രവീന്ദ്ര ജഡേജയുടെ സ്പിന്‍ മാജിക്കാണ് ദക്ഷിണാഫ്രിക്കയുടെ തകര്‍ച്ചയ്ക്കു കാരണം. നാല് വിക്കറ്റ് സ്വന്തമാക്കിയ ജഡേജ ഇന്ത്യയെ മത്സരത്തില്‍ ശക്തമായ സ്ഥാനത്തേക്ക് നയിച്ചു. ക്യാപ്റ്റന്‍ ടെംബ ബാവുമ 29 റണ്‍സുമായി, കോര്‍ബിന്‍ ബോഷ് 1 റണ്‍സോടെ ക്രീസില്‍ തുടരുന്നു.

മത്സരത്തിന്റെ തുടക്കത്തില്‍ ടോസ് നേടി ബാറ്റിംഗ് തെരഞ്ഞെടുത്ത ദക്ഷിണാഫ്രിക്കയെ ഇന്ത്യ 159 റണ്‍സിന് പുറത്താക്കിയിരുന്നു. അഞ്ചു വിക്കറ്റ് വീഴ്ത്തിയ ജസ്പ്രീത് ബുംറ ഇന്ത്യയുടെ ബൗളിംഗ് നിരയെ നയിച്ചു. മുഹമ്മദ് സിറാജും കുല്‍ദീപ് യാദവും രണ്ട് വീതം വിക്കറ്റ് നേടി. 48 പന്തില്‍ 31 റണ്‍സ് നേടിയ ഐഡന്‍ മാര്‍ക്രമാണ് ദക്ഷിണാഫ്രിക്കയുടെ ആദ്യ ഇന്നിങ്‌സിലെ ടോപ് സ്‌കോറര്‍.

മത്സരത്തിന് ടോസ് ഇടുന്നതോടെ ഒരു പുതിയ ചരിത്രവും പിറക്കും. ഈ ടെസ്റ്റില്‍ ഉപയോഗിക്കുന്ന ടോസ് നാണയത്തില്‍ മഹാത്മാ ഗാന്ധിയുടെയും നെല്‍സണ്‍ മണ്ഡേലയുടെയും മുഖച്ഛായകളാണ് അച്ചടിച്ചിരിക്കുന്നത്. ഇരുരാഷ്ട്രങ്ങളുടെയും മഹാനേതാക്കള്‍ക്ക് ആദരവായി ബി.സി.സി.ഐയും ക്രിക്കറ്റ് സൗത്ത് ആഫ്രിക്കയും സംയുക്തമായാണ് ഈ പ്രത്യേക നാണയം പുറത്തിറക്കുന്നത്.

ശുഭ്മന്‍ ഗില്ലിന്റെ നേതൃത്വത്തിലുള്ള ഇന്ത്യന്‍ ടീം ഇതിനകം ഈഡനില്‍ പരിശീലനം ആരംഭിച്ചു. പിച്ച് ആദ്യ രണ്ട് ദിവസങ്ങളില്‍ ഫാസ്റ്റ് ബൗളര്‍മാര്‍ക്ക് അനുകൂലമായിരിക്കുമെന്നാണ് ക്യൂറേറ്റര്‍മാരുടെ വിലയിരുത്തല്‍. തുടര്‍ന്ന് സ്പിന്നര്‍മാര്‍ക്ക് സഹായകരമാകുന്ന തരത്തില്‍ പിച്ച് സ്വഭാവം മാറാനിടയുണ്ട്.

സീരിസിലെ രണ്ടാം ടെസ്റ്റ് നവംബര്‍ 22 മുതല്‍ 26 വരെ അസാമിന്റെ തലസ്ഥാനമായ ഗുവാഹത്തിയിലാണ് നടക്കുക. ഇതാദ്യമായാണ് ഗുവാഹത്തി ടെസ്റ്റ് ക്രിക്കറ്റ് വേദിയായി മാറുന്നത്.

ഇന്ത്യന്‍ ടീം ദക്ഷിണാഫ്രിക്കയ്ക്കെതിരെ, ശുഭ്മന്‍ ഗില്‍ (ക്യാപ്റ്റന്‍), റിഷഭ് പന്ത് (വൈസ് ക്യാപ്റ്റന്‍ & വിക്കറ്റ് കീപ്പര്‍), യശസ്വി ജയ്സ്വാല്‍, കെ.എല്‍. രാഹുല്‍, സായി സുധര്‍ശന്‍, ദേവ്ദത്ത് പടിക്കല്‍, ധ്രുവ് ജുറേല്‍, രവീന്ദ്ര ജഡേജ, വാഷിംഗ്ടണ്‍ സുന്ദര്‍, ജസ്പ്രീത് ബുംറ, അക്ഷര്‍ പട്ടേല്‍, നിതീഷ് കുമാര്‍ റെഡ്ഡി, മുഹമ്മദ് സിറാജ്, കുല്‍ദീപ് യാദവ്, ആകാശ് ദീപ്.