വേഫറെർ ഫിലിംസ് നിർമ്മിക്കുന്ന ചിത്രം ആരംഭിക്കുന്നെണ്ടെന്നും അതിൽ അഭിനയിക്കുന്ന കാര്യം സംസാരിക്കാനായി നേരിട്ട് കാണാം എന്ന ആവശ്യവുമായി തന്നെ ദിനിൽ ബാബു വിളിച്ചെന്നും പനമ്പിള്ളി നഗറിൽ ഉള്ള വേഫേററിന്റെ ഓഫീസിനടുത്തുള്ള ഒരു കെട്ടിടത്തിൽ വരാനാണ് ആവശ്യപ്പെട്ടത് എന്നും യുവതി വെളിപ്പെടുത്തി. ആരോപണത്തിനൊപ്പം ദിനിൽ ബാബുവിന്റെ ശബ്ദ സന്ദേശവും യുവതി പരസ്യപ്പെടുത്തി. അവിടെ എത്തിയ തന്നെ ദിനിൽ ബാബു ഒരു മുറിയിലേക്ക് കൊണ്ട് പോയി അടച്ചിട്ടു പീഡിപ്പിക്കാൻ ശ്രമിച്ചു എന്നാണ് യുവതിയുടെ പരാതി. തനിക്ക് വഴങ്ങിയില്ലെങ്കിൽ മലയാള സിനിമയിൽ ഇനി അവസരം ലഭിക്കില്ല എന്ന് ദിനിൽ ബാബു ഭീഷണിപ്പെടുത്തി എന്നും യുവതി എറണാകുളം സൗത്ത് പോലീസ് സ്റ്റേഷനിൽ നൽകിയ പരാതിയിൽ പറയുന്നു.

ഭർത്താവ് തക്ക സമയത്ത് അവിടെ എത്തിച്ചേർന്നത് കൊണ്ട് മാത്രമാണ് താൻ രക്ഷപെട്ടതെന്നും ലേഡി സ്റ്റാഫും പ്രൊഡക്ഷൻ ആളുകളും അവിടെ ഉണ്ടാകും എന്ന ഉറപ്പ് തന്നാണ് തന്നെ ദിനിൽ ആ കെട്ടിടത്തിലേക്ക് വിളിച്ചു വരുത്തിയത് എന്നും യുവതി വെളിപ്പെടുത്തി. പീഡന ശ്രമം പരാജയപെട്ടതിനു ശേഷം ദിനിലിനോട് അതേ കുറിച്ച് ചോദിച്ചപ്പോൾ പണം തരാമെന്നും മാപ്പു പറയാൻ തയ്യാറല്ലെന്നുമാണ് ദിനിൽ പറഞ്ഞതെന്നും യുവതിയും ഭർത്താവും മാധ്യമങ്ങളോട് വിശദീകരിച്ചു. എറണാകുളം സൗത്ത് പോലീസ് കേസ് രജിസ്റ്റർ ചെയ്ത അന്വേഷണം ആരംഭിച്ചിട്ടുണ്ട്.

”യുവതി തന്നെ വിളിച്ചു ബന്ധപ്പെടുകയായിരുന്നു. രണ്ട് ദിവസം തുടര്‍ച്ചയായി പണം ആവശ്യപ്പെട്ടിരുന്നു,” എന്ന് ദിനില്‍ ബാബു മാധ്യമങ്ങളോട് പറഞ്ഞു. വേഫെറര്‍ കമ്പനിക്ക് ഉണ്ടായ ബുദ്ധിമുട്ടിന് ക്ഷമ ചോദിക്കുന്നുവെന്നും, പരാതിക്കാരിക്ക് പിന്നില്‍ മറ്റുചിലര്‍ ഉണ്ടെന്നും ഇവരെ നിയമത്തിനു മുന്നില്‍ കൊണ്ടുവരുമെന്ന് അദ്ദേഹം കൂട്ടിച്ചേര്‍ത്തു.

യുവതിയുടെ പരാതിപ്രകാരം, വേഫെറര്‍ ഫിലിംസിന്റെ പുതിയ ചിത്രത്തില്‍ അഭിനയിക്കുന്ന കാര്യം ചര്‍ച്ച ചെയ്യാനായി ദിനില്‍ ബാബു വിളിച്ചു. പനമ്പിള്ളി നഗറില്‍ വേഫെറര്‍ ഓഫിസിന് സമീപമുള്ള ഒരു കെട്ടിടത്തിലേക്ക് വിളിച്ചു വരുത്തിയ ശേഷം, മുറിയിലേക്ക് കൂട്ടിക്കൊണ്ടുപോയി പീഡിപ്പിക്കാന്‍ ശ്രമിച്ചുവെന്നാണ് അവളുടെ ആരോപണം.

അതേസമയം, വേഫെറര്‍ ഫിലിംസ് ദിനില്‍ ബാബുവിനെതിരെ നിയമനടപടി ആരംഭിച്ചു. കാസ്റ്റിംഗ് കൗച്ച് ആരോപണത്തിലൂടെ കമ്പനിയെ അപകീര്‍ത്തിപ്പെടുത്തിയതിനാണ് നടപടി. ദിനില്‍ ബാബുവിനെതിരെ തേവര പൊലീസ് സ്റ്റേഷനിലും ഫെഫ്കയിലുമാണ് വേഫെറര്‍ പരാതി നല്‍കിയിരിക്കുന്നത്.