drink – Chandrika Daily

ജെന്‍ സി തലമുറ മദ്യത്തിനേക്കാള്‍ ആരോഗ്യത്തിന് പ്രാധാന്യം നല്‍കുന്നവരെന്ന് ആഗോള റിപ്പോര്‍ട്ട്

webdesk17 — Thu, 30 Oct 2025 07:11:01 +0000

മദ്യപാനശീലം വിട്ട് ആരോഗ്യത്തിന് മുന്‍ഗണന നല്‍കുന്നവരാണ് പുതിയ തലമുറയായ ജെന്‍ സി എന്നാണ് പുതിയ ആഗോള റിപ്പോര്‍ട്ട് വ്യക്തമാക്കുന്നത്. മദ്യ ഉപയോഗത്തിനുള്ള നിയമം അനുവദിച്ച പ്രായത്തിലുള്ളവരില്‍ 36 ശതമാനം പേരും ഇതുവരെ മദ്യം ഒരിക്കലും ഉപയോഗിച്ചിട്ടില്ല. ദീര്‍ഘകാല ആരോഗ്യസംരക്ഷണമാണ് ഈ ബോധപൂര്‍വമായ തിരഞ്ഞെടുപ്പിന് പിന്നിലെ പ്രധാന കാരണം എന്ന് പഠനം വ്യക്തമാക്കുന്നു. റിപ്പോര്‍ട്ടിന്റെ ഭാഗമായി 97 ശതമാനം യുവാക്കള്‍ ഫിറ്റ്നസ് നിലനിര്‍ത്താനും പതിവായി ഉണ്ടാകുന്ന അസുഖങ്ങള്‍ ഒഴിവാക്കാനും വേണ്ടിയാണ് മദ്യം ഒഴിവാക്കിയതെന്ന് പറഞ്ഞു. സാമ്പത്തിക സൂക്ഷ്മതയും പ്രധാന ഘടകമാണ്. 30 ശതമാനം പേര്‍ പണം ലാഭിക്കാന്‍ വേണ്ടിയും 25ശതമാനം പേര്‍ നല്ല ഉറക്കത്തിനും മാനസികാരോഗ്യത്തിനുമായി മദ്യപാനം ഒഴിവാക്കുന്നവരാണെന്ന് പഠനം പറയുന്നു. യുവാക്കള്‍ക്കിടയില്‍ പുതിയൊരു പ്രവണതയും വളര്‍ന്നുവന്നതായി റിപ്പോര്‍ട്ട് ചൂണ്ടിക്കാട്ടുന്നു. ‘സീബ്ര സ്പിറ്റിങ് ‘എന്ന ആല്‍ക്കഹോളിക് നോണ്‍ ആല്‍ക്കഹോളിക് പാനീയങ്ങള്‍ മാറിമാറി ഉപയോഗിക്കുന്ന മദ്യപാനരീതി. മദ്യത്തിന്റെ അമിത ഉപഭോഗം കുറയ്ക്കാനുള്ള ബോധപൂര്‍വ്വമായ ശ്രമമാണിത്. പതിവായി മദ്യപിക്കുന്നവരുടെ എണ്ണത്തില്‍ കഴിഞ്ഞ വര്‍ഷങ്ങളില്‍ ഗണ്യമായ കുറവ് രേഖപ്പെടുത്തി. 2020 ല്‍ 23 ശതമാനമായിരുന്ന ആഴ്ചതോറുമുള്ള മദ്യപാനികളുടെ നിരക്ക് 2025ല്‍ 17 ശതമാനമായി കുറഞ്ഞു. അതേസമയം, പ്രത്യേക അവസരങ്ങളില്‍ മാത്രം മദ്യം കഴിക്കുന്നവരില്‍ 53 ശതമാനം പേരും മദ്യപാനം പൂര്‍ണ്ണമായും നിര്‍ത്താനുള്ള ആഗ്രഹം പ്രകടിപ്പിച്ചിട്ടുണ്ടന്നും റിപ്പോര്‍ട്ട് പറയുന്നു. എന്നാല്‍ ഈ ബോധവല്‍ക്കരണ പ്രവണതയ്ക്കൊപ്പം തന്നെ ഇന്ത്യയില്‍ ആല്‍ക്കഹോള്‍ വിപണി അതിവേഗം വളരുന്ന സ്ഥിതിയിലാണ്. 2029 ഓടെ രാജ്യത്തെ മദ്യ ഉപഭോഗം 357 മില്യണ്‍ യൂണിറ്റായി ഉയരുമെന്നാണ് കണക്കാക്കുന്നത്. 2014 ല്‍ ആഗോളതലത്തില്‍ ഈ സംഖ്യ 253 മില്യണ്‍ ആയിരുന്നു.

യു.പിയില്‍ പ്രായപൂര്‍ത്തിയാകാത്ത കുട്ടികളെ മര്‍ദിച്ച് മൂത്രം കുടിപ്പിച്ചു

webdesk13 — Sun, 06 Aug 2023 12:45:36 +0000

ഉത്തര്‍പ്രദേശിലെ സിദ്ധാര്‍ഥ് നഗറില്‍ പ്രായപൂര്‍ത്തിയാകാത്ത 2 കുട്ടികളെ മര്‍ദിച്ച് മൂത്രം കുടിപ്പിക്കുകയും സ്വകാര്യ ഭാഗങ്ങളില്‍ മുളകുപൊടി പുരട്ടുകയും ചെയ്തു. കോഴി ഫാമില്‍ നിന്ന് കോഴിയെ മോഷ്ടിച്ചെന്നാരോപിച്ചായിരുന്നു മര്‍ദനം. സംഭവത്തില്‍ 6 പേരെ അറസ്റ്റ് ചെയ്തതായി പൊലീസ് അറിയിച്ചു.

ശനിയാഴ്ച്ച ചില പ്രാദേശിക വാട്‌സ് അപ്പ് ഗ്രൂപ്പുകളില്‍ വിഡിയോ പ്രചരിച്ചതോടെയാണ് മര്‍ദ്ദനവിവരം പുറത്തറിയുന്നത്. വാട്‌സ് അപ്പ് ഗ്രൂപ്പില്‍ അംഗമായ ഒരു പൊലീസ് കോണ്‍സ്റ്റബിള്‍ വീഡിയോ കണ്ട ഉടനെ മുതിര്‍ന്ന ഉദ്യോഗസ്ഥരെയും സൈബര്‍ വിഭാഗത്തേയും വിവരം അറിയിച്ചു. അങ്ങനെയാണ് സംഭവം നടന്ന സ്ഥലവും മറ്റ് വിവരങ്ങളും കണ്ടെത്തുന്നത്.

ചോദ്യം ചെയ്യലില്‍ വ്യാഴാഴ്ച ഉച്ചയ്ക്ക് 10 ഉം 14 ഉം വയസ്സുള്ള രണ്ട് കുട്ടികള്‍ തന്റെ കടയില്‍ അതിക്രമിച്ച് കയറുകയും പണപ്പെട്ടിയില്‍ കൃത്രിമം കാണിക്കാന്‍ ശ്രമിക്കുകയും ചെയ്‌തെന്നും അതാണ് മര്‍ദിക്കാന്‍ കാരണമെന്നുമാണ് ഫാം ഉടമ പൊലീസിനോട് പറഞ്ഞത്.

മദ്യലഹരിയില്‍ സഹയാത്രികയെ കയറിപ്പിടിച്ച വിമാനയാത്രികന്‍ അറസ്റ്റില്‍

webdesk14 — Thu, 23 Mar 2023 15:22:47 +0000

വിമാനത്തില്‍ സഹയാത്രികയെ കയറിപ്പിടിച്ച യുവാവ് അറസ്റ്റില്‍. ആലപ്പുഴ നൂറനാട് സ്വദേശി അഖില്‍കുമാറാണ്(32) അറസ്റ്റിലായത്. ഒമാനില്‍ നിന്നും എയര്‍ ഇന്ത്യ എക്‌സ്പ്രസ് വിമാനത്തില്‍ വന്ന കൊല്ലം സ്വദേശിനിയായ യുവതിയെയാണ് മദ്യലഹരിയില്‍ പ്രതി കയറി പിടിച്ചത്. യുവതിയുടെ പരാതിയെ തുടര്‍ന്ന് നെടുമ്പാശേരി പോലീസ് ഇയാളെ പിടികൂടി. വിമാനത്തില്‍ മദ്യപാനികളുടെ ശല്യം കൂടിയതിനെത്തുടര്‍ന്ന് വിതരണം ചെയ്യുന്ന മദ്യത്തിന്റെ അളവ് കുറച്ചിരിക്കുകയാണ്.

കഴിക്കുന്ന അളവിലല്ല, മദ്യമാണ് പ്രശ്‌നം; മദ്യപാനം ഏഴുതരം അര്‍ബുദത്തിന് കാരണമാകുമെന്ന് ലോകാരോഗ്യ സംഘടന

webdesk13 — Tue, 10 Jan 2023 14:39:50 +0000

മദ്യപാനം ഏഴുതരം അര്‍ബുദത്തിന് കാരണമാകുമെന്ന് ലോകാരോഗ്യ സംഘടനയുടെ മുന്നറിയിപ്പ്. ആരോഗ്യത്തെ ബാധിക്കാത്ത സുരക്ഷിതമായ അളവിലുള്ള മദ്യം എന്നതൊന്ന് ഇല്ലെന്നും ഡബ്ല്യുഎച്ച്ഒ വ്യക്തമാക്കി. ലോകാരോഗ്യ സംഘടന അടുത്തിടെ പുറത്തിറക്കിയ റിപ്പോര്‍ട്ടിലാണ് മുന്നറിയിപ്പ്. മദ്യപാനം അര്‍ബുദസാധ്യത വര്‍ദ്ധിപ്പിക്കുമെന്നും യൂറോപ്പില്‍ 200 ദശലക്ഷം ആളുകള്‍ മദ്യപാനം മൂലം അര്‍ബുദത്തിന് സാധ്യതയുള്ളവരാണെന്നും ആഗോള ആരോഗ്യ സ്ഥാപനമായ ഡബ്ല്യുഎച്ച്ഒ പറഞ്ഞു.

വന്‍കുടലിലെ ക്യാന്‍സര്‍, സ്തനാര്‍ബുദം തുടങ്ങിയ ഏറ്റവും സാധാരണമായ അര്‍ബുദ രോഗങ്ങള്‍ ഉള്‍പ്പെടെ കുറഞ്ഞത് ഏഴ് തരം ക്യാന്‍സറുകളെങ്കിലും മദ്യപാനം വഴി ഉണ്ടാകുന്നുണ്ടെന്ന് ഡബ്ല്യുഎച്ച്ഒ പറയുന്നു. കഴിക്കുന്ന അളവ് കുറഞ്ഞാലും കൂടിയാലും മദ്യപാനം ക്യാന്‍സറിന് കാരണമായേക്കും. മദ്യത്തിന്റെ ആദ്യ തുള്ളി പോലും മദ്യപാനിയുടെ ആരോഗ്യത്തിന് അപകടം ഉണ്ടാക്കാം. അളവില്ലാതെ കുടിച്ചാല്‍ കൂടുതല്‍ ദോഷം ചെയ്യും എന്നു മാത്രം ഉറപ്പിച്ചു പറയാന്‍ കഴിയും.