EKNATH KHADSE – Chandrika Daily

ഇ.ഡിയെ വിട്ട് എന്നെ വിരട്ടാന്‍ നോക്കേണ്ട; ഞാന്‍ സിഡി പുറത്തുവിടും-ബിജെപിയെ വെല്ലുവിളിച്ച് ഖഡ്‌സെ

ചന്ദ്രിക വെബ് ഡെസ്‌ക്‌ — Sun, 25 Oct 2020 09:28:44 +0000

മുംബൈ: ബിജെപി നേതൃത്വത്തിനെതിരെ വെല്ലുവിളിയുമായി മഹാരാഷ്ട്രയില്‍ പാര്‍ട്ടി വിട്ട മുതിര്‍ന്ന നേതാവ് ഏകനാഥ് ഖഡ്‌സെ. തനിക്കെതിരെ എന്‍ഫോഴ്‌സ്‌മെന്റിനെ വിടാന്‍ ആര്‍ക്കെങ്കിലും ഭാവമുണ്ടെങ്കില്‍ അവര്‍ക്കെതിരെ രഹസ്യസ്വഭാവമുള്ള സിഡി പുറത്തുവിടുമെന്ന് അദ്ദേഹം പറഞ്ഞു.

‘ബിജെപി പ്രാദേശിക നേതൃത്വം തന്നെ ഉപദ്രവിക്കാന്‍ വിവിധ ഏജന്‍സികളെയാണ് ഉപയോഗിച്ചത്. അവര്‍ എനിക്കെതിരെ ഇ.ഡിയെ ഉപയോഗിക്കുന്നത് തുടരുകയാണെങ്കില്‍ ഞാന്‍ രഹസ്യസ്വഭാവമുള്ള സിഡി പുറത്തുവിടും. അതില്‍ ബിജെപി നേതാക്കളുടെ രഹസ്യങ്ങളുമുണ്ട’്-അദ്ദേഹം പറഞ്ഞു.

ബിജെപി വിട്ട ഖഡ്‌സെ വെള്ളിയാഴ്ചയാണ് എന്‍സിപിയില്‍ ചേര്‍ന്നത്. മഹാരാഷ്ട്ര മുന്‍ മുഖ്യമന്ത്രി ദേവേന്ദ്ര ഫഡ്‌നാവിസുമായുള്ള അഭിപ്രായ ഭിന്നതയെ തുടര്‍ന്നാണ് ഖഡ്‌സെ പാര്‍ട്ടി വിട്ടത്.

ബിജെപിക്ക് വന്‍ തിരിച്ചടി; മുതിര്‍ന്ന പാര്‍ട്ടി നേതാവ് ഏക്‌നാഥ് ഖട്‌സെ രാജിവച്ചു

Test User — Wed, 21 Oct 2020 08:18:44 +0000

മുംബൈ: മഹാരാഷ്ട്ര ബിജെപിയിലെ തലമുതിര്‍ന്ന നേതാവ് ഏക്‌നാഥ് ഖട്‌സെ ബിജെപിയില്‍ നിന്ന് രാജിവച്ചു. വെള്ളിയാഴ്ച ഖട്‌സെ എന്‍സിപിയില്‍ ചേരുമെന്ന് പാര്‍ട്ടി സംസ്ഥാന ഉപാധ്യക്ഷന്‍ ജയന്ത് പാട്ടീല്‍ പറഞ്ഞു. കുറച്ചു നാളുകളായി ഖാട്‌സെ എന്‍സിപിയിലെത്തുമെന്ന അഭ്യൂഹങ്ങള്‍ പ്രചരിക്കുന്നുണ്ട്.

ഈയിടെ പുനഃസംഘടിപ്പിച്ച പാര്‍ട്ടി നിര്‍വാഹക സമിതിയിലേക്ക് തന്നെ പരിഗണിക്കാത്തതില്‍ ഖട്‌സെയ്ക്ക് കടുത്ത അമര്‍ഷമുണ്ടായിരുന്നു. തന്റെ അതൃപ്തി അദ്ദേഹം നേതൃത്വത്തെ അറിയിക്കുകയും ചെയ്തിരുന്നു. പങ്കജ മുണ്ടെ, വിനോദ് താവ്‌ഡെ തുടങ്ങിയ നേതാക്കള്‍ക്കെല്ലാം പുനഃസംഘടനയില്‍ ഇടം കിട്ടിയിരുന്നു. ഇതിനു പിന്നാലെയാണ് അഭ്യൂഹങ്ങള്‍ ശക്തമായിരുന്നത്.

വടക്കന്‍ മഹാരാഷ്ട്രയില്‍ നിന്നുള്ള ശക്തനായ നേതാവാണ് ഖട്‌സെ. നേരത്തെ, കോണ്‍ഗ്രസും ശിവസേനയും അദ്ദേഹത്തെ തങ്ങളുടെ പാര്‍ട്ടികളിലേക്ക് സ്വാഗതം ചെയ്തിരുന്നു. ബിജെപി വടുന്നതുമായി ബന്ധപ്പെട്ട ഒരു ഓഡിയോ ക്ലിപ്പും ഖട്‌സേയുടേതായി പ്രചരിക്കുന്നുണ്ട്.

2019വരെ തുടര്‍ച്ചയായി ആറു തവണ മുക്തൈനഗര്‍ മണ്ഡലത്തില്‍ നിന്ന് വിജയിച്ച നേതാവാണ് ഇദ്ദേഹം. 2014ല്‍ മുഖ്യമന്ത്രി സ്ഥാനാര്‍ത്ഥി സ്ഥാനാര്‍ത്ഥിയായും ഇദ്ദേഹം പരിഗണിക്കപ്പെട്ടിരുന്നു. 2009-14 കാലയളവില്‍ പ്രതിപക്ഷ നേതാവായിരുന്നു. 1995-99 കാലയളവില്‍ ധനമന്ത്രിയായിരുന്നു.

മഹാരാഷ്ട്രയില്‍ ബിജെപിക്ക് വന്‍ തിരിച്ചടി; മുതിര്‍ന്ന നേതാവ് ഏക്‌നാഥ് ഖട്‌സെ എന്‍സിപിയിലേക്ക്

Test User — Tue, 13 Oct 2020 06:23:26 +0000

മുംബൈ: മഹാരാഷ്ട്ര ബിജെപിയിലെ മുതിര്‍ന്ന നേതാവ് ഏക്‌നാഥ് ഖാട്‌സെ എന്‍സിപിയിലേക്ക് ചേക്കേറുന്നു. ഇതുമായി ബന്ധപ്പെട്ട ഔദ്യോഗിക പ്രഖ്യാപനം വൈകാതെയുണ്ടാകുമെന്ന് ലോക്മത് ന്യൂസ് 18 റിപ്പോര്‍ട്ട് ചെയ്യുന്നു. കുറച്ചു നാളുകളായി ഖാട്‌സെ എന്‍സിപിയിലെത്തുമെന്ന അഭ്യൂഹങ്ങള്‍ പ്രചരിക്കുന്നുണ്ട്.

ഈയിടെ പുനഃസംഘടിപ്പിച്ച പാര്‍ട്ടി നിര്‍വാഹക സമിതിയിലേക്ക് തന്നെ പരിഗണിക്കാത്തതില്‍ ഖട്‌സെയ്ക്ക് കടുത്ത അമര്‍ഷമുണ്ട്. തന്റെ അതൃപ്തി അദ്ദേഹം നേതൃത്വത്തെ അറിയിക്കുകയും ചെയ്തിരുന്നു. പങ്കജ മുണ്ടെ, വിനോദ് താവ്‌ഡെ തുടങ്ങിയ നേതാക്കള്‍ക്കെല്ലാം പുനഃസംഘടനയില്‍ ഇടം കിട്ടിയിരുന്നു. ഇതിനു പിന്നാലെയാണ് അഭ്യൂഹങ്ങള്‍ ശക്തമായിരുന്നത്.