അക്രമ സംഭവത്തില്‍ പിടിച്ചെടുത്ത മെമ്മറി കാര്‍ഡ് രേഖയാണോ, തൊണ്ടിമുതലാണോ എന്ന വിഷയത്തില്‍ ഇന്ന് മറുപടി നല്‍കണമെന്നായിരുന്നു സുപ്രീം കോടതി സര്‍ക്കാറിനോട് നിര്‍ദ്ദേശിച്ചിരുന്നത്. എന്നാല്‍ ഇക്കാര്യത്തില്‍ മറുപടി നല്‍കാന്‍ കൂടുതല്‍ സമയം വേണമെന്നും, വേനലവധിക്ക് ശേഷം കോടതി തുറക്കുമ്പോള്‍ മറുപടി നല്‍കാമെന്നും സംസ്ഥാന സര്‍ക്കാര്‍ കോടതിയെ അറിയിച്ചു. ഇതേതുടര്‍ന്നാണ് കേസിന്റെ വിചാരണ സുപ്രീം കോടതി സ്‌റ്റേ ചെയ്തത്.

വിചാരണ സ്‌റ്റേ ചെയ്യേണ്ട ആവശ്യമില്ലെന്നും മെമ്മറി കാര്‍ഡിന്റെ കാര്യത്തില്‍ തീരുമാനം ആകുന്നതുവരെ കുറ്റം ചുമത്തുന്നതുമായി ബന്ധപ്പെട്ട് പ്രതിഭാഗവുമായി ധാരണയുണ്ടെന്നും സംസ്ഥാന സര്‍ക്കാര്‍ സുപ്രീം കോടതിയെ അറിയിച്ചിരുന്നു. എന്നാല്‍ ഇത് അംഗീകരിക്കാന്‍ കോടതി തയ്യാറായില്ല. ഹൈക്കോടതി ഉത്തരവ് നിലനില്‍ക്കുന്നതിനാല്‍ വിചാരണ സ്‌റ്റേ ചെയ്യേണ്ട ആവശ്യമുണ്ടെന്ന് ജസ്റ്റിസ് എ.എം ഖാന്‍വില്‍ക്കര്‍ അധ്യക്ഷനായ ബെഞ്ച് നിലപാടെടുത്തു. ജൂലൈ മൂന്നാം വാരമാണ് വേനലവധിക്ക് ശേഷം സുപ്രീം കോടതി വീണ്ടും തുറക്കുക.

നടി പീഡിപ്പിക്കപ്പെട്ട സംഭവത്തില്‍ കുറ്റാരോപിതന്‍ സംഘടനയുടെ അകത്താണ്. പീഡനം അനുഭവിച്ച ആള്‍ പുറത്താണ്. ഇതാണോ നീതിയെന്നും സംവിധായികയും നടിയുമായ രേവതി ചോദിച്ചു. യുവനടിക്കെതിരെ അതിക്രമം നടന്ന വിഷയത്തില്‍ വിശദീകരണം ചോദിച്ചപ്പോളാണ് ഞങ്ങളുടെ പേരുപോലും പറയാന്‍ അദ്ദേഹം മടി കാണിച്ചത്.

ഇത് ഞങ്ങളെ വളരെയധികം ബുദ്ധിമുട്ടിച്ചു. താന്‍ അമ്മ എന്ന സംഘടനയിലെ അംഗമാണ്. പക്ഷേ ഒരു പരിപാടിക്കും വിളിച്ചിട്ടില്ല. ഡബ്ല്യുസിസി ഉണ്ടായത് കൊണ്ടുമാത്രമാണ് ഈ മേഖലയിലേക്ക് ഇറങ്ങിയത്, രേവതി പറഞ്ഞു.

യുവനടിക്കെതിരെ അതിക്രമം നടന്നിട്ട് വേണ്ടരീതിയിലുള്ള പിന്തുണ കിട്ടിയില്ലെന്ന് സംവിധായിക അഞ്ജലി മേനോന്‍. അതുകൊണ്ടാണ് ഒരുമിച്ചു പ്രവര്‍ത്തിക്കാന്‍ ഇടവന്നത്. ഇന്ത്യ മുഴുവനും ഒരു മൂവ്‌മെന്റ് നടക്കുകയാണ്. സര്‍ക്കാര്‍ സംവിധാനങ്ങള്‍ ഇതില്‍ നടപടി എടുക്കുന്നു. സ്ത്രീകള്‍ പറയുന്നത് വിശ്വസിക്കുന്നു. പക്ഷേ കേരളത്തില്‍ വാക്കാലെയല്ലാതെ കുറച്ചുകൂടി ഞങ്ങള്‍ പ്രതീക്ഷിക്കുന്നുവെന്നും അഞ്ജലി മേനോന്‍ പറഞ്ഞു. ആക്രമിക്കപ്പെട്ട നടിയുടെ രാജിക്കത്ത് പാര്‍വതി മാധ്യമങ്ങള്‍ക്കു മുന്നില്‍ വായിച്ചു.

അഞ്ജലി മേനോന്‍, പാര്‍വതി, രേവതി, സജിത മഠത്തില്‍, ദീദി ദാമോദരന്‍, റീമ കല്ലിങ്കല്‍ തുടങ്ങിയ നടിമാരാണ് വാര്‍ത്ത സമ്മേളനത്തിനായെത്തിയത്. കറുത്ത വസ്ത്രങ്ങള്‍ ധരിച്ചാണ് എല്ലാവരും എത്തിയിരിക്കുന്നത്.

തനിക്കെതിരെയുള്ള കേസ് റദ്ദാക്കുന്നതില്‍ ഇരയായ നടിക്ക് വിരോധമില്ലെന്ന് കാണിക്കുന്ന നടിയുടെ സത്യവാങ്മൂലവും സമര്‍പ്പിച്ചതിനെ തുടര്‍ന്നാണ് ഉത്തരവ്. ദുരുദ്ദേശപരമായല്ല താന്‍ പേര് പരാമര്‍ശിച്ചതെന്നും തനിക്കെതിരായ കേസ് റദ്ദാക്കണമെന്നും ഹരജിയോടൊപ്പം അജു വര്‍ഗീസ് കോടതിയില്‍ ആവശ്യപ്പെട്ടിരുന്നു.

പ്രദേശത്തെ അറിയപ്പെടുന്ന ആളുടെ നേതൃത്വത്തിലാണ് മരം മുറിച്ച് കടത്താന്‍ ശ്രമം നടന്നത്. എന്നാല്‍ മരം കടത്താന്‍ ശ്രമിക്കെ നാട്ടുകാര്‍ ഇടപെടുകയായിരുന്നു. തുടര്‍ന്ന് വില്ലേജ് ഓഫീസറും പൊലീസും സ്ഥലത്തെത്തി തടയുകയായിരുന്നു.

അതേസമയം കയ്യേറ്റഭൂമിയാണെന്ന ആരോപണത്തെ തുടര്‍ന്ന് ഈ ഭൂമി സര്‍ക്കാര്‍ ഏറ്റെടുക്കാന്‍ സാധ്യതയുണ്ടെ അഭിപ്രായത്തെ തുടര്‍ന്നാണ് മരം മുറിച്ച് കടത്താന്‍ ശ്രമം നടന്നതെന്നും പറയപ്പെടുന്നു. എന്നാല്‍ കയ്യേറ്റം സംബന്ധിച്ച് അന്വേഷണം നടന്നു വരികയാണ്.

ദിലീപ് വിഷയം മാധ്യമങ്ങള്‍ക്ക് കച്ചവടമാണെന്ന് അദ്ദേഹം ആരോപിച്ചു. അന്തിമ വിധി വരുന്നതിനു മുമ്പ് ദിലീപിനെ ശിക്ഷിക്കരുതെന്ന് ഹരിശ്രീ പറഞ്ഞു. സഊദിയില്‍ ഒരു പ്രമുഖ മാധ്യമത്തിനു നല്‍കിയ അഭിമുഖത്തിലാണ് ഇക്കാര്യം പറഞ്ഞത്.

തടവുകാരുടെ വേഷത്തില്‍ ദിലീപിനെ കണ്ടപ്പോള്‍ താന്‍ പൊട്ടിക്കരഞ്ഞു. തന്നെ കണ്ടപ്പോള്‍ ദിലീപും വിതുമ്പി.

ദിലീപ് തെറ്റു ചെയ്തിട്ടില്ലെന്നാണ് തന്റെ മനസ്സു പറയുന്നത്. തെറ്റ് ചെയ്‌തെന്ന് കോടതി കണ്ടെത്തും മുമ്പ് മാധ്യമങ്ങളും ജനങ്ങളും ദിലീപിനെ വിചാരണ ചെയ്യരുതെന്നും അദ്ദേഹം പറഞ്ഞു.

‘ റണ്‍വേ സിനിമയിലേക്ക് ദിലീപിനെ ഞാന്‍ ആദ്യമായി ജയില്‍പുള്ളിയുടെ വേഷത്തില്‍ കാണുന്നത്. എന്നാല്‍ യഥാര്‍ത്ഥ ജീവിതത്തില്‍ അങ്ങനെ കാണേണ്ടി വന്നത് എനിക്ക് സഹിക്കാനായില്ല. ഞാന്‍ പൊട്ടിക്കരഞ്ഞു. എന്താടാ ദിലീപേ ഇത് എന്നു ചോദിച്ചപ്പോള്‍ എനിക്കൊന്നുമറിയില്ല അശോകേട്ടാ എന്നായിരുന്നു മറുപടി. തെറ്റ് ചെയ്തിട്ടില്ലെങ്കില്‍ നീ പ്രാര്‍ത്ഥിക്കുക. ഞാനും കുടുംബവും പ്രാര്‍ത്ഥിക്കും. അനുവദിച്ച് കിട്ടിയ പതിനഞ്ചു മിനിറ്റ് കണ്ണുകള്‍ നിറച്ച് പരസ്പരം നോക്കി നിന്നു. ദിലീപിനെ ജയിലില്‍ പോയി കാണുന്നതിന് ആരെയും പേടിയില്ല. നിയമം ലംഘിച്ചല്ല, നിയമപരമായി കാണാനുള്ള അനുമതി തേടിയാണ് അനുമതി തേടിയാണ് സന്ദര്‍ശനം നടത്തുന്നത്. അവസരം ഒത്തുവന്നാല്‍ ഇനിയും സന്ദര്‍ശനം നടത്തും.‘

ജനങ്ങള്‍ ദിലീപിനെതിരാണെന്ന് പറയുന്നത് ശുദ്ധ അസംബന്ധമാണ്. സ്ത്രീകള്‍ ദുഃഖത്തോടെയും ഉത്കണ്ഠയോടെയുമാണ് ദിലീപിനെക്കുറിച്ച് ചോദിക്കുന്നതെന്നും ഹരിശ്രീ അശോകന്‍ പറയുന്നു.

പി.സി ജോര്‍ജ്ജിന് നല്ല വാക്ക് ഓതുവാന്‍ ത്രാണി ഉണ്ടാവണമെന്നാണ് ഷമ്മി തിലകന്റെ വിമര്‍ശം. ഫേസ്ബുക്കിലൂടെ ഹാസ്യ രൂപേണയാണ് ഷമ്മി തിലകന്‍ പി.സിക്കെതിരെ രംഗത്തുവന്നത്.

ഷമ്മി തിലകന്റെ ഫേസ്ബുക്ക് പോസ്റ്റ്:

ഇതിനായിരുന്നോ ഈ വിജയം….?
കഷ്ടം…!!

(കഴിഞ്ഞ വർഷം ഇങ്ങനെ ഒരു പോസ്റ്റ് ഇടേണ്ടി വന്നതിൽ നിർവ്യാജം ഖേദിക്കുന്നു.)

കർത്താവേ ഈ കുഞ്ഞാ……………ടിന്
നല്ല വാക്ക് ഓതുവാൻ ത്രാണി ഉണ്ടാകണമേ…!!

കതിരൂര്‍ പൊലീസ് സംഭവസ്ഥലത്തെത്തി അന്വേഷണം തുടങ്ങി. ശ്രീനിവാസന്‍ നടത്തുന്ന പ്രതികരണങ്ങളില്‍ അസഹിഷ്ണുക്കളായവരാണ് സംഭവത്തിന് പിന്നിലെന്നാണ് പൊലീസ് കരുതുന്നത്. ദിലീപിനെ അനുകൂലിച്ച് ഇന്നലെ ശ്രീനിവാസന്‍ പ്രസ്താവന ഇറക്കിയിരുന്നു. ഇതിനു പിന്നാലെയാണ് ആക്രമണമുണ്ടായത്. ദിലീപ് ഇത്തരത്തിലൊരു മണ്ടത്തരം കാട്ടുമെന്ന് കരുതുന്നില്ലെന്നാണ് ശ്രീനിവാസന്‍ ഇന്നലെ പറഞ്ഞത്. അദ്ദേഹം തെറ്റു ചെയ്തതായി കരുതുന്നില്ലെന്നും ദിലിപിന്റെ നിരപരാധിത്വം കാലം തെളിയിക്കുമെന്നുമാണ് ശ്രീനിവാസന്‍ പറഞ്ഞത്.