നമുക്കെല്ലാം അറിയാവുന്നത് പോലെ ജെ.പി.സി ഉണ്ടാക്കുന്നത് തന്നെ ബന്ധപ്പെട്ട എല്ലാവരോടും നേരില്‍ കണ്ട് സംസാരിച്ചു അക്കാര്യത്തിലുള്ള വികാരവിചാരങ്ങളും സത്യങ്ങളും എല്ലാം മനസ്സിലാക്കി ആവശ്യമായ കാര്യങ്ങള്‍ ചെയ്യാനാണ്. എന്നാല്‍ അതിന് ജെ.പി.സി പരിശ്രമിച്ചതേയില്ല, ഇല്ലെന്നു മാത്രമല്ല പ്രതിപക്ഷ അംഗങ്ങള്‍ ഉയര്‍ത്തികൊണ്ടു വന്നിരുന്ന പല തെറ്റുകള്‍ക്കും പുല്ലു വില പോലും കല്പിക്കാതെ കൂടുതല്‍ അപകടകരമായ വിധത്തില്‍ ആണ് അവര്‍ രൂപപ്പെടുത്തി എടുത്തിട്ടുള്ളതെന്ന് പല മേഖലയില്‍ നിന്നുള്ള അറിവ് പ്രകാരം നമുക്ക് മനസ്സിലാക്കാന്‍ സാധിക്കുന്ന കാര്യമാണ്.- ഇ.ടി പറഞ്ഞു.

വഖഫ് സ്വത്തുക്കളുടെ കയ്യേറ്റത്തില്‍ ഇവിടെ ഗവണ്മെന്റ് വളരെ വലിയ ആവേശം കാണിച്ചു, കയ്യേറിയ ആ വഖഫ് സ്വത്ത് സൂക്ഷിക്കുന്ന കാര്യത്തില്‍ ആണത്. ഏറ്റവും വലിയ കയ്യേറ്റക്കാര്‍ ഗവണ്മെന്റ് തന്നെയാണ്. ഗവണ്മെന്റ് സ്ഥാപനങ്ങള്‍ പലതും നില നില്‍ക്കുന്നത് വഖഫ് സ്വത്തുക്കളിലാണ്. അതിനെ സംരക്ഷിക്കാന്‍ വേണ്ടി തങ്ങളുടെ കയ്യേറ്റത്തെ വെള്ളപൂശാന്‍ വേണ്ടിയുള്ള ഒരു അജണ്ടയും ഇതിന് പിന്നിലുണ്ട്. അതുകൊണ്ടാണ് വലിയ ആവേശം കാണിക്കുന്നത്. ഇന്ന് ഞങ്ങള്‍ ലോകസഭയിലും രാജ്യസഭയിലും, ശക്തമായ പ്രതിഷേധം ഉയര്‍ത്തി കൊണ്ടു വന്നു. പ്രക്ഷുബ്ധമായ അന്തരീക്ഷത്തില്‍ ഇരു സഭകളും പിരിയുകയായിരുന്നു. ഞങ്ങള്‍ ശക്തമായ പോരാട്ടം ഇതിനെതിരെ നടത്തും. നിയമപരമായും മറ്റു മാര്‍ഗത്തിലുള്ള പ്രതിഷേധവും ഇക്കാര്യത്തില്‍ ഉയര്‍ത്തും. – ഇ.ടി വ്യക്തമാക്കി.

സിപിഎമ്മാണ് പൊന്നാനിയില്‍ പിഡിപിയെ സ്വീകരിച്ചതെന്നും ബിജെപിയുമായി പലഘട്ടങ്ങളിലും അടുത്ത ബന്ധം പിണറായി വിജയന്റെ നയങ്ങളില്‍ ഉണ്ടായിട്ടുണ്ടെന്നും ഇ.ടി മുഹമ്മദ് ബഷീര്‍ പറഞ്ഞു.

പിണറായി വിജയന്റെ പാര്‍ട്ടി ജമാഅത്തെ ഇസ്ലാമിയുടെ വോട്ട് വാങ്ങിയിരുന്നെന്നും മുസ്‌ലിംകള്‍ ഒരിക്കലും ജമാഅത്തെ ഇസ്ലാമിയെ ഭീകര സംഘടനയായി കാണുന്നില്ലെന്നും ഇ.ടി പറഞ്ഞു. സിപിഎമ്മിന്റെയും പിണറായിയുടെയും സോഫ്റ്റ് ലൈന്‍ മുസ്‌ലിം ലീഗിന് ആവശ്യമില്ലെന്നും ഇ.ടി മുഹമ്മദ് ബഷീര്‍ പറഞ്ഞു.

മുൻകാലങ്ങളിലെല്ലാം ഇന്ത്യ ഫലസ്തീനൊപ്പമാണ് ഈ വിഷയത്തിൽ നിന്നിട്ടുള്ളത്. എന്നാൽ നരേന്ദ്ര മോദി സർക്കാർ ഇസ്രയേലിനൊപ്പമാണെന്ന് പ്രഖ്യാപിച്ചു കഴിഞ്ഞിരിക്കുകയാണെന്ന് അദ്ദേഹം കൂട്ടിച്ചേര്‍ത്തു.

ബി.ജെ.പി രാജ്യത്തിന്റെയും നമ്മുടെ പിതാമഹന്മാരുടെയും രാഷ്ട്രത്തിന്റെ സ്ഥാപക നേതാക്കളുടെയും പേരുകള്‍ നാമകരണം ചെയ്യപ്പെട്ട സ്ഥാപനങ്ങളുടെ പേരുകള്‍ മാറ്റുകയാണ്. നമ്മുടെ രാജ്യത്തിന്റെ വളര്‍ച്ചക്കും വികാസത്തിനും വിലപ്പെട്ട സംഭാവനകള്‍ നല്‍കിയിട്ടുള്ള നേതാക്കളെ തരം താഴ്ത്തുകയാണെന്ന് ഇ.ടി പാര്‍ലമെന്റില്‍ വ്യക്തമാക്കി.

വാര്‍ത്തമാനകാല ഇന്ത്യയില്‍ കാണുന്ന ഗുരുതരമായ ചില സംഭവവികാസങ്ങളുണ്ട്. നമ്മുടെ മഹത്തായ ഭരണഘടന വെറും നോക്കു കുത്തിയാവുന്നു. ന്യൂനപക്ഷങ്ങളുടെ സുരക്ഷ വ്യക്തിത്വം സംരക്ഷണം എന്നിവയെല്ലാം ഓരോ ദിവസവും വെല്ലുവിളികള്‍ നേരിടുന്നു. ന്യൂനപക്ഷങ്ങള്‍ക്ക് എതിരായിട്ടുള്ള അതിക്രമങ്ങള്‍ അനുദിനം പെരുകി വരുന്നു. എസ്.സി, എസ്.ടി പ്രാന്തവത്കരിക്കപ്പെട്ട മറ്റു ജനാവിഭാഗങ്ങള്‍ എന്നിവരെല്ലാം കടുത്ത വിവേചനത്തെ നേരിട്ട് കൊണ്ടിരിക്കുന്നു.

മനുഷ്യാവകാശ ധ്വസങ്ങളാവട്ടെ ലോകത്തിന് മുന്‍പില്‍ ഇന്ത്യയെ നാണക്കേടിലാക്കുന്നു. ലോകത്തിലെ പല രാജ്യങ്ങളും ഇന്ത്യയെ പുകയ്ത്തുകയാണ് എന്ന് പ്രാധാനമന്ത്രി ഇന്ന് സഭയില്‍ പറഞ്ഞു. എന്നാല്‍ ലോകത്തിലെ പല രാജ്യങ്ങളും അന്തര്‍ ദേശീയ സംവിധാനങ്ങളും ഇന്ത്യയില്‍ മനുഷ്യാവകാശ ധ്വസനങ്ങള്‍ വര്‍ധിക്കുകയാണെന്ന് ആവര്‍ത്തിച്ചു പറയുന്നുവെന്നും ഇ.ടി മുഹമ്മദ് ബഷീര്‍ എം.പി കൂട്ടിചേര്‍ത്തു.