ശക്തമായ ഭൂചലനമാണ് ഉണ്ടായതെന്നും അന്റാക്യയിലെ കെട്ടിടങ്ങള്‍ക്ക് കൂടുതല്‍ നാശനഷ്ടങ്ങള്‍ സംഭവിച്ചുവെന്നുമാണ് റോയിട്ടേഴ്‌സ് റിപ്പോര്‍ട്ട്. കൂടുതല്‍ വിവരങ്ങള്‍ ലഭ്യമായിട്ടില്ല.

ഭൂകമ്പം നടന്ന് ഒന്‍പത് ദിവസം കഴിഞ്ഞും മരണം തൊടാതെ തകര്‍ന്ന കെട്ടിടത്തിന്റെ അടിയില്‍ നിന്ന് മൂന്ന് പേരെ കൂടി രക്ഷപെട്ടു. രണ്ടു സഹോദരങ്ങള്‍ അടക്കമുള്ളവരെയാണ് കെട്ടിടാവിശിഷ്ടങ്ങളില്‍ നിന്ന് ജീവിതത്തിലേക്ക് പിടിച്ചുകയറ്റിയത്.

https://twitter.com/elonue/status/1625427963360468992

17 ഉം 18 ഉം വയസ് മാത്രം പ്രായമുള്ള രണ്ടുപേരെ അടക്കമാണ് രക്ഷിച്ചു. കെട്ടിടാവിശിഷ്ടങ്ങളില്‍ നിന്ന് പരിക്കുകളോടെ രക്ഷപ്പെട്ട ആയിരക്കണക്കിന് പേരാണ് വിവിധ ആശുപത്രികളില്‍ ചികിത്സയില്‍ കഴിയുന്നത്. ദുരന്തത്തില്‍ 31000ലധികം പേരാണ് ഇതുവരെ മരിച്ചതായി കണക്കാക്കിയിരിക്കുന്നത്. 80,000ല്‍പ്പരം ആളുകള്‍ക്ക് പരിക്കേറ്റതായാണ് റിപ്പോര്‍ട്ടുകള്‍.

തിങ്കളാഴ്ച രാവിലെ നാലരയോടെയാണ് തെക്ക്കിഴക്കന്‍ തുര്‍ക്കിയിലും വടക്കന്‍ സിറിയയിലും ആദ്യ ഭൂചലനുണ്ടായത്. റിക്ടര്‍ സ്‌കെയിലില്‍ 7.8 തീവ്രത രേഖപ്പെടുത്തിയ ഭൂചലനത്തിന് പിന്നാലെ പതിനഞ്ചിന് മിനിറ്റിന് ശേഷം 7.5 തീവ്രത രേഖപ്പെടുത്തിയ തുടര്‍ ചലനമുണ്ടായി.

ഉച്ചതിരിഞ്ഞ് നാലുമണിയോടെ വീണ്ടും ഭൂചലനമുണ്ടായി. 6.0 ആണ് റിക്ടര്‍ സ്‌കെയിലില്‍ തീവ്രത രേഖപ്പെടുത്തിയത്. തുര്‍ക്കിയിലെ നുര്‍ദാഗി നഗരത്തിലെ ഗാസിയന്‍ടെപിലാണ് ആദ്യത്തെ ഭൂകമ്പത്തിന്റെ പ്രവഭകേന്ദ്രം. തെക്ക് കിഴക്കന്‍ തുര്‍ക്കിയിലെ കഹ്രമാന്‍മറാസിലാണ് രണ്ടാമത്തെ ഭൂകമ്പത്തിന്റെ പ്രഭവകേന്ദ്രം. മധ്യ തുര്‍ക്കിയിലാണ് ഉച്ചയ്ക്ക് ശേഷം ഭൂചലനമുണ്ടായത്.

തുര്‍ക്കിയിലും സിറിയയിലും സംഭവിച്ചത് നൂറ്റാണ്ടിനിടെ ഉണ്ടായ ഏറ്റവും ശക്തിയേറിയ ഭൂചലനമാണ് എന്നാണ് വിലയിരുത്തല്‍. തെക്ക്കിഴക്കന്‍ തുര്‍ക്കിയിലെ പ്രധാന നഗരങ്ങളെയെല്ലാം ഭൂകമ്പങ്ങള്‍ ബാധിച്ചിട്ടുണ്ടെന്നാണ് വാര്‍ത്താ ഏജന്‍സികള്‍ റിപ്പോര്‍ട്ട് ചെയ്യുന്നത്. 2,818 കെട്ടിടങ്ങള്‍ നിലംപൊത്തി. 1939ലെ 2,818 കെട്ടിടങ്ങള്‍ തകര്‍ന്ന ദുരന്തത്തിന് ശേഷം ആദ്യമായാണ് ഇത്രയും വലിയ ദുരന്തം സംഭവിക്കുന്നതെന്ന് തുര്‍ക്കി പ്രസിഡന്റ് തയ്യീപ് എര്‍ദോഗന്‍ പറഞ്ഞു. സിറിയില്‍ നടന്ന ഏറ്റവും വലിയ ഭൂചലനമാണ് ഇതെന്ന് സിറിയന്‍ ദേശീയ ഭൂചലന നിരീക്ഷണ ഏജന്‍സി പറഞ്ഞു.

ഇരു രാജ്യങ്ങള്‍ക്കും ഐക്യരാഷ്ട്ര സഭയും വിവിധ രാജ്യങ്ങളും സഹായം പ്രഖ്യാപിച്ചിട്ടുണ്ട്. തുര്‍ക്കിയിലേക്ക് എന്‍ഡിആര്‍എഫ് അടക്കമുള്ള രക്ഷാ സംഘത്തെ അയക്കുമെന്ന് ഇന്ത്യ അറിയിച്ചു. നൂറുപേര്‍ അടങ്ങുന്ന എന്‍ഡിആര്‍എഫിന്റെ രണ്ട് സംഘത്തെയാണ് അയക്കുന്നത്. ദുരന്ത മുഖത്ത് അടിയന്തര സേവനം നടത്താനായി പരിശീലനം ലഭിച്ച ഡോക്ടര്‍മാരും ഡോഗ്‌സ്‌ക്വാഡും സംഘത്തിനൊപ്പമുണ്ടാകും. പ്രധാനമന്ത്രിയുടെ പ്രിന്‍സിപ്പല്‍ സെക്രട്ടറി പി കെ മിശ്രയുടെ അധ്യക്ഷതയില്‍ ചേര്‍ന്ന യോഗത്തിലാണ് രക്ഷാ സംഘത്തെ അയക്കാന്‍ തീരുമാനമെടുത്തത്.

തുര്‍ക്കിയിലെയും സിറിയയിലേയും ജനങ്ങള്‍ക്കൊപ്പം ഇന്ത്യ നിലകൊള്ളുന്നു. ദുരന്തം മറികടക്കാന്‍ എല്ലാ സഹായങ്ങളും വാഗ്ദാനം ചെയ്യുന്നുവെന്ന് പ്രധാന മന്ത്രി നരേന്ദ്ര മോദി പറഞ്ഞു.

എമര്‍ജന്‍സി മെഡിക്കല്‍ ടീം നെറ്റ്വര്‍ക്കുകള്‍ പ്രവര്‍ത്തന നിരതമാണെന്നും ദുരന്തത്തില്‍ പരിക്കേറ്റവര്‍ക്ക് പ്രാഥമിക ചികിത്സ നടത്തിവരുന്നതായും ലോകാരോഗ്യ സംഘടന അറിയിച്ചു. 24 മണിക്കൂറും പ്രവര്‍ത്തിക്കുന്ന കോര്‍ഡിനേഷന്‍ സെന്റര്‍ പ്രവര്‍ത്തനം ആരംഭിച്ചതായും എമര്‍ജന്‍സി സാറ്റലൈറ്റ് മാപ്പിങ് അടക്കമുള്ള സേവനങ്ങള്‍ ആരംഭിച്ചതായും യൂറോപ്യന്‍ യൂണിയന്‍ അറിയിച്ചു.

തുര്‍ക്കിയിലെ ജനങ്ങള്‍ക്ക് ആവശ്യമായ സഹായങ്ങള്‍ നല്‍കാന്‍ സന്നദ്ധമാണെന്ന് യുെ്രെകന്‍ അറിയിച്ചു. നൂറു രക്ഷാ പ്രവര്‍ത്തകരുമായി തങ്ങളുടെ ഐഎല്‍ 76 എയര്‍ക്രാഫ്റ്റ് ഉടന്‍ സിറിയയില്‍ എത്തുമെന്ന് റഷ്യ അറിയിച്ചു. തുര്‍ക്കിയിലേക്കും ആവശ്യമെങ്കില്‍ രക്ഷാ പ്രവര്‍ത്തകരെ വിടാന്‍ സന്നദ്ധമാണെന്നും റഷ്യ അറിയിച്ചു.

Felt the tremors of the #earthquake in Delhi. pic.twitter.com/xTIBi3oiqW

— roobina mongia (@roobinam) January 24, 2023

ഭൂചലനം ശക്തമായി അനുഭവപ്പെട്ടെങ്കിലും നാശനഷ്ടങ്ങള്‍ ഒന്നും റിപ്പോര്‍ട്ട് ചെയ്തിട്ടില്ല. റിക്ടര്‍ സ്‌കെയിലില്‍ 5.8 തീവ്രത രേഖപ്പെടുത്തിയ ഭൂചലനമാണ് അനുഭവപ്പെട്ടത്. നേപ്പാളാണ് ഭൂചലനത്തിന്റെ പ്രഭവകേന്ദ്രം. ഫാനും മറ്റു ഗൃഹോപകരണങ്ങളും കുലുങ്ങുന്നതിന്റെ നിരവധി ദൃശ്യങ്ങളാണ് പുറത്തുവന്നത്.

ജോഷിമഠില്‍ 4,500 കെട്ടിടങ്ങളില്‍ 610 എണ്ണം വിള്ളല്‍ വീണതിനെ തുടര്‍ന്ന് വാസയോഗ്യമല്ലാതായെന്നാണു കണക്ക്. പ്രദേശത്തേക്കു തിരിച്ചുവരവ് സാധ്യമാകില്ലെന്നും തപോവന്‍ ഹൈഡ്രോ പവര്‍ പ്രൊജക്ട് അടക്കമുള്ള നിര്‍മാണങ്ങളാണു പ്രശ്‌നത്തിനു കാരണമെന്ന് പ്രദേശവാസികള്‍ ആരോപിച്ചു. വന്‍കിട നിര്‍മാണ പ്രവര്‍ത്തനങ്ങള്‍ ജോഷിമഠിനെ തകര്‍ക്കുമെന്ന വിദഗ്ധരുടെ മുന്നറിയിപ്പ് ഇനിയെങ്കിലും കേള്‍ക്കാന്‍ സര്‍ക്കാര്‍ തയാറാകണമെന്ന് മുന്‍ മുഖ്യമന്ത്രി ഹരീഷ് റാവത്ത് ആവശ്യപ്പെട്ടു.

ജോഷിമഠിന്റെ സംരക്ഷണത്തിനായി എല്ലാവരും ഒന്നിച്ചു നില്‍ക്കണമെന്നും ഒഴിപ്പിക്കലിനോടു സഹകരിക്കണമെന്നും മുഖ്യമന്ത്രി പുഷ്‌കര്‍ സിങ് ധാമി അഭ്യര്‍ഥിച്ചു. നഷ്ടപരിഹാരം ആവശ്യപ്പെട്ട് സ്വാമി അവിമുക്തേശ്വരാനന്ദ് സമര്‍പ്പിച്ച പൊതുതാല്‍പര്യ ഹര്‍ജിയില്‍ അടിയന്തരവാദം കേള്‍ക്കുന്നതില്‍ സുപ്രീംകോടതി ചൊവ്വാഴ്ച തീരുമാനമെടുക്കും.

സംഭവത്തിന്റെ തത്ഫലമായി രാജ്യ തലസ്ഥാനമായ ഡല്‍ഹിയില്‍ പ്രകമ്പനം ഉണ്ടായി. ഞായറാഴ്ച പുലര്‍ച്ച ഒരു മണിയോടെയാണ് സംഭവം. ഡല്‍ഹിയിലെ പ്രകമ്പനം സാമൂഹ്യ മാധ്യമങ്ങളിലും ചലനങ്ങള്‍ സൃഷ്ടിച്ചിട്ടുണ്ട്. പുതുവര്‍ഷം മനോഹരമായ തുടക്കമെന്നായിരുന്നു പലരുടെയും ട്വീറ്റ്.

ജക്കാര്‍ത്ത: ഇന്തോനേഷ്യയിലെ സുലവേസിയില്‍ ഭൂകമ്പത്തിലും സുനാമിയിലും തകര്‍ന്ന കെട്ടിടങ്ങളുടെ അവശിഷ്ടങ്ങളില്‍ ജീവനോടെ അവശേഷിക്കുന്നവരെ രക്ഷപ്പെടുത്താന്‍ ഊര്‍ജിത ശ്രമം തുടരുന്നു. ദുരന്തം സംഭവിച്ച് നാല് ദിവസം പിന്നിട്ടപ്പോഴും ചില വിദൂര ദിക്കുകളിലെത്താന്‍ രക്ഷാപ്രവര്‍ത്തകര്‍ക്ക്് ഇനിയും സാധിച്ചിട്ടില്ല. സമയം അതിക്രമിച്ചുകൊണ്ടിരിക്കെ രാവും പകലുമില്ലാതെ രക്ഷാപ്രവര്‍ത്തനം പുരോഗമിക്കുകയാണ്. തകര്‍ന്ന കെട്ടിടങ്ങളില്‍ കുടുങ്ങിയവരുടെ അടുത്തെത്താന്‍ ഹെവി എക്യുപ്‌മെന്റുകളുടെ കുറവ് രക്ഷാപ്രവര്‍ത്തകരെ ഏറെ പ്രയാസപ്പെടുത്തുന്നുണ്ട്.
ദുരന്തത്തില്‍ 844 പേര്‍ മരിച്ചതായി ഇന്തോനേഷ്യന്‍ ഭരണകൂടം സ്ഥിരീകരിച്ചു. മൃതദേഹങ്ങള്‍ കൂട്ടത്തോടെ സംസ്‌കരിക്കാന്‍ നടപടി ആരംഭിച്ചു. സുനാമി ഏറ്റവും കൂടുതല്‍ നാശം വിതച്ച പാലു നഗരത്തില്‍ നൂറു മീറ്റര്‍ നീളത്തില്‍ കൂട്ടക്കുഴിമാടം ഒരുക്കുന്നുണ്ട്. പല കെട്ടിടങ്ങളില്‍നിന്നും രക്ഷക്കായി ഇപ്പോഴും നിലവിളി കേള്‍ക്കാമെന്ന് ദൃക്‌സാക്ഷികള്‍ പറയുന്നു. ദുരന്തത്തില്‍ തകര്‍ന്ന കൂടുതല്‍ പ്രദേശങ്ങളില്‍ തെരച്ചില്‍ പൂര്‍ത്തിയാകുന്നതോടെ മരണനിരക്ക് കൂടിയേക്കും. ജീവന്‍ രക്ഷാപ്രവര്‍ത്തനങ്ങളില്‍ സഹായിക്കാന്‍ പ്രസിഡന്റ് ജോകോ വിഡോഡൊ അന്താരാഷ്ട്രസഹായം തേടി. പാലു നഗരം സുനാമിയില്‍ പൂര്‍ണമായും തകര്‍ന്നിരിക്കുകയാണ്. രക്ഷാപ്രവര്‍ത്തനം എവിടെനിന്ന് തുടങ്ങണമെന്ന് അറിയാതെ സന്നദ്ധസംഘടനാ പ്രവര്‍ത്തകര്‍ ആശയക്കുഴപ്പത്തിലാണ്.
പാലുവിലെ ഒരു ഹോട്ടലില്‍ മാത്രം അറുപതോളം പേര്‍ കുടുങ്ങിക്കിടക്കുന്നുണ്ടെന്നാണ് കരുതുന്നത്. 80 മുറികളുള്ള ഹോട്ടലില്‍നിന്ന് രണ്ടുപേരെ ജീവനോടെ രക്ഷപ്പെടുത്തി. കൂടുതല്‍ പേര്‍ ജീവനോടെ അവശേഷിക്കുന്നുണ്ടാകുമെന്ന് രക്ഷാപ്രവര്‍ത്തകര്‍ പറയുന്നു. സുനാമിയെത്തുടര്‍ന്ന് സുലവേസിയില്‍ ഭക്ഷ്യ, ഇന്ധന ക്ഷമം രൂക്ഷമായിട്ടുണ്ട്്. പലയിടത്തും കടകള്‍ കൊള്ളയടിക്കപ്പെട്ടു. ഭക്ഷ്യസാധനങ്ങള്‍ ഉള്‍പ്പെടെയുള്ള അവശ്യവസ്തുക്കള്‍ ആളുകള്‍ കൊണ്ടുപോകുമ്പോള്‍ ഇടപെടാന്‍ പോലും സാധിക്കാതെ പൊലീസ് കണ്ടുനില്‍ക്കുകയാണെന്ന് വാര്‍ത്താ ഏജന്‍സികള്‍ പറയുന്നു. പാലുവിലെ പ്രധാന വിമാനത്താവളവും റോഡുകളും തകര്‍ന്നിട്ടുണ്ട്. വിമാനത്തില്‍ അവശ്യവസ്തുക്കള്‍ എത്തിച്ചുകൊടുക്കാന്‍ ശ്രമിക്കുന്നുണ്ടെങ്കിലും എല്ലാവരിലും എത്തുന്നില്ല. ഓസ്‌ട്രേലിയ, തായ്‌ലാന്‍ഡ്, ചൈന തുടങ്ങിയ രാജ്യങ്ങള്‍ സഹായം വാഗ്ദാനം ചെയ്തിട്ടുണ്ട്. യൂറോപ്യന്‍ യൂണിയന്‍ 15 ലക്ഷം യൂറോ അടിയന്തര സഹായം അനുവദിച്ചു. ഭൂകമ്പ, സുനാമി സാധ്യത ഏറ്റവും കൂടുതല്‍ മേഖലയിലാണ് ഇന്തോനേഷ്യ. 2004ല്‍ ലോകവ്യാപകമായി രണ്ടര ലക്ഷം പേര്‍ മരിച്ച വന്‍ സുനാമിയില്‍ ഇന്തോനേഷ്യയില്‍ മാത്രം 1.68 ലക്ഷംപേര്‍ക്ക് ജീവഹാനി സംഭവിച്ചിരുന്നു.

ഭുമി കുലുങ്ങിയിട്ടും നമസ്‌കാരത്തില്‍ തുടര്‍ന്ന ഇന്ത്‌നേഷ്യയിലെ മസ്ജിദ് ഇമാമിന്റെ വീഡിയോ സോഷ്യല്‍ മീഡിയയില്‍ വൈറലാകുന്നു. ബിബിസി അടക്കമുള്ള പ്രമുഖ മാധ്യമങ്ങളും ഈ വീഡിയോ ഷെയര്‍ ചെയ്തിട്ടുണ്ട്. 150 ഓളം പേരായിരുന്നു കഴിഞ്ഞ ദിവസം ഇന്തനേഷ്യയില്‍. എന്നാല്‍ ഇടത് കൈ മാത്രം ചുമരില്‍ പിടിച്ച് അദ്ദേഹം നമസ്‌കാരത്തില്‍ തുടരുകയായിരുന്നു. നമസ്‌കരിക്കുന്ന മസ്ജിദ് അടക്കം കുലുങ്ങിയിട്ടും നമസ്‌കാരത്തില്‍ തുടര്‍ന്ന ഇമാമിന്റെ വിശ്വാസത്തെ പുകഴ്ത്തുകയാണ് സോഷ്യല്‍ മീഡിയ.

The remarkable moment an imam continues to pray as earthquake rocks Bali mosque

(Tap your screen for best view on mobile)https://t.co/5j9ckXLkWM pic.twitter.com/hzigiew1ny

— BBC News (World) (@BBCWorld) August 7, 2018

ജക്കാര്‍ത്ത: ഇന്തോനേഷ്യയിലെ ലൊമ്പോക്ക് ദ്വീപില്‍ ഞായറാഴ്ചയുണ്ടായ വന്‍ ഭൂകമ്പത്തില്‍ മരിച്ചവരുടെ എണ്ണം 91 ആയി. നൂറുകണക്കിന് ആളുകള്‍ക്ക് പരിക്കേറ്റതായും റിപ്പോര്‍ട്ടുണ്ട്.
റിക്ടര്‍ സ്‌കെയിലില്‍ ഏഴ് രേഖപ്പെടുത്തിയ ഭൂകമ്പത്തില്‍ നിരവധി കെട്ടിടങ്ങള്‍ തകരുകയും വൈദ്യുതി ബന്ധങ്ങള്‍ വിച്ഛേദിക്കപ്പെടുകയും ചെയ്തു. ആദ്യ ഭൂമികുലുക്കത്തിന് ശേഷം 130ലേറെ തുടര്‍ പ്രകമ്പനങ്ങളുണ്ടായി. സുനാമി മുന്നറിയിപ്പ് നല്‍കിയിരുന്നെങ്കിലും മണിക്കൂറുകള്‍ക്കുശേഷം പിന്‍വലിച്ചു. സമീപ ദ്വീപായ ബാലിയിലും പ്രകമ്പനം അനുഭവപ്പെട്ടു. ആയിരക്കണക്കിന് ആളുകളെ മാറ്റിപ്പാര്‍പ്പിച്ചിട്ടുണ്ട്. ബാലിയില്‍ പരിഭ്രാന്തരായ ജനം വീടുകളില്‍നിന്ന് പുറത്തേക്ക് ഓടി. ഒരാഴ്ച മുമ്പ് ഇതേ ദ്വീപിലുണ്ടായ ഭൂകമ്പത്തില്‍ 16 പേര്‍ മരിച്ചിരുന്നു.
ബാലിയെക്കാള്‍ ഭൂവിസ്തൃതിയുള്ള ദ്വീപാണ് ലൊമ്പോക്ക്. ഓരോ വര്‍ഷവും ലോകത്തിന്റെ വിവിധ ഭാഗങ്ങളില്‍നിന്ന് ദശലക്ഷക്കണക്കിന് വിനോദസഞ്ചാരികളാണ് ഈ ദ്വീപുകളിലെത്തുന്നത്. ഭൂകമ്പ സാധ്യത ഏറെയുള്ള രാജ്യമാണ് ഇന്തോനേഷ്യ. 2004ല്‍ സുമാത്രയിലുണ്ടായ ഭൂകമ്പത്തിലും തുടര്‍ന്നുള്ള സുനാമിയിലും ലോകത്തെ വിവിധ രാജ്യങ്ങളിലായി 227,898 പേര്‍ മരിരിച്ചിരുന്നു. ഇന്തോനേഷ്യയില്‍ മാത്രം ഒന്നര ലക്ഷത്തിലേറെ പേര്‍ മരിക്കുകയുണ്ടായി.

ടോക്കിയോ: ജപ്പാനിലെ ഒസാകയിലുണ്ടായ വന്‍ ഭൂകമ്പത്തില്‍ കുട്ടി ഉള്‍പ്പെടെ മൂന്നുപേര്‍ മരിച്ചു. 200ലേറെ പേര്‍ക്ക് പരിക്കേറ്റു. രാവിലെ എട്ടുമണിയോടെയാണ് റിക്ടര്‍ സ്‌കെയിലില്‍ 6.1 രേഖപ്പെടുത്തിയ ഭൂചലനമുണ്ടായത്. വ്യാപക നാശനഷ്ടങ്ങള്‍ റിപ്പോര്‍ട്ട് ചെയ്തിട്ടുണ്ട്. ഭൂകമ്പത്തെ തുടര്‍ന്ന് മേഖലയിലെ വിമാനത്താവളങ്ങള്‍ മണിക്കൂറുകളോളം അടച്ചിട്ടു. ട്രെയിന്‍ ഗതാഗതം തടസ്സപ്പെട്ടു. ഫാക്ടറികളും അടച്ചിട്ടു. പനാസോണിക്ക് അടക്കം നിരവധി ലോകപ്രശസ്ത കമ്പനികള്‍ ഒസാകയിലെ വ്യവസായ മേഖലയില്‍ പ്രവര്‍ത്തിക്കുന്നുണ്ട്. സ്‌കൂള്‍ ഭിത്തി തകര്‍ന്ന് ഒമ്പതു വയസ്സുകാരിയും കെട്ടിടത്തിന്റെ ചുറ്റുമതില്‍ തകര്‍ന്ന് എണ്‍പതുകാരനും വീട്ടിലെ ബുക്ക് ഷെല്‍ഫ് മറിഞ്ഞുവീണ് ഒരാളുമാണ് മരിച്ചത്.
സുനാമി സാധ്യതയില്ലെന്നും ആണവനിലയങ്ങള്‍ക്ക് ഭീഷണിയില്ലെന്നും അധികൃതര്‍ അറിയിച്ചിരുന്നു. ബുള്ളറ്റ് ട്രെയിന്‍ ഉള്‍പ്പെടെ ട്രെയിന്‍ സര്‍വീസുകള്‍ മുഴുവന്‍ നിര്‍ത്തിവെച്ചു. വൈദ്യുതി വിച്ഛേദിക്കപ്പെട്ടതിനെ തുടര്‍ന്ന് ഒന്നര ലക്ഷത്തിലേറെ വീടുകള്‍ ഇരുട്ടിലായി. നിരവധി ആളുകള്‍ എലവേറ്ററുകളിലും റോഡുകളിലും കുടുങ്ങിയതായി ജപ്പാന്‍ ടൈംസ് അറിയിച്ചു. തുടര്‍ ചലനത്തെ തുടര്‍ന്ന് മണ്ണിടിച്ചിലിനും വീടുകള്‍ തകരാനും സാധ്യതയുള്ളതുകൊണ്ട് ജാഗ്രത പാലിക്കണമെന്ന് അധികൃതര്‍ കര്‍ശന നിര്‍ദേശം നല്‍കിയിരുന്നു. വരും ദിവസങ്ങളില്‍ മറ്റൊരു വന്‍ ഭൂകമ്പത്തിന് സാധ്യതയുള്ളതായി ജപ്പാന്റെ കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്‍കി. ഭൂകമ്പ സാധ്യത ഏറെയുള്ള രാജ്യമാണ് ജപ്പാന്‍. 2011 മാര്‍ച്ചിലുണ്ടായ ഭൂകമ്പത്തിലും തുടര്‍ന്നുള്ള സുനാമിയിലും ആയിരക്കണക്കിന് ആളുകള്‍ മരിച്ചിരുന്നു. ഫുകുഷിമ ആണവനിലയം തകര്‍ന്ന് ആണവ ദുരന്തത്തിനും ജപ്പാന്‍ സാക്ഷിയായി.