ഇന്ധനവില കൂടിയാല്‍ ഉപയോഗം കുറയും. അപ്പോള്‍ ആളുകള്‍ ഇലക്ട്രിക വാഹനങ്ങള്‍ ഉപയോഗിക്കാന്‍ തുടങ്ങും. നികുതി കൂട്ടിയാല്‍ മാത്രമേ പാലം പണിയാനും സ്‌കൂളില്‍ കമ്പ്യൂട്ടര്‍ വാങ്ങാനും കഴിയൂ എന്നും അദ്ദേഹം കൂട്ടിച്ചേര്‍ത്തു.

കഴിഞ്ഞ ദിവസം അദ്ദേഹം ബിജെപിയില്‍ ചേര്‍ന്നിരുന്നു. രാജ്യസേവനത്തിനാണ് താന്‍ ഐപിഎസ് എടുത്തതെന്നും എന്നാല്‍ രാഷ്ട്രബോധമില്ലാത്ത ചിലരുടെ ഇഷ്ടങ്ങള്‍ക്ക് എതിര് നിന്നപ്പോള്‍ അപമാനിക്കുകയും പീഡിപ്പിക്കുകയും ചെയ്‌തെന്നും അദ്ദേഹം പറഞ്ഞു. ഇതുകൊണ്ടാണ് താന്‍ ബിജെപിയില്‍ ചേര്‍ന്നതെന്നും അദ്ദേഹം വ്യക്തമാക്കി.

മുന്‍ ചീഫ് സെക്രട്ടറിയായിരുന്ന കെ.എം എബ്രഹാം ധനകാര്യ വകുപ്പിന്റെ ചുമതല വഹിക്കുമ്പോഴാണ് റിപ്പോര്‍ട്ട് പുറത്തുവരുന്നത്. അന്ന് ചീഫ് സെക്രട്ടറിയായിരുന്ന എസ്.എം വിജയാനന്ദ് ഇതില്‍ നടപടി ആവശ്യപ്പെട്ട് മുഖ്യമന്ത്രിക്ക് കത്ത് നല്‍കിയിരുന്നു. എന്നാല്‍ വിജിലന്‍സ് ഡയരക്ടറായിരുന്ന ജേക്കബ് തോമസിനെ സംരക്ഷിക്കുന്ന നിലപാടാണ് അന്ന് സര്‍ക്കാര്‍ സ്വീകരിച്ചത്.

പിന്നീട് ജേക്കബ് തോമസ് സസ്‌പെന്‍ഷനിലായി. തുടര്‍ന്ന് ഈ റിപ്പോര്‍ട്ടില്‍ എന്ന് ചെയ്യാനാവുമെന്ന് സര്‍ക്കാര്‍ നിയമോപദേശം തേടി. കേസെടുക്കാമെന്ന് നിയമോപദേശം ലഭിച്ചതിനെ തുടര്‍ന്നാണ് അന്വേഷണത്തിന് മുഖ്യമന്ത്രി ഉത്തരവിട്ടിരിക്കുന്നത്.

ചീഫ് സെക്രട്ടറി അധ്യക്ഷനായ അവലോകന കമ്മിറ്റിയുടെ ശുപാർശ പ്രകാരമാണ് മുഖ്യമന്ത്രി പിണറായി വിജയന്‍ സസ്‌പെന്‍ഷന്‍ കാലാവധി നീട്ടിയത്. അഡീഷണൽ ചീഫ് സെക്രട്ടറി രാജീവ് സദാനന്ദനാണ് വകുപ്പ് തല അന്വേഷണം നടത്തുന്നത്. വകുപ്പ്തല അന്വേഷണം പൂർത്തിയാകാത്തിനാൽ ജേക്കബ് തോമസിനെ പുറത്തുനിർത്താനാണ് ചീഫ് സെക്രട്ടറിയുടെ അധ്യക്ഷതയിലുള്ള അവലോകന കമ്മിറ്റി ശുപാർശ ചെയ്തത്. ഈ ശുപാർശ അംഗീകരിച്ചാണ് നാലുമാസത്തേക്ക് കൂടി മുഖ്യമന്ത്രി സസ്പെൻഷന്‍ നീട്ടിയത്.

ഓഖി ദുരിതാശ്വാസ പ്രവർത്തനത്തിൽ സർക്കാരിന് വീഴ്ച സംഭവിച്ചുവെന്ന പ്രസംഗിച്ചതിനാണ് ജേക്കബ് തോമസിനെ സസ്പെന്‍ഡ് ചെയ്തത്. ജേക്കബ്‌ തോമസിനെ സസ്പെന്‍ഡ് ചെയ്തത്. തലസ്ഥാനത്തെ പ്രസ്ക്ലബ്ബില്‍ അഴിമതി വിരുദ്ധ ദിനാചരണ യോഗത്തില്‍ പ്രസംഗത്തിനിടെ “സംസ്ഥാനത്തെ നിയമവാഴ്ച തകരാറിലാണെന്ന” വിവാദ പ്രസ്താവനയെ തുടര്‍ന്നായിരുന്നു യായിരുന്നു സസ്പെന്‍ഡ്.

സംസ്ഥാനത്ത് നിയമ വാഴ്ചയില്ലെന്നും അഴിമതിക്കെതിരെ നിലകൊള്ളാന്‍ ജനങ്ങള്‍ പേടിക്കുന്നതിനു കാരണം ഇതാണെന്നും ആയിരുന്നു അദ്ദേഹത്തിന്‍റെ വിമര്‍ശനം .ഇതുള്‍പ്പെടെ നിശിത വിമര്‍ശനങ്ങളായിരുന്നു അദ്ദേഹം ഉന്നയിച്ചിരുന്നത്.

ഇറക്കിയ ഉത്തരവ് നടപടിക്രമങ്ങള്‍ പാലിക്കാത്തുമൂലം കേന്ദ്രം അംഗീകരിച്ചില്ല. ഇതേ തുടർന്നാണ് അനുവാദമില്ലാത്ത പുസ്കമെഴുതിയതെന്ന് ചൂണ്ടികാട്ടി വീണ്ടും സസ്പെന്‍റ് ചെയ്തത്.  എട്ടുമാസമായി  സസ്പെൻഷനിൽ കഴിയുകയാണ് ജേക്കബ് തോമസ്.

പുസ്തകത്തില്‍ പാറ്റൂര്‍, ബാര്‍കോഴ, ബന്ധുനിയമനം തുടങ്ങിയ കേസുകള്‍ സംബന്ധിച്ച പരാമര്‍ശങ്ങള്‍ ചട്ടലംഘനമാണെന്ന് ആഭ്യന്തര അഡീഷനല്‍ ചീഫ് സെക്രട്ടറിയുടെ നേതൃത്വത്തിലുള്ള അന്വേഷണ സമിതി നേരത്തെ കണ്ടെത്തിയിരുന്നു. ഈ റിപ്പോര്‍ട്ടിന്റെ അടിസ്ഥാനത്തില്‍ സര്‍ക്കാര്‍ നിര്‍ദേശപ്രകാരമാണ് നടപടി.

കഴിഞ്ഞ അഴിമതിവിരുദ്ധ ദിനത്തില്‍ ഒരു പരിപാടിയില്‍ സര്‍ക്കാര്‍ വിരുദ്ധ പ്രസംഗം നടത്തിയതിന് ജേക്കബ് തോമസിനെ സസ്‌പെന്‍ഡ് ചെയ്തിരുന്നു. സംസ്ഥാനത്ത് അഴിമതിക്കെതിരെ മിണ്ടാന്‍ പേടിയാണ്, ഓഖി ദുരന്തം നേരിടുന്നതില്‍ സര്‍ക്കാര്‍ സംവിധാനം പരാജയപ്പെട്ടു തുടങ്ങിയ പരാമര്‍ശങ്ങളുടെ പേരിലായിരുന്നു സസ്‌പെന്‍ഷന്‍.

വിജിലന്‍സിനെതിരെ ഹൈക്കോടതി നടത്തിയ പരാമര്‍ശങ്ങള്‍ ജേക്കബ് തോമസ് അഴിമതിയായി ചിത്രീകരിച്ചതാണ് കോടതിയലക്ഷ്യ നടപടി സ്വീകരിക്കാന്‍ കാരണമായത്. നേരത്തെ പാറ്റൂര്‍ കേസ് പരിഗണിച്ച സമയത്ത് ജസ്റ്റിസുമാരായ പി.ഉബൈദും, എബ്രഹാം മാത്യുവും വിജിലന്‍സ് ഡയരക്ടറും സംഘവും നടപടിക്രമങ്ങളില്‍ വരുത്തിയ പിഴവുകള്‍ ചൂണ്ടിക്കാണിക്കുകയും കടുത്ത വിമര്‍ശനങ്ങള്‍ ഉന്നയിക്കുകയും ചെയ്തിരുന്നു.

ഇതിനെതിരെ ജേക്കബ് തോമസ് കേന്ദ്ര വിജിലന്‍സ് കമ്മീഷനില്‍ നല്‍കാനായി ചീഫ് സെക്രട്ടറിക്ക് പരാതി നല്‍കി. കേസിന് പിന്നില്‍ ഗൂഢാലോചനയുണ്ടെന്നും അദ്ദേഹം ആരോപിച്ചിരുന്നു. എന്നാല്‍ വിജിലന്‍സ് ഡയരക്ടര്‍ ഇത്തരത്തില്‍ ഒരു നടപടി സ്വീകരിച്ചത് കോടതിയലക്ഷ്യമായി കാണണമെന്നായിരുന്നു ഹൈക്കോടതിയുടെ നിരീക്ഷണം.

നിരന്തരമായി തനിക്കെതിരെ കോടതികളില്‍ നിന്നും പരാമര്‍ശമുണ്ടാകുന്നുവെന്നും അഴിമതിക്കാരും മറ്റു ചിലരും ഒത്തുകളിക്കുന്നുവെന്നുമാണ് പരാതിയില്‍ പറയുന്നത്. സര്‍ക്കാര്‍ കോടതിക്ക് മുന്നില്‍ കാര്യങ്ങള്‍ അവതരിപ്പിച്ചില്ലെന്നും പരാതിയില്‍ പറയുന്നു. ജസ്റ്റിസ് പി ഉബൈദ്, ജസ്റ്റിസ് എബ്രഹാം മാത്യു എന്നിവരുടെ പേരുകളിലും ലോകായുക്ത പയസ് സി തോമസിനെതിരെയും പരാതി നല്‍കിയുണ്ട്. പ്രധാനപ്പെട്ട കേസുകളെല്ലാം പരിഗണിച്ചത് ഈ ബെഞ്ചുകളാണ്. സുപ്രീകോടതി ചീഫ് ജസ്റ്റിസിനും പരാതിയുടെ പകര്‍പ്പ് അയച്ചിട്ടുണ്ട്.

നേരത്തെ ഇടക്കാല ഉത്തരവിലൂടെ ഹൈക്കോടതി ജേക്കബ് തോമസിനെതിരെ വിമര്‍ശനം നടത്തിയിരുന്നു. പാറ്റൂര്‍ കേസില്‍ ലോകായുക്തയില്‍ നല്‍കിയ റിപ്പോര്‍ട്ടിന്‍മേല്‍ നേരത്തെ ഹൈക്കോടതി രേഖാമൂലം ജേക്കബ്ബ് തോമസിനോട് വിശദീകരണം ആവശ്യപ്പെട്ടിരുന്നു. എന്നാല്‍ ജേക്കബ് തോമസ് ഇതുവരെ വിശദീകരണം നല്‍കിയിട്ടില്ല. ഹര്‍ജിയില്‍ വാദം പൂര്‍ത്തിയായ സാഹചര്യത്തില്‍ ഹൈക്കോടതി പിന്നീട് വിധി പറയും.

സംസ്ഥാന സര്‍ക്കാരിനെ കണക്കിന് പരിഹാസിച്ച് സസ്‌പെന്‍ഷനിലുള്ള ഡിജിപി ജേക്കബ് തോമസിന്റെ ഫെയ്‌സ്ബുക്ക് പോസ്റ്റ്. ഓഖി ദുരന്തത്തില്‍ സര്‍ക്കാരിന്റെ ദുരിതാശ്വാസ പാക്കേജിലെ വൈരുധ്യങ്ങളെയാണ് ജേക്കബ് തോമസ് ഫെയ്‌സ്ബുക്കിലൂടെ പരിഹസിക്കുന്നത്.

പ്രഖ്യാപിച്ച തുകയും കയ്യിലുള്ള തുകയും പൊരുത്തപ്പെടുന്നില്ലെന്ന് സൂചിപ്പിച്ചാണ് വിമര്‍ശം. സര്‍ക്കാരിന്റെ കണക്ക് ശരിയാകുന്നില്ല, കണക്കിന് വേറെ ടീച്ചറെ നോക്കണമെന്നാണ് ജേക്കബ് തോമസിന്റെ പരിഹാസം

സര്‍വ്വീസ് ചട്ടങ്ങള്‍ ലംഘിച്ചുവെന്ന ആരോപണം ഉയര്‍ന്നതിനെ തുടര്‍ന്ന് ഇതുസംബന്ധിച്ച് പരിശോധിക്കാന്‍ മൂന്നംഗസമിതിയെ സര്‍ക്കാര്‍ നിയോഗിച്ചിരുന്നു. ആരോപണം ശരിവെച്ച സമിതിയുടെ കണ്ടെത്തലിന്റെ അടിസ്ഥാനത്തിലാണ് നടപടി. അതേസമയം, കേസ് എടുക്കുന്നതിനെ സംബന്ധിച്ച് വിവരമില്ലെന്ന് ജേക്കബ്ബ് തോമസ് പ്രതികരിച്ചു.

‘സ്രാവുകള്‍ക്കൊപ്പം നീന്തുമ്പോള്‍’ എന്ന പേരില്‍ ജേക്കബ്ബ് തോമസ് പ്രസിദ്ധീകരിച്ച പുസ്തകമാണ് നടപടിക്ക് ഇടയാക്കിയത്. സര്‍വ്വീസ് ചട്ടലംഘനം നടത്തിയെന്നും അനുമതിയില്ലാതെയാണ് പുസ്തകം എഴുതിയതെന്നും മുന്‍ ചീഫ് സെക്രട്ടറി നളിനി നെറ്റോ മുഖ്യമന്ത്രിക്ക് റിപ്പോര്‍ട്ട് നല്‍കിയിരുന്നു. പുസ്തകത്തെക്കുറിച്ച് പല പരാതികള്‍ ലഭിച്ചതിന്റെ അടിസ്ഥാനത്തില്‍ മുഖ്യമന്ത്രി അവസാന നിമിഷം പുസ്തക പ്രകാശന ചടങ്ങ് ഉപേക്ഷിച്ചിരുന്നു. തുടര്‍ന്നാണ് ചീഫ് സെക്രട്ടറിയോട് അന്വേഷിക്കാന്‍ നിര്‍ദ്ദേശിച്ചത്.