കഴിഞ്ഞതവണ ലോകകപ്പ് ഗാലറി സ്റ്റാന്‍ഡുകളില്‍ നിന്ന് കൈവിരിച്ചു നിന്ന മറഡോണ എന്ന മഹാനായ കാല്‍പന്തു കളിക്കാന്‍ ഇപ്പോള്‍ നമ്മോടൊപ്പമില്ല. മറഡോണയുടെ രണ്ടാം ചരമവാര്‍ഷിക ദിനമാണ് 2022 നവംബര്‍ 25. പെലെയോടൊപ്പം നൂറ്റാണ്ടിന്റെ കളിക്കാരനായി ഫിഫ തിരഞ്ഞെടുത്ത ഡീഗോ അറമാഡോ മാറഡോണ ഒരേ സമയം പിശാചും മാലാഖയുമായി തിളങ്ങിയ കളിയുണ്ട് ലോകകപ്പ് ഫുട്‌ബോള്‍ ചരിത്രത്തില്‍. 1986 മോക്‌സിക്കോ ലോകകപ്പിലാണിത്. ജൂണ്‍ 22നു മെക്‌സിക്കോ സിറ്റിയിലെ അസ്റ്റേക്ക സ്റ്റേഡിയം കണ്ട ഈ കളി ഏറെ പ്രത്യേകതകളുളളതാണ്. ഇംഗ്ലണ്ടിനെതിരായ ക്വാട്ടര്‍ ഫൈനലില്‍ അഞ്ചു മിനിട്ട് വ്യത്യാസത്തില്‍ മറഡോണ നേടിയ രണ്ടു ഗോളുകളില്‍ ഒന്ന് ലോകകപ്പിലെ വലിയ പിഴവുകളിലൊന്നായി പിന്നിട് വിലയിരുത്തപ്പെട്ടതും മറ്റേത് നൂറ്റാണ്ടിലെ മികച്ച ഗോളെന്ന് വാഴ്ത്തപ്പെട്ടതുമായിരുന്നു.
ആദ്യഗോള്‍ റഫറിയെ പൂര്‍ണ്ണമായും പറ്റിച്ച് കൈകൊണ്ടു നേടിയ ഒന്നാണ്. തുനീഷ്യന്‍ റഫറി അലിബിന്‍ നാസറിനു പിന്നാലെയോടി ഇംഗ്ലീഷ് ഡിഫന്‍ഡര്‍ ടെറി ഹെന്‍വിക് വാദിച്ചിട്ടും ആദ്യത്തെ ഗോള്‍ നിലനിന്നു. കാരണം ഒരു സംശയവും ജനിപ്പിക്കാതെയാണ് മറഡോണ കൈയുയര്‍ത്തി മധ്യവര വരെ ഓടി യത്. വെറും 166 സെന്റിമീറ്റര്‍ ഉയരമുളള മറഡോണ 185 സെന്റി മീറ്റര്‍ ഉയരമുളള ഇംഗ്ലീഷ് ഗോളി പീറ്റര്‍ ഷില്‍ട്ടനുനേരെ ചാടി ഇടം കൈ കൊണ്ടു പന്തു തട്ടുമെന്ന് അധികമാര്‍ക്കും വിശ്വസിക്കാനുമായില്ല.
ആ ഗോളിനോളം പ്രസിദ്ധമാണ് അതിന് മറഡോണ നല്കിയ പേര്. ദൈവത്തിന്റെ കൈ. അര്‍ജന്റീനയെ ഒന്നാന്തരമായി ഇംഗ്ലണ്ട് പ്രതിരോധിച്ചു കൊണ്ടിരിക്കുമ്പോളാണ് അപ്രതീക്ഷിതമായി ഗോള്‍ പിറന്നത്. രണ്ടാം പകുതിയുടെ ആറാം മിനിട്ടില്‍ മറഡോണ പ്രതിരോധം കടന്ന് പന്ത് ജോര്‍ജെ വാല്‍ഡാനോക്കു നല്കി ക്രോസിനായി നേരെ പെനാള്‍ട്ടി ബോക്‌സിലേക്ക് ഓടി. പന്ത് ഇംഗ്ലണ്ട് ലെഫ്റ്റ് ബാക്ക് സ്റ്റീവി ഹോഡ്ജിനാണ് കിട്ടിയത്. ഹോഡ്ജിന്റെ ക്ലിയറന്‍സ് ലക്ഷ്യം പിഴച്ചു. അത് ഓടിവന്ന മറഡോണയുടെ നേരെ യാണ് ഉയര്‍ന്നത്. അതികായനായ. ഇംഗ്ലണ്ട് ഗോളി പീറ്റര്‍ ഷില്‍ട്ടനും പന്തു പിടിക്കാനായി മുന്നോട്ടാഞ്ഞു. ഗോളിയേക്കാള്‍ ഉയരത്തില്‍ ചാടി ഹെഡ് ചെയ്യുകയാണെന്ന ഭാവേന മറഡോണ പന്ത് വലയിലേക്ക് തട്ടി. റഫറിയെ കബളിപ്പിക്കാനായി കൂട്ടുകാരെ വിളിച്ച് ആഘോഷമാരംഭിക്കുകയും ചെയ്തു. നിമിഷാര്‍ദ്ധത്തില്‍ നടന്ന നാടകമൊന്നുമറിയാതെ റഫറി ഗോളിന് വിസിലൂതി.
മത്സരശേഷം വിവാദഗോളിനെക്കുറിച്ച് മറഡോണ നല്കിയ ന്യായീകരണമാണ് അതിന് അതിസാഹസികസയുടെ കൈയൊപ്പു ചാര്‍ത്തിയത്. കുറച്ചു മറഡോണയുടെ തലകൊണ്ടും കുറച്ചു ദൈവത്തിന്റെ കൈകൊണ്ടും നേടിയ ഗോള്‍ എന്നാണ് മറഡോണ പറഞ്ഞത്. തെമ്മാടിയുടെ കൈ എന്ന് ഇംഗ്ലണ്ട് കോച്ച് ബോബി റോബ്‌സണ്‍ അതിനെ തിരുത്തി, റഫറിയെ കബളിപ്പിക്കാന്‍ മറഡോണക്ക് ന്യായമുണ്ടായിരുന്നു. കളളനെ പോക്കറ്റടിച്ചാല്‍ അതിന് ശിക്ഷയുണ്ടാവില്ല. ഞാന്‍ ഇംഗ്ലണ്ടിനെ പോക്കറ്റടിക്കുകയായിരുന്നു. ഇത് ചതിയല്ല, കഴിവാണ്, ഫോക്ക്‌ലാന്റ് ദ്വീപ്ന്റെ ഉടമസ്ഥാവകാശം സംബന്ധിച്ചുളള ഇംഗ്ലണ്ടും അര്‍ജന്റീനയും തമ്മിലുളള തര്‍ക്കത്തെകുറിച്ചാണ് മറഡോണ പരാമര്‍ശിച്ചത്.
എന്നാല്‍ രണ്ടാമത്തെ ഗോള്‍ ലോകകപ്പ് ചരിത്രത്തിലെ എറ്റവും മനോഹരമായ ഗോളായിരുന്നു, അറ്റാക്കിങ്ങ് മിഡ് ഫീല്‍ഡര്‍ എങ്ങനെ കളിക്കണം എന്നതിന് വരും തലമുറക്ക് മറഡോണ നല്കിയ ഉത്തരമാണ് ആ ഗോള്‍. ആറ് ഇംഗ്ലണ്ട് കളിക്കാരെ ട്രിബിള്‍ ചെയ്ത് അറുപതു മീറ്റര്‍ ഓടി മറഡോണ ഷൂട്ടുചെയ്തപ്പോള്‍ ഇംഗ്ലണ്ടുകാര്‍ തലയില്‍ കൈവച്ചുപോയി, നൂറ്റാണ്ടിന്റെ ഗോള്‍ എന്നാണ് ഇതിനെ വിശേഷിപ്പിച്ചത്. ഇത് മറഡോണയുടെ പാപകറ തീര്‍ക്കുന്ന ഒന്നായിരുന്നു.വ്യക്ത്യധിഷ്ഠമായി കളിക്കാത്ത പ്ലേമേക്കറായിരുന്നു മറഡോണ. സഹകളിക്കാരെ കൊണ്ടു ഗോളടിപ്പിക്കുന്നതില്‍ പ്രത്യേക ത്രില്‍ അദ്ദേഹം അനുഭവിച്ചിരുന്നു. എതിരാളിരളുടെ ക്രൂരമായ ചവിട്ടി വീഴ്ത്തലുകള്‍ക്ക് വിധോയനായിട്ടും ഫിനിക്‌സ് പക്ഷിയെപോലെ അദ്ദേഹം ഉയിര്‍ത്തെഴുന്നേറ്റു. ഡിഫന്റര്‍മാരുടെ ഇടയിലൂടെ ഡ്രിബിള്‍ ചെയ്ത് നുഴഞ്ഞുകയറി സഹകളിക്കാര്‍ക്ക് പന്തെത്തിക്കാനും ഗോളുകള്‍ അടിക്കാനുമുളള മറഡോണയുടെ പാടവം അനിതരസാധാരണമാണ്,
ദൈവത്തന്റെ കൈമുദ്ര പതിഞ്ഞ കളിക്കാരന്‍, കാല്‍പന്തുകളി യിലെ ദൈവം എന്നറിയപ്പെടുന്ന മറഡോണ തന്റെ നിലപാടുകള്‍ കൊണ്ടും ജീവിതരീതികൊണ്ടും വിവാദങ്ങള്‍ സൃഷ്ടിച്ച വ്യക്തിത്വ മായിരുന്നു. ചെഗുവേരയുടെ ചിത്രം കൈയ്യില്‍ പച്ചകുത്തി കമ്യൂണിസ്റ്റ് അനുഭാവം തുറന്നു പ്രകടിപ്പിച്ചിരുന്നു. മരിക്കാത്ത ഓര്‍മകളുമായി സോക്കര്‍ ആരാധകരുടെ മനസ്സില്‍ നിറഞ്ഞു നില്കുന്ന മറഡോണക്ക് സ്മരണാജ്ഞലി…..

ഫുട്‌ബോള്‍ ലോകം കണ്ണീരണിഞ്ഞ ആ വിയോഗത്തിന് രണ്ട് നാള്‍ കഴിഞ്ഞാല്‍ രണ്ട് വര്‍ഷം. 2020 നവംബര്‍ 25 ന് 60-ാം വയസില്‍ ലോകത്തോട് വിട പറഞ്ഞ ഡിയാഗോ അര്‍മാന്‍ഡോ മറഡോണയെ ഇന്നലെ അര്‍ജന്റീനയും ഖത്തറും ഫിഫയും മറന്നില്ല. ഇരുപത്തിരണ്ടാമത് ലോകകപ്പില്‍ അര്‍ജന്റീന ആദ്യമായി പന്ത് തട്ടിയപ്പോള്‍ ലുസൈല്‍ സ്‌റ്റേഡിയത്തിലെ ഗ്യാലറിയില്‍ ആ അസാന്നിധ്യം പ്രകടമായിരുന്നു. എല്ലാ ലോകകപ്പുകളിലും ടീമിനൊപ്പമെത്തി, കോച്ചായും ഉപദേഷ്ടാവായും കാണിയായും അര്‍ജന്റീനക്കായി മുദ്രാവാക്യം മുഴക്കിയിരുന്ന ഡിയാഗോ ഇല്ലാത്ത ആദ്യ ലോകകപ്പാണിത്. പക്ഷേ സ്‌റ്റേഡിയത്തില്‍ അര്‍ജന്റീനക്കാര്‍ നിറഞ്ഞ ഭാഗത്തെ വലിയ ബാനറില്‍ ഡിയാഗോയുണ്ടായിരുന്നു.

പഴയ ആ ചിത്രം. ആ കാരിക്കേച്ചര്‍അദ്ദേഹത്തിന്റെ കയ്യൊപ്പും അര്‍ജന്റീനയുടെ ദേശീയ പതാകയും. ഇന്നലെ ലുസൈലിലേക്കുള്ള മെട്രോ യാത്രയില്‍ നിരവധി അര്‍ജന്റീനക്കാരുമായി സംസാരിച്ചു. മെസിയുടെ ജന്മദേശമായ റൊസാരിയോയില്‍ നിന്നുള്ള 63 കാരന്‍ ഫെര്‍ണാണ്ടോ ദോഹയിലെത്തിയത് ലോകകപ്പ് നേട്ടം കാണാനും ആ നേട്ടം തന്റെ പ്രിയ താരത്തിന് സമര്‍പ്പിക്കാനുമാണ്. ഡിയാഗോക്ക് ഇനിയും അദ്ദേഹം അര്‍ഹിക്കുന്ന ആദരം രാജ്യം നല്‍കിയിട്ടില്ല എന്ന് വിശ്വസിക്കുന്നു ഈ ഫുട്‌ബോള്‍ പ്രേമി. അകാല വിയോഗത്തിന്റെ കാര്യകാരണങ്ങളില്‍ ഇപ്പോഴും അന്വേഷണം നടക്കുമ്പോഴും മെസിക്കും സംഘത്തിനും ഡിയാഗോക്ക് നല്‍കാനുള്ള വലിയ അന്ത്യാജ്ഞലി ലോകകപ്പായിരിക്കുമെന്ന് പറയുന്നു ഷൂ നിര്‍മാണ കമ്പനി നടത്തുന്ന ഫെര്‍ണാണ്ടോ. അദ്ദേഹത്തോടൊപ്പമുണ്ടായിരുന്ന എല്ലാവര്‍ക്കും പറയാനുണ്ടായിരുന്നതും ഡിയാഗോയെക്കുറിച്ചായിരുന്നു. രണ്ട് തവണയാണ് അര്‍ജന്റീന ലോകകപ്പില്‍ മുത്തമിട്ടത്. ഇതില്‍ അവസാനം 1986ല്‍ മെക്‌സിക്കോയിലായിരുന്നു.

അന്നത്തെ ഹീറോയായിരുന്നു ഡിയാഗോ. പുതിയ ലോകത്തിന് അര്‍ജന്റീനയെ പരിചയപ്പെടുത്തിയ താരം. അദ്ദേഹത്തെ കണ്ടാണ് പിന്നെ ഫുട്‌ബോള്‍ ലോകം വളര്‍ന്നത്. മെസിയുടെ തലമുറയുടെ റോള്‍ മോഡല്‍. പക്ഷേ കളി കഴിഞ്ഞ് ഫെര്‍ണാണ്ടോയും സംഘവും മടങ്ങിയത് നിരാശയിലായിരുന്നു. ആദ്യ മല്‍സരത്തില്‍ തന്നെ തോല്‍വി. മറഡോണയുണ്ടായിരുന്നെങ്കിലോ…? അദ്ദേഹം ക്ഷുഭിതനാവുമായിരുന്നു. മെസിയും മറഡോണയും തമ്മിലുള്ള മാറ്റമായി അര്‍ജന്റീനക്കാര്‍ പറയാറുള്ളത് മറഡോണ രാജ്യത്തിന് ലോകകപ്പ് സമ്മാനിച്ചു. മെസിക്ക് അതിന് കഴിഞ്ഞില്ല എന്നതാണ്. ഇക്കുറിയും മെസി കപ്പില്‍ നിന്ന് അകന്നാല്‍ അര്‍ജന്റീനക്കാര്‍ക്കത് സഹിക്കാനാവില്ലെന്നുറപ്പ്.

‘അദ്ദേഹം പൊട്ടിക്കരയുന്ന ഒരു നിമിഷം ഓര്‍ക്കുകയാണ്. ഭക്ഷണം കഴിച്ച് അല്‍പം മദ്യം കഴിച്ചിരിക്കുമ്പോള്‍, അദ്ദേഹം ഡ്രഗ്‌സ് യൂസ് ചെയ്‌തെന്നു പറഞ്ഞ് കളിയില്‍ നിന്ന് പുറത്താക്കപ്പെട്ടത് ഓര്‍ത്തു. അത് ചതിയാണ് ബോബി, ഞാന്‍ ഇന്നസന്റായിരുന്നു. എന്റെ കാല്‍നഖം പഴുത്ത് കളിക്കാന്‍ പറ്റാതെ ഇരിക്കുമ്പോള്‍ അതിനു മരുന്നു കൊടുത്തപ്പോള്‍ ബാന്‍ഡ് ആയ മരുന്ന് അദ്ദേഹം അറിയാതെ കൊടുക്കുകയും അത് ഒറ്റിക്കൊടുക്കുകയും അത് പിടിക്കപ്പെടുകയും അത് ഫുട്‌ബോള്‍ ലോബിയുടെ ചതിയായിരുന്നുവെന്നു. അതു പറഞ്ഞ് മറഡോണ പൊട്ടിക്കരഞ്ഞു’ – മറഡോണയെ സ്വര്‍ണക്കടയുടെ ഉദ്ഘാടനത്തിനായി കേരളത്തിലെത്തിച്ച ബോബി പറഞ്ഞു.

മറഡോണയുടെ ബാങ്ക് അക്കൗണ്ടില്‍ ഒന്നും കാണില്ല. അദ്ദേഹം ചെക്ക് വാങ്ങില്ല. പണമായി തന്നെയാണ് പ്രതിഫലം വാങ്ങുക. ചിലപ്പോഴൊക്കെ അങ്ങനെ വാങ്ങിയ പണം താമസിക്കുന്ന ഹോട്ടലില്‍ മറന്നു വച്ചു പോകാറുണ്ട്. അങ്ങനെ ഒരുപാട് പണം നഷ്ടപ്പെട്ടിട്ടുണ്ട്. ജീവിതം ആസ്വദിച്ച മനുഷ്യനാണ്. നാളയ്ക്കു വേണ്ടി ചിന്തിക്കാതെ ഇന്ന് ജീവിച്ചു തീര്‍ത്ത മനുഷ്യന്‍. പൈസയ്ക്കു വേണ്ടി ഇത്ര കോടി കിട്ടിയാലേ ഇന്നതു ചെയ്യൂ എന്ന് പിടിവാശിയില്ലാത്തയാള്‍- ബോബി അനുസ്മരിച്ചു.

തലയ്ക്കു പരുക്കേല്‍ക്കുമ്പോഴോ ഉയര്‍ന്ന രക്തസമ്മര്‍ദം മൂലമോ ആണ് ഇത്തരത്തില്‍ രക്തം കട്ടപിടിക്കുന്ന അവസ്ഥയുണ്ടാവുക. 80 മിനിറ്റ് ദൈര്‍ഘ്യമുള്ളതായിരുന്നു ശസ്ത്രക്രിയ. മറഡോണ സുഖം പ്രാപിച്ചു വരുന്നതായി അദ്ദേഹത്തിന്റെ ഡോക്ടര്‍ ലിയോപോള്‍ഡോ ലുക്യു അറിയിച്ചു.

വിഷാദരോഗത്തിന്റെ ലക്ഷണങ്ങളുമായാണ് മറഡോണയെ ആശുപത്രിയില്‍ പ്രവേശിപ്പിച്ചത്. തുടര്‍ന്നു നടത്തിയ പരിശോധനയിലാണ് രക്തസ്രാവം കണ്ടെത്തിയത്. കഴിഞ്ഞ ദിവസം 60-ാം ജന്മദിനത്തിനായിരുന്നു മറഡോണ ഒടുവില്‍ പൊതുസമൂഹത്തിനു മുന്നില്‍ പ്രത്യക്ഷപ്പെട്ടത്. അതിനു മുമ്പ് അംഗരക്ഷകരിലൊരാള്‍ക്കു കോവിഡ് ലക്ഷണങ്ങള്‍ കണ്ടതിനെത്തുടര്‍ന്ന് അദ്ദേഹം ഐസലേഷനിലായിരുന്നു. മറഡോണയ്ക്കു കോവിഡുമായി ബന്ധപ്പെട്ട പ്രശ്‌നങ്ങളില്ലെന്നും ആശുപത്രി അധികൃതര്‍ വ്യക്തമാക്കി.

‘ഫലസ്തീന്‍ എന്റെ ഹൃദയമാണ്. അവിടുത്തെ ജനങ്ങള്‍ക്കൊപ്പമാണ് എന്റെ മനസ്സ്. മെഹ്മൂദ് അബ്ബാസ് എന്ന ഈ മഹത് വ്യക്തി ആഗ്രഹിക്കുന്നത് ഫലസ്തീന്റെ സമാധാനമാണ്. അബ്ബാസിന് ഒരു രാജ്യമുണ്ട്, ഒരു അവകാശവും’, മറഡോണ പറഞ്ഞു. മെഹ്മൂദ് അബ്ബാസുമായുള്ള കൂടിക്കാഴ്ചയുടെ വീഡിയോ മറഡോണ തന്റെ ഇന്‍സ്റ്റാഗ്രാം പേജില്‍ പോസ്റ്റു ചെയ്തു. ഇതിനകം ഒരു കോടിലധികം പേര്‍ വീഡിയോ ലൈക്ക് ചെയ്യുകയും ഷെയര്‍ ചെയ്യുകയും ചെയ്തിട്ടുണ്ട്.

ഫലസ്തീനിലെ ജനങ്ങള്‍ക്ക് മറഡോണ നല്‍കുന്ന പിന്തുണയില്‍ നന്ദി അറിയിച്ച മെഹ്മൂദ് അബ്ബാസ് അദ്ദേഹത്തിന് പരമ്പരാഗത ഛായാചിത്രവും ഫലസ്തീനിയന്‍ ഒലീവ് ഓയിലും സമ്മാനിച്ചു. റഷ്യന്‍ പ്രസിഡന്റ് വള്ാദിമിര്‍ പുടിന്റെ ക്ഷണം സ്വീകരിച്ചാണ് മെഹ്മൂദ് അബ്ബാസ് മോസ്‌കോയിലെത്തിയത്. നേരത്തെ ലോകകപ്പിന് മുന്നോടിയായി ഇസ്രാഈലുമായുള്ള സൗഹൃദമത്സരം അര്‍ജന്റീന ഉപേക്ഷിച്ചത് വാര്‍ത്തയായിരുന്നു.
മുമ്പും മറഡോണ ഫലസ്തീന്‍ ജനതക്ക് ഐക്യദാര്‍ഢ്യം പ്രഖ്യാപിച്ചിട്ടുണ്ട്. ഫലസ്തീന്‍ രാഷ്ട്രം എത്രയും വേഗം സ്ഥാപിക്കണമെന്ന് അദ്ദേഹം ആവശ്യപ്പെട്ടിരുന്നു.

2014ല്‍ ഗസ്സയില്‍ 2600 പേര്‍ കൊല്ലപ്പെട്ട ഇസ്രാഈല്‍ ആക്രമണത്തെയും മറഡോണ അപലപിച്ചു. ഫലസ്തീന്‍ ജനതയോട് ഇസ്രാഈല്‍ ചെയ്തുകൊണ്ടിരിക്കുന്നത് ലജ്ജാവഹമാണെന്ന് അദ്ദേഹം പറഞ്ഞിരുന്നു.
2015ല്‍ എ.എഫ്.സി ഏഷ്യന്‍ കപ്പ് കാലത്ത് ഫലസ്തീന്‍ ടീമിന്റെ പരിശീലകനായി മറഡോണ എത്തുമെന്നും ഫലസ്തീന്‍ ഫുട്‌ബോള്‍ അസോസിയേഷനുമായി അദ്ദേഹം ചര്‍ച്ചയിലാണെന്നും അഭ്യൂഹമുണ്ടായിരുന്നു. പക്ഷെ, അത് നടന്നില്ല.

പ്രീ ക്വാര്‍ട്ടറില്‍ ഫ്രാന്‍സിനോട് മൂന്നിനെതിരെ നാല് ഗോളുകള്‍ക്ക് തോറ്റാണ് അര്‍ജന്റീന പുറത്തായത്. സാംപോളിയുടെ ടീം ഫോര്‍മേഷനും ടീം തെരഞ്ഞെടുപ്പും വിമര്‍ശിക്കപ്പെട്ടിരുന്നു. ഇന്റര്‍ മിലാന്‍ ക്യാപ്റ്റന്‍ ഇക്കാര്‍ഡിയെ ടീമിലെടുക്കാത്തതും യുവന്റസ് സൂപ്പര്‍ താരം ഡിബാലയെ കളിപ്പിക്കാത്തതും സാംപൊളിയുടെ വ്യക്തി താല്‍പര്യങ്ങളാണെന്ന് വിമര്‍ശനമുയര്‍ന്നിരുന്നു. അര്‍ജന്റീനയുടെ പരിജയ സമ്പന്നനായ ഗോള്‍ കീപ്പര്‍ റൊമേരോയുടെ പരിക്ക് സാരമുള്ളതല്ലെന്നും സാംപൊളി മനപ്പൂര്‍ അദ്ദേഹത്തെ ഒഴിവാക്കിയതാണെന്നും ആരോപണമുണ്ടായിരുന്നു.

2010 ദക്ഷിണാഫ്രിക്കന്‍ ലോകകപ്പില്‍ മറഡോണയായിരുന്നു അര്‍ജന്റീനയുടെ പരിശീലകന്‍. അന്ന് അര്‍ജന്റീന ക്വാര്‍ട്ടറില്‍ ജര്‍മനിയോട് തോറ്റ് പുറത്താവുകയായിരുന്നു. കളിക്കളത്തിലെ മികവ് പരിശീലകനെന്ന നിലയില്‍ പുറത്തെടുക്കാന്‍ മറഡോണക്ക് കഴിഞ്ഞിരുന്നില്ല. അര്‍ജന്റീനയുടെ പ്രതിഭാധനനായ മിഡ്ഫീല്‍ഡര്‍ റിക്വല്‍മിയെ അന്ന് ടീമിലെടുക്കാതിരുന്നത് ഏറെ വിമര്‍ശിക്കപ്പെട്ടിരുന്നു. പരിശീലകനെന്ന നിലയില്‍ കാര്യമായ നേട്ടങ്ങളില്ലാത്തതിനാല്‍ മറഡോണയുടെ ആവശ്യത്തോട് അര്‍ജന്റീന ഫുട്‌ബോള്‍ അസോസിയേഷന്‍ അനുകൂലമായി പ്രതികരിക്കാനിടയില്ല.

‘ജീവിച്ചിരിക്കുന്ന മികച്ച ഫുട്ബോള്‍ താരങ്ങളില്‍ ഒരാളാണ് ഡീഗോ മറഡോണ. റഷ്യന്‍ ലോകകപ്പില്‍ ഞങ്ങളോടൊപ്പം അദ്ദേഹത്തിന് പ്രധാന പങ്ക് വഹിക്കാനുണ്ട്. എന്നാല്‍ കഴിഞ്ഞ അര്‍ജന്റീന-നൈജീരിയ മത്സരത്തില്‍ അദ്ദേഹത്തിന്റെ പ്രവൃത്തികള്‍ ഫിഫയുടെ ശ്രദ്ധയില്‍പ്പെട്ടിട്ടുണ്ട്. എല്ലാ താരങ്ങളും, മുന്‍ കളിക്കാരും, സ്റ്റാഫുകളും, ആരാധകരും, മാന്യതയോടെയും എതിരാളികളോട് ബഹുമാനവും പുലര്‍ത്തിക്കൊണ്ട് മാത്രമേ ഗാലറിയില്‍ പെരുമാറാവൂ,’ ഫിഫയുടെ ചീഫ് കോംപിറ്റീഷന്‍സ് ആന്‍ഡ് ഇവന്റ്സ് ഓഫീസര്‍ കോളിന്‍ സ്മിത്ത് വെള്ളിയാഴ്ച സംഭവത്തില്‍ പ്രതികരിച്ചു.

അര്‍ജന്റനീയുടെ നിര്‍ണായകമായ മത്സരത്തില്‍ നൈജീരിയയെ തകര്‍ത്ത് പ്രീക്വാര്‍ട്ടറില്‍ കടന്ന വിജയഗോളിന് പിന്നാലെയുള്ള മറഡോണയുടെ ആഹ്ലാദ പ്രകടനമാണ് വിവാദത്തിന് വഴിവെച്ചത്. കളിയുടെ 86-ാം മിനുട്ടില്‍ മാര്‍ക്കസ് റോഹോയുടെ വിജയ ഗോളിനെ തുടര്‍ന്ന് മറഡോണ ഗാലറിയില്‍ എഴുന്നേറ്റ് നിന്ന് നൈജീരിയന്‍ ആരാധകര്‍ക്കു നേരെ അശ്ലീല ആംഗ്യം കാട്ടിയതാണ് വിവാദമായത്.ടെലിവിഷനിലൂടെ ഈ ദൃശ്യം പുറത്തുവന്നതോടെ ലോകത്തിന്റെ നാനാഭാഗങ്ങളില്‍ നിന്ന് ഏറെ വിമര്‍ശനങ്ങളാണ് ഇതിഹാസ താരത്തിനെതിരെ ഉയര്‍ന്നത്.മറഡോണയെപ്പോലൊരാളില്‍ നിന്ന് ഇത്തരത്തിലൊരു പ്രവര്‍ത്തിയുണ്ടാകരുതായിരുന്നുവെന്ന് പലരുടേയും പ്രതികരണം.

തന്റെ പിന്‍ഗാമികള്‍ക്ക് പ്രചോദനമായി റഷ്യന്‍ ലോകകപ്പില്‍ അര്‍ജന്റീനയുടെ എല്ലാ മത്സരങ്ങള്‍ക്കും ഗാലറിയില്‍ സജീവമായിരുന്ന മറഡോണ, നൈജീരിയ്ക്കെതിരായ മത്സരത്തില്‍ ടീമിന്റെ ഓരോ മുന്നേറ്റവും ഏറെ ആവശത്തോടെയാണ് ഏതിരേറ്റത്. കളിയുടെ പതിനാലാം മിറ്റില്‍ നായകന്‍ ലയണല്‍ മെസി ഈ ലോകകപ്പിലെ തന്റെ ആദ്യഗോളും ടൂര്‍ണമെന്റിലെ നൂറാം ഗോളും നേടിയപ്പോള്‍ അര്‍ജന്റീനയുടെ മുന്‍ നായകന്‍ ഗാലറിയില്‍ തുള്ളിച്ചാടിയിരുന്നു.

ഇന്നലെ രാത്രി നൈജീരിയക്കെതിരായ അര്‍ജന്റീനയുടെ വിജയം ആഘോഷിക്കുന്നതിനിടെയാണ് മറഡോണ കുഴഞ്ഞുവീണത്. ഉടന്‍ തന്നെ വിദഗ്ധ സംഘം അദ്ദേഹത്തിനു ചികിത്സ നല്‍കി. മത്സരം ആരംഭിച്ചതു മുതല്‍ വികാരഭരിതനായി കാണപ്പെട്ട മറഡോണ സ്വന്തം രാജ്യത്തിന്റെ വിജയാഹ്ലാദത്തിനിടെ കുഴഞ്ഞു വീഴുകയായിരുന്നു.

നൈജീരിയക്കെതിരെ അര്‍ജന്റീന വിജയ ഗോള്‍ നേടിയതോടെ തന്റെ ഇരിപ്പിടത്തില്‍ നിന്ന് ചാടിയെഴുത്തേറ്റ അദ്ദേഹം ആഹ്ലാദാരവം മുഴക്കി. ഇതിനു പിന്നാലെയാണ് ശാരീരിക അസ്വാസ്ഥ്യം പ്രകടിപ്പിച്ചത്.

ക്രമാതീതമായി രക്തസമ്മര്‍ദ്ദം വര്‍ധിച്ചതാണ് മറഡോണക്ക് അവശത അനുഭവപ്പെടാന്‍ കാരണമായതെന്നാണ് മെഡിക്കല്‍ റിപ്പോര്‍ട്ട്. മറഡോണയുടെ ആരോഗ്യനില മെച്ചപ്പെട്ടതായി അദ്ദേഹത്തെ ചികിത്സിച്ച ഡോക്ടര്‍മാര്‍ പറഞ്ഞു.

watch video:

Maradona… pic.twitter.com/4Tl68XlMWE

— emilioelmago (@emilioelmago) June 26, 2018