ഡല്‍ഹി ജെ.എന്‍.യുവില്‍ ധര്‍ണ നടത്തിയാല്‍ 20,000 രൂപ പിഴ, അക്രമം കാണിച്ചാല്‍ ടി.സി നല്‍കി പുറത്താക്കും. ഇതിനായി 10 പേജുള്ള ഉത്തരവ് എക്‌സിക്യൂട്ടീവ് കൗണ്‍സില്‍ പുറത്തിറക്കി. വലിയ പ്രതിഷേധങ്ങള്‍ ഉയരുന്ന കാമ്പസായതിനാല്‍ അതിനെ ഇല്ലാതാക്കുകയാണ് ലക്ഷ്യം. അതേസമയം വിദ്യാര്‍ത്ഥിസംഘടനകള്‍ ഇതിനെതിരെ രംഗത്തുവന്നു. എല്ലാ സംഘടനകളെയും ബാധിക്കുമെന്നതിനാല്‍ പ്രതിഷേധക്കാരില്‍ ബി.ജെ.പിയുടെ പോഷകസംഘടനയുമുണ്ട്.
17 തരം സമരങ്ങളെയാണ് ഉത്തരവില്‍ പറഞ്ഞിട്ടുള്ളത്. ധര്‍ണക്കും സത്യഗ്രഹത്തിനും 20,000വും ഘെരാവോക്കും മറ്റും 30,000 വുമാണ് പിഴ. അക്രമം നടത്തിയെന്ന് തെളിഞ്ഞാല്‍ പുറത്താക്കും. ദക്ഷിണേന്ത്യയിലെയും പ്രതിപക്ഷാനുകൂല സംഘടനകളിലെയും വിദ്യാര്‍ത്ഥികള്‍ക്കുനേരെ എ.ബി.വി.പി പോലുള്ള സംഘടനകള്‍ വ്യാപകമായി അക്രമം അഴിച്ചുവിടാറുണ്ട്. അതിനെതിരെ പ്രതിഷേധിക്കാന്‍ കഴിയാത്ത അവസ്ഥയാണ് ഇതിലൂടെ സൃഷ്ടിക്കാന്‍ പോകുന്നത്. തെരഞ്ഞുപിടിച്ച് പുറത്താക്കാനും ഇതിടയാക്കും.

മുസ്ലിം യൂത്ത്‌ലീഗ് സേവ് കേരളമാര്‍ച്ചിന്റെ മറവില്‍ യൂത്ത്‌ലീഗ് പ്രവര്‍ത്തകരെ വേട്ടയാടുന്ന പോലീസ് അതിക്രമങ്ങള്‍ക്കെതിരെ കോഴിക്കോട് ജില്ലാ മുസ്ലിം യൂത്ത് ലീഗ് കമ്മീഷണര്‍ ഓഫിസിന് മുന്നില്‍ നടത്തിയ പ്രതിഷേധ ധര്‍ണ്ണ അധികാരികള്‍ക്കെതിരെയുള്ള താക്കീതായി മാറി. ധര്‍ണ്ണ മുസ്ലിം ലീഗ് സംസ്ഥാന സെക്രട്ടറി കെ എം ഷാജി ഉദ്ഘാടനം ചെയ്തു. ജില്ലാ പ്രസിഡന്റ് മിസ്ഹബ് കീഴരിയൂര്‍ അധ്യക്ഷത വഹിച്ചു. ജനറല്‍ സെക്രട്ടറി ടി മൊയ്തീന്‍ കോയ സ്വാഗതവും കെ എം എ റഷീദ് നന്ദിയും പറഞ്ഞു. മുസ്ലിം ലീഗ് ജില്ലാ ജനറല്‍ സെക്രട്ടറി എം എ റസാക്ക് മാസ്റ്റര്‍, ദേശീയ ഓര്‍ഗനൈസിങ്ങ് ടി പി അഷ്റഫലി, സംസ്ഥാന വൈസ് പ്രസിഡന്റ് ഫൈസല്‍ ബാഫഖി തങ്ങള്‍, ആഷിക് ചെലവൂര്‍, സി ജാഫര്‍ സാദിക്ക്, എ ഷിജിത്ത് ഖാന്‍ തുടങ്ങിയവര്‍ പ്രസംഗിച്ചു. ഷഫീക് അരക്കിണര്‍, എം പി ഷാജഹാന്‍, വി അബ്ദുല്‍ ജലീല്‍, എസ് വി ഷൗലീക്ക്, കെ പി സുനീര്‍, എം കെ ഹംസ, റഫീഖ് കൂടത്തായി, അനീസ് തോട്ടുങ്ങല്‍, ഇ ഹാരിസ്, അന്‍വര്‍ ഷാഫി, റിഷാദ് പുതിയങ്ങാടി, സിറാജ് കിണാശ്ശേരി, കുഞ്ഞി മരക്കാര്‍, മന്‍സൂര്‍ മാങ്കാവ്, വി പി എ ജലീല്‍, എം നസീഫ്, സുബൈര്‍ വെള്ളിമാട്കുന്ന്, ഫാസില്‍ നടേരി, കെ ജാഫര്‍ സാദിക്ക്, സമദ് നടേരി, എസ് എം ബാസിത്ത്, സലീം മിലാസ്, സിദ്ധീഖ് തെക്കയില്‍, ഷാഫി സകരിയ, എ എഫ് റിയാസ്, ഒ കെ ഇസ്മായില്‍, റാഫി മുണ്ടുപാറ, എ ജാഫര്‍, ഫസല്‍ കൊമ്മേരി, റഹ്മത്ത് കടലുണ്ടി, സാബിത്ത് മായനാട് എന്നിവര്‍ ധര്‍ണ്ണക്ക് നേതൃത്വം നല്‍കി.