ജാമ്യാപേക്ഷ തള്ളിയ ഹൈക്കോടതി വിധിക്കെതിരെ സന്ദീപ് സുപ്രിം കോടതിയെ സമീപിക്കുകയായിരുന്നു. കഴിഞ്ഞ തവണ ഹരജി പരിഗണിച്ചപ്പോള്‍ പ്രതിയുടെ മാനസികനില പരിശോധിക്കാന്‍ സര്‍ക്കാരിന് കോടതി നിര്‍ദേശം നല്‍കിയിരുന്നു.

2023 മേയ് 10-ന് കൊട്ടാരക്കര താലൂക്ക് ആശുപത്രിയില്‍ ജോലി ചെയ്യുന്നതിനിടയില്‍ ഡോ. വന്ദന ദാസ് കൊല്ലപ്പെടുകയായിരുന്നു. വൈദ്യപരിശോധനയ്ക്ക് പൊലീസ് ആശുപത്രയിലെത്തിച്ച പ്രതി സന്ദീപാണ് വന്ദനയെ കൊലപ്പെടുത്തിയത്.

ആദ്യം ലോക്കല്‍ പൊലീസും പിന്നീട് ക്രൈം ബ്രാഞ്ചും അന്വേഷിച്ച കേസില്‍ 24 ദൃക്സാക്ഷികളുള്‍പ്പെടെ 136 പേര്‍ സാക്ഷിപ്പട്ടികയിലുണ്ട്. പ്രോസിക്യൂഷനുവേണ്ടി സ്പെഷ്യല്‍ പ്രോസിക്യൂട്ടര്‍ അഡ്വ. പ്രതാപ് ജി. പടിക്കല്‍ ഹാജരാകും.

മെയ് പത്തിന് കൊല്ലം കൊട്ടാരക്കര താലൂക്ക് ആശുപത്രിയില്‍ ഡ്യൂട്ടിക്കിടെയാണ് വന്ദന ദാസിനെ പ്രതി സന്ദീപ് കുത്തിക്കൊലപ്പെടുത്തിയത്. സംഭവത്തില്‍ സര്‍ക്കാരിനെ വിമര്‍ശിച്ച ഹൈക്കോടതി സ്വമേധയാ കേസെടുത്തിരുന്നു.

സംഭവദിവസം ആശുപത്രിയില്‍ എത്തിയതുമുതല്‍ ഡോക്ടര്‍ വന്ദനയടക്കം അഞ്ചുപേരെയും കുത്തി വീഴ്ത്തിയത് വരെയുള്ള കാര്യങ്ങള്‍ പ്രതി അന്വേഷണ സംഘത്തോട് വിശദീകരിച്ചു. തെളിവെടുപ്പ് സമയത്ത് പരസ്പരവിരുദ്ധമായ കാര്യങ്ങളാണ് സന്ദീപ് അന്വേഷണസംഘത്തോട് പറഞ്ഞത്. കനത്ത സുരക്ഷയിലാണ് റൂറല്‍ ക്രൈംബ്രാഞ്ച് സംഘം സന്ദീപിനെ തെളിവെടുപ്പിന് എത്തിച്ചത്. അഞ്ചുമണിയോടെ തെളിവെടുപ്പ് പൂര്‍ത്തിയാക്കി അന്വേഷണ സംഘം പ്രതിയുമായി മടങ്ങി. പകല്‍ പ്രതിയുമായി വന്നാലുണ്ടാകുന്ന പ്രതിഷേധം കണക്കിലെടുത്താണ് തെളിവെടുപ്പ് പുലര്‍ച്ചെ നടത്താന്‍ തീരുമാനിച്ചത്.

ഹൗസ് സര്‍ജന്‍ ഡോക്ടര്‍ വന്ദനാ ദാസിന്റെ കൊലപാതകവുമായി ബന്ധപ്പെട്ട് കൊല്ലം ഡെപ്യൂട്ടി ഡിഎംഒ സാജന്‍ മാത്യു തയ്യാറാക്കിയ റിപ്പോര്‍ട്ടിലാണ് പൊലീസിനും സംഭവ ദിവസം ഡ്യൂട്ടിലുണ്ടായിരുന്ന 2 ഡോക്ടര്‍മാര്‍ക്കുമെതിരെ ഗുരുതര കണ്ടെത്തലുകള്‍ ഉള്ളത്. ആക്രമണം തടയുന്നതില്‍ രണ്ട് ഡോക്ടര്‍മാര്‍ക്കും പൊലീസിനും കുറ്റകരമായ ജാഗ്രക്കുറവുണ്ടായെന്നാണ് പുതിയ കണ്ടെത്തല്‍.