വന്‍തോതില്‍ ലഹരിമരുന്നുമായി എത്തിയ രണ്ടുപേരെ പൊലീസ് പിടികൂടി. വയനാട് സ്വദേശി മുഹമ്മദ് സനൂബ് എറണാകുളം നോര്‍ത്തില്‍ പിടിയിലായി. 12 ഗ്രാം എംഡിഎംഎയാണ് ഇയാളില്‍ നിന്നും പൊലീസിലെ ഡാന്‍സാഫ് സംഘം പിടിച്ചെടുത്തത്.

തോപ്പുംപടിയില്‍ അരുണ്‍കുമാര്‍ എന്നയാളാണ് സ്പെഷല്‍ ഓപ്പറേഷന്‍ ഗ്രൂപ്പിന്റെ പിടിയിലായത്. 13 ഗ്രാം എംഡിഎംഎയാണ് ഇയാളില്‍ നിന്നും പിടിച്ചെടുത്തത്. വാരാന്ത്യ ആഘോഷത്തിനായി കൊച്ചിയിലേക്ക് വന്‍തോതില്‍ മയക്കുമരുന്ന് എത്തുന്നുവെന്ന രഹസ്യ റിപ്പോര്‍ട്ടിന്റെ അടിസ്ഥാനത്തിലായിരുന്നു കൊച്ചിയില്‍ വ്യാപക പരിശോധന നടത്തിയത്.