easter – Chandrika Daily

മണിപ്പൂരില്‍ ഈസ്റ്റര്‍ ദിനത്തിലെ അവധി പിന്‍വലിച്ച് ബി.ജെ.പി സര്‍ക്കാര്‍; പ്രതിഷേധം

webdesk13 — Thu, 28 Mar 2024 05:04:33 +0000

മണിപ്പൂരില്‍ ഈസ്റ്റര്‍ ദിനത്തിലെ ഔദ്യോഗിക അവധി പിന്‍വലിച്ചു. സംസ്ഥാന സര്‍ക്കാറാണ് ഇത് സംബന്ധിച്ച ഉത്തരവ് പുറത്തിറക്കിയിരിക്കുന്നത്. സാമ്പത്തിക വര്‍ഷത്തിന്റെ അവസാന ദിനമാണെന്നതിനാല്‍ ഈസ്റ്റര്‍ ദിനം പ്രവര്‍ത്തി ദിനമായിരിക്കുമെന്നാണ് ഉത്തരവില്‍ പറയുന്നത്. മാര്‍ച്ച് 31നാണ് ഈസ്റ്റര്‍. മാര്‍ച്ച് 30 ശനി, 31 ഞായര്‍ എന്നീ ദിനങ്ങളാണ് പ്രവര്‍ത്തി ദിനമാക്കി ഉത്തരവിറക്കിയത്.

മണിപ്പൂര്‍ സര്‍ക്കാറിന് കീഴിലുള്ള പൊതുമേഖല സ്ഥാപനങ്ങള്‍, കോര്‍പറഷേനുകള്‍, തദ്ദേശ സ്വയംഭരണ സ്ഥാപനങ്ങള്‍, സൊസൈറ്റികള്‍ ഉള്‍പ്പടെ മണിപ്പൂരിലെ മുഴുവന്‍ സര്‍ക്കാര്‍ സ്ഥാപനങ്ങള്‍ക്കും ഈസ്റ്റര്‍ പ്രവര്‍ത്തി ദിനമായിരിക്കുമെന്നാണ് ഉത്തരവിലുള്ളത്. 2023-24 സാമ്പത്തിക വര്‍ഷത്തിലെ അവസാന ദിനമായതിനാല്‍ ഓഫീസ് ജോലികള്‍ തടസ്സപ്പെടാതിരിക്കാനാണ് അവധിയെന്നും ഉത്തരവിലുണ്ട്.

ഈസ്റ്റര്‍ ക്രിസ്ത്യന്‍ വിശ്വാസികളെ സംബന്ധിച്ച് ഏറ്റവും പ്രധാനപ്പെട്ട ദിനമാണ്. കുരുശിലേറ്റപ്പെട്ട യേശു ഉയിര്‍ത്തെഴുന്നേറ്റതിന്റെ ഓര്‍മ പുതുക്കുന്ന ഈസ്റ്റര്‍ ദിനത്തിലെ അവധി പിന്‍വലിച്ചതിനെതിരെ പ്രതിഷേധവുമായി കുക്കി സംഘടനകള്‍ ഇതിനോടകം തന്നെ രംഗത്തെത്തിയിട്ടുണ്ട്.

കലാപത്തിന്റെ പേരില്‍ നിരവധി ക്രിസ്ത്യന്‍ പള്ളികളും സ്ഥാപനങ്ങളും തകര്‍ക്കപ്പെട്ട സംസ്ഥാനമാണ് മണിപ്പൂര്‍. ഇപ്പോള്‍ ഈസ്റ്റര്‍ ദിനത്തിലെ അവധി പിന്‍വലിക്കുക കൂടി ചെയ്തത് മണിപ്പൂര്‍ സര്‍ക്കാറിനെതിരെയുള്ള ക്രിസ്ത്യന്‍ വിഭാഗങ്ങളുടെ പ്രതിഷേധം വര്‍ദ്ധിപ്പിച്ചിട്ടുണ്ട്.

വിഷുദിനത്തിൽ വൈദികർക്ക് ബി.ജെ.പിയുടെ വിരുന്ന്

webdesk15 — Sat, 15 Apr 2023 05:42:24 +0000

ഈസ്റ്റർ ദിന രാഷ്ട്രീയ നയതന്ത്രം വിഷുവിനും ആവർത്തിച്ച് ബി.ജെ.പി. ആർട്ടി ജില്ലാ അധ്യക്ഷൻ വി.വി രാജേഷിന്റെ വീട്ടിൽ ഒരുക്കിയ വിഷുദിന വിരുന്നിൽ ബി.ജെ.പി യുടെ സംസ്ഥാനത്തെ ചുമതലയുള്ള മുൻ കേന്ദ്രമന്ത്രി പ്രകാശ് ജാവഡേക്കറിനൊപ്പം ക്ഷണിക്കപ്പെട്ട ക്രൈസ്തവ സഭാംഗങ്ങളും പങ്കെടുത്തു.സിറോ മലങ്കര സഭാ പ്രതിനിധികളായ ഫാദര്‍ വർക്കി ആറ്റുപുറം, ഫാദര്‍ ജോസഫ് വെൺമാനത്ത് എന്നിവരാണ് പ്രഭാത ഭക്ഷണത്തിന് ബി.ജെ.പി നേതാക്കൾക്കൊപ്പം പങ്കെടുത്തത്. സ്നേഹസംഗമങ്ങളുടെ ഉദ്ദേശ്യം വോട്ടുബാങ്ക്് രാഷ്ട്രീയമല്ലെന്നും മുസ്ലിമുകളുടെ വീടുകളും സന്ദർശിക്കുമെന്നും പ്രകാശ് ജാവഡേക്കർ പറഞ്ഞു.

ഈസ്റ്റര്‍ ദിനത്തില്‍ ഡല്‍ഹി ഹാര്‍ട്ട് കത്ത്രീഡല്‍ സന്ദര്‍ശിച്ച് മോദി

webdesk13 — Sun, 09 Apr 2023 15:48:40 +0000

പ്രധാമന്ത്രി നരേന്ദ്രമോദി ഈസ്റ്റര്‍ ദിനത്തില്‍ ഡല്‍ഹി സെക്രഡ് ഹാര്‍ട്ട് കത്ത്രീഡല്‍ സന്ദര്‍ശിച്ചു. ഡല്‍ഹി ആര്‍ച്ച് ബിഷപ്പ് അനില്‍ കുട്ടോയുടെ നേതൃത്തില്‍ പ്രധാനമന്ത്രിയെ സ്വീകരിച്ചു. ക്രൈസ്തവരെ ബി.ജെ.പിയിലേക്ക് അടുപ്പിക്കാനുള്ള ശ്രമങ്ങള്‍ക്കിടെയാണ് മോദിയുടെ സന്ദര്‍ശനവും.

മോദി ആദ്യമായാണ് ഒരു ക്രൈസ്തവ ദേവാലയം സന്ദര്‍ശിക്കുന്നത്. ഈസ്റ്റര്‍ ദിനത്തില്‍ അദ്ദേഹം പങ്കാളിയായേക്കും. അതിന് കൂടെ പുരോഹിതന്‍മാരുമായും വിശ്വാസികളുമായും സംവദിക്കും.

ഈസ്റ്റർ ആശംസകളുമായി സാദിഖലി തങ്ങൾ

webdesk15 — Sun, 09 Apr 2023 07:16:24 +0000

ഈസ്റ്റർ ദിനത്തിൽ ആശംസ പങ്കുവെച്ച് മുസ്‌ലിം ലീഗ് സംസ്ഥാന അദ്ധ്യക്ഷൻ സയ്യിദ് സാദിഖ് അലി ശിഹാബ് തങ്ങൾ. ഫേസ്ബുക്ക് പേജിലൂടെയായിരുന്നുഅദ്ദേഹം ആശംസ പങ്കുവെച്ചത്.പ്രത്യാശയുടെ സന്ദേശവുമായി ഈസ്റ്റർ ആഘോഷിക്കുന്ന ക്രിസ്തീയ സഹോദരങ്ങൾക്ക് ഹൃദയം നിറഞ്ഞ ആശംസകൾ എന്നായിരുന്നു സയ്യിദ് സാദിഖ് അലി ശിഹാബ് തങ്ങൾ കുറിച്ചത്.

ലോകത്തെ യുദ്ധങ്ങളെല്ലാം അവസാനിപ്പിക്കാൻ ആഹ്വനം ചെയ്ത് ഈസ്റ്റർ ദിനത്തിൽ മാർപ്പാപ്പ

webdesk15 — Sun, 09 Apr 2023 05:27:03 +0000

യുദ്ധത്തിന്‍റെ മഞ്ഞ് മൂടിയ കാറ്റിനെയും മറ്റ് അനീതികളെയും മറികടക്കാൻ ദൈവത്തിലേക്ക് തിരിയണമെന്ന് മാര്‍പ്പാപ്പ ആഹ്വാനം ചെയ്തു. വത്തിക്കാനിലെ സെന്‍റ് പീറ്റേഴ്സ് ബസിലക്കയില്‍ നടന്ന ഈസ്റ്റര്‍ദിന ശുശ്രൂഷകള്‍ക്ക് നേതൃത്വം നൽകുകയായിരുന്നു മാർപാപ്പ.ബന്ധങ്ങളെ ശിഥിലമാക്കുന്ന സംഘർഷങ്ങൾ സമൂഹത്തിൽ നിലനിൽക്കുന്നു. മിടുക്കരും ശക്തരും മാത്രം മുന്നോട്ട് പോകുന്ന ലോകക്രമത്തില്‍ അപകട സാധ്യത ഏറെയാണെന്നും മാർപാപ്പ മുന്നറിയിപ്പ് നൽകി.
ശ്വാസകോശ അസുഖങ്ങളെ തുടര്‍ന്നുള്ള ചികിത്സയ്ക്ക് ശേഷം കഴിഞ്ഞയാഴ്ച ആശുപത്രി വിട്ട ഫ്രാൻസിസ് മാര്‍പ്പാപ്പ് ഡോക്ടര്‍മാരുടെ കനത്ത നിരീക്ഷണത്തിലാണ് ഈസ്റ്റര്‍ ശുശ്രൂഷകള്‍ക്ക് നേൃതൃത്വം നല്‍കിയത്.

പ്രത്യാശയുടെ സന്ദേശവുമായി ഇന്ന് ഈസ്റ്റർ

webdesk15 — Sun, 09 Apr 2023 01:22:28 +0000

പ്രത്യാശയുടെ സന്ദേശം പകർന്ന് ക്രൈസ്തവസമൂഹം ഇന്ന് ഈസ്റ്റർ ആഘോഷിക്കുന്നു. യേശുദേവൻ കുരിശിലേറിയ ശേഷം മൂന്നാം നാൾ ഉയിർത്തെഴുന്നേറ്റതിന്റെ ഓർമപുതുക്കലാണ് അൻപത് നോമ്പാചരണത്തിന്റെ അവസാനം കൂടിയായ ഈസ്റ്റർ. ദുഃഖവെള്ളിയാഴ്ചക്ക് ശേഷം വരുന്ന ഞായറാഴ്ചയാണ്‌ ഈസ്റ്റർ ആചരിക്കുന്നത്. 51 ദിവസത്തെ നോമ്പാചരണത്തിൻ്റെ വിശുദ്ധിയോടെ ഈ ദിനത്തിൽ ദേവാലയങ്ങളിൽ ശുശ്രൂഷകൾ, ദിവ്യബലി, കുർബാന എന്നിവ നടത്തുന്നു. ഈസ്റ്ററിന്റെ ഭാഗമായി സംസ്ഥാനത്തെ വിവിധ പള്ളികളില്‍ ശുശ്രൂഷകളും പ്രാര്‍ത്ഥനയും നടന്നു

അന്ത്യഅത്താഴ സ്മരണയില്‍ പെസഹാ വ്യാഴം ആചരിച്ച് ക്രൈസ്തവര്‍

webdesk15 — Thu, 06 Apr 2023 05:42:20 +0000

യേശു ക്രിസ്തുവിന്‍റെ അന്ത്യ അത്താഴത്തിന്‍റെ സ്മരണ പുതുക്കി ക്രൈസ്തവ സമൂഹം ഇന്ന് പെസഹാ വ്യാഴം ആചരിക്കും. ക്രിസ്തു കുരിശുമരണത്തിന് മുന്‍പ് തന്‍റെ ശിഷ്യന്‍മാര്‍ക്കൊപ്പം അന്ത്യ അത്താഴം കഴിച്ച ദിവസത്തിന്‍റെ ഓര്‍മ്മ പുതുക്കലാണ് ഓരോ പെസഹാ ദിനാചരണവും. വിശുദ്ധവാരാചരണത്തിലെ പ്രധാന ദിവസമാണ് ഈസ്റ്ററിന് മുന്‍പുള്ള പെസഹാ വ്യാഴം.പെസഹാ വ്യാഴം ആചരണത്തിന്‍റെ ഭാഗമായി കേരളത്തിലെ ദേവാലയങ്ങളില്‍‌ ഇന്ന് പ്രത്യേക പ്രാര്‍ത്ഥനകള്‍ നടന്നു. പെസഹ അപ്പം മുറിക്കല്‍, കാല്‍ കഴുകല്‍ ശുശ്രൂഷകളുമാണ് പ്രധാന ചടങ്ങുകള്‍.