കേരളത്തിലെ ബി.ജെ.പി നേതാക്കൾക്കെതിരെ രൂക്ഷമിവർശനവുമായി ചലച്ചിത്ര സംവിധായകൻ മേജർ രവി. സംസ്ഥാന ബി.ജെ.പിയിലെ 90 ശതമാനം നേതാക്കളും വിശ്വസിക്കാൻ കൊള്ളാത്തവരാണെന്നും തനിക്കെന്തു കിട്ടും എന്ന ചിന്തയാണ് എല്ലാ നേതാക്കൾക്കുമുള്ളതെന്നും തെരഞ്ഞെടുപ്പ് കഴിഞ്ഞതിന് ശേഷം ഒരു നേതാവും നന്ദി പറയാൻ പോലും വിളിച്ചില്ലെന്നും മേജർ രവി പറഞ്ഞു. നേരത്ത പലതവണ ബി.ജെ.പി നിലപാടുകളെയും മോദിയെയും പരസ്യമായി പിന്തുണച്ചിരുന്ന മേജർ രവിയുടെ പുതിയ പ്രതികരണം ബി.ജെ.പി കേന്ദ്രങ്ങളെ ഞെട്ടിച്ചിരിക്കുകയാണ്. സംഘ്പരിവാർ അനുകൂലിയെന്ന് വിമർശനം നേരിട്ട മേജർ രവി കഴിഞ്ഞ തെരഞ്ഞെടുപ്പിൽ പല സ്ഥലങ്ങളിലും ബി.ജെ.പിക്ക് വേണ്ടി പ്രചരണത്തിനിറങ്ങിയിരുന്നു.

അടുത്ത നിമസഭാ തെരഞ്ഞെടുപ്പിൽ മേജർ രവി ബി.ജെ.പി ടിക്കറ്റിൽ മത്സരിച്ചേക്കുമെന്ന വാർത്തകൾക്കിടിലാണ് അദ്ദേഹത്തിന്റെ പ്രതികരണം. ഒരു രാഷ്ട്രീയക്കാരനാവാൻ ആഗ്രഹിക്കുന്നില്ലെന്നും ജനങ്ങൾക്ക് വേണ്ടി എന്തെങ്കിലും ചെയ്യണമെന്നുണ്ടെങ്കിൽ രാഷ്ട്രീയക്കാരനാവണമെന്നുള്ള ഒരു നിർബന്ധവുമില്ലാത്ത വ്യക്തിയാണ് താനെന്നും അദ്ദേഹം പറഞ്ഞു. സംസ്ഥാനത്തെ നേതാക്കൾ പറഞ്ഞാൽ താൻ മത്സരിക്കില്ലെന്നും മേജർ രവി വ്യക്തമാക്കി. ഇവിടത്തെ നേതാക്കന്മാർക്ക് മസില് പിടിച്ചു നടക്കാൻ മാത്രമേ കഴിയുകയുള്ളൂ. വരുന്ന തെരഞ്ഞെടുപ്പിൽ തൃപ്പുണിത്തറയിലോ മറ്റു മണ്ഡലങ്ങളിലോ മൽസരിക്കുമെന്ന പ്രചാരണത്തിനെതിരെയും മേജർ രവി തുറന്നടിച്ചു. താഴെത്തട്ടിലുള്ള ജനങ്ങളെ നേതാക്കൾ തിരിഞ്ഞു നോക്കാറില്ലെന്നും ഗ്രൂപ്പ് പറഞ്ഞ് പാർട്ടിയെ തകർക്കാൻ ആണ് ഇവർ ശ്രമിക്കുന്നതെന്നത്. ഇത്തവണ ബി.ജെ.പിക്ക് വേണ്ടി തെരഞ്ഞെടുപ്പ് പ്രചരണത്തിനിറങ്ങില്ലെന്നും മേജർ രവി പറഞ്ഞു.

ടെലിവിഷൻ ചാനലുകളിലടക്കം സംഘപരിവാറിന് അനുകൂല നിലപാടായിരുന്നു മേജർ രവി സ്വീകരിച്ചിരുന്നത്. ഹിന്ദു ഉണരണമെന്ന അദ്ദേഹത്തിന്റെ വാട്‌സ് ആപ്പ് ശബ്ദസന്ദേശം പുറത്ത് വന്നത് നേരത്തേ വലിയ വിവാദങ്ങളുണ്ടാക്കിയിരുന്നു.

മേജര്‍ രവിയുടെ ഫേസ്ബുക്ക് പോസ്റ്റ്

അന്തരിച്ച നടന്‍ അബിയുടെ മകന്‍ ഷെയ്ന്‍ നിഗത്തിന്റെ വീഡിയോ കാണാനിടയായി. ആ കുട്ടിയെ വേദനിപ്പിക്കുന്നവര്‍ ഒന്ന് മനസ്സിലാക്കണം. സ്വയ പ്രയത്‌നത്താല്‍ കഠിനാദ്ധ്വാനം ചെയ്ത് വളര്‍ന്ന് വന്നതാണ് അവന്‍. വളര്‍ന്നുവരുന്ന താരങ്ങളെ നിരുത്സാഹപ്പെടുത്തരുത്. അത് മലയാള സിനിമയ്ക്ക് മോശമാണ്. ഷെയ്‌ന് എന്റെ എല്ലാ പിന്തുണയും. പ്രിയപ്പെട്ടെ ഷെയ്ന്‍ നിരാശപ്പെടരുത്. എല്ലാം ശരിയാകും. സ്‌നേഹത്തോടെ മേജര്‍ രവി.

ഉണ്ണിമുകുന്ദന്‍ പിറന്നാള്‍ ആഘോഷത്തിന് എത്തിയത് തനിക്ക് സര്‍െ്രെപസ് നല്‍കിയെന്നും വലിയ സന്തോഷം തോന്നിയെന്നും മേജര്‍ രവി ഫേസ്ബുക്കിലൂടെ പറഞ്ഞു. ജീവിതം അങ്ങനെയാണ്, എപ്പോഴും സര്‍െ്രെപസുകള്‍ കാത്തുവെക്കുന്നത്.

മേജര്‍ രവിയുടെ അറുപതാം പിറന്നാള്‍ ദിനത്തില്‍ അദ്ദേഹത്തിനരികില്‍ നില്‍ക്കുന്നത് തനിക്ക് വൈകാരികമായാണ് അനുഭവപ്പെട്ടതെന്ന് ഉണ്ണിമുകുന്ദനും പ്രതികരിച്ചു. അദ്ദേഹത്തില്‍ നിന്ന് ലഭിച്ച ക്ഷണം നിഷേധിക്കാന്‍ കഴിയുന്ന ഒന്നായിരുന്നില്ല. ഒരു ദിവസം സംഭവിക്കേണ്ടതുതന്നെയായിരുന്നു ഇത്. ഞങ്ങള്‍ ഇരുവരും ഉള്ളിലുള്ളത് അതേപോലെ പ്രകടിപ്പിക്കുന്ന ആളുകളാണെന്നാണ് തനിക്ക് തോന്നിയിട്ടുള്ളത്. ഇപ്പോഴിതാ ഞങ്ങളുടെ മാനസികമായ സമാനത എല്ലാത്തരം ഊഹാപോഹങ്ങളെയും വേദനയെയും അകലത്തെയുമൊക്കെ മറികടന്നിരിക്കുകയാണെന്നും ഫേസ്ബുക്കില്‍ താരം കുറിച്ചു.

ജോഷിയുടെ സംവിധാനത്തില്‍ 2014-ല്‍ എത്തിയ സലാം കാശ്മീര്‍ എന്ന ചിത്രത്തിന്റെ സെറ്റില്‍ വെച്ചാണ് മേജര്‍രവിവും ഉണ്ണിമുകുന്ദനും തമ്മില്‍ പ്രശ്‌നങ്ങളുണ്ടാവുന്നത്. അതിനുശേഷം മേജര്‍രവിക്ക് നേരെ ഉയര്‍ന്നുവന്ന വിവാദങ്ങളിലെല്ലാം ഇക്കാര്യം സോഷ്യല്‍മീഡിയയിലടക്കം പ്രചരിച്ചിരുന്നു. അന്നും ഇരുവരും ഇതിനെക്കുറിച്ച് മൗനം പാലിക്കുകയായിരുന്നു. തുടര്‍ന്നാണ് ഇങ്ങനെ ഒരു അവസരത്തില്‍ ഇരുവരും ഒന്നിക്കുന്നത്.

ഇന്നലെയാണ് പൂരം ആശംസകള്‍ നേര്‍ന്നുള്ള മേജര്‍രവിയുടെ പോസ്റ്റ് ഫേസ്ബുക്കിലുള്‍പ്പെടെ പ്രചരിച്ചിരുന്നത്. അക്ഷരത്തെറ്റുണ്ടായിരുന്ന പോസ്റ്റിനെ ട്രോളിക്കൊണ്ടാണ് പലരും വരവേറ്റത്. ഈ സാഹചര്യത്തിലാണ് പോസ്റ്റ് തന്റേതല്ലെന്ന് വ്യക്തമാക്കി മേജര്‍രവി എത്തിയത്. ചിത്രത്തിന്റെ ക്യാപ്ഷന്‍ എഡിറ്റ് ചെയ്തതോ ഫോട്ടോഷോപ്പ് ചെയ്തതോ ആകാമെന്ന് മേജര്‍ രവി പറഞ്ഞു. എന്ത് തന്നെയായാലും അത് അവഗണിക്കണമെന്നും അദ്ദേഹം കൂട്ടിച്ചേര്‍ത്തു.