പ്രിയദര്‍ശന്‍ ഒരുക്കുന്ന ‘മരയ്ക്കാര്‍ അറബിക്കടലിന്റെ സിംഹം’ എന്ന മെഗാബഡ്ജറ്റ് ചിത്രത്തില്‍ പ്രണവിന്റെ നായികയായാണ് കല്യാണി എത്തുന്നത്. നിലവില്‍ അരുണ്‍ ഗോപി സംവിധാനം ചെയ്യുന്ന ഇരുപത്തിയൊന്നാം നൂറ്റാണ്ടിന്റെ ചിത്രീകരണത്തിരക്കിലാണ് പ്രണവ്. 2017-ല്‍ ഹലോ എന്ന തെലുങ്ക് ചിത്രത്തിലൂടെയാണ് കല്യാണി അഭിനയ രംഗത്തേക്ക് കടന്നുവന്നത്.

ചിത്രം നവംബറിലാണ് ചിത്രീകരണം ആരംഭിക്കുന്നത്. മോഹന്‍ലാലിന്റെ നായികയായി മഞ്ജുവാര്യറും എത്തുന്നുണ്ട് മരയ്ക്കാറില്‍. തമിഴ് സൂപ്പര്‍ താരം അര്‍ജുന്‍, ബോളിവുഡ് നടന്‍ സുനില്‍ ഷെട്ടി, കീര്‍ത്തി സുരേഷ് എന്നിവരും പ്രധാന കഥപാത്രങ്ങളായി എത്തും. ഒന്നാം മരയ്ക്കാറായി മധുവും അഭിനയിക്കുന്നു. ആശീര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂര്‍, ഡോ.സി.ജെ. റോയി, സന്തോഷ്.ടി.കുരവിള എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്.

നേരത്തെ പ്രണവിനൊപ്പം അഭിനയിക്കാന്‍ ആഗ്രഹമുണ്ടെന്ന് കല്യാണി പറഞ്ഞിരുന്നു. മോഹന്‍ലാലും പ്രിയദര്‍ശനും അടുത്ത സുഹൃത്തുക്കളാണ്.

ചരിത്രപുരുഷന്‍ കുഞ്ഞാലിമരക്കാരുടെ കഥ പറയുന്ന ചിത്രം പ്രിയദര്‍ശനും സന്തോഷ് ശിവനും സംവിധാനം ചെയ്യാനെത്തിയതാണ് വിനയായത്. മമ്മുട്ടിയെ നായകനാക്കി സന്തോഷ് ശിവനും മോഹന്‍ലാലിനെ നായകനാക്കി പ്രിയദര്‍ശനുമാണ് ചിത്രമൊരുക്കുന്നത്. എന്നാല്‍ കുറച്ചുമാസങ്ങള്‍ക്കുള്ളില്‍ സന്തോഷ് ശിവന്‍ ചിത്രം ചെയ്തില്ലെങ്കില്‍ താന്‍ ചെയ്യുമെന്ന് പ്രിയദര്‍ശന്‍ വ്യക്തമാക്കിയിരുന്നു. തുടര്‍ന്നായിരുന്നു ഇടവേളക്ക് ശേഷം ചിത്രത്തിന്റെ പ്രഖ്യാപനമുണ്ടായത്. മോഹന്‍ലാല്‍ ആരാധകര്‍ ഇതേറ്റെടുത്തതോടെ മമ്മുട്ടി ആരാധകര്‍ ആശങ്കയിലാവുകയായിരുന്നു. എന്നാല്‍ ചിത്രം ഉപേക്ഷിച്ചിട്ടില്ലെന്ന് വ്യക്തമാക്കി നിര്‍മ്മാതാവ് രംഗത്തെത്തിയത് ആരാധകര്‍ക്ക് ആശ്വാസമായി.

‘തലപോയാലും മാനം കളയാത്ത കാലത്തോളം അവസാനത്തെ മലയാളി ഉള്ളടത്തോളം നാം പൊരുതും. മരിച്ചുവീഴും വരെ കരയിലും, ഈ തിരയൊടുങ്ങാത്ത കടലിലും ഒപ്പം ഞാനുണ്ട് അള്ളാഹുവിന്റെ നാമത്തില്‍, മുഹമ്മദ് കുഞ്ഞാലിമരക്കാര്‍’ശിവാജി നടേശന്‍ കുറിപ്പില്‍ പറഞ്ഞു. സന്തോഷ് ശിവന്‍ സംവിധാനം ചെയ്യുന്ന മമ്മുട്ടിയുടെ കുഞ്ഞാലി മരക്കാര്‍ക്ക തിരക്കഥയൊരുക്കുന്നത് ടി.പി രാജീവനും ശങ്കര്‍ രാമകൃഷ്ണനുമാണ്. 50കോടി രൂപയുടെ പ്രൊജക്റ്റാണ് കുഞ്ഞാലിമരക്കാര്‍.

നൂറു കോടിയോളം രൂപ മുതല്‍ മുടക്കിലാണ് ‘കുഞ്ഞാലി, അറബിക്കടലിന്റെ സിംഹം’ നിര്‍മ്മിക്കാന്‍ പോകുന്നത്. ചിത്രം മലയാള സിനിമയിലെ ഏറ്റവും വലിയ പ്രോജക്ട് ആയിരിക്കും. ആശീര്‍വാദ് സിനിമാസിന്റെ ഇരുപത്തിയഞ്ചാമത് പ്രോജക്ട് ആയി ഒരുങ്ങുന്ന ചിത്രം ആന്റണി പെരുമ്പാവൂര്‍ ആണ് നിര്‍മ്മിക്കുന്നത്. ആന്റണിക്ക് ഒപ്പം കോണ്ഫിഡന്റ് ഗ്രൂപ്പ് ഉടമ സി.ജെ റോയ്, മൂണ്‍ ഷോട്ട് എന്റര്‍ടൈന്മെന്റിന്റെ സന്തോഷ് ടി കുരുവിള എന്നിവര്‍ ചേര്‍ന്നാണ് ഈ ചിത്രം ഒരുക്കുന്നത്.

‘എന്റെ അറിവില്‍ അങ്ങനെയൊരു സിനിമ ഇല്ല. ഞാന്‍ അങ്ങനെയൊരു സിനിമ ചെയ്യുന്നില്ല. ഇത്തരത്തിലുള്ള വ്യാജ വാര്‍ത്തകള്‍ പടച്ചുവിടുന്നവര്‍ക്ക് അവരുടേതായ സ്വാര്‍ത്ഥ താല്‍പര്യങ്ങള്‍ ഉണ്ടാകും. ഇപ്പോഴത്തെ അവസ്ഥ എന്താണെന്ന് ചോദിച്ചാല്‍ എന്റെ ജീവിതവും സിനിമയും കുടുംബവുമെല്ലാം തീരുമാനിക്കുന്നത് സോഷ്യല്‍ മീഡിയയാണ്. ഞാനേത് സിനിമ ചെയ്യുന്നു, അത് ചെയ്യുന്നില്ല തുടങ്ങി ഞാന്‍ പോലും അറിയാത്ത കാര്യങ്ങളാണ് സോഷ്യല്‍ മീഡിയ അറിയുന്നത്.

എനിക്കൊരു രാഷ്ട്രീയമുണ്ട്. പക്ഷെ ഞാനൊരു സജീവ രാഷ്ട്രീയക്കാരനല്ല, ഭാവിയിലൊട്ട് ആകാന്‍ ഉദ്ദേശിക്കുന്നുമില്ല. ഞാന്‍ അക്ഷയ് കുമാറിനെവെച്ചൊരു സിനിമ ഉദ്ദ്യേശിക്കുന്നുണ്ട്. അത് ചിലപ്പോള്‍ അടുത്ത വര്‍ഷം നടന്നേക്കും. പക്ഷെ, അതിന് ആര്‍.എസ്.എസ് ചരിത്രവുമായി ബന്ധമൊന്നുമില്ല. ഞാന്‍ ബോളിവുഡില്‍ ചെയ്തിട്ടുള്ളതെല്ലാം കച്ചവട സിനിമകളാണ്. ആര്‍.എസ്.എസ് ചരിത്രം പറയുന്നൊരു സിനിമ ചെയ്യേണ്ട കാര്യമെനിക്കില്ല’ അദ്ദേഹം വ്യക്തമാക്കി. കഴിഞ്ഞ കുറച്ചു ദിവസങ്ങളായി പ്രിയദര്‍ശന്‍ ആര്‍.എസ്.എസ് ചരിത്രത്തെ സിനിമയാക്കുന്നുവെന്ന തരത്തില്‍ വാര്‍ത്തകള്‍ പ്രചരിച്ചിരുന്നു. ഇതിനെതിരെ ട്രോളുകളും ശക്തമായതോടെയാണ് പ്രിയദര്‍ശന്‍ വിശദീകരണം നല്‍കിയത്.