drought – Chandrika Daily https://www.chandrikadaily.com Wed, 12 Jun 2019 07:30:53 +0000 en-US hourly 1 https://wordpress.org/?v=5.8.12 https://www.chandrikadaily.com/wp-content/uploads/2020/08/chandrika-fav.jpeg drought – Chandrika Daily https://www.chandrikadaily.com 32 32 ഉത്തരേന്ത്യയില്‍ കനത്ത ചൂട് തുടരുന്നു ; കുടിവെള്ളം കിട്ടാതെ ജനങ്ങള്‍ ദുരിതത്തില്‍ https://www.chandrikadaily.com/heavy-heat-in-north-india.html https://www.chandrikadaily.com/heavy-heat-in-north-india.html#respond Wed, 12 Jun 2019 07:27:13 +0000 http://www.chandrikadaily.com/?p=129905 ഉത്തരേന്ത്യയില്‍ കനത്ത ചൂട് തുടരുന്നു. ഡല്‍ഹിയില്‍ വരും ദിവസങ്ങളിലും താപനില 48 ഡിഗ്രിയില്‍ അധികമായിരിക്കുമെന്നാണ് കാലാവസ്ഥ വകുപ്പിന്റെ മുന്നറിയിപ്പ്.റെക്കോര്‍ഡ് ചൂടാണ് ഉത്തരേന്ത്യയിലെ പല സംസ്ഥാനങ്ങളിലും കഴിഞ്ഞ ദിവസങ്ങളില്‍ രേഖപ്പെടുത്തിയത്.

മഴയെത്താന്‍ ഇനിയും സമയമേറെ എടുക്കുമെന്നാണു വിദഗ്ധരുടെ വിലയിരുത്തല്‍. ചരിത്രത്തില്‍ ഏറ്റവുമധികം ചൂടു രേഖപ്പെടുത്തിയ രണ്ടാമത്തെ വര്‍ഷമാണ് ഇത്. ഉത്തര്‍പ്രദേശിലെ ഝാന്‍സി, രാജസ്ഥാനിലെ ചുരു, ബിക്കാനീര്‍, ഹരിയാനയിലെ ഹിസാര്‍, ബിഭാനി, പഞ്ചാബിലെ പട്യാല, മധ്യപ്രദേശിലെ ഗ്വാളിയോര്‍, ഭോപ്പാല്‍ എന്നിവിടങ്ങളില്‍ 45 ഡിഗ്രിയായിരുന്നു താപനില.
കനത്ത ചൂടിനെ തുടര്‍ന്ന് ഉത്തരേന്ത്യയുടെ വിവിധയിടങ്ങളില്‍ നദികളും റിസര്‍വോയറുകളും വറ്റിവരണ്ടിരിക്കുകയാണ്. ഡല്‍ഹിയില്‍ വൈദ്യുതി ഉപയോഗം റെക്കോര്‍ഡിലെത്തി. തിങ്കളാഴ്ചയോടെ 6,686 മെഗാ വാട്ടാണ് വൈദ്യുതി ഉപയോഗം.

ചൂട് കനത്തതോടെ നഗരവാസികളില്‍ ഭൂരിഭാഗവും ഹില്‍ സ്‌റ്റേഷനുകളിലേക്ക് പോകുകയാണ്. വിനോദസഞ്ചാരികളാല്‍ തിങ്ങിനിറഞ്ഞ സ്ഥിതിയിലാണ് പലസ്ഥലങ്ങളും. ദിവസേന 15,000ത്തിനും 20,000ത്തിനും ഇടയ്ക്ക് വിനോദസഞ്ചാരികളാണ് ഉത്തരാഖണ്ഡിലെ നൈനിറ്റാളിലെത്തുന്നത്. ഇവിടുത്തെ 8,000ത്തോളം മുറികളും നിറഞ്ഞിരിക്കുകയാണ്. 2,000 മുറികളുള്ള മസൂറിയിലും ഇതേ അവസ്ഥയിലാണ് കാര്യങ്ങള്‍.

]]> https://www.chandrikadaily.com/heavy-heat-in-north-india.html/feed 0 എലിയെ തിന്ന് കര്‍ഷകരുടെ വേറിട്ട പ്രതിഷേധം വൈറല്‍ https://www.chandrikadaily.com/tamil-nadu-farmers-eat-rat-meat-demand-drought-hit-status-for-state.html https://www.chandrikadaily.com/tamil-nadu-farmers-eat-rat-meat-demand-drought-hit-status-for-state.html#respond Sat, 31 Dec 2016 05:55:11 +0000 http://www.chandrikadaily.com/?p=15006 ചെന്നൈ: എലിയെ കൊല്ലുന്നതിന് ഇല്ലം ചുടുന്ന കാലത്ത് എലിയെ തിന്ന് കര്‍ഷകര്‍ നടത്തിയ പ്രതിഷേധം സമൂഹമാധ്യമങ്ങളില്‍ വൈറലാകുന്നു. തമിഴ്‌നാട്ടിലെ തിരുച്ചിറപ്പള്ളിയിലാണ് സംഭവം. കൃഷിനാശത്തില്‍ തങ്ങള്‍ക്കുണ്ടായ നഷ്ടത്തിന് പരിഹാരമുണ്ടാക്കാത്ത സംസ്ഥാന സര്‍ക്കാറിനെതിരെ തിരുച്ചിറപ്പള്ളി കര്‍ഷക അസോസിയേഷന്റെ നേതൃത്വത്തിലാണ് വേറിട്ട സമരം അരങ്ങേറിയത്. ചത്ത എലിയെ കടിച്ചുപിടിച്ചായിരുന്നു കര്‍ഷകരുടെ പ്രതിഷേധം.
വരള്‍ച്ചയില്‍ കനത്ത കൃഷിനാശമുണ്ടായ സാഹചര്യത്തില്‍ സംസ്ഥാനത്തെ ദുരന്തബാധിത പ്രദേശമായി പ്രഖ്യാപിക്കണമെന്നാണ് കര്‍ഷകരുടെ പ്രധാന ആവശ്യം. മണ്‍സൂണ്‍ മഴയുടെ അഭാവവും കാവേരി നദിയില്‍ നിന്നു വെള്ളം ലഭിക്കാത്തതുമാണ് സംസ്ഥാനത്ത് കടുത്ത വരള്‍ച്ചക്കു കാരണമായത്. കൃഷിനാശത്തില്‍ മനംനൊന്ത് രണ്ടു മാസത്തിനിടെ 47 കര്‍ഷകരാണ് തമിഴ്‌നാട്ടില്‍ ജീവനൊടുക്കിയത്. ഇന്നലെ അഞ്ചു കര്‍ഷകര്‍ കൂടി ആത്മഹത്യചെയ്തതോടെയാണ് അധികൃതരുടെ അടിയന്തര ഇടപെടല്‍ ആവശ്യപ്പെട്ട് കര്‍ഷകര്‍ വേറിട്ട സമരത്തിലേക്ക് നീങ്ങിയത്.

]]> https://www.chandrikadaily.com/tamil-nadu-farmers-eat-rat-meat-demand-drought-hit-status-for-state.html/feed 0