”എല്ലാ സുരക്ഷാ പരിശോധനയും പേരും ഫോണ്‍ നമ്പറും കൗണ്ടറില്‍ നല്‍കി മുഖ്യമന്ത്രിക്ക് മുമ്പില്‍ പരാതി നല്‍കാനാണ് എത്തിയത്. ബോബി ചെമ്മണ്ണൂര്‍ ഹാളിലേക്ക് കടന്നുവന്നു. അദ്ദേഹത്തിന് ഇരിക്കാനായി എന്റെ കസേര ഒഴിഞ്ഞുകൊടുത്തു. സംഘാടകര്‍ മറ്റൊരു കസേര എനിക്കായി തന്നു. അപ്പോള്‍ പി സതീദേവി ഹാളിലേക്ക് കടന്നു വന്നു. ഉടനെ അവര്‍ക്ക് എന്റെ കസേര നല്‍കി. മൂന്നാം തവണ സംഘാടകര്‍ എനിക്ക് വീണ്ടും കസേര തന്നു. എന്നാല്‍ സഖാവ് എളമരം കരീം എന്റെ അടുത്ത് വന്ന് നിങ്ങള്‍ പുറത്ത് പോകണം എന്നും ക്ഷണിക്കാതെ വന്ന ആളാണെന്നും പറയുകയായിരുന്നു.” ബാലന്‍ പ്രസ്താവനയില്‍ ചൂണ്ടിക്കാട്ടി.

താന്‍ ക്ഷണിച്ചിട്ടാണ് വന്നതെന്നും നിവേദനം കൊടുത്ത് ഉടനെ പോകുമെന്നും പറഞ്ഞെങ്കിലും നിവേദനും ഒരു കുന്തവും കൊടുക്കാനുള്ള ഏര്‍പ്പാടൊന്നും ഇവിടെയില്ലെന്ന് പറഞ്ഞ് ഹാള്‍ വിട്ട് ഉടനെ പുറത്ത് പോകണമെന്ന് ആവശ്യപ്പെടുകയായിരുന്നു എന്നും ബാലന്‍ പറഞ്ഞു. എളമരം കരീമില്‍ നിന്ന് മുമ്പും ഇത്തരം അനുഭവം ഭിന്നശേഷിക്കാര്‍ക്ക് നേരെ ഉണ്ടായിട്ടുണ്ട്. അന്ന് താന്‍ അടങ്ങുന്ന സംഘം അദ്ദേഹത്തിന്റെ വീട്ടുപടിക്കല്‍ ധര്‍ണ നടത്തിയിട്ടുണ്ട്. അപ്പോള്‍ മുതല്‍ അദ്ദേഹത്തിന് തന്നോട് കടുത്ത വിരോധമുണ്ടെന്നും ബാലന്‍ പറഞ്ഞു. ‘കണ്ണ്‌പൊട്ടനും കാതുപൊട്ടനും കാല് പൊട്ടനും സൗജന്യ യാത്ര ഇളവ് കൊടുത്തതാണ് കെ.എസ്.ആര്‍.ടി.സി നഷ്ടത്തിലാവാന്‍ കാരണം എന്നായിരുന്നു എളമരം കരീമിന്റെ അന്നത്തെ വിവാദ പ്രസ്താവന. ഇനിയും ഇത്തരം സംഭവം ആവര്‍ത്തിച്ചാല്‍ എളമരം കരീമിനെ തെരുവില്‍ തടയുമെന്നും അദ്ദേഹം മുന്നറിയിപ്പ് നല്‍കി.

മാവൂര്‍ ഭാഗത്ത് പുഴവെള്ളം കരകവിഞ്ഞതോടെ എളമരം കടവില്‍ യാത്രാ ബോട്ടുകള്‍ റോഡിലേക്ക് നീങ്ങിയ അവസ്ഥയിലാണ്. ചാലിയാറില്‍ നിന്നും വെള്ളം എളമരം അങ്ങാടിയിലേക്ക് നിറഞ്ഞൊഴുകി. ചാലിയാറിനു സമീപത്തെ എല്ലാ റോഡുകളും വെള്ളത്തിന് അടിയിലാണ്.

എളമരം അങ്ങാടി

മലപ്പുറത്തിന്റെയും കോഴിക്കോടിന്റെയും അതിര്‍ത്തിയായ മാവൂരില്‍ ചാലിയാര്‍ പുഴക്കരികെയുള്ള ഭാഗങ്ങളില്‍ കനത്ത ദുരന്തമാണുണ്ടായത്. ചാലിയാറിനോടു ചേര്‍ത്ത പ്രദേശങ്ങളിലൊക്കെ കനത്ത ഒഴുക്കുണ്ടായതിനാല്‍ വീടുകളൊഴിഞ്ഞ് മറ്റിടങ്ങളിലേക്ക് മാറുന്നതു പോലും പ്രതിസന്ധിയിലായി. മാവൂരിന്റെ മറുഭാഗത്ത് ഇരുവഴിഞ്ഞിപ്പുഴയും ചെറുപുഴയും കരകവിഞ്ഞൊഴുകി. മാവൂരിന്റെ ചരിത്രത്തില്‍ ആദ്യമായാണ് ഇത്ര വലിയ വെള്ളപ്പൊക്കം. വെള്ളം കയറിയേക്കുമെന്ന് സ്വപ്‌നത്തില്‍ പോലും കണ്ടിട്ടില്ലാത്ത വീടുകള്‍ ഒറ്റപ്പെട്ടു കുടുങ്ങി. അറൂനൂറിലേറെ കുടുംബങ്ങള്‍ വീടൊഴിഞ്ഞു എന്നതായിരുന്നു പ്രാഥമിക വിവരം. മിക്കവാറും ആളുകള്‍ ബന്ധുവീടുകളിലാണ്.

മുസ്‌ലിംങ്ങളുടെ ശത്രുക്കളായ ഇവരോട് മൃദുസമീപനം സ്വീകരിച്ചത് തെറ്റായിപ്പോയി. എസ്.ഡി.പി.ഐയുടെ സഹകരണത്തോടെ പഞ്ചായത്ത് തെരഞ്ഞെടുപ്പില്‍ വിജയിച്ചവരോട് രാജിവെക്കണമെന്ന് നിര്‍ദേശം നല്‍കിയെന്നും എളമരം കരീം പറഞ്ഞു. എറണാകുളം മഹാരാജാസ് കോളേജിലെ എസ്.എഫ്.ഐ നേതാവായ അഭിമന്യുവിനെ എസ്ഡിപിഐ-പോപ്പുലര്‍ ഫ്രണ്ട് പ്രവര്‍ത്തകര്‍ കൊലപ്പെടുത്തിയ സംഭവത്തിന്റെ പശ്ചാത്തലത്തിലാണ് അദ്ദേഹത്തിന്റെ പ്രതികരണം.

എസ്.ഡി.പി.ഐയുടെ പ്രവര്‍ത്തനം രാജ്യത്തിന്റെ ഐക്യത്തിനും അഖണ്ഡതക്കും ഭീഷണിയാണ്. എസ്.ഡി.പി.ഐ.യുമായി സഹകരിച്ച് മലപ്പുറത്ത് ചില പഞ്ചായത്തുകളില്‍ മല്‍സരിച്ച് ജയിച്ചെന്ന് മനസിലാക്കുന്നു. അവര്‍ക്കെതിരെ ശക്തമായ നടപടിയെടുക്കും. മതപരിവര്‍ത്തനത്തെ പ്രോത്സാഹിപ്പിക്കുന്ന ഭീകരവാദികളാണ് പോപ്പുലര്‍ ഫ്രണ്ട്. സിമിയുടെ നേതാക്കള്‍തന്നെയാണ് പോപ്പുലര്‍ ഫ്രണ്ടിനെയും നയിക്കുന്നതെന്നും അദ്ദേഹം കൂട്ടിച്ചേര്‍ത്തു.

എസ്.ഡി.പി.ഐ പോപ്പുലര്‍ ഫ്രണ്ട് സംഘടനകള്‍ക്ക് കേരളത്തിന് പുറത്ത് ഒളിത്താവളങ്ങളുണ്ട്. ഇവരെ മാറ്റി നിര്‍ത്താന്‍ പള്ളിക്കമ്മിറ്റികള്‍ ബോധപൂര്‍വ്വം ശ്രമിക്കണമെന്നും എളമരം കരീം പറഞ്ഞു. അതിനിടെ കോഴിക്കോട് ജില്ലയിലെ 16 എസ്.ഡി.പി.ഐ. പ്രവര്‍ത്തകര്‍ക്കെതിരെ കേസെടുത്തു. മഹാരാജാസിലെ അഭിമന്യു വധത്തിന്റെ പശ്ചാതലത്തിലാണ് നടപടി. ആറു മാസം ഇവരുടെ പ്രവര്‍ത്തനം നിരീക്ഷിക്കും.

തിരുവനന്തപുരത്ത് വെള്ളിയാഴ്ച്ച ചേര്‍ന്ന സംസ്ഥാന സെക്രട്ടറിയേറ്റിലാണ് രാജ്യസഭാസീറ്റ് സംബന്ധിച്ച് തീരുമാനമായത്. സി.പി.ഐയുടെ സ്ഥാനാര്‍ത്ഥിയായി ബിനോയി വിശ്വമാണ് മത്സരിക്കുന്നത്.

കേരളത്തില്‍ നിന്ന് മൂന്ന് സീറ്റിലേക്കാണ് ഒഴിവു വരുന്നത്. യു.ഡി.എഫിന് ജയിക്കാന്‍ കഴിയുന്ന സീറ്റ് കേരള കോണ്‍ഗ്രസ്സിന് കോണ്‍ഗ്രസ് വിട്ടുനല്‍കിയിരുന്നു.

കോഴിക്കോട്: കണ്ണൂര്‍ കീഴാറ്റൂരിലെ വയല്‍ക്കിളികള്‍ നടത്തി വരുന്ന സമരം ജനകീയ സമരമല്ലെന്ന് സി പി എം കേന്ദ്രകമ്മിറ്റിയംഗവും സി.ഐ.ടി.യു സംസ്ഥാന ജനറല്‍ സെക്രട്ടറിയുമായ എളമരംകരീം. പ്രദേശത്തെ കര്‍ഷകരില്‍ ഭൂരിഭാഗവും സമരത്തില്‍ നിന്നും പിന്‍മാറിയിട്ടുണ്ട്്. ഇപ്പോള്‍ സമരം നടത്തുന്നത് മറ്റു പ്രദേശങ്ങളില്‍ നിന്ന് എത്തിയവരാണ്. റോഡ് വികസനത്തിനായി കൃഷി ഭൂമി ഏറ്റെടുക്കുന്നതിന്റെ ഭാഗമായി പ്രദേശത്തുകാരായ കര്‍ഷകര്‍ക്ക് പ്രശ്‌നങ്ങളുണ്ട്. എന്നു കരുതി റോഡു വേണ്ടെന്ന അഭിപ്രായക്കാരായി ആരെങ്കിലുമുണ്ടെന്ന് കരുതുന്നില്ല. വയല്‍ക്കിളികളുടെ സമരപ്പന്തല്‍ തീയിട്ടത് ശരീരത്തില്‍ മണ്ണെണ്ണയൊഴിച്ച് തീപ്പെട്ടിയുമായി നിന്നവരാണോ അതോ സിപിഎംകാരാണോ എന്നതു ചിന്തിക്കേണ്ടിയിരിക്കുന്നു. ഇത്തരം പ്രാദേശിക അരാഷ്ട്രീയ സമരങ്ങളെ മാധ്യമങ്ങളാണ് ഉയര്‍ത്തിക്കൊണ്ടുവരുന്നതെന്നും എളമരം കരീം കുറ്റപ്പെടുത്തി. കുറ്റിപ്പുറത്തെ ദേശീയപാത സമരത്തില്‍ സി ആര്‍ നീലകണ്ഠനെ പോലുള്ളവരാണ് മുന്നിലുള്ളത്. കീഴാറ്റൂര്‍ സമരത്തിലും പുറത്തുള്ളവരാണ് സമരത്തെ നയിക്കുന്നത്. നഴ്‌സുമാരുടെ സംഘടനയായ യുഎന്‍എയുടെ സമരം, മൂന്നാറിലെ പൊമ്പിളൈ ഒരുമൈ സമരം എന്നിവയെല്ലാം അരാഷ്ട്രീയ സമരങ്ങളാണ്. അത്തരം സമരങ്ങളെ മാത്രമാണ് മാധ്യമങ്ങള്‍ പിന്തുണക്കുന്നത്. കോഴിക്കോട് കോട്ടൂളിയില്‍ കൊടികുത്തിയ സംഭവം ശ്രദ്ധയില്‍പെട്ടിട്ടില്ല. തര്‍ക്കമുള്ളിടത്ത് കൊടികുത്തുക എന്നത് പാര്‍ട്ടിയുടെ നയമല്ല. പുതുപ്പാടിയില്‍ അതിര്‍ത്തി തര്‍ക്കത്തിന്റെ പേരില്‍ അയല്‍ക്കാര്‍ തമ്മിലുള്ള പ്രശ്്‌നമാണ്. അതില്‍ സി.പി.എമ്മുകാരും പെട്ടിട്ടുണ്ടാവും. അതില്‍ ചിലര്‍ കൊടികുത്തി. പാര്‍ട്ടി ഇടപെട്ട് മാറ്റുകയും ചെയ്തു. നിയമവിരുദ്ധമായ പ്രശ്‌നങ്ങള്‍ ഉണ്ടാകുമ്പോള്‍ നിയമവിധേയമായി മാത്രമെ പാര്‍ട്ടി ഇടപെടുകയുള്ളു. കയ്യേറ്റമോ മുഷ്‌കോ പാടില്ല എന്നതുതന്നെയാണ് പാര്‍ട്ടിയുടെ നിലപാട്. എളമരം കരീം പറഞ്ഞു.