യു.പിയിലോ ഡല്‍ഹിയിലോ നടന്ന തെരഞ്ഞെടുപ്പുകളില്‍ നിങ്ങള്‍(ബി.ജെ.പി) വിജയിച്ചിട്ടില്ലെന്നാണ് നിയമസഭയില്‍ നടന്ന തത്സമയ വിവരണം വ്യക്തമാക്കുന്നത്. സാധാരണക്കാര്‍ക്കു വേണ്ടിയാണ് സൗരവ് ഇത് വിശദീകരിച്ചത്. മറ്റ് രാഷ്ട്രീയ പാര്‍ട്ടികള്‍ മത്രമല്ല, തെരഞ്ഞെടുപ്പിന്റെ ഉടമസ്ഥര്‍(തെരഞ്ഞെടുപ്പ് കമ്മീഷന്‍) കൂടി ഇതേക്കുറിച്ച് ഇരുന്ന് ചിന്തിക്കണം. സ്വതന്ത്രവും നിഷ്പക്ഷവുമായ തെരഞ്ഞെടുപ്പാണ് ഇന്ത്യന്‍ ജനാധിപത്യത്തിന്റെ ആത്മാവ്. മുംബൈയില്‍ ഒരു സ്ഥാനാര്‍ത്ഥി സ്വന്തം കുടുംബത്തിന്റെ വോട്ടു പോലും ലഭിക്കാത്തത് പരാതിയായി കമ്മീഷന്‍ മുമ്പാകെ ഉന്നയിച്ച ശേഷമാണ് ഞങ്ങള്‍ ഈ വിഷയം ഉയര്‍ത്തിക്കൊണ്ടുവന്നത്. ജീവനു ഭീഷണിയുണ്ടായിട്ടു പോലും വോട്ടിങ് മെഷീന്‍ ക്രമക്കേട് സംബന്ധിച്ച വാര്‍ത്തകള്‍ പുറത്തുകൊണ്ടുവന്ന മാധ്യമപ്രവര്‍ത്തകരെ അഭിനന്ദിക്കുന്നതായും സിസോദിയ പറഞ്ഞു. ഏക ബി.ജെ.പി എം.എല്‍.എ സഭയില്‍നിന്ന് വാക്കൗട്ട് നടത്തിയതിനാല്‍ ഐകകണ്‌ഠ്യേനയാണ് ബാലറ്റ് പേപ്പറിനു വേണ്ടിയുള്ള പ്രമേയം സഭ പാസാക്കിയത്.

കുമാര്‍ വിശ്വാസ് പാര്‍ട്ടി പിളര്‍ത്താന്‍ നീക്കം നടത്തുന്നുവെന്ന ആരോപണത്തെ തുടര്‍ന്നുണ്ടായ വിവാദത്തിനൊടുവിലാണ് രാജി. പാര്‍ട്ടി പിടിച്ചെടുക്കാന്‍ കുമാര്‍ വിശ്വാസിന്റെ നേതൃത്വത്തില്‍ നീക്കം നടക്കുന്നുവെന്നും ഈ നീക്കം പരാജയപ്പെട്ടാല്‍ ബി.ജെ.പിയിലേക്ക് പോകാനാണ് അദ്ദേഹം ലക്ഷ്യമിടുന്നതെന്നുമായിരുന്നു ഖാന്റെ ആരോപണം. കുമാറിനെ അനുകൂലിക്കുന്ന എം.എല്‍.എമാര്‍ ഈ നീക്കത്തോടൊപ്പമാണെന്നും ഖാന്‍ വ്യക്തമാക്കിയിരുന്നു. എന്നാല്‍ അദ്ദേഹം ആരോപണത്തിനെതിരെ വ്യാപകമായ എതിര്‍പ്പ് ഉയരുകയായിരുന്നു. തുടര്‍ന്ന് ഖാന്റെ രാജി ആവശ്യപ്പെട്ട് ഡല്‍ഹിയിലെയും പഞ്ചാബിലെയും മുപ്പതിലേറെ എം.എല്‍.എമാര്‍ ഡല്‍ഹി മുഖ്യമന്ത്രി അരവിന്ദ് കെജ്രിവാളിന് കത്തുനല്‍കിയെന്ന വാര്‍ത്തയുമുണ്ടായി.

കുമാര്‍ വിശ്വാസ്

ഇതിന് പിന്നാലെയാണ് തിങ്കളാഴ്ച വൈകി ഖാന്റെ രാജി പ്രഖ്യാപനമുണ്ടായത്.
അതേസമയം, ആരോപണത്തില്‍ ഉറച്ചു നില്‍ക്കുന്നുവെന്ന് അമാനത്തുള്ള ഖാന്‍ വ്യക്താമാക്കി വീണ്ടും രംഗത്തെത്തി. ബി.ജെ.പിക്കുവേണ്ടിയാണ് പാര്‍ട്ടിയെ ഭിന്നിപ്പിക്കാന്‍ കുമാര്‍ ശ്രമിക്കുന്നതെന്ന ആരോപണവും അദ്ദേഹം തുടര്‍ന്നു.

In the last 2 days …. pic.twitter.com/0quqxJtNAt

— Arvind Kejriwal (@ArvindKejriwal) April 29, 2017

എല്ലാ വിമര്‍ശനങ്ങളെയും ഉള്‍കൊളളുന്നുവെന്നും തെറ്റുകള്‍ തിരുത്തി മുന്നോട്ടു പോകുന്നുവെന്നും ട്വീറ്റില്‍ കേജ്രിവാള്‍ വ്യക്തമാക്കി. പരാജയത്തില്‍ നിന്ന് പാഠം ഉള്‍കൊണ്ട് ഉണര്‍ന്നു പ്രവൃത്തിക്കുകയാണ് വേണ്ടതെന്നും മുഖ്യമന്ത്രി കുറിച്ചു.

രാജ്യം ഏറെ ആകാഷയോടെ നോക്കിയിരുന്ന  ഡല്‍ഹി മുനിസിപ്പല്‍ തിരഞ്ഞെടുപ്പില്‍ ഡല്‍ഹി ഭരിക്കുന്ന എഎപിക്ക് 48 സീറ്റ് നേടി രണ്ടാം സ്ഥാനത്ത് എത്താനെ സാധിച്ചിരുന്നുള്ളൂ. 181 സീറ്റ് നേടി ബിജെപി ഭരണം നിലനിര്‍ത്തുകയായിരുന്നു.

I congratulate BJP on their victory in all 3 MCDs. My govt looks forward to working wid MCDs for the betterment of Delhi

— Arvind Kejriwal (@ArvindKejriwal) April 26, 2017

ഇലക്ട്രോണിക് മെഷീന്‍ വിഷയത്തില്‍ മൗനം പാലിച്ച മുഖ്യമന്ത്രി, ഡല്‍ഹിയുടെ വികസനത്തിനുവേണ്ടി എം.സി.ഡികളുമായി സര്‍ക്കാര്‍ സഹകരിച്ച് പ്രവര്‍ത്തിക്കുമെന്ന് ട്വിറ്ററിലൂടെ വ്യക്തമാക്കി.

തിരഞ്ഞെടുപ്പില്‍ പ്രതിഫലിച്ചത് മോദി തരംഗമല്ല, ഇ.വി.എം തരംഗമാണെന്നായിരുന്നു ആം ആദ്മി പാര്‍ട്ടി നേതാക്കള്‍ ഉന്നയിച്ച ആരോപണം. ബി.ജെ.പി വന്‍ വിജയം നേടുമെന്ന എക്സിറ്റ് പോള്‍ ഫലങ്ങള്‍ ശരിയായാല്‍ വോട്ടിങ് യന്ത്രം ഉപയോഗിക്കുന്നതിനെതിരെ പ്രക്ഷോഭം സംഘടിപ്പിക്കുമെന്നും കെജ്രിവാള്‍ തിങ്കളാഴ്ച വ്യക്തമാക്കിയിരുന്നു. എന്നാല്‍ ഇതേക്കുറിച്ചൊന്നും അദ്ദേഹം ട്വീറ്റില്‍ പരാമര്‍ശച്ചില്ല.

തെരഞ്ഞെടുപ്പ് പരാജയത്തിന്റെ ഉത്തരവാദിത്വം ഡല്‍ഹി പ്രദേശ് കോണ്‍ഗ്രസ് കമ്മിറ്റി അധ്യക്ഷന്‍ എന്ന നിലയില്‍ ഞാന്‍ ഏറ്റെടുക്കുന്നു. അതിനാല്‍ തന്നെ ആ സ്ഥാനത്ത് നിന്ന് ഞാന്‍ രാജിവെക്കുകയും ചെയ്യുന്നു, മാക്കന്‍ പറഞ്ഞു.

ഫലം വ്യക്തിപരമായി എന്നെ നിരാശപ്പെടുത്തുന്നതാണ്. ഇതിലും മികച്ച പ്രകടനനമാണ് പ്രതീക്ഷിച്ചിരുന്നത്, തെരഞ്ഞെടുപ്പില്‍ കോണ്‍ഗ്രസിനെ നയിച്ച മാക്കന്‍ വ്യക്തമാക്കി.

കോര്‍പറേഷനുകളില്‍ ഇതര പാര്‍ട്ടികളെ ബഹുദൂരം പിന്നിലാക്കിയാണ് ബിജെപിയുടെ വിജയം. വന്‍ പ്രതീക്ഷയോടെ ഇറങ്ങിയ ആം ആദ്മി വടക്ക് തെക്ക് ഡല്‍ഹിയില്‍ രണ്ടാം സ്ഥാനം നിലനിര്‍ത്താന്‍ സാധിച്ചെങ്കിലും കിഴക്കന്‍ ഡല്‍ഹില്‍ കോണ്‍ഗ്രസിന്റെ പിന്നില്‍ മൂന്നാം സ്ഥാനത്താണ്.

അതേസമയം ഡല്‍ഹി ഭരിക്കുന്ന ആം ആദ്മി പാര്‍ട്ടി നാല്‍പതിലേറെ സീറ്റുകളില്‍ ലീഡ് ചെയ്യുന്നുണ്ട്. മൂന്നു മുന്‍സിപ്പലുകളിലായി 272 വാര്‍ഡുകളാണുള്ളത്. എന്നാല്‍ ഇതില്‍ ഇരുനൂറോളം വാര്‍ഡുകളിലും ബിജെപിയാണ് മുന്നേറുന്നത്.

തെക്ക്, വടക്ക് എംസിഡികളില്‍ 104 വീതവും കിഴക്കന്‍ ഡല്‍ഹി എം.സിഡിയില്‍ 64 വാര്‍ഡുകളുമാണുള്ളത്. 10 വര്‍ഷമായി ഡല്‍ഹിയിലെ മൂന്നു എം.സി.ഡികളും ഭരിക്കുന്നത് ബി.ജെ.പിയാണ്.

രണ്ട് വര്‍ഷമായി അധികാരത്തിലിരിക്കുന്ന ഡല്‍ഹി മുഖ്യമന്ത്രി അരവിന്ദ് കെജ്‌രിവാളിന് കനത്ത തിരിച്ചടിയാണ് തെരഞ്ഞെടുപ്പ് ഫലം. ഇതാദ്യമായാണ് ആം ആദ്മി പാര്‍ട്ടി ഡല്‍ഹി മുനിസിപ്പല്‍ കോര്‍പറേഷനുകളില്‍ മത്സരിക്കുന്നത്.
അതേസമയം, ഇലക്ട്രോണിക് വോട്ടിങ് യന്ത്രത്തിനിനെതിരെ ആരോപണവുമായി ആപ്പ് രംഗത്തെത്തി. ഡല്‍ഹിയില്‍ മോദി തരംഗമില്ലെന്നും ഇ.വി.എം(ഇലക്ട്രോണിക് വോട്ടിംങ് മെഷീന്‍)തരംഗമാണെന്നുമാണ് ആംആദ്മി ഉയര്‍ത്തുന്ന വാദം.