സാമ്പത്തിക പ്രതിസന്ധിയിലൂടെ സംസ്ഥാനം നട്ടംതിരിയുമ്പോഴുള്ള മുന്‍കാല പ്രാബല്യത്തോടെയുള്ള ഈ ശമ്പള വര്‍ധനവിനോട് ധനവകുപ്പിന് പോലും യോജിക്കാന്‍ കഴിഞ്ഞിരുന്നില്ല. കായിക വകുപ്പിന്റെ ആവശ്യം പലവട്ടം ധനവകുപ്പ് തിരിച്ചയച്ചതാണ്. എന്നാല്‍ കടുത്ത സമ്മര്‍ദ്ദത്തിന് വഴങ്ങി ഈ കടുംവെട്ട് തീരുമാനത്തിന് അവസാനം മന്ത്രി കെ.എന്‍ വേണുഗോപാല്‍ പച്ചക്കൊടി കാണിക്കുകയായിരുന്നു. സ്‌പോര്‍ട്‌സ് യുവജനകാര്യ വകുപ്പിന്റെ ചുമതല സജി ചെറിയാനില്‍ നിന്ന് മന്ത്രി പി.എ മുഹമ്മദ് റിയാസ് വഹിക്കുമ്പോഴാണ് സര്‍ക്കാര്‍ ഈ തീരുമാനമെടുത്തരിക്കുന്നതെന്നതും വകുപ്പ് സെക്രട്ടറിയുടെ ചുമതലയില്‍ മുഖ്യമന്ത്രിയുടെ അടുപ്പക്കാരന്‍ എസ്. ശിവശങ്കറാണെന്നതും ഇവിടെ ചേര്‍ത്തു വായിക്കേണ്ടതാണ്. സ്വാഭാവികമായും മുഖ്യമന്ത്രിയുടെ നേരിട്ടുള്ള ഇടപെടല്‍ വിഷയത്തിലുണ്ടായിരിക്കുമെന്നതുറപ്പാണ്.

ശമ്പള വര്‍ധനവിലും അത് മുന്‍കാല പ്രാബല്യത്തോടെ തന്നെ അനുവദിക്കുന്നതിലും പല തരത്തിലുള്ള ഒളിച്ചുകളികളും നടന്നിട്ടുണ്ട്. അതിന്റെ തെളിവാണ് ഇക്കാര്യത്തില്‍ ചിന്താ ജെറോം മാധ്യമങ്ങള്‍ക്ക് മുന്നില്‍ പറഞ്ഞ പച്ചക്കള്ളം. ശമ്പള വര്‍ധന ആവശ്യപ്പെട്ട് താന്‍ ധനവകുപ്പിന് കത്തെഴുതിയിട്ടില്ലെന്നും അങ്ങനെയൊരു കത്ത് ആരുടെയെങ്കിലും കൈവശമുണ്ടെങ്കില്‍ അതു പുറത്തുവിടണമെന്നുമായിരുന്നു അവരുടെ വെല്ലുവിളി. ഇത്രയും വലിയ തുക കുടിശ്ശികയായി ലഭിച്ചാല്‍ അത് മുഴുവന്‍ മുഖ്യമന്ത്രിയുടെ ദുരിതാശ്വാസ നിധിയിലേക്ക് നല്‍കുമെന്നും അവര്‍ പ്രഖ്യാപിച്ചിരുന്നു. എന്നാല്‍ കുടിശ്ശിക ഉള്‍പ്പെടെയുള്ള ശമ്പള വര്‍ധന ചിന്താജെറോമിന്റെ അഭ്യര്‍ത്ഥന പ്രകാരമാണെന്ന് സര്‍ക്കാര്‍ ഉത്തരവില്‍ തന്നെ വ്യക്തമാക്കിയിരിക്കുകയാണ്.

ചരിത്രത്തിലിന്നേവരെയില്ലാത്ത സാമ്പത്തിക പ്രതിസന്ധിയിലൂടെ സംസ്ഥാനം കടന്നുപോകുമ്പോഴാണ് കപട നാടകങ്ങളിലൂടെ സി.പി.എം നേതാക്കന്‍മാര്‍ ഖജനാവ് കാലിയാക്കിക്കൊണ്ടിരിക്കുന്നത്. ഇത്തരത്തിലുള്ള എല്ലാ അന്തര്‍നാടകങ്ങള്‍ക്കും കുടപിടിക്കുകയും അവസാനം വിവാദമാകുമ്പോള്‍ ഞാനൊന്നുമറിഞ്ഞില്ലേ രാമ നാരായണ എന്ന മട്ടില്‍ തെളിഞ്ഞവെള്ളത്തിലിരിക്കുന്ന മുഖ്യമന്ത്രിയുടെ കാപട്യവും ഇവിടെ തുറന്നു കാട്ടപ്പെടുകയാണ്.

ശമ്പളവും പെന്‍ഷനും മാത്രമല്ല ക്ഷേമ പെന്‍ഷനുകളുടെ വിതരണവും താളംതെറ്റിയ ഒരു നാട്ടിലാണ് ഇത്തരത്തിലുള്ള ധൂര്‍ത്തെന്നതാണ് ഏറ്റവും സങ്കടകരം. രണ്ടാം പിണറായി സര്‍ക്കാര്‍ സംസ്ഥാനത്തെ എങ്ങോട്ടാണ് കൊണ്ടുപോകുന്നതെന്ന് ഓരോ ദിവസം പിന്നിടുംതോറും നാട്ടിലെ ജനങ്ങള്‍ ചോദിക്കുന്ന അവസ്ഥയിലേക്ക് കാര്യങ്ങള്‍ എത്തിച്ചേര്‍ന്നിരിക്കുന്നു. സര്‍ക്കാറിനു കീഴിലുള്ള വിവിധ കമ്മീഷനുകളുടെ പ്രവര്‍ത്തനം പാര്‍ട്ടിയുടെ പോഷക സംഘടനകളെപോലും വെല്ലുന്ന തരത്തിലാണെന്ന് ഓരോ വിഷയത്തിലും ഇവര്‍ നടത്തിയ ഇടപെടലുകള്‍ പലതവണ തെളിയിച്ചതാണ്. യുവജന ,ബാലാവകാശ , വനിതാ കമ്മീഷന്‍ എന്നൊന്നുമുള്ള വ്യത്യാസം ഇക്കാര്യത്തിലില്ല. നിര്‍ണായക ഘട്ടങ്ങളില്‍ ഇതിന്റെയൊക്കെ അധ്യക്ഷന്‍മാര്‍ അര്‍ത്ഥഗര്‍ഭമായ മൗനത്തിലാണുണ്ടാവാറുള്ളത്. ഇങ്ങനെയുള്ള സ്ഥാപനങ്ങള്‍ ഇത്രത്തോളം രാഷ്ട്രീയവല്‍ക്കരിക്കപ്പെട്ട ഒരു കാലം ഇതിനുമുമ്പ് കേരളത്തിലുണ്ടായിട്ടില്ല.

ഭരണഘടനാ സ്ഥാപനങ്ങളെ രാഷ്ട്രീയ വല്‍ക്കരിക്കുന്നതിന്റെ പേരില്‍ കേന്ദ്രത്തിനെതിരെ വലിയ വായില്‍ സംസാരിക്കുന്ന സി.പി.എമ്മും ഇടതുപക്ഷവും മോദി സര്‍ക്കാറിനെ വെല്ലുന്ന തരത്തിലാണ് സംസ്ഥാനത്ത് കാര്യങ്ങള്‍ മുന്നോട്ട് നീക്കുന്നത്. ഈ വിധേയത്വത്തിനുള്ള സമ്മാനം എന്ന കണക്കെ ഇത്തരം കമ്മീഷനുകളുടെ തലപ്പത്തുള്ളവര്‍ക്കെല്ലാം ശമ്പളവും ആനുകൂല്യവുമൊക്കെ വാരിക്കോരി നല്‍കുകയുമാണ്. ഭരണത്തുടര്‍ച്ച എന്തും ചെയ്യാനുള്ള ലൈസന്‍സാക്കിമാറ്റിയ ഈ ഭരണകൂടത്തിന്റെ ആത്മവിശ്വാസം വൈകാരിക പ്രകടനങ്ങളിലൂടെ ജനങ്ങളെ മയക്കിക്കിടത്താം എന്നതാണ്. ഭരണകൂടത്തിന്റെ പിടിപ്പുകേടുകൊണ്ട് ദുരിത പര്‍വങ്ങള്‍ പേറേണ്ടിവരുന്ന നാട്ടിലെ ജനങ്ങള്‍ ഈ കുതന്ത്രങ്ങളെല്ലാം തിരിച്ചറിഞ്ഞുകഴിഞ്ഞു എന്ന് ബോധ്യപ്പെടാന്‍ സര്‍ക്കാറിന് അധിക കാലം കാത്തിരിക്കേണ്ടി വരില്ല.

‘2020-21ലെ ആദ്യ പാദത്തില്‍ ചരിത്രത്തില്‍ ആദ്യമായി ഇന്ത്യ സാങ്കേതികമായി മാന്ദ്യത്തിലേക്ക് പ്രവേശിച്ചു’ – എന്നാണ് ആര്‍ബിഐ സംഘം എഴുതിയിട്ടുള്ളത്. നവംബര്‍ 27ന് ഇതുമായി ബന്ധപ്പെട്ട സ്ഥിതി വിവരക്കണക്കുകള്‍ സര്‍ക്കാര്‍ പ്രസിദ്ധീകരിക്കും. ജൂലൈ-സെപ്തംബര്‍ പാദത്തില്‍ ജിഡിപി വളര്‍ച്ച 10.4 ശതമാനത്തിന്റെ കുറവുണ്ടാകും എന്നാണ് ബ്ലൂംബര്‍ഗ് പ്രവചിച്ചിരുന്നത്.

വാഹന നില്‍പ്പന മുതല്‍ ബാങ്കിങ് മേഖലയിലെ പണ ലഭ്യത വരെയുള്ള കാര്യങ്ങള്‍ കണക്കാക്കിയാണ് ആര്‍ബിഐ സംഘം പഠനം തയ്യാറാക്കിയത്. ഈ സാമ്പത്തിക വര്‍ഷം 9.5 ശതമാനത്തിന്റെ സാമ്പത്തിക വളര്‍ച്ചാ കുറവാണ് ആര്‍ബിഐ കണക്കാക്കിയിട്ടുള്ളത്.

”തൊഴിലില്ലായ്​മയിൽ നിന്നും കുറച്ചുകാലത്തേക്ക്​ യുവാക്കളുടെ ശ്രദ്ധ തിരിക്കാം. ​തൊഴിലവസരങ്ങൾ സൃഷ്​ടിച്ചില്ലെങ്കിൽ അവർ തെരുവിലേക്കിറങ്ങുകതന്നെ ചെയ്യും. സമൂഹമാധ്യമങ്ങളിലൂടെ വ്യാജ വാർത്തകൾ പ്രചരിപ്പിച്ച്​ വിഷയം മാറ്റാൻ ശ്രമിക്കാം, പക്ഷേ അത്​ പരാജയപ്പെടും”, രഘുറാം രാജൻ പറഞ്ഞു.

കേന്ദ്ര സര്‍ക്കാറിന്റെ നിര്‍ഭര്‍ ഭാരത് പദ്ധതിയ്ക്ക് കീഴില്‍ ഉള്ള ഇറക്കുമതി നയത്തേയും രഘുറാം രാജന്‍ വിമര്‍ശിച്ചു. നേരത്തെ നടപ്പാക്കി പരാജയപ്പെട്ട ഇറക്കുമതി നയമാണിത്. ഇറക്കുമതിത്തീരുവ ഉയര്‍ത്തി ഇറക്കുമതി കുറയ്ക്കാന്‍ ഉള്ള ശ്രമം കഴിഞ്ഞ കുറേ വര്‍ഷമായി നമ്മള്‍ ചെയ്യുന്ന വിജയം കാണാത്ത പ്രവര്‍ത്തനമാണ്. ഇറക്കുമതിത്തീരുവ കുത്തനെ ഉയര്‍ത്തുന്നതിന് പകരം ഇന്ത്യയില്‍ ഉത്പാദനം ഉയര്‍ത്തുകയാണ് വേണ്ടതെന്നും രഘുറാം രാജന്‍ വ്യക്തമാക്കി.

വിദ്യാഭ്യാസ ചെലവ് ഉയര്‍ന്നതുമൂലം കുട്ടികളെ സ്‌കൂളില്‍ അയക്കാന്‍ സാധാരണക്കാര്‍ക്ക് കഴിയാത്ത സ്ഥിതിവരെയുണ്ടാക്കുമെന്നും അദ്ദേഹം സൂചിപ്പിച്ചു.
രാജ്യത്ത് ഉപഭോഗം ഉയര്‍ത്താന്‍ ഉള്ള സര്‍ക്കാര്‍ നടപടികള്‍ കരുതലോടെയും ശ്രദ്ധയോടെയും നടപ്പാക്കിയാലേ ഫലം കാണൂ. സൗജന്യമായി ചെക്ക് ബുക്ക് നല്‍കാനുള്ള സമയം അല്ലിതെന്നും അദ്ദേഹം വിമര്‍ശിച്ചു. പ്രതിസന്ധി മൂലം രാജ്യത്തെ കമ്പനികള്‍ തുറക്കാന്‍ ആകാതെ അടച്ചുപൂട്ടിയാല്‍ സാമ്പത്തിക സ്ഥിതി വീണ്ടും മോശമാകുമെന്നും സാമ്പത്തിക വിദഗ്ധര്‍ മുന്നറിയിപ്പു നല്‍കി. രാജ്യത്തെ ജിഡിപിയുടെ 50 ശതമാനവും കടം എത്തുന്ന നിലവിലെ സ്ഥിതി ശോചനീയമാണെന്ന് അദ്ദേഹം ചൂണ്ടിക്കാ്ട്ടി.

‘രാഹുല്‍ ഗാന്ധി ഉന്നയിച്ച പ്രശ്‌നങ്ങള്‍ ന്യായമാണ്. രാജ്യം ഭീകരമായ സാമ്പത്തിക പ്രതിസന്ധി നേരിടുകയാണ്, വ്യവസായങ്ങള്‍ അടച്ചുപൂട്ടുന്നു, 2.10 കോടി ആളുകള്‍ക്ക് തൊഴില്‍ നഷ്ടപ്പെട്ടു, ശമ്പളം വെട്ടിക്കുറയ്ക്കുന്നു, മറുവശത്ത് ചൈന നമ്മുടെ പ്രദേശം കൈയ്യടക്കുകയാണ്,’ സച്ചിന്‍ പൈലറ്റ് ജയ്പൂരിലെ മാധ്യമപ്രവര്‍ത്തകരോട് പറഞ്ഞു. ഇന്ത്യയും ചൈനയും തമ്മിലുള്ള അതിര്‍ത്തി സംഘര്‍ഷത്തില്‍ നിന്ന് ജനങ്ങളുടെ ശ്രദ്ധ തിരിക്കാനാണ് മറ്റ് വിഷയങ്ങളിലേക്ക് ചര്‍ച്ചകൊണ്ടുപോകുന്നതെന്നും മുന്‍ രാജസ്ഥാന്‍ ഉപമുഖ്യമന്ത്രിയും ആരോപിച്ചു. ഈ വിഷയത്തില്‍ എന്തെങ്കിലും നടപടിയെടുക്കാന്‍ സര്‍ക്കാര്‍ തയ്യാറാണെങ്കില്‍ രാജ്യം മുഴുവന്‍ ഒപ്പമുണ്ടാകുമെന്നും അദ്ദേഹം പറഞ്ഞു.

ഇന്ത്യ-ചൈന അതിര്‍ത്തി സംഘര്‍ഷം, തൊഴിലില്ലായ്മ, തൊഴില്‍ നഷ്ടം, ജിഡിപിയിലെ ഭീമന്‍ ഇടിവ് തുടങ്ങിയ വിഷയങ്ങളില്‍ മോദി സര്‍ക്കാറിനെതിരെ രാഹുല്‍ഗാന്ധി തുടര്‍ച്ചയായി വിമര്‍ശനങ്ങള്‍ ഉന്നയിച്ചിരുന്നു. രാജ്യം നേരിടാന്‍ പോകുന്ന സാമ്പത്തിക പ്രതിസന്ധിയെ സംബന്ധിച്ച് കോവിഡിന് മുമ്പ് തന്നെ രാഹുല്‍ ഗാന്ധി മുന്നറിയിപ്പു നല്‍കിയിരുന്നു. രാജ്യത്തിന്റെ സാമ്പത്തിക മേഖലയിലേക്ക് പതിക്കുന്ന സുനാമിയാണ് കോവിഡെന്നായിരുന്നു രാഹുലിന്റെ മുന്നറിയിപ്പ്. ഇക്കാര്യങ്ങള്‍ ചൂണ്ടിക്കാട്ടിയാണ് സച്ചിന്റെ പ്രതികരണം.

രാജസ്ഥാനിലെ പാര്‍ട്ടിയുടെ അവസ്ഥയെക്കുറിച്ചും സച്ചിന്‍ സംസാരിച്ചു. പാര്‍ട്ടി ദേശീയ ജനറല്‍ സെക്രട്ടറിയും സംസ്ഥാനത്തിന്റെ ചുമതലയുള്ള അജയ് മാക്കന്റെ കീഴില്‍ ഹൈക്കമാന്‍ഡ് നിയോഗിച്ച സമിതി വിവിധ വിഷയങ്ങളില്‍ ആളുകളില്‍ നിന്ന് പ്രതികരണം തേടുന്നത് നല്ല നീക്കമാമെണെന്നും സച്ചിന്‍ പൈലറ്റ് കൂട്ടിച്ചേര്‍ത്തു.

Modi Govt’s ‘well-planned fight’ against Covid has put India in an abyss of:

1. Historic GDP reduction of 24%
2. 12 crore jobs lost
3. 15.5 lac crores additional stressed loans
4. Globally highest daily Covid cases & deaths.

But for GOI & media ‘sab changa si’.

— Rahul Gandhi (@RahulGandhi) September 12, 2020

ജി.ഡി.പി. നിരക്ക് കുറഞ്ഞുവെന്ന റിപ്പോര്‍ട്ടിന്മേല്‍ കേന്ദ്രത്തിന്റെ നയങ്ങള്‍ കോടിക്കണക്കിന് തൊഴിലവസരങ്ങള്‍ നഷ്ടപ്പെടുത്തിയെന്ന കടുത്ത ആരോപണവുമായി ഇന്നും കോണ്‍ഗ്രസ് നേതാവ് രാഹുല്‍ ഗാന്ധി രംഗത്തെത്തിയിരുന്നു. ജിഡിപിയില്‍ 28% കുറവാണ് രേഖപ്പെടുത്തിയിരിക്കുന്നത്, 12 കോടി ആളുകള്‍ക്ക് ജോലി നഷ്ടമായി, 15.5 ലക്ഷം കോടി രൂപയുടെ സാമ്പത്തിക ബാധ്യതയാണ് നിലവിലുള്ളത്. ലോകത്ത് തന്നെ ഏറ്റവും കൂടുതല്‍ പ്രതിദിന മരണനിരക്ക് റിപ്പോര്‍ട്ട് ചെയ്യുന്ന രാജ്യമായി ഇന്ത്യ മാറി തുടങ്ങിയ വിമര്‍ശനങ്ങളാണ് സര്‍ക്കാറിനെതിരെ രാഹുല്‍ ഉന്നയിച്ചത്.

‘കോവിഡിനെതിരെയുള്ള പോരാട്ടത്തിന് വേണ്ടിയുള്ള മികച്ച ആസൂത്രണത്തിലൂടെ ഇന്ത്യ ജി.ഡി.പി. കുറവിന്റേയും ജോലിനഷ്ടത്തിന്റേയും സാമ്പത്തിക ബാധ്യതകളുടേയും കൂടിയ കോവിഡ് മരണനിരക്കിന്റേയും അഗാധമായ കുഴിയിലേക്ക് വീണിരിക്കുന്നു. എന്നാല്‍ കേന്ദ്രസര്‍ക്കാരിനും മാധ്യമങ്ങള്‍ക്കും എല്ലാം നല്ലതാണ്’.- രാഹുല്‍ ട്വീറ്റ് ചെയ്തു.

ദക്ഷിണേഷ്യയിലാകെ മാന്ദ്യം ബാധിച്ചിട്ടുണ്ട്. ആഭ്യന്തര ഉപഭോഗത്തിലെ കുറവാണ് ഇന്ത്യയുടെ തളര്‍ച്ചയ്ക്കു മുഖ്യകാരണം. അവസാന പാദത്തില്‍ സ്വകാര്യ ഉപഭോഗത്തില്‍ 3.1% വര്‍ധനയാണുണ്ടായത്. കഴിഞ്ഞ വര്‍ഷം ഈ സമയം 7.3% ആയിരുന്നു. ഉല്‍പാദനമേഖലയില്‍ കഴിഞ്ഞ വര്‍ഷം ഈ സമയം 10% ആയിരുന്ന വളര്‍ച്ച ഈ വര്‍ഷം രണ്ടാംപാദത്തില്‍ ഒരു ശതമാനത്തിനും താഴേക്കു പോയി. വ്യവസായ ഉല്‍പാദനത്തിലെയും ഇറക്കുമതിയിലെയും ഇടിവും വിപണിയിലെ അസ്വസ്ഥതകളും കടുത്ത സാമ്പത്തിക മാന്ദ്യത്തിന്റെ സൂചനകളാണെന്നു റിപ്പോര്‍ട്ട് പുറത്തിറക്കിയ ലോക ബാങ്ക് വൈസ് പ്രസിഡന്റ് (സൗത്ത് ഏഷ്യ) ഹാര്‍വിഗ് ഷാഫര്‍ പറഞ്ഞു.

ഇന്ത്യയില്‍ എല്ലാ മേഖലകളിലെയും വിപണികളില്‍ മാന്ദ്യം പ്രകടമാണ്. കൃത്യമായ നടപടികളുണ്ടായാല്‍ പടിപടിയായ ഉയര്‍ച്ച സാധ്യമാണ്.യുഎസ് – ചൈന വ്യാപാരത്തര്‍ക്കം മുതലെടുത്തതാണു ബംഗ്ലദേശിന്റെ വളര്‍ച്ചക്ക് അടിസ്ഥാനം. ബംഗ്ലദേശിലെ തുണി വ്യവസായ മേഖല ഈ തര്‍ക്കത്തില്‍ നിന്ന് ഏറെ നേട്ടമുണ്ടാക്കി.

ടൂറിസം മേഖലയിലെ കുതിപ്പു മൂലമുണ്ടായ നിര്‍മാണങ്ങളും ജനങ്ങളുടെ വിനിയോഗ ശേഷിയിലെ വര്‍ധനയുമാണു നേപ്പാളിനെ 6.5% വളര്‍ച്ച കൈവരിക്കാന്‍ സഹായിച്ചത്. ഭൂട്ടാനില്‍ ടൂറിസം വളര്‍ച്ചയും ആഭ്യന്തര ഉപഭോഗത്തിലെ വര്‍ധനയുമാണു വളര്‍ച്ചയ്ക്കു കാരണം. മാലദ്വീപില്‍ 5.2%, പാക്കിസ്ഥാനില്‍ 2.4%, ശ്രീലങ്കയില്‍ 2.7% എന്നിങ്ങനെയാണു പ്രതീക്ഷിക്കുന്ന വളര്‍ച്ചനിരക്ക്.

ഒക്ടോബര്‍ രണ്ടിന് പുറത്തിറങ്ങിയ മൂന്ന് ചലച്ചിത്രങ്ങളുടെ വരുമാനം ചൂണ്ടിക്കാട്ടിയായിരുന്നു മന്ത്രിയുടെ മറുപടി. 120 കോടി രൂപയുടെ വരുമാനമാണ് ഈ സിനിമകള്‍ ഉണ്ടാക്കിയത്. സുശക്തമായ സാമ്പത്തിക സ്ഥിതിയുള്ളതുകൊണ്ടാണ് സിനിമകള്‍ ലാഭമുണ്ടാക്കുന്നത്. രാജ്യത്ത് സാമ്പത്തിക മുരടിപ്പ് ഇല്ലെന്നതിന്റെ തെളിവാണിതെന്നും അദ്ദേഹം പറഞ്ഞു.

രാജ്യത്തെ ഏറ്റവും വലിയ പൊതുമേഖല ബാങ്കായ എസ്.ബി.ഐ കിട്ടാകടങ്ങള്‍ എഴുതിത്തള്ളിയ കാര്യത്തിലും ഒന്നാം സ്ഥാനത്ത് തന്നെ. 100 കോടിയോ അതിലധികമോ വായ്പ എടുത്ത് തിരിച്ചടവ് മുടക്കിയ 220 വന്‍കിടക്കാരുടെ 76,600 കോടി രൂപയുടെ വായ്പകളാണ് എസ്.ബി.ഐ എഴുതിത്തള്ളിയത്. പഞ്ചാബ് നാഷണല്‍ ബാങ്കാണ് കിട്ടാക്കടം എഴുതിത്തള്ളിയ കാര്യത്തില്‍ രണ്ടാമത്.

വിവരാവകാശം വഴി ലഭിച്ച വിവരം അനുസരിച്ച് 2014ന് ശേഷം വാണിജ്യ ബാങ്കുകള്‍ 100 കോടിയിലധികം വായ്പ എടുത്ത വന്‍കിടക്കാരുടെ കിട്ടാകടം എഴുതിത്തള്ളിയത് 2.75 ലക്ഷം കോടി രൂപയുടേതാണ്. 63 വായ്പകളിലായി കനറാ ബാങ്ക് എഴുതിത്തള്ളിയത് 27,382 കോടി രൂപയാണ്. ബാങ്ക് ഓഫ് ഇന്ത്യ 56 വന്‍കിട കിട്ടാക്കടങ്ങളിലായി 11,653.92 കോടി രൂപയും കോര്‍പറേഷന്‍ ബാങ്ക് 50 വന്‍കിടക്കാരുടെ 11,083.66 കോടി രൂപയും തള്ളി.

രണ്ടു വര്‍ഷ കാലയളവില്‍ ഉപദേശക സമിതി പുന:സംഘടിപ്പിക്കുകയായിരുന്നു. അതേ സമയം പാര്‍ട് ടൈം അംഗമായ അഷിമ ഗോയലിന്റെയും മുഴുസമയ അംഗമായ ബിബേക് ഒബ്രോയിയുടെയും സ്ഥാനത്തില്‍ മാറ്റമില്ല. ദെബ്രോയ് ചെയര്‍മാന്‍ സ്ഥാനത്തു തന്നെ തുടരും.

നാഷണല്‍ ഇന്‍സ്റ്റിറ്റിയൂട്ട് ഓഫ് പബ്ലിക് ഫിനാന്‍സ് ആന്റ് പോളിസിയില്‍ നിന്നുള്ള വിദഗ്ധനായിരുന്നു രതിന്‍ റോയി. ഈ വര്‍ഷം ആദ്യം പുതുക്കിയ നികുതി ഘടന വരുമാനത്തില്‍ കുറവ് വരുത്തിയെന്ന് അദ്ദേഹം തുറന്നു പറഞ്ഞിരുന്നു. വിദേശ സോവറിന്‍ ബോണ്ടുകള്‍ പുറത്തിറക്കാനുള്ള ധനമന്ത്രാലയത്തിന്റെ തീരുമാനത്തെയും അദ്ദേഹം പരസ്യമായി വിമര്‍ശിച്ചിരുന്നു. സമ്പദ്ഘടന നേരിടുന്ന ഗുരുതര പ്രതിസന്ധിയെ കുറിച്ച് തുറന്നു പറഞ്ഞ ഷമിക രവി ഘടനാപരമായ പ്രതിസന്ധിയാണ് നേരിടുന്നതെന്ന് അഭിപ്രായപ്പെട്ടിരുന്നു. കൂടാതെ സമ്പദ്ഘടനയെ ധനമന്ത്രാലയത്തെ മാത്രം ഏല്‍പ്പിക്കുന്നത് ഒരു സ്ഥാപനം അതിന്റെ നടത്തിപ്പ് കണക്കപ്പിള്ളയെ ഏല്‍പ്പിക്കുന്നതിന് തുല്യമാണെന്ന പരിഹാസവും ഷമികയുടെ ഭാഗത്തുനിന്ന് ഉണ്ടായിരുന്നു.

ഇന്ത്യന്‍ സമ്പദ് വ്യവസ്ഥയുടെ നിലവിലെ അവസ്ഥ ആശങ്കാജനകമെന്ന് മന്‍മോഹന്‍ സിങ് കഴിഞ്ഞദിവസം പറഞ്ഞിരുന്നു. രാജ്യത്തെ സമ്പദ് വ്യവസ്ഥയ്ക്ക് അതിവേഗം വളരാനാവുമെന്നും മോദി സര്‍ക്കാരിന്റെ കെടുകാര്യസ്ഥത മൂലം ഇത് സാധിക്കുന്നില്ലെന്നുമാണ് അദ്ദേഹം പറഞ്ഞത്. ജി.ഡി.പി വളര്‍ച്ചാ നിരക്ക് അഞ്ച് ശതമാനമായത് വരാനിരിക്കുന്ന വലിയൊരു സാമ്പത്തിക മാന്ദ്യത്തിന്റെ സൂചനയാണെന്നും അദ്ദേഹം അഭിപ്രായപ്പെട്ടിരുന്നു. നോട്ട് നിരോധനം ഉള്‍പ്പെടെയുള്ള നടപടികള്‍ വന്‍ തിരിച്ചടിയായെന്നും ജി.എസ്.ടി വികലമായി നടപ്പിലാക്കിയതും സമ്പദ് വ്യവസ്ഥക്ക് തിരിച്ചടിയായെന്നും അദ്ദേഹം ചൂണ്ടിക്കാട്ടിയിരുന്നു. മാത്രമല്ല, കേന്ദ്രസര്‍ക്കാര്‍ രാഷ്ട്രീയ കുടിപ്പക മാറ്റിവച്ച് പ്രതിസന്ധിയില്‍ നിന്ന് പുറത്തുകടക്കാന്‍ വിദഗ്ധരുടെ വാക്കുകള്‍ കേള്‍ക്കണമെന്നും അദ്ദേഹം വ്യക്തമാക്കിയിരുന്നു.

ഇതോടെയാണ് രാഷ്ട്രീയവും കളിയാക്കലും മാറ്റിവെച്ച് മന്‍മോഹന്‍ സിങ് കേള്‍ക്കാന്‍ ബിജെപി തയ്യാറാവണമെന്ന് ശിവസേന ആവശ്യപ്പെട്ടത്.

ബാങ്കുകളുടെ ലയനത്തെ തുടര്‍ന്ന് ജീവനക്കാര്‍ക്ക് തൊഴില്‍ നഷ്ടമാകുമോ എന്ന ആശങ്ക തള്ളിക്കളഞ്ഞ ധനമന്ത്രി രാജ്യത്തെ എല്ലാ മേഖലകളും സര്‍ക്കാര്‍ നിരീക്ഷിക്കുന്നുണ്ടെന്നും വ്യക്തമാക്കി. പിന്തുണയോ സഹായമോ ആവശ്യമുണ്ടെന്ന് ഏതെങ്കിലും മേഖലയില്‍നിന്ന് ആവശ്യമുയര്‍ന്നാല്‍ അവിടെ ഇടപെടാന്‍ സര്‍ക്കാര്‍ തയ്യാറാണ്. സര്‍ക്കാരുമായി ആശയവിനിമയം നടത്താന്‍ ഏതെങ്കിലും മേഖലയിലുള്ളതര്‍ താത്പര്യം പ്രകടിപ്പിച്ചാല്‍ അവരെ സ്വാഗതം ചെയ്യും.ജി.എസ്.ടി നിരക്ക് കുറയ്ക്കല്‍ തന്റെ മാത്രം നിയന്ത്രണത്തിലുള്ള കാര്യമല്ല. സംസ്ഥാന ധനമന്ത്രിമാര്‍ ഉള്‍പ്പെട്ട ജി.എസ്.ടി കൗണ്‍സിലാണ് തീരുമാനമെടുക്കേണ്ടതെന്നും അവര്‍ പറഞ്ഞു. ബാങ്ക് ലയനത്തിലൂടെ ജോലി നഷ്ടമാകുമെന്ന ആധി വേണ്ട. ലയനത്തിന് പിന്നാലെ ജീവനക്കാരെ പിരിച്ചുവിടാനുള്ള പിങ്ക് സ്ലിപ്പ് നല്‍കുമെന്ന പ്രചരണം തെറ്റിദ്ധാരണ സൃഷ്ടിക്കുന്നതും അടിസ്ഥാനരഹിതവുമാണ്- മന്ത്രി പറഞ്ഞു.

രാജ്യത്തെ സാമ്പത്തിക വളര്‍ച്ച കുറയുകയാണെന്ന റിപ്പോര്‍ട്ടുകളെ കുറിച്ചുള്ള ചോദ്യത്തിന് വിദഗ്ധരുമായി ചര്‍ച്ച ചെയ്യുകയാണെന്നായിരുന്നു അവരുടെ മറുപടി. എല്ലാ മേഖലയിലെ വിദഗ്ധരുമായി ചര്‍ച്ച നടത്തുന്നുണ്ടെന്നും വേണ്ട നടപടി സ്വീകരിക്കുന്നുണ്ടെന്നും അവര്‍ പറഞ്ഞു.

കഴിഞ്ഞദിവസമാണ് രാജ്യത്തെ പത്ത് ബാങ്കുകളെ കൂടി ലയിപ്പിച്ച് നാല് ബാങ്കുകളാക്കി മാറ്റുമെന്ന് കേന്ദ്ര ധനമന്ത്രി പ്രഖ്യാപിച്ചത്. ഇതോടെ നിരവധി ശാഖകള്‍ പൂട്ടിപോകുമെന്നും നിരവധി ജീവനക്കാര്‍ക്ക് തൊഴില്‍ നഷ്ടമാകുമെന്നും ജീവനക്കാരുടെ സംഘടനകള്‍ ആശങ്ക പ്രകടിപ്പിച്ചിരുന്നു.