എന്നാല്‍ പിന്നാലെ എ്ട്ടാം മിനുട്ടില്‍ കൗമാര താരം അന്‍സു ഫാറ്റിയിലൂടെ ബാഴസയും ലക്ഷ്യം കണ്ടു. ആദ്യ പതിനഞ്ചു മിനുട്ട കഴിയുമ്പോള്‍ 1-1 ഗോള്‍ നിലയില്‍ മൈതാനം നിറയുകയാണ് ഇരുടീമുകളും.

മെസ്സി മനോഹരമായ ലോബ് പാസിലുടെ ജോര്‍ഡി ആല്‍ബക്കെത്തി്ച്ച പന്ത്, ആല്‍ബ ഉടനടി ഫാട്ടിക്ക് കൈമാറുകയായിരുന്നു. ഒറ്റ ടാപ്പിലൂടെ പന്ത് വലയിലെത്തിച്ച അന്‍സു ഫാറ്റി, ഇതോടെ എല്‍ക്ലാസിക്കോയിലെ ഏറ്റവും പ്രായംകുറഞ്ഞ ഗോളടിക്കാരനായി.

ചാമ്പ്യന്‍സ് ലീഗില്‍ യുക്രൈന്‍ ക്ലബ്ബ് ഷാക്തര്‍ ഡൊണെറ്റ്സ്‌കില്‍നിന്ന് അപ്രതീക്ഷിത തോല്‍വി വഴങ്ങിയതിന്റെ ക്ഷീണം മാറും മുമ്പാണ് റയല്‍ നൗകാമ്പിലെത്തുന്നത്. ബാഴ്സയാകട്ടെ ഫെറാങ്ക്വാറോസിനെതിരേ വന്‍ജയം നേടിയതിന്റെ ആത്മവിശ്വാസത്തിലും.

ലാലിഗയില്‍ ഇരുടീമുകളും മികച്ച ഫോമിലെത്തിയിട്ടില്ല. അവസാന കളിയില്‍ ഇരുടീമുകളും തോറ്റു. റയലിനെ കാഡിസ് തോല്‍പ്പിച്ചപ്പോള്‍ ബാഴ്സ ഗറ്റാഫെക്ക് മുന്നില്‍ വീണു. തുടര്‍ച്ചയായ രണ്ട് തോല്‍വികളുടെ സമ്മര്‍ദത്തിലാണ് റയല്‍ പരിശീലകന്‍ സിനദിന്‍ സിദാന്‍. ലീഗില്‍ അഞ്ച് കളിയില്‍ 10 പോയന്റുമായി റയല്‍ മൂന്നാമതാണ്. നാല് കളിയില്‍ ഏഴ് പോയന്റുള്ള ബാഴ്സ ഒമ്പതാം സ്ഥാനത്തും. സൂപ്പര്‍താരം മെസ്സിയുടെ സാന്നിധ്യമാണ് ബാഴ്സയുടെ കരുത്ത്. നായകന്‍ സെര്‍ജി റാമോസിലാണ് റയല്‍ വിശ്വാസമര്‍പ്പിക്കുന്നത്.

ഇതുവരെ 244 തവണ റയലും ബാര്‍സയും ഏറ്റുമുട്ടിയപ്പോള്‍ ഇരുടീമുകളും 96 കളികളില്‍ വീതം ജയിച്ചു. 52 എണ്ണം സമനിലയായി.

GOOOOOOOOOAL BARÇA!! HAT-TRICK LUIS SUÁREZ!! (min. 83, 4-1) #ForçaBarça #ElClásico pic.twitter.com/JiixASB1fj

— FC Barcelona (@FCBarcelona) October 28, 2018

മെസിയുടെ അഭാവത്തില്‍ ടീമിനെ നയിച്ച ലൂയിസ് സുവാരസ് ഹാട്രിക്ക് നേടിയപ്പോള്‍ മല്‍സരത്തിന്റെ പതിനൊന്നാം മിനുട്ടില്‍ ബ്രസീലുകാരന്‍ ഫിലിപ്പോ കുട്ടീന്യോയാണ് ആദ്യ വെടി പൊട്ടിച്ചത്. ആദ്യ പകുതിയില്‍ രണ്ട് ഗോളിന് ലീഡ് ചെയ്ത ബാര്‍സയെ തളക്കാന്‍ റയല്‍ കിണഞ്ഞ്പരിശ്രമിച്ചതിന്റെ ഫലമായി മാര്‍സിലോ ഒരു ഗോള്‍ മടക്കി. തൊട്ട് പിറകെ കരീം ബെന്‍സേമക്ക് സുവര്‍ണാവസരം ലഭിച്ചെങ്കിലും പാഴാക്കി. 75, 83 മിനുട്ടുകളില്‍ സുവാരസ് നിറയൊഴിച്ചപ്പോള്‍ ഹാട്രിക്ക് പിറന്നു. പിറകെ വിദാലിന്റെ അഞ്ചാമത് ഗോളും വന്നതോടെ റയല്‍ തരിപ്പണമായി.

മെസ്സി പരിക്കേറ്റ് കളം വിട്ടെങ്കിലും ക്യാമ്പ് നൗവില്‍ നടന്ന മത്സരത്തില്‍ ബാഴ്സലോണ വിജയം സ്വന്തമാക്കി. സെവിയ്യയെ രണ്ടിനെതിരെ നാലു ഗോളുകള്‍ക്കാണ് ബാര്‍സ തോല്‍പ്പിച്ചത്.
26-ാം മിനുറ്റിനിടെ മനോഹരമായ ഒരു സോളോ ഗോള്‍ നേടുകയും ഒരു ഗോളിന് വഴിയൊരുക്കുകയും ചെയ്ത ശേഷമാണ് മെസ്സി കളം വിട്ടത്. കുട്ടിന്യോ നേടിയ ഗോളിലായിരുന്നു മെസ്സിയുടെ അസിസ്റ്റ്. രണ്ടാം പകുതിയില്‍ ഒരു പെനാല്‍റ്റിയിലൂടെ സുവാരസും അവസാന മിനിറ്റില്‍ ുന്ദരമായ ഒരു വോളിയിലൂടെ റാക്കിറ്റിച്ചും ബാഴ്സയ്ക്കായി ലക്ഷ്യം കണ്ടു. സെവിയ്യക്കായി രണ്ടാം പകുതിയില്‍ സരാബിയയും മുരിയലും ഗോള്‍ നേടി. വിജയത്തോടെ 18 പോയിന്റുമായി ലീഗില്‍ ബാഴ്സ ഒന്നാമതെത്തി. 17 പോയിന്റുള്ള അലാവസാണ് രണ്ടാമത്.

അതേസമയം പരിക്കേറ്റതോടെ റയല്‍ മാഡ്രിഡിനെതിരായ എല്‍ ക്ലാസിക്കോ മത്സരവും ചാമ്പ്യന്‍സ് ലീഗില്‍ മിലാനെതിരായ മത്സരവും മെസിക്ക് നഷ്ടമാകും. ഞായറാഴ്ച്ചയാണ് റയല്‍- ബാഴ്സ എല്‍ ക്ലാസിക്കോ.

അതേസമയം ലീഗില്‍ റയല്‍മാഡ്രിഡിന് വീണ്ടും തോല്‍വി. 481 മിനിറ്റുകള്‍ക്കുശേഷം ഗോള്‍ കണ്ടെത്തിയെങ്കിലും റയല്‍ മഡ്രിഡിന് തോല്‍വി തന്നെ കൂട്ട്. സ്പാനിഷ് ലാലീഗ ഫുട്‌ബോളില്‍ റയല്‍ മഡ്രിഡിന് ഇത് മൂന്നാം തോല്‍വിയാണ്. ശനിയാഴ്ച നടന്ന മത്സരത്തില്‍ ഒന്നിനെതിരേ രണ്ടുഗോളിന് ലെവാന്റയാണ് യൂറോപ്യന്‍ ചാമ്പ്യന്‍മാരെ അട്ടിമറിച്ചത്.

പന്ത് സമീപത്തില്ലാതിരിക്കെ എതിര്‍ ടീം കളിക്കാരനെ കൈ ഉപയോഗിച്ച് പ്രഹരിച്ചു, അമിത ബലപ്രയോഗം നടത്തി എന്നീ കുറ്റങ്ങളാണ് റഫറിയുടെ മാച്ച് റിപ്പോര്‍ട്ടില്‍ റോബര്‍ട്ടോക്കെതിരെ ഉള്ളത്. ഇതിനെതിരെ ബാര്‍സ അപ്പീല്‍ നല്‍കിയിട്ടുണ്ട്. വിലക്ക് നിലനില്‍ക്കുകയാണെങ്കില്‍ സീസണിലെ അവസാന നാല് ലാലിഗ മത്സരങ്ങളിലും അടുത്ത സീസണ്‍ ആദ്യത്തിലെ സ്പാനിഷ് സൂപ്പര്‍ കപ്പ് മത്സരത്തിലും പ്രതിരോധ താരത്തിന് പുറത്തിരിക്കേണ്ടി വരും.

നാല് മത്സരത്തില്‍ വിലക്കേര്‍പ്പെടുത്തിയതോടെ താരത്തിന് സീസണില്‍ ശേഷിക്കുന്ന മത്സരങ്ങള്‍ നഷ്ടമാകും.വിയ്യാറയല്‍, ലെവന്റെ, റയല്‍ സോസിഡാഡ് എന്നിവയുമായാണ് ലാലീഗ കിരീടം ഉറപ്പിച്ച ബാര്‍സയുടെ അടുത്ത മത്സരങ്ങള്‍. താരത്തിന്റെ വിലക്ക് ക്ലബിനെ സംബന്ധിച്ചിടത്തോളം അഭിമാനത്തിനേറ്റ ക്ഷതമാണ്. എല്‍ ക്ലാസിക്കോയില്‍ റയല്‍ മാഡ്രിഡ് താരങ്ങളാണ് കൂടുതലായും അച്ചടക്ക നടപടികള്‍ നേരിടാറ്. കളിക്കളത്തിലെ മോശം പ്രവൃത്തിക്ക്് താരത്തിന് വിലക്കേര്‍പ്പെടുന്നത് ഏതു ക്ലബിനും നാണക്കേടാണ്.

അപരാജിത കുതിപ്പുമായി സ്വന്തം തട്ടമായ ന്യൂകാംപില്‍ റയല്‍ മാഡ്രിഡ് നേരിട്ട ബാര്‍സ പത്തു പേരുമായി 2-2ന് മാഡ്രിഡിനെ സമനിലയില്‍ തളക്കുകയായിരുന്നു. തുടക്കം മുതല്‍ ഒടുക്കം വരെ അത്യധികം വാശിയേറിയ മത്സരത്തില്‍ പലപ്പോഴും താരങ്ങള്‍ തമ്മില്‍ കയ്യാങ്കളിയിലെത്തി. ഇതോടെ, മത്സരത്തില്‍ ഏഴ് മഞ്ഞക്കാര്‍ഡുകളും ഒരു ചുവപ്പു കാര്‍ഡും റഫറിക്ക് പുറത്തെടുക്കേണ്ടി വന്നിരുന്നു. മത്സരത്തില്‍ സൂപ്പര്‍ താരങ്ങളായ ലയണല്‍ മെസ്സിയും ക്രിസ്റ്റിയാനോ റൊണാള്‍ഡോയും ഗോള്‍ നേടിയിരുന്നു.

കാവ്യനീതി… സമനില എന്ന പദത്തിന് അനുയോജ്യമായ മല്‍സരം. ഗോളുകളില്‍ മാത്രമല്ല സമാസമം- വേഗതയില്‍, തന്ത്രങ്ങളില്‍, ആക്രമണങ്ങളില്‍, ഫൗളുകളില്‍, നിലപാടുകളിലും തുല്യത പ്രകടമായിരുന്നു. പാരമ്പര്യം നിര്‍ണയിക്കുന്ന ആക്രമണോത്സുകത പ്രകടമായ പോരാട്ടം. എല്‍ ക്ലാസിക്കോ എന്ന വിശേഷണത്തിലെന്ന പോലെ 94 മിനുട്ട് പോരാട്ടത്തില്‍ ഒരു മിനുട്ട് പോലും വിരസമായിരുന്നില്ല. കൃസ്റ്റിയാനോയും മെസിയും തമ്മിലുള്ള പോരാട്ടത്തില്‍ നോക്കുക-രണ്ട് പേരും നേടി സുന്ദരമായ ഗോളുകള്‍. ലക്ഷ്യതയുടെ അഴകായ കൃസ്റ്റിയാനോ റൊണാള്‍ഡോ കരുത്തിനൊപ്പം നില്‍ക്കുന്ന ലാസ്റ്റ് ടൈം ടച്ചുമായി നേടിയ ഗോള്‍ അപാരമായിരുന്നെങ്കില്‍ മെസിയോ… വ്യക്തിഗത മികവിന്റെ അപ്പോസ്തലന്‍… പന്ത് കാലില്‍ കിട്ടിയാല്‍ ഇത്ര അപകടകാരിയായ മറ്റൊരാള്‍ ലോക ഫുട്‌ബോളില്‍ ഇല്ലെന്ന് തെളിയിക്കുന്ന സ്‌റ്റൈല്‍ ഗോള്‍. ഫുട്‌ബോളിലെ കാവല്‍ക്കാരില്‍ എയര്‍ ബോളുകളുടെ സഞ്ചാരത്തെ അതിവേഗം മനസ്സിലാക്കുന്ന കൈലര്‍ നവാസിന് പോലും പിടികൊടുക്കാത്ത ക്ലാസിക് ഷോട്ട് വലയുടെ മോന്തായത്തില്‍ പതിച്ചപ്പോള്‍ ആ സൗന്ദര്യത്തിന്റെ പേരായിരുന്നില്ലേ മെസി…?കൃസ്റ്റിയാനോക്ക് കരീം ബെന്‍സേമയും മെസിക്ക് ലൂയിസ് സുവാരസും തണലാണ്. കരീമിന്റെ ബ്രില്ല്യന്‍സ് എത്ര സുന്ദരമാണ്. ക്ലാസ് ടച്ച് എന്ന് പറയുന്നത് പോലെ പന്തിനെ അമ്മാനമാടുന്ന വേഗതയെ എന്ത് വിളിക്കണം… പാസുകളുടെ ആധിക്യത്തിലേക്ക് എത്ര സമയമാണ് അദ്ദേഹം പന്തുകള്‍ സമ്മാനിക്കുന്നത്. കൃസ്റ്റിയനോ നേടിയ ഗോളിലേക്ക് കരീം നല്‍കിയ പാസിനെ വിശേഷിപ്പിക്കാന്‍ വാക്കുകളില്ല. സി.ആര്‍-7 രണ്ടാം പകുതിയില്‍ ഇല്ലാതിരുന്നത് കരീമിന്റെ നിര്‍ഭാഗ്യമായിരുന്നെങ്കില്‍ ആ കുറവ് നികത്തി ബെയിലിന്റെ ഗോള്‍ ആ താരത്തിലെ പ്രതിഭയുടെ ശക്തിയായിരുന്നു. തന്ത്രങ്ങളുടെ വിശാലതയില്‍ സിദാന്‍ ലക്ഷ്യമിടുന്നത് ചാമ്പ്യന്‍സ് ലീഗാവുമ്പോള്‍ കൃസ്റ്റിയാനോയെ സംരക്ഷിക്കേണ്ടത് പരിശീലകന്റെ ഉത്തരവാദിത്വമായിരുന്നു. അവിടെ അദ്ദേഹം നല്ല പരിശീലകനായി. രോഷ പ്രകടനത്തിലും അഭിനയത്തിലും മാത്രമല്ല കൗശലത്തിലും സുവാരസിനോളം വരില്ല ആരും. എല്‍ക്ലാസിക്കോയില്‍ ഗോള്‍വേട്ട ശീലമാക്കിയ ഉറുഗ്വേക്കാരന്റെ സൂത്ര പ്രകടനത്തില്‍ പിറന്ന ഗോളും മെസിക്കായി സമര്‍പ്പിക്കുന്ന പാസുകളും സൗഹൃദത്തിന്റെ, സ്‌നേഹത്തിന്റെ സമ്പന്നമായ കാഴ്ച്ചകളായിരുന്നു.ലോകം കാല്‍പ്പന്തിനൊപ്പം, സൂപ്പര്‍ താരങ്ങള്‍ക്കൊപ്പം ആരവങ്ങളോടെ സഞ്ചരിക്കുമ്പോള്‍ ഏത് റഫറിക്കാണ് പിഴക്കാതിരിക്കുക… കളിയുടെ കാഴ്ച്ചാ ലോകത്ത് നിന്നും ഉച്ചത്തില്‍ നമുക്ക് പറയാം റഫറി അലക്‌സാണ്ടറോ ഹെര്‍ണാണ്ടസ് സമ്മര്‍ദ്ദത്തിലായിരുന്നു. പക്ഷേ അദ്ദേഹം നുവോ കാമ്പില്‍ 94 മിനുട്ട് വിസിലുമായി പറന്ന് നടന്നത് ലോക ഫുട്‌ബോളിന് നടുവിലൂടെയായിരുന്നു. തൊട്ടാലും തിരിഞ്ഞാലുമെല്ലാം വന്‍കിട താരങ്ങള്‍. സെര്‍ജിയോ റോബര്‍ട്ടോക്ക് ചുവപ്പ് വേണ്ടിയിരുന്നില്ല, മെസി നേടിയ ഗോളിലേക്ക് പന്ത് നല്‍കുന്നതിന് മുമ്പ് സുവാരസ് കൃത്യമായി ഫൗള്‍ കാണിച്ചിരുന്നു, വേണ്ടാത്ത ഫൗള്‍ മെസിയും കാട്ടി, ജെറാത്ത് ബെയില്‍ ഉംതീതിയെ ശക്തമായാണ് ചാര്‍ജ് ചെയ്തത്-ചുവപ്പ് അര്‍ഹിച്ചത്. പക്ഷേ നല്‍കിയില്ല. മാര്‍സിലോയെ പെനാല്‍ട്ടി ബോക്‌സില്‍ വെട്ടിവീഴ്ത്തിയത് നിര്‍ബന്ധ പെനാല്‍ട്ടിയായിരുന്നു. അതും നല്‍കിയില്ല. റയല്‍ നായകന്‍ റാമോസ് പലവട്ടം കളി നിയമങ്ങളെ വെല്ലുവിളിച്ചു-പക്ഷേ ഒരു മഞ്ഞയില്‍ അദ്ദേഹം രക്ഷപ്പെട്ടു…
വീറും വാശിയും അടിയും പിടിയും പിന്നെ ഗോളും ഗോള്‍ നിഷേധങ്ങളും അവസാനം സ്‌നേഹ പ്രകടനങ്ങളും വിടവാങ്ങലും-ഇതാണ് കളി… ഇതാണ് ഫുട്‌ബോള്‍-ആക്ഷന്‍ ത്രില്ലര്‍ സിനിമ പോലെ.

ഒരു വേദന ബാക്കി-സൗമ്യതയുടെ പര്യായമായി, മികവിന്റെ അലങ്കാരമായി എല്‍ ക്ലാസികോ മല്‍സരങ്ങളെ സമ്പന്നമാക്കിയ ആന്ദ്രെ ഇനിയസ്റ്റ… നായകന്റെ ആം ബാന്‍ഡ് മെസിക്ക് നല്‍കി തലയും താഴ്ത്തി നുവോ കാമ്പിലെ അലമുറകള്‍ക്കിടെ നടന്നു നീങ്ങിയ ഇനിയസ്റ്റ… ടണലില്‍ വെച്ച് അദ്ദേഹത്തെ സ്വീകരിക്കാന്‍ സൈനുദ്ദീന്‍ സിദാനുണ്ടായിരുന്നു. എല്ലാ വൈരാഗ്യവും മാറ്റി നിര്‍ത്തി സിസു ഇനിയസ്റ്റയെ ആലിംഗനം ചെയ്തു. സ്‌നേഹമാണ് ഫുട്‌ബോള്‍, ആദരമാണ് ഫുട്‌ബോള്‍, അര്‍പ്പണമാണ് ഫുട്‌ബോള്‍.

കപ്പ് സ്വന്തമാക്കിയതിന്റെ ആഹ്ലാദത്തിലാണ് ഇപ്പോഴും എല്ലാവരും. പക്ഷേ സ്വന്തം മൈതാനത്ത് അതൊന്ന് ആഘോഷമാക്കാനാണ് എല്ലാവര്‍ക്കും താല്‍പ്പര്യം. അത് റയലിനെ തോല്‍പ്പിച്ചാവുമ്പോള്‍ ആവേശം ഇരട്ടിയാവും. രണ്ട് ദിവസം മുമ്പ് ബാര്‍സ താരങ്ങളെല്ലാം കുടുംബസമേതം ആഘോഷത്തിലായിരുന്നു. ഇന്നലെ പരിശീലനത്തില്‍ എല്ലാവരും സജീവമായിരുന്നു. മെസിയും സുവാരസും കൂട്ടീന്യോയും ഉള്‍പ്പെടുന്ന മുന്‍നിരയില്‍ തന്നെയാണ് ആരാധകരുടെ പ്രതീക്ഷകള്‍.

സൈനുദ്ദീന്‍ സിദാന്റെ യൂറോപ്യന്‍ ചാമ്പ്യന്‍ സംഘം അവകാശ വാദങ്ങള്‍ക്കൊന്നും മുതിരുന്നില്ല. ലാലീഗ കിരീടം നഷ്ടമായെങ്കിലും ഇന്ന് ജയിച്ചാല്‍ ബാര്‍സയുടെ ആഘോഷം കലക്കാന്‍ കഴിയുമെന്ന് അവര്‍ക്കറിയാം. കൃസ്റ്റിയാനോ തന്നെ ടീമിന്റെ തുരുപ്പ് ചീട്ട്. ചാമ്പ്യന്‍സ് ലീഗ് സെമി ഫൈനല്‍ രണ്ടാം പാദത്തില്‍ രണ്ട് ഗോളുകള്‍ നേടിയ കരീം ബെന്‍സേമ, ജെറാത്് ബെയില്‍ എന്നിവരെയും ഇന്ന് സിദാന്‍ ആദ്യ ഇലവനില്‍ ഉള്‍പ്പെടുത്തുമെന്നാണ് കരുതുന്നത്. എല്‍ ക്ലാസിക്കോ പോരാട്ടത്തില്‍ പലപ്പോഴും സിദാന്റെ സംഘം പിറകോട്ട് പോയിട്ടുണ്ട്. ഇത്തവണ ആ കുറവ് നികത്തണമെന്ന ആവേശമുണ്ട് താരങ്ങള്‍ക്ക്.

സീസണില്‍ ഇതിനകം രണ്ട് മേജര്‍ കിരീടങ്ങള്‍ സ്വന്തമാക്കിയിരിക്കുന്നു ബാര്‍സിലോണ. കിംഗ്‌സ് കപ്പും ലാലീഗയും. റയലിനാവട്ടെ ഇത് വരം ഒന്നും ലഭിച്ചിട്ടില്ല. ചാമ്പ്യന്‍സ് ലീഗാണ് അവരുടെ നോട്ടവും പ്രതീക്ഷയും. ആ കിരീടം സ്വന്തമാക്കിയാല്‍ എല്ലാ കുറവുകളും നികത്താന്‍ കഴിയുമെന്നും അവര്‍ കരുതുന്നു.

ശനിയാഴ്ച നടന്ന എല്‍ ക്ലാസിക്കോയില്‍ ബാഴ്‌സയോടുള്ള റയലിന്റെ തോല്‍വിയില്‍ മനം നൊന്ത് ഒരു ആരാധകന്‍ സ്വന്തം വീട് ബോംബിട്ട് തകര്‍ത്ത,് ആത്മഹത്യ ചെയ്യാന്‍ ശ്രമിച്ചുവെന്നാണ് റിപ്പോര്‍ട്ടുകള്‍. റൊമാനിയന്‍ നഗരമായ അറാദിലാണ് സംഭവം. എഴുപതുകാരനായ ആരാധകന്‍ മത്സരശേഷം ശക്തിയേറിയ ഒരു തോട്ട തന്റെ വീട്ടിനകത്തെ ഓവനില്‍ കൊണ്ടിട്ട് പൊട്ടിക്കുകയായിരുന്നു. അയല്‍വാസികളുടെ സമയോചിതമായ ഇടപെടല്‍ മൂലമാണ് ഇയാളുടെ ജീവന്‍ രക്ഷിക്കാനായത്. എന്നാല്‍ സ്‌ഫോടനത്തിന്റെ ശക്തിയില്‍ വീട് മുഴുവന്‍ കത്തിനശിച്ചു.

റയലിന്റെ കനത്ത തോല്‍വിയില്‍ മനം നൊന്താണ് ആത്മഹത്യക്ക് ശ്രമിച്ചതെന്ന് ഇയാള്‍ പിന്നീട് പോലീസിനോട് പറഞ്ഞു. ശനിയാഴ്ച നടന്ന എല്‍ ക്ലാസിക്കോ മത്സരത്തില്‍ നിലവിലെ ചാമ്പ്യന്മാരായ റയല്‍ സ്വന്തം തട്ടകമായ സാന്റിയാഗോ ബെര്‍ണബ്യൂവില്‍ ബാഴ്‌സയോട് എതിരില്ലാത്ത മൂന്ന് ഗോളുകള്‍ക്കാണ് തോറ്റത്. പരാജയത്തോടെ റയലിന്റെ ലാ ലിഗ പ്രതീക്ഷകള്‍ ഏതാണ്ട് അസ്തമിച്ചു. നിലവില്‍ ഒന്നാം സ്ഥാനത്തുള്ള ബാഴ്‌സയുമായി 14 പോയിന്റ് വ്യത്യാസമുണ്ട് റയലിന്.

പരാജയ കാരണങ്ങള്‍ തേടുന്നവര്‍ പ്രധാനമായും പറയുന്നത് മെസിയും കൃസ്റ്റിയാനോയും തമ്മിലുള്ള മല്‍സരം തന്നെയാണ്. മെസി സ്വന്തം നിലവാരം കാത്തപ്പോള്‍ ഒന്നാം പകുതിയിലെ മിന്നല്‍ നീക്കങ്ങള്‍ മാറ്റി നിര്‍ത്തിയാല്‍ കൃസ്റ്റിയാനോ ദൂുര്‍ബലനായിരുന്നുവെന്നാണ് സ്പാനിഷ് പത്രങ്ങളുടെ വിലയിരുത്തല്‍. മെസിക്കും കൃസ്റ്റിയാനോക്കും മല്‍സരം നിര്‍ണായകമായിരുന്നു. മല്‍സരം നടന്ന ബെര്‍ണബുവില്‍ എന്നും മികവ് പുലര്‍ത്തിയിട്ടുണ്ട് അര്‍ജന്റീനക്കാരന്‍. പലപ്പോഴും കൃസ്റ്റിയാനോയുമായുള്ള താരതമ്യത്തില്‍ മെസിയുടെ കരുത്ത് ബെര്‍ണബുവിലെ പ്രകടനമായിരുന്നു. ശനിയാഴ്ച്ച ഉച്ചക്ക് നടന്ന മല്‍സരമായിട്ടും മെസിയുടെ ആവേശത്തിന് കുറവുണ്ടായിരുന്നില്ല. ടീമിന് അനുകൂലമായി ഒരു പെനാല്‍ട്ടി ലഭിച്ചപ്പോള്‍ മെസി അതുപയോഗപ്പെടുത്തുകയും ലാലീഗ സീസണിലെ തന്റെ ഗോള്‍ സമ്പാദ്യം ഉയര്‍ത്തുകയും ചെയ്തു. കൃസ്റ്റിയാനോ പതിവ് ഫോമില്‍ ആദ്യ പകുതിയില്‍ ഉജ്ജ്വലമായി കളിച്ചു. അദ്ദേഹത്തിന് ലഭിച്ച അവസരങ്ങള്‍ നിര്‍ഭാഗ്യ വഴിയില്‍ അകപ്പെട്ടപ്പോള്‍ ആ നിരാശ പോര്‍ച്ചുഗലുകാരന്റെ രണ്ടാം പകുതിയെ ബാധിച്ചു.

മോദ്രിച്ചിന്റെ റോള്‍

സ്പാനിഷ് ടീമുകള്‍ പണ്ട് മുതലേ 4-4-2 ശൈലിക്കാരാണ്. ബാര്‍സയും റയലുമെല്ലാം പരിശീലകരെ പലവട്ടം മാറ്റിയിട്ടും ഈ ശൈലി മാറ്റിയിരുന്നില്ല. എന്നാല്‍ പെപ് ഗുര്‍ഡിയോള ബാര്‍സയുടെ പരിശീലകനായി വന്നതിന് ശേഷമാണ് ശൈലിയില്‍ ചെറിയ മാറ്റം വന്നത്. 4-4-2 ശൈലി അദ്ദേഹമാണ് ആദ്യമായി സ്‌പെയിനില്‍ വിജയകരമായി പ്രയോഗിച്ചത്. (പെപ്പിന്റെ കാലത്താണ് ബാര്‍സ എല്ലാ കിരീടങ്ങളും സ്വന്തമാക്കിയത്) അതിന് ശേഷം സ്പാനിഷ് മുഖ്യധാരാ ക്ലബുകളെല്ലാം ഈ ശൈലിക്കൊപ്പമാണ്. ഇന്നലെ ബാര്‍സയും റയലും പ്രയോഗിച്ചത് 4-4-2 തന്നെ. നാല് മധ്യനിരക്കാരെയാണ് രണ്ട് ടീമുകളും പ്രയോഗിച്ചതെങ്കില്‍ ബാര്‍സയുടെ നാല് പേരും സ്വന്തം പൊസിഷന്‍ കാത്ത് പരമ്പരാഗതമായി കളിച്ചപ്പോള്‍ റയല്‍ മധ്യനിരയില്‍ ലുക്കാ മോദ്രിച്ച് എന്ന പത്താം നമ്പറുകാരന് സ്‌പെഷ്യല്‍ റോളായിരുന്നു. മുന്‍നിരക്കാരായ കൃസ്റ്റിയാനോയും കരീം ബെന്‍സേമയും ഓടിക്കയറുമ്പോള്‍ അവര്‍ക്കൊപ്പം മുന്‍നിരക്കാരന്റെ റോള്‍ വഹിക്കണം. ഈ റോള്‍ പക്ഷേ മോദ്രിച്ചിന് ഫലപ്രദമായി ഉപയോഗപ്പെടുത്താനായില്ല. കാരണം പലപ്പോഴും അദ്ദേഹം ഇറങ്ങി കളിക്കുന്ന താരമാണ്. മോദ്രിച്ച് മുന്നേറി കളിക്കുമ്പോള്‍ മധ്യനിരയില്‍ പലപ്പോഴും അദ്ദേഹത്തിന്റെ അസാന്നിദ്ധ്യമുണ്ടായി. പിന്‍നിരയിലും അദ്ദേഹത്തിന് ഇറങ്ങി കളിക്കാന്‍ കഴിയാതെ വന്നു. മോദ്രിച്ച് ഇല്ലാതെ വന്നതും പലപ്പോഴും മെസിക്കും സുവാരസിനും കാര്യങ്ങള്‍ എളുപ്പമാക്കി.

പ്രതിരോധത്തിലും മുന്‍നിരക്കാര്‍

റയലിന്റെ പ്രതിരോധം ശക്തമാണ്. പക്ഷേ ഡാനി കാര്‍വജാലും മാര്‍സിലോയും പലപ്പോഴും മുന്നേറി കളിക്കുന്ന ഡിഫന്‍ഡര്‍മാരാവുമ്പോള്‍ അവരുടെ അസാന്നിദ്ധ്യം പ്രകടമാവുന്നു. രണ്ട് പേരും റയലിന് വേണ്ടി പറന്ന് കളിക്കാറുണ്ട്. പക്ഷേ ആക്രമണത്തിന് ഇവര്‍ പോവുമ്പോള്‍ പെട്ടെന്നുളള പ്രത്യാക്രമണം വരുമ്പോള്‍ റയല്‍ ഡിഫന്‍സില്‍ ആളില്ലാതെ വരുന്നു. സുവാരസ് നേടിയ ആദ്യ ഗോള്‍ ഇതിന് ഉദാഹരണമായിരുന്നു. ബാര്‍സ നിരയിലെ ഡിഫന്‍ഡര്‍മാരെ നോക്കുക-അവരാരും ആക്രമിച്ച് മുന്നേറുന്നില്ല. സെര്‍ജി റോബര്‍ട്ടോയും ജോര്‍ദി ആല്‍ബയും സ്വന്തം ഡിഫന്‍സ് ഭദ്രമാക്കി കളിക്കുന്നവരാണ്. സുവാരസ് ഗോള്‍ നേടുമ്പോള്‍ ആ നിക്കത്തിന് തുടക്കമിട്ടത് സെര്ജിയോ ബെസ്‌ക്കിറ്റസും ഇവാന്‍ റാക്കിറ്റിച്ചുമായിരുന്നു. പന്ത് പാസ് ചെയ്തതിന് ശേഷം സ്വന്തം റോള്‍ ഇവര്‍ ഭംഗിയാക്കി. സുവാരസിനെ മാര്‍ക്ക് ചെയ്യാന്‍ റയല്‍ ഡിഫന്‍സില്‍ ആരുമുണ്ടായിരുന്നവില്ല. സ്വതന്ത്രമായി പന്തുമായി മുന്നേറിയാണ് അദ്ദേഹം സ്‌ക്കോര്‍ ചെയ്തത്. സുവാരസിനെ മാര്‍ക്ക് ചെയ്യാന്‍ നിയോഗിക്കപ്പെട്ട കാര്‍വജാല്‍ ആ സമയം മുന്‍നിരയിലായിരുന്നു. റയല്‍ മുന്‍നിരയില്‍ കൃസ്റ്റിയാനോയെ ബാര്‍സ ഡിഫന്‍സ് വ്യക്തമായി മാര്‍ക്ക് ചെയ്തിരുന്നു. മാര്‍ക്കിംഗ് കൃസ്റ്റിയാനോ അതിജീവിച്ചപ്പോഴെല്ലാം അപകടകരങ്ങളായ ഷോട്ടുകള്‍ പിറന്നു. ആ സമയമാവട്ടെ ഗോള്‍ക്കീപ്പര്‍ രക്ഷകനുമായി.

ഡിഫന്‍സിലെ ജാഗ്രത

ബാര്‍സാ ഡിഫന്‍ഡര്‍മാര്‍ ജാഗ്രതയില്‍ മുന്‍പന്തിയിലായിരുന്നു. നല്ല ഉദാഹരണം ജെറാര്‍ഡ് പിക്വ തന്നെ. മുമ്പ് റയലിന് വേണ്ടി കളിച്ചിരുന്നു അദ്ദേഹം. ആ സമയത്തും സ്വന്തം ജോലിയില്‍ അദ്ദേഹം പുലര്‍ത്തിയ ജാഗ്രത അപാരമായിരുന്നു. റയലിനെതിരെ ഇന്നലെ അദ്ദേഹം പന്ത് മനോഹരമായി ക്ലിയര്‍ ചെയ്തത് എട്ട് തവണയായിരുന്നു. പിക്വ കൂട്ടുകാരോട് പറയാറുള്ളത് റയല്‍ മുന്‍നിരക്കാര്‍ക്ക് പന്ത് പാസ് ചെയ്യാന്‍ സ്വാതന്ത്ര്യം അനുവദിക്കരുതെന്നാണ്. ബാര്‍സയില്‍ പിക്വ വഹിച്ച റോളായിരുന്നു റയലില്‍ വരാനേയുടേത്. പക്ഷേ നല്ല ഒരു ക്ലിയറന്‍സിന് പോലും വരാനെക്കായില്ല.

മെസി സ്വതന്ത്രന്‍

മെസിയെ പോലെ അത്യപകടകാരിയായ ഒരു താരത്തെ സ്വതന്ത്രനാക്കി വിടുക എന്ന വിഡ്ഡിത്തം റയല്‍ മാത്രമേ കാണിക്കു-അതും സ്വന്തം മൈതാനത്ത്. മത്തിയാ കോവാസിച്ച് എന്ന താരത്തെയാണ് സിദാന്‍ മെസിയെ മാര്‍ക്ക് ചെയ്യുന്ന ജോലി ഏല്‍പ്പിച്ചത്. പക്ഷേ ക്രൊയേഷ്യന്‍ താരം ഇതിനകം ലാലീഗയില്‍ ഈ സീസണില്‍ കളിച്ചത് ആകെ മൂന്ന് മല്‍സരങ്ങളിലാണ്. അത്തരത്തില്‍ ഒരാളെ മെസിയെ നോക്കാന്‍ ഏല്‍പ്പിച്ചത് വഴി സിദാന്‍ വിമര്‍ശനങ്ങള്‍ ചോദിച്ചു വാങ്ങി. സ്പാനിഷ് സൂപ്പര്‍ കപ്പില്‍ ബാര്‍സക്കെതിരായ മല്‍സരത്തില്‍ റയലിന് വേണ്ടി കരുത്ത് പ്രകടിപ്പിച്ചിരുന്നു കോവാസിച്ച്. ആ ആത്മവിശ്വാസമാവാം സിദാനെ അദ്ദേഹത്തിന് ആദ്യ ഇലവനില്‍ തന്നെ അവസരം നല്‍കാന്‍ പ്രേരിപ്പിച്ചത്. കോവാസിച്ചിന് ഒരു ജോലി നല്‍കിയാല്‍ അദ്ദേഹം അത് ഭദ്രമാക്കും. പക്ഷേ പലപ്പോഴും മാര്‍സിലോ, കാര്‍വജാല്‍ എന്നിവരെ പോലെ അദ്ദേഹവും ആക്രമണത്തിന് തുനിയുമ്പോള്‍ മെസി സ്വതന്ത്രനാവും.

മെസിയും കൃസ്റ്റിയാനോയും

രണ്ട് പേരും അത്യുജ്ജ്വല താരങ്ങള്‍. രണ്ട് പേരും മനോഹരമായി കളിക്കുകയും ചെയ്തു. പക്ഷേ മാറ്റം എന്ന് പറയുന്നത് മെസിക്ക് പന്ത് നല്‍കാന്‍ ബാര്‍സ മധ്യനിര ധാരാളിത്തം കാട്ടിയപ്പോള്‍ കൃസ്റ്റിയാനോ പലപ്പോഴും പന്ത് കിട്ടാതെ വിഷമിച്ചു. പോര്‍ച്ചുഗലുകാരന് പന്ത് കിട്ടിയപ്പോഴെല്ലാം ബാര്‍സ വിറക്കുകയും ചെയ്തു. വ്യക്തിഗത മികവ് അളന്നാല്‍ ഒരു ഗോളും പത്തോളം സുന്ദരമായ പാസുകളുമായി മെസി കരുത്തനായി നില കൊണ്ടു. സ്വന്തം വിംഗിലുടെ മാത്രമല്ല മൈതാനത്തിന്റെ ഏത് ഭാഗത്തും അദ്ദേഹം പറന്നെത്തുന്നു, സുന്ദരമായി പന്ത് പാസ് ചെയ്യുന്നു. നല്ല ഉദാരണം അലക്‌സി വിദാല്‍ നേടിയ മൂന്നാം ഗോള്‍ തന്നെ. മെസി നല്‍കിയ സൂപ്പര്‍ പാസായിരുന്നു ഗോളില്‍ കലാശിച്ചത്.

കോച്ചിന് മാര്‍ക്ക്

ബാര്‍സ കോച്ച് വെല്‍ഡാര്‍ഡേയെ പുകഴ്ത്താതെ വയ്യ. ലൂയിസ് സുവാരസിന്റെ ഒരു ഗോളിന് ബാര്‍സ ലീഡ് ചെയ്ത വേളയില്‍ കോച്ച് പ്രതിരോധത്തില്‍ അതീവ ജാഗ്രതക്ക് നിര്‍ദ്ദേശം നല്‍കിയില്ല. മറിച്ച് ആക്രമിക്കാന്‍ നിര്‍ദ്ദേശം നല്‍കി. ഇത് വഴിയാണ് രണ്ട് ഗോളുകള്‍ പിറന്നതും ബാര്‍സ തകതര്‍പ്പന്‍ വിജയം ഉറപ്പിച്ചതും. സിദാന്‍ അത്തരത്തിലൊന്നും ചിന്തിച്ചില്ല. അദ്ദേഹം ആദ്യ പകുതിയാണ് ലക്ഷ്യമിട്ടത്. നല്ല തുടക്കം ടീമിന് ലഭിക്കുകയും തുടക്കത്തില്‍ ഗോള്‍ നേടാനായാല്‍ ബാര്‍സയെ മാനസികമായി തകര്‍ക്കാമെന്നായിരുന്നു സിസുവിന്റെ പ്ലാന്‍. പക്ഷേ ആദ്യ പകുതിയില്‍ നന്നായി കളിച്ചിട്ടും പല വേളകളിലും റയല്‍ നിര്‍ഭാഗ്യവാന്മാരായിരുന്നു. കൃസ്റ്റിയാനോയും ബെന്‍സേമയും അധ്വാനിച്ച് കളിച്ചിട്ടും ഗോള്‍ പിറന്നില്ല.

സ്വന്തം മൈതാനത്ത് നട്ടുച്ചയില്‍ കളിച്ച സൈനുദ്ദീന്‍ സിദാന്റെ സംഘം ലക്ഷ്യമില്ലാത്ത സോക്കറാണ് കാഴ്ച്ച വെച്ചത്. പെനാല്‍ട്ടി ബോക്‌സില്‍ വെച്ച് പന്ത് കൈ കൊണ്ട് തടഞ്ഞതിന് കാര്‍വജാല്‍ ചുവപ്പ് കാര്‍ഡുമായി പുറത്തായതോടെ പത്ത് പേരായിരുന്നു സംഘത്തില്‍. ഇവരെ തളക്കാനും തകര്‍ക്കാനും ലൂയിസ് സുവാരസും ലിയോ മെസിയും ധാരാളമായിരുന്നു.ഒരാഴ്ച്ച മുമ്പ് അബുദാബിയില്‍ നേടിയ ഫിഫ ക്ലബ് ഫുട്‌ബോള്‍ ഉയര്‍ത്തിയാണ് സെര്‍ജിയോ റാമോസും സംഘവും മൈതാനത്തിറങ്ങിയത്. ലോക ക്ലബ് നേട്ടത്തിന് ശേഷം ആദ്യമായി സ്വന്തം മൈതാനത്ത് കളിക്കുന്ന ടീം ആരാധകര്‍ക്കായാണ് പുത്തന്‍ കപ്പ് ഉയര്‍ത്തിയത്. പക്ഷേ അതില്‍ കഴിഞ്ഞു ചാമ്പ്യന്മാരുടെ വീര്യം. പിന്നെയെല്ലാം കളത്തില്‍ ബാര്‍സയായിരുന്നു. മല്‍സരത്തിന്റെ മൂന്നാം മിനുട്ടില്‍ ചാമ്പ്യന്‍ താരം കൃസ്റ്റിയാനോ റൊണാള്‍ഡോ ബാര്‍സയുടെ വലയില്‍ പന്ത് എത്തിച്ചിരുന്നു. പക്ഷേ ലൈന്‍ റഫറിയുടെ ഓഫ് സൈഡ് ഫ്‌ളാഗ് വില്ലനായി.

മല്‍സരം അര മണിക്കൂര്‍ പിന്നിട്ടപ്പോള്‍ കൃസ്റ്റിയാനോയുടെ മറ്റൊരു അത്യുഗ്രന്‍ ഗ്രൗണ്ടര്‍ ബാര്‍സ ഗോള്‍ക്കീപ്പര്‍ മാര്‍ക്ക് ആന്ദ്രെ തടഞ്ഞതോടെ ഒരു കാര്യം വ്യക്തമായി-ഇന്നത്തെ ദിനം ആതിഥേയരുടേതല്ല,. മാര്‍സിലോയുടെ ക്രോസില്‍ നിന്നും ഉയര്‍ന്ന് പന്ത് കരീം ബെന്‍സേമ ലക്ഷ്യം വെച്ചെങ്കിലും പന്ത് പുറത്ത് പോയപ്പോള്‍ കാണികള്‍ തല താഴ്ത്തി. ഒന്നാം പകുതി അവസാനിക്കുമ്പോള്‍ ആരുമാരും ഗോളടിച്ചിരുന്നില്ല. രണ്ടാം പകുതി തുടങ്ങിയതും വെയിലിനെ അവഗണിച്ച് ബാര്‍സ കുതിക്കാന്‍ തുടങ്ങി. അമ്പത്തിനാലാം മിനുട്ടില്‍ ഉറുഗ്വേക്കാരന്‍ സുവാരസ് റയലിനെയും ആരാധകരെയും ഞെട്ടിച്ചു- റയല്‍ പ്രതിരോധത്തെ ഓട്ടത്തില്‍ കീഴടക്കിയുള്ള ഷോട്ടിന് മുന്നില്‍ കൈലര്‍ നവാസും നിസ്സഹായനായി.

പത്ത് മിനുട്ടിന് ശേഷം രണ്ടാം ഗോളുമെത്തി. മെസിയും സുവാരസും തമ്മിലുള്ള മുന്നേറ്റത്തിനൊടുവില്‍ പിറന്ന ഷോട്ടിന് കാര്‍വജാല്‍ കൈ വെച്ചപ്പോള്‍ റഫറി സ്‌പോട്ട് കിക്കിന് വിരല്‍ ചൂണ്ടി-മെസിയുടെ സ്‌പോട്ട് കിക്ക് നവാസിനെ് തളര്‍ത്തി. രണ്ട് ഗോളിന് ബാര്‍സ മുന്നില്‍ വന്നതോടെ ഗ്യാലറി നിശബ്ദമായി. ഇടക്കിടെ കൃസ്റ്റിയാനോ നടത്തിയ റെയ്ഡുകള്‍ ഫലപ്രദമായില്ല. അവസാന മിനുട്ടില്‍ അവസാന ആണിയുമടിച്ച് അലക്‌സി വിദാലിന്റെ ഗോളുമെത്തിയതോടെ ചരിത്രത്തിലെ വലിയ നാണക്കേടില്‍ തരിപ്പണമായി റയല്‍.