സവര്‍ണ സംവരണം ഒരു സംഘപരിവാര്‍ അജണ്ടയാണെന്നും സംസ്ഥാനത്തെ പിന്നാക്ക ജനതയുടെ ജീവിതത്തെ ഇത് കൂടുതല്‍ ദുഷ്‌കരമാക്കുമെന്നും അദ്ദേഹം പറഞ്ഞു. സാമ്പത്തിക സംവരണം സര്‍ക്കാര്‍ പിന്‍വലിക്കണമെന്നും അദ്ദേഹം ആവശ്യപ്പെട്ടു. മുഖ്യമന്ത്രി പിണറായി വിജയനെ ട്വീറ്റില്‍ മെന്‍ഷന്‍ ചെയ്തിട്ടുണ്ട്.

കഴിഞ്ഞ ദിവസം കേരളപ്പിറവി ദിനത്തില്‍ തിരുവനന്തപുരത്ത് ഭീം ആര്‍മി പാര്‍ട്ടി കേരളപിറവി മാര്‍ച്ചും ഉപവാസവും സംഘടിപ്പിച്ചിരുന്നു.

ഒക്ടോബര്‍ 23-നോ അതിനു ശേഷമോ അപേക്ഷാ കാലാവധി അവസാനിക്കുന്ന തസ്തികകള്‍ക്ക് അപേക്ഷിക്കാനുള്ള അവസാന തീയതി നവംബര്‍ 14 വരെ നീട്ടിയിട്ടുണ്ട്. ഇക്കാലയളവില്‍ അപേക്ഷ നല്‍കിയിട്ടുള്ള ഉദ്യോഗാര്‍ഥികളില്‍ അര്‍ഹരായവര്‍ക്ക് മുന്നാക്ക സംവരണത്തിനുകൂടി അപേക്ഷിക്കുന്നതിനാണ് അപേക്ഷാ കാലാവധി നീട്ടിയിരിക്കുന്നത്.

അതേസമയം മുന്നോക്കസംവരണം മുന്‍കാല പ്രാബല്യത്തോടെ നടപ്പാക്കണമെന്ന എന്‍എസ്എസിന്റെ ആവശ്യം പിഎസ്‌സി അംഗീകരിച്ചില്ല. മുന്നോക്ക സംവരണം നടപ്പാക്കുന്നതിന് ജനുവരി മുതല്‍ മുന്‍കാല പ്രാബല്യം വേണമെന്നായിരുന്നു എന്‍എസ്എസിന്റെ ആവശ്യം.

”തുല്യമായ അവകാശങ്ങള്‍, സത്യസന്ധമായ ഇടപാട്, നീതി എന്നിവയെല്ലാം ജീവവായു പോലെയാണ്; ഒന്നുകില്‍ നമുക്കെല്ലാം അത് ആസ്വദിക്കാം, അല്ലെങ്കില്‍ ആര്‍ക്കും തന്നെ അത് ലഭിക്കുകയില്ല”- അമേരിക്കന്‍ കവയത്രിയും പൗരാവകാശ പ്രവര്‍ത്തകയുമായ മായ ആന്‍ഗെലുവിന്റെ ഈ പ്രസ്താവന എന്നുമെന്ന പോലെ ഇന്നത്തെ ഇന്ത്യന്‍ സാഹചര്യത്തിലും പ്രസക്തമാണ്. നീതി, ഒരു രാഷ്ട്രത്തേയും സമൂഹത്തെയും സജീവമാക്കുന്ന ജീവവായുവാണ്. രാഷ്ട്രഗാത്രത്തിലെ ഏതെങ്കിലും ഒരു വിഭാഗത്തിന് നീതി നിഷേധിച്ചാല്‍ അത് മുഴുവന്‍ രാഷ്ട്രജീവനേയും കെടുത്തിക്കളയും. അത് മനസിലാക്കിക്കൊണ്ടാണ് ഇന്ത്യന്‍ ഭരണഘടനയുടെ ശില്‍പികള്‍ ഭരണഘടനയുടെ ആത്മാവായി ‘നീതി’യെന്ന തത്വത്തെ പ്രതിഷ്ഠിച്ചത്. ഭരണഘടനയുടെ പീഠികയില്‍ ആദ്യ ലക്ഷ്യമായി പ്രഖ്യാപിച്ചിരിക്കുന്നത് സാമൂഹ്യവും സാമ്പത്തികവും രാഷ്ട്രീയവുമായ നീതി എന്ന സങ്കല്‍പത്തെയാണ്. ലിബറലിസം രാഷ്ട്രീയ നീതിക്കും സോഷ്യലിസം സാമ്പത്തിക നീതിക്കും പ്രഥമ പരിഗണന നല്‍കിയപ്പോള്‍ ഇന്ത്യന്‍ ഭരണഘടനാ ശില്‍പികള്‍ സാമൂഹ്യനീതിക്കാണ് മുന്‍ഗണന നല്‍കിയത്.
സാമൂഹ്യനീതി ലോക ചരിത്രത്തിലെ എല്ലാ നാഗരിക സമൂഹങ്ങളിലും നിലനിന്നിരുന്നു. പുരാതന റോമില്‍ പട്രീഷ്യന്മാര്‍ എന്ന കുലീനവര്‍ഗവും പ്ലീബിയന്മാര്‍ എന്ന അടിയാള വര്‍ഗവും ഉണ്ടായിരുന്നു. എന്നാല്‍ ഇന്ത്യയിലെ ജാതിവ്യവസ്ഥ സഹസ്രാബ്ധങ്ങളായി അനീതിയേയും അസമത്വത്തേയും സ്ഥാപനവല്‍ക്കരിച്ചു. അധികാരവും അംഗീകാരവും നല്‍കുന്ന പദവികള്‍ ഉന്നതജാതികള്‍ കയ്യടക്കി വെച്ചപ്പോള്‍ തോട്ടിപണി പോലുള്ള ജോലികളാണ് അടിയാള ജാതികള്‍ക്ക് നീക്കിവെച്ചത്. ഈ സാമൂഹ്യ-രാഷ്ട്രീയ- സാമ്പത്തിക അസമത്വത്തെ പടിപടിയായി നീക്കംചെയ്യുക എന്ന ലക്ഷ്യത്തോടെയാണ് സര്‍ക്കാര്‍ സര്‍വീസില്‍ പിന്നാക്ക ജാതികള്‍ സംവരണം നേടിയെടുത്തത്. ഡോ. അംബേദ്കര്‍ അടക്കമുള്ള നേതാക്കള്‍ നടത്തിയ ത്യാഗപൂര്‍ണമായ സമരത്തിലൂടെയാണ് ഈ അവകാശം നേടിയെടുത്തത്. അധികാര ഘടനയില്‍ അര്‍ഹിക്കുന്ന പ്രാതിനിധ്യം ലഭിക്കാതെ പോയ സാമൂഹ്യമായും വിദ്യാഭ്യാസപരമായും പിന്നാക്കം നില്‍ക്കുന്ന വിഭാഗങ്ങള്‍ക്ക് സര്‍ക്കാര്‍ സര്‍വീസില്‍ സംവരണം നല്‍കാന്‍ ഭരണഘടനയുടെ അനുച്ഛേദം 15 (4), 16 (4) എന്നിവ അനുശാസിക്കുന്നു. ഭരണഘടനയുടെ പീഠികയില്‍ വാഗ്ദാനം ചെയ്യുന്ന അവസരസമത്വം എന്ന തത്വം നേടുന്നതിനാണിത്.
പിന്നാക്കാവസ്ഥ നിര്‍ണയിക്കാനുള്ള ഏക മാനദണ്ഡം ജാതിയാണെന്ന് സുപ്രീംകോടതി മണ്ഡല്‍ കമ്മീഷന്‍ കേസില്‍ (ഇന്ദ്രാസാഹ്നി യൂണിയന്‍ ഓഫ് ഇന്ത്യ 1992) വ്യക്തമായി പ്രഖ്യാപിച്ചതാണ്. അതിന്റെ അടിസ്ഥാനത്തില്‍ നരസിംഹറാവു സര്‍ക്കാര്‍ കൊണ്ടുവന്ന മുന്നോക്ക ജാതിക്കാര്‍ക്കിടയിലെ സാമ്പത്തികമായി പിന്നാക്കം നില്‍ക്കുന്നവര്‍ക്കുള്ള പത്ത് ശതമാനം സംവരണം ഇന്ദ്രാസാഹ്നി കേസില്‍ സുപ്രീം കോടതി റദ്ദാക്കുകയും ചെയ്തു. എന്നാല്‍ ഇപ്പോള്‍ കേന്ദ്രസര്‍ക്കാര്‍ കൊണ്ടുവന്ന ഭരണഘടന 124-ാമത് ഭേദഗതി, ജാതി അടിസ്ഥാനത്തിലുള്ള സംവരണം എന്ന ഭരണഘടനാ തത്വത്തെ അട്ടിമറിക്കുന്ന തരത്തിലുള്ളതാണ്. മണ്ഡല്‍ കമ്മീഷന്റെ കണക്ക് പ്രകാരം ഇന്ത്യയിലെ മറ്റു പിന്നാക്ക വിഭാഗങ്ങളുടെ ജനസംഖ്യ മൊത്തം ജനസംഖ്യയുടെ 52 ശതമാനമാണ്. ഇവര്‍ക്ക് വെറും 27 ശതമാനം സംവരണമാണ് അനുവദിച്ചിരിക്കുന്നത്. എന്നാല്‍ 15 ശതമാനം മാത്രമുള്ള മുന്നാക്ക ജാതിക്കാര്‍ക്ക് 10 ശതമാനം സംവരണമാണ് സര്‍ക്കാര്‍ അനുവദിക്കാന്‍ പോകുന്നത്. ഇത് അനീതിയാണ്. മാത്രമല്ല സംവരണം ഒരു ദരിദ്ര നിര്‍മ്മാര്‍ജ്ജന പദ്ധതിയല്ല. അധികാരത്തില്‍ നിന്നു ഭ്രഷ്ട് കല്‍പിക്കപ്പെട്ട ജനവിഭാഗങ്ങള്‍ക്ക് അധികാര പങ്കാളിത്തം നല്‍കുക എന്നതാണ് അതിന്റെ ലക്ഷ്യം. വാണിജ്യ-വ്യവസായ മേഖലയും സ്വകാര്യ മേഖലയും പൂര്‍ണമായും മുന്നാക്ക വിഭാഗ ങ്ങള്‍ കുത്തകയാക്കി വെച്ചിരിക്കുകയാണ് എന്നതും ഇവിടെ പ്രസ്താവ്യമാണ്. ഇതിനാല്‍ സാമ്പത്തിക സംവരണം എന്ന കേന്ദ്രസര്‍ക്കാരിന്റെ നയം തീര്‍ത്തും ഭരണഘടനാവിരുദ്ധമാണ്.
സംവരണവുമായി ബന്ധപ്പെട്ട മറ്റൊരു പ്രധാന സമകാലീന പ്രശ്നമാണ് പുതുതായി രൂപീകരിക്കാന്‍ പോകുന്ന കേരളാ അഡ്മിനിസ്ട്രേറ്റീവ് സര്‍വീസിലെ സംവരണ നിഷേധം. കേരളാ അഡ്മിനിസ്ട്രേറ്റീവ് സര്‍വീസ് എന്ന ഭരണ പരിഷ്‌കാരം അടുത്ത് തന്നെ യാഥാര്‍ത്ഥ്യമാകാന്‍ പോവുകയാണ്. ഇതു പക്ഷേ, സംവരണ വ്യവസ്ഥകളെ പൂര്‍ണമായും ഉള്‍ക്കൊള്ളാതെയാണ് നടപ്പിലാക്കുന്നത് എന്നത് ഏറെ ആശങ്കാജനകമാണ്. ഭരണനിര്‍വഹണത്തിന്റെ പ്രധാന തലങ്ങളിലേക്ക് യുവജന വിഭാഗങ്ങള്‍ക്ക്, സംവരണം വ്യവസ്ഥ ചെയ്യണമെന്ന സുപ്രീംകോടതി വിധിയുടെ അടിസ്ഥാനത്തില്‍ ഈ വിഭാഗങ്ങള്‍ക്ക് സംവരണം നല്‍കി സാമൂഹികനീതി പരിപാലിക്കാവുന്നതേയുള്ളൂ.
കെ.എ.എസ്. ഒരു പുതിയ കേഡര്‍ ആയതിനാല്‍ അതില്‍ 50 ശതമാനം സംവരണ വിഭാഗങ്ങള്‍ക്കായി മാറ്റിവെക്കേണ്ടതുണ്ട്. സ്ട്രീം-2ലും 3-ലും സംവരണം നിഷേധിക്കുമ്പോള്‍ അത് വെറും 16.5 ശതമാനമായി കുറയും. സ്ട്രീം -2 ഉം 3 ഉം ബൈ ട്രാന്‍സ്ഫര്‍ ആയിപരിഗണിക്കുന്നതും ശരിയല്ല. നിലവില്‍ സര്‍വീസില്‍ ഉള്ളവരാണ് പരീക്ഷ എഴുതുന്നെതെങ്കിലും അവര്‍ക്ക് സ്ട്രീം-1 ലേത് പോലെ തന്നെ എഴുത്ത്പരീക്ഷയും ഇന്റര്‍വ്യൂവും പാസ്സാകേണ്ടതുണ്ട്. മൂന്ന് സ്ട്രീമിലും സംവരണം നല്‍കണമെന്ന് നിയമവകുപ്പ് സെക്രട്ടറി സര്‍ക്കാരിനു നിയമോപദേശം നല്‍കിയിരുന്നതുമാണ്. പ്രൊമോഷന്‍ ആയതിനാല്‍ സംവരണം നല്‍കേണ്ട എന്ന അഭിപ്രയം പറഞ്ഞത് അഡ്വക്കേറ്റ് ജനറലാണ്. എന്നാല്‍ എന്താണ് പ്രൊമോഷന്‍ എന്ന് കൃത്യമായി നിര്‍വചിക്കാതെയാണ് അഡ്വക്കേറ്റ് ജനറല്‍ ഈ നിലപാട് കൈക്കൊണ്ടത്.
സംവരണം ഭരണഘടനയുടെ പ്രഥമ ലക്ഷ്യസ്ഥാനമായ സാമൂഹ്യനീതിയിലേക്കുള്ള രാജപാതയാണ്. ആയതിനാല്‍ തന്നെ സംവരണത്തെ നിര്‍വീര്യമാക്കാനുള്ള ഏതൊരു നീക്കവും ഭരണഘടനക്കെതിരായ ഗൂ ഢനീക്കമായാണ് പരിഗണിക്കേണ്ടത്. ഭരണഘടനയെ സംരക്ഷിക്കുകയെന്നത് ഓരോ പൗരന്റെയും മൗലിക കര്‍ത്തവ്യമാകയാല്‍ സംവരണത്തെ സംരക്ഷിക്കാനും എല്ലാ പൗരന്മാരും മുന്നിട്ടിറങ്ങേണ്ടതുണ്ട്. സംവരണത്തെ സംരക്ഷിക്കാന്‍ നേരത്തെ കേരളത്തില്‍ പ്രവര്‍ത്തിച്ചിരുന്ന സംവരണ സമുദായ മുന്നണി പോലുള്ള ഏകീകൃത സംഘടിത ശക്തിക്ക് രൂപംനല്‍കാന്‍ ദളിത്-പിന്നാക്ക സമുദായങ്ങള്‍ തയ്യാറാവു കയും വേണം. ഇത്തരം ഭരണഘടനാപരവും സാമൂഹ്യപരവുമായ ഉത്തരവാദിത്വങ്ങള്‍ ശിരസ്സാവഹിച്ചുകൊണ്ട് സംവരണ വ്യവസ്ഥയെ സംരക്ഷിക്കാന്‍ മുസ്‌ലിംലീഗ ്‌സമരപഥത്തിലേക്ക് ഇറങ്ങുകയാണ്. ഇതിന്റെ ഭാഗമായി ഇന്ന് തിരുവനന്തപുരത്ത് സെക്രട്ടറിയേറ്റിനു മുന്നില്‍ വമ്പിച്ച പ്രതിഷേധ സംഗമം സംഘടിപ്പിക്കുന്നുണ്ട്. ഈ സംവരണ സംരക്ഷണ മുന്നേറ്റത്തിന്റെ വിജയത്തിന് എല്ലാ പ്രവര്‍ത്തകരും ആത്മാര്‍ഥമായി ശ്രമിക്കണമെന്നും എല്ലാ പൗരന്മാരും സഹകരിക്കണമെന്നും അഭ്യര്‍ത്ഥിക്കുന്നു.

കുറച്ചുദിവസങ്ങള്‍ക്കു മുന്‍പ് അഴിക്കോട് തെരഞ്ഞെടുപ്പ് കേസില്‍ ഒരു വിധിയുണ്ടായി. അത് മുസ് ലിം ലീഗിന്റെ മെമ്പര്‍ കൂടിയായ കെ എം ഷാജിയെ അയോഗ്യനാക്കുന്ന വിധിയായിരുന്നു. കേരളത്തില്‍ ഒരു തെരഞ്ഞെടുപ്പ് കേസില്‍ ആരെങ്കിലും ജയിക്കുന്നതോ തോല്‍ക്കുന്നതോ അയോഗ്യത കല്‍പ്പിക്കുന്നതോ ഒരു പുതിയ കാര്യമൊന്നുമല്ല. അതില്‍ നിന്നൊക്കെ ആ കേസിനെ വ്യതിരിക്തമാക്കിയ ഘടകം ആ സന്ദര്‍ഭത്തില്‍ മുസ്‌ലിം ലീഗിനെതിരേ ഉയര്‍ന്നുവന്ന കുപ്രചാരണങ്ങള്‍ തന്നെയാണ്. ആ വിധി വന്നയുടനെ കേസുകൊടുത്ത സ്ഥാനാര്‍ഥി കൂടിയായ നികേഷ്‌കുമാര്‍ പറഞ്ഞത്, കേസിനെ കുറിച്ച് മാത്രമായിരുന്നില്ല, മറിച്ച് ഒരു രാഷ്ട്രീയ പാര്‍ട്ടിയായി നിലനില്‍ക്കാനുള്ള ലീഗിന്റെ അര്‍ഹതയെ തന്നെ ചോദ്യം ചെയ്യുന്നതായിരുന്നു. ഒരു സാമുദായിക പാര്‍ട്ടിയും ഒരു മതേതര പാര്‍ട്ടിയും തമ്മില്‍ മത്സരിക്കുമ്പോള്‍ എന്ന് ആവര്‍ത്തിച്ചാവര്‍ത്തിച്ച് പറയുന്നതിന്റെ അര്‍ത്ഥം വ്യക്തമായിരുന്നു. അതിന്റെ കൂട്ടത്തില്‍ ചില കുത്തക മണ്ഡലങ്ങളിലെങ്കിലും ശരിയായ തരത്തിലുള്ള മത്സരം നടക്കുന്നില്ല എന്നും പറഞ്ഞു. അതിന്റെ വ്യംഗ്യം മലപ്പുറത്ത് ലീഗ് സ്ഥിരമായി ജയിക്കുന്ന മണ്ഡലങ്ങളിലെ ജനവിധി തന്നെയായിരുന്നു. അത് മുസ്‌ലിം ലീഗിനെതിരായി ഒരു ആരോപണവും അതില്‍കവിഞ്ഞ് ഒരു കുറ്റപത്രവും കൂടിയായിരുന്നു. സിപിഎം കൂടി സംഘടിതമായി ആവര്‍ത്തിച്ച ആ പ്രചാരണത്തിന്റെ സാരം ലീഗ് സാമുദായിക രാഷ്ട്രീയ പാര്‍ട്ടിയാണ്, അതുയര്‍ത്തുന്ന സാമുദായിക രാഷ്ട്രീയം അത്യന്തം അപകടം പിടിച്ചതുമാണ് എന്നുള്ളതാണ്. എന്നാല്‍ സത്യത്തില്‍ സാമുദായിക രാഷ്ട്രീയം കേരളത്തിന്റെ ചരിത്രത്തില്‍ നിര്‍വഹിച്ച വലിയ റോളിനെ തന്നെയാണ് ഇവര്‍ ബോധപൂര്‍വം നിഷേധിക്കുന്നത്. മലയാളി മെമ്മോറിയലും ഈഴവ മെമ്മോറിയലുമാണ് അതിന്റെ നാഴികക്കല്ലുകള്‍. മലയാളി മെമ്മോറിയല്‍ പരദേശി ബ്രാഹ്മണര്‍ കൈയടക്കി വെച്ചിരുന്ന സക്കാര്‍ സര്‍വിസില്‍ മുഴുവന്‍ തദ്ദേശീയരായ ജനവിഭാഗങ്ങള്‍ക്കും ജോലി പ്രാതിനിധ്യം ഉറപ്പുവരുത്തുന്നതിനുള്ള പ്രക്ഷോഭമായിരുന്നെങ്കില്‍ ഈഴവ മെമ്മോറിയല്‍ അതിനുശേഷവും പരിഹരിക്കപ്പെടാതെ പോയ അടിസ്ഥാന ജനവിഭാഗങ്ങളുടെ പ്രാതിനിധ്യ അവകാശങ്ങള്‍ക്കു വേണ്ടിയുള്ള ഈഴവ മുസ്‌ലിമാദി പിന്നാക്ക വിഭാഗങ്ങളുടെ രാഷ്ട്രീയ സഖ്യം നടത്തിയ സമരമായിരുന്നു.
അടിച്ചമര്‍ത്തപ്പെട്ടു വീണുകിടന്നിരുന്ന സ്വത്വസമുദായങ്ങള്‍ എഴുന്നേറ്റു നില്‍ക്കാനും പിന്നീട് നടന്നും ഓടിയും അധികാര പങ്കാളിത്തത്തില്‍ അര്‍ഹമായ വിഹിതങ്ങള്‍ പിടിച്ചുപറ്റാനും ശ്രമിച്ചതിന്റെ ചരിത്രം തന്നെയാണ് നമ്മുടെ സാമുദായിക രാഷ്ട്രീയത്തിന്റെ ചരിത്രം. ആ ചരിത്രത്തിന്റെ തന്നെ പിന്തുടര്‍ച്ചയും ആ ചരിത്രത്തെ തന്നെ മുന്നോട്ടു കൊണ്ടുപോകലുമാണ് മുസ്‌ലിം ലീഗ് ചെയ്തത്. എന്നാല്‍ അത്തരം അവകാശ പോരാട്ടങ്ങളെയൊക്കെ പാടെ തിരസ്‌കരിച്ചുകൊണ്ട് കേരളം സൃഷ്ടിച്ചത് പരശുരാമനാണ് എന്ന പഴയ മിത്തിന്റെ സ്ഥാനത്ത് പുതിയ കേരളം സൃഷ്ടിച്ചത് ഇഎംഎസ് ആണെന്ന കൂടുതല്‍ പ്രബലമായ ഒരു മിത്തിനെ സൃഷ്ടിക്കുകയാണ് ഇവിടുത്തെ ഇടതുപക്ഷം ചെയ്തത്. സത്യത്തില്‍ സ്വത്വ സാമുദായിക രാഷ്ട്രീയത്തെ മുഴുവന്‍ പ്രതിസ്ഥാനത്ത് നിര്‍ത്തുന്നവരുടെ ആദ്യത്തെ സര്‍ക്കാര്‍ തന്നെ സാമുദായിക ധ്രുവീകരണത്തിന്റെ സൃഷ്ടിയാണ് എന്നുള്ളതാണ് യാഥാര്‍ഥ്യം. 1957ലെ ഇഎംഎസ് സര്‍ക്കാര്‍ അധികാരത്തിലേറാന്‍ ഇടയായ സാഹചര്യത്തെ കുറിച്ച് തോപ്പില്‍ ഭാസിയുടെയും ജി. ജനാര്‍ദ്ദന കുറുപ്പിന്റെയും ആത്മകഥയില്‍ തന്നെ പറയുന്നുണ്ട്. അന്നു കേരളത്തിലെ കോണ്‍ഗ്രസ് ക്രിസ്ത്യന്‍ കോണ്‍ഗ്രസായി മാറിയെന്ന സാമുദായിക ആരോപണമുന്നയിച്ച് അന്നത്തെ കോണ്‍ഗ്രസ് നേതൃത്വവുമായി അകന്നുകഴിയുകയായിരുന്ന മന്നത്ത് പത്മനാഭനെ കമ്മ്യൂണിസ്റ്റ് പാര്‍ട്ടിയുടെ സെക്രട്ടറിയായിരുന്ന എംഎന്‍ ഗോവിന്ദന്‍ നായര്‍ അങ്ങോട്ടുപോയി കാണുകയായിരുന്നു. അന്ന് മന്നം എം എനോട് പറഞ്ഞത്; നിങ്ങള്‍ നിര്‍ത്തിയ സ്ഥാനാര്‍ഥികളില്‍ കൊള്ളാവുന്ന ചില നായര്‍ സ്ഥാനാര്‍ഥികളുണ്ടെന്നും അവര്‍ ജയിച്ചുവരുമെന്നുമായിരുന്നു. അന്നത്തെ ആ ജയിച്ച നായര്‍ സ്ഥാനാര്‍ഥികളും അതിന്റെ കൂട്ടത്തില്‍ മത, സമുദായ കക്ഷികളുടെ പിന്തുണയോടെ ജയിച്ച എ.ആര്‍ മേനോന്‍ ഉള്‍പ്പെടെയുള്ളവരും കൂടി ഉള്‍ച്ചേര്‍ന്നതാണ് ആദ്യത്തെ ഇഎംഎസ് മന്ത്രസഭ. അന്ന് ആ മന്ത്രിസഭയുടെ കാലത്തുതന്നെയാണ് ഇഎംഎസ് സാമ്പത്തിക സംവരണ വാദവുമായി മുന്നോട്ടുവന്നത് എന്നത് കേവലം യാദൃച്ഛികമല്ല.
ഇന്ത്യയിലാദ്യമായി സാമ്പത്തിക സംവരണത്തിനു സൈദ്ധാന്തിക ന്യായീകരണം ചമച്ചതും സാമൂഹിക സ്വീകാര്യത നേടിക്കൊടുത്തതും സംഘ്പരിവാറിന് മുന്‍പേ ഇഎംഎസ് ആയിരുന്നുവെന്നത് നിസ്തര്‍ക്കമായ വസ്തുതയാണ്. അതേ ഇഎംഎസിന്റെ പിന്മുറക്കാരനായ പിണറായി വിജയനാണ് 10 ശതമാനം അധിക മുന്നാക്ക സംവരണം എന്നത് പ്രയോഗവല്‍ക്കരിച്ചുകൊണ്ട് സംഘ്പരിവാറിനു മാതൃക കാട്ടിയത്. ആ സമയത്ത് ഇതുപോലെ ചെയ്യാന്‍ നിങ്ങള്‍ക്ക് കഴിയുമോ എന്ന സിപിഎം സംസ്ഥാന സെക്രട്ടറിയുടെ ഫേസ്ബുക്ക് ചലഞ്ചാണ് ഇപ്പോള്‍ സംഘ്പരിവാര്‍ സര്‍ക്കാരിന്റെ നടപടിയിലൂടെ സാക്ഷാല്‍ക്കരിക്കപ്പെട്ടത്. ഇഎംഎസിന്റെ സര്‍ക്കാര്‍ സംവരണനീക്കം ആദ്യം അവതരിപ്പിക്കുകയും പിന്നീട് അതു മുന്നോട്ടുവെക്കുകയും ചെയ്ത സന്ദര്‍ഭങ്ങളിലൊക്കെ അതിനെ ഏറ്റവും വീറോടെ എതിര്‍ത്തത് സാക്ഷാല്‍ സിഎച്ച് മുഹമ്മദ് കോയ ആയിരുന്നെങ്കില്‍ ഇന്ന്, ഇപ്പോള്‍ ഇന്ത്യന്‍ പാര്‍ലമെന്റിനകത്ത് ആ പാരമ്പര്യം ഉയര്‍ത്തിപ്പിടിക്കാന്‍ കഴിഞ്ഞുവെന്നതില്‍ ഒരു പാര്‍ട്ടി എന്നുള്ള നിലയില്‍ മുസ്‌ലിം ലീഗിനു എക്കാലവും അഭിമാനിക്കാം.
മണ്ഡല്‍ കമ്മിഷന്‍കാല സോഷ്യലിസ്റ്റുകളുടെയും അംബേദ്കറൈറ്റുകളുടെയും ഈ വിഷയത്തിലുള്ള സമ്പൂര്‍ണ നിശബ്ദത സമ്പൂര്‍ണ കീഴടങ്ങലായി മാറുന്നതും ശ്രദ്ധേയമാണ്. ഇവിടെയാണ് ഇന്ത്യന്‍ യൂനിയന്‍ മുസ്‌ലിം ലീഗിന്റെ നിലപാട് ഒരു രജതരേഖയായി മാറുന്നത്.
ലീഗിനെയും അതിന്റെ സാമുദായിക രാഷ്ട്രീയത്തെയും ഒക്കെ സൈബര്‍സ്പേസിലടക്കം പരിഹാസത്തോടെ നേരിടുന്ന ഇടതുപുരോഗമന രാഷ്ട്രീയത്തിനുള്ള മുഖടച്ചുള്ള മറുപടി തന്നെയാണ് ഈ നിലപാട്. മുത്വലാഖ് ബില്ലിന്റെ സമയത്ത് പി.കെ കുഞ്ഞാലിക്കുട്ടിയുടെ വീട്ടിലേക്ക് മാര്‍ച്ച് നടത്തിയവര്‍ സംവരണ മണ്ഡലത്തില്‍നിന്ന് ജയിച്ച് സാമ്പത്തിക സംവരണത്തെ അനുകൂലിക്കുന്ന എ.കെ ബാലന്റെ കാര്യത്തില്‍ എന്തുപറയും എന്ന ചോദ്യം അവശേഷിക്കുന്നു. ഇഎംഎസിന്റെ മുഖത്തുനോക്കി നിങ്ങളുടെ പൂണൂല്‍ പുറത്തല്ല, അകത്താണ് എന്ന് പറയുകയാണ് സംവരണ പ്രശനത്തിലടക്കം സി.എച്ച് മുഹമ്മദ് കോയ ചെയ്തത്. അതേ ഇഎംഎസിന്റെ പൂണൂല്‍ ഇന്നത്തെ സംവരണ ബില്ലായി ഇന്ത്യയുടെ കുറുകെ കിടക്കുന്ന സന്ദര്‍ഭത്തില്‍ പാര്‍ലമെന്റില്‍ പഴയ പാരമ്പര്യത്തിന്റെ തുടര്‍ച്ചയായി പ്രതിരോധിക്കുകയാണ് ലീഗ് മെംബര്‍മാര്‍ ചെയ്തത്. തീര്‍ച്ചയായും ഈ തോല്‍വിയില്‍ ലീഗിന് അഭിമാനിക്കാം.
(സ്റ്റേറ്റ് സെക്രട്ടറി, രാജീവ് ഗാന്ധി സ്റ്റഡി സര്‍ക്കിള്‍)

ഇന്ത്യയിലെ പരമോന്നത നിയമ നിർമ്മാണ സഭകളിൽ ഭരണഘടനാ ശിൽപി ഡോ. ബി.ആർ അംബേദ്കർ തോറ്റുപോകുന്ന കാഴ്ചയാണ് കഴിഞ്ഞ ദിവസങ്ങളിൽ രാജ്യം കണ്ടത്. ഭൂരിപക്ഷത്തിന്റെ ആധിപത്യം അംബേദ്കറിന്റെ ആത്മാവിനെ കൊന്നു കൊലവിളിക്കുമ്പോൾ മുസ്ലിംലീഗിന്റെ അംഗങ്ങൾ എഴുന്നേറ്റുനിന്ന് വിയോജിച്ചത് ചരിത്രത്തിന്റെ ഭാഗമായി. ഇതേ ഭൂരിപക്ഷത്തിന്റെ ആധിപത്യം ചവറ്റുകുട്ടയിലേക്ക് തള്ളിവീഴ്ത്തിയ ഒരു ചരിത്രം ഭീം റാവു അംബേദ്കറിനുമുണ്ട്. ആരുമങ്ങനെ ഓർക്കുന്നത് കാണാത്ത ചരിത്രം.

1946 മാർച്ച് മാസത്തിലായിരുന്നു ആ വീഴ്ച. ബോംബെ പ്രവിൻഷ്യൽ അസംബ്ലി തെരഞ്ഞെടുപ്പിൽ മത്സരിച്ച അംബേദ്കറെ സവർണ്ണ ഭൂരിപക്ഷം തോൽപിച്ചു കളഞ്ഞു. ആ വീഴ്ചയിൽനിന്ന് അദ്ദേഹത്തിന് കരകയറാൻ കഴിയുമെന്ന് ആരും പ്രതീക്ഷിച്ചില്ല. പ്രവിൻഷ്യൽ അസംബ്ലികളിൽനിന്ന് തെരഞ്ഞെടുക്കപ്പെടുന്നവരാണ് ഭരണഘടനാ അസംബ്ലിയിലെത്തുക. അവിടെ അദ്ദേഹം എത്താതിരിക്കാനുള്ള പദ്ധതിയുടെ ഭാഗമായിരുന്നു ഈ തോൽപിക്കൽ. സർദാർ പട്ടേലിന്റെ നിർദ്ദേശ പ്രകാരം 296 അംഗ ഭരണഘടനാ അസംബ്ലിയിലേക്ക് അംബേദ്കറെ തെരഞ്ഞെടുക്കപ്പെടാതിരിക്കാൻ ബോംബെയിലെ പ്രമുഖനായ ബി.ജി ഖേർ ആണ് ചരടുകൾ വലിച്ചതെന്ന് അംബേദ്കറുടെ ജീവചരിത്രമെഴുതിയ എ. ആനന്ദ് രേഖപ്പെടുത്തുന്നു.

കെ.എ.എസിന്റെ രണ്ടും മൂന്നും സ്ട്രീമുകളില്‍ സംവരണം വേണ്ടെന്നാണ് സര്‍ക്കാര്‍ നിലപാട്. ഇത് കടുത്ത അനീതിയാണ്. നിയമ വകുപ്പും, എസ്.സി-എസ്.ടി കമ്മിഷനും, ന്യൂനപക്ഷ കമ്മിഷനും സംവരണം നല്‍കണമെന്ന് ശിപാര്‍ശ ചെയ്തിട്ടും സര്‍ക്കാര്‍ വഴങ്ങിയിട്ടില്ല. എ.ജിയുടെ നിയമോപദേശമാണ് നടപ്പാക്കുന്നതെന്നാണ് വിശദീകരണം. എന്നാല്‍ എ.ജി മുഖ്യമന്ത്രിയുടെ താല്‍പര്യത്തിന് അനുസരിച്ച് മാത്രമേ നിയമോപദേശം നല്‍കുകയുള്ളൂ. പിന്നോക്ക സമുദായങ്ങള്‍ക്ക് സംവരണ ആനുകൂല്യം നല്‍കിയിട്ടും സര്‍ക്കാര്‍ സര്‍വീസുകളില്‍ പ്രാതിനിധ്യം കുറവാണെന്ന് റിപ്പോര്‍ട്ടുകളുണ്ട്. ഇത് പോലും സര്‍ക്കാര്‍ പരിഗണിച്ചില്ലെന്നും അദ്ദേഹം പറഞ്ഞു.

കെ.എന്‍.എ ഖാദര്‍ എം.എല്‍.എ മുഖ്യപ്രഭാഷണം നടത്തി. കെ.എ.എസില്‍ സംവരണവുമായി ബന്ധപ്പെട്ട സംസ്ഥാന സര്‍ക്കാരിന്റെ തീരുമാനം ഭരണഘടനാ വിരുദ്ധമാണെന്ന് അദ്ദേഹം പറഞ്ഞു. ‘ഭരണ ഘടന നല്‍കിയ വാഗ്ദാനങ്ങള്‍ ഇടതു സര്‍ക്കാര്‍ ലംഘിച്ചിരിക്കുകയാണ്. സാമ്പത്തിക സംവരണം ഇടതു മുന്നണിയുടെ പ്രകടന പത്രികയിലുണ്ടായിരുന്നുവെന്നും ഇടതുമുന്നണി പ്രഖ്യാപിച്ചത് മോദി നടപ്പാക്കുകയായിരുന്നുവെന്നും അദ്ദേഹം പറഞ്ഞു. സംവരണ വിഷയത്തിലായാലും ഏക സിവില്‍കോഡ് വിഷയത്തിലായാലും ഫാസിസ്റ്റികളെ അതേ നിലപാടാണ് ഇടതുമുന്നണി സ്വീകരിക്കുന്നതെന്നും അദ്ദേഹം
പറഞ്ഞു.

എം.എസ്.എഫ് സംസ്ഥാന പ്രസിഡന്റ് മിസ്ഹബ് കീഴരിയൂര്‍ അധ്യക്ഷനായി. എം.എസ്.എഫ് ജനറല്‍ സെക്രട്ടറി എം.പി നവാസ് സ്വാഗതം പറഞ്ഞു. എം.എല്‍എ മാരായ അഡ്വ.എം. ഉമ്മര്‍, എന്‍.എ നെല്ലിക്കുന്ന്, പി.ഉബൈദുള്ള, മുസ്‌ലിം ലീഗ് സംസ്ഥാന സെക്രട്ടറി ബീമാപള്ളി റഷീദ്, പ്രൊഫ.തോന്നയ്ക്കല്‍ ജമാല്‍, കണിയാപുരം ഹലീം, എം.എസ്.എഫ് സംസ്ഥാന ട്രഷറര്‍ യൂസഫ് വല്ലാഞ്ചിറ, മുന്‍മന്ത്രി നീലലോഹിതദാസന്‍ നാടാര്‍, ലത്തീന്‍ അതിരൂപതാ വികാരി ജനറല്‍ യൂജിന്‍ പെരേര, ദലിത് ഫെഡറേഷന്‍ സംസ്ഥാന പ്രസിഡന്റ് പി. രാമഭദ്രന്‍, പിന്നോക്കക്ഷേമ വികസന വകുപ്പ് മുന്‍ ഡയറക്ടര്‍ വി.ആര്‍ ജോഷി, ന്യൂനപക്ഷ ക്ഷേമ വകുപ്പ് മുന്‍ ഡയറക്ടര്‍ ഡോ.പി നസീര്‍, എസ്.കെ.എസ്.എസ്.എഫ് സിറാജ് അഹ്മദ്, അഡ്വ സുള്‍ഫിക്കര്‍ സലാം, ഹാഷിം ബംബ്രാണി , നിഷാദ് കെ സലിം, സല്‍മാന്‍ ഹനീഫ് ,കെ കെ എ അസീസ് , ഹാരിസ് കരമന തുടങ്ങിയവര്‍ സംസാരിച്ചു. സംസ്ഥാന കമ്മിറ്റി അംഗങ്ങളായ കെ.എം ഫവാസ്, കെ.ടി റഹൂഫ്, ഷഫീക് വഴിമുക്ക്, ആബിദ് ആറങ്ങാടി, മുനീര്‍ വടകര, ബാദുഷ എറണാകുളം, അല്‍ത്താഫ് സുബൈര്‍, അന്‍വര്‍ ഇടുക്കി, അംജദ് കൊല്ലം,ഷജീര്‍ ഇക്ബാല്‍, അല്‍ റെസിന്‍, സദ്ദാം ഹരിപ്പാട്, ബിലാല്‍ റഷീദ്, അസ്ലഹ് ചടയമംഗലം, ഹാമീം വാമനപുരം, അബ്ദുല്ല കരുവള്ളി, ഹകീം വി.പി.സി, ഷഹബാസ് കാട്ടിലാന്‍, പി.പി ഷൈജല്‍ , റിയാസ് കല്ലുവയല്‍ എന്നിവര്‍ നേതൃത്വം നല്‍കി.

നാലര വര്‍ഷത്തെ ഭരണത്തില്‍ രാജ്യത്തെ സാമൂഹ്യ സാമ്പത്തിക വികസന രംഗങ്ങളില്‍ ഫലപ്രദമായി ഒന്നും ചെയ്യാന്‍ കഴിയാതെ കടന്ന് പോയ നരേന്ദ്രമോഡി ഗവണ്‍മെന്റ് ഇപ്പോള്‍ ചെയ്യുന്നത് തെരഞ്ഞടുപ്പില്‍ രാഷ്ട്രീയ ലാഭം കൊയ്യുമെന്ന കണക്കു കൂട്ടലുമായി വൈകാരിക പ്രശ്‌നങ്ങള്‍ കുത്തിപ്പൊക്കുകയാണ്.

ഇക്കഴിഞ്ഞ ശീതകാല സമ്മേളനത്തില്‍ ബി.ജെ.പി അവസാനമായി കൊണ്ടുവന്ന രണ്ട് നിയമങ്ങള്‍ ഒട്ടും ഗുണം ചെയ്യില്ലെന്ന് മാത്രമല്ല അപകടങ്ങളും അനൈക്യവും അസ്വസ്ഥതകളും ക്ഷണിച്ച് വരുത്തുകയും ചെയ്യും.

മുസ്‌ലിം ലീഗ് ഈ കാര്യങ്ങളിലെല്ലാം കൃത്യവും വ്യക്തവുമായിട്ടുള്ള നിലപാട് എടുത്തിട്ടുണ്ട്. ഞങ്ങളുടെ സുചിന്തതമായ നിലപാടിനനുസരിച്ച് ബില്ലിനെതിരെ ഞങ്ങള്‍ വോട്ട് ചെയ്തിട്ടുമുണ്ട്. ബില്ലിന് അനുകൂലമായി നിലപാട് എടുക്കുകയും വോട്ട് രേഖപ്പെടുത്തുകയും ചെയ്ത പാര്‍്ട്ടികളിലെ പലരുടേയും ഹൃദയം ഞങ്ങളുടെ കൂടെയുണ്ടെന്നും ഞങ്ങള്‍ മനസ്സിലാക്കുന്നു. പാര്‍ലമെന്റില്‍ വിവിധ കക്ഷികളുടെ പ്രസംഗം ശ്രവിച്ചാല്‍ ഇക്കാര്യം സംശയ രഹിതമായി ബോധ്യപ്പെടുകയും ചെയ്യുന്നതാണ്.

വടക്ക്-കിഴക്കന്‍ സംസ്ഥാനങ്ങളിലെ വളരെ സങ്കീര്‍ണ്ണമായ ഒരു പ്രശ്‌നം കൂടുതല്‍ സങ്കീര്‍ണ്ണമാക്കുകയാണ് പൗരത്വ ഭേദഗതി നിയമം. അതിന്നെതിരായി ആളിപടര്‍ന്നുകൊണ്ടിരിക്കുന്ന പ്രക്ഷോപ സമരങ്ങളെ പോലും നിസാരവത്ക്കരിച്ച് കൊണ്ടാണ് സര്‍ക്കാര്‍ ഈ ബില്ല് അവതരിപ്പിച്ചത്. ഭരണഘടന 124ാം ഭേദഗതിയിലൂടെ കൊണ്ട് വന്ന സംവരണ ഭേദഗതി നിയമമാവട്ടെ സംവരണ തത്വത്തിന്റെ അന്തസത്തയെ തന്നെ തകര്‍ക്കുന്ന കാര്യമാണ്. ഇന്ത്യയില്‍ ദൂരവ്യാപകമായ പ്രത്യാഘാതമുണ്ടാക്കുന്ന ഒരു നിയമ നിര്‍മ്മാണം നാടകീയമായ വിധത്തില്‍ പാസ്സാക്കിയെടുക്കാന്‍ സര്‍ക്കാര്‍ കാണിച്ച വ്യഗ്രരത അത്രയും പ്രധിഷേധാര്‍ഹമാണ്.

സംവരണത്തില്‍ സാമ്പത്തിക മാനദണ്ഡം കൊണ്ട് വരിക വഴി ഗവണ്‍മെന്റ് ചെയ്യുന്നത് സംവരണത്തിന്റെ അടിസ്ഥാനപരമായ കാര്യകാരണത്തെ തന്നെ തകിടം മറിക്കുന്ന കാര്യമാണ്. ദശാബ്ദങ്ങളായി തുടരുന്ന പിന്നോക്ക വിഭാഗങ്ങളുടെ വിദ്യാഭ്യാസം തൊഴില്‍ പങ്കാളിത്തം എന്നിവയെല്ലാം ഉ്ള്ള പിന്നോക്കാവസ്ഥ കൂടുതല്‍ ശോചനീയമായ വിധത്തില്‍ മാറികൊണ്ടിരിക്കയാണെന്നത് സത്യമാണ്. തൊഴില്‍ പങ്കാളിത്തം, വിദ്യാഭ്യാസ വളര്‍ച്ച എന്നിവയെല്ലാം സത്യസന്ധമായി വിലയിരുത്തിയാല്‍ പിന്നോക്ക ജനവിഭാഗങ്ങള്‍ക്കും മുന്നോക്ക വിഭാഗങ്ങള്‍ക്കുമിടയില്‍ വലിയ അന്തരമുണ്ട്. ഇപ്പോള്‍ 10ശതമാനം കൂടി സംവരണ ക്വാട്ടയില്‍ കൊണ്ട് വരുമ്പോള്‍ ഈ അന്തരം വലുതാകുന്നു മാത്രമല്ല മറിറ്റിന്റെ 50 ശതമാനത്തിലെ 10 ശതമാനം കൂടി ഇല്ലാതവുന്നു. അത് സൃഷ്ടിക്കുന്ന പ്രശ്‌നം വേറേയും.

മണ്ഡല്‍-ബാബരി മസ്ജിദ് പ്രശ്‌നങ്ങളുടെ മുറിവുകളും വിദ്വാഷവും പുരണ്ടു കിടക്കുന്ന ഈ മണ്ണില്‍ വിഷവിത്തുകള്‍ വിതക്കാന്‍ സര്‍ക്കാര്‍ ശ്രമിക്കുകയാണ്.

മുന്നോക്ക വിഭാഗത്തിലെ പിന്നോക്കക്കാര്‍ക്ക് പ്രശ്‌നങ്ങളിലെല്ലെന്നും അവപരിഹരിക്കേണ്ടത് അനിവാര്യമല്ലെന്നും മുസ്‌ലിം ലീഗ് പറയുന്നില്ല. മറിച്ച് അതാവശ്യവുമാണ്. സംവരണം ഒരു ദാരിദ്ര്യ നിര്‍മ്മാര്‍ജ്ജന പരിപാടിയല്ല. ഈ നാടിന്റെ വിഭവ ശേഷി പങ്ക് വെക്കുന്നതിലും ഭരണപങ്കാളിത്തം ഉറപ്പ് വരുത്തുന്നതിനുമുള്ള പ്രാന്തവത്ക്കരിക്കപ്പെട്ടവരെ പ്രാപ്തമാക്കാന്‍ ഉതകുന്ന നടപടിയായി കൊണ്ട് വന്ന ഒരു തത്വമാണ് സംവരണത്തിന്റേത്. ഇത് തീര്‍ച്ചയായും സാമൂഹ്യ നീയതിയുടെ പ്രശ്‌നമാണ്.

സംവരണ പ്രശ്‌നം വളരെ വൈകാരികമായി ആളിപടരുന്ന ഒരു പ്രകൃതമാണ് ഇന്ത്യയിലുള്ളത്. ബി.ജെ.പി അതൊന്നും കാര്യാമാക്കാതെ ഇത്രയും പ്രശ്‌നം സങ്കീര്‍ണ്ണമായ ഒരു നിയമ നിര്‍മ്മാണത്തിന് പോയത് ശക്തമായി അപലപിക്കപ്പെടേണ്ടതാണ്.

മുസ്‌ലിം വ്യക്തി നിയമം, സംവരണം എന്നീ കാര്യങ്ങളില്‍ മുസ്‌ലിം ലീഗ് വിട്ടുവീഴ്ച ചെയ്യില്ലന്ന് മാത്രമല്ല അവയുടെ സംരക്ഷണത്തിന് വേണ്ടി സമാന ചിന്താഗതിക്കാരുമായി യോചിച്ച് ശക്തമായ നിലപാട് കൈ കൊള്ളും

സംസ്ഥാന സര്‍ക്കാറിന്റെ സംവരണ നയം (സാമ്പത്തിക സംവരണം) സംവരണ സമുദായങ്ങളുടെ നിലനില്‍പ്പ് ഇല്ലാതാക്കുന്നതാണ്. ആ യാഥാര്‍ത്ഥ്യം തിരിച്ചറിയാതെ ദേവസ്വം ബോര്‍ഡിനെ മുന്നില്‍ നിര്‍ത്തിയുള്ള കളിയില്‍ പിന്നാക്ക സമുദായങ്ങള്‍ പരസ്പരം പോരടിക്കുന്ന കാഴ്ചയാണ് കാണുന്നത്. ഇക്കാര്യത്തില്‍ ഭിന്നിപ്പിച്ചു തമ്മിലടിപ്പിക്കുക എന്ന കൊളോണിയല്‍ തന്ത്രം ഒരുപരിധി വരെ വിജയിക്കുകയും ചെയ്തു. സര്‍ക്കാര്‍ തീരുമാനത്തിന്റെ കാതല്‍ മുന്നോക്ക സമുദായത്തിലെ സാമ്പത്തികമായി പിന്നാക്കം നില്‍ക്കുന്നവര്‍ക്ക് സര്‍ക്കാര്‍ – അര്‍ധ സര്‍ക്കാര്‍ സ്ഥാപനങ്ങളിലെ ഉദ്യോഗ നിയമനങ്ങളില്‍ പത്തു ശതമാനം സംവരണം നടപ്പിലാക്കാനും അതിന് ഭരണഘടനാ ഭേദഗതിക്കായി കേന്ദ്ര സര്‍ക്കാരിനോട് ആവശ്യപ്പെടാനും നടപടി സ്വീകരിച്ചു എന്നതാണ്.
ജാതി രഹിത സമൂഹം എന്ന സി.പി.എം സങ്കല്‍പ്പത്തെ വര്‍ഗ വിശകലനത്തിലൂടെ അവര്‍ മുന്നോക്ക ജാതിയുടെ കുറ്റിയില്‍ കെട്ടി സാമ്പത്തിക സംവരണത്തിലൂടെ ചാതുര്‍വര്‍ണ്യത്തിന്റെ പുന:സൃഷ്ടിയാണ് നടപ്പാക്കാന്‍ ശ്രമിക്കുന്നത്. ബ്രാഹ്മണ്യത്തിന്റെ അഗ്രഹാരങ്ങളില്‍ രൂപപ്പെട്ട സാമ്പത്തിക സംവരണ വാദം ഭരണഘടനാവിരുദ്ധമായതിനാല്‍ സുപ്രീം കോടതിയുടെ ഒന്‍പതംഗ ഭരണഘടനാ ബഞ്ച് തള്ളിയതും കേരളത്തില്‍ നെട്ടൂര്‍ ദാമോദരന്‍ കമ്മീഷന്റെ സാമ്പത്തിക സംവരണം നടപ്പാക്കണമെന്ന റിപ്പോര്‍ട്ട് സി. അച്യുതമേനോന്റെ കമ്മ്യൂണിസ്റ്റ് മന്ത്രിസഭ നിരാകരിച്ചതുമാണ്.
നൂറ്റാണ്ടുകളായി അടിച്ചമര്‍ത്തപ്പെടുകയും പാര്‍ശ്വവത്കരിക്കപ്പെടുകയും ചെയ്ത സമൂഹത്തിന് അധികാരത്തില്‍ പങ്കാളിത്തം ഉറപ്പുവരുത്തുന്ന ഏക പിടിവള്ളിയാണ് സംവരണം. അത് തകര്‍ക്കുക എന്നതാണ് സര്‍ക്കാരിന്റെ പുതിയ സംവരണ നയം കൊണ്ടുദ്ദേശിക്കുന്നത്. പിന്നാക്ക സമുദായക്കാര്‍ക്കിടയിലില്ലാത്ത എന്ത് സാമ്പത്തിക പിന്നാക്കാവസ്ഥയാണ് മുന്നോക്കജാതിക്കാര്‍ക്കിടയില്‍ ഉള്ളതെന്ന് സര്‍ക്കാര്‍ ഇതുവരെ വ്യക്തമാക്കിയിട്ടില്ല, മുന്നോക്ക പിന്നാക്ക ജാതിഭേദമന്യേ എല്ലാ വിഭാഗങ്ങളിലും സാമ്പത്തിക പിന്നാക്കാവസ്ഥ പ്രശ്‌നം തന്നെയാണ്. അത് പരിഹരിക്കാന്‍ മറ്റു മാര്‍ഗങ്ങളാണ് സര്‍ക്കാര്‍ തേടേണ്ടത്.
നിലവിലുള്ള ഉദ്യോഗം അധികാരം, വിദ്യാഭ്യാസ സ്ഥാപനങ്ങള്‍, കോളജുകള്‍, യൂണിവേഴ്‌സിറ്റികള്‍, കമ്മീഷനുകള്‍, കോര്‍പറേഷനുകള്‍, പൊതുമേഖലാ സ്ഥാപനങ്ങള്‍, സ്വയംഭരണാധികാര സ്ഥാപനങ്ങള്‍, വികസന അതോറിറ്റികള്‍ തുടങ്ങി സമസ്ത മേഖലകളിലേയും നിലവിലുള്ള ഉദ്യോഗസ്ഥന്മാരുടെ കണക്കും അതില്‍ മുന്നോക്ക ജാതിയില്‍പെട്ടവര്‍ എത്രയെന്ന കണക്കും പ്രസിദ്ധീകരിക്കാന്‍ തയ്യാറായാല്‍ അന്‍പതു ശതമാനം സംവരണമെന്നത് പിന്നാക്കക്കാര്‍ക്ക് ഇനിയും ലഭിച്ചിട്ടില്ലെന്ന് ബോധ്യപ്പെടും.
സാമ്പത്തിക സംവരണം നടപ്പാക്കാനെടുത്ത തീരുമാനത്തിന്റെ പശ്ചാത്തലത്തില്‍ പി.എസ്.സി നിയമനങ്ങളിലെ മെറിറ്റ് അട്ടിമറിയും നിലവിലുള്ള സംവരണനയവും പരിശോധിക്കേണ്ടിയിരിക്കുന്നു. സര്‍ക്കാര്‍-അര്‍ധ സര്‍ക്കാര്‍ സ്ഥാപനങ്ങളിലെ നിയമനങ്ങളില്‍ സംവരണം പാലിക്കേണ്ടത് എങ്ങനെയെന്ന് നിര്‍ദ്ദേശിക്കുന്നത് 1958 ലെ കേരളാസ്റ്റേറ്റ് സര്‍വീസ് റൂള്‍സ് (കെ.എസ്.ആന്റ് എസ്.എസ്.ആര്‍) രണ്ടാം ഭാഗം (ജനറല്‍ റൂള്‍സ്) 14 മുതല്‍ 17 വരെയുള്ള ചട്ടങ്ങളാണ്. നിയമത്തിലെ 14 (എ) എന്നത് ഒഴിവുകള്‍ എത്ര റിപ്പോര്‍ട്ട് ചെയ്താലും നിയമനത്തിന്റെ യൂണിറ്റ് 20 ആയിരിക്കണമെന്നും 14(ബി) പ്രകാരം അതില്‍ രണ്ടെണ്ണം പട്ടികജാതി-പട്ടികവര്‍ഗക്കാര്‍ക്കും എട്ടെണ്ണം മറ്റ് പിന്നാക്ക ജാതിക്കാര്‍ക്കും ബാക്കി പത്തെണ്ണം മുന്നോക്ക പിന്നാക്ക സംവരണ പരിഗണനകളൊന്നും കൂടാതെ മെറിറ്റ് അടിസ്ഥാനത്തില്‍ മാത്രം (ഓപ്പണ്‍ ക്വാട്ട) നികത്തണമെന്നും അനുശാസിക്കുന്നു. ഈ നിയമം അനുസരിച്ച് സംവരണത്തിനായി മാറ്റിവെക്കേണ്ട പത്ത് ഒഴിവുകള്‍ കഴിഞ്ഞുള്ള ബാക്കി പത്ത് സീറ്റുകളിലെ നിയമനങ്ങള്‍ക്ക് സംവരണ സമുദായത്തിലെ ഉദ്യോഗാര്‍ത്ഥികള്‍ ഉള്‍പ്പെട്ടിട്ടുണ്ടെങ്കില്‍ മെറിറ്റില്‍ തന്നെ നിയമിക്കണമെന്നും ഏതെങ്കിലും സംവരണ സമുദായ ഉദ്യോഗാര്‍ത്ഥിക്ക് മെറിറ്റില്‍ നിയമനം കിട്ടിയെന്നു വെച്ച് അവര്‍ക്കായി സംവരണം ചെയ്ത സീറ്റില്‍ കുറവുവരുത്താന്‍ പാടില്ലെന്നും നിയമം അനുശാസിക്കുന്നു. ഈ രീതിയില്‍ നിയമനങ്ങള്‍ നടക്കുമ്പോള്‍ 20ന്റെ ആദ്യ യൂണിറ്റിലെ 10ല്‍ ഉള്‍പ്പെട്ട മെറിറ്റ് യോഗ്യതയുള്ള സംവരണ സമുദായ ഉദ്യോഗാര്‍ത്ഥികള്‍ ആരെങ്കിലും ഉണ്ടെങ്കില്‍ മെറിറ്റില്‍ നിയമനം ലഭിക്കും. അതിനു ശേഷം തുടര്‍ന്നു വരുന്ന 20 ന്റെ യൂണിറ്റിലെ നിയമനം മുതലാണ് മെറിറ്റ് അട്ടിമറിയുടെ ഇന്ദ്രജാലം തുടങ്ങുന്നത്. അവിടം മുതല്‍ മെറിറ്റില്‍ ഉള്‍പ്പെട്ട സംവരണ സമുദായത്തിലെ ഉദ്യോഗാര്‍ത്ഥികളെ മെറിറ്റില്‍ നിയമനം നല്‍കാതെ സംവരണ സീറ്റിലേക്ക് വലിച്ചെറിഞ്ഞ് മെറിറ്റ് സീറ്റുകളില്‍നിന്ന് പടിയടിച്ച് പുറത്താക്കുകയും അങ്ങനെ സംവരണ സമുദായക്കാര്‍ക്ക് അര്‍ഹതപെട്ട ഏതാണ്ടെല്ലാ മെറിറ്റ് സീറ്റുകളും സംവരണേതര സമുദായക്കാര്‍ക്ക് രഹസ്യമായി സംവരണം ചെയ്തിരിക്കുന്നതു പോലെയുള്ള അട്ടിമറി നടക്കുകയും ചെയ്യുന്നു. നിലവിലുള്ള റൊട്ടേഷന്‍ വ്യവസ്ഥ അത്തരത്തില്‍ രൂപപെടുത്തി വെച്ചിരിക്കുന്നതിനാലാണ് ഈ നീതി നിഷേധം നടക്കുന്നത്. ഇതുമൂലം ഒരേസമയം മെറിറ്റ് സീറ്റിലെ നിയമനം നിഷേധിക്കുകയും അര്‍ഹതപെട്ട ഒരു സംവരണ സമുദായ ഉദ്യോഗാര്‍ത്ഥിയുടെ സംവരണനിയമനം ഇല്ലാതാകുകയും ചെയ്യുന്നു. ഈ അട്ടിമറിയിലൂടെ സംവരണ സമുദായത്തിലെ ഉദ്യോഗാര്‍ത്ഥികളേക്കാള്‍ മാര്‍ക്ക് കുറഞ്ഞ സംവരണേതരര്‍ മെറിറ്റില്‍ കയറിപ്പറ്റുകയാണ് ചെയ്യുന്നത്. ഒരു തസ്തികയിലേക്ക് നൂറ് നിയമനങ്ങളുടെ ഒരു ചക്രം (റൊട്ടേഷന്‍) പൂര്‍ത്തിയായാല്‍ മാത്രമെ എല്ലാ സംവരണ സമുദായങ്ങള്‍ക്കും അനുവദിച്ച മൊത്തം 50 ശതമാനം സംവരണ സീറ്റുകള്‍ നികത്തപ്പെടുകയുള്ളു. അതായത് ഒരു റൊട്ടേഷന്‍ പൂര്‍ത്തിയാകുമ്പോഴാണ് 50 സീറ്റുകള്‍ മെറിറ്റ്കാര്‍ക്കും 50 സീറ്റുകള്‍ സംവരണകാര്‍ക്കുമായി വിതരണം ചെയ്യപ്പെടുന്നത്. ഒന്നു മുതല്‍ 100 വരെയുള്ള സീറ്റുകളില്‍ മെറിറ്റ് ടേണുകളും സംവരണ ടേണുകളും ഒന്നിടവിട്ടാണ് വരുന്നത്. അതായത് റൊട്ടേഷന്‍ ചാര്‍ട്ട് 1,3,5,7,9,11,13,15 എന്നീ ക്രമത്തിലുള്ള ഒറ്റ സംഖ്യാ നമ്പരുകാര്‍ മെറിറ്റ് ടേണുകളിലും 2,4,6,8,10,12,14 എന്നീ ക്രമത്തില്‍ വരുന്ന ഇരട്ട സംഖ്യാ നമ്പരുകള്‍ റിസര്‍വേഷന്‍ ടേണുകളിലുമാണ് പരിഗണിക്കപ്പെടുന്നത്. മെറിറ്റ് ടേണുകള്‍ നികത്തിയതിന് ശേഷമേ സംവരണ ടേണുകള്‍ നികത്തൂ, ഇതിനര്‍ത്ഥം 20 ന്റെ ഓരോ യൂണിറ്റിലും റാങ്ക് ലിസ്റ്റിലെ ആദ്യത്തെ 10 പേര്‍ക്ക് ജാതി സമുദായ പരിഗണന കൂടാതെ മെറിറ്റില്‍ സെലക്ഷന്‍ ലഭിക്കുമെന്നാണ്. എന്നാല്‍ മെറിറ്റ് സീറ്റുകളിലെ നിയമനത്തിന് പി.എസ്.സി ഈ വ്യവസ്ഥ പലപ്പോഴും പാലിക്കപ്പെടുന്നില്ല. ഇത്തരത്തിലുള്ള മെറിറ്റ് അട്ടിമറിയുടെ പ്രകടമായ ഉദാഹരണമാണ് 2013നും 2016നും ഇടയില്‍ അഡൈ്വസ് ചെയ്യപ്പെട്ട് നിയമനം നടത്തിയ അസ്സിസ്റ്റന്റ് ഡന്റല്‍ സര്‍ജന്മാരുടെ നിയമനത്തില്‍ കാണാന്‍ കഴിയുന്നത്. 63 പേരുടെ നിയമനം നടന്നപ്പോള്‍ അതിന്റെ നേര്‍പകുതി (50 ശതമാനം)യായ 32 പേരെ മെറിറ്റില്‍ നിയമിക്കേണ്ടതാണ്. എന്നാല്‍ 20,24,26 റാങ്കുകാരായ മുസ്‌ലിം ഉദ്യോഗാര്‍ത്ഥികളെ മൂന്ന് പേരേയും മെറിറ്റില്‍ നിയമിക്കാതെ സംവരണ ടേണിലാണ് നിയമിച്ചത്. ഇവരെ കൂടാതെ മെറിറ്റ് ലിസ്റ്റില്‍ 85 ാമത്തേതും ഏറ്റവും അവസാനത്തേതുമായ റാങ്കുകാരന്‍ മാത്രമാണ് മുസ്‌ലിമായി ഉണ്ടായിരുന്നത്. പി.എസ്.സി യുടെ ഈ മെറിറ്റ് അട്ടിമറിമൂലം സപ്ലിമെന്ററി ലിസ്റ്റില്‍ ഉണ്ടായിരുന്ന മൂന്ന് മുസ്‌ലിം ഉദ്യോഗാര്‍ത്ഥികളുടെ നിയമനം തടയപ്പെടുകയും ചെയ്തു. ഇത്തരം നീതി നിഷേധത്തിലൂടെ ഒരേ സമയം മൂന്ന് മെറിറ്റ് സീറ്റുകള്‍ അട്ടിമറിക്കുകയും മൂന്ന് സംവരണ നിയമനം തടയപ്പെടുകയും ചെയ്ത നീതി നിഷേധമാണ് സംഭവിച്ചത്. കേവലം 63 പേരെ നിയമിച്ചപ്പോള്‍ മുസ്‌ലിംകളെ കൂടാതെ ഈഴവ, ഒ.ബി. സി വിഭാഗങ്ങളിലെ മൂന്ന് സീറ്റുകള്‍ ഉള്‍പ്പെടെ 7 മെറിറ്റ് സീറ്റുകളാണ് അട്ടിമറിക്കപ്പെട്ടത്. ഇത്തരത്തില്‍ വിവിധ തസ്തികകളിലെ നൂറുകണക്കിന് സീറ്റുകളാണ് സംവരേണതര്‍ക്കുവേണ്ടി അട്ടിമറിക്കപ്പെടുന്നത്.
ഇത്തരം മെറിറ്റ് അട്ടിമറികളെ ശരിവെക്കുന്ന റിപ്പോര്‍ട്ടായിരുന്നു 2000 ഫെബ്രുവരി 11ന് നിയമിക്കപ്പെട്ട ജസ്റ്റിസ് കെ.കെ നരേന്ദ്രന്‍ കമ്മീഷന്‍ 2001 നവംബര്‍ 9ന് സര്‍ക്കാരിന് സമര്‍പ്പിച്ച റിപ്പോര്‍ട്ടില്‍ പറഞ്ഞത്. സംവരണ സമുദായത്തിലെ ഉദ്യോഗാര്‍ത്ഥികളുടെ 18514 തസ്തികകള്‍ നഷ്ടപ്പെട്ടിട്ടുണ്ടെന്നായിരുന്നു കമ്മീഷന്‍ കണ്ടെത്തിയിരുന്നത്. ഈ വിധത്തില്‍ സംവരണ സമുദായത്തിലെ ഉദ്യോഗാര്‍ത്ഥികള്‍ നഷ്ടം അനുഭവിച്ചുകൊണ്ടിരിക്കുമ്പോഴാണ് മുന്നോക്ക സമുദായത്തിലെ സാമ്പത്തികമായി പിന്നാക്കം നില്‍ക്കുന്നവര്‍ക്കായി 10 ശതമാനം സാമ്പത്തിക സംവരണംകൂടി നടപ്പാക്കാന്‍ സര്‍ക്കാര്‍ തീരുമാനമെടുത്തിരിക്കുന്നത്. ജനസംഖ്യയുടെ 14 ശതമാനം മാത്രം വരുന്ന സമൂഹത്തിലെ സാമ്പത്തിക പിന്നാക്കാവസ്ഥയുള്ളവരോടുമാത്രം ആര്‍ദ്രത കാണിക്കുകയും 86 ശതമാനം വരുന്ന ബഹുഭൂരിപക്ഷം ജനതയുടെ സാമ്പത്തിക പിന്നാക്കാവസ്ഥ അവഗണിക്കുകയും ചെയ്യുന്ന സര്‍ക്കാര്‍ നിലപാട് ഭരണഘടനാ വിരുദ്ധവും സത്യപ്രതിജ്ഞാലംഘനവുമാണ്.
ഭൂരിപക്ഷ നഷ്ട ഭീഷണി ഉണ്ടാകാത്ത ഭരണം ലഭിച്ചപ്പോള്‍ മാത്രമാണ് തങ്ങളുടെ ദീര്‍ഘകാല രാഷ്ട്രീയ നിലപാടായ സാമ്പത്തിക സംവരണം നടപ്പാക്കാന്‍ ഇടതു സര്‍ക്കാര്‍ തീരുമാനിച്ചത്. സാമ്പത്തിക സംവരണം പിന്നാക്കക്കാരുടെ അതിജീവനത്തെയാണ് പ്രതിരോധിക്കുന്നത്. ജനറല്‍ മെറിറ്റില്‍ വരുന്ന 50 ശതമാനം സീറ്റുകളും എസ്.സി, എസ്.ടിക്ക് അനുവദിച്ച 10 ശതമാനം സംവരണ സീറ്റുകളും ഉള്‍പ്പെടെ 60 ശതമാനം സീറ്റുകളെ ഈ തീരുമാനം ബാധിക്കില്ല (സി.പി.എമ്മിന്റെ സംവരണ നയം അതാണ്). ബാക്കി സംവരണ സമുദായങ്ങള്‍ക്കെല്ലാം കൂടി അവശേഷിക്കുന്നത് 40 ശതമാനം സീറ്റുകളാണ്. ഇതില്‍ നിന്നാണ് സാമ്പത്തിക സംവരണത്തിനായി 10 ശതമാനം തസ്തികകള്‍ കണ്ടെത്തേണ്ടത്. അപ്പോള്‍ വീണ്ടും സംവരണ സീറ്റുകളുടെ എണ്ണം 30 ശതമാനമായി കുറയും. അവിടെയാണ് ചതിക്കുഴിയുടെ ആഴം ബോധ്യപ്പെടുന്നത്. മെറിറ്റ് നിയമനത്തിന് അര്‍ഹത നേടി നിയമനം കാത്തിരിക്കുന്ന സംവരണ സമുദായത്തിലെ ഉദ്യോഗാര്‍ത്ഥിയെ സംവരണത്തിലേക്ക് മാറ്റുകയും അവിടെ വെച്ച് പിന്നാക്കത്തിലെ സാമ്പത്തിക മുന്നോക്കക്കാരന്റെ പട്ടികയില്‍ പെടുത്തി നിയമനം നിഷേധിക്കപ്പെടുകയും ചെയ്യുന്ന അതിബുദ്ധിയാണ് സംഭവിക്കാന്‍ പോകുന്നത്.