dies – Chandrika Daily

മയക്കുവെടിവച്ച് പിടികൂടിയ കടുവ ചത്തത് അണുബാധമൂലം: പോസ്റ്റ്മോര്‍ട്ടം റിപ്പോര്‍ട്ട്

webdesk13 — Wed, 14 Feb 2024 14:50:15 +0000

കണ്ണൂര്‍ കൊട്ടിയൂരില്‍ മയക്കുവെടിവച്ച് പിടികൂടിയ കടുവ ചത്തത് അണുബാധമൂലം. കരളിലും കുടലിലും അണുബാധയെന്ന് പ്രാഥമിക പോസ്റ്റ്മോര്‍ട്ടം റിപ്പോര്‍ട്ട്. കമ്പിവേലിയില്‍ കുടുങ്ങിയപ്പോള്‍ ഉണ്ടായ സമ്മര്‍ദവും മരണകാരണമായി. തൃശൂർ മൃഗശാലയിലേക്ക് കൊണ്ടു പോകും വഴിയാണ് കടുവ ചത്തത്. കടുവ ചത്തതിൽ അന്വേഷണം നടത്തുമെന്ന് വനം വകുപ്പ് മന്ത്രി എ കെ ശശീന്ദ്രൻ മനോരമ ന്യൂസിനോട് പറഞ്ഞു.

വലതു ഭാഗത്തെ പല്ലു പോയതിനാൽ കാട്ടിൽ വിടാൻ കഴിയില്ലാത്തതു കൊണ്ടാണ് കടുവയെ തൃശൂർ മൃഗശാലയിലേക്ക് മാറ്റാൻ വനം വകുപ്പ് തീരുമാനിച്ചത്. കൊട്ടിയൂരിൽ നിന്ന് ഇന്നലെ രാത്രി 9 മണിയോടെ തൃശൂരിലേക്ക് കടുവയുമായി വനം വകുപ്പ് സംഘം പുറപ്പെട്ടു.

കൊണ്ടോട്ടിയിൽ വച്ച് കടുവ അനങ്ങുന്നില്ലെന്ന് മനസിലാക്കിയ വെറ്റിനറി ഡോക്ടർമാരുടെ സംഘം വിശദ പരിശോധന നടത്തിയപ്പോഴാണ് കടുവ ചത്തുവെന്ന് ഉറപ്പിച്ചത്. മയക്കുവെടി വയ്ക്കുന്ന മൃഗങ്ങൾ ചത്തുപോകുന്നതിൽ അന്വേഷണം വേണമെന്നും വനം മന്ത്രി എ കെ ശശീന്ദ്രൻ രാജിവയ്ക്കണമെന്നും കെ സുധാകരൻ.

കളിക്കുന്നതിനിടെ നീന്തല്‍ക്കുളത്തില്‍ വീണ് കാസര്‍കോട് 3 വയസ്സുകാരന്‍ മരിച്ചു

webdesk13 — Tue, 18 Jul 2023 09:40:26 +0000

കളിക്കുന്നതിനിടെ നീന്തല്‍ക്കുളത്തില്‍ വീണ് 3 വയസ്സുകാരന്‍ മരിച്ചു. മാണിക്കോത്ത് പടിഞ്ഞാറ് വളപ്പില്‍ ഹാഷിം – തസ്‌ലീമ ദമ്പതികളുടെ മകന്‍ ഹദിയാണ് മരിച്ചത്. ഇന്ന് രാവിലെയാണ് സംഭവം.

വീടിനു അടുത്തായുളള ഹാഷിമിന്റെ സഹോദരന്‍ ഷാഫിയുടെ വീടിനു മുകളില്‍ കളിക്കുന്നതിനിടെ അബദ്ധത്തില്‍ നീന്തല്‍ക്കുളത്തില്‍ വീഴുകയായിരുന്നു. ഉടന്‍ തന്നെ സമീപത്തെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. മൃതദേഹം ജില്ലാ ആശുപത്രി മോര്‍ച്ചറിയിലേക്ക് മാറ്റി. സഹോദരങ്ങള്‍: അന്‍ഷിക്, ഹഫീഫ. അവധിക്ക് നാട്ടിലേക്ക് വരുന്നതിനിടെയില്‍ കണ്ണൂരില്‍ വിമാനമിറങ്ങിയപ്പോഴാണ് മകന്‍ മരിച്ച വിവരം പിതാവ് ഹാഷിം അറിഞ്ഞത്.

കാന്തപുരം എ.പി മുഹമ്മദ് മുസ്‌ലിയാര്‍ നിര്യാതനായി

Chandrika Web — Sun, 20 Nov 2022 02:55:39 +0000

പ്രമുഖ മതപണ്ഡിതന്‍ കാന്തപുരം എ.പി മുഹമ്മദ് മുസ്‌ലിയാര്‍ നിര്യാതനായി. 72 വയസ്സായിരുന്നു. കോഴിക്കോട് സ്വകാര്യ ആശുപത്രിയില്‍ ഇന്ന് രാവിലെ ആറിനായിരുന്നു അന്ത്യം. കാന്തപുരം എ.പി അബൂബക്കര്‍ മുസ്‌ലിയാരുടെ പ്രഥമശിഷ്യനാണ്.

രാവിലെ 9ന് ജാമിഅ മര്‍കസ്സില്‍ മയ്യിത്ത് നമസ്‌കാരത്തിന് ശേഷം വൈകീട്ട് നാലിന് കൊടുവള്ളി കരുവന്‍പൊയിലിലെ മസ്ജിദില്‍ ഖബറടക്കും.

കരയില്ല; അഭിമാനം മാത്രം: ഗുര്‍നാമിന്റെ അമ്മ

chandrika — Sun, 23 Oct 2016 18:52:37 +0000

ശ്രീനഗര്‍: തന്റെ മകന്‍ വീരമൃത്യുവരിച്ചതാണെന്നും കരയില്ലെന്നും ഗുര്‍നാം സിങിന്റെ അമ്മ ജസ്‌വന്ത് കൗര്‍. ‘അവന്‍ എന്നോട് പറഞ്ഞിരുന്നു, ഞാന്‍ മരിച്ചാല്‍ ദയവായി കരയരുതെന്ന്. ഞാന്‍ കരയില്ല.

രാഷ്ട്രത്തിന് വേണ്ടി സ്വജീവന്‍ ബലികഴിച്ച മുഴുവന്‍ സൈനികരെയും ഓര്‍ത്ത് തനിക്ക് അഭിമാനമാണുള്ളത്. തന്റെ മകന് മെച്ചപ്പെട്ട വൈദ്യ സഹായം ലഭിക്കണമെന്ന് ആഗ്രഹിച്ചിരുന്നു. ബക്ഷി നഗറിലെ ആസ്പത്രിയിലേക്ക് കൊണ്ടു പോകാനാണ് ബിഎസ്എഫ് തീരുമാനിച്ചത്.

എന്നാല്‍ ബിഎസ്എഫിന് സ്വന്തമായി ആസ്പത്രിയും ഡോക്ടര്‍മാരുമുണ്ടായിരുന്നുവെങ്കില്‍ തന്റെ മകന്‍ രക്ഷപെട്ടേനെ ‘-ജസ്‌വന്ത് കൗര്‍ പറഞ്ഞു. സൈനികര്‍ക്കായി മികച്ച ചികില്‍സാ സംവിധാനം ഒരുക്കണമെന്ന് കേന്ദ്രസര്‍ക്കാരിനോട് അഭ്യര്‍ത്ഥിക്കുന്നതായി ഗുര്‍നാമിന്റെ പിതാവ് കുല്‍ബീര്‍ സിങ് പറഞ്ഞു. ഗുര്‍നാമിന്റെ വീരമൃത്യുവില്‍ അഭിമാനിക്കുന്നതായി സഹോദരിയും പ്രതികരിച്ചു.