പ്രത്യയസാസ്ത്രപരമായി തന്നെ ഈ പാര്‍ട്ടികള്‍ തമ്മില്‍ ബന്ധമുണ്ടെന്നും ബി.ജെ.പിയില്‍നിന്ന് ഒരാള്‍ നഷ്ടപ്പെടുമ്പോള്‍ സി.പി.എമ്മുകാര്‍ കരയുന്നത് ആ ബന്ധത്തിന്റെ ഭാഗമാണെന്നും അദ്ദേഹം പറഞ്ഞു.

പറപ്പൂര് പഞ്ചായത്തില്‍ എസ്.ഡി.പി.ഐയുമായി തോള്‍ചേര്‍ന്ന് ഭരിക്കുന്ന സി.പി.എം ആ ബന്ധം ഉപേക്ഷിക്കാന്‍ ഒരുക്കമാണോ എന്നും മുനീര്‍ ചോദിച്ചു. കണ്ണൂരില്‍ സി.പി.ഐ.എമ്മിന്റെ അക്രമത്തിന് പ്രതിരോധം തീര്‍ക്കാന്‍ സുധാകരന്‍ ജയിക്കണമെന്നും മുനീര്‍ പറഞ്ഞു.

നേരത്തെ മുസ്ലിംലീഗ് എസ്.ഡി.പി.ഐയുമായി ചര്‍ച്ച നടത്തി എന്ന ആരോപണം ഉണ്ടായ സാഹചര്യത്തിലാണ് മുനീറിന്റെ പരാമര്‍ശം.

കരിഞ്ചോല ഉരുള്‍പൊട്ടല്‍ ബാധിതരോടുള്ള സര്‍ക്കാര്‍ അവഗണനയില്‍ പ്രതിഷേധിച്ച് കോഴിക്കോട് ജില്ലാ മുസ്്‌ലിംലീഗ് കമ്മിറ്റി താമരശ്ശേരിയില്‍ നടത്തിയ രാപ്പകല്‍ സമരത്തിന്റെ സമാപനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.

സാലറി ചാലഞ്ചില്‍ വിസമ്മതമറിയിച്ച ജീവനക്കാരുടെ പട്ടിക പ്രസിദ്ധീകരിച്ചവര്‍ക്കെതിരെ നടപടിവേണമെന്നും ജീവനക്കാര്‍ക്കിടയിലും ദുരിതബാധിതരുണ്ടെന്നും കോടതി പറഞ്ഞിരിക്കുന്നു. വിസമ്മതമറിയിച്ചവരുടെ ലിസ്റ്റിടുന്നത് ലോക ചരിത്രത്തില്‍ ആദ്യമാണ്. ദുരിതത്തില്‍ പെട്ട ഗവണ്‍മെന്റ് ജീവനക്കാരുടെ ലിസ്റ്റുണ്ടാക്കാത്ത സര്‍ക്കാര്‍ വിസമ്മതമറിയിച്ചവരുടെ ലിസ്റ്റുണ്ടാക്കുന്നത് ഭീഷണിപ്പെടുത്താനാണെന്നും അദ്ദേഹം പറഞ്ഞു.

ചിലയിടങ്ങളില്‍ ദുരന്തത്തില്‍ മരണപ്പെട്ടവര്‍ക്ക് ഇരുപത്തി അഞ്ചുലക്ഷം രൂപ ധനസഹായം നല്‍കിയപ്പോള്‍ കരിഞ്ചോലയില്‍ നാലുലക്ഷം രൂപ മാത്രം ധനസഹായം നല്‍കിയത്. ഇത് സര്‍ക്കാര്‍ രണ്ടുതരം പൗരന്‍മാരെ സൃഷ്ടിക്കുന്നുവെന്നതിന്റെ ഉദാഹരണമാണെന്നും അദ്ദേഹം പറഞ്ഞു.

നവകേരള സൃഷ്ടിക്ക് സര്‍ക്കാര്‍ തറക്കല്ലിട്ടത് നാല് ബ്രൂവറികള്‍ക്ക് മുകളിലാണ്. വെള്ളത്തിന്റെ ദുരിതമനുഭവിച്ചവരോട് ഇനി വെള്ളമടിച്ച് നടന്നോളാനാണ് സര്‍ക്കാര്‍ പറയുന്നത്. മുഖ്യമന്ത്രിയെ പോലെ ദുരിതമേഖലയില്‍ പോവാതെ അടച്ചിട്ടറൂമിലിരുന്നല്ല മുസ്്‌ലിംലീഗ് ആവശ്യങ്ങളുന്നയിക്കുന്നത്.

ദുരന്തമുണ്ടായ സമയം മുതല്‍ രക്ഷാപ്രവര്‍ത്തനത്തിനും സഹായങ്ങള്‍ എത്തിക്കുന്നതിലും മുമ്പില്‍ നിന്ന് പ്രവര്‍ത്തിച്ചാണ്. അതുകൊണ്ടാണ് സര്‍ക്കാരിന്റെ പോരായ്മകളെയും നയവൈകല്യങ്ങളെയും എതിര്‍ക്കുന്നതെന്നും അദ്ദേഹം പറഞ്ഞു. ജില്ലാ പ്രസിഡന്റ് ഉമ്മര്‍ പാണ്ടികശാല അധ്യക്ഷത വഹിച്ചു.

മിനിസ്റ്റ്രി ഓഫ് അറ്റ്‌മോസ്റ്റ് ഹാപ്പിനെസ്സ് അഥവാ പരമാനന്ദ മന്ത്രിസഭ!
ഇന്ന് വിശുദ്ധ റംസാന്‍ മാസത്തിലെ ഏറ്റവും പുണ്യം നിറഞ്ഞ ഇരുപത്തേഴാം രാവ്. കേരളത്തിന്റെ പ്രതിപക്ഷ ഉപനേതാവും കോഴിക്കോട് എനിക്കു നല്‍കിയ സുഹൃത്തുമായ ശ്രീ എം കെ മുനീറുമൊത്ത് ഒരു നോന്‍പ് തുറക്കല്‍.
ഈ ഒത്തുചേരലിനു ഒരു പ്രത്യേകത കൂടിയുണ്ട്. സില്‍വര്‍ ഹില്‍സ് സ്‌കൂളിന്റെ പ്രിന്‍സിപ്പലും ഞങ്ങളുടെ പൊതുസുഹൃത്തുമായ ഫാദര്‍ ജോണ്‍ മണ്ണാറത്തറയാണ് ഈ നോമ്പുതുറയ്ക്കു പിന്നില്‍.
ഒരു ക്രിസ്ത്യന്‍ പുരോഹിതനും ഒരു മുസ്ലിം ലീഗ് നേതാവും ഒരു ഹിന്ദു എഴുത്തുകാരനുമായല്ല, മൂന്നു മനുഷ്യരായിത്തന്നെ ഞങ്ങള്‍ ഇവിടെ കോഴിക്കോട് ജീവിക്കുന്നു. ഇഷ്ടഭക്ഷണം കഴിക്കുന്നു.
എല്ലാവര്‍ക്കും റംസാന്‍ ആശംസകളോടെ.