അയോധ്യ ഭൂമി കേസിലെ പ്രധാന കക്ഷിയായിരുന്ന ഇഖബാല്‍ അന്‍സാരി പറയുന്നത് ഇങ്ങനെയാണ് ‘അയോധ്യയിലെ മുസ്ലിംകള്‍ ഭീതിയിലാണ്. അവര്‍ ഗഗരം വിട്ടു പോവുകയാണ്. കാരണം ഞങ്ങള്‍ക്ക് മറ്റൊരു മാര്‍ഗമില്ല. ഞങ്ങള്‍ക്ക് സംരക്ഷണം നല്‍കാന്‍ ആവശ്യപ്പെട്ടുകൊണ്ടൊരു നിവേദന പത്രക ജില്ലാ മജിസ്‌ട്രേറ്റിന് നല്‍കിയിരുന്നു. പക്ഷ നടപടിയൊന്നും ഇതുവരെയുണ്ടായിട്ടില്ല’

3500 ലേറെ മുസ്ലിംകള്‍ ഇതിനകം അയോധ്യയുടെ വിവിധ പ്രദേശങ്ങള്‍ വിട്ടു പോയിട്ടുണ്ടെന്നാണ് ഇഖ്ബാല്‍ അന്‍സാരി പറയുന്നത്. എന്നാല്‍ അദ്ദേഹത്തിന്റെ സുഹൃത്തായ ഷാഹിദ് പറയുന്നത് പ്രദേശം വിട്ടു പോയവരുടെ എണ്ണം അയ്യായിരത്തിലേറെ വരുമെന്നാണ്. കുട്ടികളെയും സ്ത്രീകളെയും വൃദ്ധരേയെും മറ്റു പ്രദേശങ്ങളിലേക്ക് അയച്ചിരിക്കുകയാണ് അവര്‍.