാണ് സാധ്യത.

My appeal to the citizens of East Delhi Lok Sabha – pls don’t waste your vote by voting for @GautamGambhir; he is going to get disqualified sooner or later for having two Voter ID cards! अपना वोट व्यर्थ ना करें! #GambhirApradh pic.twitter.com/6bxGnT4n93

— Atishi (@AtishiAAP) April 26, 2019

ഗംഭീറിന്റെ രണ്ട് മണ്ഡലങ്ങളിലെയും വോട്ടര്‍പ്പട്ടിക വിവരങ്ങളും പങ്കുവച്ച് അതിഷി ട്വീറ്റ് ചെയ്തു. ഇവ രണ്ടും സെന്‍ട്രല്‍ ഡല്‍ഹി ലോക്‌സഭാ മണ്ഡലത്തില്‍ വരുന്ന നിയോജകമണ്ഡലങ്ങളാണ്. നിയമപ്രകാരം ഒരു വര്‍ഷം വരെ ജയില്‍ശിക്ഷ ലഭിക്കാവുന്ന കുറ്റമാണ് ഇതെന്ന് കാണിച്ചാണ് അതിഷിയുടെ ട്വീറ്റ്.

അതേസമയം ആരോപണത്തെ ഗൗതം ഗംഭീര്‍ തള്ളി. ആരോപണം ഉന്നയിക്കുകയും പിന്നീട് മാപ്പ് പറയുകയും ചെയ്യുന്നത് ആം ആദ്മി പാര്‍ട്ടിയുടെ പതിവ് ശൈലിയാണെന്ന് ഗംഭീര്‍ പറഞ്ഞു. എന്നാല്‍ ആരോപണം തെളിഞ്ഞാല്‍ ഗംഭീറിന്റെ നാമനിര്‍ദേശ പത്രിക തള്ളാനും ഒരു വര്‍ഷം തടവ് ശിക്ഷയ്ക്ക് വിധിക്കാനും കോടതിയ്ക്ക് അധികാരമുണ്ട്.

രാജ്യ തലസ്ഥാനത്തിന് പുറമേ ഹരിയാനയിലും തെരഞ്ഞെടുപ്പിന് മുന്നേ ഇരുപാര്‍ട്ടികളും കൈകോര്‍ക്കുന്നത് ബിജെപിക്ക് വലിയ തിരിച്ചടിയാവും. ഡല്‍ഹിയില്‍ ഏഴ് ലോക്സഭാ സീറ്റുകളും ഹരിയാനയില്‍ 10 ലോക്സഭാ സീറ്റുകളുമാണുള്ളത്. ഇരു സംസ്ഥാനങ്ങളിലും മെയ് 12ന് ആണ് തെരഞ്ഞെടുപ്പ്.

ഡല്‍ഹിയില്‍ സീറ്റ് വീതംവയ്പ്പ് ഏത് രീതിയിലായിരിക്കണമെന്നതു സംബന്ധിച്ച് ചര്‍ച്ച തുടരുകയാണ്. ന്യൂഡല്‍ഹിയും, ചാദ്‌നിചൗക്കും, നോര്‍ത്തവെസ്റ്റ് ഡല്‍ഹിയും കോണ്‍ഗ്രസ് ആവശ്യപ്പെട്ടതായാണ് വിവരം. ബാക്കി മണ്ഡലങ്ങള്‍ ആപ്പിന് വിട്ടുകൊടുക്കാനും സാധ്യതയുണ്ട്.

ദേശീയ തലത്തില്‍ വിവിധ പാര്‍ട്ടികളുമായി സഖ്യമുണ്ടാക്കുന്നതിന് കോണ്‍ഗ്രസിന് തുറന്നതും അയഞ്ഞതുമായ സമീപനമാണുള്ളതെന്ന് ദേശീയ അധ്യക്ഷന്‍ രാഹുല്‍ ഗാന്ധി കഴിഞ്ഞ ദിവസം വ്യക്തമാക്കിയിരുന്നു. പ്രകടന പത്രികയില്‍ മാറ്റം വരുത്തി ഡല്‍ഹിക്ക് പൂര്‍ണ സംസ്ഥാന പദവി നല്‍കുമെന്ന വാഗ്ദാനം ഉള്‍പ്പെടുത്താമെന്ന് കോണ്‍ഗ്രസ് സമ്മതിച്ചതായാണ് റിപോര്‍ട്ട്. പൂര്‍ണ സംസ്ഥാന പദവി ലഭ്യമാവും വരെ, തെരഞ്ഞെടുക്കപ്പെടുന്ന സര്‍ക്കാര്‍ നോമിനി ആയിരിക്കും ഡല്‍ഹി ലഫ്റ്റനന്റ് ഗവര്‍ണറെന്നും റിപോര്‍ട്ടില്‍ പറയുന്നു. അതേസമയം പഞ്ചാബിലെ സഖ്യം സംബന്ധിച്ച് ഇരുപാര്‍ട്ടികളും ഇതുവരെ ചര്‍ച്ച ചെയ്തിട്ടില്ല.

ഹരിയാന, പഞ്ചാബ്, ഗോവ എന്നിവിടങ്ങളിലും സഖ്യം വേണമെന്ന നിലപാടിലാണ് എഎപി. എന്നാൽ ഡൽഹി, ഹരിയാന എന്നിവിടങ്ങളിലെ ധാരണയ്ക്കു മാത്രമാണു കോൺഗ്രസിനു താൽപര്യം.

AICC Press briefing by @rssurjewala & @ajaymaken on the return of @ArvinderLovely to the Congress family. https://t.co/H45HNhN9cX

— Congress (@INCIndia) February 17, 2018

പാര്‍ട്ടി മാറ്റം സംബന്ധിച്ച ഔദ്യോഗിക പ്രഖ്യാപനം പത്രസമ്മേളനത്തില്‍ ഉണ്ടാവുമെന്ന് കോണ്‍ഗ്രസ് അറിയിച്ചു. കഴിഞ്ഞ തെരഞ്ഞെടുപ്പ് കാലത്ത് യൂത്ത് കോണ്‍ഗ്രസ് നേതാവ് അമിത് മാലിക്കിന്റെ കൂടെയാണ് അര്‍വീന്ദര്‍ സിങ് ബി.ജെ.പിയില്‍ ചേര്‍ന്നത്. ഷീലാ ദീക്ഷിതിന്റെ നേതൃത്വത്തിലുള്ള കോണ്‍ഗ്രസ് സര്‍ക്കാറില്‍ വിദ്യാഭ്യാസം, ഗതാഗതം, ടൂറിസം അടക്കം സുപ്രധാന വകുപ്പുകളുടെ ചുമതലയുള്ള മന്ത്രിയായിരുന്നു അദ്ദേഹം.
ആശയപരമായി തനിക്ക് യോജിച്ച പാര്‍ട്ടിയല്ല ബി.ജെ.പി എന്നായിരുന്നു മടങ്ങിയെത്തിയ ലൗലിയുടെ ആദ്യ പ്രതികരണം. തന്റെ പാളയത്തില്‍ മടങ്ങിയെത്തിയതില്‍ സന്തോഷമുണ്ടെന്നും മുന്‍ മന്ത്രി കൂടിയായ ലൗലി പറഞ്ഞു. ഡല്‍ഹിയുടെ ചുമതലയുള്ള എഐസിസി പ്രതിനിധി പി.സി. ചാക്കോയും അയജ് മാക്കനും ചേര്‍ന്നാണ് അദ്ദേഹത്തെ തിരികെ സ്വാഗതം ചെയ്തത്.

ലൗലിയുടെ കോണ്‍ഗ്രസ് പ്രവേശനം ഷീല ദീക്ഷിത് സ്വാഗതം ചെയ്തു. ‘മടങ്ങിയതില്‍ സന്തോഷമുണ്ട്. ഏറ്റവും നല്ലത് സ്വന്തം വീടാണെന്ന് ഒടുവില്‍ അവന്‍ തിരിച്ചറിഞ്ഞു. ഷീലാ ദിക്ഷിത് പറഞ്ഞു.

തെരഞ്ഞെടുപ്പ് പരാജയത്തോടെ ആദ്യം രാജിവെച്ചൊഴിഞ്ഞത് ദിലീപ് പാണ്ഡെ ആയിരുന്നു. തുടര്‍ന്ന് പഞ്ചാബ് കണ്‍വീനറായ സഞ്ജയ് സിംങും രാജിവെച്ചു. എന്നാല്‍ ഡല്‍ഹിയിലെ പരാജയം മാത്രമല്ല മുതിര്‍ന്ന നേതാക്കളുടെ രാജിയിലേക്ക് നയിച്ചത്. പഞ്ചാബിലും ഗോവയിലും നേരിട്ട പരാജയവും അതിന് കാരണമാണ്. വോട്ടിംങ് മെഷീനിലെ ക്രമക്കേടെന്ന് പറഞ്ഞ് സംസ്ഥാനങ്ങളിലെ പരാജയങ്ങളെ മൂടിവെക്കുമ്പോള്‍ ഡല്‍ഹി കോര്‍പ്പറേഷനിലെ തോല്‍വി എ.എ.പിക്ക് കനത്ത തിരിച്ചടിയായിരിക്കുകയാണ്. നേതാക്കളുടെ വിശദീകരണങ്ങളില്‍ പാര്‍ട്ടിക്കുള്ളില്‍ അതൃപ്തിയുണ്ടെന്നതാണ് വാസ്തവം.

ഡല്‍ഹി നിയമസഭാ തെരഞ്ഞെടുപ്പിലേക്ക് 70ല്‍ 67സീറ്റും നേടി മുന്നേറിയ പാര്‍ട്ടിയാണ് ഇപ്പോള്‍ കോര്‍പ്പറേഷന്‍ തെരഞ്ഞെടുപ്പില്‍ തകര്‍ന്നടിഞ്ഞിരിക്കുന്നത്. പാര്‍ട്ടിയുടെ തുടര്‍ച്ചയായ തോല്‍വികള്‍ മൂലം നേതാക്കന്‍മാര്‍ രാജിവെച്ചൊഴിയുന്ന പ്രതിസന്ധിയിലാണ് കെജ്‌രിവാള്‍ യോഗം ചേര്‍ന്ന് തെരഞ്ഞെടുപ്പ് പരാജയം ചര്‍ച്ച ചെയ്യുന്നത്. കെജ്‌രിവാളിന്റെ സ്വന്തം വസതിയാണ് യോഗം നടക്കുന്നത്.

I congratulate BJP on their victory in all 3 MCDs. My govt looks forward to working wid MCDs for the betterment of Delhi

— Arvind Kejriwal (@ArvindKejriwal) April 26, 2017

ഇലക്ട്രോണിക് മെഷീന്‍ വിഷയത്തില്‍ മൗനം പാലിച്ച മുഖ്യമന്ത്രി, ഡല്‍ഹിയുടെ വികസനത്തിനുവേണ്ടി എം.സി.ഡികളുമായി സര്‍ക്കാര്‍ സഹകരിച്ച് പ്രവര്‍ത്തിക്കുമെന്ന് ട്വിറ്ററിലൂടെ വ്യക്തമാക്കി.

തിരഞ്ഞെടുപ്പില്‍ പ്രതിഫലിച്ചത് മോദി തരംഗമല്ല, ഇ.വി.എം തരംഗമാണെന്നായിരുന്നു ആം ആദ്മി പാര്‍ട്ടി നേതാക്കള്‍ ഉന്നയിച്ച ആരോപണം. ബി.ജെ.പി വന്‍ വിജയം നേടുമെന്ന എക്സിറ്റ് പോള്‍ ഫലങ്ങള്‍ ശരിയായാല്‍ വോട്ടിങ് യന്ത്രം ഉപയോഗിക്കുന്നതിനെതിരെ പ്രക്ഷോഭം സംഘടിപ്പിക്കുമെന്നും കെജ്രിവാള്‍ തിങ്കളാഴ്ച വ്യക്തമാക്കിയിരുന്നു. എന്നാല്‍ ഇതേക്കുറിച്ചൊന്നും അദ്ദേഹം ട്വീറ്റില്‍ പരാമര്‍ശച്ചില്ല.

കഴിഞ്ഞ ഏപ്രില്‍ മൂന്നിനാണ് ജാദവിനെ പോലീസ് പിടികൂടുന്നത്. ചാരനാണെന്ന് ആരോപിച്ച് 10ന് പാക് സൈനിക കോടതി വധശിക്ഷ വിധിച്ച ജാദവിനെ വിട്ടുകിട്ടാനാണ് ഇന്ത്യ ശ്രമിക്കുന്നത്. ജാദവിന്റെ വധശിക്ഷ നടപ്പിലാക്കിയാല്‍ ഇരുരാജ്യങ്ങളും തമ്മിലുള്ള ഉഭയകക്ഷി ബന്ധം വഷളാകുമെന്ന് ഇന്ത്യ മുന്നറിയിപ്പ് നല്‍കിയിരുന്നു. കോടതിവിധിയോട് എതിര്‍പ്പുണ്ടെങ്കില്‍ 40ദിവസത്തിനകം മേല്‍ക്കോടതിയില്‍ അപ്പീല്‍ നല്‍കണമെന്നാണ് പാക്കിസ്താനിലെ ചട്ടം.

ജാദവിനെ മോചിപ്പിക്കണമെന്നും നാല്‍പ്പത് ദിവസത്തിനകം അദ്ദേഹത്തെ കാണാന്‍ അനുവദിക്കണമെന്നും ആവശ്യപ്പെട്ടാണ് നിവേദനം സമര്‍പ്പിച്ചതെന്ന് ഇന്ത്യന്‍ ഹൈക്കമ്മീഷ്ണര്‍ വ്യക്തമാക്കി. ഇന്ത്യന്‍ നാവികസേനയില്‍ നിന്ന് കമാന്‍ഡറായി വിരമിച്ച ജാദവ് മഹാരാഷ്ട്രക്കാരനാണ്.

കോര്‍പറേഷനുകളില്‍ ഇതര പാര്‍ട്ടികളെ ബഹുദൂരം പിന്നിലാക്കിയാണ് ബിജെപിയുടെ വിജയം. വന്‍ പ്രതീക്ഷയോടെ ഇറങ്ങിയ ആം ആദ്മി വടക്ക് തെക്ക് ഡല്‍ഹിയില്‍ രണ്ടാം സ്ഥാനം നിലനിര്‍ത്താന്‍ സാധിച്ചെങ്കിലും കിഴക്കന്‍ ഡല്‍ഹില്‍ കോണ്‍ഗ്രസിന്റെ പിന്നില്‍ മൂന്നാം സ്ഥാനത്താണ്.

അതേസമയം ഡല്‍ഹി ഭരിക്കുന്ന ആം ആദ്മി പാര്‍ട്ടി നാല്‍പതിലേറെ സീറ്റുകളില്‍ ലീഡ് ചെയ്യുന്നുണ്ട്. മൂന്നു മുന്‍സിപ്പലുകളിലായി 272 വാര്‍ഡുകളാണുള്ളത്. എന്നാല്‍ ഇതില്‍ ഇരുനൂറോളം വാര്‍ഡുകളിലും ബിജെപിയാണ് മുന്നേറുന്നത്.

തെക്ക്, വടക്ക് എംസിഡികളില്‍ 104 വീതവും കിഴക്കന്‍ ഡല്‍ഹി എം.സിഡിയില്‍ 64 വാര്‍ഡുകളുമാണുള്ളത്. 10 വര്‍ഷമായി ഡല്‍ഹിയിലെ മൂന്നു എം.സി.ഡികളും ഭരിക്കുന്നത് ബി.ജെ.പിയാണ്.

രണ്ട് വര്‍ഷമായി അധികാരത്തിലിരിക്കുന്ന ഡല്‍ഹി മുഖ്യമന്ത്രി അരവിന്ദ് കെജ്‌രിവാളിന് കനത്ത തിരിച്ചടിയാണ് തെരഞ്ഞെടുപ്പ് ഫലം. ഇതാദ്യമായാണ് ആം ആദ്മി പാര്‍ട്ടി ഡല്‍ഹി മുനിസിപ്പല്‍ കോര്‍പറേഷനുകളില്‍ മത്സരിക്കുന്നത്.
അതേസമയം, ഇലക്ട്രോണിക് വോട്ടിങ് യന്ത്രത്തിനിനെതിരെ ആരോപണവുമായി ആപ്പ് രംഗത്തെത്തി. ഡല്‍ഹിയില്‍ മോദി തരംഗമില്ലെന്നും ഇ.വി.എം(ഇലക്ട്രോണിക് വോട്ടിംങ് മെഷീന്‍)തരംഗമാണെന്നുമാണ് ആംആദ്മി ഉയര്‍ത്തുന്ന വാദം.

ബി.ജെ.പിക്ക് അനുകൂലമായാണ് കോര്‍പ്പറേഷന്‍ തെരഞ്ഞെടുപ്പ് ഫലം. ഈ അവസരത്തില്‍ കോണ്‍ഗ്രസ്സിന് ആത്മപരിശോധനയാണ് വേണ്ടത്. തെരഞ്ഞെടുപ്പ് ഒരുക്കങ്ങള്‍ കൈകാര്യം ചെയ്യുന്നതില്‍ വീഴ്ച്ചപറ്റിയെന്നും മുതിര്‍ന്ന കോണ്‍ഗ്രസ് നേതാവുകൂടിയായ ഷീലാ ദീക്ഷിത് പറഞ്ഞു. കെജ്‌രിവാളിനെ ജനങ്ങള്‍ മനസ്സിലാക്കിയിരിക്കുകയാണ്. കോണ്‍ഗ്രസ്സിനേയും കെജ്‌രിവാളിനേയും താരതമ്യം ചെയ്യരുത്. ഉത്തരവാദിത്തത്തോടെയുള്ള തെരഞ്ഞെടുപ്പ് പ്രചാരണം കോണ്‍ഗ്രസ്സിന്റെ ഭാഗത്തുനിന്നുണ്ടായില്ല. ആരും പ്രചാരണത്തിന് തന്നോട് പറഞ്ഞില്ലെന്നും അതുകൊണ്ട് പ്രചാരണങ്ങളില്‍ നിന്ന് വിട്ടുനില്‍ക്കുകയായിരുന്നുവെന്നും അവര്‍ പറഞ്ഞു. ഇലക്ട്രോണിക് വോട്ടിംങ് മെഷീനുമായി ബന്ധപ്പെട്ട ആരോപണങ്ങളില്‍ സര്‍ക്കാരും തെരഞ്ഞെടുപ്പ് കമ്മീഷനും പരിഹാരം കാണണമെന്നും ഷീല ദീക്ഷിത് കൂട്ടിച്ചേര്‍ത്തു.

തുടര്‍ച്ചയായി മൂന്നാം തവണയും ഡല്‍ഹി കോര്‍പ്പറേഷനിലേക്ക് ബി.ജെ.പിയാണ് ജയിച്ചുകയറിയത്. കോണ്‍ഗ്രസ്സിനെ പിന്നിലാക്കി ആംആദ്മി പാര്‍ട്ടിയാണ് രണ്ടാം സ്ഥാനത്ത്. തെരഞ്ഞെടുപ്പ് പരാജയത്തിന്റെ ഉത്തരവാദിത്തം ഏറ്റെടുത്ത് സംസ്ഥാനത്തെ കോണ്‍ഗ്രസ് അധ്യക്ഷസ്ഥാനം അജയ് മാക്കന്‍ രാജിവെച്ചു.

ആംആദ്മി പാര്‍ട്ടി നേതാവ് ഗോപാല്‍ റായ് ഡല്‍ഹിയില്‍ മോദിതരംഗമില്ലെന്നും ഇ.വി.എം തരംഗമാണെന്നും പറഞ്ഞു. മുഖ്യമന്ത്രി അരവിന്ദ് കെജ്‌രിവാളുമായും മനീഷ് സിസോദിയയുമായുള്ള കൂടിക്കാഴ്ച്ചക്ക് ശേഷമാണ് ഗോപാല്‍ റായുടെ പരാമര്‍ശം. കൂടാതെ സര്‍ക്കാര്‍ ഉപദേശകനും ഇ.വി.എം മെഷീനുകളെ വിമര്‍ശിച്ച് രംഗത്തെത്തിയിട്ടുണ്ട്. ജനാധിപത്യം അപകടകരമായ അവസ്ഥയിലാണെന്നും വോട്ടിംങ് മെഷീനുകളെ ക്രമക്കേടിലാക്കിയെന്ന് പാര്‍ട്ടിയുടെ മുതിര്‍ന്ന നേതാവായ അശുതോഷ് പറഞ്ഞു. തെരഞ്ഞെടുപ്പിന് മുമ്പുതന്നെ മെഷീനുകളില്‍ ക്രമക്കേടുണ്ടാവാന്‍ സാധ്യതയുണ്ടെന്ന് കെജ്‌രിവാള്‍ ആരോപിച്ചിരുന്നു. വോട്ട് രേഖപ്പെടുത്തിയതിന് ശേഷം ജനങ്ങള്‍ക്ക് സ്ലിപ്പ് നല്‍കണമെന്നും അദ്ദേഹം ആവശ്യപ്പെട്ടിരുന്നു. തെരഞ്ഞെടുപ്പ് ഫലം പുറത്തുവന്നപ്പോഴും ഈ ആരോപണത്തില്‍ ഉറച്ചുനില്‍ക്കുകയാണ് ആംആദ്മി പാര്‍ട്ടി.

തുടര്‍ച്ചയായി മൂന്നാംതവണയാണ് ഡല്‍ഹി കോര്‍പ്പറേഷനില്‍ ബി.ജെ.പി അധികാരത്തിലെത്തുന്നത്. ആകെയുള്ളത് 270 സീറ്റുകളാണ്. ബി.ജെ.പി 179സീറ്റുകളില്‍ ലീഡ് ചെയ്യുമ്പോള്‍ ആംആദ്മിക്ക് 42സീറ്റും കോണ്‍ഗ്രസ്സിന് 35സീറ്റും ലഭിച്ചിട്ടുണ്ട്. മറ്റുള്ളവക്ക് 14 സീറ്റും ലഭിച്ചു.

ഉത്തര്‍പ്രദേശിലെ ബി.ജെ.പിയുടെ വന്‍വിജയത്തിനുശേഷമാണ് വോട്ടിംങ് മെഷീനില്‍ ക്രമക്കേട് നടന്നിട്ടുണ്ടെന്ന ആരോപണം ശക്തമായത്. മായാവതിയായിരുന്നു ആരോപണവുമായി ആദ്യം രംഗത്തെത്തിയത്. പിന്നീട് അരവിന്ദ് കെജ്‌രിവാളും മറ്റു പാര്‍ട്ടിക്കാരും ആരോപണം പിന്തുടരുകയായിരുന്നു.