പ്രമേഹം നിയന്ത്രിക്കാന്‍ സഹായിക്കുന്ന പ്രധാന കാര്യങ്ങള്‍

സമീകൃത ഭക്ഷണം ശീലമാക്കുക. പ്രോട്ടീന്‍ കൂടുതലും കാര്‍ബോഹൈഡ്രേറ്റുകള്‍ കുറവുമായ സമീകൃതഭക്ഷണം രക്തത്തിലെ പഞ്ചസാരയുടെ അളവ് നിയന്ത്രിക്കാന്‍ സഹായിക്കും. ധാരാളം പ്രോട്ടീന്‍, ഫൈബര്‍, നോണ്‍സ്റ്റാര്‍ച്ച് പച്ചക്കറികള്‍ എന്നിവ ഉള്‍പ്പെടുത്തിയ ഭക്ഷണം ദഹനം മന്ദഗതിയിലാക്കുകയും, ഭക്ഷണശേഷമുള്ള ഷുഗര്‍ പെട്ടെന്ന് ഉയരുന്നതു തടയുകയും ചെയ്യുന്നു.

ചീര, ബ്രൊക്കോളി പോലുള്ള പച്ചക്കറികള്‍ അന്നജത്തിനു മുന്‍പ് കഴിക്കുന്നത് ഷുഗര്‍ ഉയരുന്നത് കുറയ്ക്കും. ഭക്ഷണം ചവച്ച് നന്നായി കഴിക്കുക. വേഗത്തില്‍ ഭക്ഷണം കഴിക്കുന്നത് പ്രമേഹ നിയന്ത്രണത്തെ ബാധിക്കും. ശരിയായ ചവയ്ക്കല്‍ ദഹനവും പോഷകങ്ങളുടെ ആഗിരണവും മെച്ചപ്പെടുത്തും.

മൈന്‍ഡ്ഫുള്‍ ച്യൂയിങ്ങ് ഇന്‍സുലിന്‍ പ്രതികരണം മെച്ചപ്പെടുത്തുകയും, ഭക്ഷണശേഷം ഗ്ലൂക്കോസ് ഉയരുന്നത് തടയുകയും ചെയ്യും. സമ്മര്‍ദ്ദം നിയന്ത്രിക്കുക. സ്ട്രെസ് രക്തത്തിലെ പഞ്ചസാര ഉയരാന്‍ കാരണമാകുന്ന പ്രധാന ഘടകമാണ്. ശ്വസന വ്യായാമങ്ങള്‍, ധ്യാനം, ബോക്സ് ബ്രീത്തിങ്ങ് എന്നിവ പരിശീലിച്ച് കോര്‍ട്ടിസോള്‍ കുറയ്ക്കുകയും മനസിനെ ശാന്തമാക്കുകയും ചെയ്യാം.

സമ്മര്‍ദ്ദം നിയന്ത്രിക്കുന്നത് ഗ്ലൂക്കോസ് ലെവല്‍ സ്ഥിരതയുള്ളതാക്കും. ഭക്ഷണശേഷം നടക്കുക.ഭക്ഷണത്തിന് ശേഷം കുറഞ്ഞത് 10 മിനിറ്റ് നടക്കുന്നത് ദഹനത്തിനും ഇന്‍സുലിന്‍ പ്രവര്‍ത്തനത്തിനും സഹായകരമാണ്. ഇത് ശരീരത്തിന് ഗ്ലൂക്കോസ് ഊര്‍ജമായി മാറ്റി ഉപയോഗിക്കാന്‍ സഹായിക്കുകയും ഗ്ലൈസെമിക് നിയന്ത്രണം മെച്ചപ്പെടുത്തുകയും ചെയ്യുന്നു.

പഠനം പ്രകാരം, ഉപ്പ് ഭക്ഷണരുചി കൂട്ടുകയും, ആളുകളെ കൂടുതല്‍ അളവില്‍ ഭക്ഷണം കഴിക്കാനുമാണ് പ്രേരിപ്പിക്കുന്നത്. ഇത് ശരീരഭാരം വര്‍ധനം, പൊണ്ണത്തടി, പിന്നീട് ഇന്‍സുലിന്‍ പ്രതിരോധം എന്നിവയ്ക്കും കാരണമാകാം. പാചകസമയത്ത് സ്ഥിരമായി അധികമായി ഉപ്പ് ചേര്‍ക്കുന്നത് ടൈപ്പ്2 പ്രമേഹ സാധ്യത വര്‍ധിപ്പിക്കുമെന്ന് നിരവധി പഠനങ്ങളിലും വ്യക്തമാക്കിയിട്ടുണ്ട്.

യു.കെ പോലുള്ള രാജ്യങ്ങളില്‍ ഒരു ദിവസം ശരാശരി എട്ട് ഗ്രാം (ഏകദേശം രണ്ട് ടീസ്പൂണ്‍) ഉപ്പാണ് ആളുകള്‍ ഉപയോഗിക്കുന്നത്. ഇതില്‍ മൂന്നു-പേരും സംസ്‌കരിച്ച ഭക്ഷണങ്ങള്‍ (പാക്കറ്റ് ഭക്ഷണം, റെഡി മീല്‍സ്, ചിപ്‌സ്, സോസുകള്‍) വഴിയാണ് ലഭിക്കുന്നത്. യു.കെ നാഷണല്‍ ഹെല്‍ത്ത് സര്‍വീസ് പ്രതിദിന ഉപ്പ് ഉപയോഗം ആറ് ഗ്രാമില്‍ താഴെ നിലനിര്‍ത്താന്‍ നിര്‍ദേശിക്കുന്നു.

അമിതമായ സോഡിയം ശരീരത്തിലെ ഇന്‍സുലിന്‍ ഉപയോഗശേഷിയെ ബാധിക്കുകയും, ഇതുവഴി പ്രമേഹത്തിലേക്ക് നയിക്കാനും സാധ്യതയുണ്ട്. കൂടാതെ ഉയര്‍ന്ന ഉപ്പ് ഉപയോഗം രക്തസമ്മര്‍ദ്ദം, ഹൃദ്രോഗങ്ങള്‍, സ്‌ട്രോക്ക്, വൃക്കരോഗങ്ങള്‍ തുടങ്ങിയവയുടെ സാധ്യതയും വര്‍ധിപ്പിക്കുന്നു. ഉപ്പ് കൂടുതലായി കഴിക്കുന്നവരില്‍ പഞ്ചസാര, കൊഴുപ്പ്, കലോറി കൂടുതലുള്ള സംസ്‌കരിച്ച ഭക്ഷണങ്ങള്‍ കൂടുതലായി ഉള്‍പ്പെടുന്ന പ്രവണതയും കാണപ്പെടുന്നു.

ശ്രദ്ധിക്കേണ്ട കാര്യങ്ങള്‍

പ്രമേഹമുള്ളവരും പ്രമേഹ സാധ്യതയുള്ളവരും ഉപ്പ് കര്‍ശനമായി നിയന്ത്രിക്കണം.

ഒരു ദിവസം അഞ്ച് ഗ്രാമില്‍ താഴെ ഉപ്പാണ് ലോകാരോഗ്യ സംഘടനയുടെ ശുപാര്‍ശ.

പാക്കറ്റ് ഭക്ഷണങ്ങള്‍, അച്ചാറുകള്‍, സോസുകള്‍, റെഡി മീല്‍സ് എന്നിവയില്‍ ഉപ്പ് കൂടുതലായിരിക്കും കഴിവതും ഒഴിവാക്കുക.

വ്യക്തിഗത ആരോഗ്യസ്ഥിതി വ്യത്യസ്തമായതിനാല്‍, ഒരു ദിവസം എത്ര ഉപ്പ് കഴിക്കണം എന്നതിനെക്കുറിച്ച് ഡോക്ടറിന്റെയോ ഡയറ്റീഷ്യന്റെയോ പ്രത്യേക ഉപദേശം തേടുന്നത് ഉചിതമാണ്.

രക്തത്തില്‍ ഗ്ലൂക്കോസിന്റെ അളവ് ക്രമാതീതമായി കൂടുകയും ശരീരത്തിന് ഗ്ലൂക്കോസിന്റെ അളവ് നിയന്ത്രിക്കാന്‍ കഴിയാതാവുകയും ചെയ്യുന്ന അവസ്ഥയെയാണ് പ്രമേഹം. ടൈപ്പ് വണ്‍, ടൈപ്പ് ടൂ, ഗര്‍ഭകാല പ്രമേഹം എന്നിങ്ങനെ മൂന്ന് തരത്തിലുളള പ്രമേഹമുണ്ട്.

കുട്ടികളിലും കൗമാരകാരിലും കാണുന്ന പ്രമേഹമാണ് ടൈപ്പ് 1 പ്രമേഹം . ആഗ്നേയ ഗ്രന്ഥിയില്‍ ഇന്‍സുലിന്‍ ഉല്‍പാദിപിക്കപ്പെടുന്ന കോശങ്ങള്‍ ചില കാരണങ്ങളാല്‍ നശിക്കപ്പെടുകയും തത്ഫലമായി ഇത്തരക്കാരില്‍ ഇന്‍സുലിന്‍ ഉല്പാദനം നടക്കാതിരിക്കുകയും ചെയ്യുന്നു . അതുകൊണ്ട് തന്നെ ഇന്‍സുലിന്‍ കുത്തി വെപ്പുകള്‍ ദിവസവും ഇവര്‍ക്ക് അത്യന്താപേക്ഷിതമാണ് .

ഒരു വയസ്സു മുതല്‍ കൗമാരപ്രായം അവസാനിക്കുന്നതിനു മുന്‍പാണ് ഇതു സാധാരണ പിടിപെടുന്നത്. മൊത്തം പ്രമേഹ രോഗികളില്‍ ഏകദേശം 5 ശതമാനം മാത്രമാണ് ഇത്തരം രോഗികള്‍. ഇന്‍സുലിന്‍ കുത്തി വെപ്പില്ലാതെ ഇവര്‍ക്ക് ജീവന്‍ നിലനിര്‍ത്തുവാന്‍ സാധ്യമല്ല.

ജേണല്‍ സെല്‍ റിപ്പോര്‍ട്ടില്‍ പ്രസിദ്ധീകരിച്ച പഠനം അനുസരിച്ച് രക്തത്തിലെ പഞ്ചസാരയുടെ അളവ് നിയന്ത്രിക്കുന്ന ഇന്‍സുലിന്‍ ഉത്പാദിപ്പിക്കുന്ന പാന്‍ക്രിയാറ്റിക് ബീറ്റാ കോശങ്ങളില്‍ വിറ്റാമിന്‍ കെ യുടെ വലിയ തോതിലുള്ള അളവു കണ്ടെത്തി. രക്തത്തില്‍ ബീറ്റ സെല്ലുകളുടെ എണ്ണത്തിലെ കുറവോ അല്ലെങ്കില്‍ അവയ്ക്ക് ആവശ്യമായ ഇന്‍സുലിന്‍ ഉത്പാദിപ്പിക്കാന്‍ കഴിയാതെ വരുകയോ ചെയ്യുമ്പോഴാണ് പ്രമേഹം ഉണ്ടാകുന്നത്. കൂടാതെ ഇആര്‍ജിപി എന്ന പുതിയ ഗാമാ-കാര്‍ബോക്‌സിലേറ്റഡ് പ്രോട്ടീന്‍ തിരിച്ചറിയാന്‍ സാധിച്ചതായും സംഘം വ്യക്തമാക്കി. ഇന്‍സുലിന്‍ ഉല്‍പാദിപ്പിക്കുന്നത് തടസപ്പെടുത്താതിരിക്കാന്‍ ബീറ്റാ കോശങ്ങളിലെ കാല്‍ഷ്യത്തിന്റെ ഫിസിയോളജിക്കല്‍ ലെവല്‍ നിലനിര്‍ത്തുന്നതില്‍ ഈ പ്രോട്ടീന്‍ ഒരു പ്രധാന പങ്ക് വഹിക്കുന്നുണ്ടെന്ന് പഠനത്തില്‍ പറയുന്നു. ഗാമാ-കാര്‍ബോക്‌സിലേഷനിലൂടെ വിറ്റാമിന്‍ കെ ഇആര്‍ജിപിയുടെ പ്രവര്‍ത്തനത്തിന് വളരെ പ്രധാനമാണെന്ന് കണ്ടെത്തി.15 വര്‍ഷത്തിനിടെ ഇതാദ്യമായാണ് ഒരു പുതിയ വിറ്റാമിന്‍ കെ-ആശ്രിത പ്രോട്ടീന്‍ കണ്ടെത്തുന്നത്.

കഴിവതും പച്ചക്കറികള്‍ ആണ് രോഗിക്ക് ഉത്തമം. കാര്‍ബോ ഹൈഡ്രേറ്റ് കൂടുതലായ അരി, ഗോതമ്പ് പോലുള്ള ധാന്യങ്ങള്‍ ഭക്ഷണത്തില്‍നിന്ന് ഒഴിവാക്കുക. പകരം ചാമ പോലുള്ള ധാന്യങ്ങള്‍ ഉള്‍പെടുത്തുക. മലയാളിക്ക് ചോറ് പ്രിയമായതിനാല്‍ ഉച്ചക്ക് അല്‍പം കഴിക്കാം. അപ്പോഴും കറികള്‍ കൂടുതലാക്കാന്‍ ശ്രമിക്കണം. കാബേജ്, ബീറ്റ് റൂട്ട്, കാരറ്റ് പോലുള്ള കറികളാണ് നല്ലത്. മാംസഭക്ഷണം കഴിവതും ഒഴിവാക്കണം. ബീഫ്, ആട് പോലുള്ളവയില്‍ കൊഴുപ്പിന്റെ അംശം കൂടുതലായതിനാല്‍ ഷുഗര്‍ ലവലും കൂടുതലാകാനിടയുണ്ട്. പക്ഷിമാംസങ്ങള്‍ കഴിക്കുന്നതില്‍ തെറ്റില്ല.
വ്യായാമം എന്നാല്‍ശരീരത്തെ സജീവമാക്കി നിലനിര്‍ത്തലാണ്. അതിനായി നടത്തവും ഇരുന്നും എണീറ്റും കൈകളും കാലുകളും ചടുലമായി ചലിപ്പിച്ചും വ്യായാമം ചെയ്യാം. എന്നാല്‍ഷുഗര്‍ ലവല്‍ കൂടുതലുള്ള സമയം നടത്തമരുത്. അമിതവ്യായാമം ആ സമയതത് രോഗിയെ തളര്‍ത്തും. ശരീരശൈലീരോഗമായതിനാല്‍ കഴിവതും അതുമായി ഒത്തുപോകാനായിരിക്കണം ശ്രമം. അമിതമായ ഉല്‍കണ്ഠ പ്രമേഹത്തിന്റെ കാഠിന്യം കൂട്ടും.

ജോലി ചെയ്തുകൊണ്ടിരിക്കാം. എന്നാല്‍ ക്ഷീണം വരുമ്പോള്‍ വിശ്രമിക്കണം. ദിവസവും കഴിവതും ഷുഗര്‍ ലവല്‍ അളക്കാന്‍ ശ്രദ്ധിക്കണം. ഇതിനായി 1000 രൂപയുടെ ഷുഗര്‍ അളക്കുന്ന ഉപകരണം വിപണിയില്‍ ലഭിക്കും. വിരലില്‍നിന്ന് അല്‍പം രക്തമെടുത്ത് സ്വയം പരിശോധിക്കാവുന്നതേ ഉള്ളൂ. ലാബിലേക്കുള്ള ഓട്ടം കുറയ്ക്കാം.
പ്രമേഹരോഗികള്‍ കൊളസ്‌ട്രോള്‍ നിയന്തിക്കാനും ശ്രദ്ധിക്കണം. കണ്ണ്, ഹൃദയം, വൃക്ക, കരള്‍ തുടങ്ങി സകല അവയവങ്ങളെയും രക്തം അതുവഴി പോകുന്നതുകൊണ്ട് ,ബാധിക്കുമെന്നതിനാല്‍ ശ്രദ്ധയാവശ്യമാണ്. ദീര്‍ഘകാലം മരുന്ന് കഴിച്ച് പ്രമേഹത്തെ നിയന്തിക്കാമെന്നര്‍ത്ഥം. മറ്റ് അസുഖങ്ങളില്ലെങ്കില്‍ ഇതൊരു കാര്യമായ രോഗമായി കരുതേണ്ടതുമില്ല.

( വിവരങ്ങള്‍ക്ക് കടപ്പാട്: ഡോ. ജയരാജ്, ഗവ. മെഡിക്കല്‍ കോളജ് ഹോസ്പിറ്റല്‍ ,പാലക്കാട്)

ഈ രോഗം ബാധിച്ച കുട്ടികളില്‍ പാന്‍ക്രിയാസിന്റെ പ്രവര്‍ത്തന വൈകല്യം ഇന്‍സുലിന്‍ ഉല്‍പാദനത്തെ ബാധിക്കുമെന്നതിനാല്‍ നിരീക്ഷണവും ഇന്‍സുലിന്‍ കുത്തിവയ്പും മറ്റും വേണ്ടി വരും. പൂര്‍ണമായി ചികിത്സിച്ചു മാറ്റാനാവില്ല.
അപൂര്‍വ രോഗങ്ങളുടെ പട്ടികയില്‍ ഈ രോഗത്തെ ഉള്‍പ്പെടുത്താന്‍ സാമൂഹികനീതി വിഭാഗത്തിലെ സ്ഥിരം സമിതി കേന്ദ്ര സര്‍ക്കാരിനു ശുപാര്‍ശ നല്‍കിയതാണെന്നും ഹര്‍ജിയില്‍ പറയുന്നു.
ടൈപ്പ്–1 പ്രമേഹ ചികിത്സയ്ക്കു പ്രത്യേക ക്ലിനിക്കുകള്‍ തുടങ്ങാന്‍ ഫണ്ട് അനുവദിക്കണം, പരീക്ഷയെഴുതുന്ന ഇത്തരം രോഗികള്‍ക്ക് പരീക്ഷാ ഹാളില്‍ ജ്യൂസ്, മിഠായി, ഇന്‍സുലിന്‍ തുടങ്ങിയവ കൊണ്ടുപോകാന്‍ അനുമതി നല്‍കണം, വിദ്യാഭ്യാസ സ്ഥാപനങ്ങളില്‍ ഇത്തരക്കാര്‍ക്കു സ്‌പെഷല്‍ ക്വോട്ട അനുവദിക്കണമെന്നും ഹര്‍ജിയില്‍ ആവശ്യപ്പെടുന്നു.