ആക്രമണത്തില്‍ ലിവിവിന്റെ പ്രാദേശിക തലസ്ഥാനത്ത് സ്ഥിതി ചെയ്യുന്ന ഒരു പാര്‍ക്ക് പൂര്‍ണമായും കത്തിനശിച്ചു. നഗരത്തില്‍ വൈദ്യുതിബന്ധം വിച്ഛേദിക്കപ്പെട്ടതിനെ തുടര്‍ന്ന് നഗരം പൂര്‍ണമായും ഇരുട്ടിലാണ്. മേഖലയില്‍ സംഘര്‍ഷാവസ്ഥ നിലനില്‍ക്കുന്നതിനാല്‍ പ്രദേശവാസികള്‍ വീടുകളില്‍ നിന്ന് പുറത്തേക്കിറങ്ങരുതെന്ന് മേയര്‍ ആന്ദ്രേ സദോവി അറിയിച്ചു.

അടുത്തകാലത്ത് നടന്നതില്‍ വെച്ച് ഏറ്റവും വലിയ ആക്രമണമാണ് ലിവിവിലേതെന്ന് ഗവര്‍ണര്‍ മാക്‌സിം കോസിറ്റിസ്‌കി പ്രതികരിച്ചു. 140 ഡ്രോണുകളും 23 മിസൈലുകളും ഉപയോഗിച്ച് നടത്തിയ ആക്രമണത്തില്‍ നിരവധി കെട്ടിടങ്ങള്‍ പൂര്‍ണമായും കത്തിനശിച്ചു.

ഇന്നു രാവിലെയാണ് ഹിസ്ബുല്ലയുടെ ഭാഗത്ത് നിന്നും ഇത്തരത്തിലുള്ള അപ്രതീക്ഷിതമായ നീക്കം ഉണ്ടായത്. ലെബനാനില്‍നിന്നെത്തിയ ഡ്രോണുകളാണ് സീസറിയയിലെ നെതന്യാഹുവിന്റെ സ്വകാര്യ വസതി ലക്ഷ്യമിട്ട് എത്തിയത്. അതേസമയം, ആക്രമണ സമയത്ത് നെതന്യാഹു സ്ഥലത്തുണ്ടായിരുന്നോ എന്ന കാര്യം വ്യക്തമല്ല. ആക്രമണത്തില്‍ ആര്‍ക്കും പരിക്കേറ്റിട്ടില്ലെന്ന വിശദീകരണവും ഇസ്രാഈലിന്റെ ഭാഗത്തുനിന്നു വരുന്നുണ്ട്.

ലെബനാനില്‍നിന്ന് മൂന്ന് മിസൈലുകള്‍ സീസറിയ ലക്ഷ്യമിട്ട് എത്തിയതായി ഇസ്രാഈല്‍ ഡിഫന്‍സ് ഫോഴ്സ് സ്ഥിരീകരിച്ചിട്ടുണ്ട്. ഇതില്‍ ഒന്ന് ഒരു കെട്ടിടത്തില്‍ പതിച്ചതായി സൈന്യം പറയുന്നു. ബാക്കി രണ്ടെണ്ണം തകര്‍ത്തതായും അവകാശപ്പെടുന്നുണ്ട്. ഡ്രോണ്‍ ആക്രമണത്തില്‍ സീസറിയയില്‍ വന്‍ സ്ഫോടനമുണ്ടായതായും ഐഡിഎഫ് സ്ഥിരീകരിച്ചു. സംഭവത്തെ കുറിച്ച് അന്വേഷിക്കുമെന്നും പ്രഖ്യാപിച്ചിട്ടുണ്ട്.

യുക്രെയ്‌നില്‍ യുദ്ധം ആരംഭിച്ച ശേഷം റഷ്യയില്‍ വ്യോമ, സൈനിക താവളങ്ങളില്‍ ഇടക്കിടെ ആക്രമണം നടക്കുന്നുണ്ട്. ഇത്തരം ആക്രണങ്ങളില്‍ ആഹ്ലാദം പ്രകടിപ്പിക്കാറുള്ള യുക്രെയ്ന്‍ അവയുടെ ഉത്തരവാദിത്തം ഏല്‍ക്കാറില്ല. റഷ്യക്ക് അകത്തും ആക്രമണങ്ങള്‍ തുടങ്ങിയതോടെ യുദ്ധഗതി മാറുകയാണ്. ആക്രമണങ്ങള്‍ മുന്‍കൂട്ടി കണ്ട് തടയാന്‍ സാധിക്കാത്തത് റഷ്യന്‍ പ്രതിരോധ വിഭാഗത്തിന്റെ പരാജയമായാണ് വിലയിരുത്തപ്പെടുന്നത്. തിങ്കളാഴ്ച വ്യോമതാവളങ്ങളില്‍ ഉണ്ടായ സ്‌ഫോടനങ്ങള്‍ക്കുശേഷം റഷ്യന്‍ സേന യുക്രെയ്‌നില്‍ വ്യാപക ആക്രമണങ്ങള്‍ നടത്തി.

യുക്രെയ്‌നിന്റെ സൈനിക ശേഷി നിര്‍വീര്യമാക്കുകയാണ് ആക്രമണങ്ങളിലൂടെ ലക്ഷ്യമിടുന്നതെന്ന് റഷ്യ പ്രതിരോധ മന്ത്രി സെര്‍ജി ഷോയിഗു പറഞ്ഞു. ആയുധ ഡിപ്പോകള്‍, സൈനിക കമാന്‍ഡ് കണ്‍ട്രോള്‍ സംവിധാനങ്ങള്‍ എന്നിവിടങ്ങളില്‍ ദീര്‍ഘദൂര ആയുധങ്ങള്‍ ഉപയോഗിച്ചാണ് ആക്രമണം നടത്തുന്നത്. ഡോണ്‍ബാസിനെ പൂര്‍ണമായി മോചിപ്പിക്കാന്‍ ശ്രമം തുടരുമെന്ന് അദ്ദേഹം വ്യക്തമാക്കി. അതേസമയം ശത്രുലക്ഷ്യങ്ങളെ കൃത്യമായി ആക്രമിക്കാന്‍ ശേഷിയുള്ള അത്യാധുനിക മിസൈലുകളും വലിയൊരു ശേഖരം ഇപ്പോഴും റഷ്യക്കുണ്ടെന്ന് യുക്രെയ്ന്‍ സൈനിക ഇന്റലിജന്‍സ് മേധാവി സമ്മതിച്ചു.

നിയന്ത്രണ രേഖ കടന്ന ക്വാഡ്കോപ്റ്റര്‍ രാവിലെ 8.30 ഓടെ ഇന്ത്യന്‍ സൈന്യം വെടിവെച്ചു വീഴ്ത്തുകയായിരുന്നു. ഇതിന്റെ ചിത്രങ്ങല്‍ വാര്‍ത്താ ഏജന്‍സികള്‍ പുറത്തുവിട്ടിട്ടുണ്ട്. ചൈനീസ് കമ്പനിയായ ഡിജെഐ നിര്‍മിച്ച മാവിക് 2 പ്രോ മോഡല്‍ ക്വാഡ്കോപ്റ്ററാണ് താഴ്ന്നു പറക്കുന്നതിനിടെ വെടിവച്ചിട്ടത്.

പാക് ഭീകരരും ബോര്‍ഡര്‍ ആക്ഷന്‍ ടീമും നുഴഞ്ഞു കയറാനുള്ള സാധ്യത മുന്നില്‍ക്കണ്ട് ഇന്ത്യന്‍ സൈന്യം അതീവ ജാഗ്രത പാലിക്കുന്നതിനിടെയാണിത് ക്വാഡ്കോപ്റ്റര്‍ എത്തിയത്. പാകിസ്താന്‍ അടുത്തിടെ ചൈനയില്‍ നിന്നും ധാരാളം ഡ്രോണുകള്‍ വാങ്ങിയതായി രഹസ്യാന്വേഷണ വിഭാഗം റിപ്പോര്‍ട്ട് ചെയ്തിരുന്നു. ആയുധങ്ങള്‍, വെടിക്കോപ്പുകള്‍, മയക്കുമരുന്ന് എന്നിവ ഇന്ത്യന്‍ ഭാഗത്തേക്ക് കടത്താനാണ് പ്രധാനമായും ഈ ഡ്രോണുകള്‍ ഉപയോഗിച്ചിരുന്നത്.

മഞ്ഞു വീഴ്ചയ്ക്ക് മുമ്പ് പരമാവധി നുഴഞ്ഞു കയറ്റം നടത്താനാണ് പാകിസ്ഥാന്റെ ഭാഗത്തു നിന്നുള്ള ശ്രമം. നിരന്തര ശ്രമങ്ങള്‍ ഇന്ത്യന്‍ സൈന്യം പരാജയപ്പെടുത്തുന്നുണ്ടെന്ന് കരസേനാ മേധാവി മനോജ് മുകുന്ദ് നരവാനെ അടുത്തിടെ പറഞ്ഞിരുന്നു.

വിമാനത്തിനരികിലൂടെയും നിരോധിത മേഖലകളിലും ഡ്രോണ്‍ പറക്കുന്നതായ ആയിരത്തോളം പരാതികള്‍ അമേരിക്കന്‍ ഫെഡറല്‍ ഏവിയേഷന്‍ അഡ്മിനിസ്‌ട്രേഷന് വര്‍ഷംതോറും ലഭിക്കുന്നതാണ്. അത്തരം സംഭവങ്ങള്‍ പരിശോധിക്കുന്നതും കണ്ടെത്തുന്നതും ശ്രമകരമാണെങ്കിലും നടപടികള്‍ വരാറുണ്ട്. വ്യോമയാന പാതയില്‍ ഇത് വരുത്തുന്ന ബുദ്ധിമുട്ടിനെ തുടര്‍ന്ന് പൈലറ്റുമാരില്‍ കൂടുതല്‍ പരാതികളും വരാറുളളത്. ഭാരം കുറഞ്ഞതു വളരെ ചെറിയതുമായ ഡ്രോണുകള്‍ വിമാനത്തെ തകര്‍ക്കില്ലെങ്കിലും സാധാരണ കോക്ക്പിറ്റ് വിന്‍ഡോഷീല്‍ഡ് തകര്‍ക്കുന്നതിനോ എഞ്ചിന് കേടുപാടുകള്‍ വരുത്തുന്നതിനോ കാരണമാകാന്‍ സാധ്യതയുണ്ട്. ഞായറാഴ്ച നടന്ന സംഭവത്തില്‍ എയര്‍ഫോഴ്‌സില്‍നിന്ന് ഫെഡറല്‍ ഏവിയേഷന്‍ അഡ്മിനിസ്‌ട്രേഷനും റിപ്പോര്‍ട്ട് തേടിയിട്ടുണ്ട്.

വെനസ്വേലന്‍ പ്രസിഡന്റ് നിക്കോളാസ് മഡുറോയ്ക്ക് നേരെ ഡ്രോണ്‍ ആക്രമണം. രാജ്യതലസ്ഥാനമായ കാരക്കസില്‍ സൈന്യത്തെ അഭിസംബോധന ചെയ്യുന്നതിനിടെയാണ് ആക്രമണമുണ്ടായത്. പരിക്കുകളില്ലാതെ അദ്ദേഹം രക്ഷപ്പെട്ടു. പ്രസംഗം അവസാനിപ്പിച്ച മഡുറോയെ സുരക്ഷാ ഉദ്യോഗസ്ഥര്‍ വലയം ചെയ്ത് സുരക്ഷിതമായ സ്ഥലത്തേക്ക് മാറ്റി. ഉഗ്രശേഷിയുള്ള സ്‌ഫോടക വസ്തുക്കളായിരുന്നു ഡ്രോണിനുള്ളിലുണ്ടായിരുന്നത്.

ആക്രമണത്തില്‍ ഏഴ് സൈനികര്‍ക്ക് പരിക്കേറ്റിട്ടുണ്ട്.ഇവരെ ആശുപത്രിയില്‍ പ്രവേശിപ്പിച്ചു. ആക്രമണം ഉണ്ടായ ഉടന്‍ സൈനികര്‍ എല്ലാവരും പലയിടത്തേക്ക് ചിതറിയോടുകയായിരുന്നു. പ്രസിഡന്റിന്റെ ജീവനെടുക്കാനുള്ള ശ്രമമാണ് ഉണ്ടായതെന്ന് വാര്‍ത്തവിനിമയ വകുപ്പ് മന്ത്രി ജോര്‍ജ് റോഡിഗ്രസ് പറഞ്ഞു. വെനസ്വേലന്‍ ആര്‍മിയുടെ 81ാം വാര്‍ഷിക പരിപാടിയില്‍ സംസാരിക്കുമ്പോഴാണ് മഡുറോക്ക് നേരെ ആക്രമണമുണ്ടായത്

സ്‌ഫോടകവസ്തുക്കള്‍ നിറച്ച രണ്ട് ഡ്രോണുകള്‍ പ്രസിഡന്റ് സംസാരിക്കുന്ന സ്റ്റാന്‍ഡിനടുത്ത് എത്തിയെന്നും വാര്‍ത്തവിനിമയ വകുപ്പ് മന്ത്രി വ്യക്തമാക്കി. രാജ്യത്തെ വലതുപക്ഷ സംഘടനകളാണ് ആക്രമണത്തിന് പിന്നിലെന്നും അദ്ദേഹം ആരോപിച്ചു.തെരഞ്ഞെടുപ്പിലേറ്റ പരാജയത്തില്‍ നിന്ന് പ്രതിപക്ഷം ഇനിയും കരകയറിയിട്ടില്ലെന്ന് പറഞ്ഞ റോഡ്രിഗസ് അതുമുതലാണ് പ്രതിപക്ഷം രാജ്യത്തിന്റെ വിവിധ ഭാഗങ്ങളില്‍ പ്രശ്‌നങ്ങള്‍ സൃഷ്ടിക്കാന്‍ ശ്രമിച്ചതെന്നും കൂട്ടിച്ചേര്‍ത്തു.