ഏതാണ്ട് പകുതിയോളം ടെക്നോളജി, ലൈഫ് സയൻസ് കമ്പനികൾക്ക് യുഎസ് ഫണ്ടിംഗ് ഉണ്ടെന്ന് കമ്പനി മുമ്പ് പറഞ്ഞിരുന്നു. ഇത് തകർച്ചയുടെ അലയൊലികളെ കുറിച്ച് പലരെയും ആശങ്കപ്പെടുത്തുന്നു.ബാങ്കിലെ മൊത്തം 173 ബില്യൺ ഡോളറിന്റെ നിക്ഷേപത്തിന്റെ 96 ശതമാനവും ഇൻഷുറൻസ് ഇല്ലാത്തതാണ്.എല്ലാ അക്കൗണ്ടുകൾക്കും അവരുടെ നിക്ഷേപങ്ങളുടെ ഇൻഷ്വർ ചെയ്ത തുകക്ക് സംരക്ഷണം ലഭിക്കും എന്നാൽ ബാക്കിയുള്ളവ ബാങ്കിന്റെ ആസ്തികളുടെ വിൽപ്പനയിൽ നിന്ന് എത്ര തുക വീണ്ടെടുക്കുന്നു എന്നതിനെ ആശ്രയിച്ചായിരിക്കും ഇരിക്കുക.

സിലിക്കൺ വലി ബാങ്കിന്റെ വീഴ്ചയുടെ യഥാർത്ഥ ഇരകൾ നിക്ഷേപകരാണ്: 10 മുതൽ 100 വരെ ജീവനക്കാരുള്ള സ്റ്റാർട്ടപ്പുകൾക്ക് ശമ്പളം നൽകാൻ കഴിയില്ല, അവർക്ക് ഉടൻ തന്നെ തൊഴിലാളികളെ ജോലിയിൽ നിന്ന് പിരിച്ചുവിടുകയോ അടച്ചുപൂട്ടുകയോ ചെയ്യേണ്ടിവരും,” പ്രശസ്ത ഇൻകുബേറ്റർ വൈയുടെ മേധാവി ഗാരി ടാൻ ട്വീറ്റ് ചെയ്തു. .

ആക്ടിവിസ്റ്റ് നിക്ഷേപകനായ ബിൽ ആക്‌മാൻ ട്വിറ്ററിൽ സമാനമായ ഒരു മുന്നറിയിപ്പാണ് നൽകിയിരിക്കുന്നത്. എസ്‌.വി‌.ബിയുടെ തകർച്ച സമ്പദ്‌വ്യവസ്ഥയുടെ സുപ്രധാന ദീർഘകാല മുന്നേറ്റത്തെ നശിപ്പിക്കും” എന്നാണ് അദ്ദേഹം പറഞ്ഞത്. വീഡിയോ പ്ലാറ്റ്‌ഫോം കാപ്‌സ്യൂളിന്റെ സഹസ്ഥാപകനായ ചാമ്പ് ബെന്നറ്റ്, കമ്പനിയുടെ ആദ്യ സീഡ് ഫണ്ടിംഗ് റൗണ്ടിൽ ഫെബ്രുവരി പകുതിയോടെ സമാഹരിച്ച 5 മില്യൺ ഡോളർ എസ്‌വിബിയിൽ സൂക്ഷിച്ചിരിക്കുകയാണെന്നും ഇപ്പോൾ ആക്‌സസ് ചെയ്യാൻ കഴിയില്ലെന്നും വെളിപ്പെടുത്തി.

സിലിക്കൺ വാലി ബാങ്ക് മറ്റു ബാങ്കുകളുമായി സാധ്യമായ ചർച്ച നടത്തിയിരുന്നുവെങ്കിലും വേണ്ടത്ര വേഗത്തിൽ പരിഹാരം കണ്ടെത്താൻ കഴിഞ്ഞിട്ടില്ലെന്നാണ് നിരവധി യുഎസ് മാധ്യമ റിപ്പോർട്ടുകൾ പറയുന്നത്. എസ്‌വിബി, സിൽവർഗേറ്റ് ബാങ്ക് എന്നീ രണ്ട് ബാങ്കുകളുടെ ബാക്ക്-ടു-ബാക്ക് പരാജയം സാമ്പത്തിക വ്യവസ്ഥയുടെ അനിശ്ചിതത്വത്തിന്റെ ഉദാഹരണമായാണ് സാമ്പത്തിക വിദഗ്ധർ വിലയിരുത്തുന്നത്.

സിലിക്കൺ വലി ബാങ്കിന്റെ തകർച്ച ഇന്ത്യയിലെ സാങ്കേതിക വിപണിയെയും ബാധിക്കുമെന്നാണ് റിപ്പോർട്ടുകൾ.അമേരിക്കയിൽ പ്രവർത്തിക്കുന്ന മലയാളി സംരഭങ്ങൾ അടക്കം മിക്ക സ്റ്റാർട്ടപ്പുകൾക്കും സിലിക്കൺ വാലി ബാങ്കിലാണ് അക്കൗണ്ടുള്ളത്.

ലോക സാമ്പത്തിക ഫോറത്തിന്റെ 2023ലെ ലോക അപകട റിപ്പോര്‍ട്ട് (വേള്‍ഡ് റിസ്‌ക് റിപ്പോര്‍ട്ട്) പുറത്തുവന്ന് ഒരു മാസം പിന്നിടുമ്പോള്‍ റിപ്പോര്‍ട്ടില്‍ സൂചിപ്പിക്കപ്പെട്ട കാര്യങ്ങള്‍ ലോകത്ത് വലിയ രീതിയില്‍ സംഭവിക്കുന്നു എന്ന് തുര്‍ക്കി, സിറിയ എന്നി രാജ്യങ്ങളില്‍ വന്‍ നാശം വിതച്ച ഭൂകമ്പം സാക്ഷ്യപ്പെടുത്തുന്നു. പ്രകൃതി ദുരന്തങ്ങളും അതിതീവ്രമായ കാലാവസ്ഥയും ലോകം നേരിടാന്‍ പോകുന്ന വലിയ പ്രശ്‌നങ്ങളാണെന്ന് റിപ്പോര്‍ട്ട് എടുത്ത് പറയുന്നു, മനുഷ്യരാശിയുടെ ഉദയത്തിനുശേഷം ആവാസവ്യവസ്ഥക്കും ജൈവസമ്പത്തിനും ഇത്രയേറെ പരിക്കുപറ്റിയ കാലഘട്ടം ലോകത്ത് ഉണ്ടായിട്ടില്ല.

ഒരു ചെറിയ ഇടപെടല്‍ കൊണ്ട് മാത്രം പരിഹരിക്കപ്പെടാന്‍ കഴിയുന്നതിലപ്പുറം ദീര്‍ഘകാല ഇടപെടലാണ് ലോക രാജ്യങ്ങളില്‍ നിന്ന് ഉണ്ടാകേണ്ടത് എന്ന് റിപ്പോര്‍ട്ട് നിര്‍ദേശിക്കുന്നു. റഷ്യ-യുക്രെയ്ന്‍ യുദ്ധം യൂറോപ്പില്‍ വലിയ രീതിയില്‍ അസമത്വം ഉണ്ടാക്കിയിട്ടുണ്ട്. എളുപ്പം മാറുന്ന പ്രശ്‌നങ്ങളല്ല ലോകത്ത് ഇന്ന് സംജാതമായിട്ടുള്ളത്, ആരോഗ്യരംഗത്തുള്ള വെല്ലുവിളികളും കാര്‍ബണ്‍ ബഹിര്‍ഗമനം ഉണ്ടാകുന്ന പാരിസ്ഥിതിക പ്രശ്‌നങ്ങളും ഭക്ഷണം ഊര്‍ജം എന്നിവക്ക് വലിയ വില നല്‍കേണ്ടി വരുന്നതും രൂക്ഷമായ പ്രശ്‌നങ്ങളാണ്. ലോകം നിലനില്‍പ്പിനു വേണ്ടി പ്രയാസപ്പെടുന്നു, ദ്രുവോന്‍മുഖമായ സാമൂഹ്യ രാഷ്ട്രീയ പ്രശ്‌നങ്ങളും ജീവിത ചെലവ് വര്‍ധനവും ലോകത്തെ പിടിച്ചു കുലുക്കുന്നു. രാജ്യങ്ങളില്‍ വളര്‍ച്ച രേഖപ്പെടുത്തുന്നുവെങ്കിലും വികസനം എല്ലാ വിഭാഗങ്ങളിലും അനുഭവവേദ്യമാകുന്നില്ല.

2023 തുടങ്ങിയപ്പോള്‍ തന്നെ പഴയകാലത്ത് രാജ്യങ്ങളെ പിടിച്ചു കുലുക്കിയ പണപ്പെരുപ്പം, ഉയര്‍ന്ന ജീവിത ചെലവ്, വ്യാപാരയുദ്ധങ്ങള്‍, മൂലധനത്തിന്റെ പുറത്തേക്കുള്ള ഒഴുക്ക്, സാമൂഹിക അസന്തുലിതാവസ്ഥ, ആണവായുധ സാധ്യത എന്നിവയെല്ലാം വിവിധ രാജ്യങ്ങളില്‍ തിരിച്ചു വന്നിരിക്കുന്നു. 30 വര്‍ഷം മുമ്പ് ആരംഭിച്ച ചര്‍ച്ചകളുടെയും യോഗങ്ങളുടെയും തീരുമാനപ്രകാരം ആഗോളതാപനില വര്‍ധന വര്‍ഷത്തില്‍ 1.5 ഡിഗ്രിയില്‍ താഴെ എത്തിക്കുക എന്നത് ദിവാസ്വപ്‌നമായി മാറി.

സാമ്പത്തിക രംഗത്ത് പുഷ്‌കലകാലം കഴിഞ്ഞിരിക്കുന്നു. ഇനിമുതല്‍ കൈപ്പേറിയ സാമ്പത്തിക ഇടനാഴിയിലൂടെയാണ് ലോകം സഞ്ചരിക്കേണ്ടി വരിക എന്ന് റിപ്പോര്‍ട്ട് മുന്നറിയിപ്പ് നല്‍കുന്നു. സാമ്പത്തിക രംഗം നിശ്ചലാവസ്ഥയിലും വ്യത്യസ്ത ദിശകളില്‍ സഞ്ചരിക്കുന്നതും ക്ലേശിപ്പിക്കുന്നതുമായിരിക്കും. ലോകത്ത് അനുദിനം വളര്‍ന്നുവരുന്ന സാങ്കേതികവിദ്യ അസമത്വത്തിന് കാരണമാകുന്നതോടൊപ്പം സൈബര്‍ സുരക്ഷ വലിയ വെല്ലുവിളിയായി മാറിക്കൊണ്ടിരിക്കുന്നു. സ്ഥിരം ജോലിക്കാര്‍ക്ക് അടക്കം എല്ലാ വിഭാഗം ജോലിക്കാരെയും പിടിച്ചു കുലുക്കുന്ന സാമ്പത്തിക രംഗത്തെ വേതാളങ്ങളുടെ തേര്‍വാഴ്ചയാണ് ലോകത്ത് നടക്കുന്നത്. വ്യക്തിഗത വിവരങ്ങള്‍ സംരക്ഷിക്കാന്‍ പൗരന്മാര്‍ പെടാപ്പാട് പെടുമ്പോള്‍ വന്‍കിട ഭീമന്മാര്‍ സാമൂഹ്യമാധ്യമങ്ങളിലൂടെ വിവരങ്ങള്‍ ചോര്‍ത്തി ഉപഭോക്താവിന്റെ മനസ്സറിഞ്ഞ് കച്ചവടം പൊടിപൊടിപ്പിക്കുന്നു.

വലിയ പാരിസ്ഥിതിക ദുരന്തങ്ങള്‍ ലോകത്ത് മനുഷ്യരാശിയെ വേട്ടയാടി കൊണ്ടിരിക്കുന്നു. നിലനില്‍പ്പിനു വേണ്ടി ഗത്യന്തരമില്ലാതെ ജനങ്ങള്‍ പ്രയാസപ്പെടുന്നു. ലോകത്ത് കഴിഞ്ഞവര്‍ഷത്തേക്കാള്‍ 35% ജനങ്ങള്‍ കടക്കെണിയിലായിരിക്കുന്നു. ഭക്ഷണത്തിനും ഊര്‍ജത്തിനും പാര്‍പ്പിടത്തിനും വേണ്ടി ജനങ്ങള്‍ ഉയര്‍ന്ന തുക നല്‍കേണ്ടി വരുന്നത് അപകട സാധ്യതയായി റിപ്പോര്‍ട്ട് കണക്കാകുന്നു. ലോകത്ത് 92 രാജ്യങ്ങളില്‍ ഇന്ധന വില വര്‍ധനവിനെതിരെ ഭരണകൂടങ്ങളെ പിടിച്ചു കുലുക്കുന്ന പ്രക്ഷോഭങ്ങള്‍ നടന്നു. സോമാലിയ, സുഡാന്‍, സൗത്ത് സുഡാന്‍, സിറിയ, ടുണീഷ്യ, ഗാന, പാകിസ്താന്‍, ഈജിപിത്, ലബനന്‍ എന്നീ രാജ്യങ്ങളില്‍ ഭക്ഷ്യ ക്ഷാമം അടക്കമുള്ള വലിയ പ്രയാസങ്ങള്‍ ജനങ്ങള്‍ നേരിടുന്നുണ്ട് എന്ന് റിപ്പോര്‍ട്ട് വ്യക്തമാക്കുന്നു. നെതര്‍ലാന്‍ഡില്‍ വെള്ളം കിട്ടാതെ ജനങ്ങള്‍ തെരുവിലിറങ്ങി. അമേരിക്കയിലും ബ്രസീലിലും വലിയ രീതിയില്‍ സൂക്ഷ്മജീവികള്‍ അപ്രത്യക്ഷമാകുന്നു. സേവനമേഖലയില്‍ ഭക്ഷ്യവിതരണ ശൃംഖല 34 രാജ്യങ്ങളില്‍ പ്രതിസന്ധി നേരിടുന്നു. രാജ്യങ്ങള്‍ പലിശ ഉയര്‍ത്തിയതോടെ ചെറുകിട സംരംഭകര്‍ ദുരിതത്തിലായി.

അന്തരീക്ഷത്തില്‍ കാര്‍ബണ്‍ഡയോക്‌സൈഡ് , മീഥയിന്‍, നൈട്രസ് ഓക്‌സൈഡ് എന്നിവ അടിക്കടി കൂടിവരുന്നത് നാളിതുവരെ ഈ മേഖലയില്‍ നടത്തിയ പ്രവര്‍ത്തനങ്ങള്‍ വിജയത്തിലേക്ക് എത്തിയിട്ടില്ല എന്നതിന്റെ തെളിവാണ്.
ആരോഗ്യരംഗം വലിയ രീതിയില്‍ വെല്ലുവിളി നേരിടുന്നു. 2030നുള്ളില്‍ 15 ദശലക്ഷം ആരോഗ്യ പ്രവര്‍ത്തകരുടെ കുറവ് ലോകത്തുണ്ടാകും. അമേരിക്ക ആഭ്യന്തര ഉല്‍പാദനത്തിന്റെ 20% ആരോഗ്യ രംഗത്ത് ചെലവ് ചെയ്യുന്നുണ്ടെങ്കില്‍ ഇന്ത്യ 2.5% മാത്രമാണ് ചെലവിടുന്നത്.

ലോകത്ത് ആയുധ കച്ചവടം തകൃതിയായി നടക്കുന്നു, ആയുധ കച്ചവടത്തിന്റെ 80% നടത്തുന്നത് അമേരിക്കയും യൂറോപ്പിലെ വിവിധ രാജ്യങ്ങളുമാണ്. കടത്തിന്റെ വളര്‍ച്ച 112 %ആയി വര്‍ധിച്ചിരിക്കുന്നു. കടബാധ്യത കാരണം ശ്രീലങ്ക, എല്‍സാല്‍വഡോര്‍ , പാകിസ്താന്‍, ഈജിപ്ത്, ലെബനോന്‍ എന്നീ രാജ്യങ്ങളില്‍ വലിയ പ്രശ്‌നങ്ങളാണ് ഉണ്ടായിട്ടുള്ളത്.

ഇന്ത്യയില്‍ ഡിജിറ്റല്‍ വിഭജനം, സാമൂഹ്യ രാഷ്ട്രീയ പ്രശ്‌നങ്ങള്‍, വിഭവങ്ങളുടെ അപര്യാപ്തത, ഉയര്‍ന്ന ജീവിത ചെലവ്, കടക്കെണിയിലാകുന്ന സാഹചര്യം, പ്രകൃതിദുരന്തങ്ങള്‍, അതിതീവ്ര കാലാവസ്ഥ എന്നിങ്ങനെ വലിയ പ്രശ്‌നങ്ങള്‍ അപകട സാധ്യതയായി നിലനില്‍ക്കുന്നു എന്ന് റിപ്പോര്‍ട്ട് സൂചിപ്പിക്കുന്നു. നിര്‍ബന്ധിതമായി സ്വന്തം രാജ്യങ്ങളില്‍ നിന്ന് പലായനം ചെയ്യേണ്ടി വരുന്ന ജനങ്ങളുടെ അവസ്ഥയും റിപ്പോര്‍ട്ടിലുണ്ട്.

പ്രകൃതി വിഭവങ്ങളുടെ അനിയന്ത്രിതമായ ചൂഷണം ജനങ്ങള്‍ക്ക് വിഭവങ്ങള്‍ ലഭ്യമാകാത്ത അവസ്ഥ സംജാതമാകുന്നു. വെള്ളം, ലോഹങ്ങള്‍, ധാതുക്കള്‍ എന്നിവ ഭൂമിയില്‍ കുറഞ്ഞു വരുന്നതായി റിപ്പോര്‍ട്ട് സൂചിപ്പിക്കുന്നു. ലോകത്ത് അനിയന്ത്രിതമായി ഉപയോഗപ്പെടുന്ന ഇന്റര്‍നെറ്റ് അന്തരീക്ഷത്തില്‍ 3.8%കാര്‍ബണ്‍ ഡൈ ഓക്‌സൈഡ് ആണ് നിലവില്‍ പുറത്ത് വിടുന്നത്. വൈദ്യുതി ഉപയോഗം മൂലമുള്ള കാര്‍ബണ്‍ഡയോക്‌സൈഡ് 7% ആണ്. അനിയന്ത്രിതമായ ഇലക്ട്രോണിക് ഉപകരണങ്ങളുടെ ഉപഭോഗം ലോകത്ത് വലിയ വെല്ലുവിളി ഉണ്ടാക്കുന്നു എന്ന് റിപ്പോര്‍ട്ട് ചൂണ്ടിക്കാണിക്കുന്നു നിലവില്‍ ഉപയോഗിക്കുന്ന ഇലക്ട്രോണിക് ഉപകരണങ്ങളുടെ 17.3% മാത്രമാണ് പുനചക്രമണം ചെയ്യുന്നത് ബാക്കി മുഴുവനും കുഴിച്ചുമൂടുകയാണ്.

ലോകത്ത് 345 ദശലക്ഷം ജനങ്ങള്‍ 82 രാജ്യങ്ങളിലായി വലിയ രീതിയില്‍ കടുത്ത ഭക്ഷ്യ ക്ഷാമം നേരിടുന്നു എന്ന് റിപ്പോര്‍ട്ട് വ്യക്തമാക്കുന്നു. മനുഷ്യാവകാശത്തിന്റെ ആഗോള പ്രഖ്യാപനം നടത്തിയതിന്റെ 75ാം വാര്‍ഷികം ആഘോഷിക്കുന്ന ലോകത്ത് വാക്‌സിന്‍ വിതരണം അടക്കമുള്ള കാര്യത്തില്‍ ഉണ്ടായ രാജ്യങ്ങള്‍ തമ്മിലുള്ള വിവേചനങ്ങള്‍ ഭാവിയിലും തുടര്‍കഥയാകുമെന്ന് റിപ്പോര്‍ട്ട് വായിച്ചാല്‍ മനസ്സിലാകുന്നതാണ്.

2023-24ല്‍ രാജ്യം 6.5 ശതമാനം വളര്‍ച്ച നേടും. മുന്‍ വര്‍ഷം 8.7 ശതമാനമായിരുന്നു വളര്‍ച്ചാ നിരക്ക്. ലോകത്തെ മറ്റെല്ലാ രാജ്യങ്ങളെയും പോലെ ഇന്ത്യയും കടുത്ത വെല്ലുവിളികളെയാണ് നേരിട്ടുകൊണ്ടിരിക്കുന്നത്. സര്‍വേ പറയുന്നു.

മഹാമാരിയുടെ ആഘാതത്തില്‍നിന്ന് ഇന്ത്യന്‍ സമ്പദ് വ്യവസ്ഥ മുക്തമായത് മറ്റിടങ്ങളെ അപേക്ഷിച്ച് വേഗത്തിലായിരുന്നു. ആഭ്യന്തരമായി ഡിമാന്‍ഡ് കൂടിയത് ഇന്ത്യയുടെ വളര്‍ച്ചാ നിരക്കിനെ ത്വരിതപ്പെടുത്തിയെന്ന് റിപ്പോര്‍ട്ട് വിലയിരുത്തി. ആഗോളതലത്തില്‍ ചരക്കു വില ഉയര്‍ന്നു നില്‍ക്കുന്നതില്‍ കറന്റ് അക്കൗണ്ട് കമ്മി കൂടാനിടയുണ്ട്. അങ്ങനെ വന്നാല്‍ രൂപയുടെ മൂല്യം ഇടിയുമെന്നും സര്‍വേ മുന്നറിയിപ്പു നല്‍കുന്നു. എങ്കിലും സ്ഥിതിഗതികള്‍ നിയന്ത്രിക്കാവുന്ന തരത്തിലാണെന്ന് സര്‍വേ പറഞ്ഞു.

2022 ജൂണ്‍ വരെയുള്ള കാലയളവില്‍ സര്‍ക്കാരിന് ലഭിക്കേണ്ട ചരക്ക് സേവന നികുതി നഷ്ടപരിഹാരത്തിലെ കുടിശിക മാത്രം ഏകദേശം 750 കോടിക്ക് മുകളില്‍ വരും. കഴിഞ്ഞ സാമ്പത്തിക വര്‍ഷത്തെ അപേക്ഷിച്ച് റവന്യൂ കമ്മി ഗ്രാന്റില്‍ നടപ്പ് സാമ്പത്തിക വര്‍ഷം 6,716 കോടി രൂപയുടെ കുറവുണ്ടായി.

നികുതി പിരിവ് ഊര്‍ജ്ജിതപ്പെടുത്തിയും അനാവശ്യ ചെലവുകള്‍ ഒഴിവാക്കിയും ചെലവുകളില്‍ മിതത്വം പാലിച്ചും സാമ്പത്തിക അച്ചടക്കത്തിന്റെ അടിസ്ഥാന തത്വങ്ങളില്‍ ഊന്നിയുളള നടപടികളിലൂടെ നിലവിലെ സാമ്പത്തിക പ്രതിസന്ധി തരണം ചെയ്യുവാനാണ് സര്‍ക്കാര്‍ ശ്രമിക്കുന്നതെന്ന് തിരുവഞ്ചൂര്‍ രാധാകൃഷ്ണന്‍, എം.വിന്‍സന്റെ്, ടി.ജെ വിനോദ്, സനീഷ് കുമാര്‍ ജോസഫ് എന്നിവര്‍ക്ക് മന്ത്രി മറുപടി നല്‍കി. എന്നാല്‍ സംസ്ഥാനത്ത് അനാവശ്യ ചെലവുകള്‍ അധികരിക്കുകയാണെന്ന വിമര്‍ശനം ഉയരുന്നുണ്ട്.

ആഗോളമാന്ദ്യം ചൂണ്ടിക്കാട്ടി രാജ്യത്തെ സാമ്പത്തികക്കുഴപ്പം ന്യായീകരിക്കാനാണ് സര്‍ക്കാര്‍ ശ്രമിക്കുന്നത്.കഴിഞ്ഞ വര്‍ഷം തുടക്കത്തില്‍ പ്രതീക്ഷാജനകമായിരുന്നെങ്കിലും രണ്ടാം പാദത്തില്‍ സ്ഥിതി മോശമായി. തുടര്‍ന്ന് എല്ലാ മേഖലകളും താഴോട്ടുപോയി.

നടപ്പുവര്‍ഷം ജനങ്ങളുടെ വാങ്ങല്‍ ശേഷിയും സ്വകാര്യനിക്ഷേപവും വര്‍ധിപ്പിക്കാന്‍ സര്‍ക്കാര്‍ മുന്‍ഗണന നല്‍കണം. അടിസ്ഥാനസൗകര്യ വികസന മേഖലയില്‍ മുതല്‍മുടക്ക് വര്‍ധിപ്പിക്കുകയും ബാങ്കിങ്ബാങ്കിങ് ഇതര ധനകാര്യസ്ഥാപനങ്ങളുടെ കരുത്ത് വീണ്ടെടുക്കുകയും വേണം.

രാജ്യത്തെ കറന്‍സിയുടെ എണ്ണവും മൂല്യവും 201819ല്‍ വര്‍ധിച്ചു. മൂല്യം 17 ശതമാനം വര്‍ധിച്ച് 21.11 ലക്ഷം കോടി രൂപയായി. എണ്ണം 10875.90 കോടിയായി. ഡിജിറ്റല്‍ പണമിടപാടിനെക്കുറിച്ചുള്ള സര്‍ക്കാര്‍ അവകാശവാദവും ശരിയല്ലെന്ന് ഇതില്‍നിന്ന് വ്യക്തമാണ്.

500, 1000 രൂപാ നോട്ടുകള്‍ നിരോധിച്ചിരുന്ന സമയത്ത് 60,000-ലധികം പേര്‍ അസ്വാഭാവികമായ പണ ഇടപാടുകളും വസ്തു വില്‍പ്പനയും നടത്തിയതായി തെളിഞ്ഞിട്ടുണ്ടെന്ന് ആദായനികുതി വകുപ്പ് പറയുന്നു. ഈ വര്‍ഷം ജനുവരി 31-നാരംഭിച്ച ഒന്നാം ഘട്ട ഓപറേഷനില്‍ 17.92 ലക്ഷം പേരിലാണ് അന്വേഷണം നടത്തിയത്. ഇതില്‍ 9.48 ലക്ഷം പേര്‍ പ്രതികരിച്ചു.

പണമില്ലാത്തതല്ല, ആവശ്യത്തിന് കാര്‍ഡുകളില്ലാത്തതാണ് മിക്കവരുടെയും കുഴപ്പമെന്നും ഇത് പരിഹരിക്കാനാണ് പുതിയ നീക്കമെന്നും ജാസുജ അവകാശപ്പെട്ടു. മൂന്നു മാസത്തിനുള്ളില്‍ പുതിയ തരം ക്രെഡിറ്റ് കാര്‍ഡുകള്‍ പുറത്തിറക്കും. നേരത്തെ പ്രതിവര്‍ഷം ഒരു ലക്ഷം വരെ കാര്‍ഡുകള്‍ വിതരണം ചെയ്യാനായിരുന്നു പദ്ധതി. എന്നാല്‍, നോട്ട് പിന്‍വലിച്ചതിനെ തുടര്‍ന്ന് ഇതില്‍ 20 മുതല്‍ 25 ശതമാനം വരെ വര്‍ധനവ് ഉണ്ടാകുമെന്നാണ് കരുതുന്നത്.

ക്രെഡിറ്റ് കാര്‍ഡ് എടുക്കുന്നതിനുള്ള നടപടി ക്രമങ്ങള്‍ എളുപ്പമാക്കാനും വരുമാന പരിധി കുറക്കാനും പദ്ധതിയുണ്ട്. ജന്‍ധന്‍ അക്കൗണ്ട് ഉള്ളവര്‍ക്കും എസ്.ബി.ഐ ക്രെഡിറ്റ് കാര്‍ഡിന് യോഗ്യതയുണ്ടാവും. കാര്‍ഡ് എടുക്കാന്‍ താല്‍പര്യമുള്ളവരെ സഹായിക്കാന്‍ മാര്‍ക്കറ്റുകളിലും മാളുകൡും എസ്.ബി.ഐ പ്രതിനിധികളെയും താല്‍ക്കാലിക ഔട്ട്‌ലെറ്റുകളെയും നിയോഗിക്കും.

നോട്ട് പിന്‍വലിക്കലിനെ തുടര്‍ന്ന് രാജ്യത്ത് കാര്‍ഡ് സംസ്‌കാരം വ്യാപകമാകുമെന്നും നിലവില്‍ പണം നല്‍കി വിപണനം നടത്തുന്നവര്‍ 90 ശതമാനവും കാര്‍ഡിലേക്ക് ചേക്കേറുമെന്നും ജാസുജ പറഞ്ഞു.

ഹോ, 500 ൻറെയും 1000 ത്തിൻറെയും നോട്ടുകൾ നിരോധിച്ചതോടെ ഫേസ്ബുക് ഫീഡ് മുഴുവൻ ഹരിശ്ചന്ദ്രൻമ്മാരെ കൊണ്ട് നിറഞ്ഞു. ഫേസ്ബുക് ഒരു രാജ്യമായി പ്രഖ്യാപിച്ചാൽ എല്ലാവരും മോഡൽ പൌരൻമ്മാർ. ഈ ബ്ലാക് മണി എന്ന് പറഞ്ഞാൽ ആരുടെയൊ കട്ടിലിനടിയിൽ ഇരിക്കുന്ന കെട്ട് കണക്ക് നോട്ടാണെന്ന് ഒരു ധാരണ എല്ലാവർക്കും ഉണ്ടെന്ന് തോന്നുന്നു. അങ്ങനെ ഉണ്ടെങ്കിൽ അത് ബ്ലാക് മണിയുടെ ഒരു ചെറിയ ശതമാനമേ ഉള്ളു. ഭൂരിപക്ഷം ബ്ലാക് മണിയും നിങ്ങളുടെ കണ്മുന്നിൽ തന്നെ കിടപ്പുണ്ട്. നിങ്ങളുടെ വീട് !!! (ഫ്ലാറ്റ്/വില്ല ആണെങ്കിൽ ഉറപ്പിച്ചൊ)

രഞ്ജിത് മാമ്പിള്ളി

നിങ്ങൾ സ്ഥലം വാങ്ങിക്കുകയൊ വിൽക്കുകയൊ ചെയ്തപ്പോൾ വിൽപ്പന നികുതി കുറയ്‌‌ക്കാൻ സ്ഥലത്തിനു മുടക്കിയ കാശ് കാണിച്ചിരുന്നൊ ?. എന്നാൽ നിങ്ങളും ബ്ലാക് മാർക്കെറ്റിൽ കാശിറക്കിയവനൊ, കാശു വാരിയവനൊ ആണ്. വീട് പണിക്ക് സാധനം വാങ്ങുമ്പൊൾ ബില്ലടിക്കാതെ സാധനം വാങ്ങിയിട്ടുണ്ടൊ ?. നിങ്ങളും ബ്ലാക് മണിയിലേയ്‌‌ക്ക് ഡൊണേറ്റ് ചെയ്തിട്ടുണ്ട്.

അപ്പൊ ഹരിശ്ചന്ദ്രൻറെ വേഷം കെട്ടുമ്പോൾ ഒരു സ്വയം വിലയിരുത്തൽ നല്ലതാണ്. !

ഇൻഡ്യയിൽ ബ്ലാക് മണി കിടന്ന് കളിക്കുന്ന മൂന്ന് ബിസ്സിനസ്സുകളാണ്. ഒന്ന് റിയൽ എസ്‌‌റ്റേറ്റ്, രണ്ട് സ്വർണ്ണം, മൂന്ന് സിനിമ വ്യവസായം. ബ്ലാക് മണി വെളുപ്പിച്ചെടുക്കാൻ ഏറ്റവും എളുപ്പ മാർഗ്ഗം ഇത് മൂന്നുമാണ്. നിർഭാഗ്യവശാൽ കണ്‌‌സ്യൂമർ മാർക്കെറ്റ് മൊത്തം ഈ ബിസ്സിനസ്സുകളെ ആശ്രയിച്ചാണിരിക്കുന്നത്.

ഒരു റിയൽ എസ്‌‌റ്റേറ്റ് ക്രയവിക്രയം അനലൈസ് ചെയ്താൽ ഈ പ്രശ്നത്തിൻറെ വ്യാപ്തി മനസ്സിലാവും. ഏതോ ഒരു ബ്രോക്കർ കാണിച്ചു തന്ന സ്ഥലം നിങ്ങൾ വാങ്ങുന്നു. സ്‌‌റ്റാമ്പ് ഡ്യുട്ടി ലാഭിക്കാനായി ഗവണ്മെൻറ് നിഷ്കർഷിക്കുന്ന റേറ്റാണ് ആധാരത്തിൽ കാണിക്കുക. ബാക്കി ബ്ലാക് മണി. പൈസ അടിച്ച ബ്രോക്കറും, വിൽപ്പന നടത്തിയ ഉടമയും കാശും കൊണ്ട് ഓടുന്നത് സ്വർണ്ണക്കടയിലേയ്‌‌ക്കാണ്. നാലഞ്ച് ലക്ഷത്തിനു ബിസ്‌‌കറ്റ് വാങ്ങുന്നു ഏതെങ്കിലും ബാങ്കിൻറെ ലോക്കറിൽ സൂക്ഷിക്കുന്നു. അഞ്ചും പത്തും ലക്ഷവും അതു പോലെ കെട്ടി കട്ടിലിനടിയിൽ വെയ്‌‌ക്കുന്ന പരിപാടി ഒക്കെ പണ്ടായിരുന്നു.

ഉണ്ടാകാൻ പോകുന്ന പ്രശ്നം റിയൽ എസ്‌‌റ്റേറ്റ് വില പകുതിയായി ഇടിയും. ബ്ലാക് മണി ഇറക്കാൻ സാധിക്കാത്തതിനാൽ ഇവരൊക്കെ മുടക്കിയ കാശിനു സ്‌‌റ്റാമ്പ് ഡ്യുട്ടി എടുക്കണ്ടി വരും. അതായത് വില കൂട്ടി വാങ്ങാനൊ, വിൽക്കാനൊ ആളില്ലാതായി വരും. അതിനർത്ഥം ഇന്ന് ബാംഗ്ലൂരിലും, ബോംബെയിലും, മദ്രാസ്സിലും, കൊച്ചീലുമൊക്കെ കോടി കണക്കിന് രൂപ മുടക്കി വാങ്ങിയ അപ്പാർട്ട്‌‌മെൻറുകൾക്ക് വില താനെ കുറയും. ചുരുക്കി പറഞ്ഞാൽ കള്ള പ്പണം അപ്രത്യക്ഷമാകുന്നതോടെ കള്ളപ്പണം മുടക്കി വാങ്ങിയ വീടിൻറെ മൂല്യമാണ് ആദ്യം ഇടിയാൻ പോകുന്നത്. റിയൽ എസ്‌‌റ്റേറ്റ് ബിസ്സിനസ്സുകൾ നടക്കാതാകുമ്പോൾ സ്വർണ്ണത്തിനു വിലയും കുറയും. (ഇതിൻറെ പ്രതിഫലനം ഇൻറർനാഷണൽ മാർക്കെറ്റിലും വ്യാപിക്കും). സേഫ് ഡെപ്പോസിറ്റിലിരിക്കുന്ന സ്വർണ്ണ ബിസ്കറ്റുകൾക്കും വില കുറയുമെന്നും ചുരുക്കം.

ബ്ലാക് മാർക്കെറ്റ് അപ്രത്യക്ഷമാകുന്നതോടെ, (മൊത്തമായി അപ്രത്യക്ഷമാകും എന്ന് വിശ്വസിക്കുന്നില്ല), അവിശ്യ സാധനങ്ങളുടെ വില കൂടും. അരിയും പച്ചക്കറിക്കും എല്ലാം വില കൂടും.

ചുരുക്കി പറഞ്ഞാൽ കുറച്ചു കാലത്തേയ്‌‌ക്കെങ്കിലും മധ്യവർഗ്ഗത്തിൻറെ വയറ്റത്തടിക്കുന്ന പരിപാടിയായി പോയി.. വലിയ കള്ളപ്പണക്കാർ, അതായത് വിക്കിലീക്സിൽ പേരു വന്നാൽ നാലു പേർ അറിയുന്ന തരം കള്ളപ്പണക്കാർ കാശു സൂക്ഷിക്കുന്നത് കട്ടിലിനടിയിലല്ല. അതൊക്കെ ഡോളറുകളിലേയ്‌‌ക്ക് മാറ്റി കാൻമാനിലും, സെൻറ് കീറ്റ്സിലും ഒക്കെ എത്തിച്ചിട്ടുണ്ടാവും. അവരെ ഒന്നും ഈ തീരുമാനം കൊണ്ട് ഒരു ചുക്കും ചെയ്യാൻ കഴിയില്ല.

എന്നിരുന്നാലും ലോങ് റണ്ണിൽ ഈ തീരുമാനം ഗുണം ചെയ്യും. ഒരു പ്രൈമറി സ്കൂൾ അദ്ധ്യാപകന് പണം മുടക്കി സ്ഥലം വാങ്ങി വീട് പണിയാൻ സാധിക്കുന്നില്ലെങ്കിൽ ആ ഇക്കണോമി സസ്റ്റൈനബിൾ അല്ല. ആ അവസ്ഥ മാറും. ഒരു ചെറിയ ടൈം പിരീഡിലേയ്‌‌ക്ക് വളരെ അധികം പേർക്ക് ചില അസൌകര്യങ്ങൾ നേരിടണ്ടി വരും. അതെത്ര കാലം നിൽ നിൽക്കുമെന്ന് പറയാൻ പറ്റില്ല. ഈ ലോങ് റണ് എന്നത് എന്നു തുടങ്ങുമെന്നും പറയാൻ സാധിക്കില്ല. അതിനൊരു പ്ലാൻ ഈ തീരുമാനത്തിനു പുറകിലുള്ളവർക്കുണ്ടാകുമെന്ന് പ്രതീക്ഷിക്കുന്നു.